Tulasi Ashtottarahatanama Stotram Lyrics in Telugu:
॥ తులస్యష్టోత్తరశతనామస్తోత్రమ్ ॥
॥ తులస్యష్టోత్తరశతనామస్తోత్రమ్ ॥
తులసీ పావనీ పూజ్యా వృన్దావననివాసినీ ।
జ్ఞానదాత్రీ జ్ఞానమయీ నిర్మలా సర్వపూజితా ॥ ౧ ॥
సతీ పతివ్రతా వృన్దా క్షీరాబ్ధిమథనోద్భవా ।
కృష్ణవర్ణా రోగహన్త్రీ త్రివర్ణా సర్వకామదా ॥ ౨ ॥
లక్ష్మీసఖీ నిత్యశుద్ధా సుదతీ భూమిపావనీ ।
హరిద్రాన్నైకనిరతా హరిపాదకృతాలయా ॥ ౩ ॥
పవిత్రరూపిణీ ధన్యా సుగన్ధిన్యమృతోద్భవా ।
సురూపాఽఽరోగ్యదా తుష్టా శక్తిత్రితయరూపిణీ ॥ ౪ ॥
దేవీ దేవర్షిసంస్తుత్యా కాన్తా విష్ణుమనఃప్రియా।
భూతవేతాలభీతిఘ్నీ మహాపాతకనాశినీ ॥ ౫ ॥
మనోరథప్రదా మేధా కాన్తిర్విజయదాయినీ ।
శఙ్ఖచక్రగదాపద్మధారిణీ కామరూపిణీ ॥ ౬ ॥
అపవర్గప్రదా శ్యామా కృశమధ్యా సుకేశినీ ।
వైకుణ్ఠవాసినీ నన్దా బిమ్బోష్ఠీ కోకిలస్వరా ॥ ౭ ॥
కపిలా నిమ్నగాజన్మభూమిరాయుష్యదాయినీ ।
వనరూపా దుఃఖనాశిన్యవికారా చతుర్భుజా ॥ ౮ ॥
గరుత్మద్వాహనా శాన్తా దాన్తా విఘ్ననివారిణీ ।
శ్రీవిష్ణుమూలికా పుష్టిస్త్రివర్గఫలదాయినీ ॥ ౯ ॥
మహాశక్తిర్మహామాయా లక్ష్మీవాణీసుపూజితా ।
సుమఙ్గల్యర్చనప్రీతా సౌమఙ్గల్యవివర్ధినీ ॥ ౧౦ ॥
చాతుర్మాస్యోత్సవారాధ్యా విష్ణు సాన్నిధ్యదాయినీ ।
ఉత్థానద్వాదశీపూజ్యా సర్వదేవప్రపూజితా ॥ ౧౧ ॥
గోపీరతిప్రదా నిత్యా నిర్గుణా పార్వతీప్రియా ।
అపమృత్యుహరా రాధాప్రియా మృగవిలోచనా ॥ ౧౨ ॥
అమ్లానా హంసగమనా కమలాసనవన్దితా ।
భూలోకవాసినీ శుద్ధా రామకృష్ణాదిపూజితా ॥ ౧౩ ॥
సీతాపూజ్యా రామమనఃప్రియా నన్దనసంస్థితా ।
సర్వతీర్థమయీ ముక్తా లోకసృష్టివిధాయినీ ॥ ౧౪ ॥
ప్రాతర్దృశ్యా గ్లానిహన్త్రీ వైష్ణవీ సర్వసిద్ధిదా ।
నారాయణీ సన్తతిదా మూలమృద్ధారిపావనీ ॥ ౧౫ ॥
అశోకవనికాసంస్థా సీతాధ్యాతా నిరాశ్రయా ।
గోమతీసరయూతీరరోపితా కుటిలాలకా ॥ ౧౬ ॥
అపాత్రభక్ష్యపాపఘ్నీ దానతోయవిశుద్ధిదా
శ్రుతిధారణసుప్రీతా శుభా సర్వేష్టదాయినీ ॥ ౧౭ ॥
నామ్నాం శతం సాష్టకం తత్తులస్యాః సర్వమఙ్గలమ్ ।
సౌమఙ్గల్యప్రదం ప్రాతః పఠేద్భక్త్యా సుభాగ్యదమ్ ।
లక్ష్మీపతిప్రసాదేన సర్వవిద్యాప్రదం నృణామ్ ॥ ౧౮ ॥
ఇతి తులస్యష్టోత్తరశతనామస్తోత్రం సమ్పూర్ణమ్ ।
Also Read:
Sri Tulasi Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil