Durga Ashtottara Shatanama Stotram is a collection of 108 Maa Durga names and stotram is chanted at the start of Durga Saptashati just before Patha Vidhi.
Durgashtottara Shatanama Stotram Lyrics in Oriya:
ଦୁର୍ଗାଷ୍ଟୋତ୍ତରଶତନାମସ୍ତୋତ୍ରମ୍ ( ଵିଶ୍ଵସାରତନ୍ତ୍ର )
॥ ଓଂ ॥
॥ ଶ୍ରୀ ଦୁର୍ଗାୟୈ ନମଃ ॥
॥ ଶ୍ରୀ ଦୁର୍ଗାଷ୍ଟୋତ୍ତରଶତନାମସ୍ତୋତ୍ରମ୍ ॥
ଈଶ୍ଵର ଉଵାଚ ।
ଶତନାମ ପ୍ରଵକ୍ଷ୍ୟାମି ଶୃଣୁଷ୍ଵ କମଲାନନେ ।
ୟସ୍ୟ ପ୍ରସାଦମାତ୍ରେଣ ଦୁର୍ଗା ପ୍ରୀତା ଭଵେତ୍ ସତୀ ॥ ୧ ॥
ଓଂ ସତୀ ସାଧ୍ଵୀ ଭଵପ୍ରୀତା ଭଵାନୀ ଭଵମୋଚନୀ ।
ଆର୍ୟା ଦୁର୍ଗା ଜୟା ଚାଦ୍ୟା ତ୍ରିନେତ୍ରା ଶୂଲଧାରିଣୀ ॥ ୨ ॥
ପିନାକଧାରିଣୀ ଚିତ୍ରା ଚଣ୍ଡଘଣ୍ଟା ମହାତପାଃ ।
ମନୋ ବୁଦ୍ଧିରହଂକାରା ଚିତ୍ତରୂପା ଚିତା ଚିତିଃ ॥ ୩ ॥
ସର୍ଵମନ୍ତ୍ରମୟୀ ସତ୍ତା ସତ୍ୟାନନ୍ଦସ୍ଵରୂପିଣୀ ।
ଅନନ୍ତା ଭାଵିନୀ ଭାଵ୍ୟା ଭଵ୍ୟାଭଵ୍ୟା ସଦାଗତିଃ ॥ ୪ ॥
ଶାମ୍ଭଵୀ ଦେଵମାତା ଚ ଚିନ୍ତା ରତ୍ନପ୍ରିୟା ସଦା ।
ସର୍ଵଵିଦ୍ୟା ଦକ୍ଷକନ୍ୟା ଦକ୍ଷୟଜ୍ଞଵିନାଶିନୀ ॥ ୫ ॥
ଅପର୍ଣାନେକଵର୍ଣା ଚ ପାଟଲା ପାଟଲାଵତୀ ।
ପଟ୍ଟାମ୍ବର ପରୀଧାନା କଲମଞ୍ଜୀରରଞ୍ଜିନୀ ॥ ୬ ॥
ଅମେୟଵିକ୍ରମା କ୍ରୁରା ସୁନ୍ଦରୀ ସୁରସୁନ୍ଦରୀ ।
ଵନଦୁର୍ଗା ଚ ମାତଙ୍ଗୀ ମତଙ୍ଗମୁନିପୂଜିତା ॥ ୭ ॥
ବ୍ରାହ୍ମୀ ମାହେଶ୍ଵରୀ ଚୈନ୍ଦ୍ରୀ କୌମାରୀ ଵୈଷ୍ଣଵୀ ତଥା ।
ଚାମୁଣ୍ଡା ଚୈଵ ଵାରାହୀ ଲକ୍ଷ୍ମୀଶ୍ଚ ପୁରୁଷାକୃତିଃ ॥ ୮ ॥
ଵିମଲୋତ୍କର୍ଷିଣୀ ଜ୍ଞାନା କ୍ରିୟା ନିତ୍ୟା ଚ ବୁଦ୍ଧିଦା ।
ବହୁଲା ବହୁଲପ୍ରେମା ସର୍ଵଵାହନ ଵାହନା ॥ ୯ ॥
ନିଶୁମ୍ଭଶୁମ୍ଭହନନୀ ମହିଷାସୁରମର୍ଦିନୀ ।
ମଧୁକୈଟଭହନ୍ତ୍ରୀ ଚ ଚଣ୍ଡମୁଣ୍ଡଵିନାଶିନୀ ॥ ୧୦ ॥
ସର୍ଵାସୁରଵିନାଶା ଚ ସର୍ଵଦାନଵଘାତିନୀ ।
ସର୍ଵଶାସ୍ତ୍ରମୟୀ ସତ୍ୟା ସର୍ଵାସ୍ତ୍ରଧାରିଣୀ ତଥା ॥ ୧୧ ॥
ଅନେକଶସ୍ତ୍ରହସ୍ତା ଚ ଅନେକାସ୍ତ୍ରସ୍ୟ ଧାରିଣୀ ।
କୁମାରୀ ଚୈକକନ୍ୟା ଚ କୈଶୋରୀ ୟୁଵତୀ ୟତିଃ ॥ ୧୨ ॥
ଅପ୍ରୌଢା ଚୈଵ ପ୍ରୌଢା ଚ ଵୃଦ୍ଧମାତା ବଲପ୍ରଦା ।
ମହୋଦରୀ ମୁକ୍ତକେଶୀ ଘୋରରୂପା ମହାବଲା ॥ ୧୩ ॥
ଅଗ୍ନିଜ୍ଵାଲା ରୌଦ୍ରମୁଖୀ କାଲରାତ୍ରିସ୍ତପସ୍ଵିନୀ ।
ନାରାୟଣୀ ଭଦ୍ରକାଲୀ ଵିଷ୍ଣୁମାୟା ଜଲୋଦରୀ ॥ ୧୪ ॥
ଶିଵଦୂତୀ କରାଲୀ ଚ ଅନନ୍ତା ପରମେଶ୍ଵରୀ ।
କାତ୍ୟାୟନୀ ଚ ସାଵିତ୍ରୀ ପ୍ରତ୍ୟକ୍ଷା ବ୍ରହ୍ମଵାଦିନୀ ॥ ୧୫ ॥
ୟ ଇଦଂ ପ୍ରପଠେନ୍ନିତ୍ୟଂ ଦୁର୍ଗାନାମଶତାଷ୍ଟକମ୍ ।
ନାସାଧ୍ୟଂ ଵିଦ୍ୟତେ ଦେଵି ତ୍ରିଷୁ ଲୋକେଷୁ ପାର୍ଵତି ॥ ୧୬ ॥
ଧନଂ ଧାନ୍ୟଂ ସୁତଂ ଜାୟାଂ ହୟଂ ହସ୍ତିନମେଵ ଚ ।
ଚତୁର୍ଵର୍ଗଂ ତଥା ଚାନ୍ତେ ଲଭେନ୍ମୁକ୍ତିଂ ଚ ଶାଶ୍ଵତୀମ୍ ॥ ୧୭ ॥
କୁମାରୀଂ ପୂଜୟିତ୍ଵା ତୁ ଧ୍ୟାତ୍ଵା ଦେଵୀଂ ସୁରେଶ୍ଵରୀମ୍ ।
ପୂଜୟେତ୍ ପରୟା ଭକ୍ତ୍ୟା ପଠେନ୍ନାମଶତାଷ୍ଟକମ୍ ॥ ୧୮ ॥
ତସ୍ୟ ସିଦ୍ଧିର୍ଭଵେଦ୍ ଦେଵି ସର୍ଵୈଃ ସୁରଵରୈରପି ।
ରାଜାନୋ ଦାସତାଂ ୟାନ୍ତି ରାଜ୍ୟଶ୍ରିୟମଵାପ୍ନୁୟାତ୍ ॥ ୧୯ ॥
ଗୋରୋଚନାଲକ୍ତକକୁଙ୍କୁମେଵ ସିନ୍ଧୂରକର୍ପୂରମଧୁତ୍ରୟେଣ ।
ଵିଲିଖ୍ୟ ୟନ୍ତ୍ରଂ ଵିଧିନା ଵିଧିଜ୍ଞୋ ଭଵେତ୍ ସଦା ଧାରୟତେ ପୁରାରିଃ ॥ ୨୦ ॥
ଭୌମାଵାସ୍ୟାନିଶାମଗ୍ରେ ଚନ୍ଦ୍ରେ ଶତଭିଷାଂ ଗତେ ।
ଵିଲିଖ୍ୟ ପ୍ରପଠେତ୍ ସ୍ତୋତ୍ରଂ ସ ଭଵେତ୍ ସମ୍ପଦାଂ ପଦମ୍ ॥ ୨୧ ॥
॥ ଇତି ଶ୍ରୀ ଵିଶ୍ଵସାରତନ୍ତ୍ରେ ଦୁର୍ଗାଷ୍ଟୋତ୍ତରଶତନାମସ୍ତୋତ୍ରଂ ସମାପ୍ତମ୍ ॥
Also Read:
Sri Durga Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
