Meenakshi

Sri Yoga Meenakshi Stotram Lyrics in Gujarati

Shri Yogaminakshi Stotram in Gujarati:

॥ શ્રીયોગમીનાક્ષીસ્તોત્રમ્ ॥
શિવાનન્દપીયૂષરત્નાકરસ્થાં શિવબ્રહ્મવિષ્ણ્વામરેશાભિવન્દ્યામ્ ।
શિવધ્યાનલગ્નાં શિવજ્ઞાનમૂર્તિં શિવાખ્યામતીતાં ભજે પાણ્ડ્યબાલામ્ ॥ ૧ ॥

શિવાદિસ્ફુરત્પઞ્ચમઞ્ચાધિરૂઢાં ધનુર્બાણપાશાઙ્કુશોત્ભાસિહસ્તામ્ ।
નવીનાર્કવર્ણાં નવીનેન્દુચૂડાં પરબ્રહ્મપત્નીં ભજે પાણ્ડ્યબાલામ્ ॥ ૨ ॥

કિરીટાઙ્ગદોદ્ભાસિમાઙ્ગલ્યસૂત્રાં સ્ફુરન્મેખલાહારતાટઙ્ગભૂષામ્ ।
પરામન્ત્રકાં પાણ્ડ્યસિંહાસનસ્થાં પરન્ધામરૂપાં ભજે પાણ્ડ્યબાલામ્ ॥ ૩ ॥
લલામાઞ્ચિતસ્નિગ્ધફાલેન્દુભાગાં લસન્નીરજોત્ફુલ્લકલ્હારસંસ્થામ્ ।
લલાટેક્ષણાર્ધાઙ્ગલગ્નોજ્જ્વલાઙ્ગીં પરન્ધામરૂપાં ભજે પાણ્ડ્યબાલામ્ ॥ ૪ ॥

ત્રિખણ્ડાત્મવિદ્યાં ત્રિબિન્દુસ્વરૂપાં ત્રિકોણે લસન્તીં ત્રિલોકાવનમ્રામ્ ।
ત્રિબીજાધિરૂઢાં ત્રિમૂર્ત્યાત્મવિદ્યાં પરબ્રહ્મપત્નીં ભજે પાણ્ડ્યબાલામ્ ॥ ૫ ॥

સદા બિન્દુમધ્યોલ્લસદ્વેણિરમ્યાં સમુત્તુઙ્ગવક્ષોજભારાવનમ્રામ્ ।
ક્વણન્નૂપુરોપેતલાક્ષારસાર્દ્રસ્પુરત્પાદપદ્માં ભજે પાણ્ડ્યબાલામ્ ॥ ૬ ॥

યમાદ્યષ્ટયોગાઙ્ગરૂપામરૂપામકારાત્ક્ષકારાન્તવર્ણામવર્ણામ્ ।
અખણ્ડામનન્યામચિન્ત્યામલક્ષ્યામમેયાત્મવિદ્યાં ભજે પાણ્ડ્યબાલામ્ ॥ ૭ ॥

સુધાસાગરાન્તે મણિદ્વીપમધ્યે લસત્કલ્પવૃક્ષોજ્જ્વલદ્બિન્દુચક્રે ।
મહાયોગપીઠે શિવાકારમઞ્ચે સદા સન્નિષણ્ણાં ભજે પાણ્ડ્યબાલામ્ ॥ ૮ ॥

સુષુમ્નાન્તરન્ધ્રે સહસ્રારપદ્મે રવીન્દ્વગ્નિસમ્યુક્તચિચ્ચક્રમધ્યે ।
સુધામણ્ડલસ્થે સુનિર્વાણાપીઠે સદા સઞ્ચરન્તીં ભજે પાણ્ડ્યબાલામ્ ॥ ૯ ॥
ષડન્તે નવાન્તે લસદ્દ્વાદશાન્તે મહાબિન્દુમધ્યે સુનાદાન્તરાળે ।
શિવાખ્યે કલાતીતનિશ્શબ્દદેશે સદા સઞ્ચરન્તીં ભજે પાણ્ડ્યબાલામ્ ॥ ૧૦ ॥

ચતુર્માર્ગમધ્યે સુકોણાન્તરઙ્ગે ખરન્ધ્રે સુધાકારકૂપાન્તરાળે ।
નિરાલમ્બપદ્મે કલાષોડશાન્તે સદા સઞ્ચરન્તીં ભજે પાણ્ડ્યબાલામ્ ॥ ૧૧ ॥

પુટદ્વન્દ્વનિર્મુક્તવાયુપ્રલીનપ્રકાશાન્તરાલે ધ્રુવોપેતરમ્યે ।
મહાષોડશાન્તે મનોનાશદેશે સદા સઞ્ચરન્તીં ભજે પાણ્ડ્યબાલામ્ ॥ ૧૨ ॥

ચતુષ્પત્રમધ્યે સુકોણત્રયાન્તે ત્રિમૂર્ત્યાધિવાસે ત્રિમાર્ગાન્તરાળે ।
સહસ્રારપદ્મોચિતાં ચિત્પ્રકાશપ્રવાહપ્રલીનાં ભજે પાણ્ડ્યબાલામ્ ॥ ૧૩ ॥

લસદ્દ્વાદશાન્તેન્દુપીયૂષધારાવૃતાં મૂર્તિમાનન્દમગ્નાન્તરઙ્ગામ્ ।
પરાં ત્રિસ્તનીં તાં ચતુષ્કૂટમધ્યે પરન્ધામરૂપાં ભજે પાણ્ડ્યબાલામ્ ॥ ૧૪ ॥

સહસ્રારપદ્મે સુષુમ્નાન્તમાર્ગે સ્ફુરચ્ચન્દ્રપીયૂષધારાં પિબન્તીમ્ ।
સદા સ્રાવયન્તીં સુધામૂર્તિમમ્બાં પરઞ્જ્યોતિરૂપાં ભજે પાણ્ડ્યબાલામ્ ॥ ૧૫ ॥

નમસ્તે સદા પાણ્ડ્યરાજેન્દ્રકન્યે નમસ્તે સદા સુન્દરેશાઙ્કવાસે ।
નમસ્તે નમસ્તે સુમીનાક્ષિ દેવિ નમસ્તે નમસ્તે પુનસ્તે નમોઽસ્તુ ॥ ૧૬ ॥

ઇતિ શ્રીયોગમીનાક્ષીસ્તોત્રં સમ્પૂર્ણમ્ ।

Also Read:

Sri YogaMeenakshi Amman Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil