Ashtottara Shatanama

Sri Tulasi Ashtottara Shatanama Stotram Lyrics in Malayalam

Tulasi Ashtottarahatanama Stotram Lyrics in Malayalam:

॥ തുലസ്യഷ്ടോത്തരശതനാമസ്തോത്രം ॥
॥ തുലസ്യഷ്ടോത്തരശതനാമസ്തോത്രം ॥

തുലസീ പാവനീ പൂജ്യാ വൃന്ദാവനനിവാസിനീ ।
ജ്ഞാനദാത്രീ ജ്ഞാനമയീ നിര്‍മലാ സര്‍വപൂജിതാ ॥ 1 ॥

സതീ പതിവ്രതാ വൃന്ദാ ക്ഷീരാബ്ധിമഥനോദ്ഭവാ ।
കൃഷ്ണവര്‍ണാ രോഗഹന്ത്രീ ത്രിവര്‍ണാ സര്‍വകാമദാ ॥ 2 ॥

ലക്ഷ്മീസഖീ നിത്യശുദ്ധാ സുദതീ ഭൂമിപാവനീ ।
ഹരിദ്രാന്നൈകനിരതാ ഹരിപാദകൃതാലയാ ॥ 3 ॥

പവിത്രരൂപിണീ ധന്യാ സുഗന്ധിന്യമൃതോദ്ഭവാ ।
സുരൂപാഽഽരോഗ്യദാ തുഷ്ടാ ശക്തിത്രിതയരൂപിണീ ॥ 4 ॥

ദേവീ ദേവര്‍ഷിസംസ്തുത്യാ കാന്താ വിഷ്ണുമനഃപ്രിയാ।
ഭൂതവേതാലഭീതിഘ്നീ മഹാപാതകനാശിനീ ॥ 5 ॥

മനോരഥപ്രദാ മേധാ കാന്തിര്‍വിജയദായിനീ ।
ശങ്ഖചക്രഗദാപദ്മധാരിണീ കാമരൂപിണീ ॥ 6 ॥

അപവര്‍ഗപ്രദാ ശ്യാമാ കൃശമധ്യാ സുകേശിനീ ।
വൈകുണ്ഠവാസിനീ നന്ദാ ബിംബോഷ്ഠീ കോകിലസ്വരാ ॥ 7 ॥

കപിലാ നിംനഗാജന്‍മഭൂമിരായുഷ്യദായിനീ ।
വനരൂപാ ദുഃഖനാശിന്യവികാരാ ചതുര്‍ഭുജാ ॥ 8 ॥

ഗരുത്മദ്വാഹനാ ശാന്താ ദാന്താ വിഘ്നനിവാരിണീ ।
ശ്രീവിഷ്ണുമൂലികാ പുഷ്ടിസ്ത്രിവര്‍ഗഫലദായിനീ ॥ 9 ॥

മഹാശക്തിര്‍മഹാമായാ ലക്ഷ്മീവാണീസുപൂജിതാ ।
സുമങ്ഗല്യര്‍ചനപ്രീതാ സൌമങ്ഗല്യവിവര്‍ധിനീ ॥ 10 ॥

ചാതുര്‍മാസ്യോത്സവാരാധ്യാ വിഷ്ണു സാന്നിധ്യദായിനീ ।
ഉത്ഥാനദ്വാദശീപൂജ്യാ സര്‍വദേവപ്രപൂജിതാ ॥ 11 ॥

ഗോപീരതിപ്രദാ നിത്യാ നിര്‍ഗുണാ പാര്‍വതീപ്രിയാ ।
അപമൃത്യുഹരാ രാധാപ്രിയാ മൃഗവിലോചനാ ॥ 12 ॥

അംലാനാ ഹംസഗമനാ കമലാസനവന്ദിതാ ।
ഭൂലോകവാസിനീ ശുദ്ധാ രാമകൃഷ്ണാദിപൂജിതാ ॥ 13 ॥

സീതാപൂജ്യാ രാമമനഃപ്രിയാ നന്ദനസംസ്ഥിതാ ।
സര്‍വതീര്‍ഥമയീ മുക്താ ലോകസൃഷ്ടിവിധായിനീ ॥ 14 ॥

പ്രാതര്‍ദൃശ്യാ ഗ്ലാനിഹന്ത്രീ വൈഷ്ണവീ സര്‍വസിദ്ധിദാ ।
നാരായണീ സന്തതിദാ മൂലമൃദ്ധാരിപാവനീ ॥ 15 ॥

അശോകവനികാസംസ്ഥാ സീതാധ്യാതാ നിരാശ്രയാ ।
ഗോമതീസരയൂതീരരോപിതാ കുടിലാലകാ ॥ 16 ॥

അപാത്രഭക്ഷ്യപാപഘ്നീ ദാനതോയവിശുദ്ധിദാ
ശ്രുതിധാരണസുപ്രീതാ ശുഭാ സര്‍വേഷ്ടദായിനീ ॥ 17 ॥

നാംനാം ശതം സാഷ്ടകം തത്തുലസ്യാഃ സര്‍വമങ്ഗലം ।
സൌമങ്ഗല്യപ്രദം പ്രാതഃ പഠേദ്ഭക്ത്യാ സുഭാഗ്യദം ।
ലക്ഷ്മീപതിപ്രസാദേന സര്‍വവിദ്യാപ്രദം നൃണാം ॥ 18 ॥

ഇതി തുലസ്യഷ്ടോത്തരശതനാമസ്തോത്രം സമ്പൂര്‍ണം ।

Also Read:

Sri Tulasi Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil