Durga Stotram

Sri Meenakshi Navaratnamala Lyrics in English

Sri Meenakshi Navaratnamala in English:

॥ śrī mīnākṣī navaratnamālā ॥

gaurīṁ kāñcanapadminītaṭagr̥hāṁ śrīsundarēśapriyāṁ
nīpāraṇyasuvarṇakantukaparikrīḍāvilōlāmumāṁ |
śrīmatpāṇḍya kulācalāgravilasadratnapradīpāyitāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 1 ||

gaurīṁ vēdakadambakānanaśukīṁ śāstrāṭavīkēkinīṁ
vēdāntākhiladharmahēmanalinīhaṁsīṁ śivāṁ śāmbhavīṁ |
ōṅkārābujanīlamattamadhupāṁ mantrāmraśākhāpikāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 2 ||

gaurīṁ nūpuraśōbhitāṅghrikamalāṁ tūṇōllasajjaṅghikāṁ
dantādarśasamānajānuyugalāṁ rambhānibhōrūjjvalāṁ |
kāñcībaddhamanōjñapīna jaghanāmāvartanābhīhr̥dāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 3 ||

gaurīṁ vyōmasamānamadhyamadhr̥tāmuttuṅgavakṣōruhāṁ
vīṇāmañjulaśārikānvitakarāṁ śaṅkhābhakaṇṭhōjjvalāṁ |
rākācandrasamānacāruvadanāṁ lōlambanīlālakāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 4 ||

gaurīṁ kuṅkumapaṅkalēpitalasadvakṣōjakumbhōjjvalāṁ
kastūrītilakālikāmalayajōllēpōllasatkandharāṁ |
lākṣākardama śōbhipādayugalāṁ sindūrasīmantinīṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 5 ||

gaurīṁ mañjulamīnanētrayugalāṁ kōdaṇḍasubhrūlatāṁ
bimbōṣṭhīṁ jitakundadantarucirāṁ cāmpēyanāsōjjvalāṁ |
ardhēndupratibimbaphālarucirāmādarśagaṇḍasthalāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 6 ||

gaurīṁ kāñcanakaṅkaṇāṅgadadharāṁ nāsōllasanmauktikāṁ
kāñcīhārakirīṭakuṇḍalaśirōmāṇikyabhūṣōjjvalāṁ |
mañjīrāṅgulimudrikāṅghrikaṭakagraivēyakālaṅkr̥tāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 7 ||

gaurīṁ campakamallikādikusumāṁ punnāgasaugandhikāṁ
drōṇēndīvarakundajātivakulairābaddhacūlīyutāṁ |
mandārāruṇapuṣpakaitakadalaiḥ śrēṇīlasadvēṇikāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 8 ||

gaurīṁ dāḍimapuṣpavarṇavilasaddivyāmbarālaṅkr̥tāṁ
candrāmśōpamacārucāmarakarāṁ śrībhāratīsēvitāṁ |
nānāratnasuvarṇadaṇḍavilasanmuktātapatrōjjvalāṁ
mīnākṣīṁ madhurēśvarīṁ śukadharāṁ śrīpāṇḍyabālāṁ bhajē || 9 ||

vācā vā manasāpi vā girisutē kāyēna vā santataṁ
mīnākṣīti kadācidamba kurutētvannāmasaṅkīrtanaṁ |
lakṣmīḥ tasya gr̥hē vasatyanudinaṁ vāṇī ca vaktrāmbujē
dharmādyaṣṭacatuṣṭayaṁ karatalē prāptaṁ bhavēnniścayaḥ || 10 ||

Also Read:

Sri Meenakshi Navaratnamala Lyrics in English | Hindi |Kannada | Telugu | Tamil

bilimveyaratilisagaci.com - Meritroyalbet - Dinamobet -

eskişehir eskort

-

Dumanbet