Templesinindiainfo

Best Spiritual Website

1000 Names of Lalita | Sahasranama Stotram from Naradapurana Lyrics in Malayalam

Lalitasahasranamastotram from Naradapurana Lyrics in Malayalam:

॥ ശ്രീലലിതാസഹസ്രനാമസ്തോത്രം നാരദപുരാണാന്തര്‍ഗതം ॥
॥ നാരദപുരാണാന്തര്‍ഗതേ സകവച ശ്രീലലിതാസഹസ്രനാമസ്തോത്രം ॥

സനത്കുമാര ഉവാച-
അഥാ സാമാവൃതിസ്ഥാനാം ശക്തീനാം സമയേന ച ।
or together ?? അഥാസാമാവൃതിസ്ഥാനാം as അഥ അസാം ആവൃത്തിസ്ഥാനാം ശക്തീനാം
നാംനാം സഹസ്രം വക്ഷ്യാമി ഗുരുധ്യാനപുരഃസരം ॥ 1 ॥

നാഥാ നവ പ്രകാശാദ്യാഃ സുഭഗാന്താഃ പ്രകീര്‍തിതാഃ ।
ഭൂംയാദീനി ശിവാന്താനി വിദ്ധി തത്ത്വാനി നാരദ ॥ 2 ॥

ഗുരുജന്‍മാദിപര്‍വാണി ദര്‍ശാന്താനി ച സപ്ത വൈ ।
ഏതാനി പ്രാങ്മനോവൃത്ത്യാ ചിന്തയേത്സാധകോത്തമഃ ॥ 3 ॥

ഗുരുസ്തോത്രം ജപേച്ചാപി തദ്ഗതേനാന്തരാത്മനാ ।
നമസ്തേ നാഥ ഭഗവഞ്ശിവായ ഗുരുരൂപിണേ ॥ 4 ॥

വിദ്യാവതാരസംസിദ്ധ്യൈ സ്വീകൃതാനേകവിഗ്രഹ ।
നവായ നവരൂപായ പരമാര്‍ഥൈകരൂപിണേ ॥ 5 ॥

സര്‍വാജ്ഞാനതമോഭേദഭാനവേ ചിദ്ഘനായ തേ ।
സ്വതന്ത്രായ ദയാകൢപ്തവിഗ്രഹായ ശിവാത്മനേ ॥ 6 ॥

പരതന്ത്രായ ഭക്താനാം ഭവ്യാനാം ഭവ്യരൂപിണേ ।
വിവേകിനാം വിവേകായ വിമര്‍ശായ വിമര്‍ശിനാം ॥ 7 ॥

പ്രകാശാനാം പ്രകാശായ ജ്ഞാനിനാം ജ്ഞാനരൂപിണേ ।
പുരസ്താത്പാര്‍ശ്വയോഃ പൃഷ്ഠേ നമഃ കുര്യാമുപര്യധഃ ॥ 8 ॥

സദാ മച്ചിത്തസദനേ വിധേഹി ഭവദാസനം ।
ഇതി സ്തുത്വാ ഗുരും ഭക്ത്യാ പരാം ദേവീം വിചിന്തയേത് ॥ 9 ॥

ഗണേശഗ്രഹനക്ഷത്രയോഗിനീരാശിരൂപിണീം ।
ദേവീം മന്ത്രമയീം നൌമി മാതൃകാപീഠരൂപിണീം ॥ 10 ॥

പ്രണമാമി മഹാദേവീം മാതൃകാം പരമേശ്വരീം ।
കാലഹൃല്ലോഹലോല്ലോഹകലാനാശനകാരിണീം ॥ 11 ॥

യദക്ഷരൈകമാത്രേഽപി സംസിദ്ധേ സ്പര്‍ദ്ധതേ നരഃ ।
രവിതാക്ഷ്യേന്ദുകന്ദര്‍പൈഃ ശങ്കരാനലവിഷ്ണുഭിഃ ॥ 12 ॥

യദക്ഷരശശിജ്യോത്സ്നാമണ്ഡിതം ഭുവനത്രയം ।
വന്ദേ സര്‍വേശ്വരീം ദേവീം മഹാശ്രീസിദ്ധമാതൃകാം ॥ 13 ॥

യദക്ഷരമഹാസൂത്രപ്രോതമേതജ്ജഗത്ത്രയം ।
ബ്രഹ്മാണ്ഡാദികടാഹാന്തം താം വന്ദേ സിദ്ധമാതൃകാം ॥ 14 ॥

യദേകാദശമാധാരം ബീജം കോണത്രയോദ്ഭവം ।
ബ്രഹ്മാണ്ഡാദികടാഹാന്തം ജഗദദ്യാപി ദൃശ്യതേ ॥ 15 ॥

അകചാദിടതോന്നദ്ധപയശാക്ഷരവര്‍ഗിണീം ।
ജ്യേഷ്ഠാങ്ഗബാഹുഹൃത്കണ്ഠകടിപാദനിവാസിനീം ॥ 16 ॥

നൌമീകാരാക്ഷരോദ്ധാരാം സാരാത്സാരാം പരാത്പരാം ।
പ്രണമാമി മഹാദേവീം പരമാനന്ദരൂപിണീം ॥ 17 ॥

അഥാപി യസ്യാ ജാനന്തി ന മനാഗപി ദേവതാഃ ।
കേയം കസ്മാത്ക്വ കേനേതി സരൂപാരൂപഭാവനാം ॥ 18 ॥

വന്ദേ താമഹമക്ഷയ്യാം ക്ഷകാരാക്ഷരരൂപിണീം ।
ദേവീം കുലകലോല്ലോലപ്രോല്ലസന്തീം ശിവാം പരാം ॥ 19 ॥

വര്‍ഗാനുക്രമയോഗേന യസ്യാഖ്യോമാഷ്ടകം സ്ഥിതം ।
വന്ദേ താമഷ്ടവര്‍ഗോത്ഥമഹാസിദ്ധ്യാദികേശ്വരീം ॥ 20 ॥

കാമപൂര്‍ണജകാരാഖ്യസുപീഠാന്തര്‍ന്നിവാസിനീം ।
ചതുരാജ്ഞാകോശഭൂതാം നൌമി ശ്രീത്രിപുരാമഹം ॥ 21 ॥

ഏതത്സ്തോത്രം തു നിത്യാനാം യഃ പഠേത്സുസമാഹിതഃ ।
പൂജാദൌ തസ്യ സര്‍വാസ്താ വരദാഃ സ്യുര്‍ന സംശയഃ ॥ 22 ॥

അഥ തേ കവചം ദേവ്യാ വക്ഷ്യേ നവരതാത്മകം ।
യേന ദേവാസുരനരജയീ സ്യാത്സാധകഃ സദാ ॥ 23 ॥

സര്‍വതഃ സര്‍വദാഽഽത്മാനം ലലിതാ പാതു സര്‍വഗാ ।
കാമേശീ പുരതഃ പാതു ഭഗമാലീ ത്വനന്തരം ॥ 24 ॥

ദിശം പാതു തഥാ ദക്ഷപാര്‍ശ്വം മേ പാതു സര്‍വദാ ।
നിത്യക്ലിന്നാഥ ഭേരുണ്ഡാ ദിശം മേ പാതു കൌണപീം ॥ 25 ॥

തഥൈവ പശ്ചിമം ഭാഗം രക്ഷതാദ്വഹ്നിവാസിനീ ।
മഹാവജ്രേശ്വരീ നിത്യാ വായവ്യേ മാം സദാവതു ॥ 26 ॥

വാമപാര്‍ശ്വം സദാ പാതു ഇതീമേലരിതാ തതഃ ।
മാഹേശ്വരീ ദിശം പാതു ത്വരിതം സിദ്ധദായിനീ ॥ 27 ॥

പാതു മാമൂര്‍ധ്വതഃ ശശ്വദ്ദേവതാ കുലസുന്ദരീ ।
അധോ നീലപതാകാഖ്യാ വിജയാ സര്‍വതശ്ച മാം ॥ 28 ॥

കരോതു മേ മങ്ഗലാനി സര്‍വദാ സര്‍വമങ്ഗലാ ।
ദേഹേന്ദ്രിയമനഃപ്രാണാഞ്ജ്വാലാമാലിനിവിഗ്രഹാ ॥ 29 ॥

പാലയത്വനിശം ചിത്താ ചിത്തം മേ സര്‍വദാവതു ।
കാമാത്ക്രോധാത്തഥാ ലോഭാന്‍മോഹാന്‍മാനാന്‍മദാദപി ॥ 30 ॥

പാപാന്‍മാം സര്‍വതഃ ശോകാത്സങ്ക്ഷയാത്സര്‍വതഃ സദാ ।
അസത്യാത്ക്രൂരചിന്താതോ ഹിംസാതശ്ചൌരതസ്തഥാ ।
സ്തൈമിത്യാച്ച സദാ പാന്തു പ്രേരയന്ത്യഃ ശുഭം പ്രതി ॥ 31 ॥

നിത്യാഃ ഷോഡശ മാം പാന്തു ഗജാരൂഢാഃ സ്വശക്തിഭിഃ ।
തഥാ ഹയസമാരൂഢാഃ പാന്തു മാം സര്‍വതഃ സദാ ॥ 32 ॥

സിംഹാരൂഢാസ്തഥാ പാന്തു പാന്തു ഋക്ഷഗതാ അപി ।
രഥാരൂഢാശ്ച മാം പാന്തു സര്‍വതഃ സര്‍വദാ രണേ ॥ 33 ॥

താര്‍ക്ഷ്യാരൂഢാശ്ച മാം പാന്തു തഥാ വ്യോമഗതാശ്ച താഃ ।
ഭൂതഗാഃ സര്‍വഗാഃ പാന്തു പാന്തു ദേവ്യശ്ച സര്‍വദാ ॥ 34 ॥

ഭൂതപ്രേതപിശാചാശ്ച പരകൃത്യാദികാന്‍ ഗദാന്‍ ।
ദ്രാവയന്തു സ്വശക്തീനാം ഭൂഷണൈരായുധൈര്‍മമ ॥ 35 ॥

ഗജാശ്വദ്വീപിപഞ്ചാസ്യതാര്‍ക്ഷ്യാരൂഢാഖിലായുധാഃ ।
അസങ്ഖ്യാഃ ശക്തയോ ദേവ്യഃ പാന്തു മാം സര്‍വതഃ സദാ ॥ 36 ॥

സായം പ്രാതര്‍ജപന്നിത്യാകവചം സര്‍വരക്ഷകം ।
കദാചിന്നാശുഭം പശ്യേത്സര്‍വദാനന്ദമാസ്ഥിതഃ ॥ 37 ॥

ഇത്യേതത്കവചം പ്രോക്തം ലലിതായാഃ ശുഭാവഹം ।
യസ്യ സന്ധാരണാന്‍മര്‍ത്യോ നിര്‍ഭയോ വിജയീ സുഖീ ॥ 38 ॥

അഥ നാംനാം സഹസ്രം തേ വക്ഷ്യേ സാവരണാര്‍ചനം ।
ഷോഡശാനാമപി മുനേ സ്വസ്വക്രമഗതാത്മകം ॥ 39 ॥

ലലിതാ ചാപി വാ കാമേശ്വരീ ച ഭഗമാലിനീ ।
നിത്യക്ലിന്നാ ച ഭേരുണ്ഡാ കീര്‍തിതാ വഹ്നിവാസിനീ ॥ 40 ॥

വജ്രേശ്വരീ തഥാ ദൂതീ ത്വരിതാ കുലസുന്ദരീ ।
നിത്യാ സംവിത്തഥാ നീലപതാകാ വിജയാഹ്വയാ ॥ 41 ॥

സര്‍വമങ്ഗലികാ ചാപി ജ്വാലാമാലിനിസഞ്ജ്ഞിതാ ।
ചിത്രാ ചേതി ക്രമാന്നിത്യാഃ ഷോഡശാപീഷ്ടവിഗ്രഹാഃ ॥ 42 ॥

കുരുകുല്ലാ ച വാരാഹീ ദ്വേ ഏതേ ചേഷ്ടവിഗ്രഹേ ।
വശിനീ ചാപി കാമേശീ മോഹിനീ വിമലാരുണാ ॥ 43 ॥

തപിനീ ച തഥാ സര്‍വേശ്വരീചാപ്യഥ കൌലിനീ ।
മുദ്രാണന്തനുരിഷ്വര്‍ണരൂപാ ചാപാര്‍ണവിഗ്രഹാ ॥ 44 ॥

പാശവര്‍ണശരീരാ ചാകുര്‍വര്‍ണസുവപുര്‍ദ്ധരാ ।
ത്രിഖണ്ഡാ സ്ഥാപനീ സന്നിരോധനീ ചാവഗുണ്ഠനീ ॥ 45 ॥

സന്നിധാനേഷു ചാപാഖ്യാ തഥാ പാശാങ്കുശാഭിധാ ।
നമസ്കൃതിസ്തഥാ സങ്ക്ഷോഭണീ വിദ്രാവണീ തഥാ ॥ 46 ॥

ആകര്‍ഷണീ ച വിഖ്യാതാ തഥൈവാവേശകാരിണീ ।
ഉന്‍മാദിനീ മഹാപൂര്‍വാ കുശാഥോ ഖേചരീ മതാ ॥ 47 ॥

ബീജാ ശക്ത്യുത്ഥാപനാ ച സ്ഥൂലസൂക്ഷ്മപരാഭിധാ ।
അണിമാ ലഘിമാ ചൈവ മഹിമാ ഗരിമാ തഥാ ॥ 48 ॥

പ്രാപ്തിഃ പ്രകാമിതാ ചാപി ചേശിതാ വശിതാ തഥാ ।
ഭുക്തിഃ സിദ്ധിസ്തഥൈവേച്ഛാ സിദ്ധിരൂപാ ച കീര്‍തിതാ ॥ 49 ॥

ബ്രാഹ്മീ മാഹേശ്വരീ ചൈവ കൌമാരീ വൈഷ്ണവീ തഥാ ।
വാരാഹീന്ദ്രാണീ ചാമുണ്ഡാ മഹാലക്ഷ്മീസ്വരൂപിണീ ॥ 50 ॥

കാമാ ബുദ്ധിരഹങ്കാരശബ്ദസ്പര്‍ശസ്വരൂപിണീ ।
രൂപരൂപാ രസാഹ്വാ ച ഗന്ധവിത്തധൃതിസ്തഥാ ॥ 51 ॥

നാഭബീജാമൃതാഖ്യാ ച സ്മൃതിദേഹാത്മരൂപിണീ ।
കുസുമാ മേഖലാ ചാപി മദനാ മദനാതുരാ ॥ 52 ॥

രേഖാ സംവേഗിനീ ചൈവ ഹ്യങ്കുശാ മാലിനീതി ച ।
സങ്ക്ഷോഭിണീ തഥാ വിദ്രാവിണ്യാകര്‍ഷണരൂപിണീ ॥ 53 ॥

ആഹ്ലാദിനീതി ച പ്രോക്താ തഥാ സമ്മോഹിനീതി ച ।
സ്തംഭിനീ ജംഭിനീ ചൈവ വശങ്കര്യഥ രഞ്ജിനീ ॥ 54 ॥

ഉന്‍മാദിനീ തഥൈവാര്‍ഥസാധിനീതി പ്രകീര്‍തിതാ ।
സമ്പത്തിപൂര്‍ണാ സാ മന്ത്രമയീ ദ്വന്ദ്വക്ഷയങ്കരീ ॥ 55 ॥

സിദ്ധിഃ സമ്പത്പ്രദാ ചൈവ പ്രിയമങ്ഗലകാരിണീ ।
കാമപ്രദാ നിഗദിതാ തഥാ ദുഃഖവിമോചിനീ ॥ 56 ॥

മൃത്യുപ്രശമനീ ചൈവ തഥാ വിഘ്നനിവാരിണീ ।
അങ്ഗസുന്ദരികാ ചൈവ തഥാ സൌഭാഗ്യദായിനീ ॥ 57 ॥

ജ്ഞാനൈശ്വര്യപ്രദാ ജ്ഞാനമയീ ചൈവ ച പഞ്ചമീ ।
വിന്ധ്യവാസനകാ ഘോരസ്വരൂപാ പാപഹാരിണീ ॥ 58 ॥

തഥാനന്ദമയീ രക്ഷാരൂപേപ്സിതഫലപ്രദാ ।
ജയിനീ വിമലാ ചാഥ കാമേശീ വജ്രിണീ ഭഗാ ॥ 59 ॥

ത്രൈലോക്യമോഹനാ സ്ഥാനാ സര്‍വാശാപരിപൂരണീ ।
സര്‍വസംക്ഷോഭണഗതാ സൌഭാഗ്യപ്രദസംസ്ഥിതാ ॥ 60 ॥

സവാര്‍ഥസാധകാഗാരാ സര്‍വരോഗഹരാസ്ഥിതാ ।
സര്‍വരക്ഷാകരാസ്ഥാനാ സര്‍വസിദ്ധിപ്രദസ്ഥിതാ ॥ 61 ॥

സര്‍വാനന്ദമയാധാരബിന്ദുസ്ഥാനശിവാത്മികാ ।
പ്രകൃഷ്ടാ ച തഥാ ഗുപ്താ ജ്ഞേയാ ഗുപ്തതരാപി ച ॥ 62 ॥

സമ്പ്രദായസ്വരൂപാ ച കുലകൌലനിഗര്‍ഭഗാ ।
രഹസ്യാപരാപരപ്രാകൃത്തഥൈവാതിരഹസ്യകാ ॥ 63 ॥

ത്രിപുരാ ത്രിപുരേശീ ച തഥൈവ പുരവാസിനീ ।
ശ്രീമാലിനീ ച സിദ്ധാന്താ മഹാത്രിപുരസുന്ദരീ ॥ 64 ॥

നവരത്നമയദ്വീപനവഖണ്ഡവിരാജിതാ ।
കല്‍പകോദ്യാനസംസ്ഥാ ച ഋതുരൂപേന്ദ്രിയാര്‍ചകാ ॥ 65 ॥

കാലമുദ്രാ മാതൃകാഖ്യാ രത്നദേശോപദേശികാ ।
തത്ത്വാഗ്രഹാഭിധാ മൂര്‍തിസ്തഥൈവ വിഷയദ്വിപാ ॥ 66 ॥

ദേശകാലാകാരശബ്ദരൂപാ സങ്ഗീതയോഗിനീ ।
സമസ്തഗുപ്തപ്രകടസിദ്ധയോഗിനിചക്രയുക് ॥ 67 ॥

വഹ്നിസൂര്യേന്ദുഭൂതാഹ്വാ തഥാത്മാഷ്ടാക്ഷരാഹ്വയാ ।
പഞ്ചധാര്‍ചാസ്വരൂപാ ച നാനാവ്രതസമാഹ്വയാ ॥ 68 ॥

നിഷിദ്ധാചാരരഹിതാ സിദ്ധചിഹ്നസ്വരൂപിണീ ।
ചതുര്‍ദ്ധാ കൂര്‍മഭാഗസ്ഥാ നിത്യാദ്യര്‍ചാസ്വരൂപിണീ ॥ 69 ॥

ദമനാദിസമഭ്യര്‍ചാ ഷട്കര്‍മസിദ്ധിദായിനീ ।
തിഥിവാരപൃഥഗ്ദ്രവ്യസമര്‍ചനശുഭാവഹാ ॥ 70 ॥

വായോശ്യനങ്ഗകുസുമാ തഥൈവാനങ്ഗമേഖലാ ।
അനങ്ഗമദനാനങ്ഗമദനാതുരസാഹ്വയാ ॥ 71 ॥

മദദേഗിനികാ ചൈവ തഥാ ഭുവനപാലിനീ ।
ശശിലേഖാ സമുദ്ദിഷ്ടാ ഗതിലേഖാഹ്വയാ മതാ ॥ 72 ॥

ശ്രദ്ധാ പ്രീതീ രതിശ്ചൈവ ധൃതിഃ കാന്തിര്‍മനോരമാ ।
മനോഹരാ സമാഖ്യാതാ തഥൈവ ഹി മനോരഥാ ॥ 73 ॥

മദനോന്‍മാദിനീ ചൈവ മോദിനീ ശങ്ഖിനീ തഥാ ।
ശോഷിണീ ചൈവ ശങ്കാരീ സിഞ്ജിനീ സുഭഗാ തഥാ ॥ 74 ॥

പൂഷാചേദ്വാസുമനസാ രതിഃ പ്രീതിര്‍ധൃതിസ്തഥാ ।
ഋദ്ധിഃ സൌംയാ മരീചിശ്ച തഥൈവ ഹ്യംശുമാലിനീ ॥ 75 ॥

ശശിനീ ചാങ്ഗിരാ ഛായാ തഥാ സമ്പൂര്‍ണമണ്ഡലാ ।
തുഷ്ടിസ്തഥാമൃതാഖ്യാ ച ഡാകിനീ സാഥ ലോകപാ ॥ 76 ॥

ബടുകേഭാസ്വരൂപാ ച ദുര്‍ഗാ ക്ഷേത്രേശരൂപിണീ ।
കാമരാജസ്വരൂപാ ച തഥാ മന്‍മഥരൂപിണീ ॥ 77 ॥

കന്ദര്‍പ്പരൂപിണീ ചൈവ തഥാ മകരകേതനാ ।
മനോഭവസ്വരൂപാ ച ഭാരതീ വര്‍ണരൂപിണീ ॥ 78 ॥

മദനാ മോഹിനീ ലീലാ ജംഭിനീ ചോദ്യമാ ശുഭാ ।
ഹ്ലാദിനീ ദ്രാവിണീ പ്രീതീ രതീ രക്താ മനോരമാ ॥ 79 ॥

സര്‍വോന്‍മാദാ സര്‍വമുഖാ ഹ്യഭങ്ഗാ ചാമിതോദ്യമാ ।
അനല്‍പാവ്യക്തവിഭവാ വിവിധാക്ഷോഭവിഗ്രഹാ ॥ 80 ॥

രാഗശക്തിര്‍ദ്വേഷശക്തിസ്തഥാ ശബ്ദാദിരൂപിണീ ।
നിത്യാ നിരഞ്ജനാ ക്ലിന്നാ ക്ലേദിനീ മദനാതുരാ ॥ 81 ॥

മദദ്രവാ ദ്രാവിണീ ച ദ്രവിണീ ചേതി കീര്‍തിതാ ।
മദാവിലാ മങ്ഗലാ ച മന്‍മഥാനീ മനസ്വിനീ ॥ 82 ॥

മോഹാ മോദാ മാനമയീ മായാ മന്ദാ മിതാവതീ ।
വിജയാ വിമലാ ചൈവ ശുഭാ വിശ്വാ തഥൈവ ച ॥ 83 ॥

വിഭൂതിര്‍വിനതാ ചൈവ വിവിധാ വിനതാ ക്രമാത് ।
കമലാ കാമിനീ ചൈവ കിരാതാ കീര്‍തിരൂപിണീ ॥ 84 ॥

കുട്ടിനീ ച സമുദ്ദിഷ്ടാ തഥൈവ കുലസുന്ദരീ ।
കല്യാണീ കാലകോലാ ച ഡാകിനീ ശാകിനീ തഥാ ॥ 85 ॥

ലാകിനീ കാകിനീ ചൈവ രാകിനീ കാകിനീ തഥാ ।
ഇച്ഛാജ്ഞാനാ ക്രിയാഖ്യാ ചാപ്യായുധാഷ്ടകധാരിണീ ॥ 86 ॥

കപര്‍ദിനീ സമുദ്ദിഷ്ടാ തഥൈവ കുലസുന്ദരീ ।
ജ്വാലിനീ വിസ്ഫുലിങ്ഗാ ച മങ്ഗലാ സുമനോഹരാ ॥ 87 ॥

കനകാ കിനവാ വിദ്യാ വിവിധാ ച പ്രകീര്‍തിതാ ।
മേഷാ വൃഷാഹ്വയാ ചൈവ മിഥുനാ കര്‍കടാ തഥാ ॥ 88 ॥

സിംഹാ കന്യാ തുലാ കീടാ ചാപാ ച മകരാ തഥാ ।
കുംഭാ മീനാ ച സാരാ ച സര്‍വഭക്ഷാ തഥൈവ ച ॥ 89 ॥

വിശ്വാത്മാ വിവിധോദ്ഭൂതചിത്രരൂപാ ച കീര്‍തിതാ ।
നിഃസപത്നാ നിരാതങ്കാ യാചനാചിന്ത്യവൈഭവാ ॥ 90 ॥

രക്താ ചൈവ തതഃ പ്രോക്താ വിദ്യാപ്രാപ്തിസ്വരൂപിണീ ।
ഹൃല്ലേഖാ ക്ലേദിനീ ക്ലിന്നാ ക്ഷോഭിണീ മദനാതുരാ ॥ 91 ॥

നിരഞ്ജനാ രാഗവതീ തഥൈവ മദനാവതീ ।
മേഖലാ ദ്രാവിണീ വേഗവതീ ചൈവ പ്രകീര്‍തിതാ ॥ 92 ॥

കമലാ കാമിനീ കല്‍പാ കലാ ച കലിതാദ്ഭുതാ ।
കിരാതാ ച തഥാ കാലാ കദനാ കൌശികാ തഥാ ॥ 93 ॥

കംബുവാദനികാ ചൈവ കാതരാ കപടാ തഥാ ।
കീര്‍തിശ്ചാപി കുമാരീ ച കുങ്കുമാ പരികീര്‍തിതാ ॥ 94 ॥

ഭഞ്ജിനീ വേഗിനീ നാഗാ ചപലാ പേശലാ സതീ ।
രതിഃ ശ്രദ്ധാ ഭോഗലോലാ മദോന്‍മത്താ മനസ്വിനീ ॥ 95 ॥

വിഹ്വലാ കര്‍ഷിണീ ലോലാ തഥാ മദനമാലിനീ ।
വിനോദാ കൌതുകാ പുണ്യാ പുരാണാ പരികീര്‍തിതാ ॥ 96 ॥

വാഗീശീ വരദാ വിശ്വാ വിഭവാ വിഘ്നകാരിണീ ।
ബീജവിഘ്നഹരാ വിദ്യാ സുമുഖീ സുന്ദരീ തഥാ ॥ 97 ॥

സാരാ ച സുമനാ ചൈവ തഥാ പ്രോക്താ സരസ്വതീ ।
സമയാ സര്‍വഗാ വിദ്ധാ ശിവാ വാണീ ച കീര്‍തിതാ ॥ 98 ॥

ദൂരസിദ്ധാ തഥാ പ്രോക്താഥോ വിഗ്രഹവതീ മതാ ।
നാദാ മനോന്‍മനീ പ്രാണപ്രതിഷ്ഠാരുണവൈഭവാ ॥ 99 ॥

പ്രാണാപാനാ സമാനാ ച വ്യാനോദാനാ ച കീര്‍തിതാ ।
നാഗാ കൂര്‍മാ ച കൃകലാ ദേവദത്താ ധനഞ്ജയാ ॥ 100 ॥

ഫട്കാരീ കിങ്കരാരാധ്യാ ജയാ ച വിജയാ തഥാ ।
ഹുങ്കാരീ ഖേചരീ ചണ്ഡം ഛേദിനീ ക്ഷപിണീ തഥാ ॥ 101 ॥

സ്ത്രീഹുങ്കാരീ ക്ഷേമകാരീ ചതുരക്ഷരരൂപിണീ ।
ശ്രീവിദ്യാമതവര്‍ണാങ്ഗീ കാലീ യാംയാ നൃപാര്‍ണകാ ॥ 102 ॥

ഭാഷാ സരസ്വതീ വാണീ സംസ്കൃതാ പ്രാകൃതാ പരാ ।
ബഹുരൂപാ ചിത്തരൂപാ രംയാനന്ദാ ച കൌതുകാ ॥ 103 ॥

ത്രയാഖ്യാ പരമാത്മാഖ്യാപ്യമേയവിഭവാ തഥാ ।
വാക്സ്വരൂപാ ബിന്ദുസര്‍ഗരൂപാ വിശ്വാത്മികാ തഥാ ॥ 104 ॥

തഥാ ത്രൈപുരകന്ദാഖ്യാ ജ്ഞാത്രാദിത്രിവിധാത്മികാ ।
ആയുര്ലക്ഷ്മീകീര്‍തിഭോഗസൌന്ദര്യാരോഗ്യദായികാ ॥ 105 ॥

ഐഹികാമുഷ്മികജ്ഞാനമയീ ച പരികീര്‍തിതാ ।
ജീവാഖ്യാ വിജയാഖ്യാ ച തഥൈവ വിശ്വവിന്‍മയീ ॥ 106 ॥

ഹൃദാദിവിദ്യാ രൂപാദിഭാനുരൂപാ ജഗദ്വപുഃ ।
വിശ്വമോഹനികാ ചൈവ ത്രിപുരാമൃതസഞ്ജ്ഞികാ ॥ 107 ॥

സര്‍വാപ്യായനരൂപാ ച മോഹിനീ ക്ഷോഭണീ തഥാ ।
ക്ലേദിനീ ച സമാഖ്യാതാ തഥൈവ ച മഹോദയാ ॥ 108 ॥

സമ്പത്കരീ ഹലക്ഷാര്‍ണാ സീമാമാതൃതനൂ രതിഃ ।
പ്രീതിര്‍മനോഭവാ വാപി പ്രോക്താ വാരാധിപാ തഥാ ॥ 109 ॥

ത്രികൂടാ ചാപി ഷട്കൂടാ പഞ്ചകൂടാ വിശുദ്ധഗാ ।
അനാഹതഗതാ ചൈവ മണിപൂരകസംസ്ഥിതാ ॥ 110 ॥

സ്വാധിഷ്ഠാനസമാസീനാധാരസ്ഥാജ്ഞാസമാസ്ഥിതാ ।
ഷട്ത്രിംശത്കൂടരൂപാ ച പഞ്ചാശന്‍മിഥുനാത്മികാ ॥ 111 ॥

പാദുകാദികസിദ്ധീശാ തഥാ വിജയദായിനീ ।
കാമരൂപപ്രദാ വേതാലരൂപാ ച പിശാചികാ ॥ 112 ॥

വിചിത്രാ വിഭ്രമാ ഹംസീ ഭീഷണീ ജനരഞ്ജികാ ।
വിശാലാ മദനാ തുഷ്ടാ കാലകണ്ഠീ മഹാഭയാ ॥ 113 ॥

മാഹേന്ദ്രീ ശങ്ഖിനീ ചൈന്ദ്രീ മങ്ഗലാ വടവാസിനീ ।
മേഖലാ സകലാ ലക്ഷ്മീര്‍മാലിനീ വിശ്വനായികാ ॥ 114 ॥

സുലോചനാ സുശോഭാ ച കാമദാ ച വിലാസിനീ ।
കാമേശ്വരീ നന്ദിനീ ച സ്വര്‍ണരേഖാ മനോഹരാ ॥ 115 ॥

പ്രമോദാ രാഗിണീ സിദ്ധാ പദ്മിനീ ച രതിപ്രിയാ ।
കല്യാണദാ കലാദക്ഷാ തതശ്ച സുരസുന്ദരീ ॥ 116 ॥

വിഭ്രമാ വാഹകാ വീരാ വികലാ കോരകാ കവിഃ ।
സിംഹനാദാ മഹാനാദാ സുഗ്രീവാ മര്‍കടാ ശഠാ ॥ 117 ॥

ബിഡാലാക്ഷാ ബിഡാലാസ്യാ കുമാരീ ഖേചരീ ഭവാ ।
മയൂരാ മങ്ഗലാ ഭീമാ ദ്വിപവക്ത്രാ ഖരാനനാ ॥ 118 ॥

മാതങ്ഗീ ച നിശാചാരാ വൃഷഗ്രാഹാ വൃകാനനാ ।
സൈരിഭാസ്യാ ഗജമുഖാ പശുവക്ത്രാ മൃഗാനനാ ॥ 119 ॥

ക്ഷോഭകാ മണിഭദ്രാ ച ക്രീഡകാ സിംഹചക്രകാ ।
മഹോദരാ സ്ഥൂലശിഖാ വികൃതാസ്യാ വരാനനാ ॥ 120 ॥

ചപലാ കുക്കുടാസ്യാ ച പാവിനീ മദനാലസാ ।
മനോഹരാ ദീര്‍ഘജങ്ഘാ സ്ഥൂലദന്താ ദശാനനാ ॥ 121 ॥

സുമുഖാ പണ്ഡിതാ ക്രുദ്ധാ വരാഹാസ്യാ സടാമുഖാ ।
കപടാ കൌതുകാ കാലാ കിങ്കരാ കിതവാ ഖലാ ॥ 122 ॥

ഭക്ഷകാ ഭയദാ സിദ്ധാ സര്‍വഗാ ച പ്രകീര്‍തിതാ ।
ജയാ ച വിജയാ ദുര്‍ഗാ ഭദ്രാ ഭദ്രകരീ തഥാ ॥ 123 ॥

അംബികാ വാമദേവീ ച മഹാമായാസ്വരൂപിണീ ।
വിദാരികാ വിശ്വമയീ വിശ്വാ വിശ്വവിഭഞ്ജിതാ ॥ 124 ॥

വീരാ വിക്ഷോഭിണീ വിദ്യാ വിനോദാ ബീജവിഗ്രഹാ ।
വീതശോകാ വിഷഗ്രീവാ വിപുലാ വിജയപ്രദാ ॥ 125 ॥

വിഭവാ വിവിധാ വിപ്രാ തഥൈവ പരികീര്‍തിതാ ।
മനോഹരാ മങ്ഗലാ ച മദോത്സിക്താ മനസ്വിനീ ॥ 126 ॥

മാനിനീ മധുരാ മായാ മോഹിനീ ച തഥാ സ്മൃതാ ।
ഭദ്രാ ഭവാനീ ഭവ്യാ ച വിശാലാക്ഷീ ശുചിസ്മിതാ ॥ 127 ॥

കകുഭാ കമലാ കല്‍പാ കലാഥോ പൂരണീ തഥാ ।
നിത്യാ ചാപ്യമൃതാ ചൈവ ജീവിതാ ച തഥാ ദയാ ॥ 128 ॥

അശോകാ ഹ്യമലാ പൂര്‍ണാ പൂര്‍ണാ ഭാഗ്യോദ്യതാ തഥാ ।
വിവേകാ വിഭവാ വിശ്വാ വിതതാ ച പ്രകീര്‍തിതാ ॥ 129 ॥

കാമിനീ ഖേചരീ ഗര്‍വാ പുരാണാ പരമേശ്വരീ ।
ഗൌരീ ശിവാ ഹ്യമേയാ ച വിമലാ വിജയാ പരാ ॥ 130 ॥

പവിത്രാ പദ്മിനീ വിദ്യാ വിശ്വേശീ ശിവവല്ലഭാ ।
അശേഷരൂപാ ഹ്യാനന്ദാംബുജാക്ഷീ ചാപ്യനിന്ദിതാ ॥ 131 ॥

വരദാ വാക്യദാ വാണീ വിവിധാ വേദവിഗ്രഹാ ।
വിദ്യാ വാഗീശ്വരീ സത്യാ സംയതാ ച സരസ്വതീ ॥ 132 ॥

നിര്‍മലാനന്ദരൂപാ ച ഹ്യമൃതാ മാനദാ തഥാ ।
പൂഷാ ചൈവ തഥാ പുഷ്ടിസ്തുഷ്ടിശ്ചാപി രതിര്‍ധൃതിഃ ॥ 133 ॥

ശശിനീ ചന്ദ്രികാ കാന്തിര്‍ജ്യോത്സ്നാ ശ്രീഃ പ്രീതിരങ്ഗദാ ।
പൂര്‍ണാ പൂര്‍ണാമൃതാ കാമദായിനീന്ദുകലാത്മികാ ॥ 134 ॥

തപിനീ താപിനീ ധൂംരാ മരീചിര്‍ജ്വാലിനീ രുചിഃ ।
സുഷുംണാ ഭോഗദാ വിശ്വാ ബാധിനീ ധാരിണീ ക്ഷമാ ॥ 135 ॥

ധൂംരാര്‍ചിരൂഷ്മാ ജ്വലിനീ ജ്വാലിനീ വിസ്ഫുലിങ്ഗിനീ ।
സുശ്രീഃ സ്വരൂപാ കപിലാ ഹവ്യകവ്യവഹാ തഥാ ॥ 136 ॥

ഘസ്മരാ വിശ്വകവലാ ലോലാക്ഷീ ലോലജിഹ്വികാ ।
സര്‍വഭക്ഷാ സഹസ്രാക്ഷീ നിഃസങ്ഗാ ച ഗതിപ്രിയാ ॥ 137 ॥

അചിന്ത്യാ ചാപ്രമേയാ ച പൂര്‍ണരൂപാ ദുരാസദാ ।
സര്‍വാ സംസിദ്ധിരൂപാ ച പാവനീത്യേകരൂപിണീ ॥ 138 ॥

തഥാ യാമലവേധാഖ്യാ ശാക്തേ വേദസ്വരൂപിണീ ।
തഥാ ശാംഭവവേധാ ച ഭാവനാസിദ്ധിസൂചിനീ ॥ 139 ॥

വഹ്നിരൂപാ തഥാ ദസ്രാ ഹ്യമാവിധ്നാ ഭുജങ്ഗമാ ।
ഷണ്‍മുഖാ രവിരൂപാ ച മാതാ ദുര്‍ഗാ ദിശാ തഥാ ॥ 140 ॥

ധനദാ കേശവാ ചാപി യമീ ചൈവ ഹരാ ശശാ ।
അശ്വിനീ ച യമീ വഹ്നിരൂപാ ധാത്രീതി കീര്‍തിതാ ॥ 141 ॥

ചന്ദ്രാ ശിവാദിതിര്‍ജീവാ സര്‍പിണീ പിതൃരൂപിണീ ।
അര്യംണാ ച ഭഗാ സൂര്യാ ത്വാഷ്ട്രിമാരുതിസഞ്ജ്ഞികാ ॥ 142 ॥

ഇന്ദ്രാഗ്നിരൂപാ മിത്രാ ചാപീന്ദ്രാണീ നിരൃതിര്‍ജലാ ।
വൈശ്വദേവീ ഹരിതഭൂര്‍വാസവീ വരുണാ ജയാ ॥ 143 ॥

അഹിര്‍ബുധ്ന്യാ പൂഷണീ ച തഥാ കാരസ്കരാമലാ ।
ഉദുംബരാ ജംബുകാ ച ഖദിരാ കൃഷ്ണരൂപിണീ ॥ 144 ॥

വംശാ ച പിപ്പലാ നാഗാ രോഹിണാ ച പലാശകാ ।
പക്ഷകാ ച തഥാംബഷ്ഠാ ബില്വാ ചാര്‍ജുനരൂപിണീ ॥ 145 ॥

വികങ്കതാ ച കകുഭാ സരലാ ചാപി സര്‍ജികാ ।
ബഞ്ജുലാ പനസാര്‍കാ ച ശമീ ഹലിപ്രിയാംരകാ ॥ 146 ॥

നിംബാ മധൂകസഞ്ജ്ഞാ ചാപ്യശ്വത്ഥാ ച ഗജാഹ്വയാ ।
നാഗിനീ സര്‍പിണീ ചൈവ ശുനീ ചാപി ബിഡാലികീ ॥ 147 ॥

ഛാഗീ മാര്‍ജാരികാ മൂഷീ വൃഷഭാ മാഹിഷീ തഥാ ।
ശാര്‍ദൂലീ സൈരിഭീ വ്യാഘ്രീ ഹരിണീ ച മൃഗീ ശുനീ ॥ 148 ॥

കപിരൂപാ ച ഗോഘണ്ടാ വാനരീ ച നരാശ്വിനീ ।
നഗാ ഗൌര്‍ഹസ്തിനീ ചേതി തഥാ ഷട്ചക്രവാസിനീ ॥ 149 ॥

ത്രിഖണ്ഡാ തീരപാലാഖ്യാ ഭ്രാമണീ ദ്രവിണീ തഥാ ।
സോമാ സൂര്യാ തിഥിര്‍വാരാ യോഗാര്‍ക്ഷാ കരണാത്മികാ ॥ 150 ॥

യക്ഷിണീ താരണാ വ്യോമശബ്ദാദ്യാ പ്രാണിനീ ച ധീഃ ।
ക്രോധിനീ സ്തംഭിനീ ചണ്ഡോച്ചണ്ഡാ ബ്രാഹ്ംയാദിരൂപിണീ ॥ 151 ॥

സിംഹസ്ഥാ വ്യാഘ്രഗാ ചൈവ ഗജാശ്വഗരുഡസ്ഥിതാ ।
ഭൌമാപ്യാ തൈജസീ വായുരൂപിണീ നാഭസാ തഥാ ॥ 152 ॥

ഏകവക്ത്രാ ചതുര്‍വക്ത്രാ നവവക്ത്രാ കലാനനാ ।
പഞ്ചവിംശതിവക്ത്രാ ച ഷഡ്വിംശദ്വദനാ തഥാ ॥ 153 ॥

ഊനപഞ്ചാശദാസ്യാ ച ചതുഃഷഷ്ടിമുഖാ തഥാ ।
ഏകാശീതിമുഖാ ചൈവ ശതാനനസമന്വിതാ ॥ 154 ॥

സ്ഥൂലരൂപാ സൂക്ഷ്മരൂപാ തേജോവിഗ്രഹധാരിണീ ।
വൃണാവൃത്തിസ്വരൂപാ ച നാഥാവൃത്തിസ്വരൂപിണീ ॥ 155 ॥

തത്ത്വാവൃത്തിസ്വരൂപാപി നിത്യാവൃത്തിവപുര്‍ദ്ധരാ ॥ 156 ॥

അങ്ഗാവൃത്തിസ്വരൂപാ ചാപ്യായുധാവൃത്തിരൂപിണീ ।
ഗുരുപങ്ക്തിസ്വരൂപാ ച വിദ്യാവൃത്തിതനുസ്തഥാ ॥ 157 ॥

ബ്രഹ്മാദ്യാവൃത്തിരൂപാ ച പരാ പശ്യന്തികാ തഥാ ।
മധ്യമാ വൈഖരീ ശീര്‍ഷകണ്ഠതാല്വോഷ്ഠദന്തഗാ ॥ 158 ॥

ജിഹ്വാമൂലഗതാ നാസാഗതോരഃസ്ഥലഗാമിനീ ।
പദവാക്യസ്വരൂപാ ച വേദഭാഷാസ്വരൂപിണീ ॥ 159 ॥

സേകാഖ്യാ വീക്ഷണാഖ്യാ ചോപദേശാഖ്യാ തഥൈവ ച ।
വ്യാകുലാക്ഷരസങ്കേതാ ഗായത്രീ പ്രണവാദികാ ॥ 160 ॥

ജപഹോമാര്‍ചനധ്യാനയന്ത്രതര്‍പണരൂപിണീ ।
സിദ്ധസാരസ്വതാ മൃത്യുഞ്ജയാ ച ത്രിപുരാ തഥാ ॥ 161 ॥

ഗാരുഡാ ചാന്നപൂര്‍ണാ ചാപ്യശ്വാരൂഢാ നവാത്മികാ ।
ഗൌരീ ച ദേവീ ഹൃദയാ ലക്ഷദാ ച മതങ്ഗിനീ ॥ 162 ॥

നിഷ്കത്രയപദാ ചേഷ്ടാവാദിനീ ച പ്രകീര്‍തിതാ ।
രാജലക്ഷ്മീര്‍മഹാലക്ഷ്മീഃ സിദ്ധലക്ഷ്മീര്‍ഗവാനനാ ॥ 163 ॥

ഇത്യേവം ലലിതാദേവ്യാ ദിവ്യം നാമസഹസ്രകം ।
സര്‍വാര്‍ഥസിദ്ധിദം പ്രോക്തം ചതുര്‍വര്‍ഗഫലപ്രദം ॥ 164 ॥

ഏതന്നിത്യമുഷഃകാലേ യോ ജപേച്ഛുദ്ധമാനസഃ ।
സ യോഗീ ബ്രഹ്മവിജ്ജ്ഞാനീ ശിവയോഗീ തഥാഽഽത്മവിത് ॥ 165 ॥

ദ്വിരാവൃത്ത്യാ പ്രജപതോ ഹ്യായുരാരോഗ്യസമ്പദഃ ।
ലോകാനുരഞ്ജനം നാരീനൃപാവര്‍ജനകര്‍മ ച ॥ 166 ॥

അപൃഥക്ത്വേന സിദ്ധ്യന്തി സാധകസ്യാസ്യ നിശ്ചിതം ।
ത്രിരാവൃത്ത്യാസ്യ വൈ പുംസോ വിശ്വം ഭൂയാദ്വശേഽഖിലം ॥ 167 ॥

ചതുരാവൃത്തിതശ്ചാസ്യ സമീഹിതമനാരതം ।
ഫലത്യേവ പ്രയോഗാര്‍ഹോ ലോകരക്ഷാകരോ ഭവേത് ॥ 168 ॥

പഞ്ചാവൃത്ത്യാ നരാ നാര്യോ നൃപാ ദേവാശ്ച ജന്തവഃ ।
ഭജന്ത്യേനം സാധകം ച ദേവ്യാമാഹിതചേതസഃ ॥ 169 ॥

ഷഡാവൃത്ത്യാ തന്‍മയഃ സ്യാത്സാധകശ്ചാസ്യ സിദ്ധയഃ ।
അചിരേണൈവ ദേവീനാം പ്രസാദാത്സംഭവന്തി ച ॥ 170 ॥

സപ്താവൃത്ത്യാരിരോഗാദികൃത്യാപസ്മാരനാശനം ।
അഷ്ടാവൃത്ത്യാ നരോ ഭൂപാന്നിഗ്രഹാനുഗ്രഹക്ഷമഃ ॥ 171 ॥

നവാവൃത്ത്യാ മന്‍മഥാഭോ വിക്ഷോഭയതി ഭൂതലം ।
ദശാവൃത്ത്യാ പഠേന്നിത്യം വാഗ്ലക്ഷ്മീകാന്തിസിദ്ധയേ ॥ 172 ॥

രുദ്രാ വൃത്ത്യാഖിലര്‍ദ്ധിശ്ച തദായത്തം ജഗദ്ഭവേത് ।
അര്‍കാവൃത്ത്യാ സിദ്ധിഭിഃ സ്യാദ്ദിഗ്ഭിര്‍മര്‍ത്യോ ഹരോപമഃ ॥ 173 ॥

വിശ്വാവൃത്ത്യാ തു വിജയീ സര്‍വതഃ സ്യാത്സുഖീ നരഃ ।
ശക്രാവൃത്ത്യാഖിലേഷ്ടാപ്തിഃ സര്‍വതോ മങ്ഗലം ഭവേത് ॥ 174 ॥

തിഥ്യാവൃത്ത്യാഖിലാനിഷ്ടാനയത്നാദാപ്നുയാന്നരഃ ।
ഷോഡശാവൃത്തിതോ ഭൂയാന്നരഃ സാക്ഷാന്‍മഹേശ്വരഃ ॥ 175 ॥

വിശ്വം സ്രഷ്ടും പാലയിതും സംഹര്‍തും ച ക്ഷമോ ഭവേത് ।
മണ്ഡലം മാസമാത്രം വാ യോ ജപേദ്യദ്യദാശയഃ ॥ 176 ॥

തത്തദേവാപ്നുയാത്സത്യം ശിവസ്യ വചനം യഥാ ।
ഇത്യേതത്കഥിതം വിപ്ര നിത്യാവൃത്ത്യര്‍ചനാശ്രിതം ॥ 177 ॥

നാംനാം സഹസ്രം മനസോഽഭീഷ്ടസമ്പാദനക്ഷമം ॥ 178 ॥

॥ ഇതി ശ്രീബൃഹന്നാരദീയപുരാണേ പൂര്‍വഭാഗേ തൃതീയപാദേ
ബൃഹദുപാഖ്യാനേ സകവച ശ്രീലലിതാസഹസ്രനാമസ്തോത്രം സമ്പൂര്‍ണം ॥ 89 ॥

Also Read 1000 Names of Lalita from Naradapurana:

1000 Names of Sri Lalita | Sahasranama Stotram from Naradapurana in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Lalita | Sahasranama Stotram from Naradapurana Lyrics in Malayalam

Leave a Reply

Your email address will not be published. Required fields are marked *

Scroll to top