Templesinindiainfo

Best Spiritual Website

Shri Shodashi Shatanama Stotram Lyrics in Bengali | Durga Slokam

Shri Shodashishatanama Stotram Bengali Lyrics:

॥ শ্রীষোডশীশতনামস্তোত্রম্ ॥

ভৃগুরুবাচ –
চতুর্বক্ত্র জগন্নাথ স্তোত্রং বদ ময়ি প্রভো ।
য়স্যানুষ্ঠানমাত্রেণ নরো ভক্তিমবাপ্নুয়াত্ ॥ ১ ॥

ব্রহ্মোবাচ –
সহস্রনাম্নামাকৃষ্য নাম্নামষ্টোত্তরং শতম্ ।
গুহ্যাদ্গুহ্যতরং গুহ্যং সুন্দর্যাঃ পরিকীর্তিতম্ ॥ ২ ॥

অস্য শ্রীষোডশ্যষ্টোত্তরশতনামস্তোত্রস্য শম্ভুরৃষিঃ
অনুষ্টুপ্ ছন্দঃ শ্রীষোডশী দেবতা ধর্মার্থকামমোক্ষসিদ্ধয়ে
বিনিয়োগঃ ॥

ওঁ ত্রিপুরা ষোডশী মাতা ত্র্যক্ষরা ত্রিতয়া ত্রয়ী ।
সুন্দরী সুমুখী সেব্যা সামবেদপরায়ণা ॥ ৩ ॥

শারদা শব্দনিলয়া সাগরা সরিদম্বরা ।
শুদ্ধা শুদ্ধতনুস্সাধ্বী শিবধ্যানপরায়ণা ॥ ৪ ॥

স্বামিনী শম্ভুবনিতা শাম্ভবী চ সরস্বতী ।
সমুদ্রমথিনী শীঘ্রগামিনী শীঘ্রসিদ্ধিদা ॥ ৫ ॥

সাধুসেব্যা সাধুগম্যা সাধুসন্তুষ্টমানসা ।
খট্বাঙ্গধারিণী খর্বা খড্গখর্পরধারিণী ॥ ৬ ॥

ষড্বর্গভাবরহিতা ষড্বর্গপরিচারিকা ।
ষড্বর্গা চ ষডঙ্গা চ ষোঢা ষোডশবার্ষিকী ॥ ৭ ॥

ক্রতুরূপা ক্রতুময়ী ঋভুক্ষক্রতুমণ্ডিতা ।
কবর্গাদি পবর্গান্তা অন্তস্থানন্তরূপিণী ॥ ৮ ॥

অকারাকাররহিতা কালমৃত্যুজরাপহা ।
তন্বী তত্ত্বেশ্বরী তারা ত্রিবর্ষা জ্ঞানরূপিণী ॥ ৯ ॥

কালী করালী কামেশী ছায়া সংজ্ঞাপ্যরুন্ধতী ।
নির্বিকল্পা মহাবেগা মহোত্সাহা মহোদরী ॥ ১০ ॥

মেঘা বলাকা বিমলা বিমলজ্ঞানদায়িনী ।
গৌরী বসুন্ধরা গোপ্ত্রী গবাম্পতিনিষেবিতা ॥ ১১ ॥

ভগাঙ্গা ভগরূপা চ ভক্তিভাবপরায়ণা ।
ছিন্নমস্তা মহাধূমা তথা ধূম্রবিভূষণা ॥ ১২ ॥

ধর্মকর্মাদি রহিতা ধর্মকর্মপরায়ণা ।
সীতা মাতঙ্গিনী মেধা মধুদৈত্যবিনাশিনী ॥ ১৩ ॥

ভৈরবী ভুবনা মাতাঽভয়দা ভবসুন্দরী ।
ভাবুকা বগলা কৃত্যা বালা ত্রিপুরসুন্দরী ॥ ১৪ ॥

রোহিণী রেবতী রম্যা রম্ভা রাবণবন্দিতা ।
শতয়জ্ঞময়ী সত্ত্বা শতক্রতুবরপ্রদা ॥ ১৫ ॥

শতচন্দ্রাননা দেবী সহস্রাদিত্যসন্নিভা ।
সোমসূর্যাগ্নিনয়না ব্যাঘ্রচর্মাম্বরাবৃতা ॥ ১৬ ॥

অর্ধেন্দুধারিণী মত্তা মদিরা মদিরেক্ষণা ।
ইতি তে কথিতং গোপ্যং নাম্নামষ্টোত্তরং শতম্ ॥ ১৭ ॥

সুন্দর্যাঃ সর্বদং সেব্যং মহাপাতকনাশনম্ ।
গোপনীয়ং গোপনীয়ং গোপনীয়ং কলৌ য়ুগে ॥ ১৮ ॥

সহস্রনামপাঠস্য ফলং য়দ্বৈ প্রকীর্তিতম্ ।
তস্মাত্কোটিগুণং পুণ্যং স্তবস্যাস্য প্রকীর্তনাত্ ॥ ১৯ ॥

পঠেত্সদা ভক্তিয়ুতো নরো য়ো নিশীথকালেঽপ্যরুণোদয়ে বা ।
প্রদোষকালে নবমীদিনেঽথবা লভেত ভোগান্পরমাদ্ভুতান্প্রিয়ান্ ॥ ২০ ॥

ইতি ব্রহ্ময়ামলে পূর্বখণ্ডে ষোডশ্যষ্টোত্তরশতনামস্তোত্রং সমাপ্তম্ ॥

Also Read:

Shri Shodashi Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Shodashi Shatanama Stotram Lyrics in Bengali | Durga Slokam

Leave a Reply

Your email address will not be published. Required fields are marked *

Scroll to top