Durga Ashtottara Shatanama Stotram is a collection of 108 Maa Durga names and stotram is chanted at the start of Durga Saptashati just before Patha Vidhi.
Durgashtottara Shatanama Stotram Lyrics in Malayalam:
ദുര്‍ഗാഷ്ടോത്തരശതനാമസ്തോത്രം ( വിശ്വസാരതന്ത്ര )
॥ ഓം ॥
॥ ശ്രീ ദുര്‍ഗായൈ നമഃ ॥
॥ ശ്രീ ദുര്‍ഗാഷ്ടോത്തരശതനാമസ്തോത്രം ॥
ഈശ്വര ഉവാച ।
ശതനാമ പ്രവക്ഷ്യാമി ശൃണുഷ്വ കമലാനനേ ।
യസ്യ പ്രസാദമാത്രേണ ദുര്‍ഗാ പ്രീതാ ഭവേത് സതീ ॥ 1 ॥
ഓം സതീ സാധ്വീ ഭവപ്രീതാ ഭവാനീ ഭവമോചനീ ।
ആര്യാ ദുര്‍ഗാ ജയാ ചാദ്യാ ത്രിനേത്രാ ശൂലധാരിണീ ॥ 2 ॥
പിനാകധാരിണീ ചിത്രാ ചണ്ഡഘണ്ടാ മഹാതപാഃ ।
മനോ ബുദ്ധിരഹംകാരാ ചിത്തരൂപാ ചിതാ ചിതിഃ ॥ 3 ॥
സര്‍വമന്ത്രമയീ സത്താ സത്യാനന്ദസ്വരൂപിണീ ।
അനന്താ ഭാവിനീ ഭാവ്യാ ഭവ്യാഭവ്യാ സദാഗതിഃ ॥ 4 ॥
ശാംഭവീ ദേവമാതാ ച ചിന്താ രത്നപ്രിയാ സദാ ।
സര്‍വവിദ്യാ ദക്ഷകന്യാ ദക്ഷയജ്ഞവിനാശിനീ ॥ 5 ॥
അപര്‍ണാനേകവര്‍ണാ ച പാടലാ പാടലാവതീ ।
പട്ടാംബര പരീധാനാ കലമഞ്ജീരരഞ്ജിനീ ॥ 6 ॥
അമേയവിക്രമാ ക്രുരാ സുന്ദരീ സുരസുന്ദരീ ।
വനദുര്‍ഗാ ച മാതങ്ഗീ മതങ്ഗമുനിപൂജിതാ ॥ 7 ॥
ബ്രാഹ്മീ മാഹേശ്വരീ ചൈന്ദ്രീ കൌമാരീ വൈഷ്ണവീ തഥാ ।
ചാമുണ്ഡാ ചൈവ വാരാഹീ ലക്ഷ്മീശ്ച പുരുഷാകൃതിഃ ॥ 8 ॥
വിമലോത്കര്‍ഷിണീ ജ്ഞാനാ ക്രിയാ നിത്യാ ച ബുദ്ധിദാ ।
ബഹുലാ ബഹുലപ്രേമാ സര്‍വവാഹന വാഹനാ ॥ 9 ॥
നിശുംഭശുംഭഹനനീ മഹിഷാസുരമര്‍ദിനീ ।
മധുകൈടഭഹന്ത്രീ ച ചണ്ഡമുണ്ഡവിനാശിനീ ॥ 10 ॥
സര്‍വാസുരവിനാശാ ച സര്‍വദാനവഘാതിനീ ।
സര്‍വശാസ്ത്രമയീ സത്യാ സര്‍വാസ്ത്രധാരിണീ തഥാ ॥ 11 ॥
അനേകശസ്ത്രഹസ്താ ച അനേകാസ്ത്രസ്യ ധാരിണീ ।
കുമാരീ ചൈകകന്യാ ച കൈശോരീ യുവതീ യതിഃ ॥ 12 ॥
അപ്രൌഢാ ചൈവ പ്രൌഢാ ച വൃദ്ധമാതാ ബലപ്രദാ ।
മഹോദരീ മുക്തകേശീ ഘോരരൂപാ മഹാബലാ ॥ 13 ॥
അഗ്നിജ്വാലാ രൌദ്രമുഖീ കാലരാത്രിസ്തപസ്വിനീ ।
നാരായണീ ഭദ്രകാലീ വിഷ്ണുമായാ ജലോദരീ ॥ 14 ॥
ശിവദൂതീ കരാലീ ച അനന്താ പരമേശ്വരീ ।
കാത്യായനീ ച സാവിത്രീ പ്രത്യക്ഷാ ബ്രഹ്മവാദിനീ ॥ 15 ॥
യ ഇദം പ്രപഠേന്നിത്യം ദുര്‍ഗാനാമശതാഷ്ടകം ।
നാസാധ്യം വിദ്യതേ ദേവി ത്രിഷു ലോകേഷു പാര്‍വതി ॥ 16 ॥
ധനം ധാന്യം സുതം ജായാം ഹയം ഹസ്തിനമേവ ച ।
ചതുര്‍വര്‍ഗം തഥാ ചാന്തേ ലഭേന്‍മുക്തിം ച ശാശ്വതീം ॥ 17 ॥
കുമാരീം പൂജയിത്വാ തു ധ്യാത്വാ ദേവീം സുരേശ്വരീം ।
പൂജയേത് പരയാ ഭക്ത്യാ പഠേന്നാമശതാഷ്ടകം ॥ 18 ॥
തസ്യ സിദ്ധിര്‍ഭവേദ് ദേവി സര്‍വൈഃ സുരവരൈരപി ।
രാജാനോ ദാസതാം യാന്തി രാജ്യശ്രിയമവാപ്നുയാത് ॥ 19 ॥
ഗോരോചനാലക്തകകുങ്കുമേവ സിന്ധൂരകര്‍പൂരമധുത്രയേണ ।
വിലിഖ്യ യന്ത്രം വിധിനാ വിധിജ്ഞോ ഭവേത് സദാ ധാരയതേ പുരാരിഃ ॥ 20 ॥
ഭൌമാവാസ്യാനിശാമഗ്രേ ചന്ദ്രേ ശതഭിഷാം ഗതേ ।
വിലിഖ്യ പ്രപഠേത് സ്തോത്രം സ ഭവേത് സമ്പദാം പദം ॥ 21 ॥
॥ ഇതി ശ്രീ വിശ്വസാരതന്ത്രേ ദുര്‍ഗാഷ്ടോത്തരശതനാമസ്തോത്രം സമാപ്തം ॥
Also Read:
Sri Durga Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
