Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Siva Gitimala – Shiva Ashtapadi or Lyrics in Oriya

Siva Gitimala – Shiva Ashtapadi or Lyrics in Oriya

36 Views

About Shiva Gitimala !! Shiva Ashtapadi:

Shiva Gitimala was composed by Jagadguru Sri Chandra Sekharendra Saraswathi the 62nd seer of Sri Kanchi Kamakoti Peedam, composed of 20 exciting verses known as Ashtapadi, praising the pleasing moments of Lord Ekamreshwarar and the goddess Sri Kamakshi Devi. This beautiful composition represents the despair, devotion and dedication of the individual soul / Jeevathma, to achieve union with the supreme soul / Paramathma to attain eternal happiness. Shiva Ashtapadi / Shiva Gitimala begins with the veneration of Lord Ganesha. The entire verses illustrate the miserable state of separation of the goddess Parvathi from Lord Shiva. The goddess Sri Parvati underwent severe penance on the banks of the Kampa River to unite with Lord Shiva. The divine couple suffers an unbearable pain of separation; Lord Shiva descended to Earth and resides under a mango tree where the goddess Sri Parvati undertaking penance was observed by a faithful companion of the goddess and was duly informed. The state of remorse, abandonment, guilt and the messages exchanged through the companion of the goddess Sri Parvati, etc. They are beautifully represented in the Ashtapadi. Finally, Lord Shiva appears before the goddess Sri Parvati and apologizes profusely, after a first hardness between the couple and a happy union.

Lord Siva Gitimala and Ashtapadi Lyrics in Oriya:

॥ ପ୍ରଥମଃ ସର୍ଗଃ ॥
ଧ୍ୟାନଶ୍ଲୋକାଃ –
ସକଲଵିଘ୍ନନିଵର୍ତକ ଶଙ୍କରପ୍ରିୟସୁତ ପ୍ରଣତାର୍ତିହର ପ୍ରଭୋ ॥

ମମ ହୃଦମ୍ବୁଜମଧ୍ୟଲସନ୍ମଣୀରଚିତମଣ୍ଡପଵାସରତୋ ଭଵ ॥ ୧ ॥

ଵିଧିଵଦନସରୋଜାଵାସମାଧ୍ଵୀକଧାରା
ଵିଵିଧନିଗମଵୃନ୍ଦସ୍ତୂୟମାନାପଦାନା ।
ସମସମୟଵିରାଜଚ୍ଚନ୍ଦ୍ରକୋଟିପ୍ରକାଶା
ମମ ଵଦନସରୋଜେ ଶାରଦା ସନ୍ନିଧତ୍ତାମ୍ ॥ ୨ ॥

ୟଦନୁଭଵସୁଧୋର୍ମୀମାଧୁରୀପାରଵଶ୍ୟଂ
ଵିଶଦୟତି ମୁନୀନାତ୍ମନସ୍ତାଣ୍ଡଵେନ ।
କନକସଦସି ରମ୍ୟେ ସାକ୍ଷିଣୀଵୀକ୍ଷ୍ୟମାଣଃ
ପ୍ରଦିଶତୁ ସ ସୁଖଂ ମେ ସୋମରେଖାଵତଂସଃ ॥ ୩ ॥

ଶର୍ଵାଣି ପର୍ଵତକୁମାରି ଶରଣ୍ୟପାଦେ
ନିର୍ଵାପୟାସ୍ମଦଘସନ୍ତତିମନ୍ତରାୟମ୍ ।
ଇଚ୍ଛାମି ପଙ୍ଗୁରିଵ ଗାଙ୍ଗଜଲାଵଗାହ-
ମିଚ୍ଛାମିମାଂ କଲୟିତୁଂ ଶିଵଗୀତିମାଲାମ୍ ॥ ୪ ॥

ଶିଵଚରଣସରୋଜଧ୍ୟାନୟୋଗାମୃତାବ୍ଧୌ
ଜଲଵିହରଣଵାଞ୍ଛାସଙ୍ଗତଂ ୟସ୍ୟ ଚେତଃ ।
ନିଖିଲଦୁରିତମଭଙ୍ଗଵ୍ୟାପୃତଂ ଵା ମନୋଜ୍ଞଂ
ପରଶିଵଚରିତାଖ୍ୟଂ ଗାନମାକର୍ଣନୀୟମ୍ ॥ ୫ ॥

॥ ପ୍ରଥମାଷ୍ଟପଦୀ ॥

ମାଲଵୀରାଗେଣ ଆଦିତାଲେନ ଗୀୟତେ
(ପ୍ରଲୟପୟୋଧିଜଲେ ଇତିଵତ୍)

କନକସଭାସଦନେ ଵଦନେ ଦରହାସଂ
ନଟସି ଵିଧାୟ ସୁଧାକରଭାସଂ
ଶଙ୍କର ଧୃତତାପସରୂପ ଜୟ ଭଵତାପହର ॥ ୧ ॥

ଜଲଧିମଥନସମୟେ ଗରଲାନଲଶୈଲଂ
ଵହସି ଗଲସ୍ଥମୁଦିତ୍ଵରକୀଲଂ
ଶଙ୍କର ଧୃତନୀଲଗଲାଖ୍ୟ ଜୟ ଭଵତାପହର ॥ ୨ ॥

ଵିଧୁରଵିରଥଚରଣେ ନିଵସନ୍ନଵନିରଥେ
ପୁରମିଷୁଣା ହୃତଵାନିତୟୋଧେ
ଶଙ୍କର ଵର ଵୀରମହେଶ ଜୟ ଭଵତାପହର ॥ ୩ ॥

କୁସୁମଶରାସକରଂ ପୁରତୋ ଵିଚରନ୍ତଂ
ଗିରିଶ ନିହିଂସିତଵାନଚିରଂ ତଂ
ଶଙ୍କର ମଦନାରିପଦାଖ୍ୟ ଜୟ ଭଵତାପହର ॥ ୪ ॥

ଵଟତରୁତଲମହିତେ ନିଵସନ୍ମଣିପୀଠେ
ଦିଶସି ପରାତ୍ମକଲାମତିଗାଢେ
ଶଙ୍କର ଧୃତମୌନ ଗଭୀର ଜୟ ଭଵତାପହର ॥ ୫ ॥

ଜଲନିଧିସେତୁତଟେ ଜନପାଵନୟୋଗେ
ରଘୁକୁଲତିଲକୟଶଃ ପ୍ରଵିଭାଗେ
ଶଙ୍କର ରଘୁରାମମହେଶ ଜୟ ଭଵତାପହର ॥ ୬ ॥

ତନୁ ଭୃଦଵନକୃତେ ଵରକାଶୀନଗରେ
ତାରକମୁପଦିଶସି ସ୍ଥଲସାରେ
ଶଙ୍କର ଶିଵ ଵିଶ୍ଵମହେଶ ଜୟ ଭଵତାପହର ॥ ୭ ॥

ନିଗମରସାଲତଲେ ନିରଵଧିବୋଧଘନ
ଶ୍ରୀକାମକ୍ଷିକୁଚକଲଶାଙ୍କନ
ଶଙ୍କର ସହକାରମହେଶ ଜୟ ଭଵତାପହର ॥ ୮ ॥

କଚ୍ଛପତନୁହରିଣା ନିସ୍ତୁଲଭକ୍ତିୟୁଜା
ସନ୍ତତପୂଜିତଚରଣସରୋଜ
ଶଙ୍କର ଶିଵ କଚ୍ଛପ ଲିଙ୍ଗ ଜୟ ଭଵତାପହର ॥ ୯ ॥

ଶଙ୍କରଵରଗୁରୁଣା ପରିପୂଜିତପାଦ
କାଞ୍ଚିପୁରେ ଵିଵୃତାଖିଲଵେଦ
ଶଙ୍କର ଵିଧୁମୌଲିମହେଶ ଜୟ ଭଵତାପହର ॥ ୧୦ ॥

ଶ୍ରୀଵିଧୁମୌଲିୟତେରିଦମୁଦିତମୁଦାରଂ
ଶ୍ରୃଣୁ କରୁଣାଭରଣାଖିଲସାରଂ
ଶଙ୍କରାରୁଣଶୈଲମହେଶ ଜୟ ଭଵତାପହର ॥ ୧୧ ॥

ଶ୍ଲୋକଃ
କନକସଭାନଟାୟ ହରିନୀଲଗଳାୟ ନମ-
ସ୍ତ୍ରିପୁରହରାୟ ମାରରିପଵେ ମୁନିମୋହଭିଦେ ।
ରଘୁକୃତସେତଵେ ଵିମଲକାଶିଜୁଷେ ଭଵତେ
ନିଗମରସାଲ କୂର୍ମହରିପୂଜିତ ଚନ୍ଦ୍ରଧର ॥ ॥ ୬ ॥

ପାପଂ ଵାରୟତେ ପରଂ ଘଟୟତେ କାଲଂ ପରାକୁର୍ଵତେ
ମୋହଂ ଦୂରୟତେ ମଦଂ ଶମୟତେ ମତ୍ତାସୁରାନ୍ ହିଂସତେ ।
ମାରଂ ମାରୟତେ ମହାମୁନିଗଣାନାନନ୍ଦିନଃ କୁର୍ଵତେ
ପାର୍ଵତ୍ୟା ସହିତାୟ ସର୍ଵନିଧୟେ ଶର୍ଵାୟ ତୁଭ୍ୟଂ ନମଃ ॥ ୭ ॥

॥ ଦ୍ଵିତୀୟାଷ୍ଟପଦୀ ॥

ଭୈରଵୀରାଗେଣ ତ୍ରିପୁଟତାଲେନ ଗୀୟତେ
(ଶ୍ରିତକମଲାକୁଚ ଇତିଵତ୍)
କଲିହରଚରିତଵିଭୂଷଣ ଶ୍ରୁତିଭାଷଣ
କରତଲଵିଲସିତଶୂଲ ଜୟ ଭଵତାପହର ॥ ୧ ॥

ଦିନମଣିନିୟୁତଵିଭାସୁର ଵିଜିତାସୁର
ନଲିନନୟନକୃତପୂଜ ଜୟ ଭଵତାପହର ॥ ୨ ॥

ନିର୍ଜିତକୁସୁମଶରାସନ ପୁରଶାସନ
ନିଟିଲତିଲକଶିଖିକୀଲ ଜୟ ଭଵତାପହର ॥ ୩ ॥

ପଦୟୁଗଵିନତାଖଣ୍ଡଲ ଫଣିକୁଣ୍ଡଲ
ତ୍ରିଭୁଵନପାଵନ ପାଦ ଜୟ ଭଵତାପହର ॥ ୪ ॥

ଅନ୍ଧକଦାନଵଦାରଣ ଭଵତାରଣ
ସ୍ମରତନୁଭସିତଵିଲେପ ଜୟ ଭଵତାପହର ॥ ୫ ॥

ହିମକରଶକଲଵତଂସକ ଫଣିହଂସକ
ଗଗନଧୁନୀଧୃତଶୀଲ ଜୟ ଭଵତାପହର ॥ ୬ ॥

ପରମତପୋଧନଭାଵିତ ସୁରସେଵିତ
ନିଖିଲଭୁଵନଜନପାଲ ଜୟ ଭଵତାପହର ॥ ୭ ॥

କରିମୁଖଶରଭଵନନ୍ଦନ କୃତଵନ୍ଦନ
ଶ୍ରୃଣୁଶଶିଧରୟତିଗୀତଂ ଜୟ ଭଵତାପହର ॥ ୮ ॥

ଶ୍ଲୋକଃ
ତୁହିନଗିରିକୁମାରୀ ତୁଙ୍ଗଵକ୍ଷୋଜକୁମ୍ଭ-
ସ୍ଫୁଟଦୃଢପରିରମ୍ଭଶ୍ଲିଷ୍ଟ ଦିଵ୍ୟାଙ୍ଗରାଗମ୍ ।
ଉଦିତମଦନଖେଦସ୍ଵେଦମଂସାନ୍ତରଂ ମାଂ
ଅଵତୁ ପରଶୁପାଣେର୍ଵ୍ୟକ୍ତ ଗାଢାନୁରାଗମ୍ ॥ ୮ ॥

ଵାସନ୍ତିକାକୁସୁମକୋମଲଦର୍ଶନୀୟୈଃ
ଅଙ୍ଗୈରନଙ୍ଗଵିହିତଜ୍ଵରପାରଵଶ୍ୟାତ୍ ।
କମ୍ପାତଟୋପଵନସୀମନି ଵିଭ୍ରମନ୍ତୀଂ
ଗୌରିମିଦଂ ସରସମାହ ସଖୀ ରହସ୍ୟମ୍ ॥ ୯ ॥

॥ ତୃତୀୟାଷ୍ଟପଦୀ ॥

ଵସନ୍ତରାଗେଣ ଆଦିତାଲେନ ଗୀୟତେ
(ଲଲିତଲଵଙ୍ଗଲତା ଇତିଵତ୍)
ଵିକସଦମଲକୁସୁମାନୁସମାଗମଶୀତଲମୃଦୁଲସମୀରେ
ଅତିକୁଲକଲରଵସମ୍ଭୃତଘନମଦପରଭୃତଘୋଷଗଭୀରେ
ଵିଲସତି ସୁରତରୁସଦସି ନିଶାନ୍ତେ
ଵରୟୁଵତିଜନମୋହନତନୁରିହ ଶୁଭଦତି ଵିତତଵସନ୍ତେ ଵିଲସତି ॥ ୧ ॥

କୁସୁମଶରାସନଶବରନିଷୂଦିତକୁପିତଵଧୂଧୃତମାନେ
ଧନରସକୁଙ୍କୁମପଙ୍କଵିଲେପନଵିଟଜନକୁତୁକଵିଧାନେ ଵିଲସତି ॥ ୨ ॥

କୁସୁମିତବାଲରସାଲମନୋହରକିସଲୟମଦନକୃପାଣେ
ମଧୁକରମିଥୁନପରସ୍ପରମଧୁରସପାନନିୟୋଗଧୁରୀଣେ ଵିଲସତି ॥ ୩ ॥

ମଦନମହୀପତିଶୁଭକରମନ୍ତ୍ରଜପାୟିତମଧୁକରଘୋଷେ
ଅଵିରଲକୁସୁମମରନ୍ଦକୃତାଭିନିଷେଚନତରୁମୁନିପୋଷେ ଵିଲସତି ॥ ୪ ॥

ମଦନନିଦେଶନିଵୃତ୍ତକଲେବରମର୍ଦନମଲୟସମୀରେ
ତୁଷିତମଧୁଵ୍ରତସଞ୍ଚଲଦତିଥିସୁପୂଜନମଧୁରସପୂରେ ଵିଲସତି ॥ ୫ ॥

ସୁଚିରକୃତଵ୍ରତମୌନଵନପ୍ରିୟମୁନିଜନଵାଗନୁକୂଲେ
ଲଲିତଲତାଗୃହଵିହୃତିକୃତଶ୍ରମୟୁଵତିସୁଖାନିଲଶୀଲେ ଵିଲସତି ॥ ୬ ॥

ଵିଷମଶରାଵନିପାଲରଥାୟିତମୃଦୁଲସମୀରଣଜାଲେ
ଵିରହିଜନାଶୟମୋହନଭସିତପରାଗଵିଜୃମ୍ଭଣକାଲେ ଵିଲସତି ॥ ୭ ॥

ଶ୍ରୀଶିଵପୂଜନୟତମତି ଚନ୍ଦ୍ରଶିଖାମଣିୟତିଵରଗୀତଂ
ଶ୍ରୀଶିଵଚରଣୟୁଗସ୍ମୃତିସାଧକମୁଦୟତୁ ଵନ୍ୟଵସନ୍ତଂ ଵିଲସତି ॥ ୮ ॥

ଶ୍ଲୋକଃ
ଵିକଚକମଲକମ୍ପାଶୈଵଲିନ୍ୟାସ୍ତରଙ୍ଗୈଃ
ଅଵିରଲପରିରମ୍ଭଃ ସମ୍ଭ୍ରମନ୍ ମଞ୍ଜରୀଣାମ୍ ।
ପରିସରରସରାଗୈର୍ଵ୍ୟାପ୍ତଗାତ୍ରାନୁଲେପୋ
ଵିଚରତି କିତଵୋଽୟଂ ମନ୍ଦମନ୍ଦଂ ସମୀରଃ ॥ ୯ ॥

॥ ଦ୍ଵିତୀୟଃ ସର୍ଗଃ ॥
ଶ୍ଲୋକଃ
ପ୍ରଗଲ୍ଭତରଭାମିନୀ ଶିଵଚରିତ୍ର ଗାନାମୃତ-
ପ୍ରଭୂତନଵମଞ୍ଜରୀସୁରଭିଗନ୍ଧିମନ୍ଦାନିଲେ ।
ରସାଲତରୁମୂଲଗସ୍ଫୁରିତମାଧଵୀ ମଣ୍ଡପେ
ମହେଶମୁପଦର୍ଶୟନ୍ତ୍ୟସକୃଦାହ ଗୌରୀମସୌ ॥

॥ ଚତୁର୍ଥାଷ୍ଟପଦୀ ॥

ରାମକ୍ରିୟାରାଗେଣ ଆଦିତାଲେନ ଗୀୟତେ
(ଚନ୍ଦନଚର୍ଚିତ ଇତିଵତ୍)
ଅଵିରଲ କୁଙ୍କୁମପଙ୍କକରମ୍ବିତମୃଗମଦଚନ୍ଦ୍ରଵିଲେପଂ
ନିଟିଲ ଵିଶେଷକଭାସୁରଵହ୍ନିଵିଲୋଚନ କୃତପୁରତାପଂ
ଶଶିମୁଖି ଶୈଲଵଧୂତନୟେ ଵିଲୋକୟ ହରମଥ କେଲିମୟେ ଶଶିମୁଖି ॥ ୧ ॥

ୟୁଵତିଜନାଶୟମଦନଶରାୟିତଶୁଭତରନୟନ ଵିଲାସଂ
ଭୁଵନଵିଜୃମ୍ଭିତଘନତରତିମିରନିଷୂଦନନିଜତନୁ ଭାସଂ ଶଶିମୁଖି ॥ ୨ ॥

ପାଣି ସରୋଜମୃଗୀପରିଶଙ୍କିତବାଲତୃଣାଲିଗଲାଭଂ
ୟୌଵତହୃଦୟଵିଦାରଣପଟୁତରଦରହସିତାମିତଶୋଭଂ ଶଶିମୁଖି ॥ ୩ ॥

ଚରଣସରୋଜଲସନ୍ମଣିନୂପୁରଘୋଷଵିଵୃତପଦଜାତଂ
ଗଗନଧୁନୀସମତନୁରୁଚିସଂହତିକାରିତଭୁଵନଵିଭାତଂ ଶଶିମୁଖି ॥ ୪ ॥

ନିଖିଲଵଧୂଜନହୃଦୟସମାହୃତିପଟୁତରମୋହନରୂପଂ
ମୁନିଵରନିକରଵିମୁକ୍ତିଵିଧାୟକବୋଧଵିଭାଵନଦୀପଂ ଶଶିମୁଖି ॥ ୫ ॥

ଵିକଚସରୋରୁହଲୋଚନସକୃଦଵଲୋକନକୃତଶୁଭଜାତଂ
ଭୁଜଗଶିରୋମଣିଶୋଣରୁଚା ପରିଭୀତମୃଗୀସମୁପେତଂ ଶଶିମୁଖି ॥ ୬ ॥

ରଜତମହୀଧରସଦୃଶମହାଵୃଷଦୃଷ୍ଟପୁରୋଵନିଭାଗଂ
ସନକସନନ୍ଦନମୁନିପରିଶୋଭିତଦକ୍ଷିଣତଦିତରଭାଗଂ ଶଶିମୁଖି ॥ ୭ ॥

ଶ୍ରୀଶିଵପରିଚରଣଵ୍ରତଚନ୍ଦ୍ରଶିଖାମଣି ନିୟମଧନେନ
ଶିଵଚରିତଂ ଶୁଭଗୀତମିଦଂ କୃତମୁଦୟତୁ ବୋଧଘନେନ ଶଶିମୁଖି ॥ ୮ ॥

ଶ୍ଲୋକଃ
ମଦନକଦନଶାନ୍ତ୍ୟୈ ଫୁଲ୍ଲମଲ୍ଲୀ ପ୍ରସୂନୈଃ
ଵିରଚିତଵରଶୟ୍ୟାମାପ୍ନୁଵନ୍ନିନ୍ଦୁମୌଲିଃ ।
ମୃଦୁମଲୟସମୀରଂ ମନ୍ୟମାନଃ ସ୍ଫୁଲିଙ୍ଗାନ୍
କଲୟତି ହୃଦୟେ ତ୍ଵାମନ୍ଵହଂ ଶୈଲ କନ୍ୟେ ॥ ୧୨ ॥

ଇତି ସହଚରୀଵାଣୀମାକର୍ଣ୍ୟ ସାପି ସୁଧାଝରୀଂ
ଅଚଲଦୁହିତା ନେତୁଃ ଶ୍ରୁତ୍ଵାଭିରୂପ୍ୟଗୁଣୋଦୟମ୍ ।
ଵିରହଜନିତାମାର୍ତିଂ ଦୂରୀଚକାର ହୃଦି ସ୍ଥିତାଂ
ଦୟିତନିହିତପ୍ରେମା କାମଂ ଜଗାଦ ମିଥଃ ସଖୀମ୍ ॥ ୧୩ ॥

॥ ପଞ୍ଚମାଷ୍ଟପଦୀ ॥

ତୋଡିରାଗେଣ ଚାପୁତାଲେନ ଗୀୟତେ
(ସଞ୍ଚରଦଧର ଇତିଵତ୍)
ଜଲରୁହଶିଖରଵିରାଜିତହିମକରଶଙ୍କିତକରନଖରାଭଂ
ରୁଚିରରଦନକିରଣାମରସରିଦିଵ ଶୋଣନଦାଧର ଶୋଭଂ
ସେଵେ ନିଗମରସାଲନିଵାସଂ – ୟୁଵତିମନୋହରଵିଵିଧଵିଲାସଂ ସେଵେ ॥ ୧ ॥

ଶୁଭତନୁସୌରଭଲୋଭଵିଭୂଷଣକୈତଵମହିତ ଭୁଜଙ୍ଗଂ
ମୁକୁଟଵିରାଜିତହିମକରଶକଲଵିନିର୍ଗଲଦମୃତସିତାଙ୍ଗଂ ସେଵେ ॥ ୨ ॥

ମକୁଟପରିଭ୍ରମଦମରଧୁନୀନଖଵିକ୍ଷତଶଙ୍କିତ ଚନ୍ଦ୍ରଂ
ଉରସି ଵିଲେପିତମଲୟଜପଙ୍କଵିମର୍ଦିତଶୁଭତରଚନ୍ଦ୍ରଂ ସେଵେ ॥ ୩ ॥

ପନ୍ନଗକର୍ଣଵିଭୂଷଣମୌଲିଗମଣିରୁଚି ଶୋଣକପୋଲଂ
ଅଗଣିତସରସିଜସମ୍ଭଵମୌଲିକପାଲନିଵେଦିତ କାଲଂ ସେଵେ ॥ ୪ ॥

ହରିଦନୁପାଲସୁରେଶପଦୋନ୍ନତିମୁପନମତୋ ଵିତରନ୍ତଂ
ଅନଵଧିମହିମଚିରନ୍ତନମୁନିହୃଦୟେଷୁ ସଦା ଵିହରନ୍ତଂ ସେଵେ ॥ ୫ ॥

ନାରଦପର୍ଵତଵରମୁନିକିନ୍ନରସନ୍ନୁତ ଵୈଭଵ ଜାତଂ
ଅନ୍ଧକସୁରରିପୁଗନ୍ଧସିନ୍ଧୁର ଵିଭଙ୍ଗମୃଗାଦିପରୀତଂ ସେଵେ ॥ ୬ ॥

ଵିଷୟଵିରତଵିମଲାଶୟକୋଶମହାଧନଚରଣସରୋଜଂ
ଘନତରନିଜତନୁମଞ୍ଜୁଲତାପରି ନିର୍ଜିତନିୟୁତ ମନୋଜଂ ସେଵେ ॥ ୭ ॥

ଶ୍ରୀଶିଵ ଭଜନ ମନୋରଥଚନ୍ଦ୍ରଶିଖାମଣିୟତିଵରଗୀତଂ
ଶ୍ରୋତୁମୁଦଞ୍ଚିତକୌତୁକମଵିରତମମରଵଧୂପରି ଗୀତଂ ସେଵେ ॥ ୮ ॥

ଶ୍ଲୋକଃ
ସହଚରି ମୁଖଂ ଚେତଃ ପ୍ରାତଃ ପ୍ରଫୁଲ୍ଲସରୋରୁହ-
ପ୍ରତିମମନଘଂ କାନ୍ତଂ କାନ୍ତସ୍ୟ ଚନ୍ଦ୍ରଶିଖାମଣେଃ ।
ସ୍ମରତି ପରିତୋଦୃଷ୍ଟିସ୍ତୁଷ୍ଟା ତଦାକୃତିମାଧୁରୀ-
ଗତିଵିଷୟିଣୀ ଵାଣୀ ତସ୍ୟ ବ୍ରଵୀତି ଗୁଣୋଦୟମ୍ ॥ ୧୪ ॥

॥ ଷଷ୍ଟାଷ୍ଟପଦୀ ॥

କାମ୍ଭୋଜିରାଗେଣ ତ୍ରିପୁଟତାଲେନ ଗୀୟତେ
(ନିଭୃତନିକୁଞ୍ଜ ଇତିଵତ୍)
ନିଖିଲଚରାଚରନିର୍ମିତିକୌଶଲଭରିତଚରିତ୍ର ଵିଲୋଲଂ
ଲଲିତରସାଲନିବଦ୍ଧଲତାଗୃହଵିହରଣ କୌତୁକ ଶୀଲଂ
କଲୟେ କାଲମଥନମଧୀଶଂ
ଘଟୟ ମୟା ସହ ଘନତରକୁଚପରିରମ୍ଭଣ କେଲିକୃତାଶଂ କଲୟେ ॥ ୧ ॥

କୁଵଲୟସୌରଭଵଦନସମୀରଣଵସିତନିଖିଲଦିଗନ୍ତଂ
ଚରଣସରୋଜଵିଲୋକନତୋଽଖିଲତାପରୁଜଂ ଶମୟନ୍ତଂ କଲୟେ ॥ ୨ ॥

ପଟୁତରଚାଟୁଵଚୋମୃତଶିଶିରନିଵାରିତମନସିଜତାପଂ
ତରୁଣଵନପ୍ରିୟଭାଷଣୟା ସହ ସାଦରଵିହିତସୁଲାପଂ କଲୟେ ॥ ୩ ॥

ଚଲିତଦୃଗଞ୍ଚଲମସମଶରାନିଵ ୟୁଵତିଜନେ ନିଦଧାନଂ
ରହସି ରସାଲଗୃହଂ ଗତୟା ସହ ସରସଵିହାରଵିଧାନଂ କଲୟେ ॥ ୪ ॥

ଦରହସିତଦ୍ୟୁତିଚନ୍ଦ୍ରିକୟା ଗତଖେଦ ଵିକାରଚକୋରଂ
ଲସଦରୁଣାଧରଵଦନଵଶୀକୃତୟୁଵତିଜନାଶୟଚୋରଂ କଲୟେ ॥ ୫ ॥

ମଲୟଜପଙ୍କଵିଲେପନମୁରୁତରକୁଚୟୁଗମାକଲୟନ୍ତଂ
କୃତକରୁଷୋ ମମ ସୁତନୁଲତାପରିରମ୍ଭଣକେଳିମୟନ୍ତଂ କଲୟେ ॥ ୬ ॥

ସୁରତରୁକୁସୁମସୁମାଲିକୟା ପରିମଣ୍ଡିତଚିକୁରନିକାୟଂ
ଅଲଘୁପୁଲକକଟସୀମନି ମୃଗମଦପତ୍ରଵିଲେଖଵିଧେୟଂ କଲୟେ ॥ ୭ ॥

ଶ୍ରୀଶିଵସେଵନଚନ୍ଦ୍ରଶିଖାମଣିୟତିଵରଗୀତମୁଦାରଂ
ସୁଖୟତୁ ଶୈଲଜୟା କଥିତଂ ଶିଵଚରିତଵିଶେଷିତସାରଂ କଲୟେ ॥ ୮ ॥

ଶ୍ଲୋକଃ
ଲୀଲାପ୍ରସୂନଶରପାଶସୃଣିପ୍ରକାଣ୍ଡ-
ପୁଣ୍ଡ୍ରେକ୍ଷୁଭାସିକରପଲ୍ଲଵମମ୍ବୁଜାକ୍ଷମ୍ ।
ଆଲୋକ୍ୟ ସସ୍ମିତମୁଖେନ୍ଦୁକମିନ୍ଦୁମୌଲିଂ
ଉତ୍କଣ୍ଠତେ ହୃଦୟମୀକ୍ଷିତୁମେଵ ଭୂୟଃ ॥ ୧୫ ॥

॥ ତୃତୀୟଃ ସର୍ଗଃ ॥
ଶ୍ଲୋକଃ
ଇତି ବହୁ କଥୟନ୍ତୀମାଲିମାଲୋକ୍ୟ ବାଲାଂ
ଅଲଘୁଵିରହଦୈନ୍ୟାମଦ୍ରିଜାମୀକ୍ଷମାଣଃ ।
ସପଦି ମଦନଖିନ୍ନଃ ସୋମରେଖାଵତଂସଃ
କିମପି ଵିରହଶାନ୍ତ୍ୟୈ ଚିନ୍ତୟାମାସ ଧୀରଃ ॥ ୧୬ ॥

॥ ସପ୍ତମାଷ୍ଟପଦୀ ॥

ଭୂପାଲରାଗେଣ ତ୍ରିପୁଟତାଲେନ ଗୀୟତେ
(ମାମିୟଂ ଚଲିତା ଇତିଵତ୍)
ଶ୍ଲୋକଃ
ଲୀଲୟା କଲହେ ଗତା କପଟକ୍ରୁଧା ଵନିତେୟଂ
ମାନିନୀ ମଦନେନ ମାମପି ସନ୍ତନୋତି ଵିଧେୟମ୍ ॥

ଶିଵ ଶିଵ କୁଲାଚଲସୁତା ॥ ୧ ॥

ତାପିତୋ ମଦନଜ୍ଵରେଣ ତନୂନପାଦଧିକେନ
ୟାପୟମି କତଂ ନୁ ତଦ୍ଵିରହଂ କ୍ଷଣଂ କୁତୁକେନ ଶିଵ ଶିଵ ॥ ୨ ॥

ୟତ୍ସମାଗମସମ୍ମଦେନ ସୁଖୀ ଚିରଂ ଵିହରାମି ।
ୟଦ୍ଵିୟୋଗରୁଜା ନ ଜାତୁ ମନୋହିତଂ ଵିତନୋମି ଶିଵ ଶିଵ ॥ ୩ ॥

ଲୀଲୟା କୁପିତା ୟଦା ମୟି ତାମଥାନୁଚରାମି ।
ଭୂୟସା ସମୟେନ ତାମନୁନୀୟ ସଂଵିହରାମି ଶିଵ ଶିଵ ॥ ୪ ॥

ଅର୍ପିତଂ ଶିରସି କ୍ରୁଧା ମମ ହା ୟଦଙ୍ଘ୍ରିସରୋଜଂ
ପାଣିନା ପରିପୂଜିତଂ ବତ ଜୃମ୍ଭମାଣମନୋଜଂ ଶିଵ ଶିଵ ॥ ୫ ॥

ଦୃଶ୍ୟସେ ପୁରତୋଽପି ଗୌରି ନ ଦୃଶ୍ୟସେ ଚପଲେଵ ।
ନାପରାଧକଥା ମୟି ପ୍ରଣତଂ ଜନଂ କୃପୟାଵ ଶିଵ ଶିଵ ॥ ୬ ॥

ନୀଲନୀରଦଵେଣି କିଂ ତଵ ମତ୍କୃତେଽନୁନୟେନ ।
ସନ୍ନିଧେହି ନ ଗନ୍ତୁମର୍ହସି ମାଦୃଶେ ଦୟନେନ ଶିଵ ଶିଵ ॥ ୭ ॥

ଵର୍ଣିତଂ ଶିଵଦାସଚନ୍ଦ୍ରଶିଖାମଣିଶ୍ରମଣେନ ।
ଵୃତ୍ତମେତଦୁଦେତୁ ସନ୍ତତଂ ଈଶିତୁଃ ପ୍ରଵଣେନ ଶିଵ ଶିଵ ॥ ୮ ॥

ଶ୍ଲୋକଃ
ଭୁଵନଵିଜୟୀ ଵିକ୍ରାନ୍ତେଷୁ ତ୍ଵମେଵ ନ ଚେତରଃ
ତଵ ନ କୃପଣେ ୟୁକ୍ତଂ ମାଦୃଗ୍ଵିଧେ ଶରଵର୍ଷଣମ୍ ।
ମଦନ ୟଦି ତେ ଵୈରଂ ନିର୍ୟାତୁ ଭୋ ନିୟତଂ ପୁରା
ଵିହିତମହିତୋ ନାହଂ ନିତ୍ୟଂ ତଵାସ୍ମି ନିଦେଶଗଃ ॥ ୧୭ ॥

ମଧୁକରମୟଜ୍ୟାଘୋଷେଣ ପ୍ରକମ୍ପୟସେ ମନଃ
ପରଭୃତଵଧୂଗାନେ କର୍ଣଜ୍ଵରଂ ତନୁଷେତରାମ୍ ।
କୁସୁମରଜସାଂ ବୃନ୍ଦୈରୁତ୍ମାଦୟସ୍ୟଚିରାଦିତଃ
ସ୍ମର ଵିଜୟସେ ଵିଶ୍ଵଂ ଚିତ୍ରୀୟତେ କୃତିରୀଦୃଶୀ ॥ ୧୮ ॥

ଚଲିତଲଲିତାପାଙ୍ଗ ଶ୍ରେଣୀପ୍ରସାରଣକୈତଵାତ୍
ଦରଵିକସିତସ୍ଵଚ୍ଛଚ୍ଛାୟାସିତୋତ୍ପଲଵର୍ଷଣୈଃ ।
ଵିରହଶିଖିନା ଦୂନଂ ଦୀନଂ ନ ମାମଭିରକ୍ଷିତୁଂ
ୟଦି ନ ମନୁଷେ ଜାନାସି ତ୍ଵଂ ମଦୀୟଦଶାଂ ତତଃ ॥ ୧୯ ॥

ଶୁଭଦତି ଵିଚରାଵଃ ଶୁଭ୍ରକମ୍ପାତଟିନ୍ୟାସ୍ତଟ
ଭୁଵି ରମଣୀୟୋଦ୍ୟାନକେଳିଂ ଭଜାଵଃ ।
ପ୍ରତିମୁହୁରିତି ଚିନ୍ତାଵିହ୍ଵଲଃ ଶୈଲକନ୍ୟାମଭି
ଶୁଭତରଵାଦଃ ପାତୁ ଚନ୍ଦ୍ରାର୍ଧମୌଲେଃ ॥ ୨୦ ॥

॥ ଚତୁର୍ଥଃ ସର୍ଗଃ ॥
ଶ୍ଲୋକଃ
କମ୍ପାତୀରପ୍ରଚୁରରୁଚିରୋଦ୍ୟାନଵିଦ୍ୟୋତମାନ-
ଶ୍ରୀମାକନ୍ଦଦ୍ରୁମପରିସର ମାଧଵୀକ୍ଲୃପ୍ତଶାଲାମ୍ ।
ଅଧ୍ୟାସୀନଂ ରହସି ଵିରହଶ୍ରାନ୍ତମଶ୍ରାନ୍ତକେଲିଂ
ଵାଚଂ ଗୌରୀପ୍ରିୟସହଚରୀ ପ୍ରାହ ଚନ୍ଦ୍ରାଵତଂସମ୍ ॥ ୨୧ ॥

॥ ଅଷ୍ଟମାଷ୍ଟପଦୀ ॥

ସୌରାଷ୍ଟ୍ରରାଗେଣ ଆଦିତାଲେନ ଗୀୟତେ
(ନିନ୍ଦତି ଚନ୍ଦନଂ ଇତିଵତ୍)
ୟା ହି ପୁରା ହର କୁତୁକଵତୀ ପରିହାସକଥାସୁ ଵିରାଗିଣୀ
ଅସିତକୁଟିଲ ଚିକୁରାଵଳି ମଣ୍ଡନଶୁଭତରଦାମ ନିରୋଧିନୀ
ଶଙ୍କର ଶରଣମୁପୈତି ଶିଵାମତିହନ୍ତି ସ ଶମ୍ବରଵୈରୀ
ଶିଵ ଵିରହକୃଶା ତଵ ଗୌରୀ ॥ ୧ ॥

କୁସୁମ ଶୟନମୁପଗମ୍ୟ ସପଦି ମଦନଶରଵିସରପରିଦୂନା
ମଲୟଜରଜସି ମହନଲତତିମିଵ କଲୟତି ମତିମତିଦୀନା
ଶିଵ ଵିରହକୃଶା ତଵ ଗୌରୀ ॥ ୨ ॥

ଉରସିରୁଚିରମଣିହାରଲତାଗତବଲଭିଦୁପଲତତିନୀଲା
ମଞ୍ଜୁଵଚନଗୃହପଞ୍ଜରଶୁକପରିଭାଷଣପରିହୃତଲୀଲା
ଶିଵ ଵିରହକୃଶା ତଵ ଗୌରୀ ॥ ୩ ॥

ଭୃଶକୃତଭଵଦନୁଭାଵନୟେକ୍ଷିତ ଭଵତି ଵିହିତପରିଵାଦା
ସପଦି ଵିହିତ ଵିରହାନୁଗମନାଦନୁସମ୍ଭୃତହୃଦୟ ଵିଷାଦା
ଶିଵ ଵିରହକୃଶା ତଵ ଗୌରୀ ॥ ୪ ॥

ବାଲହରିଣପରିଲୀଢପଦା ତଦନାଦରଵିଗତ ଵିନୋଦା
ଉନ୍ମଦପରଭୃତଵିରୁତାକର୍ଣନକର୍ଣଶଲ୍ୟକୃତବାଧା
ଶିଵ ଵିରହକୃଶା ତଵ ଗୌରୀ ॥ ୫ ॥

କୋକମିଥୁନବହୁକେଳିଵିଲୋକନଜୃମ୍ଭିତମଦନ ଵିକାରା
ଶଙ୍କରହିମକରଶେଖର ପାଲୟ ମାମିତି ଵଦତି ନ ଧୀରା
ଶିଵ ଵିରହକୃଶା ତଵ ଗୌରୀ ॥ ୬ ॥

ଦୂଷିତମୃଗମଦରୁଚିରଵିଶେଷକ ନିଟିଲଭସିକୃତରେଖା
ଅତନୁତନୁଜ୍ଵରକାରିତୟା ପରିଵର୍ଜିତଚନ୍ଦ୍ରମୟୂଖା
ଶିଵ ଵିରହକୃଶା ତଵ ଗୌରୀ ॥ ୭ ॥

ଶ୍ରୀଶିଵଚରଣନିଷେଵଣଚନ୍ଦ୍ରଶିଖାମଣିୟତିଵରଗୀତଂ
ଶ୍ରୀଗିରିଜାଵିରହକ୍ରମଵର୍ଣନମୁଦୟତୁ ଵିନୟସମେତଂ
ଶିଵ ଵିରହକୃଶା ତଵ ଗୌରୀ ॥ ୮ ॥

ଶ୍ଲୋକଃ
ଆଵାସମନ୍ଦିରମିଦଂ ମନୁତେ ମୃଡାନୀ ଘୋରାଟଵୀସଦୃଶମାପ୍ତସଖୀଜନେନ ।
ନା ଭାଷଣାନି ତନୁତେ ନଲିନାୟତାକ୍ଷୀ ଦେଵ ତ୍ଵୟା ଵିରହିତା ହରିଣାଙ୍କମୌଲେ ॥

॥ ନଵମାଷ୍ଟପଦୀ ॥

ବିଲହରିରାଗେଣ ତ୍ରିପୁଟତାଲେନ ଗୀୟତେ
(ସ୍ତନଵିନିହତ ଇତିଵତ୍)
ହିମକରମଣିମୟଦାମନିକାୟ କଲୟତି ଵହ୍ନିଶିଖାମୁରସୀୟଂ
ଶୈଲଜା ଶିଵ ଶୈଲଜା ଵିରହେ ତଵ ଶଙ୍କର ଶୈଲଜା ॥ ୧ ॥

ଵପୁଷି ପତିତଘନହିମକରପୂରଂ ସନ୍ତନୁତେ ହୃଦି ଦିଵି ଦୁରିତାରଂ ଶୈଲଜା ॥ ୨ ॥

ଉରସି ନିହିତମୃଦୁ ଵିତତମୃଣାଲଂ ପଶ୍ୟତି ସପଦି ଵିଲସଦଳିନୀଲଂ ଶୈଲଜା ॥ ୩ ॥

ସହଚରୟୁଵତିଷୁ ନୟନମନୀଲଂ ନମିତମୁଖୀ ଵିତନୋତି ଵିଶାଲଂ ଶୈଲଜା ॥ ୪ ॥

ରୁଷ୍ୟତି ଖିଦ୍ୟତି ମୁହୁରନିଦାନଂ ନ ପ୍ରତିଵକ୍ତି ସଖୀମପି ଦୀନଂ ଶୈଲଜା ॥ ୫ ॥

ଶିଵ ଇତି ଶିଵ ଇତି ଵଦତି ସକାମଂ ପଶ୍ୟତି ପଶୁରିଵ କିମପି ଲଲାମଂ ଶୈଲଜା ॥ ୬ ॥

ସୁରତରୁଵିଵିଧଫଲାମୃତସାରଂ ପଶ୍ୟତି ଵିଷମିଵ ଭୃଶମତିଘୋରଂ ଶୈଲଜା ॥ ୭ ॥

ୟତିଵରଚନ୍ଦ୍ରଶିଖାମଣିଗୀତଂ ସୁଖୟତୁ ସାଧୁଜନଂ ଶୁଭଗୀତଂ ଶୈଲଜା ॥ ୮ ॥

ଶ୍ଲୋକଃ
ତ୍ଵଦ୍ଭାଵନୈକରସିକାଂ ତ୍ଵଦଧୀନଵୃତ୍ତିଂ
ତ୍ଵନ୍ନାମସଂସ୍ମରଣସଂୟୁତଚିତ୍ତଵୃତ୍ତିମ୍ ।
ବାଲାମିମାଂ ଵିରହିଣୀଂ କୃପଣୈକବନ୍ଧୋ
ନୋପେକ୍ଷସେ ୟଦି ତଦା ତଵ ଶଙ୍କରାଖ୍ୟା ॥ ୨୩ ॥

ଵସ୍ତୂନି ନିସ୍ତୁଲଗୁଣାନି ନିରାକୃତାନି
କସ୍ତୂରିକାରୁଚିରଚିତ୍ରକପତ୍ରଜାତମ୍ ।
ଈଦୃଗ୍ଵିଧଂ ଵିରହିଣୀ ତନୁତେ ମୃଡାନୀ
ତାମାଦ୍ରିୟସ୍ଵ କରୁଣାଭରିତୈରପାଙ୍ଗୈଃ ॥ ୨୪ ॥

॥ ପଞ୍ଚମଃ ସର୍ଗଃ ॥
ଶ୍ଲୋକଃ
ଏକାମ୍ରମୂଲଵିଲସନ୍ନଵମଞ୍ଜରୀକ
ଶ୍ରୀମାଧଵୀରୁଚିରକୁଞ୍ଜଗୃହେଵସାମି ।
ତାମାନୟାନୁନୟ ମଦ୍ଵଚନେନ ଗୌରୀମିତ୍ଥଂ
ଶିଵେନ ପୁନରାହ ସଖୀ ନିୟୁକ୍ତା ॥

॥ ଦଶମାଷ୍ଟପଦୀ ॥

ଆନନ୍ଦଭୈରଵୀରାଗେଣ ଆଦିତାଲେନ ଗୀୟତେ
(ଵହତି ମଲୟସମୀରେ ଇତିଵତ୍)
ଜୟତି ମଦନନୃପାଲେ ଶିଵେ କୁପିତପଥିକ ଜାଲଂ
ଭ୍ରମରମିଥୁନ ଜାଲେ ଶିଵେ ପିବତି ମଧୁ ସଲୀଲଂ
ଵିରହରୁଜା ପୁରଵୈରୀ ପରିଖିଦ୍ୟତି ଗୌରୀ ଶିଵଵିରହରୁଜା ॥ ୧ ॥

ମଲୟମରୁତି ଵଲମାନେ ଶିଵେ ଵିରହ ଵିଘଟନାୟ
ସତି ଚ ମଧୁପଗାନେ ଶିଵେ ସରସଵିହରଣାୟ ଶିଵ ଵିରହରୁଜା ॥ ୨ ॥

କୁସୁମଭରିତସାଲେ ଶିଵେ ଵିତତସୁମଧୁକାଲେ
କୃପଣଵିରହିଜାଲେ ଶିଵେ କିତଵହୃଦନୁକୂଲେ ଶିଵଵିରହରୁଜା ॥ ୩ ॥

ମଦନଵିଜୟନିଗମଂ ଶିଵେ ଜପତି ପିକସମୂହେ
ଚତୁରକିତଵସଙ୍ଗ (ଶିଵେ) କୁଟିଲରଵଦୁରୂହେ ଶିଵଵିରହରୁଜା ॥ ୪ ॥

କୁସୁମରଜସି ଭରିତେ ଶିଵେ କିତଵମୃଦୁଳମରୁତା
ଦିଶି ଚ ଵିଦିଶି ଵିତତେ ଶିଵେ ଵିରହିଵପୁଷି ଚରତା ଶିଵଵିରହରୁଜା ॥ ୫ ॥

ଵିମଲତୁହିନକିରଣେ ଶିଵେ ଵିକିରତି କରଜାଲଂ
ଵିହୃତିଵିରତିହରଣେ ଶିଵେ ଵିୟତି ଦିଶି ଵିଶାଲଂ ଶିଵଵିରହରୁଜା ॥ ୬ ॥

ମୃଦୁଲକୁସୁମଶୟନେ ଶିଵେ ଵପୁଷି ଵିରହଦୂନେ
ଭ୍ରମତି ଲୁଠତି ଦୀନେ ଶିଵେ ସୁହିତଶରଣହୀନେ ଶିଵଵିରହରୁଜା ॥ ୭ ॥

ଜୟତି ଗିରିଶମତିନା ଶିଵେ ଗିରିଶଵିରହକଥନଂ
ଚନ୍ଦ୍ରମକୁଟୟତିନା ଶିଵେ ନିଖିଲକଲୁଷମଥନଂ ଶିଵଵିରହରୁଜା ॥ ୮ ॥

ଶ୍ଲୋକଃ
ୟତ୍ରତ୍ଵାମନୁରଞ୍ଜୟନ୍ନତିତରାମାରବ୍ଧକାମାଗମଂ
ଵ୍ୟାପାରୈରଚଲାଧିରାଜତନୟେ କେଲୀଵିଶେଷୈର୍ୟୁତଃ ।
ତତ୍ର ତ୍ଵାମନୁଚିନ୍ତୟନ୍ନଥ ଭଵନ୍ନାମୈକତନ୍ତ୍ରଂ ଜପନ୍
ଭୂୟସ୍ତତ୍ପରିତମ୍ଭସମ୍ଭ୍ରମସୁଖଂ ପ୍ରାଣେଶ୍ଵରଃ କାଙ୍କ୍ଷତି ॥ ୨୬ ॥

॥ ଏକାଦଶାଷ୍ଟପଦୀ ॥

କେଦାରଗୌଳରାଗେଣ ଆଦିତାଲେନ ଗୀୟତେ
(ରତିସୁଖସାରେ ଗତମଭିସାରେ ଇତିଵତ୍)
ହିମଗିରିତନୟେ ଗୁରୁତରଵିନୟେ ନିୟୁତମଦନଶୁଭରୂପଂ
ନିଟିଲନୟନମନୁରଞ୍ଜୟ ସତି ତଵ ଵିରହଜନିତଘନତାପମ୍ ।
ମଲୟଜପଵନେ କମ୍ପାନୁଵନେ ଵସତି ସୁଦତି ପୁରଵୈରୀ
ୟୁଵତିହୃଦୟମଦମର୍ଦନକୁଶଲୀ ସମ୍ଭୃତ କେଲିଵିହାରୀ । ମଲୟଜପଵନେ ॥ ୧ ॥

ଵଦ ମୃଦୁ ଦୟିତେ ମମ ହୃଦି ନିୟତେ ବହିରିଵ ଚରସି ସମୀପଂ
ଵଦତି ମୁହୁର୍ମୁହୁରିତି ହର ମାମକଦେହମଦନଘନତାପମ୍ । ମଲୟଜପଵନେ ॥ ୨ ॥

ଉରୁଘନ ସାରଂ ହିମଜଲ ପୂରଂ ଵପୁଷି ପତିତମତିଘୋରଂ
ସପଦି ନ ମୃଷ୍ୟତି ଶପତି ମନୋଭଵମତିମୃଦୁମଲୟ ସମୀରମ୍ ।
ମଲୟଜପଵନେ ॥ ୩ ॥

ଵିଲିଖତି ଚିତ୍ରଂ ତଵ ଚ ଵିଚିତ୍ରଂ ପଶ୍ୟତି ସପଦି ସମୋଦଂ
ଵଦତି ଝଟିତି ବହୁ ମାମିତି ଶମ୍ବରରିପୁରତିକଲୟତି ଖେଦମ୍ ।
ମଲୟଜପଵନେ ॥ ୪ ॥

ଅର୍ପୟନୀଲଂ ମୟି ଧୃତଲୀଲଂ ନୟନକୁସୁମମତିଲୋଲଂ
ଵିରହତରୁଣି ଵିରହାତୁରମନୁଭଜ ମାମିହ (ତି) ଵିଲପତି ସା (ସୋଽ) ଲମ୍ ।
ମଲୟଜପଵନେ ॥ ୫ ॥

ଲସଦପରାଧଂ ମନସିଜବାଧଂ ଵିମୃଶ ଵିନେତୁମୁପାୟଂ
ଗୁରୁତରତୁଙ୍ଗପୟୋଧରଦୁର୍ଗମପାନୟ ହରମନପାୟମ୍ । ମଲୟଜପଵନେ ॥ ୬ ॥

ଅତିଧୃତମାନେ ପରଭୃତଗାନେ କିଞ୍ଚିଦୁଦଞ୍ଚୟ ଗାନଂ
ଜହି ଜହି ମାନମନୂନଗୁଣୈ ରମୟାଶୁ ଵିରହଚିରଦୀନମ୍ । ମଲୟଜପଵନେ ॥ ୭ ॥

ଇତି ଶିଵଵିରହଂ ଘନତରମୋହଂ ଭଣତି ନିୟମିଜନଧୀରେ
ଚନ୍ଦ୍ରଶିଖାମଣିନାମନି କୁଶଲମୁପନୟ ଗଜଵରଚୀରେ । ମଲୟଜପଵନେ ॥ ୮ ॥

ଶ୍ଲୋକଃ
ଵିମଲ ସଲିଲୋଦଞ୍ଚତ୍କମ୍ପାସରୋରୁହଧୋରଣୀ-
ପରିମଲରଜଃ ପାଲୀସଙ୍କ୍ରାନ୍ତମନ୍ଦସମୀରଣେ ।
ଵିତପତି ଵିୟଦ୍ଗଙ୍ଗାମଙ୍ଗୀଚକାର ଶିରଃ ସ୍ଥିତାଂ
ତଵ ହି ଵିରହାକ୍ରାନ୍ତଃ କାନ୍ତଃ ନତୋଽପି ନ ଵେଦିତଃ ॥ ୨୭ ॥

ଅନୁଭଵତି ମୃଗାକ୍ଷୀ ତ୍ଵଦ୍ଵିୟୋଗକ୍ଷଣାନାଂ
ଲଵମିଵ ୟୁଗକଲ୍ପଂ ସ୍ଵଲ୍ପମାତ୍ମାପରାଧମ୍ ।
ତ୍ଵୟି ଵିହିତମନଲ୍ପଂ ମନ୍ୟମାନଃ କଥଞ୍ଚିତ୍
ନୟତି ସମୟମେନଂ ଦେଵି ତସ୍ମିନ୍ପ୍ରସୀଦ ॥ ୨୮ ॥

ଇତି ସହଚରୀଵାଣୀମେଣାଙ୍କମୌଳିମନୋଭଵ-
ଵ୍ୟଥନକଥନୀମେନାମାକର୍ଣ୍ୟ କର୍ଣସୁଧାଝରୀମ୍ ।
ସପଦି ମୁଦିତା ଵିନ୍ୟସ୍ୟନ୍ତୀ ପଦାନି ଶନୈଃ ଶନୈଃ
ଜୟତି ଜଗତାଂ ମାତା ନେତୁଃ ପ୍ରଵିଶ୍ୟ ଲତାଗୃହମ୍ ॥ ୨୯ ॥

ସା ଦକ୍ଷଦେଵନଵିହାରଜୟାନୁଷଙ୍ଗଲୀଲାହଵେ ଭଵତି ଶୈଲଜୟା ଶିଵସ୍ୟ ।
ଚେତଃ ପ୍ରସାଦମନୟୋସ୍ତରସା ଵିଧାୟ ଦେଵ୍ୟା କୃତଂ କଥୟତି ସ୍ମ ସଖୀ ରହସ୍ୟମ୍ ॥ ୩୦ ॥

॥ ଦ୍ଵାଦଶାଷ୍ଟପଦୀ ॥

ଶଙ୍କରାଭରଣରାଗେଣ ତ୍ରିପୁଟତାଲେନ ଗୀୟତେ
(ପଶ୍ୟତି ଦିଶି ଦିଶି ଇତିଵତ୍)
କଲୟତି କଲୟତି ମନସି ଚରନ୍ତଂ
କୁଚକଲଶସ୍ପୃଶମୟତି ଭଵନ୍ତମ୍ ।
ପାହି ଵିଭୋ ଶିଵ ପାହି ଵିଭୋ
ନିଵସତି ଗୌରୀ କେଳିଵନେ ପାହି ଵିଭୋ ॥ ୧ ॥

ଜପତି ଜପତି ତଵ ନାମ ସୁମନ୍ତ୍ରଂ
ପ୍ରତି ମୁହୁରୁଦିତସୁମାୟୁଧତନ୍ତ୍ରଂ ପାହି ॥ ୨ ॥

ଉପଚିତକୁସୁମସୁଦାମଵହନ୍ତୀ
ଭଵଦନୁଚିନ୍ତନମାକଲୟନ୍ତୀ ପାହି ॥ ୩ ॥

ମଲୟଜରଜସି ନିରାକୃତରାଗା
ଵପୁଷି ଭସିତ ଧୃତିସଂୟତୟୋଗା ପାହି ॥ ୪ ॥

ପରିହୃତଵେଣି ଜଟାକଚ ଭାରା
ନିଜପତିଘଟକଜନାଶୟଧାରା ପାହି ॥ ୫ ॥

ଅଵିଧୃତମଣିମୁକୁଟାଦିଲଲାମା
ବିସଵଲୟାଦିଵିଧାରଣକାମା ପାହି ॥ ୬ ॥

ମୁହୁରଵଲୋକିତ କିସଲୟଶୟନା
ବହିରୁପସଙ୍ଗତ ସୁଲଲିତ ନୟନା ପାହି ॥ ୭ ॥

ଇତି ଶିଵ ଭଜନଗୁଣେନ ଵିଭାନ୍ତଂ
ଚନ୍ଦ୍ରଶିଖାମଣିନା ଶୁଭଗୀତମ୍ ॥ ପାହି ॥ ୮ ॥

ଶ୍ଲୋକଃ
ସା ଵୀକ୍ଷତେ ସହଚରୀଂ ମଦନେନ ଲଜ୍ଜା-
ଭାରେଣ ନୋତ୍ତରଵଚୋ ଵଦତି ପ୍ରଗଲ୍ଭା ।
ଵ୍ୟାଧୂନ୍ଵତି ଶ୍ଵସିତକୋଷ୍ଣସମୀରଣେନ
ତୁଙ୍ଗସ୍ତନୋତ୍ତରପଟଂ ଗିରିଜା ଵିୟୁକ୍ତା ॥ ୩୧ ॥

॥ ଷଷ୍ଠଃ ସର୍ଗଃ ॥
ଶ୍ଲୋକଃ
ଅଥ ଵିରହିଣୀମର୍ମଚ୍ଛେଦାନୁସମ୍ଭୃତପାତକ-
ଶ୍ରିତ ଇଵ ନିଶାନାଥଃ ସଙ୍କ୍ରାନ୍ତନୀଲଗୁଣାନ୍ତରଃ ।
କିରଣନିକରୈରଞ୍ଚତ୍କମ୍ପାସରିତ୍ତଟରମ୍ୟଭୂ-
ଵଲୟମଭିତୋ ଵ୍ୟାପ୍ତ୍ୟା ଵିଭ୍ରାଜୟନ୍ପରିଜୃମ୍ଭତେ ॥ ୩୨ ॥

ଵିକିରତି ନିଜକରଜାଲଂ ହିମକରବିମ୍ବେଽପି ନାଗତେ କାନ୍ତେ ।
ଅକୃତକମନୀୟରୂପା ସ୍ଵାତ୍ମଗତଂ କିମପି ଵଦତି ଗିରିକନ୍ୟା ॥ ୩୩ ॥

॥ ତ୍ରୟୋଦଶାଷ୍ଟପଦୀ ॥

ଆହିରିରାଗେଣ ଝମ୍ପତାଲେନ ଗୀୟତେ
(କଥିତସମୟେଽପି ଇତିଵତ୍)
ସୁଚିରଵିରହାପନୟ ସୁକୃତଭିକାମିତଂ
ସଫଲୟତି କିମିହ ଵିଧିରୁତ ନ ଵିଭଵାମିତଂ
କାମିନୀ କିମିହ କଲୟେ ସହଚରୀଵଞ୍ଚିତାହଂ କାମିନୀ ॥ ୧ ॥

ୟଦନୁଭଜନେନ ମମ ସୁଖମଖିଲମାୟତଂ
ତମନୁକଲୟେ କିମିହ ନୟନପଥମାଗତଂ କାମିନୀ ॥ ୨ ॥

ୟେନ ମଲୟଜରେଣୁନିକରମିଦମୀରିତଂ
ନ ଚ ଵହତି କୁଚୟୁଗଲମୁରୁ ତଦଵଧୀରିତୁଂ କାମିନୀ ॥ ୩ ॥

ୟଚ୍ଚରଣପରିଚରଣମଖିଲଫଲଦାୟକଂ
ନ ସ୍ପୃଶତି ମନସି ମମ ହା ତଦୁପନାୟକଂ କାମିନୀ ॥ ୪ ॥

ନିଗମଶିରସି ସ୍ଫୁରତି ୟତିମନସି ୟତ୍ପଦମ୍ ।
ଵିତତସୁଖଦଂ ତଦପି ହୃଦି ନ ମେ କିମିଦଂ କାମିନୀ ॥ ୫ ॥

ଵିରହସମୟେଷୁ କିଲ ହୃଦି ୟଦନୁଚିନ୍ତନମ୍ ।
ନ ସ ଭଜତି ନୟନପଥମଖିଲଭୟ କୃନ୍ତନଂ କାମିନୀ ॥ ୬ ॥

କୁଚୟୁଗଲମଭିମୃଶତି ସ ୟଦି ରତସୂଚିତମ୍ ।
ସଫଲମିହ ନିଖିଲଗୁଣସହିତମପି ଜୀଵିତଂ କାମିନୀ ॥ ୭ ॥

ନିୟମଧନଵିଧୁମୌଳିଫଣିତମିଦମଞ୍ଚିତମ୍ ।
ବହୁଜନିଷୁ କଲୁଷଭୟମପନୟତୁ ସଞ୍ଚିତଂ କାମିନୀ ॥ ୮ ॥

ଶ୍ଲୋକଃ
ଆଜଗ୍ମୁଷୀଂ ସହଚରୀଂ ହରମନ୍ତରେଣ
ଚିନ୍ତାଵିଜୃମ୍ଭିତଵିଷାଦଭରେଣ ଦୀନା ।
ଆଲୋକ୍ୟ ଲୋକଜନନୀ ହୃଦି ସନ୍ଦିହାନା
କାନ୍ତଂ କୟାଭିରମିତଂ ନିଜଗାଦ ଵାକ୍ୟମ୍ ॥ ୩୪ ॥

॥ ଚତୁର୍ଦଶାଷ୍ଟପଦୀ ॥

ସାରଙ୍ଗରାଗେଣ ତ୍ରିପୁଟତାଲେନ ଗୀୟତେ
(ସ୍ମରସମରୋଚିତ ଇତିଵତ୍)
କୁସୁମଶରାହଵସମୁଚିତରୂପା ପ୍ରିୟପରିରମ୍ଭଣପରିହୃତତାପା
କାପି ପୁରରିପୁଣା ରମୟତି ହୃଦୟମମିତଗୁଣା କାପି ॥ ୧ ॥

ଘନତରକୁଚୟୁଗମୃଗମଦଲେପା
ଦୟିତଵିହିତରତିନଵ୍ୟସୁଲାପା ॥ କାପି ॥ ୨ ॥

ରମଣରଚିତକଟପତ୍ରଵିଶେଷା
ଉରସିଲୁଲିତମଣିହାରଵିଭୂଷା ॥ କାପି ॥ ୩ ॥

ଦୟିତନିପୀତସୁଧାଧରସୀମା
ଗଲିତଵସନକଟିପରିହୃତଦାମା ॥ କାପି ॥ ୪ ॥

ଅଧିଗତମୃଦୁତରକିସଲୟଶୟନା
ଦରପରିମୀଲିତଚାଲିତନୟନା ॥ କାପି ॥ ୫ ॥

ଵିହିତମଧୁରରତିକୂଜିତଭେଦା
ଦୃଢପରିରମ୍ଭଣହତମେତି ଭେଦା ॥ କାପି ॥ ୬ ॥

ମହିତ ମହୋରସି ସରଭସପତିତା
ଲୁଲିତକୁସୁମକୁଟିଲାଲକମୁଦିତା ॥ କାପି ॥ ୭ ॥

ଚନ୍ଦ୍ରଶିଖାମଣିୟତିଵରଭଣିତମ୍ ।
ସୁଖୟତୁ ସାଧୁଜନଂ ଶିଵଚରିତମ୍ ॥ କାପି ॥ ୮ ॥

॥ ସପ୍ତମଃ ସର୍ଗଃ ॥
ଶ୍ଲୋକଃ
ଚକୋରାଣାଂ ପ୍ରୀତିଂ କଲୟସି ମୟୂଖୈର୍ନିଜକଲା-
ପ୍ରଦାନୈର୍ଦେଵାନମପି ଦୟିତଭାଜାଂ ମୃଗଦୃଶାମ୍ ।
ନ କୋକାନାଂ ରାକାହିମକିରଣ ମାଦୃଗ୍ଵିରହିଣୀ-
ଜନାନାଂ ୟୁକ୍ତଂ ତେ କିମିଦମସମଂ ହନ୍ତ ଚରିତମ୍ ॥ ୩୫ ॥

ଗଙ୍ଗାମଙ୍ଗନିଷଙ୍ଗିପଙ୍କଜରଜୋଗନ୍ଧାଵହାମଙ୍ଗନାଂ
ଆଶ୍ଲିଷ୍ୟନ୍ନିଭୃତଂ ନିରଙ୍କୁଶରହଃ କେଳୀଵିଶେଷୈରଲମ୍ ।
ଵିଭ୍ରାନ୍ତଃ କିମଦଭ୍ରରାଗଭରିତସ୍ତସ୍ୟାମୁତ ସ୍ୟାଦୟଂ
କାନ୍ତୋଽଶ୍ରାନ୍ତମନଙ୍ଗନାଗଵିହତୋ ନାଭ୍ୟାଶମଭ୍ୟାଗତଃ ॥ ୩୬ ॥

ସନ୍ତାପୟନ୍ନଖିଲଗାତ୍ରମମିତ୍ରଭାଵାତ୍
ସନ୍ଦୃଶ୍ୟତେ ଜଡଧିୟାମିହ ଶୀତଭାନୁଃ ।
ଦୋଷାକରୋ ଵପୁଷି ସଙ୍ଗତରାଜୟକ୍ଷ୍ମା
ଘୋରାକୃତିର୍ହି ଶିଵଦୂତି ନିଶାଚରାଣାମ୍ ॥ ୩୭ ॥

॥ ପଞ୍ଚଦଶାଷ୍ଟପଦୀ ॥

ସାଵେରିରାଗେଣ ଆଦିତାଲେନ ଗୀୟତେ
(ସମୁଦିତଵଦନେ ଇତିଵତ୍)
ଵିରହିତଶରଣେ ରମଣୀଚରଣେ ଵିଜିତାରୁଣପଙ୍କଜେ
ଅରୁଣିମରୁଚିରଂ କଲୟତି ସୁଚିରଂ ମତିମିଵ ଵପୁଷି ନିଜେ
ରମତେ କମ୍ପାମହିତଵନେ ଵିଜୟୀ ପୁରାରିଜନେ ॥ ରମତେ ॥ ୧ ॥

ଅଲିକୁଲଵଲିତେ ପରିମଳଲଲିତେ ୟୁଵତିକୁଟିଲାଲକେ
କଲୟତି କୁସୁମଂ ଵିଲସିତସୁଷୁମଂ ସୁମଶରପରିପାଲକେ ॥ ରମତେ ॥ ୨ ॥

କୁଚଗିରିୟୁଗଲେ ନିଜମତିନିଗଲେ ମୃଗମଦରଚନାକରେ
ମଣିସରନିକରଂ ଵିଲସିତମୁକୁରଂ ଘଟୟତି ସୁମନୋହରେ ॥ ରମତେ ॥ ୩ ॥

ଵିଲସିତରଦନେ ତରୁଣୀଵଦନେ କିସଲୟରୁଚିରାଧରେ
ରଚୟତି ପତ୍ରଂ ମକରଵିଚିତ୍ରଂ ସ୍ମିତରୁଚିପରିଭାସୁରେ ॥ ରମତେ ॥ ୪ ॥

କଟିତଟଭାଗେ ମନସିଜୟୋଗେ ଵିଗଳିତକନକାମ୍ବରେ
ମଣିମୟରଶନଂ ରଵିରଚିଵସନଂ ଘଟୟତି ତୁହିନକରେ ॥ ରମତେ ॥ ୫ ॥

ଅଧରସୁଧାଳିଂ ରୁଚିରରଦାଲିଂ ପିବତି ସୁମୁଖଶଙ୍କରେ
ଵିଦଧତି ମଧୁରଂ ହସତି ଚ ଵିଧୁରଂ ରତିନିଧିନିହିତାଦରେ ॥ ରମତେ ॥ ୬ ॥

ମୃଦୁଲସମୀରେ ଵଲତି ଗଭୀରେ ଵିଲସତି ତୁହିନକରେ
ଉଦିତମନୋଜଂ ଵିକସଦୁରୋଜଂ ଶିଵରତିଵିହିତାଦରେ ॥ ରମତେ ॥ ୭ ॥

ଇତି ରସଵଚନେ ଶିଵନତି ରଚନେ ପୁରହରଭଜନାଦରେ
ବହୁଜନିକଲୁଷଂ ନିରସତୁ ପରୁଷଂ ୟତିଵରଵିଧୁଶେଖରେ ॥ ରମତେ ॥ ୮ ॥

ଶ୍ଲୋକଃ
ଆୟାତଵାନିହ ନ ଖେଦପରାନୁଷଙ୍ଗ-
ଵାଞ୍ଛାଭରେଣ ଵିଵଶସ୍ତରୁଣେନ୍ଦୁମୌଲିଃ ।
ସ୍ଵଚ୍ଛ୍ନ୍ଦମେଵ ରମତାଂ ତଵ କୋଽତ୍ର ଦୋଷଃ
ପଶ୍ୟାଚିରେଣ ଦୟିତଂ ମଦୁପାଶ୍ରୟସ୍ଥମ୍ ॥ ୩୮ ॥

॥ ଅଷ୍ଟମଃ ସର୍ଗଃ ॥
ଶ୍ଲୋକଃ
ମତ୍ପ୍ରାଣନେତୁରସହାୟରସାଲମୂଲ-
ଲୀଲାଗୃହସ୍ୟ ମୟି ଚେଦନୁରାଗବନ୍ଧଃ ।
ଅନ୍ୟାକଥାନୁଭଵିନଃ ପ୍ରଣୟାନୁବନ୍ଧୋ
ଦୂତି ପ୍ରସୀଦତି ମମୈଷ ମହାନୁଭାଵଃ ॥

॥ ଷୋଡଶାଷ୍ଟପଦୀ ॥

ପୁନ୍ନାଗଵରାଲୀ ରାଗେଣ ଆଦିତାଲେନ ଗୀୟତେ
(ଅନିଲତରଲକୁଵଲୟନୟନେନ ଇତିଵତ୍)
ଅରୁଣକମଲଶୁଭତରଚରଣେନ ସପଦି ଗତା ନ ହି ଭଵତରଣେନ ।
ୟା ଵିହୃତା ପୁରଵୈରିଣା ॥ ୧ ॥

ସ୍ମିତରୁଚିହିମକରଶୁଭଵଦନେନ ନିହିତଗୁଣା ଵିଲସିତସଦନେନ ।
ୟା ଵିହୃତା ପୁରଵୈରିଣା ॥ ୨ ॥

ସରସଵଚନଜିତକୁସୁମରସେନ ହୃଦି ଵିନିହିତରତିକୃତରଭସେନ ।
ୟା ଵିହୃତା ପୁରଵୈରିଣା ॥ ୩ ॥

ଵିହିତ ଵିଵିଧକୁସୁମଶରଵିହୃତେ ନାନାଗତରସା ନୟଗୁଣ ଵିହିତେନ ।
ୟା ଵିହୃତା ପୁରଵୈରିଣା ॥ ୪ ॥

ଉଦିତଜଲଜରୁଚିରଗଳେନ ସ୍ଫୁଟିତମନା ନ ୟୁଵତିନିଗଳେନ ।
ୟା ଵିହୃତା ପୁରଵୈରିଣା ॥ ୫ ॥

କନକରୁଚିରସୁଜଟାପଟଲେନାନୁହତସୁଖାସତିଲକନିଟିଲେନ ।
ୟା ଵିହୃତା ପୁରଵୈରିଣା ॥ ୬ ॥

ନିଖିଲୟୁଵତିମଦନୋଦୟନେନ ଜ୍ଵରିତମାନା ନ ଵିରହଦହନେନ ।
ୟା ଵିହୃତା ପୁରଵୈରିଣା ॥ ୭ ॥

ତୁହିନକିରଣଧରୟତିରଚନେନ ସୁଖୟତୁ ମାଂ ଶିଵହିତଵଚନେନ ।
ୟା ଵିହୃତା ପୁରଵୈରିଣା ॥ ୮ ॥

ଶ୍ଲୋକଃ
ଅୟି ମଲୟସମୀର କ୍ରୂର ଭାଵୋରଗାଣାଂ
ଶ୍ଵସିତଜନିତ କିଂ ତେ ମାଦୃଶୀହିଂସନେନ ।
କ୍ଷଣମିଵ ସହକାରାଦୀଶଗାତ୍ରାନୁଷଙ୍ଗ-
ଉପହୃତପରିମଲାତ୍ମା ସନ୍ନିଧେହି ପ୍ରସନ୍ନଃ ॥ ୪୦ ॥

॥ ନଵମଃ ସର୍ଗଃ ॥
ଶ୍ଲୋକଃ
ଇତ୍ଥଂ ରୁଷା ସହଚରୀଂ ପରୁଷଂ ଵଦନ୍ତୀ
ଶୈଲାଧିରାଜତନୁଜା ତନୁଜାତକାର୍ଶ୍ୟା ।
ନୀତ୍ଵା କଥଂ କଥମପି କ୍ଷଣଦାଂ ମହେଶଃ
ମାଗଃ ପ୍ରଶାନ୍ତି ଵିନତଂ କୁଟିଲଂ ବଭାଷେ ॥ ୪୧ ॥

॥ ସପ୍ତଦଶାଷ୍ଟପଦୀ ॥

ଆରଭୀରାଗେଣ ତ୍ରିପୁଟତାଲେନ ଗୀୟତେ
(ରଜନିଜନିତଗୁରୁ ଇତିଵତ୍)
ଚତୁରୟୁଵତିସୁରତାଦର ଜାଗରିତାରୁଣମଧୃତଵିଲାସଂ
ନିଟିଲନୟନ ନୟନଦ୍ଵିତୟଂ ତଵ କଥୟତି ତଦଭିନିଵେଶମ୍ ।
ପାହି ତାମିହ ଫାଲଲୋଚନ ୟା ତଵ ଦିଶତି ଵିହାରଂ
ଗରଳମିଲିତଧଵଲାମୃତମିଵ ହରମାଗମଵଚନମସାରଂ ପାହି ॥

ଗୁରୁତରକୁଚପରିରମ୍ଭଣସମ୍ଭୃତକୁଙ୍କୁମପଙ୍କିଲହାରଂ
ସ୍ମରତି ଵିଶାଲମୁରୋ ଵିଶଦଂ ତଵ ରତିରଭସାଦନୁରାଗଂ ପାହି ॥ ୨ ॥

ରତିପତିସମରଵିନିର୍ମିତ ନିଶିତନଖକ୍ଷତଚିହ୍ନିତରେଖଂ
ଵପୁରିଦମଳିକଵିଲୋଚନ ଲସଦିଵ ରତିଭରକୃତଜୟରେଖଂ ପାହି ॥ ୩ ॥

ରଦନଵସନମରୁଣମିଦଂ ତଵ ପୁରହର ଭଜତି ଵିରାଗଂ
ଵିଗଲିତହିମକରଶକଲମୁଦଞ୍ଚିତଦର୍ଶିତରତିଭରଵେଗଂ ପାହି ॥ ୪ ॥

ୟୁଵତିପଦସ୍ଥିତୟାଵକରସପରିଚିନ୍ତିତରତିକମନୀୟଂ
ଵିଲସତି ଵପୁରିଦମଲଘୁବହିର୍ଗତମୟତି ଵିରାଗମମେୟଂ ପାହି ॥ ୫ ॥

ୟୁଵତିକୃତଵ୍ରଣମଧରଗତଂ ତଵ କଲୟତି ମମ ହୃଦି ରୋଷଂ
ପ୍ରିୟଵଚନାଵସରେଽପି ମୟା ସହ ସ୍ଫୁଟୟତି ତତ୍ପରିତୋଷଂ ପାହି ॥ ୬ ॥

ସୁରତରୁସୁମଦାମନିକାୟନିବଦ୍ଧଜଟାଵଲିଵଲୟମୁଦାରଂ
କିତଵମନୋଭଵସଙ୍ଗରଶିଥିଲିତମନୁକଥୟତି ସୁଵିହାରଂ ପାହି ॥ ୭ ॥

ଇତି ହିମଗିରିକୁଲଦୀପିକୟା କୃତଶିଵପରିଵଦନଵିଧାନଂ
ସୁଖୟତୁ ବୁଧଜନମୀଶନିଷେଵଣୟତିଵରଵିଧୁଶେଖରଗାନଂ ପାହି ॥ ୮ ॥

ଶ୍ଲୋକଃ
ଈଦୃଗ୍ଵିଧାନି ସୁବହୂନି ତଵ ପ୍ରିୟାୟାଂ
ଗାଢାନୁରାଗକୃତସଙ୍ଗମଲାଞ୍ଛିତାନି ।
ସାକ୍ଷଦଵେକ୍ଷିତଵତୀମିହ ମାମୁପେତ୍ୟ
କିଂ ଭାଷସେ କିତଵଶେଖର ଚନ୍ଦ୍ରମୌଳେ ॥ ୪୨

॥ ଦଶମଃ ସର୍ଗଃ ॥
ଶ୍ଲୋକଃ
ତାମୁଦ୍ୟତପ୍ରସଵବାଣଵିକାରଖିନ୍ନାଂ
ସଞ୍ଚିନ୍ତ୍ୟମାନଶଶିମୌଲିଚରିତ୍ରଲୀଲାମ୍ ।
ବାଲାଂ ତୁଷାରଗିରିଜାଂ ରତିକେଲିଭିନ୍ନାଂ
ଆଳିଃ ପ୍ରିୟାଥ କଲହାନ୍ତରିତାମୁଵାଚ ॥ ୪୩ ॥

॥ ଅଷ୍ଟାଦଶାଷ୍ଟପଦୀ ॥

ୟଦୁକୁଲକାମ୍ଭୋଜିରାଗେଣ ଆଦିତାଲେନ ଗୀୟତେ
(ହରିରଭିସରତି ଇତିଵତ୍)
ପୁରରିପୁରଭିରତିମତି ହୃଦି ତନୁତେ
ଭଵଦୁପଗୂହନମିହ ବହୁ ମନୁତେ ।
ଶଙ୍କରେ ହେ ଶଙ୍କରି ମା ଭଜ
ମାନିନି ପରିମାନମୁମେ ଶଙ୍କରେ ॥ ୧ ॥

ମୃଗମଦରସମୟ ଗୁରୁକୁଚୟୁଗଲେ
କଲୟତି ପୁରରିପୁରଥ ମତି ନିଗଲେ ॥ ଶଙ୍କରେ ॥ ୨ ॥

ସୁଚିରଵିରହଭଵମପହର କଲୁଷଂ
ଭଵଦଧରାମୃତମୁପହର ନିମିଷଂ ॥ ଶଙ୍କରେ ॥ ୩ ॥

ସରସ ନିଟିଲକୃତଚିତ୍ରକରୁଚିରଂ
ତଵ ଵଦନଂ ସ ଚ କଲୟତି ସୁଚିରଂ ॥ ଶଙ୍କରେ ॥ ୪ ॥

ଵିଭୁରୟମେଷ୍ୟତି ଶୁଭତରମନସା
ତଦୁରସି କୁଚୟୁଗମୁପକୁରୁ ସହସା ॥ ଶଙ୍କରେ ॥ ୫ ॥

ସକୁସୁମନିକରମୁଦଞ୍ଚୟ ଚିକୁରଂ
ସୁଦତି ଵିଲୋକୟ ମଣିମୟ ମୁକୁରଂ ॥ ଶଙ୍କରେ ॥ ୬ ॥

ଶ୍ରୃଣୁ ସଖି ଶୁଭଦତି ମମ ହିତଵଚନଂ
ଘଟୟ ଜଘନମପି ଵିଗଲିତରଶନଂ ॥ ଶଙ୍କରେ ॥ ୭ ॥

ଶ୍ରୀଵିଧୁଶେଖରୟତିଵରଫଣିତଂ
ସୁଖୟତୁ ସାଧୁଜନଂ ଶିଵଚରିତଂ ॥ ଶଙ୍କରେ ॥ ୮ ॥

ମହାଦେଵେ ତସ୍ମିନ୍ପ୍ରଣମତି ନିଜାଗଃ ଶମୟିତୁଂ
ତଦୀୟଂ ମୂର୍ଧାନଂ ପ୍ରହରସି ପଦାଭ୍ୟାଂ ଗିରିସୁତେ ।
ସ ଏଷ କ୍ରୁଦ୍ଧଶ୍ଚେତ୍ତୁହିନକିରଣଂ ସ୍ଥାପୟତି ଚେତ୍
ମୃଦୂନ୍ୟଙ୍ଗାନ୍ୟଙ୍ଗାରକ ଇଵ ତନୋତ୍ୟେଷ ପଵନଃ ॥ ୪୪ ॥

॥ ଏକାଦଶଃ ସର୍ଗଃ ॥
ଇତ୍ଥଂ ପ୍ରିୟାଂ ସହଚରୀଂ ଗିରମୁଦ୍ଗିରନ୍ତୀଂ
ଚିନ୍ତାଭରେଣ ଚିରମୀକ୍ଷିତୁମପ୍ୟଧୀରା ।
ଗୌରୀ କଥଞ୍ଚିଦଭିମାନଵତୀ ଦଦର୍ଶ
କାନ୍ତଂ ପ୍ରିୟାନୁନୟଵାକ୍ୟ ମୁଦୀରୟନ୍ତମ୍ ॥ ୪୫ ॥

ବାଲେ କୁଲାଚଲକୁମାରି ଵିମୁଞ୍ଚ ରୋଷଂ
ଦୋଷଂ ଚ ମୟ୍ୟଧିଗତଂ ହୃଦୟେ ନ କୁର୍ୟାଃ ।
ଶକ୍ଷ୍ୟାମି ନୈଵ ଭଵିତୁଂ ଭଵତୀଂ ଵିନାହଂ
ଵକ୍ଷ୍ୟାମି କିଂ ତଵ ପୁରଃ ପ୍ରିୟମନ୍ୟଦସ୍ମାତ୍ ॥ ୪୬ ॥

॥ ଏକୋନଵିଂଶାଷ୍ଟପଦୀ ॥

ମୁଖାରି ରାଗେଣ ଝମ୍ପତାଲେନ ଗୀୟତେ
(ଵଦସି ୟଦି କିଞ୍ଚିଦପି ଇତିଵତ୍)
ଭଜସି ୟଦି ମୟି ରୋଷମରୁଣଵାରିରୁହାକ୍ଷି
କିମିହ ମମ ଶରଣମଭିଜାତଂ
ଶରଣମୁପୟାୟତଵତି କଲୁଷପରିଭାଵନଂ
ନ ଵରମିତି ସତି ସୁଜନଗୀତଂ ଶିଵେ ଶୈଲକନ୍ୟେ
ପଞ୍ଚଶରତପନମିହ ଜାତଂ
ହରକମଲଶୀତଲଂ ସରସନୟନାଞ୍ଚଲଂ
ମୟି କଲୟ ରତିଷୁ କମନୀୟଂ ଶିଵେ ଶୈଲକନ୍ୟେ ॥ ୧ ॥

ସ୍ପୃଶସି ୟଦି ଵପୁରରୁଣକମଲସମପାଣିନା
ନ ସ୍ପୃଶସି ତପନମନିଵାରଂ
ଦରହସିତଚନ୍ଦ୍ରକରନିକରମନୁଷଞ୍ଜୟସି
ୟଦି ମମ ଚ ହୃଦୟମତିଧୀରଂ ଶିଵେ ଶୈଲକନ୍ୟେ ॥ ୨ ॥

କୁସୁମଦାମଚୟେନ ମମ ଜଟାଵଲିଜୂଟନିଚୟମୟି ସୁଦତି ସଵିଲାସଂ
ସପଦି କଲୟାମି ଵଲୟାକୃତିସରୋଜଵନସୁରସରିତମୁପହସିତଭାସମ୍
ଶିଵେ ଶୈଲକନ୍ୟେ ॥ ୩ ॥

ଅମଲମଣିହାରନିକରେଣ ପରିଭୂଷୟସି
ପୃଥୁଲ କୁଚୟୁଗଲ ମତିଭାରମ୍ ।
ତୁହିନଗରିଶିଖରାନୁଗଳିତସୁରନିମ୍ନଗା
ସୁଗଳସମଭାଵସୁଗଭୀରମ୍ ଶିଵେ ଶୈଲକନ୍ୟେ ॥ ୪ ॥

ଵିକସଦସିତାମ୍ବୁରୁହଵିମଲନୟନା-
ଞ୍ଚଲୈରୁପଚରସି ଵିରହପରିଦୂନମ୍ ।
ସଫଲମିହ ଜୀଵିତଂ ମମ ସୁଦତି କୋପନେ
ଵିସୃଜ ମୟି ସଫଲମତିମାନମ୍ ଶିଵେ ଶୈଲକନ୍ୟେ ॥ ୫ ॥

ଭଵଦଧର ମଧୁ ଵିତର ଵିଷମଶରଵିକୃତି-
ହରମୟି ଵିତର ରତିନିୟତଭାନଂ
ସ୍ଫୁୟମଦପରାଧଶତମଗଣନୀୟମିହ
ଵିମୃଶ ଭଵଦନୁସୃତିଵିଧାନଂ ଶିଵେ ଶୈଲକନ୍ୟେ ॥ ୬ ॥

କୁପିତହୃଦୟାସି ମୟି କଲୟ ଭୁଜବନ୍ଧନେ
କୁରୁ ନିଶିତରଦନପରିପାତଂ
ଉଚିତମିଦମଖିଲଂ ତୁ ନାୟିକେ ସୁଦତି ମମ
ଶିକ୍ଷଣଂ ସ୍ଵକୁଚଗିରିପାତଂ ଶିଵେ ଶୈଲକନ୍ୟେ ॥ ୭ ॥

ଇତି ଵିଵିଧଵଚନମପି ଚତୁରପୁରଵୈରିଣା
ହିମଶିଖରିଜନୁଷମଭିରାମଂ
ଶିଵଭଜନନିୟତମତିୟତିଚନ୍ଦ୍ରମୌଲିନା
ଫଣିତମପି ଜୟତୁ ଭୁଵି କାମଂ ଶିଵେ ଶୈଲକନ୍ୟେ ॥ ୮ ॥

ଶ୍ଲୋକଃ
ସୁଚିର ଵିରହାକ୍ରାନ୍ତଂ ଵିଭ୍ରାନ୍ତଚିତ୍ତମିତସ୍ତତଃ
ସ୍ମରପରଵଶଂ ଦୀନଂ ନୋପେକ୍ଷସେ ୟଦି ମାଂ ପ୍ରିୟେ ।
ଅହମିହ ଚିରଂ ଜୀଵନ୍ଭାଵତ୍କସେଵନମାଦ୍ରିୟେ
ୟଦପକରଣଂ ସର୍ଵଂ କ୍ଷନ୍ତଵ୍ୟମଦ୍ରିକୁମାରିକେ ॥ ୪୭ ॥

॥ ଦ୍ଵାଦଶଃ ସର୍ଗଃ ॥
ଶ୍ଲୋକଃ
ଇତି ଵିରହିତାମେନାଂ ଚେତଃ ପ୍ରସାଦଵତୀଂ ଶିଵାଂ
ଅନୁନୟଗିରାଂ ଗୁମ୍ଫୈଃ ସମ୍ଭାଵୟନ୍ନିଜପାଣିନା ।
ଝଟିତି ଘଟୟନ୍ମନ୍ଦସ୍ମେରସ୍ତଦୀୟକରାମ୍ବୁଜଂ
ହିମକରକଲାମୌଲିଃ ସଂପ୍ରାପ କେଲିଲତାଗୃହମ୍ ॥ ୪୮ ॥

ସଂପ୍ରାପ୍ୟ କେଳୀଗୃହମିନ୍ଦୁମୌଲିଃ ଇନ୍ଦୀଵରାକ୍ଷୀମନୁଵୀକ୍ଷମାଣଃ ।
ଜହୌ ରହଃ କେଲିକୁତୂହଲେନ ଵିୟୋଗଜାର୍ତିଂ ପୁନରାବଭାଷେ ॥ ୪୯ ॥

॥ ଵିଂଶାଷ୍ଟପଦୀ ॥

ଘଣ୍ଟାରାଗେଣ ଝମ୍ପତାଲେନ ଗୀୟତେ
(ମଞ୍ଜୁତରକୁଞ୍ଜତଲ ଇତିଵତ୍)
ପୃଥୁଲତରଲଲିତକୁଚୟୁଗଲମୟି ତେ
ମୃଗମଦରସେନ କଲୟାମି ଦୟିତେ ।
ରମୟ ବାଲେ ଭଵଦନୁଗମେନଂ ॥ ରମୟ ବାଲେ ॥ ୧ ॥

ଵିଧୁଶକଲରୁଚିରମିଦମଲିକମୟି ତେ
ଶୁଭତିଲକମଭିଲସତୁ କେଲିନିୟତେ ॥ ରମୟ ବାଲେ ॥ ୨ ॥

ଇହ ଵିହର ତରୁଣି ନଵ କୁସୁମଶୟନେ
ଭଵଦଧରମଧୁ ଵିତର ମକରନୟନେ ॥ ରମୟ ବାଲେ ॥ ୩ ॥

ଅୟି ସୁଚିରଵିରହରୁଜମପହର ଶିଵେ
ସରସମଭିଲପ ରମଣି ପରଭୃତରଵେ ॥ ରମୟ ବାଲେ ॥ ୪ ॥

କଲୟ ମଲୟଜପଙ୍କମୁରସି ମମ ତେ
କଠିନକୁଚୟୁଗମତନୁ ଘଟୟ ଲଲିତେ ॥ ରମୟ ବାଲେ ॥ ୫ ॥

ଇଦମମରତରୁକୁସୁମନିକରମୟି ତେ
ଘନଚିକୁରମୁପଚରତୁ ସପଦି ଵନିତେ ॥ ରମୟ ବାଲେ ॥ ୬ ॥

ଦରହସିତଵିଧୁକରମୁଦଞ୍ଚୟ ମନୋ-
ଭଵତପନମପନୁଦତୁ ଵିଲସିତଘନେ ॥ ରମୟ ବାଲେ ॥ ୭ ॥

ଶିଵଚରଣପରିଚରଣୟତଵିଚାରେ
ଫଣତି ହିମକରମୌଳିନିୟମିଧୀରେ ॥ ରମୟ ବାଲେ ॥ ୮ ॥

ଶ୍ଲୋକଃ
ଈଦୃଗ୍ଵିଧୈଶ୍ଚଟୁଲଚାଟୁଵଚୋଵିଲାସୈଃ
ଗାଢୋପଗୂହନମୁଖାମ୍ବୁଜଚୁମ୍ଭନାଦ୍ୟୈଃ ।
ଆହ୍ଲାଦୟନ୍ ଗିରିସୁତାମଧିକାଞ୍ଚି ନିତ୍ୟଂ
ଏକାମ୍ରମୂଲଵସତିର୍ଜୟତି ପ୍ରସନ୍ନଃ ॥ ୫୦ ॥

ଵିଦ୍ୟାଵିନୀତଜୟଦେଵକଵେରୁଦାର-
ଗୀତିପ୍ରବନ୍ଧସରଣିପ୍ରଣିଧାନମାତ୍ରାତ୍ ।
ଏଷା ମୟା ଵିରଚିତା ଶିଵଗୀତିମାଲା
ମୋଦଂ କରୋତୁ ଶିଵୟୋଃ ପଦୟୋଜନୀୟା ॥ ୫୧ ॥

ଅଵ୍ୟକ୍ତଵର୍ଣମୁଦିତେନ ୟଥାର୍ଭକସ୍ୟ
ଵାକ୍ୟେନ ମୋଦଭରିତଂ ହୃଦୟଂ ହି ପିତ୍ରୋଃ ।
ଏକାମ୍ରନାଥ ଭଵଦଙ୍ଘ୍ରିସମର୍ପିତେୟଂ
ମୋଦଂ କରୋତୁ ଭଵତଃ ଶିଵଗୀତିମାଲା ॥ ୫୨ ॥

ଗୁଣାନୁସ୍ୟୂତିରହିତା ଦୋଷଗ୍ରନ୍ଥିଵିଦୂଷିତା ।
ତଥାପି ଶିଵଗୀତିର୍ନୋ ମାଲିକା ଚିତ୍ରମୀଦୃଶୀ ॥ ୫୩ ॥

ଓଂ ନମଃ ଶିଵାୟୈ ଚ ନମଃ ଶିଵାୟ

ଇତି ଶ୍ରୀଚନ୍ଦ୍ରଶେଖରେନ୍ଦ୍ରସରସ୍ଵତୀଵିରଚିତା ଶିଵଗୀତିମାଲା
ଅଥଵା ଶିଵାଷ୍ଟପଦୀ ସମାପ୍ତା ।

॥ ଶୁଭମସ୍ତୁ ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *