1008 - Sahasranamavali

1000 Names of Lalita | Sahasranama Stotram from Naradapurana Lyrics in Bengali

Lalitasahasranamastotram from Naradapurana Lyrics in Bengali:

॥ শ্রীললিতাসহস্রনামস্তোত্রম্ নারদপুরাণান্তর্গতম্॥
॥ নারদপুরাণান্তর্গতে সকবচ শ্রীললিতাসহস্রনামস্তোত্রম্ ॥

সনত্কুমার উবাচ-
অথা সামাবৃতিস্থানাং শক্তীনাং সময়েন চ ।
or together ?? অথাসামাবৃতিস্থানাং as অথ অসাং আবৃত্তিস্থানাং শক্তীনাং
নাম্নাং সহস্রং বক্ষ্যামি গুরুধ্যানপুরঃসরম্ ॥ ১॥

নাথা নব প্রকাশাদ্যাঃ সুভগান্তাঃ প্রকীর্তিতাঃ ।
ভূম্যাদীনি শিবান্তানি বিদ্ধি তত্ত্বানি নারদ ॥ ২॥

গুরুজন্মাদিপর্বাণি দর্শান্তানি চ সপ্ত বৈ ।
এতানি প্রাঙ্মনোবৃত্ত্যা চিন্তয়েত্সাধকোত্তমঃ ॥ ৩॥

গুরুস্তোত্রং জপেচ্চাপি তদ্গতেনান্তরাত্মনা ।
নমস্তে নাথ ভগবঞ্শিবায় গুরুরূপিণে ॥ ৪॥

বিদ্যাবতারসংসিদ্ধ্যৈ স্বীকৃতানেকবিগ্রহ ।
নবায় নবরূপায় পরমার্থৈকরূপিণে ॥ ৫॥

সর্বাজ্ঞানতমোভেদভানবে চিদ্ঘনায় তে ।
স্বতন্ত্রায় দয়াকৢপ্তবিগ্রহায় শিবাত্মনে ॥ ৬॥

পরতন্ত্রায় ভক্তানাং ভব্যানাং ভব্যরূপিণে ।
বিবেকিনাং বিবেকায় বিমর্শায় বিমর্শিনাম্ ॥ ৭॥

প্রকাশানাং প্রকাশায় জ্ঞানিনাং জ্ঞানরূপিণে ।
পুরস্তাত্পার্শ্বয়োঃ পৃষ্ঠে নমঃ কুর্যামুপর্যধঃ ॥ ৮॥

সদা মচ্চিত্তসদনে বিধেহি ভবদাসনম্ ।
ইতি স্তুত্বা গুরুং ভক্ত্যা পরাং দেবীং বিচিন্তয়েত্ ॥ ৯॥

গণেশগ্রহনক্ষত্রয়োগিনীরাশিরূপিণীম্ ।
দেবীং মন্ত্রময়ীং নৌমি মাতৃকাপীঠরূপিণীম্ ॥ ১০॥

প্রণমামি মহাদেবীং মাতৃকাং পরমেশ্বরীম্ ।
কালহৃল্লোহলোল্লোহকলানাশনকারিণীম্ ॥ ১১॥

য়দক্ষরৈকমাত্রেঽপি সংসিদ্ধে স্পর্দ্ধতে নরঃ ।
রবিতাক্ষ্যেন্দুকন্দর্পৈঃ শঙ্করানলবিষ্ণুভিঃ ॥ ১২॥

য়দক্ষরশশিজ্যোত্স্নামণ্ডিতং ভুবনত্রয়ম্ ।
বন্দে সর্বেশ্বরীং দেবীং মহাশ্রীসিদ্ধমাতৃকাম্ ॥ ১৩॥

য়দক্ষরমহাসূত্রপ্রোতমেতজ্জগত্ত্রয়ম্ ।
ব্রহ্মাণ্ডাদিকটাহান্তং তাং বন্দে সিদ্ধমাতৃকাম্ ॥ ১৪॥

য়দেকাদশমাধারং বীজং কোণত্রয়োদ্ভবম্ ।
ব্রহ্মাণ্ডাদিকটাহান্তং জগদদ্যাপি দৃশ্যতে ॥ ১৫॥

অকচাদিটতোন্নদ্ধপয়শাক্ষরবর্গিণীম্ ।
জ্যেষ্ঠাঙ্গবাহুহৃত্কণ্ঠকটিপাদনিবাসিনীম্ ॥ ১৬॥

নৌমীকারাক্ষরোদ্ধারাং সারাত্সারাং পরাত্পরাম্ ।
প্রণমামি মহাদেবীং পরমানন্দরূপিণীম্ ॥ ১৭॥

অথাপি য়স্যা জানন্তি ন মনাগপি দেবতাঃ ।
কেয়ং কস্মাত্ক্ব কেনেতি সরূপারূপভাবনাম্ ॥ ১৮॥

বন্দে তামহমক্ষয়্যাং ক্ষকারাক্ষররূপিণীম্ ।
দেবীং কুলকলোল্লোলপ্রোল্লসন্তীং শিবাং পরাম্ ॥ ১৯॥

বর্গানুক্রময়োগেন য়স্যাখ্যোমাষ্টকং স্থিতম্ ।
বন্দে তামষ্টবর্গোত্থমহাসিদ্ধ্যাদিকেশ্বরীম্ ॥ ২০॥

কামপূর্ণজকারাখ্যসুপীঠান্তর্ন্নিবাসিনীম্ ।
চতুরাজ্ঞাকোশভূতাং নৌমি শ্রীত্রিপুরামহম্ ॥ ২১॥

এতত্স্তোত্রং তু নিত্যানাং য়ঃ পঠেত্সুসমাহিতঃ ।
পূজাদৌ তস্য সর্বাস্তা বরদাঃ স্যুর্ন সংশয়ঃ ॥ ২২॥

অথ তে কবচং দেব্যা বক্ষ্যে নবরতাত্মকম্ ।
য়েন দেবাসুরনরজয়ী স্যাত্সাধকঃ সদা ॥ ২৩॥

সর্বতঃ সর্বদাঽঽত্মানং ললিতা পাতু সর্বগা ।
কামেশী পুরতঃ পাতু ভগমালী ত্বনন্তরম্ ॥ ২৪॥

দিশং পাতু তথা দক্ষপার্শ্বং মে পাতু সর্বদা ।
নিত্যক্লিন্নাথ ভেরুণ্ডা দিশং মে পাতু কৌণপীম্ ॥ ২৫॥

তথৈব পশ্চিমং ভাগং রক্ষতাদ্বহ্নিবাসিনী ।
মহাবজ্রেশ্বরী নিত্যা বায়ব্যে মাং সদাবতু ॥ ২৬॥

বামপার্শ্বং সদা পাতু ইতীমেলরিতা ততঃ ।
মাহেশ্বরী দিশং পাতু ত্বরিতং সিদ্ধদায়িনী ॥ ২৭॥

পাতু মামূর্ধ্বতঃ শশ্বদ্দেবতা কুলসুন্দরী ।
অধো নীলপতাকাখ্যা বিজয়া সর্বতশ্চ মাম্ ॥ ২৮॥

করোতু মে মঙ্গলানি সর্বদা সর্বমঙ্গলা ।
দেহেন্দ্রিয়মনঃপ্রাণাঞ্জ্বালামালিনিবিগ্রহা ॥ ২৯॥

পালয়ত্বনিশং চিত্তা চিত্তং মে সর্বদাবতু ।
কামাত্ক্রোধাত্তথা লোভান্মোহান্মানান্মদাদপি ॥ ৩০॥

পাপান্মাং সর্বতঃ শোকাত্সঙ্ক্ষয়াত্সর্বতঃ সদা ।
অসত্যাত্ক্রূরচিন্তাতো হিংসাতশ্চৌরতস্তথা ।
স্তৈমিত্যাচ্চ সদা পান্তু প্রেরয়ন্ত্যঃ শুভং প্রতি ॥ ৩১॥

নিত্যাঃ ষোডশ মাং পান্তু গজারূঢাঃ স্বশক্তিভিঃ ।
তথা হয়সমারূঢাঃ পান্তু মাং সর্বতঃ সদা ॥ ৩২॥

সিংহারূঢাস্তথা পান্তু পান্তু ঋক্ষগতা অপি ।
রথারূঢাশ্চ মাং পান্তু সর্বতঃ সর্বদা রণে ॥ ৩৩॥

তার্ক্ষ্যারূঢাশ্চ মাং পান্তু তথা ব্যোমগতাশ্চ তাঃ ।
ভূতগাঃ সর্বগাঃ পান্তু পান্তু দেব্যশ্চ সর্বদা ॥ ৩৪॥

ভূতপ্রেতপিশাচাশ্চ পরকৃত্যাদিকান্ গদান্ ।
দ্রাবয়ন্তু স্বশক্তীনাং ভূষণৈরায়ুধৈর্মম ॥ ৩৫॥

গজাশ্বদ্বীপিপঞ্চাস্যতার্ক্ষ্যারূঢাখিলায়ুধাঃ ।
অসঙ্খ্যাঃ শক্তয়ো দেব্যঃ পান্তু মাং সর্বতঃ সদা ॥ ৩৬॥

সায়ং প্রাতর্জপন্নিত্যাকবচং সর্বরক্ষকম্ ।
কদাচিন্নাশুভং পশ্যেত্সর্বদানন্দমাস্থিতঃ ॥ ৩৭॥

ইত্যেতত্কবচং প্রোক্তং ললিতায়াঃ শুভাবহম্ ।
য়স্য সন্ধারণান্মর্ত্যো নির্ভয়ো বিজয়ী সুখী ॥ ৩৮॥

অথ নাম্নাং সহস্রং তে বক্ষ্যে সাবরণার্চনম্ ।
ষোডশানামপি মুনে স্বস্বক্রমগতাত্মকম্ ॥ ৩৯॥

ললিতা চাপি বা কামেশ্বরী চ ভগমালিনী ।
নিত্যক্লিন্না চ ভেরুণ্ডা কীর্তিতা বহ্নিবাসিনী ॥ ৪০॥

বজ্রেশ্বরী তথা দূতী ত্বরিতা কুলসুন্দরী ।
নিত্যা সংবিত্তথা নীলপতাকা বিজয়াহ্বয়া ॥ ৪১॥

সর্বমঙ্গলিকা চাপি জ্বালামালিনিসঞ্জ্ঞিতা ।
চিত্রা চেতি ক্রমান্নিত্যাঃ ষোডশাপীষ্টবিগ্রহাঃ ॥ ৪২॥

কুরুকুল্লা চ বারাহী দ্বে এতে চেষ্টবিগ্রহে ।
বশিনী চাপি কামেশী মোহিনী বিমলারুণা ॥ ৪৩॥

তপিনী চ তথা সর্বেশ্বরীচাপ্যথ কৌলিনী ।
মুদ্রাণন্তনুরিষ্বর্ণরূপা চাপার্ণবিগ্রহা ॥ ৪৪॥

পাশবর্ণশরীরা চাকুর্বর্ণসুবপুর্দ্ধরা ।
ত্রিখণ্ডা স্থাপনী সন্নিরোধনী চাবগুণ্ঠনী ॥ ৪৫॥

সন্নিধানেষু চাপাখ্যা তথা পাশাঙ্কুশাভিধা ।
নমস্কৃতিস্তথা সঙ্ক্ষোভণী বিদ্রাবণী তথা ॥ ৪৬॥

আকর্ষণী চ বিখ্যাতা তথৈবাবেশকারিণী ।
উন্মাদিনী মহাপূর্বা কুশাথো খেচরী মতা ॥ ৪৭॥

বীজা শক্ত্যুত্থাপনা চ স্থূলসূক্ষ্মপরাভিধা ।
অণিমা লঘিমা চৈব মহিমা গরিমা তথা ॥ ৪৮॥

প্রাপ্তিঃ প্রকামিতা চাপি চেশিতা বশিতা তথা ।
ভুক্তিঃ সিদ্ধিস্তথৈবেচ্ছা সিদ্ধিরূপা চ কীর্তিতা ॥ ৪৯॥

ব্রাহ্মী মাহেশ্বরী চৈব কৌমারী বৈষ্ণবী তথা ।
বারাহীন্দ্রাণী চামুণ্ডা মহালক্ষ্মীস্বরূপিণী ॥ ৫০॥

কামা বুদ্ধিরহঙ্কারশব্দস্পর্শস্বরূপিণী ।
রূপরূপা রসাহ্বা চ গন্ধবিত্তধৃতিস্তথা ॥ ৫১॥

নাভবীজামৃতাখ্যা চ স্মৃতিদেহাত্মরূপিণী ।
কুসুমা মেখলা চাপি মদনা মদনাতুরা ॥ ৫২॥

রেখা সংবেগিনী চৈব হ্যঙ্কুশা মালিনীতি চ ।
সঙ্ক্ষোভিণী তথা বিদ্রাবিণ্যাকর্ষণরূপিণী ॥ ৫৩॥

আহ্লাদিনীতি চ প্রোক্তা তথা সম্মোহিনীতি চ ।
স্তম্ভিনী জম্ভিনী চৈব বশঙ্কর্যথ রঞ্জিনী ॥ ৫৪॥

উন্মাদিনী তথৈবার্থসাধিনীতি প্রকীর্তিতা ।
সম্পত্তিপূর্ণা সা মন্ত্রময়ী দ্বন্দ্বক্ষয়ঙ্করী ॥ ৫৫॥

সিদ্ধিঃ সম্পত্প্রদা চৈব প্রিয়মঙ্গলকারিণী ।
কামপ্রদা নিগদিতা তথা দুঃখবিমোচিনী ॥ ৫৬॥

মৃত্যুপ্রশমনী চৈব তথা বিঘ্ননিবারিণী ।
অঙ্গসুন্দরিকা চৈব তথা সৌভাগ্যদায়িনী ॥ ৫৭॥

জ্ঞানৈশ্বর্যপ্রদা জ্ঞানময়ী চৈব চ পঞ্চমী ।
বিন্ধ্যবাসনকা ঘোরস্বরূপা পাপহারিণী ॥ ৫৮॥

তথানন্দময়ী রক্ষারূপেপ্সিতফলপ্রদা ।
জয়িনী বিমলা চাথ কামেশী বজ্রিণী ভগা ॥ ৫৯॥

ত্রৈলোক্যমোহনা স্থানা সর্বাশাপরিপূরণী ।
সর্বসংক্ষোভণগতা সৌভাগ্যপ্রদসংস্থিতা ॥ ৬০॥

সবার্থসাধকাগারা সর্বরোগহরাস্থিতা ।
সর্বরক্ষাকরাস্থানা সর্বসিদ্ধিপ্রদস্থিতা ॥ ৬১॥

সর্বানন্দময়াধারবিন্দুস্থানশিবাত্মিকা ।
প্রকৃষ্টা চ তথা গুপ্তা জ্ঞেয়া গুপ্ততরাপি চ ॥ ৬২॥

সম্প্রদায়স্বরূপা চ কুলকৌলনিগর্ভগা ।
রহস্যাপরাপরপ্রাকৃত্তথৈবাতিরহস্যকা ॥ ৬৩॥

ত্রিপুরা ত্রিপুরেশী চ তথৈব পুরবাসিনী ।
শ্রীমালিনী চ সিদ্ধান্তা মহাত্রিপুরসুন্দরী ॥ ৬৪॥

নবরত্নময়দ্বীপনবখণ্ডবিরাজিতা ।
কল্পকোদ্যানসংস্থা চ ঋতুরূপেন্দ্রিয়ার্চকা ॥ ৬৫॥

কালমুদ্রা মাতৃকাখ্যা রত্নদেশোপদেশিকা ।
তত্ত্বাগ্রহাভিধা মূর্তিস্তথৈব বিষয়দ্বিপা ॥ ৬৬॥

দেশকালাকারশব্দরূপা সঙ্গীতয়োগিনী ।
সমস্তগুপ্তপ্রকটসিদ্ধয়োগিনিচক্রয়ুক্ ॥ ৬৭॥

বহ্নিসূর্যেন্দুভূতাহ্বা তথাত্মাষ্টাক্ষরাহ্বয়া ।
পঞ্চধার্চাস্বরূপা চ নানাব্রতসমাহ্বয়া ॥ ৬৮॥

নিষিদ্ধাচাররহিতা সিদ্ধচিহ্নস্বরূপিণী ।
চতুর্দ্ধা কূর্মভাগস্থা নিত্যাদ্যর্চাস্বরূপিণী ॥ ৬৯॥

দমনাদিসমভ্যর্চা ষট্কর্মসিদ্ধিদায়িনী ।
তিথিবারপৃথগ্দ্রব্যসমর্চনশুভাবহা ॥ ৭০॥

বায়োশ্যনঙ্গকুসুমা তথৈবানঙ্গমেখলা ।
অনঙ্গমদনানঙ্গমদনাতুরসাহ্বয়া ॥ ৭১॥

মদদেগিনিকা চৈব তথা ভুবনপালিনী ।
শশিলেখা সমুদ্দিষ্টা গতিলেখাহ্বয়া মতা ॥ ৭২॥

শ্রদ্ধা প্রীতী রতিশ্চৈব ধৃতিঃ কান্তির্মনোরমা ।
মনোহরা সমাখ্যাতা তথৈব হি মনোরথা ॥ ৭৩॥

মদনোন্মাদিনী চৈব মোদিনী শঙ্খিনী তথা ।
শোষিণী চৈব শঙ্কারী সিঞ্জিনী সুভগা তথা ॥ ৭৪॥

পূষাচেদ্বাসুমনসা রতিঃ প্রীতির্ধৃতিস্তথা ।
ঋদ্ধিঃ সৌম্যা মরীচিশ্চ তথৈব হ্যংশুমালিনী ॥ ৭৫॥

শশিনী চাঙ্গিরা ছায়া তথা সম্পূর্ণমণ্ডলা ।
তুষ্টিস্তথামৃতাখ্যা চ ডাকিনী সাথ লোকপা ॥ ৭৬॥

বটুকেভাস্বরূপা চ দুর্গা ক্ষেত্রেশরূপিণী ।
কামরাজস্বরূপা চ তথা মন্মথরূপিণী ॥ ৭৭॥

কন্দর্প্পরূপিণী চৈব তথা মকরকেতনা ।
মনোভবস্বরূপা চ ভারতী বর্ণরূপিণী ॥ ৭৮॥

মদনা মোহিনী লীলা জম্ভিনী চোদ্যমা শুভা ।
হ্লাদিনী দ্রাবিণী প্রীতী রতী রক্তা মনোরমা ॥ ৭৯॥

সর্বোন্মাদা সর্বমুখা হ্যভঙ্গা চামিতোদ্যমা ।
অনল্পাব্যক্তবিভবা বিবিধাক্ষোভবিগ্রহা ॥ ৮০॥

রাগশক্তির্দ্বেষশক্তিস্তথা শব্দাদিরূপিণী ।
নিত্যা নিরঞ্জনা ক্লিন্না ক্লেদিনী মদনাতুরা ॥ ৮১॥

মদদ্রবা দ্রাবিণী চ দ্রবিণী চেতি কীর্তিতা ।
মদাবিলা মঙ্গলা চ মন্মথানী মনস্বিনী ॥ ৮২॥

মোহা মোদা মানময়ী মায়া মন্দা মিতাবতী ।
বিজয়া বিমলা চৈব শুভা বিশ্বা তথৈব চ ॥ ৮৩॥

বিভূতির্বিনতা চৈব বিবিধা বিনতা ক্রমাত্ ।
কমলা কামিনী চৈব কিরাতা কীর্তিরূপিণী ॥ ৮৪॥

কুট্টিনী চ সমুদ্দিষ্টা তথৈব কুলসুন্দরী ।
কল্যাণী কালকোলা চ ডাকিনী শাকিনী তথা ॥ ৮৫॥

লাকিনী কাকিনী চৈব রাকিনী কাকিনী তথা ।
ইচ্ছাজ্ঞানা ক্রিয়াখ্যা চাপ্যায়ুধাষ্টকধারিণী ॥ ৮৬॥

কপর্দিনী সমুদ্দিষ্টা তথৈব কুলসুন্দরী ।
জ্বালিনী বিস্ফুলিঙ্গা চ মঙ্গলা সুমনোহরা ॥ ৮৭॥

কনকা কিনবা বিদ্যা বিবিধা চ প্রকীর্তিতা ।
মেষা বৃষাহ্বয়া চৈব মিথুনা কর্কটা তথা ॥ ৮৮॥

সিংহা কন্যা তুলা কীটা চাপা চ মকরা তথা ।
কুম্ভা মীনা চ সারা চ সর্বভক্ষা তথৈব চ ॥ ৮৯॥

বিশ্বাত্মা বিবিধোদ্ভূতচিত্ররূপা চ কীর্তিতা ।
নিঃসপত্না নিরাতঙ্কা য়াচনাচিন্ত্যবৈভবা ॥ ৯০॥

রক্তা চৈব ততঃ প্রোক্তা বিদ্যাপ্রাপ্তিস্বরূপিণী ।
হৃল্লেখা ক্লেদিনী ক্লিন্না ক্ষোভিণী মদনাতুরা ॥ ৯১॥

নিরঞ্জনা রাগবতী তথৈব মদনাবতী ।
মেখলা দ্রাবিণী বেগবতী চৈব প্রকীর্তিতা ॥ ৯২॥

কমলা কামিনী কল্পা কলা চ কলিতাদ্ভুতা ।
কিরাতা চ তথা কালা কদনা কৌশিকা তথা ॥ ৯৩॥

কম্বুবাদনিকা চৈব কাতরা কপটা তথা ।
কীর্তিশ্চাপি কুমারী চ কুঙ্কুমা পরিকীর্তিতা ॥ ৯৪॥

ভঞ্জিনী বেগিনী নাগা চপলা পেশলা সতী ।
রতিঃ শ্রদ্ধা ভোগলোলা মদোন্মত্তা মনস্বিনী ॥ ৯৫॥

বিহ্বলা কর্ষিণী লোলা তথা মদনমালিনী ।
বিনোদা কৌতুকা পুণ্যা পুরাণা পরিকীর্তিতা ॥ ৯৬॥

বাগীশী বরদা বিশ্বা বিভবা বিঘ্নকারিণী ।
বীজবিঘ্নহরা বিদ্যা সুমুখী সুন্দরী তথা ॥ ৯৭॥

সারা চ সুমনা চৈব তথা প্রোক্তা সরস্বতী ।
সময়া সর্বগা বিদ্ধা শিবা বাণী চ কীর্তিতা ॥ ৯৮॥

দূরসিদ্ধা তথা প্রোক্তাথো বিগ্রহবতী মতা ।
নাদা মনোন্মনী প্রাণপ্রতিষ্ঠারুণবৈভবা ॥ ৯৯॥

প্রাণাপানা সমানা চ ব্যানোদানা চ কীর্তিতা ।
নাগা কূর্মা চ কৃকলা দেবদত্তা ধনঞ্জয়া ॥ ১০০॥

ফট্কারী কিঙ্করারাধ্যা জয়া চ বিজয়া তথা ।
হুঙ্কারী খেচরী চণ্ডং ছেদিনী ক্ষপিণী তথা ॥ ১০১॥

স্ত্রীহুঙ্কারী ক্ষেমকারী চতুরক্ষররূপিণী ।
শ্রীবিদ্যামতবর্ণাঙ্গী কালী য়াম্যা নৃপার্ণকা ॥ ১০২॥

ভাষা সরস্বতী বাণী সংস্কৃতা প্রাকৃতা পরা ।
বহুরূপা চিত্তরূপা রম্যানন্দা চ কৌতুকা ॥ ১০৩॥

ত্রয়াখ্যা পরমাত্মাখ্যাপ্যমেয়বিভবা তথা ।
বাক্স্বরূপা বিন্দুসর্গরূপা বিশ্বাত্মিকা তথা ॥ ১০৪॥

তথা ত্রৈপুরকন্দাখ্যা জ্ঞাত্রাদিত্রিবিধাত্মিকা ।
আয়ুর্লক্ষ্মীকীর্তিভোগসৌন্দর্যারোগ্যদায়িকা ॥ ১০৫॥

ঐহিকামুষ্মিকজ্ঞানময়ী চ পরিকীর্তিতা ।
জীবাখ্যা বিজয়াখ্যা চ তথৈব বিশ্ববিন্ময়ী ॥ ১০৬॥

হৃদাদিবিদ্যা রূপাদিভানুরূপা জগদ্বপুঃ ।
বিশ্বমোহনিকা চৈব ত্রিপুরামৃতসঞ্জ্ঞিকা ॥ ১০৭॥

সর্বাপ্যায়নরূপা চ মোহিনী ক্ষোভণী তথা ।
ক্লেদিনী চ সমাখ্যাতা তথৈব চ মহোদয়া ॥ ১০৮॥

সম্পত্করী হলক্ষার্ণা সীমামাতৃতনূ রতিঃ ।
প্রীতির্মনোভবা বাপি প্রোক্তা বারাধিপা তথা ॥ ১০৯॥

ত্রিকূটা চাপি ষট্কূটা পঞ্চকূটা বিশুদ্ধগা ।
অনাহতগতা চৈব মণিপূরকসংস্থিতা ॥ ১১০॥

স্বাধিষ্ঠানসমাসীনাধারস্থাজ্ঞাসমাস্থিতা ।
ষট্ত্রিংশত্কূটরূপা চ পঞ্চাশন্মিথুনাত্মিকা ॥ ১১১॥

পাদুকাদিকসিদ্ধীশা তথা বিজয়দায়িনী ।
কামরূপপ্রদা বেতালরূপা চ পিশাচিকা ॥ ১১২॥

বিচিত্রা বিভ্রমা হংসী ভীষণী জনরঞ্জিকা ।
বিশালা মদনা তুষ্টা কালকণ্ঠী মহাভয়া ॥ ১১৩॥

মাহেন্দ্রী শঙ্খিনী চৈন্দ্রী মঙ্গলা বটবাসিনী ।
মেখলা সকলা লক্ষ্মীর্মালিনী বিশ্বনায়িকা ॥ ১১৪॥

সুলোচনা সুশোভা চ কামদা চ বিলাসিনী ।
কামেশ্বরী নন্দিনী চ স্বর্ণরেখা মনোহরা ॥ ১১৫॥

প্রমোদা রাগিণী সিদ্ধা পদ্মিনী চ রতিপ্রিয়া ।
কল্যাণদা কলাদক্ষা ততশ্চ সুরসুন্দরী ॥ ১১৬॥

বিভ্রমা বাহকা বীরা বিকলা কোরকা কবিঃ ।
সিংহনাদা মহানাদা সুগ্রীবা মর্কটা শঠা ॥ ১১৭॥

বিডালাক্ষা বিডালাস্যা কুমারী খেচরী ভবা ।
ময়ূরা মঙ্গলা ভীমা দ্বিপবক্ত্রা খরাননা ॥ ১১৮॥

মাতঙ্গী চ নিশাচারা বৃষগ্রাহা বৃকাননা ।
সৈরিভাস্যা গজমুখা পশুবক্ত্রা মৃগাননা ॥ ১১৯॥

ক্ষোভকা মণিভদ্রা চ ক্রীডকা সিংহচক্রকা ।
মহোদরা স্থূলশিখা বিকৃতাস্যা বরাননা ॥ ১২০॥

চপলা কুক্কুটাস্যা চ পাবিনী মদনালসা ।
মনোহরা দীর্ঘজঙ্ঘা স্থূলদন্তা দশাননা ॥ ১২১॥

সুমুখা পণ্ডিতা ক্রুদ্ধা বরাহাস্যা সটামুখা ।
কপটা কৌতুকা কালা কিঙ্করা কিতবা খলা ॥ ১২২॥

ভক্ষকা ভয়দা সিদ্ধা সর্বগা চ প্রকীর্তিতা ।
জয়া চ বিজয়া দুর্গা ভদ্রা ভদ্রকরী তথা ॥ ১২৩॥

অম্বিকা বামদেবী চ মহামায়াস্বরূপিণী ।
বিদারিকা বিশ্বময়ী বিশ্বা বিশ্ববিভঞ্জিতা ॥ ১২৪॥

বীরা বিক্ষোভিণী বিদ্যা বিনোদা বীজবিগ্রহা ।
বীতশোকা বিষগ্রীবা বিপুলা বিজয়প্রদা ॥ ১২৫॥

বিভবা বিবিধা বিপ্রা তথৈব পরিকীর্তিতা ।
মনোহরা মঙ্গলা চ মদোত্সিক্তা মনস্বিনী ॥ ১২৬॥

মানিনী মধুরা মায়া মোহিনী চ তথা স্মৃতা ।
ভদ্রা ভবানী ভব্যা চ বিশালাক্ষী শুচিস্মিতা ॥ ১২৭॥

ককুভা কমলা কল্পা কলাথো পূরণী তথা ।
নিত্যা চাপ্যমৃতা চৈব জীবিতা চ তথা দয়া ॥ ১২৮॥

অশোকা হ্যমলা পূর্ণা পূর্ণা ভাগ্যোদ্যতা তথা ।
বিবেকা বিভবা বিশ্বা বিততা চ প্রকীর্তিতা ॥ ১২৯॥

কামিনী খেচরী গর্বা পুরাণা পরমেশ্বরী ।
গৌরী শিবা হ্যমেয়া চ বিমলা বিজয়া পরা ॥ ১৩০॥

পবিত্রা পদ্মিনী বিদ্যা বিশ্বেশী শিববল্লভা ।
অশেষরূপা হ্যানন্দাম্বুজাক্ষী চাপ্যনিন্দিতা ॥ ১৩১॥

বরদা বাক্যদা বাণী বিবিধা বেদবিগ্রহা ।
বিদ্যা বাগীশ্বরী সত্যা সংয়তা চ সরস্বতী ॥ ১৩২॥

নির্মলানন্দরূপা চ হ্যমৃতা মানদা তথা ।
পূষা চৈব তথা পুষ্টিস্তুষ্টিশ্চাপি রতির্ধৃতিঃ ॥ ১৩৩॥

শশিনী চন্দ্রিকা কান্তির্জ্যোত্স্না শ্রীঃ প্রীতিরঙ্গদা ।
পূর্ণা পূর্ণামৃতা কামদায়িনীন্দুকলাত্মিকা ॥ ১৩৪॥

তপিনী তাপিনী ধূম্রা মরীচির্জ্বালিনী রুচিঃ ।
সুষুম্ণা ভোগদা বিশ্বা বাধিনী ধারিণী ক্ষমা ॥ ১৩৫॥

ধূম্রার্চিরূষ্মা জ্বলিনী জ্বালিনী বিস্ফুলিঙ্গিনী ।
সুশ্রীঃ স্বরূপা কপিলা হব্যকব্যবহা তথা ॥ ১৩৬॥

ঘস্মরা বিশ্বকবলা লোলাক্ষী লোলজিহ্বিকা ।
সর্বভক্ষা সহস্রাক্ষী নিঃসঙ্গা চ গতিপ্রিয়া ॥ ১৩৭॥

অচিন্ত্যা চাপ্রমেয়া চ পূর্ণরূপা দুরাসদা ।
সর্বা সংসিদ্ধিরূপা চ পাবনীত্যেকরূপিণী ॥ ১৩৮॥

তথা য়ামলবেধাখ্যা শাক্তে বেদস্বরূপিণী ।
তথা শাম্ভববেধা চ ভাবনাসিদ্ধিসূচিনী ॥ ১৩৯॥

বহ্নিরূপা তথা দস্রা হ্যমাবিধ্না ভুজঙ্গমা ।
ষণ্মুখা রবিরূপা চ মাতা দুর্গা দিশা তথা ॥ ১৪০॥

ধনদা কেশবা চাপি য়মী চৈব হরা শশা ।
অশ্বিনী চ য়মী বহ্নিরূপা ধাত্রীতি কীর্তিতা ॥ ১৪১॥

চন্দ্রা শিবাদিতির্জীবা সর্পিণী পিতৃরূপিণী ।
অর্যম্ণা চ ভগা সূর্যা ত্বাষ্ট্রিমারুতিসঞ্জ্ঞিকা ॥ ১৪২॥

ইন্দ্রাগ্নিরূপা মিত্রা চাপীন্দ্রাণী নিরৃতির্জলা ।
বৈশ্বদেবী হরিতভূর্বাসবী বরুণা জয়া ॥ ১৪৩॥

অহির্বুধ্ন্যা পূষণী চ তথা কারস্করামলা ।
উদুম্বরা জম্বুকা চ খদিরা কৃষ্ণরূপিণী ॥ ১৪৪॥

বংশা চ পিপ্পলা নাগা রোহিণা চ পলাশকা ।
পক্ষকা চ তথাম্বষ্ঠা বিল্বা চার্জুনরূপিণী ॥ ১৪৫॥

বিকঙ্কতা চ ককুভা সরলা চাপি সর্জিকা ।
বঞ্জুলা পনসার্কা চ শমী হলিপ্রিয়াম্রকা ॥ ১৪৬॥

নিম্বা মধূকসঞ্জ্ঞা চাপ্যশ্বত্থা চ গজাহ্বয়া ।
নাগিনী সর্পিণী চৈব শুনী চাপি বিডালিকী ॥ ১৪৭॥

ছাগী মার্জারিকা মূষী বৃষভা মাহিষী তথা ।
শার্দূলী সৈরিভী ব্যাঘ্রী হরিণী চ মৃগী শুনী ॥ ১৪৮॥

কপিরূপা চ গোঘণ্টা বানরী চ নরাশ্বিনী ।
নগা গৌর্হস্তিনী চেতি তথা ষট্চক্রবাসিনী ॥ ১৪৯॥

ত্রিখণ্ডা তীরপালাখ্যা ভ্রামণী দ্রবিণী তথা ।
সোমা সূর্যা তিথির্বারা য়োগার্ক্ষা করণাত্মিকা ॥ ১৫০॥

য়ক্ষিণী তারণা ব্যোমশব্দাদ্যা প্রাণিনী চ ধীঃ ।
ক্রোধিনী স্তম্ভিনী চণ্ডোচ্চণ্ডা ব্রাহ্ম্যাদিরূপিণী ॥ ১৫১॥

সিংহস্থা ব্যাঘ্রগা চৈব গজাশ্বগরুডস্থিতা ।
ভৌমাপ্যা তৈজসী বায়ুরূপিণী নাভসা তথা ॥ ১৫২॥

একবক্ত্রা চতুর্বক্ত্রা নববক্ত্রা কলাননা ।
পঞ্চবিংশতিবক্ত্রা চ ষড্বিংশদ্বদনা তথা ॥ ১৫৩॥

ঊনপঞ্চাশদাস্যা চ চতুঃষষ্টিমুখা তথা ।
একাশীতিমুখা চৈব শতাননসমন্বিতা ॥ ১৫৪॥

স্থূলরূপা সূক্ষ্মরূপা তেজোবিগ্রহধারিণী ।
বৃণাবৃত্তিস্বরূপা চ নাথাবৃত্তিস্বরূপিণী ॥ ১৫৫॥

তত্ত্বাবৃত্তিস্বরূপাপি নিত্যাবৃত্তিবপুর্দ্ধরা ॥ ১৫৬॥

অঙ্গাবৃত্তিস্বরূপা চাপ্যায়ুধাবৃত্তিরূপিণী ।
গুরুপঙ্ক্তিস্বরূপা চ বিদ্যাবৃত্তিতনুস্তথা ॥ ১৫৭॥

ব্রহ্মাদ্যাবৃত্তিরূপা চ পরা পশ্যন্তিকা তথা ।
মধ্যমা বৈখরী শীর্ষকণ্ঠতাল্বোষ্ঠদন্তগা ॥ ১৫৮॥

জিহ্বামূলগতা নাসাগতোরঃস্থলগামিনী ।
পদবাক্যস্বরূপা চ বেদভাষাস্বরূপিণী ॥ ১৫৯॥

সেকাখ্যা বীক্ষণাখ্যা চোপদেশাখ্যা তথৈব চ ।
ব্যাকুলাক্ষরসঙ্কেতা গায়ত্রী প্রণবাদিকা ॥ ১৬০॥

জপহোমার্চনধ্যানয়ন্ত্রতর্পণরূপিণী ।
সিদ্ধসারস্বতা মৃত্যুঞ্জয়া চ ত্রিপুরা তথা ॥ ১৬১॥

গারুডা চান্নপূর্ণা চাপ্যশ্বারূঢা নবাত্মিকা ।
গৌরী চ দেবী হৃদয়া লক্ষদা চ মতঙ্গিনী ॥ ১৬২॥

নিষ্কত্রয়পদা চেষ্টাবাদিনী চ প্রকীর্তিতা ।
রাজলক্ষ্মীর্মহালক্ষ্মীঃ সিদ্ধলক্ষ্মীর্গবাননা ॥ ১৬৩॥

ইত্যেবং ললিতাদেব্যা দিব্যং নামসহস্রকম্ ।
সর্বার্থসিদ্ধিদং প্রোক্তং চতুর্বর্গফলপ্রদম্ ॥ ১৬৪॥

এতন্নিত্যমুষঃকালে য়ো জপেচ্ছুদ্ধমানসঃ ।
স য়োগী ব্রহ্মবিজ্জ্ঞানী শিবয়োগী তথাঽঽত্মবিত্ ॥ ১৬৫॥

দ্বিরাবৃত্ত্যা প্রজপতো হ্যায়ুরারোগ্যসম্পদঃ ।
লোকানুরঞ্জনং নারীনৃপাবর্জনকর্ম চ ॥ ১৬৬॥

অপৃথক্ত্বেন সিদ্ধ্যন্তি সাধকস্যাস্য নিশ্চিতম্ ।
ত্রিরাবৃত্ত্যাস্য বৈ পুংসো বিশ্বং ভূয়াদ্বশেঽখিলম্ ॥ ১৬৭॥

চতুরাবৃত্তিতশ্চাস্য সমীহিতমনারতম্ ।
ফলত্যেব প্রয়োগার্হো লোকরক্ষাকরো ভবেত্ ॥ ১৬৮॥

পঞ্চাবৃত্ত্যা নরা নার্যো নৃপা দেবাশ্চ জন্তবঃ ।
ভজন্ত্যেনং সাধকং চ দেব্যামাহিতচেতসঃ ॥ ১৬৯॥

ষডাবৃত্ত্যা তন্ময়ঃ স্যাত্সাধকশ্চাস্য সিদ্ধয়ঃ ।
অচিরেণৈব দেবীনাং প্রসাদাত্সম্ভবন্তি চ ॥ ১৭০॥

সপ্তাবৃত্ত্যারিরোগাদিকৃত্যাপস্মারনাশনম্ ।
অষ্টাবৃত্ত্যা নরো ভূপান্নিগ্রহানুগ্রহক্ষমঃ ॥ ১৭১॥

নবাবৃত্ত্যা মন্মথাভো বিক্ষোভয়তি ভূতলম্ ।
দশাবৃত্ত্যা পঠেন্নিত্যং বাগ্লক্ষ্মীকান্তিসিদ্ধয়ে ॥ ১৭২॥

রুদ্রা বৃত্ত্যাখিলর্দ্ধিশ্চ তদায়ত্তং জগদ্ভবেত্ ।
অর্কাবৃত্ত্যা সিদ্ধিভিঃ স্যাদ্দিগ্ভির্মর্ত্যো হরোপমঃ ॥ ১৭৩॥

বিশ্বাবৃত্ত্যা তু বিজয়ী সর্বতঃ স্যাত্সুখী নরঃ ।
শক্রাবৃত্ত্যাখিলেষ্টাপ্তিঃ সর্বতো মঙ্গলং ভবেত্ ॥ ১৭৪॥

তিথ্যাবৃত্ত্যাখিলানিষ্টানয়ত্নাদাপ্নুয়ান্নরঃ ।
ষোডশাবৃত্তিতো ভূয়ান্নরঃ সাক্ষান্মহেশ্বরঃ ॥ ১৭৫॥

বিশ্বং স্রষ্টুং পালয়িতুং সংহর্তুং চ ক্ষমো ভবেত্ ।
মণ্ডলং মাসমাত্রং বা য়ো জপেদ্যদ্যদাশয়ঃ ॥ ১৭৬॥

তত্তদেবাপ্নুয়াত্সত্যং শিবস্য বচনং য়থা ।
ইত্যেতত্কথিতং বিপ্র নিত্যাবৃত্ত্যর্চনাশ্রিতম্ ॥ ১৭৭॥

নাম্নাং সহস্রং মনসোঽভীষ্টসম্পাদনক্ষমম্ ॥ ১৭৮॥

॥ ইতি শ্রীবৃহন্নারদীয়পুরাণে পূর্বভাগে তৃতীয়পাদে
বৃহদুপাখ্যানে সকবচ শ্রীললিতাসহস্রনামস্তোত্রং সম্পূর্ণম্ ॥ ৮৯॥

Also Read 1000 Names of Lalita from Naradapurana:

1000 Names of Sri Lalita | Sahasranama Stotram from Naradapurana in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment