Sri Devi Atharvashirsha Evam Devyupanishat Lyrics in Bengali

Shri Devi Atharvashirsha Evam Devyupanishat in Bengali:

॥ শ্রীদেব্যথর্বশীর্ষং অথবা দেব্যুপনিষৎ ॥
ওঁ ভদ্রং কর্ণেভিঃ শৃণুয়াম দেবা ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুবাংসস্তনূভির্ব্যশেম দেবহিতং যদায়ুঃ ।
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ ।
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ॥

ওঁ শান্তিঃ শান্তিঃ শান্তিঃ ।

শ্রী গণেশায় নমঃ ।
ওঁ সর্বে বৈ দেবা দেবীমুপতস্থুঃ কাসি ৎবং মহাদেবীতি ॥ ১ ॥

সাঽব্রবীদহং ব্রহ্মস্বরূপিণী । মত্তঃ প্রকৃতিপুরুষাত্মকং জগৎ ।
শূন্যং চাশূন্যং চ ॥ ২ ॥

অহমানন্দানানন্দৌ । অহং বিজ্ঞানাবিজ্ঞানে ।
অহং ব্রহ্মাব্রহ্মণী । দ্বে ব্রহ্মণী বেদিতব্যে । var just বেদিতব্যে
ইতি চাথর্বণী শ্রুতিঃ । অহং পঞ্চভূতানি ।
অহং পঞ্চতন্মাত্রাণি । অহমখিলং জগৎ ॥ ৩ ॥

বেদোঽহমবেদোঽহম্ । বিদ্যাহমবিদ্যাহম্ ।
অজাহমনজাহম্ । অধশ্চোর্ধ্বং চ তির্যক্চাহম্ ॥ ৪ ॥

অহং রুদ্রেভির্বসুভিশ্চরামি । অহমাদিত্যৈরুত বিশ্বদেবৈঃ ।
অহং মিত্রাবরুণাবুভৌ বিভর্মি । অহমিন্দ্রাগ্নী অহমশ্বিনাবুভৌ ॥ ৫ ॥

অহং সোমং ৎবষ্টারং পূষণং ভগং দধামি ।
অহং বিষ্ণুমুরুক্রমং ব্রহ্মাণমুত প্রজাপতিং দধামি ॥ ৬ ॥

অহং দধামি দ্রবিণং হবিষ্মতে সুপ্রাব্যে যজমানায় সুন্বতে । var সুব্রতে
অহং রাজ্ঞী সঙ্গমনী বসূনাং চিকিতুষী প্রথমা যজ্ঞিয়ানাম্ । var রাষ্ট্রী
অহং সুবে পিতরমস্য মূর্ধন্মম যোনিরপ্স্বন্তঃ সমুদ্রে ।
য এবং বেদ । স দৈবীং সম্পদমাপ্নোতি ॥ ৭ ॥

তে দেবা অব্রুবন্ ।
নমো দেব্যৈ মহাদেব্যৈ শিবায়ৈ সততং নমঃ ।
নমঃ প্রকৃত্যৈ ভদ্রায়ৈ নিয়তাঃ প্রণতাঃ স্ম তাম্ ॥ ৮ ॥

তামগ্নিবর্ণাং তপসা জ্বলন্তীং বৈরোচনীং কর্মফলেষু জুষ্টাম্ ।
দুর্গাং দেবীং শরণং প্রপদ্যামহেঽসুরান্নাশয়িত্র্যৈ তে নমঃ ॥ ৯ ॥

দেবীং বাচমজনয়ন্ত দেবাস্তাং বিশ্বরূপাঃ পশবো বদন্তি ।
সা নো মন্দ্রেষমূর্জং দুহানা ধেনুর্বাগস্মানুপ সুষ্টুতৈতু ॥ ১০ ॥

কালরাত্রীং ব্রহ্মস্তুতাং বৈষ্ণবীং স্কন্দমাতরম্ ।
সরস্বতীমদিতিং দক্ষদুহিতরং নমামঃ পাবনাং শিবাম্ ॥ ১১ ॥

মহালক্ষ্ম্যৈ চ বিদ্মহে সর্বশক্ত্যৈ চ ধীমহি ।
তন্নো দেবী প্রচোদয়াৎ ॥ ১২ ॥

অদিতির্হ্যজনিষ্ট দক্ষ যা দুহিতা তব ।
তাং দেবা অন্বজায়ন্ত ভদ্রা অমৃতবন্ধবঃ ॥ ১৩ ॥

কামো যোনিঃ কমলা বজ্রপাণির্গুহা হসা মাতরিশ্বাভ্রমিন্দ্রঃ ।
পুনর্গুহা সকলা মায়যা চ পুরূচ্যৈষা বিশ্বমাতাদিবিদ্যোম্ ॥ ১৪ ॥

var চাপৃথক্ ক্লেশা বিশ্বমাতাদিবিদ্যাঃ ॥

এষাঽঽত্মশক্তিঃ । এষা বিশ্বমোহিনী । পাশাঙ্কুশধনুর্বাণধরা ।
এষা শ্রীমহাবিদ্যা । য এবং বেদ স শোকং তরতি ॥ ১৫ ॥

নমস্তে।স্তু ভগবতি মাতরস্মান্পাহি সর্বতঃ ॥ ১৬ ॥

সৈষা বৈষ্ণব্যষ্টৌ বসবঃ । সৈষৈকাদশ রুদ্রাঃ ।
সৈষা দ্বাদশাদিত্যাঃ । সৈষা বিশ্বেদেবাঃ সোমপা অসোমপাশ্চ ।
সৈষা যাতুধানা অসুরা রক্ষাংসি পিশাচা যক্ষা সিদ্ধাঃ ।
সৈষা সত্ত্বরজস্তমাংসি । সৈষা ব্রহ্মবিষ্ণুরুদ্ররূপিণী ।
সৈষা প্রজাপতীন্দ্রমনবঃ ।
সৈষা গ্রহনক্ষত্রজ্যোতিঃকলাকাষ্ঠাদিবিশ্বরূপিণী ।
var সৈষা গ্রহনক্ষত্রজ্যোতীংষি । কলাকাষ্ঠাদিবিশ্বরূপিণী ।
তামহং প্রণৌমি নিত্যম্ ।
পাপাপহারিণীং দেবীং ভুক্তিমুক্তিপ্রদায়িনীম্ ।
অনন্তাং বিজয়াং শুদ্ধাং শরণ্যাং শিবদাং শিবাম্ ॥ ১৭ ॥ var সর্বদাং শিবাম্
বিয়দীকারসংয়ুক্তং বীতিহোত্রসমন্বিতম্ ।
অর্ধেন্দুলসিতং দেব্যা বীজং সর্বার্থসাধকম্ ॥ ১৮ ॥

এবমেকাক্ষরং মন্ত্রং যতয়ঃ শুদ্ধচেতসঃ । var এবমেকাক্ষরং ব্রহ্ম
ধ্যায়ন্তি পরমানন্দময়া জ্ঞানাম্বুরাশয়ঃ ॥ ১৯ ॥

বাঙ্মায়া ব্রহ্মসূস্তস্মাৎ ষষ্ঠং বক্ত্রসমন্বিতম্ ।
var ব্রহ্মভূস্তস্মাৎ
সূর্যোঽবামশ্রোত্রবিন্দুসংয়ুক্তাষ্টাত্তৃতীয়কম্ ।
নারায়ণেন সংমিশ্রো বায়ুশ্চাধারয়ুক্ততঃ ।
বিচ্চে নবার্ণকোঽর্ণঃ স্যান্মহদানন্দদায়কঃ ॥ ২০ ॥

var নবার্ণকোণস্য মহানানন্দদায়কঃ
হৃৎপুণ্ডরীকমধ্যস্থাং প্রাতঃসূর্যসমপ্রভাম্ ।
পাশাঙ্কুশধরাং সৌম্যাং বরদাভয়হস্তকাম্ ।
ত্রিনেত্রাং রক্তবসনাং ভক্তকামদুঘাং ভজে ॥ ২১ ॥ var ভক্তকামদুহং
নমামি ৎবাং মহাদেবীং মহাভয়বিনাশিনিম্ ।
var ভজামি ৎবাং মহাদেবি মহাভয়বিনাশিনি ।
মহাদুর্গপ্রশমনীং মহাকারুণ্যরূপিণীম্ ॥ ২২ ॥ var মহাদারিদ্র্যশমনীং
যস্যাঃ স্বরূপং ব্রহ্মাদয়ো ন জানন্তি তস্মাদুচ্যতে অজ্ঞেয়া ।
যস্যা অন্তো ন লভ্যতে তস্মাদুচ্যতে অনন্তা ।
যস্যা লক্ষ্যং নোপলক্ষ্যতে তস্মাদুচ্যতে অলক্ষ্যা ।
যস্যা জননং নোপলক্ষ্যতে তস্মাদুচ্যতে অজা ।
একৈব সর্বত্র বর্ততে তস্মাদুচ্যতে একা ।
একৈব বিশ্বরূপিণী তস্মাদুচ্যতে নৈকা । var তস্মাদুচ্যতেঽনেকা ।
অত এবোচ্যতে আজ্ঞেয়ানন্তালক্ষ্যাজৈকা নৈকেতি ॥ ২৩ ॥

var আজ্ঞেয়াঽনন্তালক্ষ্যাজৈকানেকা
মন্ত্রাণাং মাতৃকা দেবী শব্দানাং জ্ঞানরূপিণী ।
জ্ঞানানাং চিন্ময়াতীতা শূন্যানাং শূন্যসাক্ষিণী । var চিন্ময়ানন্দা
যস্যাঃ পরতরং নাস্তি সৈষা দুর্গা প্রকীর্তিতা ॥ ২৪ ॥

তাং দুর্গাং দুর্গমাং দেবীং দুরাচারবিঘাতিনীম্ ।
নমামি ভবভীতোঽহং সংসারার্ণবতারিণীম্ ॥ ২৫ ॥

ইদমথর্বশীর্ষং যোঽধীতে স পঞ্চাথর্বশীর্ষফলমাপ্নোতি ।
ইদমথর্বশীর্ষমজ্ঞাৎবা যোঽর্চাং স্থাপয়তি ।
শতলক্ষং প্রজপ্ত্বাঽপি সোঽর্চাসিদ্ধিং ন বিন্দতি ।
var নাঽর্চাশুদ্ধিং চ বিন্দতি
শতমষ্টোত্তরং চাস্য পুরশ্চর্যাবিধিঃ স্মৃতঃ ।
দশবারং পঠেদ্যস্তু সদ্যঃ পাপৈঃ প্রমুচ্যতে ।
মহাদুর্গাণি তরতি মহাদেব্যাঃ প্রসাদতঃ । ২৬ ॥

সায়মধীয়ানো দিবসকৃতং পাপং নাশয়তি ।
প্রাতরধীয়ানো রাত্রিকৃতং পাপং নাশয়তি ।
সায়ং প্রাতঃ প্রয়ুঞ্জানোঽপাপো ভবতি ।
নিশীথে তুরীয়সংধ্যায়াং জপ্ত্বা বাক্সিদ্ধির্ভবতি ।
নূতনায়াং প্রতিমায়াং জপ্ত্বা দেবতাসাংনিধ্যং ভবতি ।
প্রাণপ্রতিষ্ঠায়াং জপ্ত্বা প্রাণানাং প্রতিষ্ঠা ভবতি ।
ভৌমাশ্বিন্যাং মহাদেবীসংনিধৌ জপ্ত্বা মহামৃত্যুং
তরতি স মহামৃত্যুং তরতি ।
য এবং বেদ ॥ ইত্যুপনিষৎ ॥ ২৭ ॥

ইতি দেব্যথর্বশীর্ষং সম্পূর্ণম্ ॥

ওঁ ভদ্রং কর্ণেভিঃ শৃণুয়াম দেবা ভদ্রং পশ্যেমাক্ষভির্যজত্রাঃ ।
স্থিরৈরঙ্গৈস্তুষ্টুবাংসস্তনূভির্ব্যশেম দেবহিতং যদায়ুঃ ।
স্বস্তি ন ইন্দ্রো বৃদ্ধশ্রবাঃ স্বস্তি নঃ পূষা বিশ্ববেদাঃ ।
স্বস্তি নস্তার্ক্ষ্যো অরিষ্টনেমিঃ স্বস্তি নো বৃহস্পতির্দধাতু ॥

ওঁ শান্তিঃ শান্তিঃ শান্তিঃ ।

Also Read:

Sri Devi Atharvashirsha Evam Devyupanishat Lyrics in Hindi | English | Bengali | Gujarati | Kannada | Malayalam | Oriya | Telugu | Tamil