Durga Ashtottara Shatanama Stotram is a collection of 108 Maa Durga names and stotram is chanted at the start of Durga Saptashati just before Patha Vidhi.
Durgashtottara Shatanama Stotram Lyrics in Bengali:
দুর্গাষ্টোত্তরশতনামস্তোত্রম্ ( বিশ্বসারতন্ত্র )
॥ ওঁ ॥
॥ শ্রী দুর্গায়ৈ নমঃ ॥
॥ শ্রী দুর্গাষ্টোত্তরশতনামস্তোত্রম্ ॥
ঈশ্বর উবাচ ।
শতনাম প্রবক্ষ্যামি শৃণুষ্ব কমলাননে ।
য়স্য প্রসাদমাত্রেণ দুর্গা প্রীতা ভবেত্ সতী ॥ ১ ॥
ওঁ সতী সাধ্বী ভবপ্রীতা ভবানী ভবমোচনী ।
আর্যা দুর্গা জয়া চাদ্যা ত্রিনেত্রা শূলধারিণী ॥ ২ ॥
পিনাকধারিণী চিত্রা চণ্ডঘণ্টা মহাতপাঃ ।
মনো বুদ্ধিরহংকারা চিত্তরূপা চিতা চিতিঃ ॥ ৩ ॥
সর্বমন্ত্রময়ী সত্তা সত্যানন্দস্বরূপিণী ।
অনন্তা ভাবিনী ভাব্যা ভব্যাভব্যা সদাগতিঃ ॥ ৪ ॥
শাম্ভবী দেবমাতা চ চিন্তা রত্নপ্রিয়া সদা ।
সর্ববিদ্যা দক্ষকন্যা দক্ষয়জ্ঞবিনাশিনী ॥ ৫ ॥
অপর্ণানেকবর্ণা চ পাটলা পাটলাবতী ।
পট্টাম্বর পরীধানা কলমঞ্জীররঞ্জিনী ॥ ৬ ॥
অমেয়বিক্রমা ক্রুরা সুন্দরী সুরসুন্দরী ।
বনদুর্গা চ মাতঙ্গী মতঙ্গমুনিপূজিতা ॥ ৭ ॥
ব্রাহ্মী মাহেশ্বরী চৈন্দ্রী কৌমারী বৈষ্ণবী তথা ।
চামুণ্ডা চৈব বারাহী লক্ষ্মীশ্চ পুরুষাকৃতিঃ ॥ ৮ ॥
বিমলোত্কর্ষিণী জ্ঞানা ক্রিয়া নিত্যা চ বুদ্ধিদা ।
বহুলা বহুলপ্রেমা সর্ববাহন বাহনা ॥ ৯ ॥
নিশুম্ভশুম্ভহননী মহিষাসুরমর্দিনী ।
মধুকৈটভহন্ত্রী চ চণ্ডমুণ্ডবিনাশিনী ॥ ১০ ॥
সর্বাসুরবিনাশা চ সর্বদানবঘাতিনী ।
সর্বশাস্ত্রময়ী সত্যা সর্বাস্ত্রধারিণী তথা ॥ ১১ ॥
অনেকশস্ত্রহস্তা চ অনেকাস্ত্রস্য ধারিণী ।
কুমারী চৈককন্যা চ কৈশোরী য়ুবতী য়তিঃ ॥ ১২ ॥
অপ্রৌঢা চৈব প্রৌঢা চ বৃদ্ধমাতা বলপ্রদা ।
মহোদরী মুক্তকেশী ঘোররূপা মহাবলা ॥ ১৩ ॥
অগ্নিজ্বালা রৌদ্রমুখী কালরাত্রিস্তপস্বিনী ।
নারায়ণী ভদ্রকালী বিষ্ণুমায়া জলোদরী ॥ ১৪ ॥
শিবদূতী করালী চ অনন্তা পরমেশ্বরী ।
কাত্যায়নী চ সাবিত্রী প্রত্যক্ষা ব্রহ্মবাদিনী ॥ ১৫ ॥
য় ইদং প্রপঠেন্নিত্যং দুর্গানামশতাষ্টকম্ ।
নাসাধ্যং বিদ্যতে দেবি ত্রিষু লোকেষু পার্বতি ॥ ১৬ ॥
ধনং ধান্যং সুতং জায়াং হয়ং হস্তিনমেব চ ।
চতুর্বর্গং তথা চান্তে লভেন্মুক্তিং চ শাশ্বতীম্ ॥ ১৭ ॥
কুমারীং পূজয়িত্বা তু ধ্যাত্বা দেবীং সুরেশ্বরীম্ ।
পূজয়েত্ পরয়া ভক্ত্যা পঠেন্নামশতাষ্টকম্ ॥ ১৮ ॥
তস্য সিদ্ধির্ভবেদ্ দেবি সর্বৈঃ সুরবরৈরপি ।
রাজানো দাসতাং য়ান্তি রাজ্যশ্রিয়মবাপ্নুয়াত্ ॥ ১৯ ॥
গোরোচনালক্তককুঙ্কুমেব সিন্ধূরকর্পূরমধুত্রয়েণ ।
বিলিখ্য য়ন্ত্রং বিধিনা বিধিজ্ঞো ভবেত্ সদা ধারয়তে পুরারিঃ ॥ ২০ ॥
ভৌমাবাস্যানিশামগ্রে চন্দ্রে শতভিষাং গতে ।
বিলিখ্য প্রপঠেত্ স্তোত্রং স ভবেত্ সম্পদাং পদম্ ॥ ২১ ॥
॥ ইতি শ্রী বিশ্বসারতন্ত্রে দুর্গাষ্টোত্তরশতনামস্তোত্রং সমাপ্তম্ ॥
Also Read:
Sri Durga Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
