Home / Ashtottara Shatanama / Sri Tulasi Ashtottara Shatanama Stotram Lyrics in Bengali

Sri Tulasi Ashtottara Shatanama Stotram Lyrics in Bengali

Tulasi Ashtottarahatanama Stotram Lyrics in Bengali:

॥ তুলস্যষ্টোত্তরশতনামস্তোত্রম্ ॥
॥ তুলস্যষ্টোত্তরশতনামস্তোত্রম্ ॥

তুলসী পাবনী পূজ্যা বৃন্দাবননিবাসিনী ।
জ্ঞানদাত্রী জ্ঞানময়ী নির্মলা সর্বপূজিতা ॥ ১ ॥

সতী পতিব্রতা বৃন্দা ক্ষীরাব্ধিমথনোদ্ভবা ।
কৃষ্ণবর্ণা রোগহন্ত্রী ত্রিবর্ণা সর্বকামদা ॥ ২ ॥

লক্ষ্মীসখী নিত্যশুদ্ধা সুদতী ভূমিপাবনী ।
হরিদ্রান্নৈকনিরতা হরিপাদকৃতালয়া ॥ ৩ ॥

পবিত্ররূপিণী ধন্যা সুগন্ধিন্যমৃতোদ্ভবা ।
সুরূপাঽঽরোগ্যদা তুষ্টা শক্তিত্রিতয়রূপিণী ॥ ৪ ॥

দেবী দেবর্ষিসংস্তুত্যা কান্তা বিষ্ণুমনঃপ্রিয়া।
ভূতবেতালভীতিঘ্নী মহাপাতকনাশিনী ॥ ৫ ॥

মনোরথপ্রদা মেধা কান্তির্বিজয়দায়িনী ।
শঙ্খচক্রগদাপদ্মধারিণী কামরূপিণী ॥ ৬ ॥

অপবর্গপ্রদা শ্যামা কৃশমধ্যা সুকেশিনী ।
বৈকুণ্ঠবাসিনী নন্দা বিম্বোষ্ঠী কোকিলস্বরা ॥ ৭ ॥

কপিলা নিম্নগাজন্মভূমিরায়ুষ্যদায়িনী ।
বনরূপা দুঃখনাশিন্যবিকারা চতুর্ভুজা ॥ ৮ ॥

গরুত্মদ্বাহনা শান্তা দান্তা বিঘ্ননিবারিণী ।
শ্রীবিষ্ণুমূলিকা পুষ্টিস্ত্রিবর্গফলদায়িনী ॥ ৯ ॥

মহাশক্তির্মহামায়া লক্ষ্মীবাণীসুপূজিতা ।
সুমঙ্গল্যর্চনপ্রীতা সৌমঙ্গল্যবিবর্ধিনী ॥ ১০ ॥

চাতুর্মাস্যোত্সবারাধ্যা বিষ্ণু সান্নিধ্যদায়িনী ।
উত্থানদ্বাদশীপূজ্যা সর্বদেবপ্রপূজিতা ॥ ১১ ॥

গোপীরতিপ্রদা নিত্যা নির্গুণা পার্বতীপ্রিয়া ।
অপমৃত্যুহরা রাধাপ্রিয়া মৃগবিলোচনা ॥ ১২ ॥

অম্লানা হংসগমনা কমলাসনবন্দিতা ।
ভূলোকবাসিনী শুদ্ধা রামকৃষ্ণাদিপূজিতা ॥ ১৩ ॥

সীতাপূজ্যা রামমনঃপ্রিয়া নন্দনসংস্থিতা ।
সর্বতীর্থময়ী মুক্তা লোকসৃষ্টিবিধায়িনী ॥ ১৪ ॥

প্রাতর্দৃশ্যা গ্লানিহন্ত্রী বৈষ্ণবী সর্বসিদ্ধিদা ।
নারায়ণী সন্ততিদা মূলমৃদ্ধারিপাবনী ॥ ১৫ ॥

অশোকবনিকাসংস্থা সীতাধ্যাতা নিরাশ্রয়া ।
গোমতীসরয়ূতীররোপিতা কুটিলালকা ॥ ১৬ ॥

অপাত্রভক্ষ্যপাপঘ্নী দানতোয়বিশুদ্ধিদা
শ্রুতিধারণসুপ্রীতা শুভা সর্বেষ্টদায়িনী ॥ ১৭ ॥

নাম্নাং শতং সাষ্টকং তত্তুলস্যাঃ সর্বমঙ্গলম্ ।
সৌমঙ্গল্যপ্রদং প্রাতঃ পঠেদ্ভক্ত্যা সুভাগ্যদম্ ।
লক্ষ্মীপতিপ্রসাদেন সর্ববিদ্যাপ্রদং নৃণাম্ ॥ ১৮ ॥

ইতি তুলস্যষ্টোত্তরশতনামস্তোত্রং সম্পূর্ণম্ ।

Also Read:

Sri Tulasi Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment