Sri Vallabhesha Karavalamba Stotram in English:
॥ śrī vallabhēśa karāvalamba stōtram ॥
(dhanyavāda – brahmaśrī sāmavēdaṁ ṣaṇmukha śarmā)
ōmaṅghripadmamakarandakulāmr̥taṁ tē
nityaṁ yajanti divi yat surasiddhasaṅghāḥ |
jñātvāmr̥taṁ ca gaṇaśastadahaṁ bhajāmi
śrīvallabhēśa mama dēhi karāvalambam || 1 ||
śrīmātr̥sūnumadhunā śaraṇaṁ prapadyē
dāridryaduḥkhaśamanaṁ kuru mē gaṇēśa |
matsaṅkaṭaṁ ca sakalaṁ hara vighnarāja
śrīvallabhēśa mama dēhi karāvalambam || 2 ||
gaṅgādharātmaja vināyaka mūlamūrtē
vyādhiṁ javēna vinivāraya phālacandra |
vijñānadr̥ṣṭimaniśaṁ mayi sannidhēhi
śrīvallabhēśa mama dēhi karāvalambam || 3 ||
gaṇyaṁ madīya bhavanaṁ ca vidhāya dr̥ṣṭyā
maddāraputratanayān sahasāṁ śca sarvān |
āgatya cāśu paripālaya śūrpakarṇa
śrīvallabhēśa mama dēhi karāvalambam || 4 ||
ṇākāra mantraghaṭitaṁ tava yantrarājaṁ
bhaktyā smarāmi satataṁ diśa sampadō mē |
udyōgasiddhimatulāṁ kavitāṁ ca lakṣmīṁ
śrīvallabhēśa mama dēhi karāvalambam || 5 ||
pādādikēśamakhilaṁ sudhayā ca pūrṇaṁ
kōśāgnipañcakamidaṁ śivabhūtabījam |
tvadrūpavaibhavamahōjanatā na vētti
śrīvallabhēśa mama dēhi karāvalambam || 6 ||
tāpatrayaṁ mama harāmr̥tadr̥ṣṭivr̥ṣṭyā
pāpaṁ vyapōhaya gajānana śāpatō mē
duṣṭaṁ vidhātr̥likhitaṁ parimārjayāśu
śrīvallabhēśa mama dēhi karāvalambam || 7 ||
yē tvāṁ bhajanti śivakalpataruṁ praśastaṁ
tēbhyō dadāsi kuśalaṁ nikhilārthalābham |
mahyaṁ tathaiva sakalaṁ diśa vakratuṇḍa
śrīvallabhēśa mama dēhi karāvalambam || 8 ||
nādāntavēdyamamalaṁ tava pādapadmaṁ
nityaṁ yajē vibudha ṣaṭpadasēvyamānam |
sattāśamādyamakhilaṁ diśa mē gaṇēśa
śrīvallabhēśa mama dēhi karāvalambam || 9 ||
mōdāmr̥tēna tava māṁ snapayāśu bālaṁ
pāpābdhipaṅkagalitaṁ ca sahāyahīnam
vastrādibhūṣaṇadhanāni ca vāhanādīn
śrīvallabhēśa mama dēhi karāvalambam || 10 ||
śrīvallabhēśa daśakaṁ haṭhayōgasādhyaṁ
hēramba tē bhagavatīśvara bhr̥ṅganādam |
śrutvāniśaṁ śrutividaḥ kulayōginō yē
bhūtipradaṁ bhuvi janassudhiyō ramantām || 11 ||
Also Read:
Sri Vallabhesha Karavalamba Stotram Lyrics in English | Sanskrit | Kannada | Telugu | Tamil
