Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Siva Gitimala – Shiva Ashtapadi or Lyrics in Bengali

Siva Gitimala – Shiva Ashtapadi or Lyrics in Bengali

30 Views

About Shiva Gitimala !! Shiva Ashtapadi:

Shiva Gitimala was composed by Jagadguru Sri Chandra Sekharendra Saraswathi the 62nd seer of Sri Kanchi Kamakoti Peedam, composed of 20 exciting verses known as Ashtapadi, praising the pleasing moments of Lord Ekamreshwarar and the goddess Sri Kamakshi Devi. This beautiful composition represents the despair, devotion and dedication of the individual soul / Jeevathma, to achieve union with the supreme soul / Paramathma to attain eternal happiness. Shiva Ashtapadi / Shiva Gitimala begins with the veneration of Lord Ganesha. The entire verses illustrate the miserable state of separation of the goddess Parvathi from Lord Shiva. The goddess Sri Parvati underwent severe penance on the banks of the Kampa River to unite with Lord Shiva. The divine couple suffers an unbearable pain of separation; Lord Shiva descended to Earth and resides under a mango tree where the goddess Sri Parvati undertaking penance was observed by a faithful companion of the goddess and was duly informed. The state of remorse, abandonment, guilt and the messages exchanged through the companion of the goddess Sri Parvati, etc. They are beautifully represented in the Ashtapadi. Finally, Lord Shiva appears before the goddess Sri Parvati and apologizes profusely, after a first hardness between the couple and a happy union.

Lord Siva Gitimala and Ashtapadi Lyrics in Bengali:

॥ প্রথমঃ সর্গঃ ॥
ধ্যানশ্লোকাঃ –
সকলবিঘ্ননিবর্তক শঙ্করপ্রিয়সুত প্রণতার্তিহর প্রভো ॥

মম হৃদম্বুজমধ্যলসন্মণীরচিতমণ্ডপবাসরতো ভব ॥ ১ ॥

বিধিবদনসরোজাবাসমাধ্বীকধারা
বিবিধনিগমবৃন্দস্তূয়মানাপদানা ।
সমসময়বিরাজচ্চন্দ্রকোটিপ্রকাশা
মম বদনসরোজে শারদা সন্নিধত্তাম্ ॥ ২ ॥

য়দনুভবসুধোর্মীমাধুরীপারবশ্যং
বিশদয়তি মুনীনাত্মনস্তাণ্ডবেন ।
কনকসদসি রম্যে সাক্ষিণীবীক্ষ্যমাণঃ
প্রদিশতু স সুখং মে সোমরেখাবতংসঃ ॥ ৩ ॥

শর্বাণি পর্বতকুমারি শরণ্যপাদে
নির্বাপয়াস্মদঘসন্ততিমন্তরায়ম্ ।
ইচ্ছামি পঙ্গুরিব গাঙ্গজলাবগাহ-
মিচ্ছামিমাং কলয়িতুং শিবগীতিমালাম্ ॥ ৪ ॥

শিবচরণসরোজধ্যানয়োগামৃতাব্ধৌ
জলবিহরণবাঞ্ছাসঙ্গতং য়স্য চেতঃ ।
নিখিলদুরিতমভঙ্গব্যাপৃতং বা মনোজ্ঞং
পরশিবচরিতাখ্যং গানমাকর্ণনীয়ম্ ॥ ৫ ॥

॥ প্রথমাষ্টপদী ॥

মালবীরাগেণ আদিতালেন গীয়তে
(প্রলয়পয়োধিজলে ইতিবত্)

কনকসভাসদনে বদনে দরহাসং
নটসি বিধায় সুধাকরভাসং
শঙ্কর ধৃততাপসরূপ জয় ভবতাপহর ॥ ১ ॥

জলধিমথনসময়ে গরলানলশৈলং
বহসি গলস্থমুদিত্বরকীলং
শঙ্কর ধৃতনীলগলাখ্য জয় ভবতাপহর ॥ ২ ॥

বিধুরবিরথচরণে নিবসন্নবনিরথে
পুরমিষুণা হৃতবানিতয়োধে
শঙ্কর বর বীরমহেশ জয় ভবতাপহর ॥ ৩ ॥

কুসুমশরাসকরং পুরতো বিচরন্তং
গিরিশ নিহিংসিতবানচিরং তং
শঙ্কর মদনারিপদাখ্য জয় ভবতাপহর ॥ ৪ ॥

বটতরুতলমহিতে নিবসন্মণিপীঠে
দিশসি পরাত্মকলামতিগাঢে
শঙ্কর ধৃতমৌন গভীর জয় ভবতাপহর ॥ ৫ ॥

জলনিধিসেতুতটে জনপাবনয়োগে
রঘুকুলতিলকয়শঃ প্রবিভাগে
শঙ্কর রঘুরামমহেশ জয় ভবতাপহর ॥ ৬ ॥

তনু ভৃদবনকৃতে বরকাশীনগরে
তারকমুপদিশসি স্থলসারে
শঙ্কর শিব বিশ্বমহেশ জয় ভবতাপহর ॥ ৭ ॥

নিগমরসালতলে নিরবধিবোধঘন
শ্রীকামক্ষিকুচকলশাঙ্কন
শঙ্কর সহকারমহেশ জয় ভবতাপহর ॥ ৮ ॥

কচ্ছপতনুহরিণা নিস্তুলভক্তিয়ুজা
সন্ততপূজিতচরণসরোজ
শঙ্কর শিব কচ্ছপ লিঙ্গ জয় ভবতাপহর ॥ ৯ ॥

শঙ্করবরগুরুণা পরিপূজিতপাদ
কাঞ্চিপুরে বিবৃতাখিলবেদ
শঙ্কর বিধুমৌলিমহেশ জয় ভবতাপহর ॥ ১০ ॥

শ্রীবিধুমৌলিয়তেরিদমুদিতমুদারং
শ্রৃণু করুণাভরণাখিলসারং
শঙ্করারুণশৈলমহেশ জয় ভবতাপহর ॥ ১১ ॥

শ্লোকঃ
কনকসভানটায় হরিনীলগল়ায় নম-
স্ত্রিপুরহরায় মাররিপবে মুনিমোহভিদে ।
রঘুকৃতসেতবে বিমলকাশিজুষে ভবতে
নিগমরসাল কূর্মহরিপূজিত চন্দ্রধর ॥ ॥ ৬ ॥

পাপং বারয়তে পরং ঘটয়তে কালং পরাকুর্বতে
মোহং দূরয়তে মদং শময়তে মত্তাসুরান্ হিংসতে ।
মারং মারয়তে মহামুনিগণানানন্দিনঃ কুর্বতে
পার্বত্যা সহিতায় সর্বনিধয়ে শর্বায় তুভ্যং নমঃ ॥ ৭ ॥

॥ দ্বিতীয়াষ্টপদী ॥

ভৈরবীরাগেণ ত্রিপুটতালেন গীয়তে
(শ্রিতকমলাকুচ ইতিবত্)
কলিহরচরিতবিভূষণ শ্রুতিভাষণ
করতলবিলসিতশূল জয় ভবতাপহর ॥ ১ ॥

দিনমণিনিয়ুতবিভাসুর বিজিতাসুর
নলিননয়নকৃতপূজ জয় ভবতাপহর ॥ ২ ॥

নির্জিতকুসুমশরাসন পুরশাসন
নিটিলতিলকশিখিকীল জয় ভবতাপহর ॥ ৩ ॥

পদয়ুগবিনতাখণ্ডল ফণিকুণ্ডল
ত্রিভুবনপাবন পাদ জয় ভবতাপহর ॥ ৪ ॥

অন্ধকদানবদারণ ভবতারণ
স্মরতনুভসিতবিলেপ জয় ভবতাপহর ॥ ৫ ॥

হিমকরশকলবতংসক ফণিহংসক
গগনধুনীধৃতশীল জয় ভবতাপহর ॥ ৬ ॥

পরমতপোধনভাবিত সুরসেবিত
নিখিলভুবনজনপাল জয় ভবতাপহর ॥ ৭ ॥

করিমুখশরভবনন্দন কৃতবন্দন
শ্রৃণুশশিধরয়তিগীতং জয় ভবতাপহর ॥ ৮ ॥

শ্লোকঃ
তুহিনগিরিকুমারী তুঙ্গবক্ষোজকুম্ভ-
স্ফুটদৃঢপরিরম্ভশ্লিষ্ট দিব্যাঙ্গরাগম্ ।
উদিতমদনখেদস্বেদমংসান্তরং মাং
অবতু পরশুপাণের্ব্যক্ত গাঢানুরাগম্ ॥ ৮ ॥

বাসন্তিকাকুসুমকোমলদর্শনীয়ৈঃ
অঙ্গৈরনঙ্গবিহিতজ্বরপারবশ্যাত্ ।
কম্পাতটোপবনসীমনি বিভ্রমন্তীং
গৌরিমিদং সরসমাহ সখী রহস্যম্ ॥ ৯ ॥

॥ তৃতীয়াষ্টপদী ॥

বসন্তরাগেণ আদিতালেন গীয়তে
(ললিতলবঙ্গলতা ইতিবত্)
বিকসদমলকুসুমানুসমাগমশীতলমৃদুলসমীরে
অতিকুলকলরবসম্ভৃতঘনমদপরভৃতঘোষগভীরে
বিলসতি সুরতরুসদসি নিশান্তে
বরয়ুবতিজনমোহনতনুরিহ শুভদতি বিততবসন্তে বিলসতি ॥ ১ ॥

কুসুমশরাসনশবরনিষূদিতকুপিতবধূধৃতমানে
ধনরসকুঙ্কুমপঙ্কবিলেপনবিটজনকুতুকবিধানে বিলসতি ॥ ২ ॥

কুসুমিতবালরসালমনোহরকিসলয়মদনকৃপাণে
মধুকরমিথুনপরস্পরমধুরসপাননিয়োগধুরীণে বিলসতি ॥ ৩ ॥

মদনমহীপতিশুভকরমন্ত্রজপায়িতমধুকরঘোষে
অবিরলকুসুমমরন্দকৃতাভিনিষেচনতরুমুনিপোষে বিলসতি ॥ ৪ ॥

মদননিদেশনিবৃত্তকলেবরমর্দনমলয়সমীরে
তুষিতমধুব্রতসঞ্চলদতিথিসুপূজনমধুরসপূরে বিলসতি ॥ ৫ ॥

সুচিরকৃতব্রতমৌনবনপ্রিয়মুনিজনবাগনুকূলে
ললিতলতাগৃহবিহৃতিকৃতশ্রময়ুবতিসুখানিলশীলে বিলসতি ॥ ৬ ॥

বিষমশরাবনিপালরথায়িতমৃদুলসমীরণজালে
বিরহিজনাশয়মোহনভসিতপরাগবিজৃম্ভণকালে বিলসতি ॥ ৭ ॥

শ্রীশিবপূজনয়তমতি চন্দ্রশিখামণিয়তিবরগীতং
শ্রীশিবচরণয়ুগস্মৃতিসাধকমুদয়তু বন্যবসন্তং বিলসতি ॥ ৮ ॥

শ্লোকঃ
বিকচকমলকম্পাশৈবলিন্যাস্তরঙ্গৈঃ
অবিরলপরিরম্ভঃ সম্ভ্রমন্ মঞ্জরীণাম্ ।
পরিসররসরাগৈর্ব্যাপ্তগাত্রানুলেপো
বিচরতি কিতবোঽয়ং মন্দমন্দং সমীরঃ ॥ ৯ ॥

॥ দ্বিতীয়ঃ সর্গঃ ॥
শ্লোকঃ
প্রগল্ভতরভামিনী শিবচরিত্র গানামৃত-
প্রভূতনবমঞ্জরীসুরভিগন্ধিমন্দানিলে ।
রসালতরুমূলগস্ফুরিতমাধবী মণ্ডপে
মহেশমুপদর্শয়ন্ত্যসকৃদাহ গৌরীমসৌ ॥

॥ চতুর্থাষ্টপদী ॥

রামক্রিয়ারাগেণ আদিতালেন গীয়তে
(চন্দনচর্চিত ইতিবত্)
অবিরল কুঙ্কুমপঙ্ককরম্বিতমৃগমদচন্দ্রবিলেপং
নিটিল বিশেষকভাসুরবহ্নিবিলোচন কৃতপুরতাপং
শশিমুখি শৈলবধূতনয়ে বিলোকয় হরমথ কেলিময়ে শশিমুখি ॥ ১ ॥

য়ুবতিজনাশয়মদনশরায়িতশুভতরনয়ন বিলাসং
ভুবনবিজৃম্ভিতঘনতরতিমিরনিষূদননিজতনু ভাসং শশিমুখি ॥ ২ ॥

পাণি সরোজমৃগীপরিশঙ্কিতবালতৃণালিগলাভং
য়ৌবতহৃদয়বিদারণপটুতরদরহসিতামিতশোভং শশিমুখি ॥ ৩ ॥

চরণসরোজলসন্মণিনূপুরঘোষবিবৃতপদজাতং
গগনধুনীসমতনুরুচিসংহতিকারিতভুবনবিভাতং শশিমুখি ॥ ৪ ॥

নিখিলবধূজনহৃদয়সমাহৃতিপটুতরমোহনরূপং
মুনিবরনিকরবিমুক্তিবিধায়কবোধবিভাবনদীপং শশিমুখি ॥ ৫ ॥

বিকচসরোরুহলোচনসকৃদবলোকনকৃতশুভজাতং
ভুজগশিরোমণিশোণরুচা পরিভীতমৃগীসমুপেতং শশিমুখি ॥ ৬ ॥

রজতমহীধরসদৃশমহাবৃষদৃষ্টপুরোবনিভাগং
সনকসনন্দনমুনিপরিশোভিতদক্ষিণতদিতরভাগং শশিমুখি ॥ ৭ ॥

শ্রীশিবপরিচরণব্রতচন্দ্রশিখামণি নিয়মধনেন
শিবচরিতং শুভগীতমিদং কৃতমুদয়তু বোধঘনেন শশিমুখি ॥ ৮ ॥

শ্লোকঃ
মদনকদনশান্ত্যৈ ফুল্লমল্লী প্রসূনৈঃ
বিরচিতবরশয়্যামাপ্নুবন্নিন্দুমৌলিঃ ।
মৃদুমলয়সমীরং মন্যমানঃ স্ফুলিঙ্গান্
কলয়তি হৃদয়ে ত্বামন্বহং শৈল কন্যে ॥ ১২ ॥

ইতি সহচরীবাণীমাকর্ণ্য সাপি সুধাঝরীং
অচলদুহিতা নেতুঃ শ্রুত্বাভিরূপ্যগুণোদয়ম্ ।
বিরহজনিতামার্তিং দূরীচকার হৃদি স্থিতাং
দয়িতনিহিতপ্রেমা কামং জগাদ মিথঃ সখীম্ ॥ ১৩ ॥

॥ পঞ্চমাষ্টপদী ॥

তোডিরাগেণ চাপুতালেন গীয়তে
(সঞ্চরদধর ইতিবত্)
জলরুহশিখরবিরাজিতহিমকরশঙ্কিতকরনখরাভং
রুচিররদনকিরণামরসরিদিব শোণনদাধর শোভং
সেবে নিগমরসালনিবাসং – য়ুবতিমনোহরবিবিধবিলাসং সেবে ॥ ১ ॥

শুভতনুসৌরভলোভবিভূষণকৈতবমহিত ভুজঙ্গং
মুকুটবিরাজিতহিমকরশকলবিনির্গলদমৃতসিতাঙ্গং সেবে ॥ ২ ॥

মকুটপরিভ্রমদমরধুনীনখবিক্ষতশঙ্কিত চন্দ্রং
উরসি বিলেপিতমলয়জপঙ্কবিমর্দিতশুভতরচন্দ্রং সেবে ॥ ৩ ॥

পন্নগকর্ণবিভূষণমৌলিগমণিরুচি শোণকপোলং
অগণিতসরসিজসম্ভবমৌলিকপালনিবেদিত কালং সেবে ॥ ৪ ॥

হরিদনুপালসুরেশপদোন্নতিমুপনমতো বিতরন্তং
অনবধিমহিমচিরন্তনমুনিহৃদয়েষু সদা বিহরন্তং সেবে ॥ ৫ ॥

নারদপর্বতবরমুনিকিন্নরসন্নুত বৈভব জাতং
অন্ধকসুররিপুগন্ধসিন্ধুর বিভঙ্গমৃগাদিপরীতং সেবে ॥ ৬ ॥

বিষয়বিরতবিমলাশয়কোশমহাধনচরণসরোজং
ঘনতরনিজতনুমঞ্জুলতাপরি নির্জিতনিয়ুত মনোজং সেবে ॥ ৭ ॥

শ্রীশিব ভজন মনোরথচন্দ্রশিখামণিয়তিবরগীতং
শ্রোতুমুদঞ্চিতকৌতুকমবিরতমমরবধূপরি গীতং সেবে ॥ ৮ ॥

শ্লোকঃ
সহচরি মুখং চেতঃ প্রাতঃ প্রফুল্লসরোরুহ-
প্রতিমমনঘং কান্তং কান্তস্য চন্দ্রশিখামণেঃ ।
স্মরতি পরিতোদৃষ্টিস্তুষ্টা তদাকৃতিমাধুরী-
গতিবিষয়িণী বাণী তস্য ব্রবীতি গুণোদয়ম্ ॥ ১৪ ॥

॥ ষষ্টাষ্টপদী ॥

কাম্ভোজিরাগেণ ত্রিপুটতালেন গীয়তে
(নিভৃতনিকুঞ্জ ইতিবত্)
নিখিলচরাচরনির্মিতিকৌশলভরিতচরিত্র বিলোলং
ললিতরসালনিবদ্ধলতাগৃহবিহরণ কৌতুক শীলং
কলয়ে কালমথনমধীশং
ঘটয় ময়া সহ ঘনতরকুচপরিরম্ভণ কেলিকৃতাশং কলয়ে ॥ ১ ॥

কুবলয়সৌরভবদনসমীরণবসিতনিখিলদিগন্তং
চরণসরোজবিলোকনতোঽখিলতাপরুজং শময়ন্তং কলয়ে ॥ ২ ॥

পটুতরচাটুবচোমৃতশিশিরনিবারিতমনসিজতাপং
তরুণবনপ্রিয়ভাষণয়া সহ সাদরবিহিতসুলাপং কলয়ে ॥ ৩ ॥

চলিতদৃগঞ্চলমসমশরানিব য়ুবতিজনে নিদধানং
রহসি রসালগৃহং গতয়া সহ সরসবিহারবিধানং কলয়ে ॥ ৪ ॥

দরহসিতদ্যুতিচন্দ্রিকয়া গতখেদ বিকারচকোরং
লসদরুণাধরবদনবশীকৃতয়ুবতিজনাশয়চোরং কলয়ে ॥ ৫ ॥

মলয়জপঙ্কবিলেপনমুরুতরকুচয়ুগমাকলয়ন্তং
কৃতকরুষো মম সুতনুলতাপরিরম্ভণকেল়িময়ন্তং কলয়ে ॥ ৬ ॥

সুরতরুকুসুমসুমালিকয়া পরিমণ্ডিতচিকুরনিকায়ং
অলঘুপুলককটসীমনি মৃগমদপত্রবিলেখবিধেয়ং কলয়ে ॥ ৭ ॥

শ্রীশিবসেবনচন্দ্রশিখামণিয়তিবরগীতমুদারং
সুখয়তু শৈলজয়া কথিতং শিবচরিতবিশেষিতসারং কলয়ে ॥ ৮ ॥

শ্লোকঃ
লীলাপ্রসূনশরপাশসৃণিপ্রকাণ্ড-
পুণ্ড্রেক্ষুভাসিকরপল্লবমম্বুজাক্ষম্ ।
আলোক্য সস্মিতমুখেন্দুকমিন্দুমৌলিং
উত্কণ্ঠতে হৃদয়মীক্ষিতুমেব ভূয়ঃ ॥ ১৫ ॥

॥ তৃতীয়ঃ সর্গঃ ॥
শ্লোকঃ
ইতি বহু কথয়ন্তীমালিমালোক্য বালাং
অলঘুবিরহদৈন্যামদ্রিজামীক্ষমাণঃ ।
সপদি মদনখিন্নঃ সোমরেখাবতংসঃ
কিমপি বিরহশান্ত্যৈ চিন্তয়ামাস ধীরঃ ॥ ১৬ ॥

॥ সপ্তমাষ্টপদী ॥

ভূপালরাগেণ ত্রিপুটতালেন গীয়তে
(মামিয়ং চলিতা ইতিবত্)
শ্লোকঃ
লীলয়া কলহে গতা কপটক্রুধা বনিতেয়ং
মানিনী মদনেন মামপি সন্তনোতি বিধেয়ম্ ॥

শিব শিব কুলাচলসুতা ॥ ১ ॥

তাপিতো মদনজ্বরেণ তনূনপাদধিকেন
য়াপয়মি কতং নু তদ্বিরহং ক্ষণং কুতুকেন শিব শিব ॥ ২ ॥

য়ত্সমাগমসম্মদেন সুখী চিরং বিহরামি ।
য়দ্বিয়োগরুজা ন জাতু মনোহিতং বিতনোমি শিব শিব ॥ ৩ ॥

লীলয়া কুপিতা য়দা ময়ি তামথানুচরামি ।
ভূয়সা সময়েন তামনুনীয় সংবিহরামি শিব শিব ॥ ৪ ॥

অর্পিতং শিরসি ক্রুধা মম হা য়দঙ্ঘ্রিসরোজং
পাণিনা পরিপূজিতং বত জৃম্ভমাণমনোজং শিব শিব ॥ ৫ ॥

দৃশ্যসে পুরতোঽপি গৌরি ন দৃশ্যসে চপলেব ।
নাপরাধকথা ময়ি প্রণতং জনং কৃপয়াব শিব শিব ॥ ৬ ॥

নীলনীরদবেণি কিং তব মত্কৃতেঽনুনয়েন ।
সন্নিধেহি ন গন্তুমর্হসি মাদৃশে দয়নেন শিব শিব ॥ ৭ ॥

বর্ণিতং শিবদাসচন্দ্রশিখামণিশ্রমণেন ।
বৃত্তমেতদুদেতু সন্ততং ঈশিতুঃ প্রবণেন শিব শিব ॥ ৮ ॥

শ্লোকঃ
ভুবনবিজয়ী বিক্রান্তেষু ত্বমেব ন চেতরঃ
তব ন কৃপণে য়ুক্তং মাদৃগ্বিধে শরবর্ষণম্ ।
মদন য়দি তে বৈরং নির্যাতু ভো নিয়তং পুরা
বিহিতমহিতো নাহং নিত্যং তবাস্মি নিদেশগঃ ॥ ১৭ ॥

মধুকরময়জ্যাঘোষেণ প্রকম্পয়সে মনঃ
পরভৃতবধূগানে কর্ণজ্বরং তনুষেতরাম্ ।
কুসুমরজসাং বৃন্দৈরুত্মাদয়স্যচিরাদিতঃ
স্মর বিজয়সে বিশ্বং চিত্রীয়তে কৃতিরীদৃশী ॥ ১৮ ॥

চলিতললিতাপাঙ্গ শ্রেণীপ্রসারণকৈতবাত্
দরবিকসিতস্বচ্ছচ্ছায়াসিতোত্পলবর্ষণৈঃ ।
বিরহশিখিনা দূনং দীনং ন মামভিরক্ষিতুং
য়দি ন মনুষে জানাসি ত্বং মদীয়দশাং ততঃ ॥ ১৯ ॥

শুভদতি বিচরাবঃ শুভ্রকম্পাতটিন্যাস্তট
ভুবি রমণীয়োদ্যানকেল়িং ভজাবঃ ।
প্রতিমুহুরিতি চিন্তাবিহ্বলঃ শৈলকন্যামভি
শুভতরবাদঃ পাতু চন্দ্রার্ধমৌলেঃ ॥ ২০ ॥

॥ চতুর্থঃ সর্গঃ ॥
শ্লোকঃ
কম্পাতীরপ্রচুররুচিরোদ্যানবিদ্যোতমান-
শ্রীমাকন্দদ্রুমপরিসর মাধবীক্লৃপ্তশালাম্ ।
অধ্যাসীনং রহসি বিরহশ্রান্তমশ্রান্তকেলিং
বাচং গৌরীপ্রিয়সহচরী প্রাহ চন্দ্রাবতংসম্ ॥ ২১ ॥

॥ অষ্টমাষ্টপদী ॥

সৌরাষ্ট্ররাগেণ আদিতালেন গীয়তে
(নিন্দতি চন্দনং ইতিবত্)
য়া হি পুরা হর কুতুকবতী পরিহাসকথাসু বিরাগিণী
অসিতকুটিল চিকুরাবল়ি মণ্ডনশুভতরদাম নিরোধিনী
শঙ্কর শরণমুপৈতি শিবামতিহন্তি স শম্বরবৈরী
শিব বিরহকৃশা তব গৌরী ॥ ১ ॥

কুসুম শয়নমুপগম্য সপদি মদনশরবিসরপরিদূনা
মলয়জরজসি মহনলততিমিব কলয়তি মতিমতিদীনা
শিব বিরহকৃশা তব গৌরী ॥ ২ ॥

উরসিরুচিরমণিহারলতাগতবলভিদুপলততিনীলা
মঞ্জুবচনগৃহপঞ্জরশুকপরিভাষণপরিহৃতলীলা
শিব বিরহকৃশা তব গৌরী ॥ ৩ ॥

ভৃশকৃতভবদনুভাবনয়েক্ষিত ভবতি বিহিতপরিবাদা
সপদি বিহিত বিরহানুগমনাদনুসম্ভৃতহৃদয় বিষাদা
শিব বিরহকৃশা তব গৌরী ॥ ৪ ॥

বালহরিণপরিলীঢপদা তদনাদরবিগত বিনোদা
উন্মদপরভৃতবিরুতাকর্ণনকর্ণশল্যকৃতবাধা
শিব বিরহকৃশা তব গৌরী ॥ ৫ ॥

কোকমিথুনবহুকেল়িবিলোকনজৃম্ভিতমদন বিকারা
শঙ্করহিমকরশেখর পালয় মামিতি বদতি ন ধীরা
শিব বিরহকৃশা তব গৌরী ॥ ৬ ॥

দূষিতমৃগমদরুচিরবিশেষক নিটিলভসিকৃতরেখা
অতনুতনুজ্বরকারিতয়া পরিবর্জিতচন্দ্রময়ূখা
শিব বিরহকৃশা তব গৌরী ॥ ৭ ॥

শ্রীশিবচরণনিষেবণচন্দ্রশিখামণিয়তিবরগীতং
শ্রীগিরিজাবিরহক্রমবর্ণনমুদয়তু বিনয়সমেতং
শিব বিরহকৃশা তব গৌরী ॥ ৮ ॥

শ্লোকঃ
আবাসমন্দিরমিদং মনুতে মৃডানী ঘোরাটবীসদৃশমাপ্তসখীজনেন ।
না ভাষণানি তনুতে নলিনায়তাক্ষী দেব ত্বয়া বিরহিতা হরিণাঙ্কমৌলে ॥

॥ নবমাষ্টপদী ॥

বিলহরিরাগেণ ত্রিপুটতালেন গীয়তে
(স্তনবিনিহত ইতিবত্)
হিমকরমণিময়দামনিকায় কলয়তি বহ্নিশিখামুরসীয়ং
শৈলজা শিব শৈলজা বিরহে তব শঙ্কর শৈলজা ॥ ১ ॥

বপুষি পতিতঘনহিমকরপূরং সন্তনুতে হৃদি দিবি দুরিতারং শৈলজা ॥ ২ ॥

উরসি নিহিতমৃদু বিততমৃণালং পশ্যতি সপদি বিলসদল়িনীলং শৈলজা ॥ ৩ ॥

সহচরয়ুবতিষু নয়নমনীলং নমিতমুখী বিতনোতি বিশালং শৈলজা ॥ ৪ ॥

রুষ্যতি খিদ্যতি মুহুরনিদানং ন প্রতিবক্তি সখীমপি দীনং শৈলজা ॥ ৫ ॥

শিব ইতি শিব ইতি বদতি সকামং পশ্যতি পশুরিব কিমপি ললামং শৈলজা ॥ ৬ ॥

সুরতরুবিবিধফলামৃতসারং পশ্যতি বিষমিব ভৃশমতিঘোরং শৈলজা ॥ ৭ ॥

য়তিবরচন্দ্রশিখামণিগীতং সুখয়তু সাধুজনং শুভগীতং শৈলজা ॥ ৮ ॥

শ্লোকঃ
ত্বদ্ভাবনৈকরসিকাং ত্বদধীনবৃত্তিং
ত্বন্নামসংস্মরণসংয়ুতচিত্তবৃত্তিম্ ।
বালামিমাং বিরহিণীং কৃপণৈকবন্ধো
নোপেক্ষসে য়দি তদা তব শঙ্করাখ্যা ॥ ২৩ ॥

বস্তূনি নিস্তুলগুণানি নিরাকৃতানি
কস্তূরিকারুচিরচিত্রকপত্রজাতম্ ।
ঈদৃগ্বিধং বিরহিণী তনুতে মৃডানী
তামাদ্রিয়স্ব করুণাভরিতৈরপাঙ্গৈঃ ॥ ২৪ ॥

॥ পঞ্চমঃ সর্গঃ ॥
শ্লোকঃ
একাম্রমূলবিলসন্নবমঞ্জরীক
শ্রীমাধবীরুচিরকুঞ্জগৃহেবসামি ।
তামানয়ানুনয় মদ্বচনেন গৌরীমিত্থং
শিবেন পুনরাহ সখী নিয়ুক্তা ॥

॥ দশমাষ্টপদী ॥

আনন্দভৈরবীরাগেণ আদিতালেন গীয়তে
(বহতি মলয়সমীরে ইতিবত্)
জয়তি মদননৃপালে শিবে কুপিতপথিক জালং
ভ্রমরমিথুন জালে শিবে পিবতি মধু সলীলং
বিরহরুজা পুরবৈরী পরিখিদ্যতি গৌরী শিববিরহরুজা ॥ ১ ॥

মলয়মরুতি বলমানে শিবে বিরহ বিঘটনায়
সতি চ মধুপগানে শিবে সরসবিহরণায় শিব বিরহরুজা ॥ ২ ॥

কুসুমভরিতসালে শিবে বিততসুমধুকালে
কৃপণবিরহিজালে শিবে কিতবহৃদনুকূলে শিববিরহরুজা ॥ ৩ ॥

মদনবিজয়নিগমং শিবে জপতি পিকসমূহে
চতুরকিতবসঙ্গ (শিবে) কুটিলরবদুরূহে শিববিরহরুজা ॥ ৪ ॥

কুসুমরজসি ভরিতে শিবে কিতবমৃদুল়মরুতা
দিশি চ বিদিশি বিততে শিবে বিরহিবপুষি চরতা শিববিরহরুজা ॥ ৫ ॥

বিমলতুহিনকিরণে শিবে বিকিরতি করজালং
বিহৃতিবিরতিহরণে শিবে বিয়তি দিশি বিশালং শিববিরহরুজা ॥ ৬ ॥

মৃদুলকুসুমশয়নে শিবে বপুষি বিরহদূনে
ভ্রমতি লুঠতি দীনে শিবে সুহিতশরণহীনে শিববিরহরুজা ॥ ৭ ॥

জয়তি গিরিশমতিনা শিবে গিরিশবিরহকথনং
চন্দ্রমকুটয়তিনা শিবে নিখিলকলুষমথনং শিববিরহরুজা ॥ ৮ ॥

শ্লোকঃ
য়ত্রত্বামনুরঞ্জয়ন্নতিতরামারব্ধকামাগমং
ব্যাপারৈরচলাধিরাজতনয়ে কেলীবিশেষৈর্যুতঃ ।
তত্র ত্বামনুচিন্তয়ন্নথ ভবন্নামৈকতন্ত্রং জপন্
ভূয়স্তত্পরিতম্ভসম্ভ্রমসুখং প্রাণেশ্বরঃ কাঙ্ক্ষতি ॥ ২৬ ॥

॥ একাদশাষ্টপদী ॥

কেদারগৌল়রাগেণ আদিতালেন গীয়তে
(রতিসুখসারে গতমভিসারে ইতিবত্)
হিমগিরিতনয়ে গুরুতরবিনয়ে নিয়ুতমদনশুভরূপং
নিটিলনয়নমনুরঞ্জয় সতি তব বিরহজনিতঘনতাপম্ ।
মলয়জপবনে কম্পানুবনে বসতি সুদতি পুরবৈরী
য়ুবতিহৃদয়মদমর্দনকুশলী সম্ভৃত কেলিবিহারী । মলয়জপবনে ॥ ১ ॥

বদ মৃদু দয়িতে মম হৃদি নিয়তে বহিরিব চরসি সমীপং
বদতি মুহুর্মুহুরিতি হর মামকদেহমদনঘনতাপম্ । মলয়জপবনে ॥ ২ ॥

উরুঘন সারং হিমজল পূরং বপুষি পতিতমতিঘোরং
সপদি ন মৃষ্যতি শপতি মনোভবমতিমৃদুমলয় সমীরম্ ।
মলয়জপবনে ॥ ৩ ॥

বিলিখতি চিত্রং তব চ বিচিত্রং পশ্যতি সপদি সমোদং
বদতি ঝটিতি বহু মামিতি শম্বররিপুরতিকলয়তি খেদম্ ।
মলয়জপবনে ॥ ৪ ॥

অর্পয়নীলং ময়ি ধৃতলীলং নয়নকুসুমমতিলোলং
বিরহতরুণি বিরহাতুরমনুভজ মামিহ (তি) বিলপতি সা (সোঽ) লম্ ।
মলয়জপবনে ॥ ৫ ॥

লসদপরাধং মনসিজবাধং বিমৃশ বিনেতুমুপায়ং
গুরুতরতুঙ্গপয়োধরদুর্গমপানয় হরমনপায়ম্ । মলয়জপবনে ॥ ৬ ॥

অতিধৃতমানে পরভৃতগানে কিঞ্চিদুদঞ্চয় গানং
জহি জহি মানমনূনগুণৈ রময়াশু বিরহচিরদীনম্ । মলয়জপবনে ॥ ৭ ॥

ইতি শিববিরহং ঘনতরমোহং ভণতি নিয়মিজনধীরে
চন্দ্রশিখামণিনামনি কুশলমুপনয় গজবরচীরে । মলয়জপবনে ॥ ৮ ॥

শ্লোকঃ
বিমল সলিলোদঞ্চত্কম্পাসরোরুহধোরণী-
পরিমলরজঃ পালীসঙ্ক্রান্তমন্দসমীরণে ।
বিতপতি বিয়দ্গঙ্গামঙ্গীচকার শিরঃ স্থিতাং
তব হি বিরহাক্রান্তঃ কান্তঃ নতোঽপি ন বেদিতঃ ॥ ২৭ ॥

অনুভবতি মৃগাক্ষী ত্বদ্বিয়োগক্ষণানাং
লবমিব য়ুগকল্পং স্বল্পমাত্মাপরাধম্ ।
ত্বয়ি বিহিতমনল্পং মন্যমানঃ কথঞ্চিত্
নয়তি সময়মেনং দেবি তস্মিন্প্রসীদ ॥ ২৮ ॥

ইতি সহচরীবাণীমেণাঙ্কমৌল়িমনোভব-
ব্যথনকথনীমেনামাকর্ণ্য কর্ণসুধাঝরীম্ ।
সপদি মুদিতা বিন্যস্যন্তী পদানি শনৈঃ শনৈঃ
জয়তি জগতাং মাতা নেতুঃ প্রবিশ্য লতাগৃহম্ ॥ ২৯ ॥

সা দক্ষদেবনবিহারজয়ানুষঙ্গলীলাহবে ভবতি শৈলজয়া শিবস্য ।
চেতঃ প্রসাদমনয়োস্তরসা বিধায় দেব্যা কৃতং কথয়তি স্ম সখী রহস্যম্ ॥ ৩০ ॥

॥ দ্বাদশাষ্টপদী ॥

শঙ্করাভরণরাগেণ ত্রিপুটতালেন গীয়তে
(পশ্যতি দিশি দিশি ইতিবত্)
কলয়তি কলয়তি মনসি চরন্তং
কুচকলশস্পৃশময়তি ভবন্তম্ ।
পাহি বিভো শিব পাহি বিভো
নিবসতি গৌরী কেল়িবনে পাহি বিভো ॥ ১ ॥

জপতি জপতি তব নাম সুমন্ত্রং
প্রতি মুহুরুদিতসুমায়ুধতন্ত্রং পাহি ॥ ২ ॥

উপচিতকুসুমসুদামবহন্তী
ভবদনুচিন্তনমাকলয়ন্তী পাহি ॥ ৩ ॥

মলয়জরজসি নিরাকৃতরাগা
বপুষি ভসিত ধৃতিসংয়তয়োগা পাহি ॥ ৪ ॥

পরিহৃতবেণি জটাকচ ভারা
নিজপতিঘটকজনাশয়ধারা পাহি ॥ ৫ ॥

অবিধৃতমণিমুকুটাদিললামা
বিসবলয়াদিবিধারণকামা পাহি ॥ ৬ ॥

মুহুরবলোকিত কিসলয়শয়না
বহিরুপসঙ্গত সুললিত নয়না পাহি ॥ ৭ ॥

ইতি শিব ভজনগুণেন বিভান্তং
চন্দ্রশিখামণিনা শুভগীতম্ ॥ পাহি ॥ ৮ ॥

শ্লোকঃ
সা বীক্ষতে সহচরীং মদনেন লজ্জা-
ভারেণ নোত্তরবচো বদতি প্রগল্ভা ।
ব্যাধূন্বতি শ্বসিতকোষ্ণসমীরণেন
তুঙ্গস্তনোত্তরপটং গিরিজা বিয়ুক্তা ॥ ৩১ ॥

॥ ষষ্ঠঃ সর্গঃ ॥
শ্লোকঃ
অথ বিরহিণীমর্মচ্ছেদানুসম্ভৃতপাতক-
শ্রিত ইব নিশানাথঃ সঙ্ক্রান্তনীলগুণান্তরঃ ।
কিরণনিকরৈরঞ্চত্কম্পাসরিত্তটরম্যভূ-
বলয়মভিতো ব্যাপ্ত্যা বিভ্রাজয়ন্পরিজৃম্ভতে ॥ ৩২ ॥

বিকিরতি নিজকরজালং হিমকরবিম্বেঽপি নাগতে কান্তে ।
অকৃতকমনীয়রূপা স্বাত্মগতং কিমপি বদতি গিরিকন্যা ॥ ৩৩ ॥

॥ ত্রয়োদশাষ্টপদী ॥

আহিরিরাগেণ ঝম্পতালেন গীয়তে
(কথিতসময়েঽপি ইতিবত্)
সুচিরবিরহাপনয় সুকৃতভিকামিতং
সফলয়তি কিমিহ বিধিরুত ন বিভবামিতং
কামিনী কিমিহ কলয়ে সহচরীবঞ্চিতাহং কামিনী ॥ ১ ॥

য়দনুভজনেন মম সুখমখিলমায়তং
তমনুকলয়ে কিমিহ নয়নপথমাগতং কামিনী ॥ ২ ॥

য়েন মলয়জরেণুনিকরমিদমীরিতং
ন চ বহতি কুচয়ুগলমুরু তদবধীরিতুং কামিনী ॥ ৩ ॥

য়চ্চরণপরিচরণমখিলফলদায়কং
ন স্পৃশতি মনসি মম হা তদুপনায়কং কামিনী ॥ ৪ ॥

নিগমশিরসি স্ফুরতি য়তিমনসি য়ত্পদম্ ।
বিততসুখদং তদপি হৃদি ন মে কিমিদং কামিনী ॥ ৫ ॥

বিরহসময়েষু কিল হৃদি য়দনুচিন্তনম্ ।
ন স ভজতি নয়নপথমখিলভয় কৃন্তনং কামিনী ॥ ৬ ॥

কুচয়ুগলমভিমৃশতি স য়দি রতসূচিতম্ ।
সফলমিহ নিখিলগুণসহিতমপি জীবিতং কামিনী ॥ ৭ ॥

নিয়মধনবিধুমৌল়িফণিতমিদমঞ্চিতম্ ।
বহুজনিষু কলুষভয়মপনয়তু সঞ্চিতং কামিনী ॥ ৮ ॥

শ্লোকঃ
আজগ্মুষীং সহচরীং হরমন্তরেণ
চিন্তাবিজৃম্ভিতবিষাদভরেণ দীনা ।
আলোক্য লোকজননী হৃদি সন্দিহানা
কান্তং কয়াভিরমিতং নিজগাদ বাক্যম্ ॥ ৩৪ ॥

॥ চতুর্দশাষ্টপদী ॥

সারঙ্গরাগেণ ত্রিপুটতালেন গীয়তে
(স্মরসমরোচিত ইতিবত্)
কুসুমশরাহবসমুচিতরূপা প্রিয়পরিরম্ভণপরিহৃততাপা
কাপি পুররিপুণা রময়তি হৃদয়মমিতগুণা কাপি ॥ ১ ॥

ঘনতরকুচয়ুগমৃগমদলেপা
দয়িতবিহিতরতিনব্যসুলাপা ॥ কাপি ॥ ২ ॥

রমণরচিতকটপত্রবিশেষা
উরসিলুলিতমণিহারবিভূষা ॥ কাপি ॥ ৩ ॥

দয়িতনিপীতসুধাধরসীমা
গলিতবসনকটিপরিহৃতদামা ॥ কাপি ॥ ৪ ॥

অধিগতমৃদুতরকিসলয়শয়না
দরপরিমীলিতচালিতনয়না ॥ কাপি ॥ ৫ ॥

বিহিতমধুররতিকূজিতভেদা
দৃঢপরিরম্ভণহতমেতি ভেদা ॥ কাপি ॥ ৬ ॥

মহিত মহোরসি সরভসপতিতা
লুলিতকুসুমকুটিলালকমুদিতা ॥ কাপি ॥ ৭ ॥

চন্দ্রশিখামণিয়তিবরভণিতম্ ।
সুখয়তু সাধুজনং শিবচরিতম্ ॥ কাপি ॥ ৮ ॥

॥ সপ্তমঃ সর্গঃ ॥
শ্লোকঃ
চকোরাণাং প্রীতিং কলয়সি ময়ূখৈর্নিজকলা-
প্রদানৈর্দেবানমপি দয়িতভাজাং মৃগদৃশাম্ ।
ন কোকানাং রাকাহিমকিরণ মাদৃগ্বিরহিণী-
জনানাং য়ুক্তং তে কিমিদমসমং হন্ত চরিতম্ ॥ ৩৫ ॥

গঙ্গামঙ্গনিষঙ্গিপঙ্কজরজোগন্ধাবহামঙ্গনাং
আশ্লিষ্যন্নিভৃতং নিরঙ্কুশরহঃ কেল়ীবিশেষৈরলম্ ।
বিভ্রান্তঃ কিমদভ্ররাগভরিতস্তস্যামুত স্যাদয়ং
কান্তোঽশ্রান্তমনঙ্গনাগবিহতো নাভ্যাশমভ্যাগতঃ ॥ ৩৬ ॥

সন্তাপয়ন্নখিলগাত্রমমিত্রভাবাত্
সন্দৃশ্যতে জডধিয়ামিহ শীতভানুঃ ।
দোষাকরো বপুষি সঙ্গতরাজয়ক্ষ্মা
ঘোরাকৃতির্হি শিবদূতি নিশাচরাণাম্ ॥ ৩৭ ॥

॥ পঞ্চদশাষ্টপদী ॥

সাবেরিরাগেণ আদিতালেন গীয়তে
(সমুদিতবদনে ইতিবত্)
বিরহিতশরণে রমণীচরণে বিজিতারুণপঙ্কজে
অরুণিমরুচিরং কলয়তি সুচিরং মতিমিব বপুষি নিজে
রমতে কম্পামহিতবনে বিজয়ী পুরারিজনে ॥ রমতে ॥ ১ ॥

অলিকুলবলিতে পরিমল়ললিতে য়ুবতিকুটিলালকে
কলয়তি কুসুমং বিলসিতসুষুমং সুমশরপরিপালকে ॥ রমতে ॥ ২ ॥

কুচগিরিয়ুগলে নিজমতিনিগলে মৃগমদরচনাকরে
মণিসরনিকরং বিলসিতমুকুরং ঘটয়তি সুমনোহরে ॥ রমতে ॥ ৩ ॥

বিলসিতরদনে তরুণীবদনে কিসলয়রুচিরাধরে
রচয়তি পত্রং মকরবিচিত্রং স্মিতরুচিপরিভাসুরে ॥ রমতে ॥ ৪ ॥

কটিতটভাগে মনসিজয়োগে বিগল়িতকনকাম্বরে
মণিময়রশনং রবিরচিবসনং ঘটয়তি তুহিনকরে ॥ রমতে ॥ ৫ ॥

অধরসুধাল়িং রুচিররদালিং পিবতি সুমুখশঙ্করে
বিদধতি মধুরং হসতি চ বিধুরং রতিনিধিনিহিতাদরে ॥ রমতে ॥ ৬ ॥

মৃদুলসমীরে বলতি গভীরে বিলসতি তুহিনকরে
উদিতমনোজং বিকসদুরোজং শিবরতিবিহিতাদরে ॥ রমতে ॥ ৭ ॥

ইতি রসবচনে শিবনতি রচনে পুরহরভজনাদরে
বহুজনিকলুষং নিরসতু পরুষং য়তিবরবিধুশেখরে ॥ রমতে ॥ ৮ ॥

শ্লোকঃ
আয়াতবানিহ ন খেদপরানুষঙ্গ-
বাঞ্ছাভরেণ বিবশস্তরুণেন্দুমৌলিঃ ।
স্বচ্ছ্ন্দমেব রমতাং তব কোঽত্র দোষঃ
পশ্যাচিরেণ দয়িতং মদুপাশ্রয়স্থম্ ॥ ৩৮ ॥

॥ অষ্টমঃ সর্গঃ ॥
শ্লোকঃ
মত্প্রাণনেতুরসহায়রসালমূল-
লীলাগৃহস্য ময়ি চেদনুরাগবন্ধঃ ।
অন্যাকথানুভবিনঃ প্রণয়ানুবন্ধো
দূতি প্রসীদতি মমৈষ মহানুভাবঃ ॥

॥ ষোডশাষ্টপদী ॥

পুন্নাগবরালী রাগেণ আদিতালেন গীয়তে
(অনিলতরলকুবলয়নয়নেন ইতিবত্)
অরুণকমলশুভতরচরণেন সপদি গতা ন হি ভবতরণেন ।
য়া বিহৃতা পুরবৈরিণা ॥ ১ ॥

স্মিতরুচিহিমকরশুভবদনেন নিহিতগুণা বিলসিতসদনেন ।
য়া বিহৃতা পুরবৈরিণা ॥ ২ ॥

সরসবচনজিতকুসুমরসেন হৃদি বিনিহিতরতিকৃতরভসেন ।
য়া বিহৃতা পুরবৈরিণা ॥ ৩ ॥

বিহিত বিবিধকুসুমশরবিহৃতে নানাগতরসা নয়গুণ বিহিতেন ।
য়া বিহৃতা পুরবৈরিণা ॥ ৪ ॥

উদিতজলজরুচিরগল়েন স্ফুটিতমনা ন য়ুবতিনিগল়েন ।
য়া বিহৃতা পুরবৈরিণা ॥ ৫ ॥

কনকরুচিরসুজটাপটলেনানুহতসুখাসতিলকনিটিলেন ।
য়া বিহৃতা পুরবৈরিণা ॥ ৬ ॥

নিখিলয়ুবতিমদনোদয়নেন জ্বরিতমানা ন বিরহদহনেন ।
য়া বিহৃতা পুরবৈরিণা ॥ ৭ ॥

তুহিনকিরণধরয়তিরচনেন সুখয়তু মাং শিবহিতবচনেন ।
য়া বিহৃতা পুরবৈরিণা ॥ ৮ ॥

শ্লোকঃ
অয়ি মলয়সমীর ক্রূর ভাবোরগাণাং
শ্বসিতজনিত কিং তে মাদৃশীহিংসনেন ।
ক্ষণমিব সহকারাদীশগাত্রানুষঙ্গ-
উপহৃতপরিমলাত্মা সন্নিধেহি প্রসন্নঃ ॥ ৪০ ॥

॥ নবমঃ সর্গঃ ॥
শ্লোকঃ
ইত্থং রুষা সহচরীং পরুষং বদন্তী
শৈলাধিরাজতনুজা তনুজাতকার্শ্যা ।
নীত্বা কথং কথমপি ক্ষণদাং মহেশঃ
মাগঃ প্রশান্তি বিনতং কুটিলং বভাষে ॥ ৪১ ॥

॥ সপ্তদশাষ্টপদী ॥

আরভীরাগেণ ত্রিপুটতালেন গীয়তে
(রজনিজনিতগুরু ইতিবত্)
চতুরয়ুবতিসুরতাদর জাগরিতারুণমধৃতবিলাসং
নিটিলনয়ন নয়নদ্বিতয়ং তব কথয়তি তদভিনিবেশম্ ।
পাহি তামিহ ফাললোচন য়া তব দিশতি বিহারং
গরল়মিলিতধবলামৃতমিব হরমাগমবচনমসারং পাহি ॥

গুরুতরকুচপরিরম্ভণসম্ভৃতকুঙ্কুমপঙ্কিলহারং
স্মরতি বিশালমুরো বিশদং তব রতিরভসাদনুরাগং পাহি ॥ ২ ॥

রতিপতিসমরবিনির্মিত নিশিতনখক্ষতচিহ্নিতরেখং
বপুরিদমল়িকবিলোচন লসদিব রতিভরকৃতজয়রেখং পাহি ॥ ৩ ॥

রদনবসনমরুণমিদং তব পুরহর ভজতি বিরাগং
বিগলিতহিমকরশকলমুদঞ্চিতদর্শিতরতিভরবেগং পাহি ॥ ৪ ॥

য়ুবতিপদস্থিতয়াবকরসপরিচিন্তিতরতিকমনীয়ং
বিলসতি বপুরিদমলঘুবহির্গতময়তি বিরাগমমেয়ং পাহি ॥ ৫ ॥

য়ুবতিকৃতব্রণমধরগতং তব কলয়তি মম হৃদি রোষং
প্রিয়বচনাবসরেঽপি ময়া সহ স্ফুটয়তি তত্পরিতোষং পাহি ॥ ৬ ॥

সুরতরুসুমদামনিকায়নিবদ্ধজটাবলিবলয়মুদারং
কিতবমনোভবসঙ্গরশিথিলিতমনুকথয়তি সুবিহারং পাহি ॥ ৭ ॥

ইতি হিমগিরিকুলদীপিকয়া কৃতশিবপরিবদনবিধানং
সুখয়তু বুধজনমীশনিষেবণয়তিবরবিধুশেখরগানং পাহি ॥ ৮ ॥

শ্লোকঃ
ঈদৃগ্বিধানি সুবহূনি তব প্রিয়ায়াং
গাঢানুরাগকৃতসঙ্গমলাঞ্ছিতানি ।
সাক্ষদবেক্ষিতবতীমিহ মামুপেত্য
কিং ভাষসে কিতবশেখর চন্দ্রমৌল়ে ॥ ৪২

॥ দশমঃ সর্গঃ ॥
শ্লোকঃ
তামুদ্যতপ্রসববাণবিকারখিন্নাং
সঞ্চিন্ত্যমানশশিমৌলিচরিত্রলীলাম্ ।
বালাং তুষারগিরিজাং রতিকেলিভিন্নাং
আল়িঃ প্রিয়াথ কলহান্তরিতামুবাচ ॥ ৪৩ ॥

॥ অষ্টাদশাষ্টপদী ॥

য়দুকুলকাম্ভোজিরাগেণ আদিতালেন গীয়তে
(হরিরভিসরতি ইতিবত্)
পুররিপুরভিরতিমতি হৃদি তনুতে
ভবদুপগূহনমিহ বহু মনুতে ।
শঙ্করে হে শঙ্করি মা ভজ
মানিনি পরিমানমুমে শঙ্করে ॥ ১ ॥

মৃগমদরসময় গুরুকুচয়ুগলে
কলয়তি পুররিপুরথ মতি নিগলে ॥ শঙ্করে ॥ ২ ॥

সুচিরবিরহভবমপহর কলুষং
ভবদধরামৃতমুপহর নিমিষং ॥ শঙ্করে ॥ ৩ ॥

সরস নিটিলকৃতচিত্রকরুচিরং
তব বদনং স চ কলয়তি সুচিরং ॥ শঙ্করে ॥ ৪ ॥

বিভুরয়মেষ্যতি শুভতরমনসা
তদুরসি কুচয়ুগমুপকুরু সহসা ॥ শঙ্করে ॥ ৫ ॥

সকুসুমনিকরমুদঞ্চয় চিকুরং
সুদতি বিলোকয় মণিময় মুকুরং ॥ শঙ্করে ॥ ৬ ॥

শ্রৃণু সখি শুভদতি মম হিতবচনং
ঘটয় জঘনমপি বিগলিতরশনং ॥ শঙ্করে ॥ ৭ ॥

শ্রীবিধুশেখরয়তিবরফণিতং
সুখয়তু সাধুজনং শিবচরিতং ॥ শঙ্করে ॥ ৮ ॥

মহাদেবে তস্মিন্প্রণমতি নিজাগঃ শময়িতুং
তদীয়ং মূর্ধানং প্রহরসি পদাভ্যাং গিরিসুতে ।
স এষ ক্রুদ্ধশ্চেত্তুহিনকিরণং স্থাপয়তি চেত্
মৃদূন্যঙ্গান্যঙ্গারক ইব তনোত্যেষ পবনঃ ॥ ৪৪ ॥

॥ একাদশঃ সর্গঃ ॥
ইত্থং প্রিয়াং সহচরীং গিরমুদ্গিরন্তীং
চিন্তাভরেণ চিরমীক্ষিতুমপ্যধীরা ।
গৌরী কথঞ্চিদভিমানবতী দদর্শ
কান্তং প্রিয়ানুনয়বাক্য মুদীরয়ন্তম্ ॥ ৪৫ ॥

বালে কুলাচলকুমারি বিমুঞ্চ রোষং
দোষং চ ময়্যধিগতং হৃদয়ে ন কুর্যাঃ ।
শক্ষ্যামি নৈব ভবিতুং ভবতীং বিনাহং
বক্ষ্যামি কিং তব পুরঃ প্রিয়মন্যদস্মাত্ ॥ ৪৬ ॥

॥ একোনবিংশাষ্টপদী ॥

মুখারি রাগেণ ঝম্পতালেন গীয়তে
(বদসি য়দি কিঞ্চিদপি ইতিবত্)
ভজসি য়দি ময়ি রোষমরুণবারিরুহাক্ষি
কিমিহ মম শরণমভিজাতং
শরণমুপয়ায়তবতি কলুষপরিভাবনং
ন বরমিতি সতি সুজনগীতং শিবে শৈলকন্যে
পঞ্চশরতপনমিহ জাতং
হরকমলশীতলং সরসনয়নাঞ্চলং
ময়ি কলয় রতিষু কমনীয়ং শিবে শৈলকন্যে ॥ ১ ॥

স্পৃশসি য়দি বপুররুণকমলসমপাণিনা
ন স্পৃশসি তপনমনিবারং
দরহসিতচন্দ্রকরনিকরমনুষঞ্জয়সি
য়দি মম চ হৃদয়মতিধীরং শিবে শৈলকন্যে ॥ ২ ॥

কুসুমদামচয়েন মম জটাবলিজূটনিচয়ময়ি সুদতি সবিলাসং
সপদি কলয়ামি বলয়াকৃতিসরোজবনসুরসরিতমুপহসিতভাসম্
শিবে শৈলকন্যে ॥ ৩ ॥

অমলমণিহারনিকরেণ পরিভূষয়সি
পৃথুল কুচয়ুগল মতিভারম্ ।
তুহিনগরিশিখরানুগল়িতসুরনিম্নগা
সুগল়সমভাবসুগভীরম্ শিবে শৈলকন্যে ॥ ৪ ॥

বিকসদসিতাম্বুরুহবিমলনয়না-
ঞ্চলৈরুপচরসি বিরহপরিদূনম্ ।
সফলমিহ জীবিতং মম সুদতি কোপনে
বিসৃজ ময়ি সফলমতিমানম্ শিবে শৈলকন্যে ॥ ৫ ॥

ভবদধর মধু বিতর বিষমশরবিকৃতি-
হরময়ি বিতর রতিনিয়তভানং
স্ফুয়মদপরাধশতমগণনীয়মিহ
বিমৃশ ভবদনুসৃতিবিধানং শিবে শৈলকন্যে ॥ ৬ ॥

কুপিতহৃদয়াসি ময়ি কলয় ভুজবন্ধনে
কুরু নিশিতরদনপরিপাতং
উচিতমিদমখিলং তু নায়িকে সুদতি মম
শিক্ষণং স্বকুচগিরিপাতং শিবে শৈলকন্যে ॥ ৭ ॥

ইতি বিবিধবচনমপি চতুরপুরবৈরিণা
হিমশিখরিজনুষমভিরামং
শিবভজননিয়তমতিয়তিচন্দ্রমৌলিনা
ফণিতমপি জয়তু ভুবি কামং শিবে শৈলকন্যে ॥ ৮ ॥

শ্লোকঃ
সুচির বিরহাক্রান্তং বিভ্রান্তচিত্তমিতস্ততঃ
স্মরপরবশং দীনং নোপেক্ষসে য়দি মাং প্রিয়ে ।
অহমিহ চিরং জীবন্ভাবত্কসেবনমাদ্রিয়ে
য়দপকরণং সর্বং ক্ষন্তব্যমদ্রিকুমারিকে ॥ ৪৭ ॥

॥ দ্বাদশঃ সর্গঃ ॥
শ্লোকঃ
ইতি বিরহিতামেনাং চেতঃ প্রসাদবতীং শিবাং
অনুনয়গিরাং গুম্ফৈঃ সম্ভাবয়ন্নিজপাণিনা ।
ঝটিতি ঘটয়ন্মন্দস্মেরস্তদীয়করাম্বুজং
হিমকরকলামৌলিঃ সংপ্রাপ কেলিলতাগৃহম্ ॥ ৪৮ ॥

সংপ্রাপ্য কেল়ীগৃহমিন্দুমৌলিঃ ইন্দীবরাক্ষীমনুবীক্ষমাণঃ ।
জহৌ রহঃ কেলিকুতূহলেন বিয়োগজার্তিং পুনরাবভাষে ॥ ৪৯ ॥

॥ বিংশাষ্টপদী ॥

ঘণ্টারাগেণ ঝম্পতালেন গীয়তে
(মঞ্জুতরকুঞ্জতল ইতিবত্)
পৃথুলতরললিতকুচয়ুগলময়ি তে
মৃগমদরসেন কলয়ামি দয়িতে ।
রময় বালে ভবদনুগমেনং ॥ রময় বালে ॥ ১ ॥

বিধুশকলরুচিরমিদমলিকময়ি তে
শুভতিলকমভিলসতু কেলিনিয়তে ॥ রময় বালে ॥ ২ ॥

ইহ বিহর তরুণি নব কুসুমশয়নে
ভবদধরমধু বিতর মকরনয়নে ॥ রময় বালে ॥ ৩ ॥

অয়ি সুচিরবিরহরুজমপহর শিবে
সরসমভিলপ রমণি পরভৃতরবে ॥ রময় বালে ॥ ৪ ॥

কলয় মলয়জপঙ্কমুরসি মম তে
কঠিনকুচয়ুগমতনু ঘটয় ললিতে ॥ রময় বালে ॥ ৫ ॥

ইদমমরতরুকুসুমনিকরময়ি তে
ঘনচিকুরমুপচরতু সপদি বনিতে ॥ রময় বালে ॥ ৬ ॥

দরহসিতবিধুকরমুদঞ্চয় মনো-
ভবতপনমপনুদতু বিলসিতঘনে ॥ রময় বালে ॥ ৭ ॥

শিবচরণপরিচরণয়তবিচারে
ফণতি হিমকরমৌল়িনিয়মিধীরে ॥ রময় বালে ॥ ৮ ॥

শ্লোকঃ
ঈদৃগ্বিধৈশ্চটুলচাটুবচোবিলাসৈঃ
গাঢোপগূহনমুখাম্বুজচুম্ভনাদ্যৈঃ ।
আহ্লাদয়ন্ গিরিসুতামধিকাঞ্চি নিত্যং
একাম্রমূলবসতির্জয়তি প্রসন্নঃ ॥ ৫০ ॥

বিদ্যাবিনীতজয়দেবকবেরুদার-
গীতিপ্রবন্ধসরণিপ্রণিধানমাত্রাত্ ।
এষা ময়া বিরচিতা শিবগীতিমালা
মোদং করোতু শিবয়োঃ পদয়োজনীয়া ॥ ৫১ ॥

অব্যক্তবর্ণমুদিতেন য়থার্ভকস্য
বাক্যেন মোদভরিতং হৃদয়ং হি পিত্রোঃ ।
একাম্রনাথ ভবদঙ্ঘ্রিসমর্পিতেয়ং
মোদং করোতু ভবতঃ শিবগীতিমালা ॥ ৫২ ॥

গুণানুস্যূতিরহিতা দোষগ্রন্থিবিদূষিতা ।
তথাপি শিবগীতির্নো মালিকা চিত্রমীদৃশী ॥ ৫৩ ॥

ওঁ নমঃ শিবায়ৈ চ নমঃ শিবায়

ইতি শ্রীচন্দ্রশেখরেন্দ্রসরস্বতীবিরচিতা শিবগীতিমালা
অথবা শিবাষ্টপদী সমাপ্তা ।

॥ শুভমস্তু ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *