Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Siva Gitimala – Shiva Ashtapadi or Lyrics in Kannada

Siva Gitimala – Shiva Ashtapadi or Lyrics in Kannada

42 Views

About Shiva Gitimala !! Shiva Ashtapadi:

Shiva Gitimala was composed by Jagadguru Sri Chandra Sekharendra Saraswathi the 62nd seer of Sri Kanchi Kamakoti Peedam, composed of 20 exciting verses known as Ashtapadi, praising the pleasing moments of Lord Ekamreshwarar and the goddess Sri Kamakshi Devi. This beautiful composition represents the despair, devotion and dedication of the individual soul / Jeevathma, to achieve union with the supreme soul / Paramathma to attain eternal happiness. Shiva Ashtapadi / Shiva Gitimala begins with the veneration of Lord Ganesha. The entire verses illustrate the miserable state of separation of the goddess Parvathi from Lord Shiva. The goddess Sri Parvati underwent severe penance on the banks of the Kampa River to unite with Lord Shiva. The divine couple suffers an unbearable pain of separation; Lord Shiva descended to Earth and resides under a mango tree where the goddess Sri Parvati undertaking penance was observed by a faithful companion of the goddess and was duly informed. The state of remorse, abandonment, guilt and the messages exchanged through the companion of the goddess Sri Parvati, etc. They are beautifully represented in the Ashtapadi. Finally, Lord Shiva appears before the goddess Sri Parvati and apologizes profusely, after a first hardness between the couple and a happy union.

Lord Siva Gitimala and Ashtapadi Lyrics in Kannada:

॥ ಪ್ರಥಮಃ ಸರ್ಗಃ ॥
ಧ್ಯಾನಶ್ಲೋಕಾಃ –
ಸಕಲವಿಘ್ನನಿವರ್ತಕ ಶಂಕರಪ್ರಿಯಸುತ ಪ್ರಣತಾರ್ತಿಹರ ಪ್ರಭೋ ॥

ಮಮ ಹೃದಮ್ಬುಜಮಧ್ಯಲಸನ್ಮಣೀರಚಿತಮಂಡಪವಾಸರತೋ ಭವ ॥ 1 ॥

ವಿಧಿವದನಸರೋಜಾವಾಸಮಾಧ್ವೀಕಧಾರಾ
ವಿವಿಧನಿಗಮವೃನ್ದಸ್ತೂಯಮಾನಾಪದಾನಾ ।
ಸಮಸಮಯವಿರಾಜಚ್ಚನ್ದ್ರಕೋಟಿಪ್ರಕಾಶಾ
ಮಮ ವದನಸರೋಜೇ ಶಾರದಾ ಸನ್ನಿಧತ್ತಾಮ್ ॥ 2 ॥

ಯದನುಭವಸುಧೋರ್ಮೀಮಾಧುರೀಪಾರವಶ್ಯಂ
ವಿಶದಯತಿ ಮುನೀನಾತ್ಮನಸ್ತಾಂಡವೇನ ।
ಕನಕಸದಸಿ ರಮ್ಯೇ ಸಾಕ್ಷಿಣೀವೀಕ್ಷ್ಯಮಾಣಃ
ಪ್ರದಿಶತು ಸ ಸುಖಂ ಮೇ ಸೋಮರೇಖಾವತಂಸಃ ॥ 3 ॥

ಶರ್ವಾಣಿ ಪರ್ವತಕುಮಾರಿ ಶರಣ್ಯಪಾದೇ
ನಿರ್ವಾಪಯಾಸ್ಮದಘಸನ್ತತಿಮನ್ತರಾಯಮ್ ।
ಇಚ್ಛಾಮಿ ಪಂಗುರಿವ ಗಾಂಗಜಲಾವಗಾಹ-
ಮಿಚ್ಛಾಮಿಮಾಂ ಕಲಯಿತುಂ ಶಿವಗೀತಿಮಾಲಾಮ್ ॥ 4 ॥

ಶಿವಚರಣಸರೋಜಧ್ಯಾನಯೋಗಾಮೃತಾಬ್ಧೌ
ಜಲವಿಹರಣವಾಂಛಾಸಂಗತಂ ಯಸ್ಯ ಚೇತಃ ।
ನಿಖಿಲದುರಿತಮಭಂಗವ್ಯಾಪೃತಂ ವಾ ಮನೋಜ್ಞಂ
ಪರಶಿವಚರಿತಾಖ್ಯಂ ಗಾನಮಾಕರ್ಣನೀಯಮ್ ॥ 5 ॥

॥ ಪ್ರಥಮಾಷ್ಟಪದೀ ॥

ಮಾಲವೀರಾಗೇಣ ಆದಿತಾಲೇನ ಗೀಯತೇ
(ಪ್ರಲಯಪಯೋಧಿಜಲೇ ಇತಿವತ್)

ಕನಕಸಭಾಸದನೇ ವದನೇ ದರಹಾಸಂ
ನಟಸಿ ವಿಧಾಯ ಸುಧಾಕರಭಾಸಂ
ಶಂಕರ ಧೃತತಾಪಸರೂಪ ಜಯ ಭವತಾಪಹರ ॥ 1 ॥

ಜಲಧಿಮಥನಸಮಯೇ ಗರಲಾನಲಶೈಲಂ
ವಹಸಿ ಗಲಸ್ಥಮುದಿತ್ವರಕೀಲಂ
ಶಂಕರ ಧೃತನೀಲಗಲಾಖ್ಯ ಜಯ ಭವತಾಪಹರ ॥ 2 ॥

ವಿಧುರವಿರಥಚರಣೇ ನಿವಸನ್ನವನಿರಥೇ
ಪುರಮಿಷುಣಾ ಹೃತವಾನಿತಯೋಧೇ
ಶಂಕರ ವರ ವೀರಮಹೇಶ ಜಯ ಭವತಾಪಹರ ॥ 3 ॥

ಕುಸುಮಶರಾಸಕರಂ ಪುರತೋ ವಿಚರನ್ತಂ
ಗಿರಿಶ ನಿಹಿಂಸಿತವಾನಚಿರಂ ತಂ
ಶಂಕರ ಮದನಾರಿಪದಾಖ್ಯ ಜಯ ಭವತಾಪಹರ ॥ 4 ॥

ವಟತರುತಲಮಹಿತೇ ನಿವಸನ್ಮಣಿಪೀಠೇ
ದಿಶಸಿ ಪರಾತ್ಮಕಲಾಮತಿಗಾಢೇ
ಶಂಕರ ಧೃತಮೌನ ಗಭೀರ ಜಯ ಭವತಾಪಹರ ॥ 5 ॥

ಜಲನಿಧಿಸೇತುತಟೇ ಜನಪಾವನಯೋಗೇ
ರಘುಕುಲತಿಲಕಯಶಃ ಪ್ರವಿಭಾಗೇ
ಶಂಕರ ರಘುರಾಮಮಹೇಶ ಜಯ ಭವತಾಪಹರ ॥ 6 ॥

ತನು ಭೃದವನಕೃತೇ ವರಕಾಶೀನಗರೇ
ತಾರಕಮುಪದಿಶಸಿ ಸ್ಥಲಸಾರೇ
ಶಂಕರ ಶಿವ ವಿಶ್ವಮಹೇಶ ಜಯ ಭವತಾಪಹರ ॥ 7 ॥

ನಿಗಮರಸಾಲತಲೇ ನಿರವಧಿಬೋಧಘನ
ಶ್ರೀಕಾಮಕ್ಷಿಕುಚಕಲಶಾಂಕನ
ಶಂಕರ ಸಹಕಾರಮಹೇಶ ಜಯ ಭವತಾಪಹರ ॥ 8 ॥

ಕಚ್ಛಪತನುಹರಿಣಾ ನಿಸ್ತುಲಭಕ್ತಿಯುಜಾ
ಸನ್ತತಪೂಜಿತಚರಣಸರೋಜ
ಶಂಕರ ಶಿವ ಕಚ್ಛಪ ಲಿಂಗ ಜಯ ಭವತಾಪಹರ ॥ 9 ॥

ಶಂಕರವರಗುರುಣಾ ಪರಿಪೂಜಿತಪಾದ
ಕಾಂಚಿಪುರೇ ವಿವೃತಾಖಿಲವೇದ
ಶಂಕರ ವಿಧುಮೌಲಿಮಹೇಶ ಜಯ ಭವತಾಪಹರ ॥ 10 ॥

ಶ್ರೀವಿಧುಮೌಲಿಯತೇರಿದಮುದಿತಮುದಾರಂ
ಶ್ರೃಣು ಕರುಣಾಭರಣಾಖಿಲಸಾರಂ
ಶಂಕರಾರುಣಶೈಲಮಹೇಶ ಜಯ ಭವತಾಪಹರ ॥ 11 ॥

ಶ್ಲೋಕಃ
ಕನಕಸಭಾನಟಾಯ ಹರಿನೀಲಗಳಾಯ ನಮ-
ಸ್ತ್ರಿಪುರಹರಾಯ ಮಾರರಿಪವೇ ಮುನಿಮೋಹಭಿದೇ ।
ರಘುಕೃತಸೇತವೇ ವಿಮಲಕಾಶಿಜುಷೇ ಭವತೇ
ನಿಗಮರಸಾಲ ಕೂರ್ಮಹರಿಪೂಜಿತ ಚನ್ದ್ರಧರ ॥ ॥ 6 ॥

ಪಾಪಂ ವಾರಯತೇ ಪರಂ ಘಟಯತೇ ಕಾಲಂ ಪರಾಕುರ್ವತೇ
ಮೋಹಂ ದೂರಯತೇ ಮದಂ ಶಮಯತೇ ಮತ್ತಾಸುರಾನ್ ಹಿಂಸತೇ ।
ಮಾರಂ ಮಾರಯತೇ ಮಹಾಮುನಿಗಣಾನಾನನ್ದಿನಃ ಕುರ್ವತೇ
ಪಾರ್ವತ್ಯಾ ಸಹಿತಾಯ ಸರ್ವನಿಧಯೇ ಶರ್ವಾಯ ತುಭ್ಯಂ ನಮಃ ॥ 7 ॥

॥ ದ್ವಿತೀಯಾಷ್ಟಪದೀ ॥

ಭೈರವೀರಾಗೇಣ ತ್ರಿಪುಟತಾಲೇನ ಗೀಯತೇ
(ಶ್ರಿತಕಮಲಾಕುಚ ಇತಿವತ್)
ಕಲಿಹರಚರಿತವಿಭೂಷಣ ಶ್ರುತಿಭಾಷಣ
ಕರತಲವಿಲಸಿತಶೂಲ ಜಯ ಭವತಾಪಹರ ॥ 1 ॥

ದಿನಮಣಿನಿಯುತವಿಭಾಸುರ ವಿಜಿತಾಸುರ
ನಲಿನನಯನಕೃತಪೂಜ ಜಯ ಭವತಾಪಹರ ॥ 2 ॥

ನಿರ್ಜಿತಕುಸುಮಶರಾಸನ ಪುರಶಾಸನ
ನಿಟಿಲತಿಲಕಶಿಖಿಕೀಲ ಜಯ ಭವತಾಪಹರ ॥ 3 ॥

ಪದಯುಗವಿನತಾಖಂಡಲ ಫಣಿಕುಂಡಲ
ತ್ರಿಭುವನಪಾವನ ಪಾದ ಜಯ ಭವತಾಪಹರ ॥ 4 ॥

ಅನ್ಧಕದಾನವದಾರಣ ಭವತಾರಣ
ಸ್ಮರತನುಭಸಿತವಿಲೇಪ ಜಯ ಭವತಾಪಹರ ॥ 5 ॥

ಹಿಮಕರಶಕಲವತಂಸಕ ಫಣಿಹಂಸಕ
ಗಗನಧುನೀಧೃತಶೀಲ ಜಯ ಭವತಾಪಹರ ॥ 6 ॥

ಪರಮತಪೋಧನಭಾವಿತ ಸುರಸೇವಿತ
ನಿಖಿಲಭುವನಜನಪಾಲ ಜಯ ಭವತಾಪಹರ ॥ 7 ॥

ಕರಿಮುಖಶರಭವನನ್ದನ ಕೃತವನ್ದನ
ಶ್ರೃಣುಶಶಿಧರಯತಿಗೀತಂ ಜಯ ಭವತಾಪಹರ ॥ 8 ॥

ಶ್ಲೋಕಃ
ತುಹಿನಗಿರಿಕುಮಾರೀ ತುಂಗವಕ್ಷೋಜಕುಮ್ಭ-
ಸ್ಫುಟದೃಢಪರಿರಮ್ಭಶ್ಲಿಷ್ಟ ದಿವ್ಯಾಂಗರಾಗಮ್ ।
ಉದಿತಮದನಖೇದಸ್ವೇದಮಂಸಾನ್ತರಂ ಮಾಂ
ಅವತು ಪರಶುಪಾಣೇರ್ವ್ಯಕ್ತ ಗಾಢಾನುರಾಗಮ್ ॥ 8 ॥

ವಾಸನ್ತಿಕಾಕುಸುಮಕೋಮಲದರ್ಶನೀಯೈಃ
ಅಂಗೈರನಂಗವಿಹಿತಜ್ವರಪಾರವಶ್ಯಾತ್ ।
ಕಮ್ಪಾತಟೋಪವನಸೀಮನಿ ವಿಭ್ರಮನ್ತೀಂ
ಗೌರಿಮಿದಂ ಸರಸಮಾಹ ಸಖೀ ರಹಸ್ಯಮ್ ॥ 9 ॥

॥ ತೃತೀಯಾಷ್ಟಪದೀ ॥

ವಸನ್ತರಾಗೇಣ ಆದಿತಾಲೇನ ಗೀಯತೇ
(ಲಲಿತಲವಂಗಲತಾ ಇತಿವತ್)
ವಿಕಸದಮಲಕುಸುಮಾನುಸಮಾಗಮಶೀತಲಮೃದುಲಸಮೀರೇ
ಅತಿಕುಲಕಲರವಸಮ್ಭೃತಘನಮದಪರಭೃತಘೋಷಗಭೀರೇ
ವಿಲಸತಿ ಸುರತರುಸದಸಿ ನಿಶಾನ್ತೇ
ವರಯುವತಿಜನಮೋಹನತನುರಿಹ ಶುಭದತಿ ವಿತತವಸನ್ತೇ ವಿಲಸತಿ ॥ 1 ॥

ಕುಸುಮಶರಾಸನಶಬರನಿಷೂದಿತಕುಪಿತವಧೂಧೃತಮಾನೇ
ಧನರಸಕುಂಕುಮಪಂಕವಿಲೇಪನವಿಟಜನಕುತುಕವಿಧಾನೇ ವಿಲಸತಿ ॥ 2 ॥

ಕುಸುಮಿತಬಾಲರಸಾಲಮನೋಹರಕಿಸಲಯಮದನಕೃಪಾಣೇ
ಮಧುಕರಮಿಥುನಪರಸ್ಪರಮಧುರಸಪಾನನಿಯೋಗಧುರೀಣೇ ವಿಲಸತಿ ॥ 3 ॥

ಮದನಮಹೀಪತಿಶುಭಕರಮನ್ತ್ರಜಪಾಯಿತಮಧುಕರಘೋಷೇ
ಅವಿರಲಕುಸುಮಮರನ್ದಕೃತಾಭಿನಿಷೇಚನತರುಮುನಿಪೋಷೇ ವಿಲಸತಿ ॥ 4 ॥

ಮದನನಿದೇಶನಿವೃತ್ತಕಲೇಬರಮರ್ದನಮಲಯಸಮೀರೇ
ತುಷಿತಮಧುವ್ರತಸಂಚಲದತಿಥಿಸುಪೂಜನಮಧುರಸಪೂರೇ ವಿಲಸತಿ ॥ 5 ॥

ಸುಚಿರಕೃತವ್ರತಮೌನವನಪ್ರಿಯಮುನಿಜನವಾಗನುಕೂಲೇ
ಲಲಿತಲತಾಗೃಹವಿಹೃತಿಕೃತಶ್ರಮಯುವತಿಸುಖಾನಿಲಶೀಲೇ ವಿಲಸತಿ ॥ 6 ॥

ವಿಷಮಶರಾವನಿಪಾಲರಥಾಯಿತಮೃದುಲಸಮೀರಣಜಾಲೇ
ವಿರಹಿಜನಾಶಯಮೋಹನಭಸಿತಪರಾಗವಿಜೃಮ್ಭಣಕಾಲೇ ವಿಲಸತಿ ॥ 7 ॥

ಶ್ರೀಶಿವಪೂಜನಯತಮತಿ ಚನ್ದ್ರಶಿಖಾಮಣಿಯತಿವರಗೀತಂ
ಶ್ರೀಶಿವಚರಣಯುಗಸ್ಮೃತಿಸಾಧಕಮುದಯತು ವನ್ಯವಸನ್ತಂ ವಿಲಸತಿ ॥ 8 ॥

ಶ್ಲೋಕಃ
ವಿಕಚಕಮಲಕಮ್ಪಾಶೈವಲಿನ್ಯಾಸ್ತರಂಗೈಃ
ಅವಿರಲಪರಿರಮ್ಭಃ ಸಮ್ಭ್ರಮನ್ ಮಂಜರೀಣಾಮ್ ।
ಪರಿಸರರಸರಾಗೈರ್ವ್ಯಾಪ್ತಗಾತ್ರಾನುಲೇಪೋ
ವಿಚರತಿ ಕಿತವೋಽಯಂ ಮನ್ದಮನ್ದಂ ಸಮೀರಃ ॥ 9 ॥

॥ ದ್ವಿತೀಯಃ ಸರ್ಗಃ ॥
ಶ್ಲೋಕಃ
ಪ್ರಗಲ್ಭತರಭಾಮಿನೀ ಶಿವಚರಿತ್ರ ಗಾನಾಮೃತ-
ಪ್ರಭೂತನವಮಂಜರೀಸುರಭಿಗನ್ಧಿಮನ್ದಾನಿಲೇ ।
ರಸಾಲತರುಮೂಲಗಸ್ಫುರಿತಮಾಧವೀ ಮಂಡಪೇ
ಮಹೇಶಮುಪದರ್ಶಯನ್ತ್ಯಸಕೃದಾಹ ಗೌರೀಮಸೌ ॥

॥ ಚತುರ್ಥಾಷ್ಟಪದೀ ॥

ರಾಮಕ್ರಿಯಾರಾಗೇಣ ಆದಿತಾಲೇನ ಗೀಯತೇ
(ಚನ್ದನಚರ್ಚಿತ ಇತಿವತ್)
ಅವಿರಲ ಕುಂಕುಮಪಂಕಕರಮ್ಬಿತಮೃಗಮದಚನ್ದ್ರವಿಲೇಪಂ
ನಿಟಿಲ ವಿಶೇಷಕಭಾಸುರವಹ್ನಿವಿಲೋಚನ ಕೃತಪುರತಾಪಂ
ಶಶಿಮುಖಿ ಶೈಲವಧೂತನಯೇ ವಿಲೋಕಯ ಹರಮಥ ಕೇಲಿಮಯೇ ಶಶಿಮುಖಿ ॥ 1 ॥

ಯುವತಿಜನಾಶಯಮದನಶರಾಯಿತಶುಭತರನಯನ ವಿಲಾಸಂ
ಭುವನವಿಜೃಮ್ಭಿತಘನತರತಿಮಿರನಿಷೂದನನಿಜತನು ಭಾಸಂ ಶಶಿಮುಖಿ ॥ 2 ॥

ಪಾಣಿ ಸರೋಜಮೃಗೀಪರಿಶಂಕಿತಬಾಲತೃಣಾಲಿಗಲಾಭಂ
ಯೌವತಹೃದಯವಿದಾರಣಪಟುತರದರಹಸಿತಾಮಿತಶೋಭಂ ಶಶಿಮುಖಿ ॥ 3 ॥

ಚರಣಸರೋಜಲಸನ್ಮಣಿನೂಪುರಘೋಷವಿವೃತಪದಜಾತಂ
ಗಗನಧುನೀಸಮತನುರುಚಿಸಂಹತಿಕಾರಿತಭುವನವಿಭಾತಂ ಶಶಿಮುಖಿ ॥ 4 ॥

ನಿಖಿಲವಧೂಜನಹೃದಯಸಮಾಹೃತಿಪಟುತರಮೋಹನರೂಪಂ
ಮುನಿವರನಿಕರವಿಮುಕ್ತಿವಿಧಾಯಕಬೋಧವಿಭಾವನದೀಪಂ ಶಶಿಮುಖಿ ॥ 5 ॥

ವಿಕಚಸರೋರುಹಲೋಚನಸಕೃದವಲೋಕನಕೃತಶುಭಜಾತಂ
ಭುಜಗಶಿರೋಮಣಿಶೋಣರುಚಾ ಪರಿಭೀತಮೃಗೀಸಮುಪೇತಂ ಶಶಿಮುಖಿ ॥ 6 ॥

ರಜತಮಹೀಧರಸದೃಶಮಹಾವೃಷದೃಷ್ಟಪುರೋವನಿಭಾಗಂ
ಸನಕಸನನ್ದನಮುನಿಪರಿಶೋಭಿತದಕ್ಷಿಣತದಿತರಭಾಗಂ ಶಶಿಮುಖಿ ॥ 7 ॥

ಶ್ರೀಶಿವಪರಿಚರಣವ್ರತಚನ್ದ್ರಶಿಖಾಮಣಿ ನಿಯಮಧನೇನ
ಶಿವಚರಿತಂ ಶುಭಗೀತಮಿದಂ ಕೃತಮುದಯತು ಬೋಧಘನೇನ ಶಶಿಮುಖಿ ॥ 8 ॥

ಶ್ಲೋಕಃ
ಮದನಕದನಶಾನ್ತ್ಯೈ ಫುಲ್ಲಮಲ್ಲೀ ಪ್ರಸೂನೈಃ
ವಿರಚಿತವರಶಯ್ಯಾಮಾಪ್ನುವನ್ನಿನ್ದುಮೌಲಿಃ ।
ಮೃದುಮಲಯಸಮೀರಂ ಮನ್ಯಮಾನಃ ಸ್ಫುಲಿಂಗಾನ್
ಕಲಯತಿ ಹೃದಯೇ ತ್ವಾಮನ್ವಹಂ ಶೈಲ ಕನ್ಯೇ ॥ 12 ॥

ಇತಿ ಸಹಚರೀವಾಣೀಮಾಕರ್ಣ್ಯ ಸಾಪಿ ಸುಧಾಝರೀಂ
ಅಚಲದುಹಿತಾ ನೇತುಃ ಶ್ರುತ್ವಾಭಿರೂಪ್ಯಗುಣೋದಯಮ್ ।
ವಿರಹಜನಿತಾಮಾರ್ತಿಂ ದೂರೀಚಕಾರ ಹೃದಿ ಸ್ಥಿತಾಂ
ದಯಿತನಿಹಿತಪ್ರೇಮಾ ಕಾಮಂ ಜಗಾದ ಮಿಥಃ ಸಖೀಮ್ ॥ 13 ॥

॥ ಪಂಚಮಾಷ್ಟಪದೀ ॥

ತೋಡಿರಾಗೇಣ ಚಾಪುತಾಲೇನ ಗೀಯತೇ
(ಸಂಚರದಧರ ಇತಿವತ್)
ಜಲರುಹಶಿಖರವಿರಾಜಿತಹಿಮಕರಶಂಕಿತಕರನಖರಾಭಂ
ರುಚಿರರದನಕಿರಣಾಮರಸರಿದಿವ ಶೋಣನದಾಧರ ಶೋಭಂ
ಸೇವೇ ನಿಗಮರಸಾಲನಿವಾಸಂ – ಯುವತಿಮನೋಹರವಿವಿಧವಿಲಾಸಂ ಸೇವೇ ॥ 1 ॥

ಶುಭತನುಸೌರಭಲೋಭವಿಭೂಷಣಕೈತವಮಹಿತ ಭುಜಂಗಂ
ಮುಕುಟವಿರಾಜಿತಹಿಮಕರಶಕಲವಿನಿರ್ಗಲದಮೃತಸಿತಾಂಗಂ ಸೇವೇ ॥ 2 ॥

ಮಕುಟಪರಿಭ್ರಮದಮರಧುನೀನಖವಿಕ್ಷತಶಂಕಿತ ಚನ್ದ್ರಂ
ಉರಸಿ ವಿಲೇಪಿತಮಲಯಜಪಂಕವಿಮರ್ದಿತಶುಭತರಚನ್ದ್ರಂ ಸೇವೇ ॥ 3 ॥

ಪನ್ನಗಕರ್ಣವಿಭೂಷಣಮೌಲಿಗಮಣಿರುಚಿ ಶೋಣಕಪೋಲಂ
ಅಗಣಿತಸರಸಿಜಸಮ್ಭವಮೌಲಿಕಪಾಲನಿವೇದಿತ ಕಾಲಂ ಸೇವೇ ॥ 4 ॥

ಹರಿದನುಪಾಲಸುರೇಶಪದೋನ್ನತಿಮುಪನಮತೋ ವಿತರನ್ತಂ
ಅನವಧಿಮಹಿಮಚಿರನ್ತನಮುನಿಹೃದಯೇಷು ಸದಾ ವಿಹರನ್ತಂ ಸೇವೇ ॥ 5 ॥

ನಾರದಪರ್ವತವರಮುನಿಕಿನ್ನರಸನ್ನುತ ವೈಭವ ಜಾತಂ
ಅನ್ಧಕಸುರರಿಪುಗನ್ಧಸಿನ್ಧುರ ವಿಭಂಗಮೃಗಾದಿಪರೀತಂ ಸೇವೇ ॥ 6 ॥

ವಿಷಯವಿರತವಿಮಲಾಶಯಕೋಶಮಹಾಧನಚರಣಸರೋಜಂ
ಘನತರನಿಜತನುಮಂಜುಲತಾಪರಿ ನಿರ್ಜಿತನಿಯುತ ಮನೋಜಂ ಸೇವೇ ॥ 7 ॥

ಶ್ರೀಶಿವ ಭಜನ ಮನೋರಥಚನ್ದ್ರಶಿಖಾಮಣಿಯತಿವರಗೀತಂ
ಶ್ರೋತುಮುದಂಚಿತಕೌತುಕಮವಿರತಮಮರವಧೂಪರಿ ಗೀತಂ ಸೇವೇ ॥ 8 ॥

ಶ್ಲೋಕಃ
ಸಹಚರಿ ಮುಖಂ ಚೇತಃ ಪ್ರಾತಃ ಪ್ರಫುಲ್ಲಸರೋರುಹ-
ಪ್ರತಿಮಮನಘಂ ಕಾನ್ತಂ ಕಾನ್ತಸ್ಯ ಚನ್ದ್ರಶಿಖಾಮಣೇಃ ।
ಸ್ಮರತಿ ಪರಿತೋದೃಷ್ಟಿಸ್ತುಷ್ಟಾ ತದಾಕೃತಿಮಾಧುರೀ-
ಗತಿವಿಷಯಿಣೀ ವಾಣೀ ತಸ್ಯ ಬ್ರವೀತಿ ಗುಣೋದಯಮ್ ॥ 14 ॥

॥ ಷಷ್ಟಾಷ್ಟಪದೀ ॥

ಕಾಮ್ಭೋಜಿರಾಗೇಣ ತ್ರಿಪುಟತಾಲೇನ ಗೀಯತೇ
(ನಿಭೃತನಿಕುಂಜ ಇತಿವತ್)
ನಿಖಿಲಚರಾಚರನಿರ್ಮಿತಿಕೌಶಲಭರಿತಚರಿತ್ರ ವಿಲೋಲಂ
ಲಲಿತರಸಾಲನಿಬದ್ಧಲತಾಗೃಹವಿಹರಣ ಕೌತುಕ ಶೀಲಂ
ಕಲಯೇ ಕಾಲಮಥನಮಧೀಶಂ
ಘಟಯ ಮಯಾ ಸಹ ಘನತರಕುಚಪರಿರಮ್ಭಣ ಕೇಲಿಕೃತಾಶಂ ಕಲಯೇ ॥ 1 ॥

ಕುವಲಯಸೌರಭವದನಸಮೀರಣವಸಿತನಿಖಿಲದಿಗನ್ತಂ
ಚರಣಸರೋಜವಿಲೋಕನತೋಽಖಿಲತಾಪರುಜಂ ಶಮಯನ್ತಂ ಕಲಯೇ ॥ 2 ॥

ಪಟುತರಚಾಟುವಚೋಮೃತಶಿಶಿರನಿವಾರಿತಮನಸಿಜತಾಪಂ
ತರುಣವನಪ್ರಿಯಭಾಷಣಯಾ ಸಹ ಸಾದರವಿಹಿತಸುಲಾಪಂ ಕಲಯೇ ॥ 3 ॥

ಚಲಿತದೃಗಂಚಲಮಸಮಶರಾನಿವ ಯುವತಿಜನೇ ನಿದಧಾನಂ
ರಹಸಿ ರಸಾಲಗೃಹಂ ಗತಯಾ ಸಹ ಸರಸವಿಹಾರವಿಧಾನಂ ಕಲಯೇ ॥ 4 ॥

ದರಹಸಿತದ್ಯುತಿಚನ್ದ್ರಿಕಯಾ ಗತಖೇದ ವಿಕಾರಚಕೋರಂ
ಲಸದರುಣಾಧರವದನವಶೀಕೃತಯುವತಿಜನಾಶಯಚೋರಂ ಕಲಯೇ ॥ 5 ॥

ಮಲಯಜಪಂಕವಿಲೇಪನಮುರುತರಕುಚಯುಗಮಾಕಲಯನ್ತಂ
ಕೃತಕರುಷೋ ಮಮ ಸುತನುಲತಾಪರಿರಮ್ಭಣಕೇಳಿಮಯನ್ತಂ ಕಲಯೇ ॥ 6 ॥

ಸುರತರುಕುಸುಮಸುಮಾಲಿಕಯಾ ಪರಿಮಂಡಿತಚಿಕುರನಿಕಾಯಂ
ಅಲಘುಪುಲಕಕಟಸೀಮನಿ ಮೃಗಮದಪತ್ರವಿಲೇಖವಿಧೇಯಂ ಕಲಯೇ ॥ 7 ॥

ಶ್ರೀಶಿವಸೇವನಚನ್ದ್ರಶಿಖಾಮಣಿಯತಿವರಗೀತಮುದಾರಂ
ಸುಖಯತು ಶೈಲಜಯಾ ಕಥಿತಂ ಶಿವಚರಿತವಿಶೇಷಿತಸಾರಂ ಕಲಯೇ ॥ 8 ॥

ಶ್ಲೋಕಃ
ಲೀಲಾಪ್ರಸೂನಶರಪಾಶಸೃಣಿಪ್ರಕಾಂಡ-
ಪುಂಡ್ರೇಕ್ಷುಭಾಸಿಕರಪಲ್ಲವಮಮ್ಬುಜಾಕ್ಷಮ್ ।
ಆಲೋಕ್ಯ ಸಸ್ಮಿತಮುಖೇನ್ದುಕಮಿನ್ದುಮೌಲಿಂ
ಉತ್ಕಂಠತೇ ಹೃದಯಮೀಕ್ಷಿತುಮೇವ ಭೂಯಃ ॥ 15 ॥

॥ ತೃತೀಯಃ ಸರ್ಗಃ ॥
ಶ್ಲೋಕಃ
ಇತಿ ಬಹು ಕಥಯನ್ತೀಮಾಲಿಮಾಲೋಕ್ಯ ಬಾಲಾಂ
ಅಲಘುವಿರಹದೈನ್ಯಾಮದ್ರಿಜಾಮೀಕ್ಷಮಾಣಃ ।
ಸಪದಿ ಮದನಖಿನ್ನಃ ಸೋಮರೇಖಾವತಂಸಃ
ಕಿಮಪಿ ವಿರಹಶಾನ್ತ್ಯೈ ಚಿನ್ತಯಾಮಾಸ ಧೀರಃ ॥ 16 ॥

॥ ಸಪ್ತಮಾಷ್ಟಪದೀ ॥

ಭೂಪಾಲರಾಗೇಣ ತ್ರಿಪುಟತಾಲೇನ ಗೀಯತೇ
(ಮಾಮಿಯಂ ಚಲಿತಾ ಇತಿವತ್)
ಶ್ಲೋಕಃ
ಲೀಲಯಾ ಕಲಹೇ ಗತಾ ಕಪಟಕ್ರುಧಾ ವನಿತೇಯಂ
ಮಾನಿನೀ ಮದನೇನ ಮಾಮಪಿ ಸನ್ತನೋತಿ ವಿಧೇಯಮ್ ॥

ಶಿವ ಶಿವ ಕುಲಾಚಲಸುತಾ ॥ 1 ॥

ತಾಪಿತೋ ಮದನಜ್ವರೇಣ ತನೂನಪಾದಧಿಕೇನ
ಯಾಪಯಮಿ ಕತಂ ನು ತದ್ವಿರಹಂ ಕ್ಷಣಂ ಕುತುಕೇನ ಶಿವ ಶಿವ ॥ 2 ॥

ಯತ್ಸಮಾಗಮಸಮ್ಮದೇನ ಸುಖೀ ಚಿರಂ ವಿಹರಾಮಿ ।
ಯದ್ವಿಯೋಗರುಜಾ ನ ಜಾತು ಮನೋಹಿತಂ ವಿತನೋಮಿ ಶಿವ ಶಿವ ॥ 3 ॥

ಲೀಲಯಾ ಕುಪಿತಾ ಯದಾ ಮಯಿ ತಾಮಥಾನುಚರಾಮಿ ।
ಭೂಯಸಾ ಸಮಯೇನ ತಾಮನುನೀಯ ಸಂವಿಹರಾಮಿ ಶಿವ ಶಿವ ॥ 4 ॥

ಅರ್ಪಿತಂ ಶಿರಸಿ ಕ್ರುಧಾ ಮಮ ಹಾ ಯದಂಘ್ರಿಸರೋಜಂ
ಪಾಣಿನಾ ಪರಿಪೂಜಿತಂ ಬತ ಜೃಮ್ಭಮಾಣಮನೋಜಂ ಶಿವ ಶಿವ ॥ 5 ॥

ದೃಶ್ಯಸೇ ಪುರತೋಽಪಿ ಗೌರಿ ನ ದೃಶ್ಯಸೇ ಚಪಲೇವ ।
ನಾಪರಾಧಕಥಾ ಮಯಿ ಪ್ರಣತಂ ಜನಂ ಕೃಪಯಾವ ಶಿವ ಶಿವ ॥ 6 ॥

ನೀಲನೀರದವೇಣಿ ಕಿಂ ತವ ಮತ್ಕೃತೇಽನುನಯೇನ ।
ಸನ್ನಿಧೇಹಿ ನ ಗನ್ತುಮರ್ಹಸಿ ಮಾದೃಶೇ ದಯನೇನ ಶಿವ ಶಿವ ॥ 7 ॥

ವರ್ಣಿತಂ ಶಿವದಾಸಚನ್ದ್ರಶಿಖಾಮಣಿಶ್ರಮಣೇನ ।
ವೃತ್ತಮೇತದುದೇತು ಸನ್ತತಂ ಈಶಿತುಃ ಪ್ರವಣೇನ ಶಿವ ಶಿವ ॥ 8 ॥

ಶ್ಲೋಕಃ
ಭುವನವಿಜಯೀ ವಿಕ್ರಾನ್ತೇಷು ತ್ವಮೇವ ನ ಚೇತರಃ
ತವ ನ ಕೃಪಣೇ ಯುಕ್ತಂ ಮಾದೃಗ್ವಿಧೇ ಶರವರ್ಷಣಮ್ ।
ಮದನ ಯದಿ ತೇ ವೈರಂ ನಿರ್ಯಾತು ಭೋ ನಿಯತಂ ಪುರಾ
ವಿಹಿತಮಹಿತೋ ನಾಹಂ ನಿತ್ಯಂ ತವಾಸ್ಮಿ ನಿದೇಶಗಃ ॥ 17 ॥

ಮಧುಕರಮಯಜ್ಯಾಘೋಷೇಣ ಪ್ರಕಮ್ಪಯಸೇ ಮನಃ
ಪರಭೃತವಧೂಗಾನೇ ಕರ್ಣಜ್ವರಂ ತನುಷೇತರಾಮ್ ।
ಕುಸುಮರಜಸಾಂ ಬೃನ್ದೈರುತ್ಮಾದಯಸ್ಯಚಿರಾದಿತಃ
ಸ್ಮರ ವಿಜಯಸೇ ವಿಶ್ವಂ ಚಿತ್ರೀಯತೇ ಕೃತಿರೀದೃಶೀ ॥ 18 ॥

ಚಲಿತಲಲಿತಾಪಾಂಗ ಶ್ರೇಣೀಪ್ರಸಾರಣಕೈತವಾತ್
ದರವಿಕಸಿತಸ್ವಚ್ಛಚ್ಛಾಯಾಸಿತೋತ್ಪಲವರ್ಷಣೈಃ ।
ವಿರಹಶಿಖಿನಾ ದೂನಂ ದೀನಂ ನ ಮಾಮಭಿರಕ್ಷಿತುಂ
ಯದಿ ನ ಮನುಷೇ ಜಾನಾಸಿ ತ್ವಂ ಮದೀಯದಶಾಂ ತತಃ ॥ 19 ॥

ಶುಭದತಿ ವಿಚರಾವಃ ಶುಭ್ರಕಮ್ಪಾತಟಿನ್ಯಾಸ್ತಟ
ಭುವಿ ರಮಣೀಯೋದ್ಯಾನಕೇಳಿಂ ಭಜಾವಃ ।
ಪ್ರತಿಮುಹುರಿತಿ ಚಿನ್ತಾವಿಹ್ವಲಃ ಶೈಲಕನ್ಯಾಮಭಿ
ಶುಭತರವಾದಃ ಪಾತು ಚನ್ದ್ರಾರ್ಧಮೌಲೇಃ ॥ 20 ॥

॥ ಚತುರ್ಥಃ ಸರ್ಗಃ ॥
ಶ್ಲೋಕಃ
ಕಮ್ಪಾತೀರಪ್ರಚುರರುಚಿರೋದ್ಯಾನವಿದ್ಯೋತಮಾನ-
ಶ್ರೀಮಾಕನ್ದದ್ರುಮಪರಿಸರ ಮಾಧವೀಕ್ಲೃಪ್ತಶಾಲಾಮ್ ।
ಅಧ್ಯಾಸೀನಂ ರಹಸಿ ವಿರಹಶ್ರಾನ್ತಮಶ್ರಾನ್ತಕೇಲಿಂ
ವಾಚಂ ಗೌರೀಪ್ರಿಯಸಹಚರೀ ಪ್ರಾಹ ಚನ್ದ್ರಾವತಂಸಮ್ ॥ 21 ॥

॥ ಅಷ್ಟಮಾಷ್ಟಪದೀ ॥

ಸೌರಾಷ್ಟ್ರರಾಗೇಣ ಆದಿತಾಲೇನ ಗೀಯತೇ
(ನಿನ್ದತಿ ಚನ್ದನಂ ಇತಿವತ್)
ಯಾ ಹಿ ಪುರಾ ಹರ ಕುತುಕವತೀ ಪರಿಹಾಸಕಥಾಸು ವಿರಾಗಿಣೀ
ಅಸಿತಕುಟಿಲ ಚಿಕುರಾವಳಿ ಮಂಡನಶುಭತರದಾಮ ನಿರೋಧಿನೀ
ಶಂಕರ ಶರಣಮುಪೈತಿ ಶಿವಾಮತಿಹನ್ತಿ ಸ ಶಮ್ಬರವೈರೀ
ಶಿವ ವಿರಹಕೃಶಾ ತವ ಗೌರೀ ॥ 1 ॥

ಕುಸುಮ ಶಯನಮುಪಗಮ್ಯ ಸಪದಿ ಮದನಶರವಿಸರಪರಿದೂನಾ
ಮಲಯಜರಜಸಿ ಮಹನಲತತಿಮಿವ ಕಲಯತಿ ಮತಿಮತಿದೀನಾ
ಶಿವ ವಿರಹಕೃಶಾ ತವ ಗೌರೀ ॥ 2 ॥

ಉರಸಿರುಚಿರಮಣಿಹಾರಲತಾಗತಬಲಭಿದುಪಲತತಿನೀಲಾ
ಮಂಜುವಚನಗೃಹಪಂಜರಶುಕಪರಿಭಾಷಣಪರಿಹೃತಲೀಲಾ
ಶಿವ ವಿರಹಕೃಶಾ ತವ ಗೌರೀ ॥ 3 ॥

ಭೃಶಕೃತಭವದನುಭಾವನಯೇಕ್ಷಿತ ಭವತಿ ವಿಹಿತಪರಿವಾದಾ
ಸಪದಿ ವಿಹಿತ ವಿರಹಾನುಗಮನಾದನುಸಮ್ಭೃತಹೃದಯ ವಿಷಾದಾ
ಶಿವ ವಿರಹಕೃಶಾ ತವ ಗೌರೀ ॥ 4 ॥

ಬಾಲಹರಿಣಪರಿಲೀಢಪದಾ ತದನಾದರವಿಗತ ವಿನೋದಾ
ಉನ್ಮದಪರಭೃತವಿರುತಾಕರ್ಣನಕರ್ಣಶಲ್ಯಕೃತಬಾಧಾ
ಶಿವ ವಿರಹಕೃಶಾ ತವ ಗೌರೀ ॥ 5 ॥

ಕೋಕಮಿಥುನಬಹುಕೇಳಿವಿಲೋಕನಜೃಮ್ಭಿತಮದನ ವಿಕಾರಾ
ಶಂಕರಹಿಮಕರಶೇಖರ ಪಾಲಯ ಮಾಮಿತಿ ವದತಿ ನ ಧೀರಾ
ಶಿವ ವಿರಹಕೃಶಾ ತವ ಗೌರೀ ॥ 6 ॥

ದೂಷಿತಮೃಗಮದರುಚಿರವಿಶೇಷಕ ನಿಟಿಲಭಸಿಕೃತರೇಖಾ
ಅತನುತನುಜ್ವರಕಾರಿತಯಾ ಪರಿವರ್ಜಿತಚನ್ದ್ರಮಯೂಖಾ
ಶಿವ ವಿರಹಕೃಶಾ ತವ ಗೌರೀ ॥ 7 ॥

ಶ್ರೀಶಿವಚರಣನಿಷೇವಣಚನ್ದ್ರಶಿಖಾಮಣಿಯತಿವರಗೀತಂ
ಶ್ರೀಗಿರಿಜಾವಿರಹಕ್ರಮವರ್ಣನಮುದಯತು ವಿನಯಸಮೇತಂ
ಶಿವ ವಿರಹಕೃಶಾ ತವ ಗೌರೀ ॥ 8 ॥

ಶ್ಲೋಕಃ
ಆವಾಸಮನ್ದಿರಮಿದಂ ಮನುತೇ ಮೃಡಾನೀ ಘೋರಾಟವೀಸದೃಶಮಾಪ್ತಸಖೀಜನೇನ ।
ನಾ ಭಾಷಣಾನಿ ತನುತೇ ನಲಿನಾಯತಾಕ್ಷೀ ದೇವ ತ್ವಯಾ ವಿರಹಿತಾ ಹರಿಣಾಂಕಮೌಲೇ ॥

॥ ನವಮಾಷ್ಟಪದೀ ॥

ಬಿಲಹರಿರಾಗೇಣ ತ್ರಿಪುಟತಾಲೇನ ಗೀಯತೇ
(ಸ್ತನವಿನಿಹತ ಇತಿವತ್)
ಹಿಮಕರಮಣಿಮಯದಾಮನಿಕಾಯ ಕಲಯತಿ ವಹ್ನಿಶಿಖಾಮುರಸೀಯಂ
ಶೈಲಜಾ ಶಿವ ಶೈಲಜಾ ವಿರಹೇ ತವ ಶಂಕರ ಶೈಲಜಾ ॥ 1 ॥

ವಪುಷಿ ಪತಿತಘನಹಿಮಕರಪೂರಂ ಸನ್ತನುತೇ ಹೃದಿ ದಿವಿ ದುರಿತಾರಂ ಶೈಲಜಾ ॥ 2 ॥

ಉರಸಿ ನಿಹಿತಮೃದು ವಿತತಮೃಣಾಲಂ ಪಶ್ಯತಿ ಸಪದಿ ವಿಲಸದಳಿನೀಲಂ ಶೈಲಜಾ ॥ 3 ॥

ಸಹಚರಯುವತಿಷು ನಯನಮನೀಲಂ ನಮಿತಮುಖೀ ವಿತನೋತಿ ವಿಶಾಲಂ ಶೈಲಜಾ ॥ 4 ॥

ರುಷ್ಯತಿ ಖಿದ್ಯತಿ ಮುಹುರನಿದಾನಂ ನ ಪ್ರತಿವಕ್ತಿ ಸಖೀಮಪಿ ದೀನಂ ಶೈಲಜಾ ॥ 5 ॥

ಶಿವ ಇತಿ ಶಿವ ಇತಿ ವದತಿ ಸಕಾಮಂ ಪಶ್ಯತಿ ಪಶುರಿವ ಕಿಮಪಿ ಲಲಾಮಂ ಶೈಲಜಾ ॥ 6 ॥

ಸುರತರುವಿವಿಧಫಲಾಮೃತಸಾರಂ ಪಶ್ಯತಿ ವಿಷಮಿವ ಭೃಶಮತಿಘೋರಂ ಶೈಲಜಾ ॥ 7 ॥

ಯತಿವರಚನ್ದ್ರಶಿಖಾಮಣಿಗೀತಂ ಸುಖಯತು ಸಾಧುಜನಂ ಶುಭಗೀತಂ ಶೈಲಜಾ ॥ 8 ॥

ಶ್ಲೋಕಃ
ತ್ವದ್ಭಾವನೈಕರಸಿಕಾಂ ತ್ವದಧೀನವೃತ್ತಿಂ
ತ್ವನ್ನಾಮಸಂಸ್ಮರಣಸಂಯುತಚಿತ್ತವೃತ್ತಿಮ್ ।
ಬಾಲಾಮಿಮಾಂ ವಿರಹಿಣೀಂ ಕೃಪಣೈಕಬನ್ಧೋ
ನೋಪೇಕ್ಷಸೇ ಯದಿ ತದಾ ತವ ಶಂಕರಾಖ್ಯಾ ॥ 23 ॥

ವಸ್ತೂನಿ ನಿಸ್ತುಲಗುಣಾನಿ ನಿರಾಕೃತಾನಿ
ಕಸ್ತೂರಿಕಾರುಚಿರಚಿತ್ರಕಪತ್ರಜಾತಮ್ ।
ಈದೃಗ್ವಿಧಂ ವಿರಹಿಣೀ ತನುತೇ ಮೃಡಾನೀ
ತಾಮಾದ್ರಿಯಸ್ವ ಕರುಣಾಭರಿತೈರಪಾಂಗೈಃ ॥ 24 ॥

॥ ಪಂಚಮಃ ಸರ್ಗಃ ॥
ಶ್ಲೋಕಃ
ಏಕಾಮ್ರಮೂಲವಿಲಸನ್ನವಮಂಜರೀಕ
ಶ್ರೀಮಾಧವೀರುಚಿರಕುಂಜಗೃಹೇವಸಾಮಿ ।
ತಾಮಾನಯಾನುನಯ ಮದ್ವಚನೇನ ಗೌರೀಮಿತ್ಥಂ
ಶಿವೇನ ಪುನರಾಹ ಸಖೀ ನಿಯುಕ್ತಾ ॥

॥ ದಶಮಾಷ್ಟಪದೀ ॥

ಆನನ್ದಭೈರವೀರಾಗೇಣ ಆದಿತಾಲೇನ ಗೀಯತೇ
(ವಹತಿ ಮಲಯಸಮೀರೇ ಇತಿವತ್)
ಜಯತಿ ಮದನನೃಪಾಲೇ ಶಿವೇ ಕುಪಿತಪಥಿಕ ಜಾಲಂ
ಭ್ರಮರಮಿಥುನ ಜಾಲೇ ಶಿವೇ ಪಿಬತಿ ಮಧು ಸಲೀಲಂ
ವಿರಹರುಜಾ ಪುರವೈರೀ ಪರಿಖಿದ್ಯತಿ ಗೌರೀ ಶಿವವಿರಹರುಜಾ ॥ 1 ॥

ಮಲಯಮರುತಿ ವಲಮಾನೇ ಶಿವೇ ವಿರಹ ವಿಘಟನಾಯ
ಸತಿ ಚ ಮಧುಪಗಾನೇ ಶಿವೇ ಸರಸವಿಹರಣಾಯ ಶಿವ ವಿರಹರುಜಾ ॥ 2 ॥

ಕುಸುಮಭರಿತಸಾಲೇ ಶಿವೇ ವಿತತಸುಮಧುಕಾಲೇ
ಕೃಪಣವಿರಹಿಜಾಲೇ ಶಿವೇ ಕಿತವಹೃದನುಕೂಲೇ ಶಿವವಿರಹರುಜಾ ॥ 3 ॥

ಮದನವಿಜಯನಿಗಮಂ ಶಿವೇ ಜಪತಿ ಪಿಕಸಮೂಹೇ
ಚತುರಕಿತವಸಂಗ (ಶಿವೇ) ಕುಟಿಲರವದುರೂಹೇ ಶಿವವಿರಹರುಜಾ ॥ 4 ॥

ಕುಸುಮರಜಸಿ ಭರಿತೇ ಶಿವೇ ಕಿತವಮೃದುಳಮರುತಾ
ದಿಶಿ ಚ ವಿದಿಶಿ ವಿತತೇ ಶಿವೇ ವಿರಹಿವಪುಷಿ ಚರತಾ ಶಿವವಿರಹರುಜಾ ॥ 5 ॥

ವಿಮಲತುಹಿನಕಿರಣೇ ಶಿವೇ ವಿಕಿರತಿ ಕರಜಾಲಂ
ವಿಹೃತಿವಿರತಿಹರಣೇ ಶಿವೇ ವಿಯತಿ ದಿಶಿ ವಿಶಾಲಂ ಶಿವವಿರಹರುಜಾ ॥ 6 ॥

ಮೃದುಲಕುಸುಮಶಯನೇ ಶಿವೇ ವಪುಷಿ ವಿರಹದೂನೇ
ಭ್ರಮತಿ ಲುಠತಿ ದೀನೇ ಶಿವೇ ಸುಹಿತಶರಣಹೀನೇ ಶಿವವಿರಹರುಜಾ ॥ 7 ॥

ಜಯತಿ ಗಿರಿಶಮತಿನಾ ಶಿವೇ ಗಿರಿಶವಿರಹಕಥನಂ
ಚನ್ದ್ರಮಕುಟಯತಿನಾ ಶಿವೇ ನಿಖಿಲಕಲುಷಮಥನಂ ಶಿವವಿರಹರುಜಾ ॥ 8 ॥

ಶ್ಲೋಕಃ
ಯತ್ರತ್ವಾಮನುರಂಜಯನ್ನತಿತರಾಮಾರಬ್ಧಕಾಮಾಗಮಂ
ವ್ಯಾಪಾರೈರಚಲಾಧಿರಾಜತನಯೇ ಕೇಲೀವಿಶೇಷೈರ್ಯುತಃ ।
ತತ್ರ ತ್ವಾಮನುಚಿನ್ತಯನ್ನಥ ಭವನ್ನಾಮೈಕತನ್ತ್ರಂ ಜಪನ್
ಭೂಯಸ್ತತ್ಪರಿತಮ್ಭಸಮ್ಭ್ರಮಸುಖಂ ಪ್ರಾಣೇಶ್ವರಃ ಕಾಂಕ್ಷತಿ ॥ 26 ॥

॥ ಏಕಾದಶಾಷ್ಟಪದೀ ॥

ಕೇದಾರಗೌಳರಾಗೇಣ ಆದಿತಾಲೇನ ಗೀಯತೇ
(ರತಿಸುಖಸಾರೇ ಗತಮಭಿಸಾರೇ ಇತಿವತ್)
ಹಿಮಗಿರಿತನಯೇ ಗುರುತರವಿನಯೇ ನಿಯುತಮದನಶುಭರೂಪಂ
ನಿಟಿಲನಯನಮನುರಂಜಯ ಸತಿ ತವ ವಿರಹಜನಿತಘನತಾಪಮ್ ।
ಮಲಯಜಪವನೇ ಕಮ್ಪಾನುವನೇ ವಸತಿ ಸುದತಿ ಪುರವೈರೀ
ಯುವತಿಹೃದಯಮದಮರ್ದನಕುಶಲೀ ಸಮ್ಭೃತ ಕೇಲಿವಿಹಾರೀ । ಮಲಯಜಪವನೇ ॥ 1 ॥

ವದ ಮೃದು ದಯಿತೇ ಮಮ ಹೃದಿ ನಿಯತೇ ಬಹಿರಿವ ಚರಸಿ ಸಮೀಪಂ
ವದತಿ ಮುಹುರ್ಮುಹುರಿತಿ ಹರ ಮಾಮಕದೇಹಮದನಘನತಾಪಮ್ । ಮಲಯಜಪವನೇ ॥ 2 ॥

ಉರುಘನ ಸಾರಂ ಹಿಮಜಲ ಪೂರಂ ವಪುಷಿ ಪತಿತಮತಿಘೋರಂ
ಸಪದಿ ನ ಮೃಷ್ಯತಿ ಶಪತಿ ಮನೋಭವಮತಿಮೃದುಮಲಯ ಸಮೀರಮ್ ।
ಮಲಯಜಪವನೇ ॥ 3 ॥

ವಿಲಿಖತಿ ಚಿತ್ರಂ ತವ ಚ ವಿಚಿತ್ರಂ ಪಶ್ಯತಿ ಸಪದಿ ಸಮೋದಂ
ವದತಿ ಝಟಿತಿ ಬಹು ಮಾಮಿತಿ ಶಮ್ಬರರಿಪುರತಿಕಲಯತಿ ಖೇದಮ್ ।
ಮಲಯಜಪವನೇ ॥ 4 ॥

ಅರ್ಪಯನೀಲಂ ಮಯಿ ಧೃತಲೀಲಂ ನಯನಕುಸುಮಮತಿಲೋಲಂ
ವಿರಹತರುಣಿ ವಿರಹಾತುರಮನುಭಜ ಮಾಮಿಹ (ತಿ) ವಿಲಪತಿ ಸಾ (ಸೋಽ) ಲಮ್ ।
ಮಲಯಜಪವನೇ ॥ 5 ॥

ಲಸದಪರಾಧಂ ಮನಸಿಜಬಾಧಂ ವಿಮೃಶ ವಿನೇತುಮುಪಾಯಂ
ಗುರುತರತುಂಗಪಯೋಧರದುರ್ಗಮಪಾನಯ ಹರಮನಪಾಯಮ್ । ಮಲಯಜಪವನೇ ॥ 6 ॥

ಅತಿಧೃತಮಾನೇ ಪರಭೃತಗಾನೇ ಕಿಂಚಿದುದಂಚಯ ಗಾನಂ
ಜಹಿ ಜಹಿ ಮಾನಮನೂನಗುಣೈ ರಮಯಾಶು ವಿರಹಚಿರದೀನಮ್ । ಮಲಯಜಪವನೇ ॥ 7 ॥

ಇತಿ ಶಿವವಿರಹಂ ಘನತರಮೋಹಂ ಭಣತಿ ನಿಯಮಿಜನಧೀರೇ
ಚನ್ದ್ರಶಿಖಾಮಣಿನಾಮನಿ ಕುಶಲಮುಪನಯ ಗಜವರಚೀರೇ । ಮಲಯಜಪವನೇ ॥ 8 ॥

ಶ್ಲೋಕಃ
ವಿಮಲ ಸಲಿಲೋದಂಚತ್ಕಮ್ಪಾಸರೋರುಹಧೋರಣೀ-
ಪರಿಮಲರಜಃ ಪಾಲೀಸಂಕ್ರಾನ್ತಮನ್ದಸಮೀರಣೇ ।
ವಿತಪತಿ ವಿಯದ್ಗಂಗಾಮಂಗೀಚಕಾರ ಶಿರಃ ಸ್ಥಿತಾಂ
ತವ ಹಿ ವಿರಹಾಕ್ರಾನ್ತಃ ಕಾನ್ತಃ ನತೋಽಪಿ ನ ವೇದಿತಃ ॥ 27 ॥

ಅನುಭವತಿ ಮೃಗಾಕ್ಷೀ ತ್ವದ್ವಿಯೋಗಕ್ಷಣಾನಾಂ
ಲವಮಿವ ಯುಗಕಲ್ಪಂ ಸ್ವಲ್ಪಮಾತ್ಮಾಪರಾಧಮ್ ।
ತ್ವಯಿ ವಿಹಿತಮನಲ್ಪಂ ಮನ್ಯಮಾನಃ ಕಥಂಚಿತ್
ನಯತಿ ಸಮಯಮೇನಂ ದೇವಿ ತಸ್ಮಿನ್ಪ್ರಸೀದ ॥ 28 ॥

ಇತಿ ಸಹಚರೀವಾಣೀಮೇಣಾಂಕಮೌಳಿಮನೋಭವ-
ವ್ಯಥನಕಥನೀಮೇನಾಮಾಕರ್ಣ್ಯ ಕರ್ಣಸುಧಾಝರೀಮ್ ।
ಸಪದಿ ಮುದಿತಾ ವಿನ್ಯಸ್ಯನ್ತೀ ಪದಾನಿ ಶನೈಃ ಶನೈಃ
ಜಯತಿ ಜಗತಾಂ ಮಾತಾ ನೇತುಃ ಪ್ರವಿಶ್ಯ ಲತಾಗೃಹಮ್ ॥ 29 ॥

ಸಾ ದಕ್ಷದೇವನವಿಹಾರಜಯಾನುಷಂಗಲೀಲಾಹವೇ ಭವತಿ ಶೈಲಜಯಾ ಶಿವಸ್ಯ ।
ಚೇತಃ ಪ್ರಸಾದಮನಯೋಸ್ತರಸಾ ವಿಧಾಯ ದೇವ್ಯಾ ಕೃತಂ ಕಥಯತಿ ಸ್ಮ ಸಖೀ ರಹಸ್ಯಮ್ ॥ 30 ॥

॥ ದ್ವಾದಶಾಷ್ಟಪದೀ ॥

ಶಂಕರಾಭರಣರಾಗೇಣ ತ್ರಿಪುಟತಾಲೇನ ಗೀಯತೇ
(ಪಶ್ಯತಿ ದಿಶಿ ದಿಶಿ ಇತಿವತ್)
ಕಲಯತಿ ಕಲಯತಿ ಮನಸಿ ಚರನ್ತಂ
ಕುಚಕಲಶಸ್ಪೃಶಮಯತಿ ಭವನ್ತಮ್ ।
ಪಾಹಿ ವಿಭೋ ಶಿವ ಪಾಹಿ ವಿಭೋ
ನಿವಸತಿ ಗೌರೀ ಕೇಳಿವನೇ ಪಾಹಿ ವಿಭೋ ॥ 1 ॥

ಜಪತಿ ಜಪತಿ ತವ ನಾಮ ಸುಮನ್ತ್ರಂ
ಪ್ರತಿ ಮುಹುರುದಿತಸುಮಾಯುಧತನ್ತ್ರಂ ಪಾಹಿ ॥ 2 ॥

ಉಪಚಿತಕುಸುಮಸುದಾಮವಹನ್ತೀ
ಭವದನುಚಿನ್ತನಮಾಕಲಯನ್ತೀ ಪಾಹಿ ॥ 3 ॥

ಮಲಯಜರಜಸಿ ನಿರಾಕೃತರಾಗಾ
ವಪುಷಿ ಭಸಿತ ಧೃತಿಸಂಯತಯೋಗಾ ಪಾಹಿ ॥ 4 ॥

ಪರಿಹೃತವೇಣಿ ಜಟಾಕಚ ಭಾರಾ
ನಿಜಪತಿಘಟಕಜನಾಶಯಧಾರಾ ಪಾಹಿ ॥ 5 ॥

ಅವಿಧೃತಮಣಿಮುಕುಟಾದಿಲಲಾಮಾ
ಬಿಸವಲಯಾದಿವಿಧಾರಣಕಾಮಾ ಪಾಹಿ ॥ 6 ॥

ಮುಹುರವಲೋಕಿತ ಕಿಸಲಯಶಯನಾ
ಬಹಿರುಪಸಂಗತ ಸುಲಲಿತ ನಯನಾ ಪಾಹಿ ॥ 7 ॥

ಇತಿ ಶಿವ ಭಜನಗುಣೇನ ವಿಭಾನ್ತಂ
ಚನ್ದ್ರಶಿಖಾಮಣಿನಾ ಶುಭಗೀತಮ್ ॥ ಪಾಹಿ ॥ 8 ॥

ಶ್ಲೋಕಃ
ಸಾ ವೀಕ್ಷತೇ ಸಹಚರೀಂ ಮದನೇನ ಲಜ್ಜಾ-
ಭಾರೇಣ ನೋತ್ತರವಚೋ ವದತಿ ಪ್ರಗಲ್ಭಾ ।
ವ್ಯಾಧೂನ್ವತಿ ಶ್ವಸಿತಕೋಷ್ಣಸಮೀರಣೇನ
ತುಂಗಸ್ತನೋತ್ತರಪಟಂ ಗಿರಿಜಾ ವಿಯುಕ್ತಾ ॥ 31 ॥

॥ ಷಷ್ಠಃ ಸರ್ಗಃ ॥
ಶ್ಲೋಕಃ
ಅಥ ವಿರಹಿಣೀಮರ್ಮಚ್ಛೇದಾನುಸಮ್ಭೃತಪಾತಕ-
ಶ್ರಿತ ಇವ ನಿಶಾನಾಥಃ ಸಂಕ್ರಾನ್ತನೀಲಗುಣಾನ್ತರಃ ।
ಕಿರಣನಿಕರೈರಂಚತ್ಕಮ್ಪಾಸರಿತ್ತಟರಮ್ಯಭೂ-
ವಲಯಮಭಿತೋ ವ್ಯಾಪ್ತ್ಯಾ ವಿಭ್ರಾಜಯನ್ಪರಿಜೃಮ್ಭತೇ ॥ 32 ॥

ವಿಕಿರತಿ ನಿಜಕರಜಾಲಂ ಹಿಮಕರಬಿಮ್ಬೇಽಪಿ ನಾಗತೇ ಕಾನ್ತೇ ।
ಅಕೃತಕಮನೀಯರೂಪಾ ಸ್ವಾತ್ಮಗತಂ ಕಿಮಪಿ ವದತಿ ಗಿರಿಕನ್ಯಾ ॥ 33 ॥

॥ ತ್ರಯೋದಶಾಷ್ಟಪದೀ ॥

ಆಹಿರಿರಾಗೇಣ ಝಮ್ಪತಾಲೇನ ಗೀಯತೇ
(ಕಥಿತಸಮಯೇಽಪಿ ಇತಿವತ್)
ಸುಚಿರವಿರಹಾಪನಯ ಸುಕೃತಭಿಕಾಮಿತಂ
ಸಫಲಯತಿ ಕಿಮಿಹ ವಿಧಿರುತ ನ ವಿಭವಾಮಿತಂ
ಕಾಮಿನೀ ಕಿಮಿಹ ಕಲಯೇ ಸಹಚರೀವಂಚಿತಾಹಂ ಕಾಮಿನೀ ॥ 1 ॥

ಯದನುಭಜನೇನ ಮಮ ಸುಖಮಖಿಲಮಾಯತಂ
ತಮನುಕಲಯೇ ಕಿಮಿಹ ನಯನಪಥಮಾಗತಂ ಕಾಮಿನೀ ॥ 2 ॥

ಯೇನ ಮಲಯಜರೇಣುನಿಕರಮಿದಮೀರಿತಂ
ನ ಚ ವಹತಿ ಕುಚಯುಗಲಮುರು ತದವಧೀರಿತುಂ ಕಾಮಿನೀ ॥ 3 ॥

ಯಚ್ಚರಣಪರಿಚರಣಮಖಿಲಫಲದಾಯಕಂ
ನ ಸ್ಪೃಶತಿ ಮನಸಿ ಮಮ ಹಾ ತದುಪನಾಯಕಂ ಕಾಮಿನೀ ॥ 4 ॥

ನಿಗಮಶಿರಸಿ ಸ್ಫುರತಿ ಯತಿಮನಸಿ ಯತ್ಪದಮ್ ।
ವಿತತಸುಖದಂ ತದಪಿ ಹೃದಿ ನ ಮೇ ಕಿಮಿದಂ ಕಾಮಿನೀ ॥ 5 ॥

ವಿರಹಸಮಯೇಷು ಕಿಲ ಹೃದಿ ಯದನುಚಿನ್ತನಮ್ ।
ನ ಸ ಭಜತಿ ನಯನಪಥಮಖಿಲಭಯ ಕೃನ್ತನಂ ಕಾಮಿನೀ ॥ 6 ॥

ಕುಚಯುಗಲಮಭಿಮೃಶತಿ ಸ ಯದಿ ರತಸೂಚಿತಮ್ ।
ಸಫಲಮಿಹ ನಿಖಿಲಗುಣಸಹಿತಮಪಿ ಜೀವಿತಂ ಕಾಮಿನೀ ॥ 7 ॥

ನಿಯಮಧನವಿಧುಮೌಳಿಫಣಿತಮಿದಮಂಚಿತಮ್ ।
ಬಹುಜನಿಷು ಕಲುಷಭಯಮಪನಯತು ಸಂಚಿತಂ ಕಾಮಿನೀ ॥ 8 ॥

ಶ್ಲೋಕಃ
ಆಜಗ್ಮುಷೀಂ ಸಹಚರೀಂ ಹರಮನ್ತರೇಣ
ಚಿನ್ತಾವಿಜೃಮ್ಭಿತವಿಷಾದಭರೇಣ ದೀನಾ ।
ಆಲೋಕ್ಯ ಲೋಕಜನನೀ ಹೃದಿ ಸನ್ದಿಹಾನಾ
ಕಾನ್ತಂ ಕಯಾಭಿರಮಿತಂ ನಿಜಗಾದ ವಾಕ್ಯಮ್ ॥ 34 ॥

॥ ಚತುರ್ದಶಾಷ್ಟಪದೀ ॥

ಸಾರಂಗರಾಗೇಣ ತ್ರಿಪುಟತಾಲೇನ ಗೀಯತೇ
(ಸ್ಮರಸಮರೋಚಿತ ಇತಿವತ್)
ಕುಸುಮಶರಾಹವಸಮುಚಿತರೂಪಾ ಪ್ರಿಯಪರಿರಮ್ಭಣಪರಿಹೃತತಾಪಾ
ಕಾಪಿ ಪುರರಿಪುಣಾ ರಮಯತಿ ಹೃದಯಮಮಿತಗುಣಾ ಕಾಪಿ ॥ 1 ॥

ಘನತರಕುಚಯುಗಮೃಗಮದಲೇಪಾ
ದಯಿತವಿಹಿತರತಿನವ್ಯಸುಲಾಪಾ ॥ ಕಾಪಿ ॥ 2 ॥

ರಮಣರಚಿತಕಟಪತ್ರವಿಶೇಷಾ
ಉರಸಿಲುಲಿತಮಣಿಹಾರವಿಭೂಷಾ ॥ ಕಾಪಿ ॥ 3 ॥

ದಯಿತನಿಪೀತಸುಧಾಧರಸೀಮಾ
ಗಲಿತವಸನಕಟಿಪರಿಹೃತದಾಮಾ ॥ ಕಾಪಿ ॥ 4 ॥

ಅಧಿಗತಮೃದುತರಕಿಸಲಯಶಯನಾ
ದರಪರಿಮೀಲಿತಚಾಲಿತನಯನಾ ॥ ಕಾಪಿ ॥ 5 ॥

ವಿಹಿತಮಧುರರತಿಕೂಜಿತಭೇದಾ
ದೃಢಪರಿರಮ್ಭಣಹತಮೇತಿ ಭೇದಾ ॥ ಕಾಪಿ ॥ 6 ॥

ಮಹಿತ ಮಹೋರಸಿ ಸರಭಸಪತಿತಾ
ಲುಲಿತಕುಸುಮಕುಟಿಲಾಲಕಮುದಿತಾ ॥ ಕಾಪಿ ॥ 7 ॥

ಚನ್ದ್ರಶಿಖಾಮಣಿಯತಿವರಭಣಿತಮ್ ।
ಸುಖಯತು ಸಾಧುಜನಂ ಶಿವಚರಿತಮ್ ॥ ಕಾಪಿ ॥ 8 ॥

॥ ಸಪ್ತಮಃ ಸರ್ಗಃ ॥
ಶ್ಲೋಕಃ
ಚಕೋರಾಣಾಂ ಪ್ರೀತಿಂ ಕಲಯಸಿ ಮಯೂಖೈರ್ನಿಜಕಲಾ-
ಪ್ರದಾನೈರ್ದೇವಾನಮಪಿ ದಯಿತಭಾಜಾಂ ಮೃಗದೃಶಾಮ್ ।
ನ ಕೋಕಾನಾಂ ರಾಕಾಹಿಮಕಿರಣ ಮಾದೃಗ್ವಿರಹಿಣೀ-
ಜನಾನಾಂ ಯುಕ್ತಂ ತೇ ಕಿಮಿದಮಸಮಂ ಹನ್ತ ಚರಿತಮ್ ॥ 35 ॥

ಗಂಗಾಮಂಗನಿಷಂಗಿಪಂಕಜರಜೋಗನ್ಧಾವಹಾಮಂಗನಾಂ
ಆಶ್ಲಿಷ್ಯನ್ನಿಭೃತಂ ನಿರಂಕುಶರಹಃ ಕೇಳೀವಿಶೇಷೈರಲಮ್ ।
ವಿಭ್ರಾನ್ತಃ ಕಿಮದಭ್ರರಾಗಭರಿತಸ್ತಸ್ಯಾಮುತ ಸ್ಯಾದಯಂ
ಕಾನ್ತೋಽಶ್ರಾನ್ತಮನಂಗನಾಗವಿಹತೋ ನಾಭ್ಯಾಶಮಭ್ಯಾಗತಃ ॥ 36 ॥

ಸನ್ತಾಪಯನ್ನಖಿಲಗಾತ್ರಮಮಿತ್ರಭಾವಾತ್
ಸನ್ದೃಶ್ಯತೇ ಜಡಧಿಯಾಮಿಹ ಶೀತಭಾನುಃ ।
ದೋಷಾಕರೋ ವಪುಷಿ ಸಂಗತರಾಜಯಕ್ಷ್ಮಾ
ಘೋರಾಕೃತಿರ್ಹಿ ಶಿವದೂತಿ ನಿಶಾಚರಾಣಾಮ್ ॥ 37 ॥

॥ ಪಂಚದಶಾಷ್ಟಪದೀ ॥

ಸಾವೇರಿರಾಗೇಣ ಆದಿತಾಲೇನ ಗೀಯತೇ
(ಸಮುದಿತವದನೇ ಇತಿವತ್)
ವಿರಹಿತಶರಣೇ ರಮಣೀಚರಣೇ ವಿಜಿತಾರುಣಪಂಕಜೇ
ಅರುಣಿಮರುಚಿರಂ ಕಲಯತಿ ಸುಚಿರಂ ಮತಿಮಿವ ವಪುಷಿ ನಿಜೇ
ರಮತೇ ಕಮ್ಪಾಮಹಿತವನೇ ವಿಜಯೀ ಪುರಾರಿಜನೇ ॥ ರಮತೇ ॥ 1 ॥

ಅಲಿಕುಲವಲಿತೇ ಪರಿಮಳಲಲಿತೇ ಯುವತಿಕುಟಿಲಾಲಕೇ
ಕಲಯತಿ ಕುಸುಮಂ ವಿಲಸಿತಸುಷುಮಂ ಸುಮಶರಪರಿಪಾಲಕೇ ॥ ರಮತೇ ॥ 2 ॥

ಕುಚಗಿರಿಯುಗಲೇ ನಿಜಮತಿನಿಗಲೇ ಮೃಗಮದರಚನಾಕರೇ
ಮಣಿಸರನಿಕರಂ ವಿಲಸಿತಮುಕುರಂ ಘಟಯತಿ ಸುಮನೋಹರೇ ॥ ರಮತೇ ॥ 3 ॥

ವಿಲಸಿತರದನೇ ತರುಣೀವದನೇ ಕಿಸಲಯರುಚಿರಾಧರೇ
ರಚಯತಿ ಪತ್ರಂ ಮಕರವಿಚಿತ್ರಂ ಸ್ಮಿತರುಚಿಪರಿಭಾಸುರೇ ॥ ರಮತೇ ॥ 4 ॥

ಕಟಿತಟಭಾಗೇ ಮನಸಿಜಯೋಗೇ ವಿಗಳಿತಕನಕಾಮ್ಬರೇ
ಮಣಿಮಯರಶನಂ ರವಿರಚಿವಸನಂ ಘಟಯತಿ ತುಹಿನಕರೇ ॥ ರಮತೇ ॥ 5 ॥

ಅಧರಸುಧಾಳಿಂ ರುಚಿರರದಾಲಿಂ ಪಿಬತಿ ಸುಮುಖಶಂಕರೇ
ವಿದಧತಿ ಮಧುರಂ ಹಸತಿ ಚ ವಿಧುರಂ ರತಿನಿಧಿನಿಹಿತಾದರೇ ॥ ರಮತೇ ॥ 6 ॥

ಮೃದುಲಸಮೀರೇ ವಲತಿ ಗಭೀರೇ ವಿಲಸತಿ ತುಹಿನಕರೇ
ಉದಿತಮನೋಜಂ ವಿಕಸದುರೋಜಂ ಶಿವರತಿವಿಹಿತಾದರೇ ॥ ರಮತೇ ॥ 7 ॥

ಇತಿ ರಸವಚನೇ ಶಿವನತಿ ರಚನೇ ಪುರಹರಭಜನಾದರೇ
ಬಹುಜನಿಕಲುಷಂ ನಿರಸತು ಪರುಷಂ ಯತಿವರವಿಧುಶೇಖರೇ ॥ ರಮತೇ ॥ 8 ॥

ಶ್ಲೋಕಃ
ಆಯಾತವಾನಿಹ ನ ಖೇದಪರಾನುಷಂಗ-
ವಾಂಛಾಭರೇಣ ವಿವಶಸ್ತರುಣೇನ್ದುಮೌಲಿಃ ।
ಸ್ವಚ್ಛ್ನ್ದಮೇವ ರಮತಾಂ ತವ ಕೋಽತ್ರ ದೋಷಃ
ಪಶ್ಯಾಚಿರೇಣ ದಯಿತಂ ಮದುಪಾಶ್ರಯಸ್ಥಮ್ ॥ 38 ॥

॥ ಅಷ್ಟಮಃ ಸರ್ಗಃ ॥
ಶ್ಲೋಕಃ
ಮತ್ಪ್ರಾಣನೇತುರಸಹಾಯರಸಾಲಮೂಲ-
ಲೀಲಾಗೃಹಸ್ಯ ಮಯಿ ಚೇದನುರಾಗಬನ್ಧಃ ।
ಅನ್ಯಾಕಥಾನುಭವಿನಃ ಪ್ರಣಯಾನುಬನ್ಧೋ
ದೂತಿ ಪ್ರಸೀದತಿ ಮಮೈಷ ಮಹಾನುಭಾವಃ ॥

॥ ಷೋಡಶಾಷ್ಟಪದೀ ॥

ಪುನ್ನಾಗವರಾಲೀ ರಾಗೇಣ ಆದಿತಾಲೇನ ಗೀಯತೇ
(ಅನಿಲತರಲಕುವಲಯನಯನೇನ ಇತಿವತ್)
ಅರುಣಕಮಲಶುಭತರಚರಣೇನ ಸಪದಿ ಗತಾ ನ ಹಿ ಭವತರಣೇನ ।
ಯಾ ವಿಹೃತಾ ಪುರವೈರಿಣಾ ॥ 1 ॥

ಸ್ಮಿತರುಚಿಹಿಮಕರಶುಭವದನೇನ ನಿಹಿತಗುಣಾ ವಿಲಸಿತಸದನೇನ ।
ಯಾ ವಿಹೃತಾ ಪುರವೈರಿಣಾ ॥ 2 ॥

ಸರಸವಚನಜಿತಕುಸುಮರಸೇನ ಹೃದಿ ವಿನಿಹಿತರತಿಕೃತರಭಸೇನ ।
ಯಾ ವಿಹೃತಾ ಪುರವೈರಿಣಾ ॥ 3 ॥

ವಿಹಿತ ವಿವಿಧಕುಸುಮಶರವಿಹೃತೇ ನಾನಾಗತರಸಾ ನಯಗುಣ ವಿಹಿತೇನ ।
ಯಾ ವಿಹೃತಾ ಪುರವೈರಿಣಾ ॥ 4 ॥

ಉದಿತಜಲಜರುಚಿರಗಳೇನ ಸ್ಫುಟಿತಮನಾ ನ ಯುವತಿನಿಗಳೇನ ।
ಯಾ ವಿಹೃತಾ ಪುರವೈರಿಣಾ ॥ 5 ॥

ಕನಕರುಚಿರಸುಜಟಾಪಟಲೇನಾನುಹತಸುಖಾಸತಿಲಕನಿಟಿಲೇನ ।
ಯಾ ವಿಹೃತಾ ಪುರವೈರಿಣಾ ॥ 6 ॥

ನಿಖಿಲಯುವತಿಮದನೋದಯನೇನ ಜ್ವರಿತಮಾನಾ ನ ವಿರಹದಹನೇನ ।
ಯಾ ವಿಹೃತಾ ಪುರವೈರಿಣಾ ॥ 7 ॥

ತುಹಿನಕಿರಣಧರಯತಿರಚನೇನ ಸುಖಯತು ಮಾಂ ಶಿವಹಿತವಚನೇನ ।
ಯಾ ವಿಹೃತಾ ಪುರವೈರಿಣಾ ॥ 8 ॥

ಶ್ಲೋಕಃ
ಅಯಿ ಮಲಯಸಮೀರ ಕ್ರೂರ ಭಾವೋರಗಾಣಾಂ
ಶ್ವಸಿತಜನಿತ ಕಿಂ ತೇ ಮಾದೃಶೀಹಿಂಸನೇನ ।
ಕ್ಷಣಮಿವ ಸಹಕಾರಾದೀಶಗಾತ್ರಾನುಷಂಗ-
ಉಪಹೃತಪರಿಮಲಾತ್ಮಾ ಸನ್ನಿಧೇಹಿ ಪ್ರಸನ್ನಃ ॥ 40 ॥

॥ ನವಮಃ ಸರ್ಗಃ ॥
ಶ್ಲೋಕಃ
ಇತ್ಥಂ ರುಷಾ ಸಹಚರೀಂ ಪರುಷಂ ವದನ್ತೀ
ಶೈಲಾಧಿರಾಜತನುಜಾ ತನುಜಾತಕಾರ್ಶ್ಯಾ ।
ನೀತ್ವಾ ಕಥಂ ಕಥಮಪಿ ಕ್ಷಣದಾಂ ಮಹೇಶಃ
ಮಾಗಃ ಪ್ರಶಾನ್ತಿ ವಿನತಂ ಕುಟಿಲಂ ಬಭಾಷೇ ॥ 41 ॥

॥ ಸಪ್ತದಶಾಷ್ಟಪದೀ ॥

ಆರಭೀರಾಗೇಣ ತ್ರಿಪುಟತಾಲೇನ ಗೀಯತೇ
(ರಜನಿಜನಿತಗುರು ಇತಿವತ್)
ಚತುರಯುವತಿಸುರತಾದರ ಜಾಗರಿತಾರುಣಮಧೃತವಿಲಾಸಂ
ನಿಟಿಲನಯನ ನಯನದ್ವಿತಯಂ ತವ ಕಥಯತಿ ತದಭಿನಿವೇಶಮ್ ।
ಪಾಹಿ ತಾಮಿಹ ಫಾಲಲೋಚನ ಯಾ ತವ ದಿಶತಿ ವಿಹಾರಂ
ಗರಳಮಿಲಿತಧವಲಾಮೃತಮಿವ ಹರಮಾಗಮವಚನಮಸಾರಂ ಪಾಹಿ ॥

ಗುರುತರಕುಚಪರಿರಮ್ಭಣಸಮ್ಭೃತಕುಂಕುಮಪಂಕಿಲಹಾರಂ
ಸ್ಮರತಿ ವಿಶಾಲಮುರೋ ವಿಶದಂ ತವ ರತಿರಭಸಾದನುರಾಗಂ ಪಾಹಿ ॥ 2 ॥

ರತಿಪತಿಸಮರವಿನಿರ್ಮಿತ ನಿಶಿತನಖಕ್ಷತಚಿಹ್ನಿತರೇಖಂ
ವಪುರಿದಮಳಿಕವಿಲೋಚನ ಲಸದಿವ ರತಿಭರಕೃತಜಯರೇಖಂ ಪಾಹಿ ॥ 3 ॥

ರದನವಸನಮರುಣಮಿದಂ ತವ ಪುರಹರ ಭಜತಿ ವಿರಾಗಂ
ವಿಗಲಿತಹಿಮಕರಶಕಲಮುದಂಚಿತದರ್ಶಿತರತಿಭರವೇಗಂ ಪಾಹಿ ॥ 4 ॥

ಯುವತಿಪದಸ್ಥಿತಯಾವಕರಸಪರಿಚಿನ್ತಿತರತಿಕಮನೀಯಂ
ವಿಲಸತಿ ವಪುರಿದಮಲಘುಬಹಿರ್ಗತಮಯತಿ ವಿರಾಗಮಮೇಯಂ ಪಾಹಿ ॥ 5 ॥

ಯುವತಿಕೃತವ್ರಣಮಧರಗತಂ ತವ ಕಲಯತಿ ಮಮ ಹೃದಿ ರೋಷಂ
ಪ್ರಿಯವಚನಾವಸರೇಽಪಿ ಮಯಾ ಸಹ ಸ್ಫುಟಯತಿ ತತ್ಪರಿತೋಷಂ ಪಾಹಿ ॥ 6 ॥

ಸುರತರುಸುಮದಾಮನಿಕಾಯನಿಬದ್ಧಜಟಾವಲಿವಲಯಮುದಾರಂ
ಕಿತವಮನೋಭವಸಂಗರಶಿಥಿಲಿತಮನುಕಥಯತಿ ಸುವಿಹಾರಂ ಪಾಹಿ ॥ 7 ॥

ಇತಿ ಹಿಮಗಿರಿಕುಲದೀಪಿಕಯಾ ಕೃತಶಿವಪರಿವದನವಿಧಾನಂ
ಸುಖಯತು ಬುಧಜನಮೀಶನಿಷೇವಣಯತಿವರವಿಧುಶೇಖರಗಾನಂ ಪಾಹಿ ॥ 8 ॥

ಶ್ಲೋಕಃ
ಈದೃಗ್ವಿಧಾನಿ ಸುಬಹೂನಿ ತವ ಪ್ರಿಯಾಯಾಂ
ಗಾಢಾನುರಾಗಕೃತಸಂಗಮಲಾಂಛಿತಾನಿ ।
ಸಾಕ್ಷದವೇಕ್ಷಿತವತೀಮಿಹ ಮಾಮುಪೇತ್ಯ
ಕಿಂ ಭಾಷಸೇ ಕಿತವಶೇಖರ ಚನ್ದ್ರಮೌಳೇ ॥ 42

॥ ದಶಮಃ ಸರ್ಗಃ ॥
ಶ್ಲೋಕಃ
ತಾಮುದ್ಯತಪ್ರಸವಬಾಣವಿಕಾರಖಿನ್ನಾಂ
ಸಂಚಿನ್ತ್ಯಮಾನಶಶಿಮೌಲಿಚರಿತ್ರಲೀಲಾಮ್ ।
ಬಾಲಾಂ ತುಷಾರಗಿರಿಜಾಂ ರತಿಕೇಲಿಭಿನ್ನಾಂ
ಆಳಿಃ ಪ್ರಿಯಾಥ ಕಲಹಾನ್ತರಿತಾಮುವಾಚ ॥ 43 ॥

॥ ಅಷ್ಟಾದಶಾಷ್ಟಪದೀ ॥

ಯದುಕುಲಕಾಮ್ಭೋಜಿರಾಗೇಣ ಆದಿತಾಲೇನ ಗೀಯತೇ
(ಹರಿರಭಿಸರತಿ ಇತಿವತ್)
ಪುರರಿಪುರಭಿರತಿಮತಿ ಹೃದಿ ತನುತೇ
ಭವದುಪಗೂಹನಮಿಹ ಬಹು ಮನುತೇ ।
ಶಂಕರೇ ಹೇ ಶಂಕರಿ ಮಾ ಭಜ
ಮಾನಿನಿ ಪರಿಮಾನಮುಮೇ ಶಂಕರೇ ॥ 1 ॥

ಮೃಗಮದರಸಮಯ ಗುರುಕುಚಯುಗಲೇ
ಕಲಯತಿ ಪುರರಿಪುರಥ ಮತಿ ನಿಗಲೇ ॥ ಶಂಕರೇ ॥ 2 ॥

ಸುಚಿರವಿರಹಭವಮಪಹರ ಕಲುಷಂ
ಭವದಧರಾಮೃತಮುಪಹರ ನಿಮಿಷಂ ॥ ಶಂಕರೇ ॥ 3 ॥

ಸರಸ ನಿಟಿಲಕೃತಚಿತ್ರಕರುಚಿರಂ
ತವ ವದನಂ ಸ ಚ ಕಲಯತಿ ಸುಚಿರಂ ॥ ಶಂಕರೇ ॥ 4 ॥

ವಿಭುರಯಮೇಷ್ಯತಿ ಶುಭತರಮನಸಾ
ತದುರಸಿ ಕುಚಯುಗಮುಪಕುರು ಸಹಸಾ ॥ ಶಂಕರೇ ॥ 5 ॥

ಸಕುಸುಮನಿಕರಮುದಂಚಯ ಚಿಕುರಂ
ಸುದತಿ ವಿಲೋಕಯ ಮಣಿಮಯ ಮುಕುರಂ ॥ ಶಂಕರೇ ॥ 6 ॥

ಶ್ರೃಣು ಸಖಿ ಶುಭದತಿ ಮಮ ಹಿತವಚನಂ
ಘಟಯ ಜಘನಮಪಿ ವಿಗಲಿತರಶನಂ ॥ ಶಂಕರೇ ॥ 7 ॥

ಶ್ರೀವಿಧುಶೇಖರಯತಿವರಫಣಿತಂ
ಸುಖಯತು ಸಾಧುಜನಂ ಶಿವಚರಿತಂ ॥ ಶಂಕರೇ ॥ 8 ॥

ಮಹಾದೇವೇ ತಸ್ಮಿನ್ಪ್ರಣಮತಿ ನಿಜಾಗಃ ಶಮಯಿತುಂ
ತದೀಯಂ ಮೂರ್ಧಾನಂ ಪ್ರಹರಸಿ ಪದಾಭ್ಯಾಂ ಗಿರಿಸುತೇ ।
ಸ ಏಷ ಕ್ರುದ್ಧಶ್ಚೇತ್ತುಹಿನಕಿರಣಂ ಸ್ಥಾಪಯತಿ ಚೇತ್
ಮೃದೂನ್ಯಂಗಾನ್ಯಂಗಾರಕ ಇವ ತನೋತ್ಯೇಷ ಪವನಃ ॥ 44 ॥

॥ ಏಕಾದಶಃ ಸರ್ಗಃ ॥
ಇತ್ಥಂ ಪ್ರಿಯಾಂ ಸಹಚರೀಂ ಗಿರಮುದ್ಗಿರನ್ತೀಂ
ಚಿನ್ತಾಭರೇಣ ಚಿರಮೀಕ್ಷಿತುಮಪ್ಯಧೀರಾ ।
ಗೌರೀ ಕಥಂಚಿದಭಿಮಾನವತೀ ದದರ್ಶ
ಕಾನ್ತಂ ಪ್ರಿಯಾನುನಯವಾಕ್ಯ ಮುದೀರಯನ್ತಮ್ ॥ 45 ॥

ಬಾಲೇ ಕುಲಾಚಲಕುಮಾರಿ ವಿಮುಂಚ ರೋಷಂ
ದೋಷಂ ಚ ಮಯ್ಯಧಿಗತಂ ಹೃದಯೇ ನ ಕುರ್ಯಾಃ ।
ಶಕ್ಷ್ಯಾಮಿ ನೈವ ಭವಿತುಂ ಭವತೀಂ ವಿನಾಹಂ
ವಕ್ಷ್ಯಾಮಿ ಕಿಂ ತವ ಪುರಃ ಪ್ರಿಯಮನ್ಯದಸ್ಮಾತ್ ॥ 46 ॥

॥ ಏಕೋನವಿಂಶಾಷ್ಟಪದೀ ॥

ಮುಖಾರಿ ರಾಗೇಣ ಝಮ್ಪತಾಲೇನ ಗೀಯತೇ
(ವದಸಿ ಯದಿ ಕಿಂಚಿದಪಿ ಇತಿವತ್)
ಭಜಸಿ ಯದಿ ಮಯಿ ರೋಷಮರುಣವಾರಿರುಹಾಕ್ಷಿ
ಕಿಮಿಹ ಮಮ ಶರಣಮಭಿಜಾತಂ
ಶರಣಮುಪಯಾಯತವತಿ ಕಲುಷಪರಿಭಾವನಂ
ನ ವರಮಿತಿ ಸತಿ ಸುಜನಗೀತಂ ಶಿವೇ ಶೈಲಕನ್ಯೇ
ಪಂಚಶರತಪನಮಿಹ ಜಾತಂ
ಹರಕಮಲಶೀತಲಂ ಸರಸನಯನಾಂಚಲಂ
ಮಯಿ ಕಲಯ ರತಿಷು ಕಮನೀಯಂ ಶಿವೇ ಶೈಲಕನ್ಯೇ ॥ 1 ॥

ಸ್ಪೃಶಸಿ ಯದಿ ವಪುರರುಣಕಮಲಸಮಪಾಣಿನಾ
ನ ಸ್ಪೃಶಸಿ ತಪನಮನಿವಾರಂ
ದರಹಸಿತಚನ್ದ್ರಕರನಿಕರಮನುಷಂಜಯಸಿ
ಯದಿ ಮಮ ಚ ಹೃದಯಮತಿಧೀರಂ ಶಿವೇ ಶೈಲಕನ್ಯೇ ॥ 2 ॥

ಕುಸುಮದಾಮಚಯೇನ ಮಮ ಜಟಾವಲಿಜೂಟನಿಚಯಮಯಿ ಸುದತಿ ಸವಿಲಾಸಂ
ಸಪದಿ ಕಲಯಾಮಿ ವಲಯಾಕೃತಿಸರೋಜವನಸುರಸರಿತಮುಪಹಸಿತಭಾಸಮ್
ಶಿವೇ ಶೈಲಕನ್ಯೇ ॥ 3 ॥

ಅಮಲಮಣಿಹಾರನಿಕರೇಣ ಪರಿಭೂಷಯಸಿ
ಪೃಥುಲ ಕುಚಯುಗಲ ಮತಿಭಾರಮ್ ।
ತುಹಿನಗರಿಶಿಖರಾನುಗಳಿತಸುರನಿಮ್ನಗಾ
ಸುಗಳಸಮಭಾವಸುಗಭೀರಮ್ ಶಿವೇ ಶೈಲಕನ್ಯೇ ॥ 4 ॥

ವಿಕಸದಸಿತಾಮ್ಬುರುಹವಿಮಲನಯನಾ-
ಂಚಲೈರುಪಚರಸಿ ವಿರಹಪರಿದೂನಮ್ ।
ಸಫಲಮಿಹ ಜೀವಿತಂ ಮಮ ಸುದತಿ ಕೋಪನೇ
ವಿಸೃಜ ಮಯಿ ಸಫಲಮತಿಮಾನಮ್ ಶಿವೇ ಶೈಲಕನ್ಯೇ ॥ 5 ॥

ಭವದಧರ ಮಧು ವಿತರ ವಿಷಮಶರವಿಕೃತಿ-
ಹರಮಯಿ ವಿತರ ರತಿನಿಯತಭಾನಂ
ಸ್ಫುಯಮದಪರಾಧಶತಮಗಣನೀಯಮಿಹ
ವಿಮೃಶ ಭವದನುಸೃತಿವಿಧಾನಂ ಶಿವೇ ಶೈಲಕನ್ಯೇ ॥ 6 ॥

ಕುಪಿತಹೃದಯಾಸಿ ಮಯಿ ಕಲಯ ಭುಜಬನ್ಧನೇ
ಕುರು ನಿಶಿತರದನಪರಿಪಾತಂ
ಉಚಿತಮಿದಮಖಿಲಂ ತು ನಾಯಿಕೇ ಸುದತಿ ಮಮ
ಶಿಕ್ಷಣಂ ಸ್ವಕುಚಗಿರಿಪಾತಂ ಶಿವೇ ಶೈಲಕನ್ಯೇ ॥ 7 ॥

ಇತಿ ವಿವಿಧವಚನಮಪಿ ಚತುರಪುರವೈರಿಣಾ
ಹಿಮಶಿಖರಿಜನುಷಮಭಿರಾಮಂ
ಶಿವಭಜನನಿಯತಮತಿಯತಿಚನ್ದ್ರಮೌಲಿನಾ
ಫಣಿತಮಪಿ ಜಯತು ಭುವಿ ಕಾಮಂ ಶಿವೇ ಶೈಲಕನ್ಯೇ ॥ 8 ॥

ಶ್ಲೋಕಃ
ಸುಚಿರ ವಿರಹಾಕ್ರಾನ್ತಂ ವಿಭ್ರಾನ್ತಚಿತ್ತಮಿತಸ್ತತಃ
ಸ್ಮರಪರವಶಂ ದೀನಂ ನೋಪೇಕ್ಷಸೇ ಯದಿ ಮಾಂ ಪ್ರಿಯೇ ।
ಅಹಮಿಹ ಚಿರಂ ಜೀವನ್ಭಾವತ್ಕಸೇವನಮಾದ್ರಿಯೇ
ಯದಪಕರಣಂ ಸರ್ವಂ ಕ್ಷನ್ತವ್ಯಮದ್ರಿಕುಮಾರಿಕೇ ॥ 47 ॥

॥ ದ್ವಾದಶಃ ಸರ್ಗಃ ॥
ಶ್ಲೋಕಃ
ಇತಿ ವಿರಹಿತಾಮೇನಾಂ ಚೇತಃ ಪ್ರಸಾದವತೀಂ ಶಿವಾಂ
ಅನುನಯಗಿರಾಂ ಗುಮ್ಫೈಃ ಸಮ್ಭಾವಯನ್ನಿಜಪಾಣಿನಾ ।
ಝಟಿತಿ ಘಟಯನ್ಮನ್ದಸ್ಮೇರಸ್ತದೀಯಕರಾಮ್ಬುಜಂ
ಹಿಮಕರಕಲಾಮೌಲಿಃ ಸಂಪ್ರಾಪ ಕೇಲಿಲತಾಗೃಹಮ್ ॥ 48 ॥

ಸಂಪ್ರಾಪ್ಯ ಕೇಳೀಗೃಹಮಿನ್ದುಮೌಲಿಃ ಇನ್ದೀವರಾಕ್ಷೀಮನುವೀಕ್ಷಮಾಣಃ ।
ಜಹೌ ರಹಃ ಕೇಲಿಕುತೂಹಲೇನ ವಿಯೋಗಜಾರ್ತಿಂ ಪುನರಾಬಭಾಷೇ ॥ 49 ॥

॥ ವಿಂಶಾಷ್ಟಪದೀ ॥

ಘಂಟಾರಾಗೇಣ ಝಮ್ಪತಾಲೇನ ಗೀಯತೇ
(ಮಂಜುತರಕುಂಜತಲ ಇತಿವತ್)
ಪೃಥುಲತರಲಲಿತಕುಚಯುಗಲಮಯಿ ತೇ
ಮೃಗಮದರಸೇನ ಕಲಯಾಮಿ ದಯಿತೇ ।
ರಮಯ ಬಾಲೇ ಭವದನುಗಮೇನಂ ॥ ರಮಯ ಬಾಲೇ ॥ 1 ॥

ವಿಧುಶಕಲರುಚಿರಮಿದಮಲಿಕಮಯಿ ತೇ
ಶುಭತಿಲಕಮಭಿಲಸತು ಕೇಲಿನಿಯತೇ ॥ ರಮಯ ಬಾಲೇ ॥ 2 ॥

ಇಹ ವಿಹರ ತರುಣಿ ನವ ಕುಸುಮಶಯನೇ
ಭವದಧರಮಧು ವಿತರ ಮಕರನಯನೇ ॥ ರಮಯ ಬಾಲೇ ॥ 3 ॥

ಅಯಿ ಸುಚಿರವಿರಹರುಜಮಪಹರ ಶಿವೇ
ಸರಸಮಭಿಲಪ ರಮಣಿ ಪರಭೃತರವೇ ॥ ರಮಯ ಬಾಲೇ ॥ 4 ॥

ಕಲಯ ಮಲಯಜಪಂಕಮುರಸಿ ಮಮ ತೇ
ಕಠಿನಕುಚಯುಗಮತನು ಘಟಯ ಲಲಿತೇ ॥ ರಮಯ ಬಾಲೇ ॥ 5 ॥

ಇದಮಮರತರುಕುಸುಮನಿಕರಮಯಿ ತೇ
ಘನಚಿಕುರಮುಪಚರತು ಸಪದಿ ವನಿತೇ ॥ ರಮಯ ಬಾಲೇ ॥ 6 ॥

ದರಹಸಿತವಿಧುಕರಮುದಂಚಯ ಮನೋ-
ಭವತಪನಮಪನುದತು ವಿಲಸಿತಘನೇ ॥ ರಮಯ ಬಾಲೇ ॥ 7 ॥

ಶಿವಚರಣಪರಿಚರಣಯತವಿಚಾರೇ
ಫಣತಿ ಹಿಮಕರಮೌಳಿನಿಯಮಿಧೀರೇ ॥ ರಮಯ ಬಾಲೇ ॥ 8 ॥

ಶ್ಲೋಕಃ
ಈದೃಗ್ವಿಧೈಶ್ಚಟುಲಚಾಟುವಚೋವಿಲಾಸೈಃ
ಗಾಢೋಪಗೂಹನಮುಖಾಮ್ಬುಜಚುಮ್ಭನಾದ್ಯೈಃ ।
ಆಹ್ಲಾದಯನ್ ಗಿರಿಸುತಾಮಧಿಕಾಂಚಿ ನಿತ್ಯಂ
ಏಕಾಮ್ರಮೂಲವಸತಿರ್ಜಯತಿ ಪ್ರಸನ್ನಃ ॥ 50 ॥

ವಿದ್ಯಾವಿನೀತಜಯದೇವಕವೇರುದಾರ-
ಗೀತಿಪ್ರಬನ್ಧಸರಣಿಪ್ರಣಿಧಾನಮಾತ್ರಾತ್ ।
ಏಷಾ ಮಯಾ ವಿರಚಿತಾ ಶಿವಗೀತಿಮಾಲಾ
ಮೋದಂ ಕರೋತು ಶಿವಯೋಃ ಪದಯೋಜನೀಯಾ ॥ 51 ॥

ಅವ್ಯಕ್ತವರ್ಣಮುದಿತೇನ ಯಥಾರ್ಭಕಸ್ಯ
ವಾಕ್ಯೇನ ಮೋದಭರಿತಂ ಹೃದಯಂ ಹಿ ಪಿತ್ರೋಃ ।
ಏಕಾಮ್ರನಾಥ ಭವದಂಘ್ರಿಸಮರ್ಪಿತೇಯಂ
ಮೋದಂ ಕರೋತು ಭವತಃ ಶಿವಗೀತಿಮಾಲಾ ॥ 52 ॥

ಗುಣಾನುಸ್ಯೂತಿರಹಿತಾ ದೋಷಗ್ರನ್ಥಿವಿದೂಷಿತಾ ।
ತಥಾಪಿ ಶಿವಗೀತಿರ್ನೋ ಮಾಲಿಕಾ ಚಿತ್ರಮೀದೃಶೀ ॥ 53 ॥

ಓಂ ನಮಃ ಶಿವಾಯೈ ಚ ನಮಃ ಶಿವಾಯ

ಇತಿ ಶ್ರೀಚನ್ದ್ರಶೇಖರೇನ್ದ್ರಸರಸ್ವತೀವಿರಚಿತಾ ಶಿವಗೀತಿಮಾಲಾ
ಅಥವಾ ಶಿವಾಷ್ಟಪದೀ ಸಮಾಪ್ತಾ ।

॥ ಶುಭಮಸ್ತು ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *