Bala Rama Sahasranamastotram Lyrics in Oriya:
॥ ବଲରାମସହସ୍ରନାମସ୍ତୋତ୍ରମ୍ ॥
ଦୁର୍ୟୋଧନ ଉଵାଚ –
ବଲଭଦ୍ରସ୍ୟ ଦେଵସ୍ୟ ପ୍ରାଡ୍ଵିପାକ ମହାମୁନେ ।
ନାମ୍ନାଂ ସହସ୍ରଂ ମେ ବ୍ରୂହି ଗୁହ୍ୟଂ ଦେଵଗଣୈରପି ॥ ୧ ॥
ପ୍ରାଡ୍ଵିପାକ ଉଵାଚ –
ସାଧୁ ସାଧୁ ମହାରାଜ ସାଧୁ ତେ ଵିମଲଂ ୟଶଃ ।
ୟତ୍ପୃଚ୍ଛସେ ପରମିଦଂ ଗର୍ଗୋକ୍ତଂ ଦେଵଦୁର୍ଲଭମ୍ ॥ ୨ ॥
ନାମ୍ନାଂ ସହସ୍ରଂ ଦିଵ୍ୟାନାଂ ଵକ୍ଷ୍ୟାମି ତଵ ଚାଗ୍ରତଃ ।
ଗର୍ଗାଚାର୍ୟେଣ ଗୋପୀଭ୍ୟୋ ଦତ୍ତଂ କୃଷ୍ଣାତଟେ ଶୁଭେ ॥ ୩ ॥
ଓଂ ଅସ୍ୟ ଶ୍ରୀବଲଭଦ୍ରସହସ୍ରନାମସ୍ତ୍ରୋତ୍ରମନ୍ତ୍ରସ୍ୟ
ଗର୍ଗାଚାର୍ୟ ଋଷିଃ ଅନୁଷ୍ଟୁପ୍ ଛନ୍ଦଃ
ସଙ୍କର୍ଷଣଃ ପରମାତ୍ମା ଦେଵତା ବଲଭଦ୍ର ଇତି ବୀଜଂ
ରେଵତୀତି ଶକ୍ତିଃ ଅନନ୍ତ ଇତି କୀଲକଂ
ବଲଭଦ୍ରପ୍ରୀତ୍ୟର୍ଥେ ଜପେ ଵିନିୟୋଗଃ ॥
ଅଥ ଧ୍ୟାନମ୍ ।
ସ୍ଫୁରଦମଲକିରୀଟଂ କିଙ୍କିଣୀକଙ୍କଣାର୍ହଂ
ଚଲଦଲକକପୋଲଂ କୁଣ୍ଡଲଶ୍ରୀମୁଖାବ୍ଜମ୍ ।
ତୁହିନଗିରିମନୋଜ୍ଞଂ ନୀଲମେଘାମ୍ବରାଢ୍ୟଂ
ହଲମୁସଲଵିଶାଲଂ କାମପାଲଂ ସମୀଡେ ॥ ୪ ॥
ଓଂ ବଲଭଦ୍ରୋ ରାମଭଦ୍ରୋ ରାମଃ ସଙ୍କର୍ଷଣୋଽଚ୍ୟୁତଃ ।
ରେଵତୀରମଣୋ ଦେଵଃ କାମପାଲୋ ହଲାୟୁଧଃ ॥ ୫ ॥
ନୀଲାମ୍ବରଃ ଶ୍ଵେତଵର୍ଣୋ ବଲଦେଵୋଽଚ୍ୟୁତାଗ୍ରଜଃ ।
ପ୍ରଲମ୍ବଘ୍ନୋ ମହାଵୀରୋ ରୌହିଣେୟଃ ପ୍ରତାପଵାନ୍ ॥ ୬ ॥
ତାଲାଙ୍କୋ ମୁସଲୀ ହଲୀ ହରିର୍ୟଦୁଵରୋ ବଲୀ ।
ସୀରପାଣିଃ ପଦ୍ମପାଣିର୍ଲଗୁଡୀ ଵେଣୁଵାଦନଃ ॥ ୭ ॥
କାଲିନ୍ଦିଭେଦନୋ ଵୀରୋ ବଲଃ ପ୍ରବଲ ଊର୍ଧ୍ଵଗଃ ।
ଵାସୁଦେଵକଲାନନ୍ତଃ ସହସ୍ରଵଦନଃ ସ୍ଵରାଟ୍ ॥ ୮ ॥
ଵସୁର୍ଵସୁମତୀଭର୍ତା ଵାସୁଦେଵୋ ଵସୂତ୍ତମଃ ।
ୟଦୂତ୍ତମୋ ୟାଦଵେନ୍ଦ୍ରୋ ମାଧଵୋ ଵୃଷ୍ଣିଵଲ୍ଲଭଃ ॥ ୯ ॥
ଦ୍ଵାରକେଶୋ ମାଥୁରେଶୋ ଦାନୀ ମାନୀ ମହାମନାଃ ।
ପୂର୍ଣଃ ପୁରାଣଃ ପୁରୁଷଃ ପରେଶଃ ପରମେଶ୍ଵରଃ ॥ ୧୦ ॥
ପରିପୂର୍ଣତମଃ ସାକ୍ଷାତ୍ପରମଃ ପୁରୁଷୋତ୍ତମଃ ।
ଅନନ୍ତଃ ଶାଶ୍ଵତଃ ଶେଷୋ ଭଗଵାନ୍ପ୍ରକୃତେଃ ପରଃ ॥ ୧୧ ॥
ଜୀଵାତ୍ମା ପରମାତ୍ମା ଚ ହ୍ୟନ୍ତରାତ୍ମା ଧ୍ରୁଵୋଽଵ୍ୟୟଃ ।
ଚତୁର୍ଵ୍ୟୂହଶ୍ଚତୁର୍ଵେଦଶ୍ଚତୁର୍ମୂର୍ତିଶ୍ଚତୁଷ୍ପଦଃ ॥ ୧୨ ॥
ପ୍ରଧାନଂ ପ୍ରକୃତିଃ ସାକ୍ଷୀ ସଙ୍ଘାତଃ ସଙ୍ଘଵାନ୍ ସଖୀ ।
ମହାମନା ବୁଦ୍ଧିସଖଶ୍ଚେତୋଽହଂକାର ଆଵୃତଃ ॥ ୧୩ ॥
ଇନ୍ଦ୍ରିୟେଶୋ ଦେଵାତାତ୍ମା ଜ୍ଞାନଂ କର୍ମ ଚ ଶର୍ମ ଚ ।
ଅଦ୍ଵିତୀୟୋ ଦ୍ଵିତୀୟଶ୍ଚ ନିରାକାରୋ ନିରଞ୍ଜନଃ ॥ ୧୪ ॥
ଵିରାଟ୍ ସମ୍ରାଟ୍ ମହୌଘଶ୍ଚ ଧାରଃ ସ୍ଥାସ୍ନୁଶ୍ଚରିଷ୍ଣୁମାନ୍ ।
ଫଣୀନ୍ଦ୍ରଃ ଫଣିରାଜଶ୍ଚ ସହସ୍ରଫଣମଣ୍ଡିତଃ ॥ ୧୫ ॥
ଫଣୀଶ୍ଵରଃ ଫଣୀ ସ୍ଫୂର୍ତିଃ ଫୂତ୍କାରୀ ଚୀତ୍କରଃ ପ୍ରଭୁଃ ।
ମଣିହାରୋ ମଣିଧରୋ ଵିତଲୀ ସୁତଲୀ ତଲୀ ॥ ୧୬ ॥
ଅତଲୀ ସୁତଲେଶଶ୍ଚ ପାତାଲଶ୍ଚ ତଲାତଲଃ ।
ରସାତଲୋ ଭୋଗିତଲଃ ସ୍ଫୁରଦ୍ଦନ୍ତୋ ମହାତଲଃ ॥ ୧୭ ॥
ଵାସୁକିଃ ଶଙ୍ଖଚୂଡାଭୋ ଦେଵଦତ୍ତୋ ଧନଞ୍ଜୟଃ ।
କମ୍ବଲାଶ୍ଵୋ ଵେଗତରୋ ଧୃତରାଷ୍ଟ୍ରୋ ମହାଭୁଜଃ ॥ ୧୮ ॥
ଵାରୁଣୀମଦମତ୍ତାଙ୍ଗୋ ମଦଘୂର୍ଣିତଲୋଚନଃ ।
ପଦ୍ମାକ୍ଷଃ ପଦ୍ମମାଲୀ ଚ ଵନମାଲୀ ମଧୁଶ୍ରଵାଃ ॥ ୧୯ ॥
କୋଟିକନ୍ଦର୍ପଲାଵଣ୍ୟୋ ନାଗକନ୍ୟାସମର୍ଚିତଃ ।
ନୂପୁରୀ କଟିସୂତ୍ରୀ ଚ କଟକୀ କନକାଙ୍ଗଦୀ ॥ ୨୦ ॥
ମୁକୁଟୀ କୁଣ୍ଡଲୀ ଦଣ୍ଡୀ ଶିଖଣ୍ଡୀ ଖଣ୍ଡମଣ୍ଡଲୀ ।
କଲିଃ କଲିପ୍ରିୟଃ କାଲୋ ନିଵାତକଵଚେଶ୍ଵରଃ ॥ ୨୧ ॥
ସଂହାରକଦ୍ରୁର୍ଦ୍ରଵୟୁଃ କାଲାଗ୍ନିଃ ପ୍ରଲୟୋ ଲୟଃ ।
ମହାହିଃ ପାଣିନିଃ ଶାସ୍ତ୍ରଭାଷ୍ୟକାରଃ ପତଞ୍ଜଲିଃ ॥ ୨୨ ॥
କାତ୍ୟାୟନଃ ପକ୍ଵିମାଭଃ ସ୍ଫୋଟାୟନ ଉରଙ୍ଗମଃ ।
ଵୈକୁଣ୍ଠୋ ୟାଜ୍ଞିକୋ ୟଜ୍ଞୋ ଵାମନୋ ହରିଣୋ ହରିଃ ॥ ୨୩ ॥
କୃଷ୍ଣୋ ଵିଷ୍ଣୁର୍ମହାଵିଷ୍ଣୁଃ ପ୍ରଭଵିଷ୍ଣୁର୍ଵିଶେଷଵିତ୍ ।
ହଂସୋ ୟୋଗେଶ୍ଵରଃ କୂର୍ମୋ ଵାରାହୋ ନାରଦୋ ମୁନିଃ ॥ ୨୪ ॥
ସନକଃ କପିଲୋ ମତ୍ସ୍ୟଃ କମଠୋ ଦେଵମଙ୍ଗଲଃ ।
ଦତ୍ତାତ୍ରେୟଃ ପୃଥୁର୍ଵୃଦ୍ଧ ଋଷଭୋ ଭାର୍ଗଵୋତ୍ତମଃ ॥ ୨୫ ॥
ଧନ୍ଵନ୍ତରିର୍ନୃସିଂହଶ୍ଚ କଲିର୍ନାରାୟଣୋ ନରଃ ।
ରାମଚନ୍ଦ୍ରୋ ରାଘଵେନ୍ଦ୍ରଃ କୋଶଲେନ୍ଦ୍ରୋ ରଘୂଦ୍ଵହଃ ॥ ୨୬ ॥
କାକୁତ୍ସ୍ଥଃ କରୁଣାସିଂଧୂ ରାଜେନ୍ଦ୍ରଃ ସର୍ଵଲକ୍ଷଣଃ ।
ଶୂରୋ ଦାଶରଥିସ୍ତ୍ରାତା କୌସଲ୍ୟାନନ୍ଦଵର୍ଦ୍ଧନଃ ॥ ୨୭ ॥
ସୌମିତ୍ରିର୍ଭରତୋ ଧନ୍ଵୀ ଶତ୍ରୁଘ୍ନଃ ଶତ୍ରୁତାପନଃ ।
ନିଷଙ୍ଗୀ କଵଚୀ ଖଡ୍ଗୀ ଶରୀ ଜ୍ୟାହତକୋଷ୍ଠକଃ ॥ ୨୮ ॥
ବଦ୍ଧଗୋଧାଙ୍ଗୁଲିତ୍ରାଣଃ ଶମ୍ଭୁକୋଦଣ୍ଡଭଞ୍ଜନଃ ।
ୟଜ୍ଞତ୍ରାତା ୟଜ୍ଞଭର୍ତା ମାରୀଚଵଧକାରକଃ ॥ ୨୯ ॥
ଅସୁରାରିସ୍ତାଟକାରିର୍ଵିଭୀଷଣସହାୟକୃତ୍ ।
ପିତୃଵାକ୍ୟକରୋ ହର୍ଷୀ ଵିରାଧାରିର୍ଵନେଚରଃ ॥ ୩୦ ॥
ମୁନିର୍ମୁନିପ୍ରିୟଶ୍ଚିତ୍ରକୂଟାରଣ୍ୟନିଵାସକୃତ୍ ।
କବନ୍ଧହା ଦଣ୍ଡକେଶୋ ରାମୋ ରାଜୀଵଲୋଚନଃ ॥ ୩୧ ॥
ମତଙ୍ଗଵନସଞ୍ଚାରୀ ନେତା ପଞ୍ଚଵଟୀପତିଃ ।
ସୁଗ୍ରୀଵଃ ସୁଗ୍ରୀଵସଖୋ ହନୁମତ୍ପ୍ରୀତମାନସଃ ॥ ୩୨ ॥
ସେତୁବନ୍ଧୋ ରାଵଣାରିର୍ଲଂକାଦହନତତ୍ପରଃ ।
ରାଵଣ୍ୟରିଃ ପୁଷ୍ପକସ୍ଥୋ ଜାନକୀଵିରହାତୁରଃ ॥ ୩୩ ॥
ଅୟୋଧ୍ୟାଧିପତିଃ ଶ୍ରୀମାଁଲ୍ଲଵଣାରିଃ ସୁରାର୍ଚିତଃ ।
ସୂର୍ୟଵଂଶୀ ଚନ୍ଦ୍ରଵଂଶୀ ଵଂଶୀଵାଦ୍ୟଵିଶାରଦଃ ॥ ୩୪ ॥
ଗୋପତିର୍ଗୋପଵୃନ୍ଦେଶୋ ଗୋପୋ ଗୋପୀଶତାଵୃତଃ ।
ଗୋକୁଲେଶୋ ଗୋପପୁତ୍ରୋ ଗୋପାଲୋ ଗୋଗଣାଶ୍ରୟଃ ॥ ୩୫ ॥
ପୂତନାରିର୍ବକାରିଶ୍ଚ ତୃଣାଵର୍ତନିପାତକଃ ।
ଅଘାରିର୍ଧେନୁକାରିଶ୍ଚ ପ୍ରଲମ୍ବାରିର୍ଵ୍ରଜେଶ୍ଵରଃ ॥ ୩୬ ॥
ଅରିଷ୍ଟହା କେଶିଶତ୍ରୁର୍ଵ୍ୟୋମାସୁରଵିନାଶକୃତ୍ ।
ଅଗ୍ନିପାନୋ ଦୁଗ୍ଧପାନୋ ଵୃନ୍ଦାଵନଲତାଶ୍ରିତଃ ॥ ୩୭ ॥
ୟଶୋମତୀସୁତୋ ଭଵ୍ୟୋ ରୋହିଣୀଲାଲିତଃ ଶିଶୁଃ ।
ରାସମଣ୍ଡଲମଧ୍ୟସ୍ଥୋ ରାସମଣ୍ଡଲମଣ୍ଡନଃ ॥ ୩୮ ॥
ଗୋପିକାଶତୟୂଥାର୍ଥୀ ଶଙ୍ଖଚୂଡଵଧୋଦ୍ୟତଃ ।
ଗୋଵର୍ଧନସମୁଦ୍ଧର୍ତା ଶକ୍ରଜିଦ୍ଵ୍ରଜରକ୍ଷକଃ ॥ ୩୯ ॥
ଵୃଷଭାନୁଵରୋ ନନ୍ଦ ଆନନ୍ଦୋ ନନ୍ଦଵର୍ଧନଃ ।
ନନ୍ଦରାଜସୁତଃ ଶ୍ରୀଶଃ କଂସାରିଃ କାଲିୟାନ୍ତକଃ ॥ ୪୦ ॥
ରଜକାରିର୍ମୁଷ୍ଟିକାରିଃ କଂସକୋଦଣ୍ଡଭଞ୍ଜନଃ ।
ଚାଣୂରାରିଃ କୂଟହନ୍ତା ଶଲାରିସ୍ତୋଶଲାନ୍ତକଃ ॥ ୪୧ ॥
କଂସଭ୍ରାତୃନିହନ୍ତା ଚ ମଲ୍ଲୟୁଦ୍ଧପ୍ରଵର୍ତକଃ ।
ଗଜହନ୍ତା କଂସହନ୍ତା କାଲହନ୍ତା କଲଙ୍କହା ॥ ୪୨ ॥
ମାଗଧାରିର୍ୟଵନହା ପାଣ୍ଡୁପୁତ୍ରସହାୟକୃତ୍ ।
ଚତୁର୍ଭୁଜଃ ଶ୍ୟାମଲାଙ୍ଗଃ ସୌମ୍ୟଶ୍ଚୌପଗଵିପ୍ରିୟଃ ॥ ୪୩ ॥
ୟୁଦ୍ଧଭୃଦୁଦ୍ଧଵସଖା ମନ୍ତ୍ରୀ ମନ୍ତ୍ରଵିଶାରଦଃ ।
ଵୀରହା ଵୀରମଥନଃ ଶଙ୍ଖଚକ୍ରଗଦାଧରଃ ॥ ୪୪ ॥
ରେଵତୀଚିତ୍ତହର୍ତା ଚ ରେଵତୀହର୍ଷଵର୍ଦ୍ଧନଃ ।
ରେଵତୀପ୍ରାଣନାଥଶ୍ଚ ରେଵତୀପ୍ରିୟକାରକଃ ॥ ୪୫ ॥
ଜ୍ୟୋତିର୍ଜ୍ୟୋତିଷ୍ମତୀଭର୍ତା ରୈଵତାଦ୍ରିଵିହାରକୃତ୍ ।
ଧୃତିନାଥୋ ଧନାଧ୍ୟକ୍ଷୋ ଦାନାଧ୍ୟକ୍ଷୋ ଧନେଶ୍ଵରଃ ॥ ୪୬ ॥
ମୈଥିଲାର୍ଚିତପାଦାବ୍ଜୋ ମାନଦୋ ଭକ୍ତଵତ୍ସଲଃ ।
ଦୁର୍ୟୋଧନଗୁରୁର୍ଗୁର୍ଵୀଗଦାଶିକ୍ଷାକରଃ କ୍ଷମୀ ॥ ୪୭ ॥
ମୁରାରିର୍ମଦନୋ ମନ୍ଦୋଽନିରୁଦ୍ଧୋ ଧନ୍ଵିନାଂ ଵରଃ ।
କଲ୍ପଵୃକ୍ଷଃ କଲ୍ପଵୃକ୍ଷୀ କଲ୍ପଵୃକ୍ଷଵନପ୍ରଭୁଃ ॥ ୪୮ ॥
ସ୍ୟମନ୍ତକମଣିର୍ମାନ୍ୟୋ ଗାଣ୍ଡୀଵୀ କୌରଵେଶ୍ଵରଃ ।
କୁମ୍ଭାଣ୍ଡଖଣ୍ଡନକରଃ କୂପକର୍ଣପ୍ରହାରକୃତ୍ ॥ ୪୯ ॥
ସେଵ୍ୟୋ ରୈଵତଜାମାତା ମଧୁମାଧଵସେଵିତଃ ।
ବଲିଷ୍ଠପୁଷ୍ଟସର୍ଵାଙ୍ଗୋ ହୃଷ୍ଟଃ ପୁଷ୍ଟଃ ପ୍ରହର୍ଷିତଃ ॥ ୫୦ ॥
ଵାରାଣସୀଗତଃ କ୍ରୁଦ୍ଧଃ ସର୍ଵଃ ପୌଣ୍ଡ୍ରକଘାତକଃ ।
ସୁନନ୍ଦୀ ଶିଖରୀ ଶିଲ୍ପୀ ଦ୍ଵିଵିଦାଙ୍ଗନିଷୂଦନଃ ॥ ୫୧ ॥
ହସ୍ତିନାପୁରସଙ୍କର୍ଷୀ ରଥୀ କୌରଵପୂଜିତଃ ।
ଵିଶ୍ଵକର୍ମା ଵିଶ୍ଵଧର୍ମା ଦେଵଶର୍ମା ଦୟାନିଧିଃ ॥ ୫୨ ॥
ମହାରାଜଚ୍ଛତ୍ରଧରୋ ମହାରାଜୋପଲକ୍ଷଣଃ ।
ସିଦ୍ଧଗୀତଃ ସିଦ୍ଧକଥଃ ଶୁକ୍ଲଚାମରଵୀଜିତଃ ॥ ୫୩ ॥
ତାରାକ୍ଷଃ କୀରନାସଶ୍ଚ ବିମ୍ବୋଷ୍ଠଃ ସୁସ୍ମିତଚ୍ଛଵିଃ ।
କରୀନ୍ଦ୍ରକରଦୋର୍ଦଣ୍ଡଃ ପ୍ରଚଣ୍ଡୋ ମେଘମଣ୍ଡଲଃ ॥ ୫୪ ॥
କପାଟଵକ୍ଷାଃ ପୀନାଂସଃ ପଦ୍ମପାଦସ୍ଫୁରଦ୍ଦ୍ୟୁତିଃ ।
ମହଵିଭୂତିର୍ଭୂତେଶୋ ବନ୍ଧମୋକ୍ଷୀ ସମୀକ୍ଷଣଃ ॥ ୫୫ ॥
ଚୈଦ୍ୟଶତ୍ରୁଃ ଶତ୍ରୁସନ୍ଧୋ ଦନ୍ତଵକ୍ତ୍ରନିଷୂଦକଃ ।
ଅଜାତଶତ୍ରୁଃ ପାପଘ୍ନୋ ହରିଦାସସହାୟକୃତ୍ ॥ ୫୬ ॥
ଶାଲବାହୁଃ ଶାଲ୍ଵହନ୍ତା ତୀର୍ଥୟାୟୀ ଜନେଶ୍ଵରଃ ।
ନୈମିଷାରଣ୍ୟୟାତ୍ରାର୍ଥୀ ଗୋମତୀତୀରଵାସକୃତ୍ ॥ ୫୭ ॥
ଗଣ୍ଡକୀସ୍ନାନଵାନ୍ସ୍ରଗ୍ଵୀ ଵୈଜୟନ୍ତୀଵିରାଜିତଃ ।
ଅମ୍ଲାନପଙ୍କଜଧରୋ ଵିପାଶୀ ଶୋଣସମ୍ପ୍ଲୁତଃ ॥ ୫୮ ॥
ପ୍ରୟାଗତୀର୍ଥରାଜଶ୍ଚ ସରୟୂଃ ସେତୁବନ୍ଧନଃ ।
ଗୟାଶିରଶ୍ଚ ଧନଦଃ ପୌଲସ୍ତ୍ୟଃ ପୁଲହାଶ୍ରମଃ ॥ ୫୯ ॥
ଗଙ୍ଗାସାଗରସଙ୍ଗାର୍ଥୀ ସପ୍ତଗୋଦାଵରୀପତିଃ ।
ଵେଣି ଭୀମରଥୀ ଗୋଦା ତାମ୍ରପର୍ଣୀ ଵଟୋଦକା ॥ ୬୦ ॥
କୃତମାଲା ମହାପୁଣ୍ୟା କାଵେରୀ ଚ ପୟସ୍ଵିନୀ ।
ପ୍ରତୀଚୀ ସୁପ୍ରଭା ଵେଣୀ ତ୍ରିଵେଣୀ ସରୟୂପମା ॥ ୬୧ ॥
କୃଷ୍ଣା ପଂପା ନର୍ମଦା ଚ ଗଙ୍ଗା ଭାଗୀରଥୀ ନଦୀ ।
ସିଦ୍ଧାଶ୍ରମଃ ପ୍ରଭାସଶ୍ଚ ବିନ୍ଦୁର୍ବିନ୍ଦୁସରୋଵରଃ ॥ ୬୨ ॥
ପୁଷ୍କରଃ ସୈନ୍ଧଵୋ ଜମ୍ବୂ ନରନାରାୟଣାଶ୍ରମଃ ।
କୁରୁକ୍ଷେତ୍ରପତୀ ରାମୋ ଜାମଦଗ୍ନ୍ୟୋ ମହାମୁନିଃ ॥ ୬୩ ॥
ଇଲ୍ଵଲାତ୍ମଜହନ୍ତା ଚ ସୁଦାମାସୌଖ୍ୟଦାୟକଃ ।
ଵିଶ୍ଵଜିଦ୍ଵିଶ୍ଵନାଥଶ୍ଚ ତ୍ରିଲୋକଵିଜୟୀ ଜୟୀ ॥ ୬୪ ॥
ଵସନ୍ତମାଲତୀକର୍ଷୀ ଗଦୋ ଗଦ୍ୟୋ ଗଦାଗ୍ରଜଃ ।
ଗୁଣାର୍ଣଵୋ ଗୁଣନିଧିର୍ଗୁଣପାତ୍ରୋ ଗୁଣାକରଃ ॥ ୬୫ ॥
ରଙ୍ଗଵଲ୍ଲୀଜଲାକାରୋ ନିର୍ଗୁଣଃ ସଗୁଣୋ ବୃହତ୍ ।
ଦୃଷ୍ଟଃ ଶ୍ରୁତୋ ଭଵଦ୍ଭୂତୋ ଭଵିଷ୍ୟଚ୍ଚାଲ୍ପଵିଗ୍ରହଃ ॥ ୬୬ ॥
ଅନାଦିରାଦିରାନନ୍ଦଃ ପ୍ରତ୍ୟଗ୍ଧାମା ନିରନ୍ତରଃ ।
ଗୁଣାତୀତଃ ସମଃ ସାମ୍ୟଃ ସମଦୃଙ୍ନିର୍ଵିକଲ୍ପକଃ ॥ ୬୭ ॥
ଗୂଢାଵ୍ୟୂଢୋ ଗୁଣୋ ଗୌଣୋ ଗୁଣାଭାସୋ ଗୁଣାଵୃତଃ ।
ନିତ୍ୟୋଽକ୍ଷରୋ ନିର୍ଵିକାରୋଽକ୍ଷରୋଽଜସ୍ରସୁଖୋଽମୃତଃ ॥ ୬୮ ॥
ସର୍ଵଗଃ ସର୍ଵଵିତ୍ସାର୍ଥଃ ସମବୁଦ୍ଧିଃ ସମପ୍ରଭଃ ।
ଅକ୍ଲେଦ୍ୟୋଽଚ୍ଛେଦ୍ୟ ଆପୂର୍ଣୋ ଶୋଷ୍ୟୋ ଦାହ୍ୟୋ ନିଵର୍ତକଃ ॥ ୬୯ ॥
ବ୍ରହ୍ମ ବ୍ରହ୍ମଧରୋ ବ୍ରହ୍ମା ଜ୍ଞାପକୋ ଵ୍ୟାପକଃ କଵିଃ ।
ଅଧ୍ୟାତ୍ମକୋଽଧିଭୂତଶ୍ଚାଧିଦୈଵଃ ସ୍ଵାଶ୍ରୟାଶ୍ରୟଃ ॥ ୭୦ ॥
ମହାଵାୟୁର୍ମହାଵୀରଶ୍ଚେଷ୍ଟାରୂପତନୁସ୍ଥିତଃ ।
ପ୍ରେରକୋ ବୋଧକୋ ବୋଧୀ ତ୍ରୟୋଵିଂଶତିକୋ ଗଣଃ ॥ ୭୧ ॥
ଅଂଶାଂଶଶ୍ଚ ନରାଵେଶୋଽଵତାରୋ ଭୂପରିସ୍ଥିତଃ ।
ମହର୍ଜନସ୍ତପଃସତ୍ୟଂ ଭୂର୍ଭୁଵଃସ୍ଵରିତି ତ୍ରିଧା ॥ ୭୨ ॥
ନୈମିତ୍ତିକଃ ପ୍ରାକୃତିକ ଆତ୍ୟନ୍ତିକମୟୋ ଲୟଃ ।
ସର୍ଗୋ ଵିସର୍ଗଃ ସର୍ଗାଦିର୍ନିରୋଧୋ ରୋଧ ଊତିମାନ୍ ॥ ୭୩ ॥
ମନ୍ଵନ୍ତରାଵତାରଶ୍ଚ ମନୁର୍ମନୁସୁତୋଽନଘଃ ।
ସ୍ଵୟମ୍ଭୂଃ ଶାମ୍ଭଵଃ ଶଙ୍କୁଃ ସ୍ଵାୟମ୍ଭୁଵସହାୟକୃତ୍ ॥ ୭୪ ॥
ସୁରାଲୟୋ ଦେଵଗିରିର୍ମେରୁର୍ହେମାର୍ଚିତୋ ଗିରିଃ ।
ଗିରୀଶୋ ଗଣନାଥଶ୍ଚ ଗୌରୀଶୋ ଗିରିଗହ୍ଵରଃ ॥ ୭୫ ॥
ଵିନ୍ଧ୍ୟସ୍ତ୍ରିକୂଟୋ ମୈନାକଃ ସୁଵେଲଃ ପାରିଭଦ୍ରକଃ ।
ପତଙ୍ଗଃ ଶିଶିରଃ କଙ୍କୋ ଜାରୁଧିଃ ଶୈଲସତ୍ତମଃ ॥ ୭୬ ॥
କାଲଞ୍ଜରୋ ବୃହତ୍ସାନୁର୍ଦରୀଭୃନ୍ନନ୍ଦିକେଶ୍ଵରଃ ।
ସନ୍ତାନସ୍ତରୁରାଜଶ୍ଚ ମନ୍ଦାରଃ ପାରିଜାତକଃ ॥ ୭୭ ॥
ଜୟନ୍ତକୃଜ୍ଜୟନ୍ତାଙ୍ଗୋ ଜୟନ୍ତୀଦିଗ୍ଜୟାକୁଲଃ ।
ଵୃତ୍ରହା ଦେଵଲୋକଶ୍ଚ ଶଶୀ କୁମୁଦବାନ୍ଧଵଃ ॥ ୭୮ ॥
ନକ୍ଷତ୍ରେଶଃ ସୁଧାସିନ୍ଧୁର୍ମୃଗଃ ପୁଷ୍ୟଃ ପୁନର୍ଵସୁଃ ।
ହସ୍ତୋଽଭିଜିଚ୍ଚ ଶ୍ରଵଣୋ ଵୈଧୃତିର୍ଭାସ୍କରୋଦୟଃ ॥ ୭୯ ॥
ଐନ୍ଦ୍ରଃ ସାଧ୍ୟଃ ଶୁଭଃ ଶୁକ୍ଲୋ ଵ୍ୟତୀପାତୋ ଧ୍ରୁଵଃ ସିତଃ ।
ଶିଶୁମାରୋ ଦେଵମୟୋ ବ୍ରହ୍ମଲୋକୋ ଵିଲକ୍ଷଣଃ ॥ ୮୦ ॥
ରାମୋ ଵୈକୁଣ୍ଠନାଥଶ୍ଚ ଵ୍ୟାପୀ ଵୈକୁଣ୍ଠନାୟକଃ ।
ଶ୍ଵେତଦ୍ଵୀପୋ ଜିତପଦୋ ଲୋକାଲୋକାଚଲାଶ୍ରିତଃ ॥ ୮୧ ॥
ଭୂମିର୍ଵୈକୁଣ୍ଠଦେଵଶ୍ଚ କୋଟିବ୍ରହ୍ମାଣ୍ଡକାରକଃ ।
ଅସଙ୍ଖ୍ୟବ୍ରହ୍ମାଣ୍ଡପତିର୍ଗୋଲୋକେଶୋ ଗଵାଂ ପତିଃ ॥ ୮୨ ॥
ଗୋଲୋକଧାମଧିଷଣୋ ଗୋପିକାକଣ୍ଠଭୂଷଣଃ ।
ଶ୍ରୀଧାରଃ ଶ୍ରୀଧରୋ ଲୀଲାଧରୋ ଗିରିଧରୋ ଧୁରୀ ॥ ୮୩ ॥
କୁନ୍ତଧାରୀ ତ୍ରିଶୂଲୀ ଚ ବୀଭତ୍ସୀ ଘର୍ଘରସ୍ଵନଃ ।
ଶୂଲସୂଚ୍ୟର୍ପିତଗଜୋ ଗଜଚର୍ମଧରୋ ଗଜୀ ॥ ୮୪ ॥
ଅନ୍ତ୍ରମାଲୀ ମୁଣ୍ଡମାଲୀ ଵ୍ୟାଲୀ ଦଣ୍ଡକମଣ୍ଡଲୁଃ ।
ଵେତାଲଭୃଦ୍ଭୂତସଙ୍ଘଃ କୂଷ୍ମାଣ୍ଡଗଣସଂଵୃତଃ ॥ ୮୫ ॥
ପ୍ରମଥେଶଃ ପଶୁପତିର୍ମୃଡାନୀଶୋ ମୃଡୋ ଵୃଷଃ ।
କୃତାନ୍ତକାଲସଙ୍ଘାରିଃ କୂଟଃ କଲ୍ପାନ୍ତଭୈରଵଃ ॥ ୮୬ ॥
ଷଡାନନୋ ଵୀରଭଦ୍ରୋ ଦକ୍ଷୟଜ୍ଞଵିଘାତକଃ ।
ଖର୍ପରାଶୀ ଵିଷାଶୀ ଚ ଶକ୍ତିହସ୍ତଃ ଶିଵାର୍ଥଦଃ ॥ ୮୭ ॥
ପିନାକଟଙ୍କାରକରଶ୍ଚଲଜ୍ଝଙ୍କାରନୂପୁରଃ ।
ପଣ୍ଡିତସ୍ତର୍କଵିଦ୍ଵାନ୍ଵୈ ଵେଦପାଠୀ ଶ୍ରୁତୀଶ୍ଵରଃ ॥ ୮୮ ॥
ଵେଦାନ୍ତକୃତ୍ସାଙ୍ଖ୍ୟଶାସ୍ତ୍ରୀ ମୀମାଂସୀ କଣନାମଭାକ୍ ।
କାଣାଦିର୍ଗୌତମୋ ଵାଦୀ ଵାଦୋ ନୈୟାୟିକୋ ନୟଃ ॥ ୮୯ ॥
ଵୈଶେଷିକୋ ଧର୍ମଶାସ୍ତ୍ରୀ ସର୍ଵଶାସ୍ତ୍ରାର୍ଥତତ୍ତ୍ଵଗଃ ।
ଵୈୟାକରଣକୃଚ୍ଛନ୍ଦୋ ଵୈୟାସଃ ପ୍ରାକୃତିର୍ଵଚଃ ॥ ୯୦ ॥
ପାରାଶରୀସଂହିତାଵିତ୍କାଵ୍ୟକୃନ୍ନାଟକପ୍ରଦଃ ।
ପୌରାଣିକଃ ସ୍ମୃତିକରୋ ଵୈଦ୍ୟୋ ଵିଦ୍ୟାଵିଶାରଦଃ ॥ ୯୧ ॥
ଅଲଙ୍କାରୋ ଲକ୍ଷଣାର୍ଥୋ ଵ୍ୟଙ୍ଗ୍ୟଵିଦ୍ଧନଵଦ୍ଧ୍ଵନିଃ ।
ଵାକ୍ୟସ୍ଫୋଟଃ ପଦସ୍ଫୋଟଃ ସ୍ଫୋଟଵୃତ୍ତିଶ୍ଚ ସାର୍ଥଵିତ୍ ॥ ୯୨ ॥
ଶୃଙ୍ଗାର ଉଜ୍ଜ୍ଵଲଃ ସ୍ଵଚ୍ଛୋଽଦ୍ଭୁତୋ ହାସ୍ୟୋ ଭୟାନକଃ ।
ଅଶ୍ଵତ୍ଥୋ ୟଵଭୋଜୀ ଚ ୟଵକ୍ରୀତୋ ୟଵାଶନଃ ॥ ୯୩ ॥
ପ୍ରହ୍ଲାଦରକ୍ଷକଃ ସ୍ନିଗ୍ଧ ଐଲଵଂଶଵିଵର୍ଦ୍ଧନଃ ।
ଗତାଧିରଂବରୀଷାଙ୍ଗୋ ଵିଗାଧିର୍ଗାଧିନାଂ ଵରଃ ॥ ୯୪ ॥
ନାନାମଣିସମାକୀର୍ଣୋ ନାନାରତ୍ନଵିଭୂଷଣଃ ।
ନାନାପୁଷ୍ପଧରଃ ପୁଷ୍ପୀ ପୁଷ୍ପଧନ୍ଵା ପ୍ରପୁଷ୍ପିତଃ ॥ ୯୫ ॥
ନାନାଚନ୍ଦନଗନ୍ଧାଢ୍ୟୋ ନାନାପୁଷ୍ପରସାର୍ଚିତଃ ।
ନାନାଵର୍ଣମୟୋ ଵର୍ଣୋ ନାନାଵସ୍ତ୍ରଧରଃ ସଦା ॥ ୯୬ ॥
ନାନାପଦ୍ମକରଃ କୌଶୀ ନାନାକୌଶେୟଵେଷଧୃକ୍ ।
ରତ୍ନକମ୍ବଲଧାରୀ ଚ ଧୌତଵସ୍ତ୍ରସମାଵୃତଃ ॥ ୯୭ ॥
ଉତ୍ତରୀୟଧରଃ ପର୍ଣୋ ଘନକଞ୍ଚୁକସଙ୍ଘଵାନ୍ ।
ପୀତୋଷ୍ଣୀଷଃ ସିତୋଷ୍ଣୀଷୋ ରକ୍ତୋଷ୍ଣୀଷୋ ଦିଗମ୍ବରଃ ॥ ୯୮ ॥
ଦିଵ୍ୟାଙ୍ଗୋ ଦିଵ୍ୟରଚନୋ ଦିଵ୍ୟଲୋକଵିଲୋକିତଃ ।
ସର୍ଵୋପମୋ ନିରୁପମୋ ଗୋଲୋକାଙ୍କୀକୃତାଙ୍ଗଣଃ ॥ ୯୯ ॥
କୃତସ୍ଵୋତ୍ସଙ୍ଗଗୋ ଲୋକଃ କୁଣ୍ଡଲୀଭୂତ ଆସ୍ଥିତଃ ।
ମାଥୁରୋ ମାଥୁରାଦର୍ଶୀ ଚଲତ୍ଖଞ୍ଜନଲୋଚନଃ ॥ ୧୦୦ ॥
ଦଧିହର୍ତା ଦୁଗ୍ଧହରୋ ନଵନୀତସିତାଶନଃ ।
ତକ୍ରଭୁକ୍ ତକ୍ରହାରୀ ଚ ଦଧିଚୌର୍ୟକୃତଶ୍ରମଃ ॥ ୧୦୧ ॥
ପ୍ରଭାଵତୀବଦ୍ଧକରୋ ଦାମୀ ଦାମୋଦରୋ ଦମୀ ।
ସିକତାଭୂମିଚାରୀ ଚ ବାଲକେଲିର୍ଵ୍ରଜାର୍ଭକଃ ॥ ୧୦୨ ॥
ଧୂଲିଧୂସରସର୍ଵାଙ୍ଗଃ କାକପକ୍ଷଧରଃ ସୁଧୀଃ ।
ମୁକ୍ତକେଶୋ ଵତ୍ସଵୃନ୍ଦଃ କାଲିନ୍ଦୀକୂଲଵୀକ୍ଷଣଃ ॥ ୧୦୩ ॥
ଜଲକୋଲାହଲୀ କୂଲୀ ପଙ୍କପ୍ରାଙ୍ଗଣଲେପକଃ ।
ଶ୍ରୀଵୃନ୍ଦାଵନସଞ୍ଚାରୀ ଵଂଶୀଵଟତଟସ୍ଥିତଃ ॥ ୧୦୪ ॥
ମହାଵନନିଵାସୀ ଚ ଲୋହାର୍ଗଲଵନାଧିପଃ ।
ସାଧୁଃ ପ୍ରିୟତମଃ ସାଧ୍ୟଃ ସାଧ୍ଵୀଶୋ ଗତସାଧ୍ଵସଃ ॥ ୧୦୫ ॥
ରଙ୍ଗନାଥୋ ଵିଠ୍ଠଲେଶୋ ମୁକ୍ତିନାଥୋଽଘନାଶକଃ ।
ସୁକିର୍ତିଃ ସୁୟଶାଃ ସ୍ଫୀତୋ ୟଶସ୍ଵୀ ରଙ୍ଗରଞ୍ଜନଃ ॥ ୧୦୬ ॥
ରାଗଷଟ୍କୋ ରାଗପୁତ୍ରୋ ରାଗିଣୀରମଣୋତ୍ସୁକଃ ।
ଦୀପକୋ ମେଘମଲ୍ହାରଃ ଶ୍ରୀରାଗୋ ମାଲକୋଶକଃ ॥ ୧୦୭ ॥
ହିନ୍ଦୋଲୋ ଭୈରଵାଖ୍ୟଶ୍ଚ ସ୍ଵରଜାତିସ୍ମରୋ ମୃଦୁଃ ।
ତାଲୋ ମାନପ୍ରମାଣଶ୍ଚ ସ୍ଵରଗମ୍ୟଃ କଲାକ୍ଷରଃ ॥ ୧୦୮ ॥
ଶମୀ ଶ୍ୟାମୀ ଶତାନନ୍ଦଃ ଶତୟାମଃ ଶତକ୍ରତୁଃ ।
ଜାଗରଃ ସୁପ୍ତ ଆସୁପ୍ତଃ ସୁଷୁପ୍ତଃ ସ୍ଵପ୍ନ ଉର୍ଵରଃ ॥ ୧୦୯ ॥
ଊର୍ଜଃ ସ୍ଫୂର୍ଜୋ ନିର୍ଜରଶ୍ଚ ଵିଜ୍ଵରୋ ଜ୍ଵରଵର୍ଜିତଃ ।
ଜ୍ଵରଜିଜ୍ଜ୍ଵରକର୍ତା ଚ ଜ୍ଵରୟୁକ୍ ତ୍ରିଜ୍ଵରୋ ଜ୍ଵରଃ ॥ ୧୧୦ ॥
ଜାମ୍ବଵାନ୍ ଜମ୍ବୁକାଶଙ୍କୀ ଜମ୍ବୂଦ୍ଵୀପୋ ଦ୍ଵିପାରିହା ।
ଶାଲ୍ମଲିଃ ଶାଲ୍ମଲିଦ୍ଵୀପଃ ପ୍ଲକ୍ଷଃ ପ୍ଲକ୍ଷଵନେଶ୍ଵରଃ ॥ ୧୧୧ ॥
କୁଶଧାରୀ କୁଶଃ କୌଶୀ କୌଶିକଃ କୁଶଵିଗ୍ରହଃ ।
କୁଶସ୍ଥଲୀପତିଃ କାଶୀନାଥୋ ଭୈରଵଶାସନଃ ॥ ୧୧୨ ॥
ଦାଶାର୍ହଃ ସାତ୍ଵତୋ ଵୃଷ୍ଣିର୍ଭୋଜୋଽନ୍ଧକନିଵାସକୃତ୍ ।
ଅନ୍ଧକୋ ଦୁନ୍ଦୁଭିର୍ଦ୍ୟୋତଃ ପ୍ରଦ୍ୟୋତଃ ସାତ୍ଵତାଂ ପତିଃ ॥ ୧୧୩ ॥
ଶୂରସେନୋଽନୁଵିଷୟୋ ଭୋଜଵୃଷ୍ଣ୍ୟନ୍ଧକେଶ୍ଵରଃ ।
ଆହୁକଃ ସର୍ଵନୀତିଜ୍ଞ ଉଗ୍ରସେନୋ ମହୋଗ୍ରଵାକ୍ ॥ ୧୧୪ ॥
ଉଗ୍ରସେନପ୍ରିୟଃ ପ୍ରାର୍ଥ୍ୟଃ ପାର୍ଥୋ ୟଦୁସଭାପତିଃ ।
ସୁଧର୍ମାଧିପତିଃ ସତ୍ତ୍ଵଂ ଵୃଷ୍ଣିଚକ୍ରାଵୃତୋ ଭିଷକ୍ ॥ ୧୧୫ ॥
ସଭାଶୀଲଃ ସଭାଦୀପଃ ସଭାଗ୍ନିଶ୍ଚ ସଭାରଵିଃ ।
ସଭାଚନ୍ଦ୍ରଃ ସଭାଭାସଃ ସଭାଦେଵଃ ସଭାପତିଃ ॥ ୧୧୬ ॥
ପ୍ରଜାର୍ଥଦଃ ପ୍ରଜାଭର୍ତା ପ୍ରଜାପାଲନତତ୍ପରଃ ।
ଦ୍ଵାରକାଦୁର୍ଗସଞ୍ଚାରୀ ଦ୍ଵାରକାଗ୍ରହଵିଗ୍ରହଃ ॥ ୧୧୭ ॥
ଦ୍ଵାରକାଦୁଃଖସଂହର୍ତା ଦ୍ଵାରକାଜନମଙ୍ଗଲଃ ।
ଜଗନ୍ମାତା ଜଗତ୍ତ୍ରାତା ଜଗଦ୍ଭର୍ତା ଜଗତ୍ପିତା ॥ ୧୧୮ ॥
ଜଗଦ୍ବନ୍ଧୁର୍ଜଗଦ୍ଭ୍ରାତା ଜଗନ୍ମିତ୍ରୋ ଜଗତ୍ସଖଃ ।
ବ୍ରହ୍ମଣ୍ୟଦେଵୋ ବ୍ରହ୍ମଣ୍ୟୋ ବ୍ରହ୍ମପାଦରଜୋ ଦଧତ୍ ॥ ୧୧୯ ॥
ବ୍ରହ୍ମପାଦରଜଃସ୍ପର୍ଶୀ ବ୍ରହ୍ମପାଦନିଷେଵକଃ ।
ଵିପ୍ରାଙ୍ଘ୍ରିଜଲପୂତାଙ୍ଗୋ ଵିପ୍ରସେଵାପରାୟଣଃ ॥ ୧୨୦ ॥
ଵିପ୍ରମୁଖ୍ୟୋ ଵିପ୍ରହିତୋ ଵିପ୍ରଗୀତମହାକଥଃ ।
ଵିପ୍ରପାଦଜଲାର୍ଦ୍ରାଙ୍ଗୋ ଵିପ୍ରପାଦୋଦକପ୍ରିୟଃ ॥ ୧୨୧ ॥
ଵିପ୍ରଭକ୍ତୋ ଵିପ୍ରଗୁରୁର୍ଵିପ୍ରୋ ଵିପ୍ରପଦାନୁଗଃ ।
ଅକ୍ଷୌହିଣୀଵୃତୋ ୟୋଦ୍ଧା ପ୍ରତିମାପଞ୍ଚସଂୟୁତଃ ॥ ୧୨୨ ॥
ଚତୁରୋଂଽଗିରାଃ ପଦ୍ମଵର୍ତୀ ସାମନ୍ତୋଦ୍ଧୃତପାଦୁକଃ ।
ଗଜକୋଟିପ୍ରୟାୟୀ ଚ ରଥକୋଟିଜୟଧ୍ଵଜଃ ॥ ୧୨୩ ॥
ମହାରଥଶ୍ଚାତିରଥୋ ଜୈତ୍ରଂ ସ୍ୟନ୍ଦନମାସ୍ଥିତଃ ।
ନାରାୟଣାସ୍ତ୍ରୀ ବ୍ରହ୍ମାସ୍ତ୍ରୀ ରଣଶ୍ଲାଘୀ ରଣୋଦ୍ଭଟଃ ॥ ୧୨୪ ॥
ମଦୋତ୍କଟୋ ୟୁଦ୍ଧଵୀରୋ ଦେଵାସୁରଭଙ୍କରଃ ।
କରିକର୍ଣମରୁତ୍ପ୍ରେଜତ୍କୁନ୍ତଲଵ୍ୟାପ୍ତକୁଣ୍ଡଲଃ ॥ ୧୨୫ ॥
ଅଗ୍ରଗୋ ଵୀରସମ୍ମର୍ଦୋ ମର୍ଦଲୋ ରଣଦୁର୍ମଦଃ ।
ଭଟଃ ପ୍ରତିଭଟଃ ପ୍ରୋଚ୍ୟୋ ବାଣଵର୍ଷୀ ସୁତୋୟଦଃ ॥ ୧୨୬ ॥
ଖଡ୍ଗଖଣ୍ଡିତସର୍ଵାଙ୍ଗଃ ଷୋଡଶାବ୍ଦଃ ଷଡକ୍ଷରଃ ।
ଵୀରଘୋଷଃ କ୍ଲିଷ୍ଟଵପୁର୍ଵଜ୍ରାଙ୍ଗୋ ଵଜ୍ରଭେଦନଃ ॥ ୧୨୭ ॥
ରୁଗ୍ଣଵଜ୍ରୋ ଭଗ୍ନଦଣ୍ଡଃ ଶତ୍ରୁନିର୍ଭତ୍ସନୋଦ୍ୟତଃ ।
ଅଟ୍ଟହାସଃ ପଟ୍ଟଧରଃ ପଟ୍ଟରାଜ୍ଞୀପତିଃ ପଟୁଃ ॥ ୧୨୮ ॥
କଲଃ ପଟହଵାଦିତ୍ରୋ ହୁଙ୍କାରୋ ଗର୍ଜିତସ୍ଵନଃ ।
ସାଧୁର୍ଭକ୍ତପରାଧୀନଃ ସ୍ଵତନ୍ତ୍ରଃ ସାଧୁଭୂଷଣଃ ॥ ୧୨୯ ॥
ଅସ୍ଵତନ୍ତ୍ରଃ ସାଧୁମୟଃ ସାଧୁଗ୍ରସ୍ତମନା ମନାକ୍ ।
ସାଧୁପ୍ରିୟଃ ସାଧୁଧନଃ ସାଧୁଜ୍ଞାତିଃ ସୁଧାଘନଃ ॥ ୧୩୦ ॥
ସାଧୁଚାରୀ ସାଧୁଚିତ୍ତଃ ସାଧୁଵାସୀ ଶୁଭାସ୍ପଦଃ ।
ଇତି ନାମ୍ନାଂ ସହସ୍ରଂ ତୁ ବଲଭଦ୍ରସ୍ୟ କୀର୍ତିତମ୍ ॥ ୧୩୧ ॥
ସର୍ଵସିଦ୍ଧିପ୍ରଦଂ ନୄଣାଂ ଚତୁର୍ଵର୍ଗଫଲପ୍ରଦମ୍ ।
ଶତଵାରଂ ପଠେଦ୍ୟସ୍ତୁ ସ ଵିଦ୍ୟାଵାନ୍ ଭଵେଦିହ ॥ ୧୩୨ ॥
ଇନ୍ଦିରାଂ ଚ ଵିଭୂତିଂ ଚାଭିଜନଂ ରୂପମେଵ ଚ ।
ବଲମୋଜଶ୍ଚ ପଠନାତ୍ସର୍ଵଂ ପ୍ରାପ୍ନୋତି ମାନଵଃ ॥ ୧୩୩ ॥
ଗଙ୍ଗାକୂଲେଽଥ କାଲିନ୍ଦିକୂଲେ ଦେଵାଲୟେ ତଥା ।
ସହସ୍ରାଵର୍ତପାଠେନ ବଲାତ୍ସିଦ୍ଧିଃ ପ୍ରଜାୟତେ ॥ ୧୩୪ ॥
ପୁତ୍ରାର୍ଥୀ ଲଭତେ ପୁତ୍ରଂ ଧନାର୍ଥୀ ଲଭତେ ଧନମ୍ ।
ବନ୍ଧାତ୍ପ୍ରମୁଚ୍ୟତେ ବଦ୍ଧୋ ରୋଗୀ ରୋଗାନ୍ନିଵର୍ତତେ ॥ ୧୩୫ ॥
ଅୟୁତାଵର୍ତପାଠେ ଚ ପୁରଶ୍ଚର୍ୟାଵିଧାନତଃ ।
ହୋମତର୍ପଣଗୋଦାନଵିପ୍ରାର୍ଚନକୃତୋଦ୍ୟମାତ୍ ॥ ୧୩୬ ॥
ପଟଲଂ ପଦ୍ଧତିଂ ସ୍ତୋତ୍ରଂ କଵଚଂ ତୁ ଵିଧାୟ ଚ ।
ମହାମଣ୍ଡଲଭର୍ତା ସ୍ୟାନ୍ମଣ୍ଡିତୋ ମଣ୍ଡଲେଶ୍ଵରୈଃ ॥ ୧୩୭ ॥
ମତ୍ତେଭକର୍ଣପ୍ରହିତା ମଦଗନ୍ଧେନ ଵିହ୍ଵଲା ।
ଅଲଙ୍କରୋତି ତଦ୍ଦ୍ଵାରାଂ ଭ୍ରମଦ୍ଭୃଙ୍ଗାଵଲୀ ଭୃଶମ୍ ॥ ୧୩୮ ॥
ନିଷ୍କାରଣଃ ପଠେଦ୍ୟସ୍ତୁ ପ୍ରୀତ୍ୟର୍ଥଂ ରେଵତୀପତେଃ ।
ନାମ୍ନାଂ ସହସ୍ରଂ ରାଜେନ୍ଦ୍ର ସ ଜୀଵନ୍ମୁକ୍ତ ଉଚ୍ୟତେ ॥ ୧୩୯ ॥
ସଦା ଵସେତ୍ତସ୍ୟ ଗୃହେ ବଲଭଦ୍ରୋଽଚ୍ୟୁତାଗ୍ରଜଃ ।
ମହାପାତକ୍ୟପି ଜନଃ ପଠେନ୍ନାମସହସ୍ରକମ୍ ॥ ୧୪୦ ॥
ଛିତ୍ତ୍ଵା ମେରୁସମଂ ପାପଂ ଭୁକ୍ତ୍ଵା ସର୍ଵସୁଖଂ ତ୍ଵିହ ।
ପରାତ୍ପରଂ ମହାରାଜ ଗୋଲୋକଂ ଧାମ ୟାତି ହି ॥ ୧୪୧ ॥
ଶ୍ରୀନାରଦ ଉଵାଚ –
ଇତି ଶ୍ରୁତ୍ଵାଚ୍ୟୁତାଗ୍ରଜସ୍ୟ ବଲଦେଵସ୍ୟ ପଞ୍ଚାଙ୍ଗଂ
ଧୃତିମାନ୍ ଧାର୍ତରାଷ୍ଟ୍ରଃ ସପର୍ୟୟା ସହିତୟା ପରୟା
ଭକ୍ତ୍ୟା ପ୍ରାଡ୍ଵିପାକଂ ପୂଜୟାମାସ ॥
ତମନୁଜ୍ଞାପ୍ୟାଶିଷଂ ଦତ୍ଵା ପ୍ରାଡ୍ଵିପାକୋ ମୁନୀନ୍ଦ୍ରୋ
ଗଜାହ୍ଵୟାତ୍ସ୍ଵାଶ୍ରମଂ ଜଗାମ ॥ ୧୪୨ ॥
ଭଗଵତୋଽନନ୍ତସ୍ୟ ବଲଭଦ୍ରସ୍ୟ ପରବ୍ରହ୍ମଣଃ କଥାଂ
ୟଃ ଶୃଣୁତେ ଶ୍ରାଵୟତେ ତୟାଽଽନନ୍ଦମୟୋ ଭଵତି ॥ ୧୪୩ ॥
ଇଦଂ ମୟା ତେ କଥିତଂ ନୃପେନ୍ଦ୍ର ସର୍ଵାର୍ଥଦଂ ଶ୍ରୀବଲଭଦ୍ରଖଣ୍ଡମ୍ ।
ଶୃଣୋତି ୟୋ ଧାମ ହରେଃ ସ ୟାତି ଵିଶୋକମାନନ୍ଦମଖଣ୍ଡରୂପମ୍ ॥ ୧୪୪ ॥
ଇତି ଶ୍ରୀଗର୍ଗସଂହିତାୟାଂ ବଲଭଦ୍ରଖଣ୍ଡେ ପ୍ରାଡ୍ଵିପାକଦୁର୍ୟୋଧନସଂଵାଦେ
ବଲଭଦ୍ରସହସ୍ରନାମଵର୍ଣନଂ ନାମ ତ୍ରୟୋଦଶୋଽଧ୍ୟାୟଃ ॥ ଗ. ସଂ. ଅଧାୟ ୧୩ ॥
Also Read 1000 Names of Bala Rama :
1000 Names of Balarama | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
