Shri Meenakshi Pancharatnam in Malayalam:
॥ മീനാക്ഷീ പഞ്ചരത്നം ॥
॥ ശ്രീഃ ॥
॥ അഥ മീനാക്ഷീ പഞ്ചരത്നം ॥
ഉദ്യദ്ഭാനു സഹസ്രകോടിസദൃശാം കേയൂരഹാരോജ്ജ്വലാം
ബിംബോഷ്ഠീം സ്മിതദന്തപങ്ക്തിരുചിരാം പീതാംബരാലങ്കൃതാം .
വിഷ്ണുബ്രഹ്മസുരേന്ദ്രസേവിതപദാം തത്വസ്വരൂപാം ശിവാം
മീനാക്ഷീം പ്രണതോഽസ്മി സന്തതമഹം കാരുണ്യവാരാംനിധിം ॥ 1 ॥
മുക്താഹാരലസത്കിരീടരുചിരാം പൂർണേന്ദുവക്ത്ര പ്രഭാം
ശിഞ്ജന്നൂപുരകിങ്കിണിമണിധരാം പദ്മപ്രഭാഭാസുരാം .
സർവാഭീഷ്ടഫലപ്രദാം ഗിരിസുതാം വാണീരമാസേവിതാം
മീനാക്ഷീം പ്രണതോഽസ്മി സന്തതമഹം കാരുണ്യവാരാംനിധിം ॥ 2 ॥
ശ്രീവിദ്യാം ശിവവാമഭാഗനിലയാം ഹ്രീങ്കാരമന്ത്രോജ്ജ്വലാം
ശ്രീചക്രാങ്കിത ബിന്ദുമധ്യവസതിം ശ്രീമത്സഭാനായകീം .
ശ്രീമത്ഷൺമുഖവിഘ്നരാജജനനീം ശ്രീമജ്ജഗന്മോഹിനീം
മീനാക്ഷീം പ്രണതോഽസ്മി സന്തതമഹം കാരുണ്യവാരാംനിധിം ॥ 3 ॥
ശ്രീമത്സുന്ദരനായകീം ഭയഹരാം ജ്ഞാനപ്രദാം നിർമലാം
ശ്യാമാഭാം കമലാസനാർചിതപദാം നാരായണസ്യാനുജാം .
വീണാവേണുമൃദംഗവാദ്യരസികാം നാനാവിധാമംബികാം var നാനാവിധാഡംബികാം
മീനാക്ഷീം പ്രണതോഽസ്മി സന്തതമഹം കാരുണ്യവാരാംനിധിം ॥ 4 ॥
നാനായോഗിമുനീന്ദ്രഹൃന്നിവസതീം നാനാർഥസിദ്ധിപ്രദാം
നാനാപുഷ്പവിരാജിതാംഘ്രിയുഗലാം നാരായണേനാർചിതാം .
നാദബ്രഹ്മമയീം പരാത്പരതരാം നാനാർഥതത്വാത്മികാം
മീനാക്ഷീം പ്രണതോഽസ്മി സന്തതമഹം കാരുണ്യവാരാംനിധിം ॥ 5 ॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൗ
മീനാക്ഷീ പഞ്ചരത്നം സമ്പൂർണം .
Also Read:
Sri Meenakshi Pancharatnam Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
