Vakaradi Sri Varahashtottarashatanama Stotram Lyrics in Gujarati:
॥ વકારાદિ શ્રીવરાહાષ્ટોત્તરશતનામસ્તોત્રમ્ ॥
શ્રી હયગ્રીવાય નમઃ ।
હરિઃ ૐ
વરાહો વરદો વન્દ્યો વરેણ્યો વસુદેવભાઃ ।
વષટ્કારો વસુનિધિર્વસુધોદ્ધરણો વસુઃ ॥ ૧ ॥
વસુદેવો વસુમતીદંષ્ટ્રો વસુમતીપ્રિયઃ ।
વનધિસ્તોમરોમાન્ધુ ર્વજ્રરોમા વદાવદઃ ॥ ૨ ॥
વલક્ષાઙ્ગો વશ્યવિશ્વો વસુધાધરસન્નિભઃ ।
વનજોદરદુર્વારવિષાદધ્વંસનોદયઃ ॥ ૩ ॥
વલ્ગત્સટાજાતવાતધૂતજીમૂતસંહતિઃ ।
વજ્રદંષ્ટ્રાગ્રવિચ્છિન્ન હિરણ્યાક્ષધરાધરઃ ॥ ૪ ॥
વશિષ્ટાદ્યર્ષિનિકરસ્તૂયમાનો વનાયનઃ ।
વનજાસનરુદ્રેન્દ્રપ્રસાદિત મહાશયઃ ॥ ૫ ॥
વરદાનવિનિર્ધૂતબ્રહ્મબ્રાહ્મણસંશયઃ ।
વલ્લભો વસુધાહારિરક્ષોબલનિષૂદનઃ ॥ ૬ ॥
વજ્રસારખુરાઘાતદલિતાબ્ધિરસાહિવઃ ।
વલાદ્વાલોત્કટાટોપધ્વસ્તબ્રહ્માણ્ડકર્પરઃ ॥ ૭ ॥
વદનાન્તર્ગતાયાત બ્રહ્માણ્ડશ્વાસપદ્ધતિઃ ।
વર્ચસ્વી વરદંષ્ટ્રાગ્રસમુન્મીલિતદિક્તટઃ ॥ ૮ ॥
વનજાસનનાસાન્તર્હંસવાહાવરોહિતઃ ।
વનજાસનદૃક્પદ્મવિકાસાદ્ભુતભાસ્કરઃ ॥ ૯ ॥
વસુધાભ્રમરારૂઢદંષ્ટ્રાપદ્માગ્રકેસરઃ ।
વસુધાધૂમમષિકા રમ્યદંષ્ટ્રાપ્રદીપકઃ ॥ ૧૦ ॥
વસુધાસહસ્રપત્રમૃણાલાયિત દંષ્ટ્રિકઃ ।
વસુધેન્દીવરાક્રાન્તદંષ્ટ્રાચન્દ્રકલાઞ્ચિતઃ ॥ ૧૧ ॥
વસુધાભાજનાલમ્બદંષ્ટ્રારજતયષ્ટિકઃ ।
વસુધાભૂધરાવેધિ દંષ્ટ્રાસૂચીકૃતાદ્ભુતઃ ॥ ૧૨ ॥
વસુધાસાગરાહાર્યલોકલોકપધૃદ્રદઃ ।
વસુધાવસુધાહારિરક્ષોધૃચ્છૃઙ્ગયુગ્મકઃ ॥ ૧૩ ॥
વસુધાધસ્સમાલમ્બિનાલસ્તમ્ભ પ્રકમ્પનઃ ।
વસુધાચ્છત્રરજતદણ્ડચ્છૃઙ્ગમનોરમઃ ॥ ૧૪ ॥
વતંસીકૃતમન્દારો વલક્ષીકૃતભૂતલઃ ।
વરદીકૃતવૃત્તાન્તો વસુધીકૃતસાગરઃ ॥ ૧૫ ॥
વશ્યમાયો વરગુણક્રિયાકારો વરાભિધઃ ।
વરુણાલયવાસ્તવ્યજન્તુવિદ્રાવિઘુર્ઘુરઃ ॥ ૧૬ ॥
વરુણાલયવિચ્છેત્તા વરુણાદિદુરાસદઃ ।
વનજાસનસન્તાનાવનજાત મહાકૃપઃ ॥ ૧૭ ॥
વત્સલો વહ્નિવદનો વરાહવમયો વસુઃ ।
વનમાલી વન્દિવેદો વયસ્થો વનજોદરઃ ॥ ૧૮ ॥
વેદત્વચે વેદવિદે વેદિને વેદવાદિને ।
વેદવેદાઙ્ગતત્ત્વજ્ઞ નમસ્તે વેદમૂર્તયે ॥ ૧૯ ॥
વેદવિદ્વેદ્ય વિભવો વેદેશો વેદરક્ષણઃ ।
વેદાન્તસિન્ધુસઞ્ચારી વેદદૂરઃ પુનાતુ મામ્ ॥ ૨૦ ॥
વેદાન્તસિન્ધુમધ્યસ્થાચલોદ્ધર્તા વિતાનકૃત્ ।
વિતાનેશો વિતાનાઙ્ગો વિતાનફલદો વિભુઃ ॥ ૨૧ ॥
વિતાનભાવનો વિશ્વભાવનો વિશ્વરૂપધૃત્ ।
વિશ્વદંષ્ટ્રો વિશ્વગર્ભો વિશ્વગો વિશ્વસમ્મતઃ ॥ ૨૨ ॥
વેદારણ્યચરો વામદેવાદિમૃગસંવૃતઃ ।
વિશ્વાતિક્રાન્તમહિમા પાતુ માં વન્યભૂપતિઃ ॥ ૨૩ ॥
વૈકુણ્ઠકોલો વિકુણ્ઠલીલો વિલયસિન્ધુગઃ ।
વપ્તઃકબલિતાજાણ્ડો વેગવાન્ વિશ્વપાવનઃ ॥ ૨૪ ॥
વિપશ્ચિદાશયારણ્યપુણ્યસ્ફૂર્તિર્વિશૃઙ્ખલઃ ।
વિશ્વદ્રોહિક્ષયકરો વિશ્વાધિકમહાબલઃ ॥ ૨૫ ॥
વીર્યસિન્ધુર્વિવદ્બન્ધુર્વિયત્સિન્ધુતરઙ્ગિતઃ ।
વ્યાદત્તવિદ્વેષિસત્ત્વમુસ્તો વિશ્વગુણામ્બુધિઃ ॥ ૨૬ ॥
વિશ્વમઙ્ગલકાન્તાર કૃતલીલાવિહાર તે ।
વિશ્વમઙ્ગલદોત્તુઙ્ગ કરુણાપાઙ્ગ સન્નતિઃ ॥ ૨૭ ॥
॥ ઇતિ વકારાદિ શ્રી વરાહાષ્ટોત્તરશતમ્ પરાભવ
શ્રાવણશુદ્ધ ત્રયોદશ્યાં લિખિતં રામેણ સમર્પિતં ચ
શ્રીમદ્ધયવદન ચરણારવિન્દયોર્વિજયતાં તરામ્ ॥
Also Read:
Vakaradi Sri Varaha Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
