Vishnu Ashtottara Shatanama Stotram Bengali Lyrics:
বিষ্ণোরষ্টোত্তরশতনামস্তোত্রম্
বিষ্ণুর্জিষ্ণুর্বষট্কারো দেবদেবো বৃষাকপিঃ ।
দামোদরো দীনবন্ধুরাদিদেবোঽদিতেঃ সুতঃ ॥ ১ ॥
পুণ্ডরীকঃ পরানন্দঃ পরমাত্মা পরাত্পরঃ ।
পরশুধারী বিশ্বাত্মা কৃষ্ণঃ কলিমলাপহঃ ॥ ২ ॥
কৌস্তুভোদ্ভাসিতোরস্কো নরো নারায়ণো হরিঃ ।
হরো হরপ্রিয়ঃ স্বামী বৈকুণ্ঠো বিশ্বতোমুখঃ ॥ ৩ ॥
হৃষীকেশোঽপ্রমেয়াত্মা বরাহো ধরণীধরঃ ।
বামনো বেদবক্তা চ বাসুদেবঃ সনাতনঃ ॥ ৪ ॥
রামো বিরামো বিরজো রাবণারী রমাপতিঃ ।
বৈকুণ্ঠবাসী বসুমান্ ধনদো ধরণীধরঃ ॥ ৫ ॥
ধর্মেশো ধরণীনাথো ধ্যেয়ো ধর্মভৃতাং বরঃ ।
সহস্রশীর্ষা পুরুষঃ সহস্রাক্ষঃ সহস্রপাত্ ॥ ৬ ॥
সর্বগঃ সর্ববিত্সর্বঃ শরণ্যঃ সাধুবল্লভঃ ।
কৌসল্যানন্দনঃ শ্রীমান্ রক্ষঃকুলবিনাশকঃ ॥ ৭ ॥
জগত্কর্তা জগদ্ধর্তা জগজ্জেতা জনার্তিহা ।
জানকীবল্লভো দেবো জয়রূপো জলেশ্বরঃ ॥ ৮ ॥
ক্ষীরাব্ধিবাসী ক্ষীরাব্ধিতনয়াবল্লভস্তথা ।
শেষশায়ী পন্নগারিবাহনো বিষ্টরশ্রবাঃ ॥ ৯ ॥
মাধবো মধুরানাথো মোহদো মোহনাশনঃ ।
দৈত্যারিঃ পুণ্ডরীকাক্ষো হ্যচ্যুতো মধুসূদনঃ ॥ ১০ ॥
সোমসূর্যাগ্নিনয়নো নৃসিংহো ভক্তবত্সলঃ ।
নিত্যো নিরাময়ঃ শুদ্ধো নরদেবো জগত্প্রভুঃ ॥ ১১ ॥
হয়গ্রীবো জিতরিপুরুপেন্দ্রো রুক্মণীপতিঃ ।
সর্বদেবময়ঃ শ্রীশঃ সর্বাধারঃ সনাতনঃ ॥ ১২ ॥
সাম্যঃ সৌম্যপ্রদঃ স্রষ্টা বিষ্বক্সেনো জনার্দনঃ ।
য়শোদাতনয়ো য়োগী য়োগশাস্ত্রপরায়ণঃ ॥ ১৩ ॥
রুদ্রাত্মকো রুদ্রমূর্তিঃ রাঘবো মধুসূদনঃ ।
ইতি তে কথিতং দিব্যং নাম্নামষ্টোত্তরং শতম্ ॥ ১৪ ॥
সর্বপাপহরং পুণ্যং বিষ্ণোরমিততেজসঃ ।
দুঃখদারিদ্রয়দৌর্ভাগ্যনাশনং সুখবর্ধনম্ ॥ ১৫ ॥
সর্বসম্পত্করং সৌম্যং মহাপাতকনাশনম্ ।
প্রাতরুত্থায় বিপ্রেন্দ্র পঠেদেকাগ্রমানসঃ ।
তস্য নশ্যন্তি বিপদাং রাশয়ঃ সিদ্ধিমাপ্নুয়াত্ ॥ ১৬ ॥
ইতি শাক্তপ্রমোদতঃ বিষ্ণোঃ অষ্টোত্তরশতনামস্তোত্রং সম্পূর্ণম্ ।
Also Read:
Vishnorashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil