Srikanta Ashtakam in Kannada:
॥ ಶ್ರೀಕಣ್ಠ ಅಷ್ಟಕಮ್ ॥
ಯಃ ಪಾದಪಪಿಹಿತತನುಃ ಪ್ರಕಾಶತಾಂ ಪರಶುರಾಮೇಣ |
ನೀತಃ ಸೋಽವ್ಯಾತ್ಸತತಂ ಶ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೧ ॥
ಯಃ ಕಾಲಂ ಜಿತಗರ್ವಂ ಕ್ರ‍ೃತ್ವಾ ಕ್ಷಣತೋ ಮೃಕಣ್ಡುಮುನಿಸೂನುಮ್ |
ನಿರ್ಭಯಮಕರೋತ್ಸೋಽವ್ಯಚ್ಛ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೨ ॥
ಕುಷ್ಠಾಪಸ್ಮಾರಮುಖಾ ರೋಗಾ ಯತ್ಪಾದಸೇವನಾತ್ಸಹಸಾ |
ಪ್ರಶಮಂ ಪ್ರಯಾನ್ತಿ ಸೋಽವ್ಯಾಚ್ಛ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೩ ॥
ಯದವಿದ್ಯೈವ ಜಗದಿದಮಖಿಲಂ ಪ್ರತಿಭಾತಿ ಸತ್ಯವತ್ಪೂರ್ವಮ್ |
ಜ್ಞಾನಾತ್ಸೋಽವ್ಯಾತ್ಸತತಂ ಶ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೪ ॥
ಯತಿವೃನ್ದವನ್ದ್ಯಚರಣಃ ಕಮಿತಾ ಧರಣೀಧರೇನ್ದ್ರತನಯಾಯಾಃ |
ಶ್ರೀಶಾದಿವನ್ದಿತೋ‍ಽವ್ಯಾಚ್ಛ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೫ ॥
ಯೋ ದಕ್ಷಿಣಾಸ್ಯರೂಪಂ ಧೃತ್ವಾ ವಿಜ್ಞಾನದಾನಕೃತದೀಕ್ಷಃ |
ಮುಗ್ಧೇಭ್ಯೋಽಪಿ ಸ ಪಾಯಾಚ್ಛ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೬ ॥
ಅನ್ಧೋಽಪಿ ಯತ್ಕರುಣಯಾ ಚಕ್ಷುಷ್ಮಾನ್ಭವತಿ ಸತ್ವರಂ ಲೋಕೇ |
ಕರುಣಾನಿಧಿಃ ಸ ಪಾಯಾಚ್ಛ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೭ ॥
ಕಪಿಲಾತಟಾದೃತಗತಿಃ ಕಪಿಲಾದಿಮುನೀನ್ದ್ರವನ್ದ್ಯಪದಪದ್ಮಃ |
ಶ್ರೀದಃ ಪಾಯಾತ್ಸತತಂ ಶ್ರೀಕಣ್ಠಃ ಪಾದನಮ್ರಕಲ್ಪತರುಃ ॥ ೮ ॥
ಶ್ರೀಕಣ್ಠಾಷ್ಟಕಮೇತತ್ಪಠತಿ ಜನೋ ಯಃ ಕ್ರ‍ೃತಾದರಃ ಸತತಮ್ |
ಶ್ರೀವಿದ್ಯಾಸದನಂ ಸ ಪ್ರಭವೇನ್ನೈವಾತ್ರ ಸನ್ದೇಹಃ ॥ ೯ ॥
ಇತಿ ಶ್ರೀಕಣ್ಠಾಷ್ಟಕಂ ಸಂಪೂರ್ಣಮ್ ॥
Also Read:
Srikanta Ashtakam Lyrics in Marathi | Gujarati | Bengali | Kannada | Malayalam | Telugu
