About Shiva Gitimala !! Shiva Ashtapadi:
Shiva Gitimala was composed by Jagadguru Sri Chandra Sekharendra Saraswathi the 62nd seer of Sri Kanchi Kamakoti Peedam, composed of 20 exciting verses known as Ashtapadi, praising the pleasing moments of Lord Ekamreshwarar and the goddess Sri Kamakshi Devi. This beautiful composition represents the despair, devotion and dedication of the individual soul / Jeevathma, to achieve union with the supreme soul / Paramathma to attain eternal happiness. Shiva Ashtapadi / Shiva Gitimala begins with the veneration of Lord Ganesha. The entire verses illustrate the miserable state of separation of the goddess Parvathi from Lord Shiva. The goddess Sri Parvati underwent severe penance on the banks of the Kampa River to unite with Lord Shiva. The divine couple suffers an unbearable pain of separation; Lord Shiva descended to Earth and resides under a mango tree where the goddess Sri Parvati undertaking penance was observed by a faithful companion of the goddess and was duly informed. The state of remorse, abandonment, guilt and the messages exchanged through the companion of the goddess Sri Parvati, etc. They are beautifully represented in the Ashtapadi. Finally, Lord Shiva appears before the goddess Sri Parvati and apologizes profusely, after a first hardness between the couple and a happy union.
Lord Siva Gitimala and Ashtapadi Lyrics in Malayalam:
॥ പ്രഥമഃ സര്‍ഗഃ ॥
ധ്യാനശ്ലോകാഃ –
സകലവിഘ്നനിവര്‍തക ശങ്കരപ്രിയസുത പ്രണതാര്‍തിഹര പ്രഭോ ॥
മമ ഹൃദംബുജമധ്യലസന്‍മണീരചിതമണ്ഡപവാസരതോ ഭവ ॥ 1 ॥
വിധിവദനസരോജാവാസമാധ്വീകധാരാ
വിവിധനിഗമവൃന്ദസ്തൂയമാനാപദാനാ ।
സമസമയവിരാജച്ചന്ദ്രകോടിപ്രകാശാ
മമ വദനസരോജേ ശാരദാ സന്നിധത്താം ॥ 2 ॥
യദനുഭവസുധോര്‍മീമാധുരീപാരവശ്യം
വിശദയതി മുനീനാത്മനസ്താണ്ഡവേന ।
കനകസദസി രംയേ സാക്ഷിണീവീക്ഷ്യമാണഃ
പ്രദിശതു സ സുഖം മേ സോമരേഖാവതംസഃ ॥ 3 ॥
ശര്‍വാണി പര്‍വതകുമാരി ശരണ്യപാദേ
നിര്‍വാപയാസ്മദഘസന്തതിമന്തരായം ।
ഇച്ഛാമി പങ്ഗുരിവ ഗാങ്ഗജലാവഗാഹ-
മിച്ഛാമിമാം കലയിതും ശിവഗീതിമാലാം ॥ 4 ॥
ശിവചരണസരോജധ്യാനയോഗാമൃതാബ്ധൌ
ജലവിഹരണവാഞ്ഛാസങ്ഗതം യസ്യ ചേതഃ ।
നിഖിലദുരിതമഭങ്ഗവ്യാപൃതം വാ മനോജ്ഞം
പരശിവചരിതാഖ്യം ഗാനമാകര്‍ണനീയം ॥ 5 ॥
॥ പ്രഥമാഷ്ടപദീ ॥
മാലവീരാഗേണ ആദിതാലേന ഗീയതേ
(പ്രലയപയോധിജലേ ഇതിവത്)
കനകസഭാസദനേ വദനേ ദരഹാസം
നടസി വിധായ സുധാകരഭാസം
ശങ്കര ധൃതതാപസരൂപ ജയ ഭവതാപഹര ॥ 1 ॥
ജലധിമഥനസമയേ ഗരലാനലശൈലം
വഹസി ഗലസ്ഥമുദിത്വരകീലം
ശങ്കര ധൃതനീലഗലാഖ്യ ജയ ഭവതാപഹര ॥ 2 ॥
വിധുരവിരഥചരണേ നിവസന്നവനിരഥേ
പുരമിഷുണാ ഹൃതവാനിതയോധേ
ശങ്കര വര വീരമഹേശ ജയ ഭവതാപഹര ॥ 3 ॥
കുസുമശരാസകരം പുരതോ വിചരന്തം
ഗിരിശ നിഹിംസിതവാനചിരം തം
ശങ്കര മദനാരിപദാഖ്യ ജയ ഭവതാപഹര ॥ 4 ॥
വടതരുതലമഹിതേ നിവസന്‍മണിപീഠേ
ദിശസി പരാത്മകലാമതിഗാഢേ
ശങ്കര ധൃതമൌന ഗഭീര ജയ ഭവതാപഹര ॥ 5 ॥
ജലനിധിസേതുതടേ ജനപാവനയോഗേ
രഘുകുലതിലകയശഃ പ്രവിഭാഗേ
ശങ്കര രഘുരാമമഹേശ ജയ ഭവതാപഹര ॥ 6 ॥
തനു ഭൃദവനകൃതേ വരകാശീനഗരേ
താരകമുപദിശസി സ്ഥലസാരേ
ശങ്കര ശിവ വിശ്വമഹേശ ജയ ഭവതാപഹര ॥ 7 ॥
നിഗമരസാലതലേ നിരവധിബോധഘന
ശ്രീകാമക്ഷികുചകലശാങ്കന
ശങ്കര സഹകാരമഹേശ ജയ ഭവതാപഹര ॥ 8 ॥
കച്ഛപതനുഹരിണാ നിസ്തുലഭക്തിയുജാ
സന്തതപൂജിതചരണസരോജ
ശങ്കര ശിവ കച്ഛപ ലിങ്ഗ ജയ ഭവതാപഹര ॥ 9 ॥
ശങ്കരവരഗുരുണാ പരിപൂജിതപാദ
കാഞ്ചിപുരേ വിവൃതാഖിലവേദ
ശങ്കര വിധുമൌലിമഹേശ ജയ ഭവതാപഹര ॥ 10 ॥
ശ്രീവിധുമൌലിയതേരിദമുദിതമുദാരം
ശ്രൃണു കരുണാഭരണാഖിലസാരം
ശങ്കരാരുണശൈലമഹേശ ജയ ഭവതാപഹര ॥ 11 ॥
ശ്ലോകഃ
കനകസഭാനടായ ഹരിനീലഗളായ നമ-
സ്ത്രിപുരഹരായ മാരരിപവേ മുനിമോഹഭിദേ ।
രഘുകൃതസേതവേ വിമലകാശിജുഷേ ഭവതേ
നിഗമരസാല കൂര്‍മഹരിപൂജിത ചന്ദ്രധര ॥ ॥ 6 ॥
പാപം വാരയതേ പരം ഘടയതേ കാലം പരാകുര്‍വതേ
മോഹം ദൂരയതേ മദം ശമയതേ മത്താസുരാന്‍ ഹിംസതേ ।
മാരം മാരയതേ മഹാമുനിഗണാനാനന്ദിനഃ കുര്‍വതേ
പാര്‍വത്യാ സഹിതായ സര്‍വനിധയേ ശര്‍വായ തുഭ്യം നമഃ ॥ 7 ॥
॥ ദ്വിതീയാഷ്ടപദീ ॥
ഭൈരവീരാഗേണ ത്രിപുടതാലേന ഗീയതേ
(ശ്രിതകമലാകുച ഇതിവത്)
കലിഹരചരിതവിഭൂഷണ ശ്രുതിഭാഷണ
കരതലവിലസിതശൂല ജയ ഭവതാപഹര ॥ 1 ॥
ദിനമണിനിയുതവിഭാസുര വിജിതാസുര
നലിനനയനകൃതപൂജ ജയ ഭവതാപഹര ॥ 2 ॥
നിര്‍ജിതകുസുമശരാസന പുരശാസന
നിടിലതിലകശിഖികീല ജയ ഭവതാപഹര ॥ 3 ॥
പദയുഗവിനതാഖണ്ഡല ഫണികുണ്ഡല
ത്രിഭുവനപാവന പാദ ജയ ഭവതാപഹര ॥ 4 ॥
അന്ധകദാനവദാരണ ഭവതാരണ
സ്മരതനുഭസിതവിലേപ ജയ ഭവതാപഹര ॥ 5 ॥
ഹിമകരശകലവതംസക ഫണിഹംസക
ഗഗനധുനീധൃതശീല ജയ ഭവതാപഹര ॥ 6 ॥
പരമതപോധനഭാവിത സുരസേവിത
നിഖിലഭുവനജനപാല ജയ ഭവതാപഹര ॥ 7 ॥
കരിമുഖശരഭവനന്ദന കൃതവന്ദന
ശ്രൃണുശശിധരയതിഗീതം ജയ ഭവതാപഹര ॥ 8 ॥
ശ്ലോകഃ
തുഹിനഗിരികുമാരീ തുങ്ഗവക്ഷോജകുംഭ-
സ്ഫുടദൃഢപരിരംഭശ്ലിഷ്ട ദിവ്യാങ്ഗരാഗം ।
ഉദിതമദനഖേദസ്വേദമംസാന്തരം മാം
അവതു പരശുപാണേര്‍വ്യക്ത ഗാഢാനുരാഗം ॥ 8 ॥
വാസന്തികാകുസുമകോമലദര്‍ശനീയൈഃ
അങ്ഗൈരനങ്ഗവിഹിതജ്വരപാരവശ്യാത് ।
കമ്പാതടോപവനസീമനി വിഭ്രമന്തീം
ഗൌരിമിദം സരസമാഹ സഖീ രഹസ്യം ॥ 9 ॥
॥ തൃതീയാഷ്ടപദീ ॥
വസന്തരാഗേണ ആദിതാലേന ഗീയതേ
(ലലിതലവങ്ഗലതാ ഇതിവത്)
വികസദമലകുസുമാനുസമാഗമശീതലമൃദുലസമീരേ
അതികുലകലരവസംഭൃതഘനമദപരഭൃതഘോഷഗഭീരേ
വിലസതി സുരതരുസദസി നിശാന്തേ
വരയുവതിജനമോഹനതനുരിഹ ശുഭദതി വിതതവസന്തേ വിലസതി ॥ 1 ॥
കുസുമശരാസനശബരനിഷൂദിതകുപിതവധൂധൃതമാനേ
ധനരസകുങ്കുമപങ്കവിലേപനവിടജനകുതുകവിധാനേ വിലസതി ॥ 2 ॥
കുസുമിതബാലരസാലമനോഹരകിസലയമദനകൃപാണേ
മധുകരമിഥുനപരസ്പരമധുരസപാനനിയോഗധുരീണേ വിലസതി ॥ 3 ॥
മദനമഹീപതിശുഭകരമന്ത്രജപായിതമധുകരഘോഷേ
അവിരലകുസുമമരന്ദകൃതാഭിനിഷേചനതരുമുനിപോഷേ വിലസതി ॥ 4 ॥
മദനനിദേശനിവൃത്തകലേബരമര്‍ദനമലയസമീരേ
തുഷിതമധുവ്രതസഞ്ചലദതിഥിസുപൂജനമധുരസപൂരേ വിലസതി ॥ 5 ॥
സുചിരകൃതവ്രതമൌനവനപ്രിയമുനിജനവാഗനുകൂലേ
ലലിതലതാഗൃഹവിഹൃതികൃതശ്രമയുവതിസുഖാനിലശീലേ വിലസതി ॥ 6 ॥
വിഷമശരാവനിപാലരഥായിതമൃദുലസമീരണജാലേ
വിരഹിജനാശയമോഹനഭസിതപരാഗവിജൃംഭണകാലേ വിലസതി ॥ 7 ॥
ശ്രീശിവപൂജനയതമതി ചന്ദ്രശിഖാമണിയതിവരഗീതം
ശ്രീശിവചരണയുഗസ്മൃതിസാധകമുദയതു വന്യവസന്തം വിലസതി ॥ 8 ॥
ശ്ലോകഃ
വികചകമലകമ്പാശൈവലിന്യാസ്തരങ്ഗൈഃ
അവിരലപരിരംഭഃ സംഭ്രമന്‍ മഞ്ജരീണാം ।
പരിസരരസരാഗൈര്‍വ്യാപ്തഗാത്രാനുലേപോ
വിചരതി കിതവോഽയം മന്ദമന്ദം സമീരഃ ॥ 9 ॥
॥ ദ്വിതീയഃ സര്‍ഗഃ ॥
ശ്ലോകഃ
പ്രഗല്‍ഭതരഭാമിനീ ശിവചരിത്ര ഗാനാമൃത-
പ്രഭൂതനവമഞ്ജരീസുരഭിഗന്ധിമന്ദാനിലേ ।
രസാലതരുമൂലഗസ്ഫുരിതമാധവീ മണ്ഡപേ
മഹേശമുപദര്‍ശയന്ത്യസകൃദാഹ ഗൌരീമസൌ ॥
॥ ചതുര്‍ഥാഷ്ടപദീ ॥
രാമക്രിയാരാഗേണ ആദിതാലേന ഗീയതേ
(ചന്ദനചര്‍ചിത ഇതിവത്)
അവിരല കുങ്കുമപങ്കകരംബിതമൃഗമദചന്ദ്രവിലേപം
നിടില വിശേഷകഭാസുരവഹ്നിവിലോചന കൃതപുരതാപം
ശശിമുഖി ശൈലവധൂതനയേ വിലോകയ ഹരമഥ കേലിമയേ ശശിമുഖി ॥ 1 ॥
യുവതിജനാശയമദനശരായിതശുഭതരനയന വിലാസം
ഭുവനവിജൃംഭിതഘനതരതിമിരനിഷൂദനനിജതനു ഭാസം ശശിമുഖി ॥ 2 ॥
പാണി സരോജമൃഗീപരിശങ്കിതബാലതൃണാലിഗലാഭം
യൌവതഹൃദയവിദാരണപടുതരദരഹസിതാമിതശോഭം ശശിമുഖി ॥ 3 ॥
ചരണസരോജലസന്‍മണിനൂപുരഘോഷവിവൃതപദജാതം
ഗഗനധുനീസമതനുരുചിസംഹതികാരിതഭുവനവിഭാതം ശശിമുഖി ॥ 4 ॥
നിഖിലവധൂജനഹൃദയസമാഹൃതിപടുതരമോഹനരൂപം
മുനിവരനികരവിമുക്തിവിധായകബോധവിഭാവനദീപം ശശിമുഖി ॥ 5 ॥
വികചസരോരുഹലോചനസകൃദവലോകനകൃതശുഭജാതം
ഭുജഗശിരോമണിശോണരുചാ പരിഭീതമൃഗീസമുപേതം ശശിമുഖി ॥ 6 ॥
രജതമഹീധരസദൃശമഹാവൃഷദൃഷ്ടപുരോവനിഭാഗം
സനകസനന്ദനമുനിപരിശോഭിതദക്ഷിണതദിതരഭാഗം ശശിമുഖി ॥ 7 ॥
ശ്രീശിവപരിചരണവ്രതചന്ദ്രശിഖാമണി നിയമധനേന
ശിവചരിതം ശുഭഗീതമിദം കൃതമുദയതു ബോധഘനേന ശശിമുഖി ॥ 8 ॥
ശ്ലോകഃ
മദനകദനശാന്ത്യൈ ഫുല്ലമല്ലീ പ്രസൂനൈഃ
വിരചിതവരശയ്യാമാപ്നുവന്നിന്ദുമൌലിഃ ।
മൃദുമലയസമീരം മന്യമാനഃ സ്ഫുലിങ്ഗാന്‍
കലയതി ഹൃദയേ ത്വാമന്വഹം ശൈല കന്യേ ॥ 12 ॥
ഇതി സഹചരീവാണീമാകര്‍ണ്യ സാപി സുധാഝരീം
അചലദുഹിതാ നേതുഃ ശ്രുത്വാഭിരൂപ്യഗുണോദയം ।
വിരഹജനിതാമാര്‍തിം ദൂരീചകാര ഹൃദി സ്ഥിതാം
ദയിതനിഹിതപ്രേമാ കാമം ജഗാദ മിഥഃ സഖീം ॥ 13 ॥
॥ പഞ്ചമാഷ്ടപദീ ॥
തോഡിരാഗേണ ചാപുതാലേന ഗീയതേ
(സഞ്ചരദധര ഇതിവത്)
ജലരുഹശിഖരവിരാജിതഹിമകരശങ്കിതകരനഖരാഭം
രുചിരരദനകിരണാമരസരിദിവ ശോണനദാധര ശോഭം
സേവേ നിഗമരസാലനിവാസം – യുവതിമനോഹരവിവിധവിലാസം സേവേ ॥ 1 ॥
ശുഭതനുസൌരഭലോഭവിഭൂഷണകൈതവമഹിത ഭുജങ്ഗം
മുകുടവിരാജിതഹിമകരശകലവിനിര്‍ഗലദമൃതസിതാങ്ഗം സേവേ ॥ 2 ॥
മകുടപരിഭ്രമദമരധുനീനഖവിക്ഷതശങ്കിത ചന്ദ്രം
ഉരസി വിലേപിതമലയജപങ്കവിമര്‍ദിതശുഭതരചന്ദ്രം സേവേ ॥ 3 ॥
പന്നഗകര്‍ണവിഭൂഷണമൌലിഗമണിരുചി ശോണകപോലം
അഗണിതസരസിജസംഭവമൌലികപാലനിവേദിത കാലം സേവേ ॥ 4 ॥
ഹരിദനുപാലസുരേശപദോന്നതിമുപനമതോ വിതരന്തം
അനവധിമഹിമചിരന്തനമുനിഹൃദയേഷു സദാ വിഹരന്തം സേവേ ॥ 5 ॥
നാരദപര്‍വതവരമുനികിന്നരസന്നുത വൈഭവ ജാതം
അന്ധകസുരരിപുഗന്ധസിന്ധുര വിഭങ്ഗമൃഗാദിപരീതം സേവേ ॥ 6 ॥
വിഷയവിരതവിമലാശയകോശമഹാധനചരണസരോജം
ഘനതരനിജതനുമഞ്ജുലതാപരി നിര്‍ജിതനിയുത മനോജം സേവേ ॥ 7 ॥
ശ്രീശിവ ഭജന മനോരഥചന്ദ്രശിഖാമണിയതിവരഗീതം
ശ്രോതുമുദഞ്ചിതകൌതുകമവിരതമമരവധൂപരി ഗീതം സേവേ ॥ 8 ॥
ശ്ലോകഃ
സഹചരി മുഖം ചേതഃ പ്രാതഃ പ്രഫുല്ലസരോരുഹ-
പ്രതിമമനഘം കാന്തം കാന്തസ്യ ചന്ദ്രശിഖാമണേഃ ।
സ്മരതി പരിതോദൃഷ്ടിസ്തുഷ്ടാ തദാകൃതിമാധുരീ-
ഗതിവിഷയിണീ വാണീ തസ്യ ബ്രവീതി ഗുണോദയം ॥ 14 ॥
॥ ഷഷ്ടാഷ്ടപദീ ॥
കാംഭോജിരാഗേണ ത്രിപുടതാലേന ഗീയതേ
(നിഭൃതനികുഞ്ജ ഇതിവത്)
നിഖിലചരാചരനിര്‍മിതികൌശലഭരിതചരിത്ര വിലോലം
ലലിതരസാലനിബദ്ധലതാഗൃഹവിഹരണ കൌതുക ശീലം
കലയേ കാലമഥനമധീശം
ഘടയ മയാ സഹ ഘനതരകുചപരിരംഭണ കേലികൃതാശം കലയേ ॥ 1 ॥
കുവലയസൌരഭവദനസമീരണവസിതനിഖിലദിഗന്തം
ചരണസരോജവിലോകനതോഽഖിലതാപരുജം ശമയന്തം കലയേ ॥ 2 ॥
പടുതരചാടുവചോമൃതശിശിരനിവാരിതമനസിജതാപം
തരുണവനപ്രിയഭാഷണയാ സഹ സാദരവിഹിതസുലാപം കലയേ ॥ 3 ॥
ചലിതദൃഗഞ്ചലമസമശരാനിവ യുവതിജനേ നിദധാനം
രഹസി രസാലഗൃഹം ഗതയാ സഹ സരസവിഹാരവിധാനം കലയേ ॥ 4 ॥
ദരഹസിതദ്യുതിചന്ദ്രികയാ ഗതഖേദ വികാരചകോരം
ലസദരുണാധരവദനവശീകൃതയുവതിജനാശയചോരം കലയേ ॥ 5 ॥
മലയജപങ്കവിലേപനമുരുതരകുചയുഗമാകലയന്തം
കൃതകരുഷോ മമ സുതനുലതാപരിരംഭണകേളിമയന്തം കലയേ ॥ 6 ॥
സുരതരുകുസുമസുമാലികയാ പരിമണ്ഡിതചികുരനികായം
അലഘുപുലകകടസീമനി മൃഗമദപത്രവിലേഖവിധേയം കലയേ ॥ 7 ॥
ശ്രീശിവസേവനചന്ദ്രശിഖാമണിയതിവരഗീതമുദാരം
സുഖയതു ശൈലജയാ കഥിതം ശിവചരിതവിശേഷിതസാരം കലയേ ॥ 8 ॥
ശ്ലോകഃ
ലീലാപ്രസൂനശരപാശസൃണിപ്രകാണ്ഡ-
പുണ്ഡ്രേക്ഷുഭാസികരപല്ലവമംബുജാക്ഷം ।
ആലോക്യ സസ്മിതമുഖേന്ദുകമിന്ദുമൌലിം
ഉത്കണ്ഠതേ ഹൃദയമീക്ഷിതുമേവ ഭൂയഃ ॥ 15 ॥
॥ തൃതീയഃ സര്‍ഗഃ ॥
ശ്ലോകഃ
ഇതി ബഹു കഥയന്തീമാലിമാലോക്യ ബാലാം
അലഘുവിരഹദൈന്യാമദ്രിജാമീക്ഷമാണഃ ।
സപദി മദനഖിന്നഃ സോമരേഖാവതംസഃ
കിമപി വിരഹശാന്ത്യൈ ചിന്തയാമാസ ധീരഃ ॥ 16 ॥
॥ സപ്തമാഷ്ടപദീ ॥
ഭൂപാലരാഗേണ ത്രിപുടതാലേന ഗീയതേ
(മാമിയം ചലിതാ ഇതിവത്)
ശ്ലോകഃ
ലീലയാ കലഹേ ഗതാ കപടക്രുധാ വനിതേയം
മാനിനീ മദനേന മാമപി സന്തനോതി വിധേയം ॥
ശിവ ശിവ കുലാചലസുതാ ॥ 1 ॥
താപിതോ മദനജ്വരേണ തനൂനപാദധികേന
യാപയമി കതം നു തദ്വിരഹം ക്ഷണം കുതുകേന ശിവ ശിവ ॥ 2 ॥
യത്സമാഗമസമ്മദേന സുഖീ ചിരം വിഹരാമി ।
യദ്വിയോഗരുജാ ന ജാതു മനോഹിതം വിതനോമി ശിവ ശിവ ॥ 3 ॥
ലീലയാ കുപിതാ യദാ മയി താമഥാനുചരാമി ।
ഭൂയസാ സമയേന താമനുനീയ സംവിഹരാമി ശിവ ശിവ ॥ 4 ॥
അര്‍പിതം ശിരസി ക്രുധാ മമ ഹാ യദങ്ഘ്രിസരോജം
പാണിനാ പരിപൂജിതം ബത ജൃംഭമാണമനോജം ശിവ ശിവ ॥ 5 ॥
ദൃശ്യസേ പുരതോഽപി ഗൌരി ന ദൃശ്യസേ ചപലേവ ।
നാപരാധകഥാ മയി പ്രണതം ജനം കൃപയാവ ശിവ ശിവ ॥ 6 ॥
നീലനീരദവേണി കിം തവ മത്കൃതേഽനുനയേന ।
സന്നിധേഹി ന ഗന്തുമര്‍ഹസി മാദൃശേ ദയനേന ശിവ ശിവ ॥ 7 ॥
വര്‍ണിതം ശിവദാസചന്ദ്രശിഖാമണിശ്രമണേന ।
വൃത്തമേതദുദേതു സന്തതം ഈശിതുഃ പ്രവണേന ശിവ ശിവ ॥ 8 ॥
ശ്ലോകഃ
ഭുവനവിജയീ വിക്രാന്തേഷു ത്വമേവ ന ചേതരഃ
തവ ന കൃപണേ യുക്തം മാദൃഗ്വിധേ ശരവര്‍ഷണം ।
മദന യദി തേ വൈരം നിര്യാതു ഭോ നിയതം പുരാ
വിഹിതമഹിതോ നാഹം നിത്യം തവാസ്മി നിദേശഗഃ ॥ 17 ॥
മധുകരമയജ്യാഘോഷേണ പ്രകമ്പയസേ മനഃ
പരഭൃതവധൂഗാനേ കര്‍ണജ്വരം തനുഷേതരാം ।
കുസുമരജസാം ബൃന്ദൈരുത്മാദയസ്യചിരാദിതഃ
സ്മര വിജയസേ വിശ്വം ചിത്രീയതേ കൃതിരീദൃശീ ॥ 18 ॥
ചലിതലലിതാപാങ്ഗ ശ്രേണീപ്രസാരണകൈതവാത്
ദരവികസിതസ്വച്ഛച്ഛായാസിതോത്പലവര്‍ഷണൈഃ ।
വിരഹശിഖിനാ ദൂനം ദീനം ന മാമഭിരക്ഷിതും
യദി ന മനുഷേ ജാനാസി ത്വം മദീയദശാം തതഃ ॥ 19 ॥
ശുഭദതി വിചരാവഃ ശുഭ്രകമ്പാതടിന്യാസ്തട
ഭുവി രമണീയോദ്യാനകേളിം ഭജാവഃ ।
പ്രതിമുഹുരിതി ചിന്താവിഹ്വലഃ ശൈലകന്യാമഭി
ശുഭതരവാദഃ പാതു ചന്ദ്രാര്‍ധമൌലേഃ ॥ 20 ॥
॥ ചതുര്‍ഥഃ സര്‍ഗഃ ॥
ശ്ലോകഃ
കമ്പാതീരപ്രചുരരുചിരോദ്യാനവിദ്യോതമാന-
ശ്രീമാകന്ദദ്രുമപരിസര മാധവീക്ലൃപ്തശാലാം ।
അധ്യാസീനം രഹസി വിരഹശ്രാന്തമശ്രാന്തകേലിം
വാചം ഗൌരീപ്രിയസഹചരീ പ്രാഹ ചന്ദ്രാവതംസം ॥ 21 ॥
॥ അഷ്ടമാഷ്ടപദീ ॥
സൌരാഷ്ട്രരാഗേണ ആദിതാലേന ഗീയതേ
(നിന്ദതി ചന്ദനം ഇതിവത്)
യാ ഹി പുരാ ഹര കുതുകവതീ പരിഹാസകഥാസു വിരാഗിണീ
അസിതകുടില ചികുരാവളി മണ്ഡനശുഭതരദാമ നിരോധിനീ
ശങ്കര ശരണമുപൈതി ശിവാമതിഹന്തി സ ശംബരവൈരീ
ശിവ വിരഹകൃശാ തവ ഗൌരീ ॥ 1 ॥
കുസുമ ശയനമുപഗംയ സപദി മദനശരവിസരപരിദൂനാ
മലയജരജസി മഹനലതതിമിവ കലയതി മതിമതിദീനാ
ശിവ വിരഹകൃശാ തവ ഗൌരീ ॥ 2 ॥
ഉരസിരുചിരമണിഹാരലതാഗതബലഭിദുപലതതിനീലാ
മഞ്ജുവചനഗൃഹപഞ്ജരശുകപരിഭാഷണപരിഹൃതലീലാ
ശിവ വിരഹകൃശാ തവ ഗൌരീ ॥ 3 ॥
ഭൃശകൃതഭവദനുഭാവനയേക്ഷിത ഭവതി വിഹിതപരിവാദാ
സപദി വിഹിത വിരഹാനുഗമനാദനുസംഭൃതഹൃദയ വിഷാദാ
ശിവ വിരഹകൃശാ തവ ഗൌരീ ॥ 4 ॥
ബാലഹരിണപരിലീഢപദാ തദനാദരവിഗത വിനോദാ
ഉന്‍മദപരഭൃതവിരുതാകര്‍ണനകര്‍ണശല്യകൃതബാധാ
ശിവ വിരഹകൃശാ തവ ഗൌരീ ॥ 5 ॥
കോകമിഥുനബഹുകേളിവിലോകനജൃംഭിതമദന വികാരാ
ശങ്കരഹിമകരശേഖര പാലയ മാമിതി വദതി ന ധീരാ
ശിവ വിരഹകൃശാ തവ ഗൌരീ ॥ 6 ॥
ദൂഷിതമൃഗമദരുചിരവിശേഷക നിടിലഭസികൃതരേഖാ
അതനുതനുജ്വരകാരിതയാ പരിവര്‍ജിതചന്ദ്രമയൂഖാ
ശിവ വിരഹകൃശാ തവ ഗൌരീ ॥ 7 ॥
ശ്രീശിവചരണനിഷേവണചന്ദ്രശിഖാമണിയതിവരഗീതം
ശ്രീഗിരിജാവിരഹക്രമവര്‍ണനമുദയതു വിനയസമേതം
ശിവ വിരഹകൃശാ തവ ഗൌരീ ॥ 8 ॥
ശ്ലോകഃ
ആവാസമന്ദിരമിദം മനുതേ മൃഡാനീ ഘോരാടവീസദൃശമാപ്തസഖീജനേന ।
നാ ഭാഷണാനി തനുതേ നലിനായതാക്ഷീ ദേവ ത്വയാ വിരഹിതാ ഹരിണാങ്കമൌലേ ॥
॥ നവമാഷ്ടപദീ ॥
ബിലഹരിരാഗേണ ത്രിപുടതാലേന ഗീയതേ
(സ്തനവിനിഹത ഇതിവത്)
ഹിമകരമണിമയദാമനികായ കലയതി വഹ്നിശിഖാമുരസീയം
ശൈലജാ ശിവ ശൈലജാ വിരഹേ തവ ശങ്കര ശൈലജാ ॥ 1 ॥
വപുഷി പതിതഘനഹിമകരപൂരം സന്തനുതേ ഹൃദി ദിവി ദുരിതാരം ശൈലജാ ॥ 2 ॥
ഉരസി നിഹിതമൃദു വിതതമൃണാലം പശ്യതി സപദി വിലസദളിനീലം ശൈലജാ ॥ 3 ॥
സഹചരയുവതിഷു നയനമനീലം നമിതമുഖീ വിതനോതി വിശാലം ശൈലജാ ॥ 4 ॥
രുഷ്യതി ഖിദ്യതി മുഹുരനിദാനം ന പ്രതിവക്തി സഖീമപി ദീനം ശൈലജാ ॥ 5 ॥
ശിവ ഇതി ശിവ ഇതി വദതി സകാമം പശ്യതി പശുരിവ കിമപി ലലാമം ശൈലജാ ॥ 6 ॥
സുരതരുവിവിധഫലാമൃതസാരം പശ്യതി വിഷമിവ ഭൃശമതിഘോരം ശൈലജാ ॥ 7 ॥
യതിവരചന്ദ്രശിഖാമണിഗീതം സുഖയതു സാധുജനം ശുഭഗീതം ശൈലജാ ॥ 8 ॥
ശ്ലോകഃ
ത്വദ്ഭാവനൈകരസികാം ത്വദധീനവൃത്തിം
ത്വന്നാമസംസ്മരണസംയുതചിത്തവൃത്തിം ।
ബാലാമിമാം വിരഹിണീം കൃപണൈകബന്ധോ
നോപേക്ഷസേ യദി തദാ തവ ശങ്കരാഖ്യാ ॥ 23 ॥
വസ്തൂനി നിസ്തുലഗുണാനി നിരാകൃതാനി
കസ്തൂരികാരുചിരചിത്രകപത്രജാതം ।
ഈദൃഗ്വിധം വിരഹിണീ തനുതേ മൃഡാനീ
താമാദ്രിയസ്വ കരുണാഭരിതൈരപാങ്ഗൈഃ ॥ 24 ॥
॥ പഞ്ചമഃ സര്‍ഗഃ ॥
ശ്ലോകഃ
ഏകാംരമൂലവിലസന്നവമഞ്ജരീക
ശ്രീമാധവീരുചിരകുഞ്ജഗൃഹേവസാമി ।
താമാനയാനുനയ മദ്വചനേന ഗൌരീമിത്ഥം
ശിവേന പുനരാഹ സഖീ നിയുക്താ ॥
॥ ദശമാഷ്ടപദീ ॥
ആനന്ദഭൈരവീരാഗേണ ആദിതാലേന ഗീയതേ
(വഹതി മലയസമീരേ ഇതിവത്)
ജയതി മദനനൃപാലേ ശിവേ കുപിതപഥിക ജാലം
ഭ്രമരമിഥുന ജാലേ ശിവേ പിബതി മധു സലീലം
വിരഹരുജാ പുരവൈരീ പരിഖിദ്യതി ഗൌരീ ശിവവിരഹരുജാ ॥ 1 ॥
മലയമരുതി വലമാനേ ശിവേ വിരഹ വിഘടനായ
സതി ച മധുപഗാനേ ശിവേ സരസവിഹരണായ ശിവ വിരഹരുജാ ॥ 2 ॥
കുസുമഭരിതസാലേ ശിവേ വിതതസുമധുകാലേ
കൃപണവിരഹിജാലേ ശിവേ കിതവഹൃദനുകൂലേ ശിവവിരഹരുജാ ॥ 3 ॥
മദനവിജയനിഗമം ശിവേ ജപതി പികസമൂഹേ
ചതുരകിതവസങ്ഗ (ശിവേ) കുടിലരവദുരൂഹേ ശിവവിരഹരുജാ ॥ 4 ॥
കുസുമരജസി ഭരിതേ ശിവേ കിതവമൃദുളമരുതാ
ദിശി ച വിദിശി വിതതേ ശിവേ വിരഹിവപുഷി ചരതാ ശിവവിരഹരുജാ ॥ 5 ॥
വിമലതുഹിനകിരണേ ശിവേ വികിരതി കരജാലം
വിഹൃതിവിരതിഹരണേ ശിവേ വിയതി ദിശി വിശാലം ശിവവിരഹരുജാ ॥ 6 ॥
മൃദുലകുസുമശയനേ ശിവേ വപുഷി വിരഹദൂനേ
ഭ്രമതി ലുഠതി ദീനേ ശിവേ സുഹിതശരണഹീനേ ശിവവിരഹരുജാ ॥ 7 ॥
ജയതി ഗിരിശമതിനാ ശിവേ ഗിരിശവിരഹകഥനം
ചന്ദ്രമകുടയതിനാ ശിവേ നിഖിലകലുഷമഥനം ശിവവിരഹരുജാ ॥ 8 ॥
ശ്ലോകഃ
യത്രത്വാമനുരഞ്ജയന്നതിതരാമാരബ്ധകാമാഗമം
വ്യാപാരൈരചലാധിരാജതനയേ കേലീവിശേഷൈര്യുതഃ ।
തത്ര ത്വാമനുചിന്തയന്നഥ ഭവന്നാമൈകതന്ത്രം ജപന്‍
ഭൂയസ്തത്പരിതംഭസംഭ്രമസുഖം പ്രാണേശ്വരഃ കാങ്ക്ഷതി ॥ 26 ॥
॥ ഏകാദശാഷ്ടപദീ ॥
കേദാരഗൌളരാഗേണ ആദിതാലേന ഗീയതേ
(രതിസുഖസാരേ ഗതമഭിസാരേ ഇതിവത്)
ഹിമഗിരിതനയേ ഗുരുതരവിനയേ നിയുതമദനശുഭരൂപം
നിടിലനയനമനുരഞ്ജയ സതി തവ വിരഹജനിതഘനതാപം ।
മലയജപവനേ കമ്പാനുവനേ വസതി സുദതി പുരവൈരീ
യുവതിഹൃദയമദമര്‍ദനകുശലീ സംഭൃത കേലിവിഹാരീ । മലയജപവനേ ॥ 1 ॥
വദ മൃദു ദയിതേ മമ ഹൃദി നിയതേ ബഹിരിവ ചരസി സമീപം
വദതി മുഹുര്‍മുഹുരിതി ഹര മാമകദേഹമദനഘനതാപം । മലയജപവനേ ॥ 2 ॥
ഉരുഘന സാരം ഹിമജല പൂരം വപുഷി പതിതമതിഘോരം
സപദി ന മൃഷ്യതി ശപതി മനോഭവമതിമൃദുമലയ സമീരം ।
മലയജപവനേ ॥ 3 ॥
വിലിഖതി ചിത്രം തവ ച വിചിത്രം പശ്യതി സപദി സമോദം
വദതി ഝടിതി ബഹു മാമിതി ശംബരരിപുരതികലയതി ഖേദം ।
മലയജപവനേ ॥ 4 ॥
അര്‍പയനീലം മയി ധൃതലീലം നയനകുസുമമതിലോലം
വിരഹതരുണി വിരഹാതുരമനുഭജ മാമിഹ (തി) വിലപതി സാ (സോഽ) ലം ।
മലയജപവനേ ॥ 5 ॥
ലസദപരാധം മനസിജബാധം വിമൃശ വിനേതുമുപായം
ഗുരുതരതുങ്ഗപയോധരദുര്‍ഗമപാനയ ഹരമനപായം । മലയജപവനേ ॥ 6 ॥
അതിധൃതമാനേ പരഭൃതഗാനേ കിഞ്ചിദുദഞ്ചയ ഗാനം
ജഹി ജഹി മാനമനൂനഗുണൈ രമയാശു വിരഹചിരദീനം । മലയജപവനേ ॥ 7 ॥
ഇതി ശിവവിരഹം ഘനതരമോഹം ഭണതി നിയമിജനധീരേ
ചന്ദ്രശിഖാമണിനാമനി കുശലമുപനയ ഗജവരചീരേ । മലയജപവനേ ॥ 8 ॥
ശ്ലോകഃ
വിമല സലിലോദഞ്ചത്കമ്പാസരോരുഹധോരണീ-
പരിമലരജഃ പാലീസങ്ക്രാന്തമന്ദസമീരണേ ।
വിതപതി വിയദ്ഗങ്ഗാമങ്ഗീചകാര ശിരഃ സ്ഥിതാം
തവ ഹി വിരഹാക്രാന്തഃ കാന്തഃ നതോഽപി ന വേദിതഃ ॥ 27 ॥
അനുഭവതി മൃഗാക്ഷീ ത്വദ്വിയോഗക്ഷണാനാം
ലവമിവ യുഗകല്‍പം സ്വല്‍പമാത്മാപരാധം ।
ത്വയി വിഹിതമനല്‍പം മന്യമാനഃ കഥഞ്ചിത്
നയതി സമയമേനം ദേവി തസ്മിന്‍പ്രസീദ ॥ 28 ॥
ഇതി സഹചരീവാണീമേണാങ്കമൌളിമനോഭവ-
വ്യഥനകഥനീമേനാമാകര്‍ണ്യ കര്‍ണസുധാഝരീം ।
സപദി മുദിതാ വിന്യസ്യന്തീ പദാനി ശനൈഃ ശനൈഃ
ജയതി ജഗതാം മാതാ നേതുഃ പ്രവിശ്യ ലതാഗൃഹം ॥ 29 ॥
സാ ദക്ഷദേവനവിഹാരജയാനുഷങ്ഗലീലാഹവേ ഭവതി ശൈലജയാ ശിവസ്യ ।
ചേതഃ പ്രസാദമനയോസ്തരസാ വിധായ ദേവ്യാ കൃതം കഥയതി സ്മ സഖീ രഹസ്യം ॥ 30 ॥
॥ ദ്വാദശാഷ്ടപദീ ॥
ശങ്കരാഭരണരാഗേണ ത്രിപുടതാലേന ഗീയതേ
(പശ്യതി ദിശി ദിശി ഇതിവത്)
കലയതി കലയതി മനസി ചരന്തം
കുചകലശസ്പൃശമയതി ഭവന്തം ।
പാഹി വിഭോ ശിവ പാഹി വിഭോ
നിവസതി ഗൌരീ കേളിവനേ പാഹി വിഭോ ॥ 1 ॥
ജപതി ജപതി തവ നാമ സുമന്ത്രം
പ്രതി മുഹുരുദിതസുമായുധതന്ത്രം പാഹി ॥ 2 ॥
ഉപചിതകുസുമസുദാമവഹന്തീ
ഭവദനുചിന്തനമാകലയന്തീ പാഹി ॥ 3 ॥
മലയജരജസി നിരാകൃതരാഗാ
വപുഷി ഭസിത ധൃതിസംയതയോഗാ പാഹി ॥ 4 ॥
പരിഹൃതവേണി ജടാകച ഭാരാ
നിജപതിഘടകജനാശയധാരാ പാഹി ॥ 5 ॥
അവിധൃതമണിമുകുടാദിലലാമാ
ബിസവലയാദിവിധാരണകാമാ പാഹി ॥ 6 ॥
മുഹുരവലോകിത കിസലയശയനാ
ബഹിരുപസങ്ഗത സുലലിത നയനാ പാഹി ॥ 7 ॥
ഇതി ശിവ ഭജനഗുണേന വിഭാന്തം
ചന്ദ്രശിഖാമണിനാ ശുഭഗീതം ॥ പാഹി ॥ 8 ॥
ശ്ലോകഃ
സാ വീക്ഷതേ സഹചരീം മദനേന ലജ്ജാ-
ഭാരേണ നോത്തരവചോ വദതി പ്രഗല്‍ഭാ ।
വ്യാധൂന്വതി ശ്വസിതകോഷ്ണസമീരണേന
തുങ്ഗസ്തനോത്തരപടം ഗിരിജാ വിയുക്താ ॥ 31 ॥
॥ ഷഷ്ഠഃ സര്‍ഗഃ ॥
ശ്ലോകഃ
അഥ വിരഹിണീമര്‍മച്ഛേദാനുസംഭൃതപാതക-
ശ്രിത ഇവ നിശാനാഥഃ സങ്ക്രാന്തനീലഗുണാന്തരഃ ।
കിരണനികരൈരഞ്ചത്കമ്പാസരിത്തടരംയഭൂ-
വലയമഭിതോ വ്യാപ്ത്യാ വിഭ്രാജയന്‍പരിജൃംഭതേ ॥ 32 ॥
വികിരതി നിജകരജാലം ഹിമകരബിംബേഽപി നാഗതേ കാന്തേ ।
അകൃതകമനീയരൂപാ സ്വാത്മഗതം കിമപി വദതി ഗിരികന്യാ ॥ 33 ॥
॥ ത്രയോദശാഷ്ടപദീ ॥
ആഹിരിരാഗേണ ഝമ്പതാലേന ഗീയതേ
(കഥിതസമയേഽപി ഇതിവത്)
സുചിരവിരഹാപനയ സുകൃതഭികാമിതം
സഫലയതി കിമിഹ വിധിരുത ന വിഭവാമിതം
കാമിനീ കിമിഹ കലയേ സഹചരീവഞ്ചിതാഹം കാമിനീ ॥ 1 ॥
യദനുഭജനേന മമ സുഖമഖിലമായതം
തമനുകലയേ കിമിഹ നയനപഥമാഗതം കാമിനീ ॥ 2 ॥
യേന മലയജരേണുനികരമിദമീരിതം
ന ച വഹതി കുചയുഗലമുരു തദവധീരിതും കാമിനീ ॥ 3 ॥
യച്ചരണപരിചരണമഖിലഫലദായകം
ന സ്പൃശതി മനസി മമ ഹാ തദുപനായകം കാമിനീ ॥ 4 ॥
നിഗമശിരസി സ്ഫുരതി യതിമനസി യത്പദം ।
വിതതസുഖദം തദപി ഹൃദി ന മേ കിമിദം കാമിനീ ॥ 5 ॥
വിരഹസമയേഷു കില ഹൃദി യദനുചിന്തനം ।
ന സ ഭജതി നയനപഥമഖിലഭയ കൃന്തനം കാമിനീ ॥ 6 ॥
കുചയുഗലമഭിമൃശതി സ യദി രതസൂചിതം ।
സഫലമിഹ നിഖിലഗുണസഹിതമപി ജീവിതം കാമിനീ ॥ 7 ॥
നിയമധനവിധുമൌളിഫണിതമിദമഞ്ചിതം ।
ബഹുജനിഷു കലുഷഭയമപനയതു സഞ്ചിതം കാമിനീ ॥ 8 ॥
ശ്ലോകഃ
ആജഗ്മുഷീം സഹചരീം ഹരമന്തരേണ
ചിന്താവിജൃംഭിതവിഷാദഭരേണ ദീനാ ।
ആലോക്യ ലോകജനനീ ഹൃദി സന്ദിഹാനാ
കാന്തം കയാഭിരമിതം നിജഗാദ വാക്യം ॥ 34 ॥
॥ ചതുര്‍ദശാഷ്ടപദീ ॥
സാരങ്ഗരാഗേണ ത്രിപുടതാലേന ഗീയതേ
(സ്മരസമരോചിത ഇതിവത്)
കുസുമശരാഹവസമുചിതരൂപാ പ്രിയപരിരംഭണപരിഹൃതതാപാ
കാപി പുരരിപുണാ രമയതി ഹൃദയമമിതഗുണാ കാപി ॥ 1 ॥
ഘനതരകുചയുഗമൃഗമദലേപാ
ദയിതവിഹിതരതിനവ്യസുലാപാ ॥ കാപി ॥ 2 ॥
രമണരചിതകടപത്രവിശേഷാ
ഉരസിലുലിതമണിഹാരവിഭൂഷാ ॥ കാപി ॥ 3 ॥
ദയിതനിപീതസുധാധരസീമാ
ഗലിതവസനകടിപരിഹൃതദാമാ ॥ കാപി ॥ 4 ॥
അധിഗതമൃദുതരകിസലയശയനാ
ദരപരിമീലിതചാലിതനയനാ ॥ കാപി ॥ 5 ॥
വിഹിതമധുരരതികൂജിതഭേദാ
ദൃഢപരിരംഭണഹതമേതി ഭേദാ ॥ കാപി ॥ 6 ॥
മഹിത മഹോരസി സരഭസപതിതാ
ലുലിതകുസുമകുടിലാലകമുദിതാ ॥ കാപി ॥ 7 ॥
ചന്ദ്രശിഖാമണിയതിവരഭണിതം ।
സുഖയതു സാധുജനം ശിവചരിതം ॥ കാപി ॥ 8 ॥
॥ സപ്തമഃ സര്‍ഗഃ ॥
ശ്ലോകഃ
ചകോരാണാം പ്രീതിം കലയസി മയൂഖൈര്‍നിജകലാ-
പ്രദാനൈര്‍ദേവാനമപി ദയിതഭാജാം മൃഗദൃശാം ।
ന കോകാനാം രാകാഹിമകിരണ മാദൃഗ്വിരഹിണീ-
ജനാനാം യുക്തം തേ കിമിദമസമം ഹന്ത ചരിതം ॥ 35 ॥
ഗങ്ഗാമങ്ഗനിഷങ്ഗിപങ്കജരജോഗന്ധാവഹാമങ്ഗനാം
ആശ്ലിഷ്യന്നിഭൃതം നിരങ്കുശരഹഃ കേളീവിശേഷൈരലം ।
വിഭ്രാന്തഃ കിമദഭ്രരാഗഭരിതസ്തസ്യാമുത സ്യാദയം
കാന്തോഽശ്രാന്തമനങ്ഗനാഗവിഹതോ നാഭ്യാശമഭ്യാഗതഃ ॥ 36 ॥
സന്താപയന്നഖിലഗാത്രമമിത്രഭാവാത്
സന്ദൃശ്യതേ ജഡധിയാമിഹ ശീതഭാനുഃ ।
ദോഷാകരോ വപുഷി സങ്ഗതരാജയക്ഷ്മാ
ഘോരാകൃതിര്‍ഹി ശിവദൂതി നിശാചരാണാം ॥ 37 ॥
॥ പഞ്ചദശാഷ്ടപദീ ॥
സാവേരിരാഗേണ ആദിതാലേന ഗീയതേ
(സമുദിതവദനേ ഇതിവത്)
വിരഹിതശരണേ രമണീചരണേ വിജിതാരുണപങ്കജേ
അരുണിമരുചിരം കലയതി സുചിരം മതിമിവ വപുഷി നിജേ
രമതേ കമ്പാമഹിതവനേ വിജയീ പുരാരിജനേ ॥ രമതേ ॥ 1 ॥
അലികുലവലിതേ പരിമളലലിതേ യുവതികുടിലാലകേ
കലയതി കുസുമം വിലസിതസുഷുമം സുമശരപരിപാലകേ ॥ രമതേ ॥ 2 ॥
കുചഗിരിയുഗലേ നിജമതിനിഗലേ മൃഗമദരചനാകരേ
മണിസരനികരം വിലസിതമുകുരം ഘടയതി സുമനോഹരേ ॥ രമതേ ॥ 3 ॥
വിലസിതരദനേ തരുണീവദനേ കിസലയരുചിരാധരേ
രചയതി പത്രം മകരവിചിത്രം സ്മിതരുചിപരിഭാസുരേ ॥ രമതേ ॥ 4 ॥
കടിതടഭാഗേ മനസിജയോഗേ വിഗളിതകനകാംബരേ
മണിമയരശനം രവിരചിവസനം ഘടയതി തുഹിനകരേ ॥ രമതേ ॥ 5 ॥
അധരസുധാളിം രുചിരരദാലിം പിബതി സുമുഖശങ്കരേ
വിദധതി മധുരം ഹസതി ച വിധുരം രതിനിധിനിഹിതാദരേ ॥ രമതേ ॥ 6 ॥
മൃദുലസമീരേ വലതി ഗഭീരേ വിലസതി തുഹിനകരേ
ഉദിതമനോജം വികസദുരോജം ശിവരതിവിഹിതാദരേ ॥ രമതേ ॥ 7 ॥
ഇതി രസവചനേ ശിവനതി രചനേ പുരഹരഭജനാദരേ
ബഹുജനികലുഷം നിരസതു പരുഷം യതിവരവിധുശേഖരേ ॥ രമതേ ॥ 8 ॥
ശ്ലോകഃ
ആയാതവാനിഹ ന ഖേദപരാനുഷങ്ഗ-
വാഞ്ഛാഭരേണ വിവശസ്തരുണേന്ദുമൌലിഃ ।
സ്വച്ഛ്ന്ദമേവ രമതാം തവ കോഽത്ര ദോഷഃ
പശ്യാചിരേണ ദയിതം മദുപാശ്രയസ്ഥം ॥ 38 ॥
॥ അഷ്ടമഃ സര്‍ഗഃ ॥
ശ്ലോകഃ
മത്പ്രാണനേതുരസഹായരസാലമൂല-
ലീലാഗൃഹസ്യ മയി ചേദനുരാഗബന്ധഃ ।
അന്യാകഥാനുഭവിനഃ പ്രണയാനുബന്ധോ
ദൂതി പ്രസീദതി മമൈഷ മഹാനുഭാവഃ ॥
॥ ഷോഡശാഷ്ടപദീ ॥
പുന്നാഗവരാലീ രാഗേണ ആദിതാലേന ഗീയതേ
(അനിലതരലകുവലയനയനേന ഇതിവത്)
അരുണകമലശുഭതരചരണേന സപദി ഗതാ ന ഹി ഭവതരണേന ।
യാ വിഹൃതാ പുരവൈരിണാ ॥ 1 ॥
സ്മിതരുചിഹിമകരശുഭവദനേന നിഹിതഗുണാ വിലസിതസദനേന ।
യാ വിഹൃതാ പുരവൈരിണാ ॥ 2 ॥
സരസവചനജിതകുസുമരസേന ഹൃദി വിനിഹിതരതികൃതരഭസേന ।
യാ വിഹൃതാ പുരവൈരിണാ ॥ 3 ॥
വിഹിത വിവിധകുസുമശരവിഹൃതേ നാനാഗതരസാ നയഗുണ വിഹിതേന ।
യാ വിഹൃതാ പുരവൈരിണാ ॥ 4 ॥
ഉദിതജലജരുചിരഗളേന സ്ഫുടിതമനാ ന യുവതിനിഗളേന ।
യാ വിഹൃതാ പുരവൈരിണാ ॥ 5 ॥
കനകരുചിരസുജടാപടലേനാനുഹതസുഖാസതിലകനിടിലേന ।
യാ വിഹൃതാ പുരവൈരിണാ ॥ 6 ॥
നിഖിലയുവതിമദനോദയനേന ജ്വരിതമാനാ ന വിരഹദഹനേന ।
യാ വിഹൃതാ പുരവൈരിണാ ॥ 7 ॥
തുഹിനകിരണധരയതിരചനേന സുഖയതു മാം ശിവഹിതവചനേന ।
യാ വിഹൃതാ പുരവൈരിണാ ॥ 8 ॥
ശ്ലോകഃ
അയി മലയസമീര ക്രൂര ഭാവോരഗാണാം
ശ്വസിതജനിത കിം തേ മാദൃശീഹിംസനേന ।
ക്ഷണമിവ സഹകാരാദീശഗാത്രാനുഷങ്ഗ-
ഉപഹൃതപരിമലാത്മാ സന്നിധേഹി പ്രസന്നഃ ॥ 40 ॥
॥ നവമഃ സര്‍ഗഃ ॥
ശ്ലോകഃ
ഇത്ഥം രുഷാ സഹചരീം പരുഷം വദന്തീ
ശൈലാധിരാജതനുജാ തനുജാതകാര്‍ശ്യാ ।
നീത്വാ കഥം കഥമപി ക്ഷണദാം മഹേശഃ
മാഗഃ പ്രശാന്തി വിനതം കുടിലം ബഭാഷേ ॥ 41 ॥
॥ സപ്തദശാഷ്ടപദീ ॥
ആരഭീരാഗേണ ത്രിപുടതാലേന ഗീയതേ
(രജനിജനിതഗുരു ഇതിവത്)
ചതുരയുവതിസുരതാദര ജാഗരിതാരുണമധൃതവിലാസം
നിടിലനയന നയനദ്വിതയം തവ കഥയതി തദഭിനിവേശം ।
പാഹി താമിഹ ഫാലലോചന യാ തവ ദിശതി വിഹാരം
ഗരളമിലിതധവലാമൃതമിവ ഹരമാഗമവചനമസാരം പാഹി ॥
ഗുരുതരകുചപരിരംഭണസംഭൃതകുങ്കുമപങ്കിലഹാരം
സ്മരതി വിശാലമുരോ വിശദം തവ രതിരഭസാദനുരാഗം പാഹി ॥ 2 ॥
രതിപതിസമരവിനിര്‍മിത നിശിതനഖക്ഷതചിഹ്നിതരേഖം
വപുരിദമളികവിലോചന ലസദിവ രതിഭരകൃതജയരേഖം പാഹി ॥ 3 ॥
രദനവസനമരുണമിദം തവ പുരഹര ഭജതി വിരാഗം
വിഗലിതഹിമകരശകലമുദഞ്ചിതദര്‍ശിതരതിഭരവേഗം പാഹി ॥ 4 ॥
യുവതിപദസ്ഥിതയാവകരസപരിചിന്തിതരതികമനീയം
വിലസതി വപുരിദമലഘുബഹിര്‍ഗതമയതി വിരാഗമമേയം പാഹി ॥ 5 ॥
യുവതികൃതവ്രണമധരഗതം തവ കലയതി മമ ഹൃദി രോഷം
പ്രിയവചനാവസരേഽപി മയാ സഹ സ്ഫുടയതി തത്പരിതോഷം പാഹി ॥ 6 ॥
സുരതരുസുമദാമനികായനിബദ്ധജടാവലിവലയമുദാരം
കിതവമനോഭവസങ്ഗരശിഥിലിതമനുകഥയതി സുവിഹാരം പാഹി ॥ 7 ॥
ഇതി ഹിമഗിരികുലദീപികയാ കൃതശിവപരിവദനവിധാനം
സുഖയതു ബുധജനമീശനിഷേവണയതിവരവിധുശേഖരഗാനം പാഹി ॥ 8 ॥
ശ്ലോകഃ
ഈദൃഗ്വിധാനി സുബഹൂനി തവ പ്രിയായാം
ഗാഢാനുരാഗകൃതസങ്ഗമലാഞ്ഛിതാനി ।
സാക്ഷദവേക്ഷിതവതീമിഹ മാമുപേത്യ
കിം ഭാഷസേ കിതവശേഖര ചന്ദ്രമൌളേ ॥ 42
॥ ദശമഃ സര്‍ഗഃ ॥
ശ്ലോകഃ
താമുദ്യതപ്രസവബാണവികാരഖിന്നാം
സഞ്ചിന്ത്യമാനശശിമൌലിചരിത്രലീലാം ।
ബാലാം തുഷാരഗിരിജാം രതികേലിഭിന്നാം
ആളിഃ പ്രിയാഥ കലഹാന്തരിതാമുവാച ॥ 43 ॥
॥ അഷ്ടാദശാഷ്ടപദീ ॥
യദുകുലകാംഭോജിരാഗേണ ആദിതാലേന ഗീയതേ
(ഹരിരഭിസരതി ഇതിവത്)
പുരരിപുരഭിരതിമതി ഹൃദി തനുതേ
ഭവദുപഗൂഹനമിഹ ബഹു മനുതേ ।
ശങ്കരേ ഹേ ശങ്കരി മാ ഭജ
മാനിനി പരിമാനമുമേ ശങ്കരേ ॥ 1 ॥
മൃഗമദരസമയ ഗുരുകുചയുഗലേ
കലയതി പുരരിപുരഥ മതി നിഗലേ ॥ ശങ്കരേ ॥ 2 ॥
സുചിരവിരഹഭവമപഹര കലുഷം
ഭവദധരാമൃതമുപഹര നിമിഷം ॥ ശങ്കരേ ॥ 3 ॥
സരസ നിടിലകൃതചിത്രകരുചിരം
തവ വദനം സ ച കലയതി സുചിരം ॥ ശങ്കരേ ॥ 4 ॥
വിഭുരയമേഷ്യതി ശുഭതരമനസാ
തദുരസി കുചയുഗമുപകുരു സഹസാ ॥ ശങ്കരേ ॥ 5 ॥
സകുസുമനികരമുദഞ്ചയ ചികുരം
സുദതി വിലോകയ മണിമയ മുകുരം ॥ ശങ്കരേ ॥ 6 ॥
ശ്രൃണു സഖി ശുഭദതി മമ ഹിതവചനം
ഘടയ ജഘനമപി വിഗലിതരശനം ॥ ശങ്കരേ ॥ 7 ॥
ശ്രീവിധുശേഖരയതിവരഫണിതം
സുഖയതു സാധുജനം ശിവചരിതം ॥ ശങ്കരേ ॥ 8 ॥
മഹാദേവേ തസ്മിന്‍പ്രണമതി നിജാഗഃ ശമയിതും
തദീയം മൂര്‍ധാനം പ്രഹരസി പദാഭ്യാം ഗിരിസുതേ ।
സ ഏഷ ക്രുദ്ധശ്ചേത്തുഹിനകിരണം സ്ഥാപയതി ചേത്
മൃദൂന്യങ്ഗാന്യങ്ഗാരക ഇവ തനോത്യേഷ പവനഃ ॥ 44 ॥
॥ ഏകാദശഃ സര്‍ഗഃ ॥
ഇത്ഥം പ്രിയാം സഹചരീം ഗിരമുദ്ഗിരന്തീം
ചിന്താഭരേണ ചിരമീക്ഷിതുമപ്യധീരാ ।
ഗൌരീ കഥഞ്ചിദഭിമാനവതീ ദദര്‍ശ
കാന്തം പ്രിയാനുനയവാക്യ മുദീരയന്തം ॥ 45 ॥
ബാലേ കുലാചലകുമാരി വിമുഞ്ച രോഷം
ദോഷം ച മയ്യധിഗതം ഹൃദയേ ന കുര്യാഃ ।
ശക്ഷ്യാമി നൈവ ഭവിതും ഭവതീം വിനാഹം
വക്ഷ്യാമി കിം തവ പുരഃ പ്രിയമന്യദസ്മാത് ॥ 46 ॥
॥ ഏകോനവിംശാഷ്ടപദീ ॥
മുഖാരി രാഗേണ ഝമ്പതാലേന ഗീയതേ
(വദസി യദി കിഞ്ചിദപി ഇതിവത്)
ഭജസി യദി മയി രോഷമരുണവാരിരുഹാക്ഷി
കിമിഹ മമ ശരണമഭിജാതം
ശരണമുപയായതവതി കലുഷപരിഭാവനം
ന വരമിതി സതി സുജനഗീതം ശിവേ ശൈലകന്യേ
പഞ്ചശരതപനമിഹ ജാതം
ഹരകമലശീതലം സരസനയനാഞ്ചലം
മയി കലയ രതിഷു കമനീയം ശിവേ ശൈലകന്യേ ॥ 1 ॥
സ്പൃശസി യദി വപുരരുണകമലസമപാണിനാ
ന സ്പൃശസി തപനമനിവാരം
ദരഹസിതചന്ദ്രകരനികരമനുഷഞ്ജയസി
യദി മമ ച ഹൃദയമതിധീരം ശിവേ ശൈലകന്യേ ॥ 2 ॥
കുസുമദാമചയേന മമ ജടാവലിജൂടനിചയമയി സുദതി സവിലാസം
സപദി കലയാമി വലയാകൃതിസരോജവനസുരസരിതമുപഹസിതഭാസം
ശിവേ ശൈലകന്യേ ॥ 3 ॥
അമലമണിഹാരനികരേണ പരിഭൂഷയസി
പൃഥുല കുചയുഗല മതിഭാരം ।
തുഹിനഗരിശിഖരാനുഗളിതസുരനിംനഗാ
സുഗളസമഭാവസുഗഭീരം ശിവേ ശൈലകന്യേ ॥ 4 ॥
വികസദസിതാംബുരുഹവിമലനയനാ-
ഞ്ചലൈരുപചരസി വിരഹപരിദൂനം ।
സഫലമിഹ ജീവിതം മമ സുദതി കോപനേ
വിസൃജ മയി സഫലമതിമാനം ശിവേ ശൈലകന്യേ ॥ 5 ॥
ഭവദധര മധു വിതര വിഷമശരവികൃതി-
ഹരമയി വിതര രതിനിയതഭാനം
സ്ഫുയമദപരാധശതമഗണനീയമിഹ
വിമൃശ ഭവദനുസൃതിവിധാനം ശിവേ ശൈലകന്യേ ॥ 6 ॥
കുപിതഹൃദയാസി മയി കലയ ഭുജബന്ധനേ
കുരു നിശിതരദനപരിപാതം
ഉചിതമിദമഖിലം തു നായികേ സുദതി മമ
ശിക്ഷണം സ്വകുചഗിരിപാതം ശിവേ ശൈലകന്യേ ॥ 7 ॥
ഇതി വിവിധവചനമപി ചതുരപുരവൈരിണാ
ഹിമശിഖരിജനുഷമഭിരാമം
ശിവഭജനനിയതമതിയതിചന്ദ്രമൌലിനാ
ഫണിതമപി ജയതു ഭുവി കാമം ശിവേ ശൈലകന്യേ ॥ 8 ॥
ശ്ലോകഃ
സുചിര വിരഹാക്രാന്തം വിഭ്രാന്തചിത്തമിതസ്തതഃ
സ്മരപരവശം ദീനം നോപേക്ഷസേ യദി മാം പ്രിയേ ।
അഹമിഹ ചിരം ജീവന്‍ഭാവത്കസേവനമാദ്രിയേ
യദപകരണം സര്‍വം ക്ഷന്തവ്യമദ്രികുമാരികേ ॥ 47 ॥
॥ ദ്വാദശഃ സര്‍ഗഃ ॥
ശ്ലോകഃ
ഇതി വിരഹിതാമേനാം ചേതഃ പ്രസാദവതീം ശിവാം
അനുനയഗിരാം ഗുംഫൈഃ സംഭാവയന്നിജപാണിനാ ।
ഝടിതി ഘടയന്‍മന്ദസ്മേരസ്തദീയകരാംബുജം
ഹിമകരകലാമൌലിഃ സമ്പ്രാപ കേലിലതാഗൃഹം ॥ 48 ॥
സമ്പ്രാപ്യ കേളീഗൃഹമിന്ദുമൌലിഃ ഇന്ദീവരാക്ഷീമനുവീക്ഷമാണഃ ।
ജഹൌ രഹഃ കേലികുതൂഹലേന വിയോഗജാര്‍തിം പുനരാബഭാഷേ ॥ 49 ॥
॥ വിംശാഷ്ടപദീ ॥
ഘണ്ടാരാഗേണ ഝമ്പതാലേന ഗീയതേ
(മഞ്ജുതരകുഞ്ജതല ഇതിവത്)
പൃഥുലതരലലിതകുചയുഗലമയി തേ
മൃഗമദരസേന കലയാമി ദയിതേ ।
രമയ ബാലേ ഭവദനുഗമേനം ॥ രമയ ബാലേ ॥ 1 ॥
വിധുശകലരുചിരമിദമലികമയി തേ
ശുഭതിലകമഭിലസതു കേലിനിയതേ ॥ രമയ ബാലേ ॥ 2 ॥
ഇഹ വിഹര തരുണി നവ കുസുമശയനേ
ഭവദധരമധു വിതര മകരനയനേ ॥ രമയ ബാലേ ॥ 3 ॥
അയി സുചിരവിരഹരുജമപഹര ശിവേ
സരസമഭിലപ രമണി പരഭൃതരവേ ॥ രമയ ബാലേ ॥ 4 ॥
കലയ മലയജപങ്കമുരസി മമ തേ
കഠിനകുചയുഗമതനു ഘടയ ലലിതേ ॥ രമയ ബാലേ ॥ 5 ॥
ഇദമമരതരുകുസുമനികരമയി തേ
ഘനചികുരമുപചരതു സപദി വനിതേ ॥ രമയ ബാലേ ॥ 6 ॥
ദരഹസിതവിധുകരമുദഞ്ചയ മനോ-
ഭവതപനമപനുദതു വിലസിതഘനേ ॥ രമയ ബാലേ ॥ 7 ॥
ശിവചരണപരിചരണയതവിചാരേ
ഫണതി ഹിമകരമൌളിനിയമിധീരേ ॥ രമയ ബാലേ ॥ 8 ॥
ശ്ലോകഃ
ഈദൃഗ്വിധൈശ്ചടുലചാടുവചോവിലാസൈഃ
ഗാഢോപഗൂഹനമുഖാംബുജചുംഭനാദ്യൈഃ ।
ആഹ്ലാദയന്‍ ഗിരിസുതാമധികാഞ്ചി നിത്യം
ഏകാംരമൂലവസതിര്‍ജയതി പ്രസന്നഃ ॥ 50 ॥
വിദ്യാവിനീതജയദേവകവേരുദാര-
ഗീതിപ്രബന്ധസരണിപ്രണിധാനമാത്രാത് ।
ഏഷാ മയാ വിരചിതാ ശിവഗീതിമാലാ
മോദം കരോതു ശിവയോഃ പദയോജനീയാ ॥ 51 ॥
അവ്യക്തവര്‍ണമുദിതേന യഥാര്‍ഭകസ്യ
വാക്യേന മോദഭരിതം ഹൃദയം ഹി പിത്രോഃ ।
ഏകാംരനാഥ ഭവദങ്ഘ്രിസമര്‍പിതേയം
മോദം കരോതു ഭവതഃ ശിവഗീതിമാലാ ॥ 52 ॥
ഗുണാനുസ്യൂതിരഹിതാ ദോഷഗ്രന്ഥിവിദൂഷിതാ ।
തഥാപി ശിവഗീതിര്‍നോ മാലികാ ചിത്രമീദൃശീ ॥ 53 ॥
ഓം നമഃ ശിവായൈ ച നമഃ ശിവായ
ഇതി ശ്രീചന്ദ്രശേഖരേന്ദ്രസരസ്വതീവിരചിതാ ശിവഗീതിമാലാ
അഥവാ ശിവാഷ്ടപദീ സമാപ്താ ।
॥ ശുഭമസ്തു ॥
Also Read:
Siva Gitimala – Shiva Ashtapadi Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
