Vishnu Ashtottara Shatanama Stotram Gujarati Lyrics:
વિષ્ણોરષ્ટોત્તરશતનામસ્તોત્રમ્
વિષ્ણુર્જિષ્ણુર્વષટ્કારો દેવદેવો વૃષાકપિઃ ।
દામોદરો દીનબન્ધુરાદિદેવોઽદિતેઃ સુતઃ ॥ ૧ ॥
પુણ્ડરીકઃ પરાનન્દઃ પરમાત્મા પરાત્પરઃ ।
પરશુધારી વિશ્વાત્મા કૃષ્ણઃ કલિમલાપહઃ ॥ ૨ ॥
કૌસ્તુભોદ્ભાસિતોરસ્કો નરો નારાયણો હરિઃ ।
હરો હરપ્રિયઃ સ્વામી વૈકુણ્ઠો વિશ્વતોમુખઃ ॥ ૩ ॥
હૃષીકેશોઽપ્રમેયાત્મા વરાહો ધરણીધરઃ ।
વામનો વેદવક્તા ચ વાસુદેવઃ સનાતનઃ ॥ ૪ ॥
રામો વિરામો વિરજો રાવણારી રમાપતિઃ ।
વૈકુણ્ઠવાસી વસુમાન્ ધનદો ધરણીધરઃ ॥ ૫ ॥
ધર્મેશો ધરણીનાથો ધ્યેયો ધર્મભૃતાં વરઃ ।
સહસ્રશીર્ષા પુરુષઃ સહસ્રાક્ષઃ સહસ્રપાત્ ॥ ૬ ॥
સર્વગઃ સર્વવિત્સર્વઃ શરણ્યઃ સાધુવલ્લભઃ ।
કૌસલ્યાનન્દનઃ શ્રીમાન્ રક્ષઃકુલવિનાશકઃ ॥ ૭ ॥
જગત્કર્તા જગદ્ધર્તા જગજ્જેતા જનાર્તિહા ।
જાનકીવલ્લભો દેવો જયરૂપો જલેશ્વરઃ ॥ ૮ ॥
ક્ષીરાબ્ધિવાસી ક્ષીરાબ્ધિતનયાવલ્લભસ્તથા ।
શેષશાયી પન્નગારિવાહનો વિષ્ટરશ્રવાઃ ॥ ૯ ॥
માધવો મધુરાનાથો મોહદો મોહનાશનઃ ।
દૈત્યારિઃ પુણ્ડરીકાક્ષો હ્યચ્યુતો મધુસૂદનઃ ॥ ૧૦ ॥
સોમસૂર્યાગ્નિનયનો નૃસિંહો ભક્તવત્સલઃ ।
નિત્યો નિરામયઃ શુદ્ધો નરદેવો જગત્પ્રભુઃ ॥ ૧૧ ॥
હયગ્રીવો જિતરિપુરુપેન્દ્રો રુક્મણીપતિઃ ।
સર્વદેવમયઃ શ્રીશઃ સર્વાધારઃ સનાતનઃ ॥ ૧૨ ॥
સામ્યઃ સૌમ્યપ્રદઃ સ્રષ્ટા વિષ્વક્સેનો જનાર્દનઃ ।
યશોદાતનયો યોગી યોગશાસ્ત્રપરાયણઃ ॥ ૧૩ ॥
રુદ્રાત્મકો રુદ્રમૂર્તિઃ રાઘવો મધુસૂદનઃ ।
ઇતિ તે કથિતં દિવ્યં નામ્નામષ્ટોત્તરં શતમ્ ॥ ૧૪ ॥
સર્વપાપહરં પુણ્યં વિષ્ણોરમિતતેજસઃ ।
દુઃખદારિદ્રયદૌર્ભાગ્યનાશનં સુખવર્ધનમ્ ॥ ૧૫ ॥
સર્વસમ્પત્કરં સૌમ્યં મહાપાતકનાશનમ્ ।
પ્રાતરુત્થાય વિપ્રેન્દ્ર પઠેદેકાગ્રમાનસઃ ।
તસ્ય નશ્યન્તિ વિપદાં રાશયઃ સિદ્ધિમાપ્નુયાત્ ॥ ૧૬ ॥
ઇતિ શાક્તપ્રમોદતઃ વિષ્ણોઃ અષ્ટોત્તરશતનામસ્તોત્રં સમ્પૂર્ણમ્ ।
Also Read:
Vishnorashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil