Templesinindiainfo

Best Spiritual Website

Varahi Nigraha Ashtakam Lyrics in Telugu | Goddess Varahi Stotram

Shri Varahinigraha Ashtakam Lyrics in Telugu:

వారాహీనిగ్రహాష్టకమ్

శ్రీగణేశాయ నమః ।
దేవి క్రోడముఖి త్వదంఘ్రికమల-ద్వన్ద్వానురక్తాత్మనే
మహ్యం ద్రుహ్యతి యో మహేశి మనసా కాయేన వాచా నరః ।
తస్యాశు త్వదయోగ్రనిష్ఠురహలా-ఘాత-ప్రభూత-వ్యథా-
పర్యస్యన్మనసో భవన్తు వపుషః ప్రాణాః ప్రయాణోన్ముఖాః ॥ ౧॥

దేవి త్వత్పదపద్మభక్తివిభవ-ప్రక్షీణదుష్కర్మణి
ప్రాదుర్భూతనృశంసభావమలినాం వృత్తిం విధత్తే మయి ।
యో దేహీ భువనే తదీయహృదయాన్నిర్గత్వరైర్లోహితైః
సద్యః పూరయసే కరాబ్జ-చషకం వాంఛాఫలైర్మామపి ॥ ౨॥

చణ్డోత్తుణ్డ-విదీర్ణదంష్ట్రహృదయ-ప్రోద్భిన్నరక్తచ్ఛటా-
హాలాపాన-మదాట్టహాస-నినదాటోప-ప్రతాపోత్కటమ్ ।
మాతర్మత్పరిపన్థినామపహృతైః ప్రాణైస్త్వదంఘ్రిద్వయం
ధ్యానోద్దామరవైర్భవోదయవశాత్సన్తర్పయామి క్షణాత్ ॥ ౩॥

శ్యామాం తామరసాననాంఘ్రినయనాం సోమార్ధచూడాం
జగత్త్రాణ-వ్యగ్ర-హలాయుధాగ్రముసలాం సన్త్రాసముద్రావతీమ్ ।
యే త్వాం రక్తకపాలినీం హరవరారోహే వరాహాననాం
భావైః సన్దధతే కథం క్షణమపి ప్రాణన్తి తేషాం ద్విషః ॥ ౪॥

విశ్వాధీశ్వరవల్లభే విజయసే యా త్వం నియన్త్ర్యాత్మికా
భూతాన్తా పురుషాయుషావధికరీ పాకప్రదా కర్మణామ్ ।
త్వాం యాచే భవతీం కిమప్యవితథం యో మద్విరోధీ
జనస్తస్యాయుర్మమ వాంఛితావధి భవేన్మాతస్తవైవాజ్ఞయా ॥ ౫॥

మాతః సమ్యగుపాసితుం జడమతిస్త్వాం నైవ శక్నోమ్యహం
యద్యప్యన్విత-దైశికాంఘ్రికమలానుక్రోశపాత్రస్య మే ।
జన్తుః కశ్చన చిన్తయత్యకుశలం యస్తస్య తద్వైశసం
భూయాద్దేవి విరోధినో మమ చ తే శ్రేయః పదాసఙ్గినః ॥ ౬॥

వారాహి వ్యథమాన-మానసగలత్సౌఖ్యం తదాశాబలిం
సీదన్తం యమపాకృతాధ్యవసితం ప్రాప్తాఖిలోత్పాదితమ్ ।
క్రన్దద్బన్ధుజనైః కలఙ్కితతులం కణ్ఠవ్రణోద్యత్కృమి
పశ్యామి ప్రతిపక్షమాశు పతితం భ్రాన్తం లుఠన్తం ముహుః ॥ ౭॥

వారాహి త్వమశేషజన్తుషు పునః ప్రాణాత్మికా స్పన్దసే
శక్తి వ్యాప్త-చరాచరా ఖలు యతస్త్వామేతదభ్యర్థయే ।
త్వత్పాదామ్బుజసఙ్గినో మమ సకృత్పాపం చికీర్షన్తి యే
తేషాం మా కురు శఙ్కరప్రియతమే దేహాన్తరావస్థితిమ్ ॥ ౮॥

॥ ఇతి శ్రీవారాహీనిగ్రహాష్టకం సమ్పూర్ణమ్ ॥

Varahi Nigraha Ashtakam Lyrics in Telugu | Goddess Varahi Stotram

Leave a Reply

Your email address will not be published. Required fields are marked *

Scroll to top