Uma Ashtottara Sathanama Sthothra Lyrics in Gujarati:
ઉમાઽષ્ટોત્તરશતનામસ્તોત્રમ્
શ્રીગણેશાય નમઃ ।
શ્રીઉમામહેશ્વરાભ્યાં નમઃ ।
પાતુ નઃ પાર્વતી દુર્ગા હૈમવત્યમ્બિકા શુભા ।
શિવા ભવાની રુદ્રાણી શઙ્કરાર્ધશરીરિણી ॥ ૧ ॥
ૐ ઉમા કાત્યાયની ગૌરી કાલી હૈમવતીશ્વરી ।
શિવા ભવાની રુદ્રાણી શર્વાણી સર્વમઙ્ગલા ॥ ૨ ॥
અપર્ણા પાર્વતી દુર્ગા મૃડાની ચણ્ડિકાઽમ્બિકા ।
આર્યા દાક્ષાયણી ચૈવ ગિરિજા મેનકાત્મજા ॥ ૩ ॥
સ્કન્દામાતા દયાશીલાસુન્દરી ભક્તરક્ષકા ।
ભક્તવશ્યા ચ લાવણ્યનિધિઃ સર્વસુખપ્રદા ॥ ૪ ॥
મહાદેવી ભક્તમનોહ્વલાદિની કઠિનસ્તની ।
કમલાક્ષી દયાસારા કામાક્ષી નિત્યયૌવના ॥ ૫ ॥
સર્વસમ્પત્પ્રદા કાન્તા સર્વસંમોહિની મહી ।
શુભપ્રિયા કમ્બુકણ્ઠી કલ્યાણી કમલપ્રિયા ॥ ૬ ॥
સર્વેશ્વરી ચ કમલહસ્તાવિષ્ણુસહોદરી ।
વીણાવાદપ્રિયા સર્વદેવસમ્પૂજિતાઙ્ઘ્રિકા ॥ ૭ ॥
કદમ્બારણ્યનિલયા વિન્ધ્યાચલનિવાસિની ।
હરપ્રિયા કામકોટિપીઠસ્થા વાઞ્છિતાર્થદા ॥ ૮ ॥
શ્યામાઙ્ગા ચન્દ્રવદના સર્વવેદસ્વરૂપિણી ।
સર્વશાસ્ત્રસ્વરૂપાચ સર્વદેવમયી તથા ॥ ૯ ॥
પુરુહૂતસ્તુતા દેવી સર્વવેદ્યા ગુણપ્રિયા ।
પુણ્યસ્વરૂપિણી વેદ્યા પુરુહૂતસ્વરૂપિણી ॥ ૧૦ ॥
પુણ્યોદયા નિરાધારા શુનાસીરાદિપૂજિતા ।
નિત્યપૂર્ણા મનોગમ્યા નિર્મલાઽઽનન્દપૂરિતા ॥ ૧૧ ॥
વાગીશ્વરી નીતિમતી મઞ્જુલા મઙ્ગલપ્રદા ।
વાગ્મિની વઞ્જુલા વન્દ્યા વયોઽવસ્થાવિવર્જિતા ॥ ૧૨ ॥
વાચસ્પતિર્મહાલક્ષ્મીર્મહામઙ્ગલનાયિકા ।
સિંહાસનમયી સૃષ્ટિસ્થિતિસંહારકારિણી ॥ ૧૩ ॥
મહાયજ્ઞાનેત્રરૂપા સાવિત્રી જ્ઞાનરૂપિણી ।
વરરૂપધરાયોગા મનોવાચામગોચરા ॥ ૧૪ ॥
દયારૂપા ચ કાલજ્ઞા શિવધર્મપરાયણા ।
વજ્રશક્તિધરા ચૈવ સૂક્ષ્માઙ્ગી પ્રાણધારિણી ॥ ૧૫ ॥
હિમશૈલકુમારી ચ શરણાગતરક્ષિણી ।
સર્વાગમસ્વરૂપા ચ દક્ષિણા શઙ્કરપ્રિયા ॥ ૧૬ ॥
દયાધારા મહાનાગધારિણી ત્રિપુરભૈરવી ।
નવીનચન્દ્રચૂડસ્ય પ્રિયા ત્રિપુરસુન્દરી ॥ ૧૭ ॥
નામ્નામષ્ટોત્તરશતં ઉમાયાઃ કીર્તિતં સકૃત્ ।
શાન્તિદં કીર્તિદં લક્ષ્મીયશોમેધાપ્રદાયકમ્ ॥ ૧૮ ॥
॥ ઇતિ શ્રીઉમાઽષ્ટોત્તરશતનામસ્તોત્રં સમ્પૂર્ણમ્ ॥
Also Read:
Uma Ashtottara Satanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
