Sri Paduka Ashtakam in Malayalam:
॥ ശ്രീപാദുകാഷ്ടകം ॥
ഗോകുലേശപാദപദ്മമണ്ഡനൈകമണ്ഡിതേ
സുരേശശേഷസര്‍വദേശവാസിവൃന്ദവന്ദിതേ ।
അനന്യഭക്തവാഞ്ഛിതാഖിലാര്‍ഥസിദ്ധിസാധികേ
നമോ നമോഽസ്തു വാം സദൈവ ഗോകുലേശപാദുകേ ॥ 1॥
മഹാര്‍ഹരത്നനിര്‍മിതേ സുഹേമപീതസംസ്ഥിതേ
സ്വസേവകൈകസേവിതേ സുപുഷ്പവാസവാസിതേ ।
സ്വരൂപബുദ്ധിഹീനജീവസത്സ്വരൂപബോധികേ
നമോ നമോഽസ്തു വാം സദൈവ ഗോകുലേശപാദുകേ ॥ 2॥
സ്വസേവനൈകചേതസാമനന്യഭക്തിദായികേ
കൃപാസുഘൈകസിക്തഭക്തകാമമോഹനാശികേ ।
മഹാന്ധകാരലീനജീവഹൃത്പ്രകാശചന്ദ്രികേ
നമോ നമോഽസ്തു വാം സദൈവ ഗോകുലേശപാദുകേ ॥ 3॥
നിജാശ്രയസ്ഥിതാഖിലാപദാം സദാ വിദാരകേ
ഹ്യനേകതാപതപ്തജീവഗാങ്ഗവാരിവീചികേ ।
സമാഗതസ്യ സന്നിധൌ ദുരന്തമോഹഭഞ്ജികേ
നമോ നമോഽസ്തു വാം സദൈവ ഗോകുലേശപാദുകേ ॥ 4॥
സദുഃഖദാവവഹ്നിദഗ്ധമുഗ്ധജീവസൌഖ്യദേ
ചണ്ഡകാലവ്യാലഗ്രസ്തത്രസ്തവിശ്വമോക്ഷിചേകേ ।
സ്വഭക്തശുദ്ധമാനസേ വിരാജമാനഹംസികേ
നമോ നമോഽസ്തു വാം സദൈവ ഗോകുലേശപാദുകേ ॥ 5॥
സുപാദുകേതികീര്‍തനാദ്ഭവാബ്ധിതോഽപി താരികേ
സ്വസേവനാത്സദാ നൃണാം സുഖൈകവൃദ്ധികാരികേ ।
മഹേന്ദ്രചന്ദ്രബ്രഹ്മഭാനുമൌലിഹേമമാലികേ
നമോ നമോഽസ്തു വാം സദൈവ ഗോകുലേശപാദുകേ ॥ 6॥
മഹര്‍ഷിദേവസിദ്ധവൃന്ദചാമരപ്രവീജിതേ
ചതുര്‍ദിഗന്തവാരിധൌ നിജപ്രതാപഗര്‍ജിതേ ।
ഭവാബ്ധിമഗ്നജീവജാതശോകമോഹഹാരികേ
നമോ നമോഽസ്തു വാം സദൈവ ഗോകുലേശപാദുകേ ॥ 7॥
യഥോദ്ധവായ ഭക്തിഭാവഭാവിതായ ചാര്‍പിതേ
തഥൈവ ഗോകുലേശ്വരേണ സേവകായ ചാര്‍പിതേ ।
നിരസ്യ മായികം വചഃ സ്വപുഷ്ടിമാര്‍ഗദര്‍ശികേ
നമോ നമോഽസ്തു വാം സദൈവ ഗോകുലേശപാദുകേ ॥ 8॥
യേ പാദുകാഷ്ടകമിദം നിയതം പതന്തി
വിപ്രോദ്ധവേന രചിതം മഹതാം പ്രസാദാത് ।
തേ യാന്തി ഗോകുലപതേശ്ചരണാരവിന്ദം
സാന്നിധ്യമുക്തിഗതിമത്ര ച തത്പ്രസാദാത് ॥ 9॥
ഇതി ഉദ്ധവരചിതം ശ്രീപാദുകാഷ്ടകം സമ്പൂര്‍ണം ।
Also Read:
Shri Paduka Ashtakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil