Shiva Stotram

Srikanta Ashtakam Lyrics in Malayalam | Malayalam Shlokas

Srikanta Ashtakam in Malayalam:

॥ ശ്രീകണ്ഠ ॥
യഃ പാദപപിഹിതതനുഃ പ്രകാശതാം പരശുരാമേണ |
നീതഃ സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ॥ ൧ ॥

യഃ കാലം ജിതഗര്വം കൃത്വാ ക്ഷണതോ മൃകണ്ഡുമുനിസൂനും |
നിര്ഭയമകരോത്സോഽവ്യച്ഛ്രീകണ്ഠഃ പാദനമ്രകല്പതരുഃ ॥ ൨ ॥

കുഷ്ഠാപസ്മാരമുഖാ രോഗാ യത്പാദസേവനാത്സഹസാ |
പ്രശമം പ്രയാന്തി സോഽവ്യാച്ഛ്രീകണ്ഠഃ പാദനമ്രകല്പതരുഃ ॥ ൩ ॥

യദവിദ്യൈവ ജഗദിദമഖിലം പ്രതിഭാതി സത്യവത്പൂര്വം |
ജ്ഞാനാത്സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ॥ ൪ ॥

യതിവൃന്ദവന്ദ്യചരണഃ കമിതാ ധരണീധരേന്ദ്രതനയായാഃ |
ശ്രീശാദിവന്ദിതോ‍ഽവ്യാച്ഛ്രീകണ്ഠഃ പാദനമ്രകല്പതരുഃ ॥ ൫ ॥

യോ ദക്ഷിണാസ്യരൂപം ധൃത്വാ വിജ്ഞാനദാനകൃതദീക്ഷഃ |
മുഗ്ധേഭ്യോഽപി സ പായാച്ഛ്രീകണ്ഠഃ പാദനമ്രകല്പതരുഃ ॥ ൬ ॥

അന്ധോഽപി യത്കരുണയാ ചക്ഷുഷ്മാന്ഭവതി സത്വരം ലോകേ |
കരുണാനിധിഃ സ പായാച്ഛ്രീകണ്ഠഃ പാദനമ്രകല്പതരുഃ ॥ ൭ ॥

കപിലാതടാദൃതഗതിഃ കപിലാദിമുനീന്ദ്രവന്ദ്യപദപദ്മഃ |
ശ്രീദഃ പായാത്സതതം ശ്രീകണ്ഠഃ പാദനമ്രകല്പതരുഃ ॥ ൮ ॥

ശ്രീകണ്ഠാഷ്ടകമേതത്പഠതി ജനോ യഃ കൃതാദരഃ സതതം |
ശ്രീവിദ്യാസദനം സ പ്രഭവേന്നൈവാത്ര സന്ദേഹഃ ॥ ൯ ॥

ഇതി ശ്രീകണ്ഠാഷ്ടകം സംപൂര്ണം ॥

Also Read:

Srikanta Ashtakam Lyrics in Marathi | GujaratiBengali | Kannada | Malayalam | Telugu

Add Comment

Click here to post a comment