Templesinindiainfo

Best Spiritual Website

1000 Names of Shiva from Shivarahasya Lyrics in Oriya

Shiva Sahasranama Stotram from Shivarahasya in Oriya:

॥ ଶ୍ରୀଶିଵରହସ୍ୟାନ୍ତର୍ଗତଂ ଶିଵସହସ୍ରନାମସ୍ତୋତ୍ରମ୍ ॥

॥ ଶିଵରହସ୍ୟେ ପଞ୍ଚମାଂଶେ ଚତ୍ଵାରିଂଶୋଽଧ୍ୟାୟଃ ॥

ଦେଵୀ –
ଶ୍ରୁତଂ ସୁଦର୍ଶନାଖ୍ୟାନଂ ତ୍ଵତ୍ତୋ ଵିସ୍ମାପନଂ ମମ ।
ପ୍ରଦୋଷେ ପାପିନା ତେନ ଦୃଷ୍ଟଶ୍ଚାନ୍ୟାର୍ଚିତଃ ଶିଵଃ ॥ ୧ ॥

ଶେଷେଣ ନାମସାହତ୍ରୈସ୍ତ୍ଵଂ ସ୍ତୁତଃ କଥମୀଶ୍ଵର ।
ତନ୍ନାମ୍ନାଂ ଶ୍ରଵଣେଚ୍ଛା ମେ ଭୂୟସୀ ଭଵତି ପ୍ରଭୋ ॥ ୨ ॥

ସୂତଃ –
ତସ୍ମିନ୍ କୈଲାସଶିଖରେ ସୁଖାସୀନଂ ମହେଶ୍ଵରମ୍ ।
ପ୍ରଣମ୍ୟ ପ୍ରାର୍ଥୟାମାସ ସା ଦେଵୀ ଜଗଦଂବିକା ॥ ୩ ॥

ତଦା ଦେଵ୍ୟା ମହାଦେଵଃ ପ୍ରାର୍ଥିତଃ ସର୍ଵକାମଦଃ ।
ଭଵୋ ଭଵାନୀମାହେତ୍ଥଂ ସର୍ଵପାପପ୍ରଣାଶକମ୍ ॥ ୪ ॥

ଫଣୀଶୋ ମୁଖସାହସ୍ରୈତ୍ର୍ୟାନି ନାମାନି ଚୋକ୍ତ୍ତଵାନ୍ ।
ତାନି ଵଃ ସମ୍ପ୍ରଵକ୍ଷ୍ୟାମି ୟଥା ମମ ଗୁରୋଃ ଶ୍ରୁତମ୍ ॥ ୫ ॥

ଈଶ୍ଵରଃ –
ଋଷିଃ ଛନ୍ଦୋ ଦୈଵତଂ ଚ ତାନ୍ୟହଂ କ୍ରମଶୋଂଽବିକେ ।
ସହସ୍ରନାମ୍ନାଂ ପୁଣ୍ୟଂ ମେ ଫଣିନ୍ଦ୍ରଃ କୃତଵାନୁମେ ॥ ୬ ॥

ଋଷିସ୍ତସ୍ୟ ହି ଶେଷୋଽୟଂ ଛନ୍ଦୋଽନୁଷ୍ଟୁପ୍ ପ୍ରକୀର୍ତିତମ୍ ।
ଦେଵତାସ୍ୟାହମୀଶାନି ସର୍ଵତ୍ର ଵିନିୟୋଜନମ୍ ॥ ୭ ॥

ଧ୍ୟାନଂ ତେ କଥୟାମ୍ୟଦ୍ୟ ଶ୍ରୂଣୁ ତ୍ଵମଗକନ୍ୟକେ ।

କୈଲାସେ ସୁହିରଣ୍ୟଵିଷ୍ଟରଵରେ ଦେଵ୍ୟା ସମାଲିଙ୍ଗିତଂ
ନନ୍ଦ୍ୟାଦ୍ୟୈର୍ଗଣପୈଃ ସଦା ପରିଵୃତଂ ଵନ୍ଦେ ଶିଵଂ ସୁନ୍ଦରମ୍ ।
ଭକ୍ତାଘୌଘନିକୃନ୍ତନୈକପରଶୁଂ ବିଭ୍ରାଣମିନ୍ଦୁପ୍ରଭଂ
ସ୍କନ୍ଦାଦ୍ୟୈର୍ଗଜଵକ୍ତ୍ର (?) ସେଵିତପଦଂ ଧ୍ୟାୟାମି ସାଂବଂ ସଦା ॥ ୮ ॥

ଏଵଂ ମାମବିକେ ଧ୍ୟାତ୍ଵା ନାମାନି ପ୍ରଜପେତ୍ତତଃ ।
ହୃତ୍ପଦ୍ମସଦ୍ମସଂସ୍ଥଂ ମାଂ ସର୍ଵାଭୀଷ୍ଟାର୍ଥସିଦ୍ଧୟେ ॥ ୯ ॥

ପୁଣ୍ୟକାଲେଷୁ ସର୍ଵେଷୁ ସୋମଵାରେ ଵିଶେଷତଃ ।
ବିଲ୍ଵପତ୍ରୈଃ ପଙ୍କଜୈଶ୍ଚ ପୁଣ୍ୟନାମାନି ଶଙ୍କରି ॥ ୧୦ ॥

ପୂଜୟେନ୍ନାମସାହସ୍ରୈଃ ସର୍ଵାର୍ଥପ୍ରାପ୍ତୟେ ଶିଵେ ।
ୟୋ ୟଂ କାମୟତେ କାମଂ ତଂ ତମାପ୍ନୋତି ଶଙ୍କରି ॥ ୧୧ ॥

ଧନାର୍ଥୀ ଲଭତେ ଵିତ୍ତଂ କନ୍ୟାର୍ଥୀ କନ୍ୟକାଂ ତଥା ।
ରାଜ୍ୟାର୍ଥୀ ରାଜ୍ୟମାପ୍ନୋତି ମୋକ୍ଷାର୍ଥୀ ମୋକ୍ଷମାପ୍ନୁୟାତ୍ ॥ ୧୨ ॥

ଶୃଣୁ ଦେଵି ପରଂ ପୁଣ୍ୟଂ ମାତୃକାନାମନୁତ୍ତମମ୍ ।
ସହସ୍ରଂ ପ୍ରଜପେନ୍ନିତ୍ର୍ୟଂ ଧର୍ମକାମାର୍ଥମୋକ୍ଷଭାକ୍ ॥ ୧୩ ॥

ଈଶ୍ଵରଃ –
ଓଂକାରନିଲୟାତ୍ମସ୍ଥଃ ଓଂକାରାର୍ଥୈକଵାଚକଃ ।
ଓଂକାରେଶାକୃତିରୋମିତିଶବ୍ଦକୃତସ୍ତୁତିଃ ॥ ୧୪ ॥

ଓଂକାରକୁଣ୍ଡନିଲୟଲିଙ୍ଗପୃଜନପାପହୃତ୍ ।
ନମିତାଶେଷଦେଵାଦିର୍ନଦୀପୁଲିତସଂସ୍ଥିତଃ ॥ ୧୫ ॥

ନନ୍ଦିଵାଦ୍ୟପ୍ରିୟୋ ନିତ୍ୟୋ ନାମପାରାୟଣପ୍ରିୟଃ ।
ମହେନ୍ଦ୍ରନିଲୟୋ ମାନି ମାନସାନ୍ତରପାପଭିତ୍ ॥ ୧୬ ॥

ମୟସ୍କରୋ ମହାୟୋଗୀ ମାୟାଚକ୍ରପ୍ରଵର୍ତକଃ ।
ଶିଵଃ ଶିଵତରଃ ଶୀତଃ ଶୀତାଂଶୁକୃତଭୂଷଣଃ ॥ ୧୭ ॥

ଧନୁଃଶରକରୋ ଧ୍ୟାତା ଧର୍ମାଧର୍ମପ୍ରାୟାଣଃ ।
ଆତ୍ମା ଆତାର୍ୟ ଆଲାଦ୍ୟ ଅନଙ୍ଗଶରଖଣ୍ଡନଃ ॥ ୧୮ ॥

ଈଶାନ ଈଡ୍ୟ ଈଘ୍ର୍ୟଶ୍ଚ ଇଭମସ୍ତକସଂସ୍ତୁତଃ ।
ଉମାସଂଶ୍ଲିଷ୍ଟଵାମାଙ୍ଗ ଉଶୀନରନୃପାର୍ଚିତଃ ॥ ୧୯ ॥

ଉଦୁମ୍ବରଫଲପ୍ରୀତ ଉମାଦିସୁରପୂଜିତଃ ।
ଋଜୀଷୀକୃତଭୃଚକ୍ରୋ ରିପୁପ୍ରମଥନୋର୍ଜିତଃ ॥ ୨୦ ॥

ଲିଙ୍ଗାର୍ଚକଜନପ୍ରୀତୋ ଲିଙ୍ଗୀ ଲିଙ୍ଗସମପ୍ରିୟଃ ।
ଲିପିପ୍ରିୟୋ ବିନ୍ଦୁହୀନୋ ଲୀଲାକୃତଜଗନ୍ତ୍ତ୍ରୟଃ ॥ ୨୧ ॥

ଐନ୍ଦ୍ରୀଦିକ୍ପତିସଂୟୁକ୍ତ ଐଶ୍ଵର୍ୟାଦିଫଲପ୍ରଦଃ ।
ଔତ୍ତାନପାଦପୂଜ୍ୟାଙ୍ଘ୍ରିରୌମାଦିସୁରପୂଜିତଃ ॥ ୨୨ ॥

କଲ୍ୟାଣାଚଲକୋଦଣ୍ଡଃ କାମିତାର୍ଥଫଲପ୍ରଦଃ ।
କସ୍ତୂରୀତିଲକପ୍ରୀତଃ କର୍ପୂରାଭକଲେଵରଃ ॥ ୨୩ ॥

କରନ୍ଧମସୁତପ୍ରୀତଃ କଲ୍ପାଦିପରିଵର୍ଜିତଃ ।
କଲ୍ପିତାନେକଭୂତାଦିଃ କଲିକଲ୍ମଷନାଶନଃ ॥ ୨୪ ॥

କମଲାମଲସନ୍ନେତ୍ରଃ କମଲାପତିପୂଜିତଃ ।
ଖଗୋଲ୍କାଦିତ୍ୟଵରଦଃ ଖଞ୍ଜରୀଟଵରପ୍ରଦଃ ॥ ୨୫ ॥

ଖର୍ଜୁରଵନମଧ୍ୟସ୍ଥଃ ଖଣ୍ଡିତାଖଣ୍ଡଲୀକରଃ ।
ଖଗଃ ଖଙ୍ଗହରଃ ଖଣ୍ଡଃ ଖଗଗଃ ଖାକୃତିଃ ଖସଃ ॥ ୨୬ ॥

ଖଣ୍ଡପର୍ଶୁଃ ଖଣ୍ଡଧନଃ ଖଣ୍ଡିତାରାତିମଣ୍ଡଲଃ ।
ଗନ୍ଧର୍ଵଗଣସୁପ୍ରୀତୋ ଗନ୍ଧଧୃକ୍ ଗର୍ଵନାଶକଃ ॥ ୨୭ ॥

ଗଙ୍ଗାଧରୋ ଗୋଗଣେଶୋ ଗଣେଶଵରପୁତ୍ରକଃ ।
ଗତିଦୋ ଗଦହା ଗନ୍ଧୀ ଗନ୍ଧମାଲ୍ୟଵରାର୍ଚିତଃ ॥ ୨୮ ॥

ଗଗନସ୍ଥୋ ଗଣପତିର୍ଗଗନାଭୋଗଭୂଷଣଃ ।
ଘଣ୍ଟାକର୍ଣପ୍ରିୟୋ ଘଣ୍ଟୀ ଘଟଜସ୍ତୁତିସୁପ୍ରିୟଃ ॥ ୨୯ ॥

ଘୋଟକପ୍ରିୟପୁତ୍ରଶ୍ଚ ଧର୍ମକାଲୋ ଘନାକୃତିଃ ।
ଘନଵାହୋ ଘୃତାଧ୍ୟକ୍ଷୋ ଘନଘୋଷୋ ଘଟେଶ୍ଵରଃ ॥ ୩୦ ॥

ଘଟାନାଦକରପ୍ରୀତୋ ଘଟୀଭୂତମହାଗିରିଃ ।
ଚନ୍ଦ୍ରଚୂଡଶ୍ଚନ୍ଦ୍ରକରଶ୍ଚନ୍ଦନାର୍ଦ୍ରଶ୍ଚତୁଷ୍ପଥଃ ॥ ୩୧ ॥

ଚମସୋଦ୍ଭେଦମଧ୍ୟସ୍ଥଶ୍ଚଣ୍ଡକୋପଶ୍ଚତୁର୍ମୁଖଃ ।
ଚକ୍ଷୁଃଶ୍ରୋତ୍ରମହାହାରଶ୍ଚଣ୍ଡିକେଶଵରପ୍ରଦଃ ॥ ୩୨ ॥

ଚେତୋଜନ୍ମହରଶ୍ଚଣ୍ଡଶ୍ଚାତୁର୍ହୋତ୍ରପ୍ରିୟଶ୍ଚରଃ ।
ଚତୁର୍ମୁଖମୁଖସ୍ତୁତ୍ୟଶ୍ଚତୁର୍ଵେଦଶ୍ଚରାଚରଃ ॥ ୩୩ ॥

ଚଣ୍ଡଭାନୁକରାନ୍ତଃସ୍ଥଶ୍ଚତୁର୍ମୂର୍ତିଵପୁଃସ୍ଥିତଃ ।
ଛାଦିତାନେକଲୋକାଦିଃ ଛନ୍ଦସାଂ ଗଣମଧ୍ୟଗଃ ॥ ୩୪ ॥

ଛତ୍ରଚାମରଶୋଭାଢ୍ୟଃ ଛନ୍ଦୋଗଗତିଦାୟକଃ ।
ଜଙ୍ଗମାଜଙ୍ଗମାକାରୋ ଜଗନ୍ନାଥୋ ଜଗଦ୍ଗତଃ ॥ ୩୫ ॥

ଜହ୍ନୁକନ୍ୟାଜଟୋ ଜପ୍ୟୋ ଜେତା ଜତ୍ରୁର୍ଜନାର୍ତିହା ।
ଜମ୍ଭାରାତିର୍ଜନପ୍ରୀତୋ ଜନକୋ ଜନିକୋଵିଦଃ ॥ ୩୬ ॥

ଜନାର୍ଦନାର୍ଦନୋ ଜାମିଜାତ୍ୟାଦିପରିଵର୍ଜିତଃ ।
ଝଣଜ୍ଝଣାନ୍ଘ୍ରିଜାରାଵୋ ଝଙ୍କାରୋଜ୍ଝିତଦୁଷ୍କ୍ରିୟଃ ॥ ୩୭ ॥

ଟଙ୍କପ୍ରିୟଷ୍ଟଂକୃତିକଷ୍ଟଂକଭେଦୀ ଟକାରକଃ ।
ଟାଦିଵର୍ଣପ୍ରିୟଷ୍ଠାନ୍ତୋ ଢକ୍କାନାଦପ୍ରିୟୋ ରସଃ ॥ ୩୮ ॥

ଡାମରିତନ୍ତ୍ରମଧ୍ୟସ୍ଥୋ ଡମରୁଧ୍ଵନିଶୋଭିତଃ ।
ଢକ୍କାଧ୍ଵନିକୃତାନଲ୍ପବଧିରୀକୃତଦିଙ୍ମୁଖଃ ॥ ୩୯ ॥

ଣକାରୋ ଣଣୁକୋତ୍ଥାଦିର୍ଣାନ୍ତକୃଣ୍ଣଵିମୋଚକଃ ।
ତସ୍କରସ୍ତାମ୍ରକସ୍ତାର୍କ୍ଷ୍ୟସ୍ତାମସାଦିଗୁଣୋଜ୍ଝିତଃ ॥ ୪୦ ॥

ତରୁମୂଲପ୍ରିୟସ୍ତାତସ୍ତମସାଂ ନାଶକସ୍ତଟଃ ।
ଥାନାସୁରହରଃ ସ୍ଥାତା ସ୍ଥାଣୁଃ ସ୍ଥାନପ୍ରିୟଃ ସ୍ଥିରଃ ॥ ୪୧ ॥

ଦାତା ଦାନପତିର୍ଦାନ୍ତୋ ଦନ୍ଦଶୂକଵିଭୁଷିତଃ ।
ଦର୍ଶନିୟୋ ଦୀନଦୟୋ ଦଣ୍ଡିତାରାତିମଣ୍ଡଲଃ ॥ ୪୨ ॥

ଦକ୍ଷୟଜ୍ଞହରୋ ଦେଵୋ ଦାନଵାରିର୍ଦମୋଦୟଃ ।
ଦତ୍ତାତ୍ରେୟପ୍ରିୟୋ ଦଣ୍ଡୀ ଦାଡିମୀକୁସୁମପ୍ରିୟଃ ॥ ୪୩ ॥

ଧତା ଧନାଧିପସଖୋ ଧନଧାନ୍ୟପ୍ରଦୋ ଧନମ୍ ।
ଧାମପ୍ରିୟୋଽନ୍ଧସାଂ ନାଥୋ ଧର୍ମଵାହୋ ଧନୁର୍ଧରଃ ॥ ୪୪ ॥

ନମସ୍କାରପ୍ରିୟୋ ନାଥୋ ନମିତାଶେଷଦୁଃଖହୃତ୍ ।
ନନ୍ଦିପ୍ରିୟୋ ନର୍ମସଖୋ ନର୍ମଦାତୀରସଂସ୍ଥିତଃ ॥ ୪୫ ॥

ନନ୍ଦନୋ ନମସାମୀଶୋ ନାନାରୂପୋ ନଦୀଗତଃ ।
ନାମପ୍ରୀତୋ ନାମରୂପଗୁଣକର୍ମଵିଵର୍ଜିତଃ ॥ ୪୬ ॥

ପତ୍ତୀନାଂ ଚ ପତିଃ ପାର୍ୟଃ ପରମାତ୍ମା ପରାତ୍ପରଃ ।
ପଙ୍କଜାସନପୂଜ୍ୟାଙ୍ଘ୍ରିଃ ପଦ୍ମନାଭଵରପ୍ରଦଃ ॥ ୪୭ ॥

ପନ୍ନଗାଧିପସଦ୍ଧାରଃ ପଶୂନାଂ ପତିପାଵକଃ ।
ପାପହା ପଣ୍ଡିତଃ ପାନ୍ଥୋ ପାଦପୋନ୍ମଥନଃ ପରଃ ॥ ୪୮ ॥

ଫଣୀଫଣାଲସମ୍ମୌଲିଃ ଫଣିକଙ୍କଣସତ୍କରଃ ।
ଫଣିତା ନେକଵେଦୋକ୍ତ୍ତିଃ ଫଣିମାଣିକ୍ୟଭୂଷିତଃ ॥ ୪୯ ॥

ବନ୍ଧମୋଚନକୃଦ୍ବନ୍ଧୁର୍ବନ୍ଧୁରାଲକଶୋଭିତଃ ।
ବଲୀ ବଲଵତାଂ ମୁଖ୍ୟୋ ବଲିପୁତ୍ରଵରପ୍ରଦଃ ॥ ୫୦ ॥

ବାଣାସୁରେନ୍ଦ୍ରପୂଜ୍ୟାଙ୍ଘ୍ରିର୍ବାଣଲିଙ୍ଗୋ ବହୁପଦଃ ।
ଵନ୍ଦୀକୃତାଗମୋ ବାଲପାଲକୋ ବହୁଶୋଭିତଃ ॥ ୫୧ ॥

ଭଵାଦିର୍ଭଵହା ଭଵ୍ୟୋ ଭଵୋ ଭାଵପରାୟଣଃ ।
ଭୟହୃଦ୍ଭଵଦୋ ଭୂତୋ ଭଣ୍ଡାସୁରଵରପ୍ରଦଃ ॥ ୫୨ ॥

ଭଗାକ୍ଷିମଥନୋ ଭର୍ଗୋ ଭଵାନୀଶୋ ଭୟଙ୍କରଃ ।
ଭଙ୍କାରୋ ଭାଵୁକଦୋ ଭସ୍ମାଭ୍ୟକ୍ତ୍ତତନୁର୍ଭଟଃ ॥ ୫୩ ॥

ମୟସ୍କରୋ ମହାଦେଵୋ ମାୟାଵୀ ମାନସାନ୍ତରଃ ।
ମାୟାତୀତୋ ମନ୍ମଥାରିର୍ମଧୁପୋଽଥ ମନୋନ୍ମନଃ ॥ ୫୪ ॥

ମଧ୍ୟସ୍ଥୋ ମଧୁମାଂସାତ୍ମା ମନୋଵାଚାମଗୋଚରଃ ।
ମଣ୍ଡିତୋ ମଣ୍ଡନାକାରୋ ମତିଦୋ ମାନପାଲକଃ ॥ ୫୫ ॥

ମନସ୍ଵୀ ମନୁରୂପଶ୍ଚ ମନ୍ତ୍ରମୂର୍ତିର୍ମହାହନୁଃ ।
ୟଶସ୍କରୋ ୟନ୍ତ୍ରରୂପୋ ୟମିମାନସପାଵନଃ ॥ ୫୬ ॥

ୟମାନ୍ତକରଣୋ ୟାମୀ ୟଜମାନୋ ୟଦୁର୍ୟମୀ ।
ରମାନାଥାର୍ଚିତପଦୋ ରମ୍ୟୋ ରତିଵିଶାରଦଃ ॥ ୫୭ ॥

ରଂଭାପ୍ରୀତୋ ରସୋ ରାତ୍ରିଚରୋ ରାଵଣପୂଜିତଃ ।
ରଙ୍ଗପାଦୋ ରନ୍ତିଦେଵୋ ରଵିମଣ୍ଡଲମଧ୍ୟଗଃ ॥ ୫୮ ॥

ରଥନ୍ତରସ୍ତୁତୋ ରକ୍ତ୍ତପାନୋ ରଥପତୀ ରଜଃ ।
ରଥାତ୍ମକୋ ଲମ୍ବତନୁର୍ଲାଙ୍ଗଲୀ ଲୋଲଗଣ୍ଡକଃ ॥ ୫୯ ॥

ଲଲାମସୋମଲୂତାଦିର୍ଲଲିତାପୂଜିତୋ ଲଵଃ ।
ଵାମନୋ ଵାୟୁରୂପଶ୍ଚ ଵରାହମଥନୋ ଵଟୁଃ ॥ ୬୦ ॥

ଵାକ୍ୟଜାତୋ ଵରୋ ଵାର୍ୟୋ ଵରୁଣେଡ୍ୟୋ ଵରାଶ୍ରୟଃ ।
ଵପୁର୍ଧରୋ ଵର୍ଷଵରୋ ଵରିୟାନ୍ ଵରଦୋ ଵରଃ ॥ ୬୧ ॥

ଵସୁପ୍ରଦୋ ଵସୁପତିର୍ଵନ୍ଦାରୁଜନପାଲକଃ ।
ଶାନ୍ତଃ ଶମପରଃ ଶାସ୍ତା ଶମନାନ୍ତକରଃ ଶଠଃ ॥ ୬୨ ॥

ଶଙ୍ଖହସ୍ତଃ ଶତ୍ରୁହନ୍ତା ଶମିତାଖିଲଦୁଷ୍କୃତଃ ।
ଶରହସ୍ତଃ ଶତାଵର୍ତଃ ଶତକ୍ରତୁଵରପ୍ରଦଃ ॥ ୬୩ ॥

ଶମ୍ଭୁଃ ଶମ୍ୟାକପୁଷ୍ପାର୍ଚ୍ୟଃ ଶଙ୍କରଃ ଶତରୁଦ୍ରଗଃ ।
ଶମ୍ୟାକରଃ ଶାନ୍ତମନାଃ ଶାନ୍ତଃ ଶଶିକଲାଧରଃ ॥ ୬୪ ॥

ଷଡାନନଗୁରୁଃ ଷଣ୍ଡଃ ଷଟ୍କର୍ମନିରତଃ ଷଗୁଃ ।
ଷଡ୍ଜାଦିରସିକଃ ଷଷ୍ଠଃ ଷଷ୍ଠୀପ୍ରୀତଃ ଷଡଙ୍ଗଵାନ୍ ॥ ୬୫ ॥

ଷଡୂର୍ମିରହିତଃ ଶଷ୍ପ୍ୟଃ ଷିଦ୍ଗଃ ଷାଡ୍ଗୁଣ୍ୟଦାୟକଃ ।
ସତ୍ୟପ୍ରିୟଃ ସତ୍ୟଧାମା ସଂସାରରହିତଃ ସମଃ ॥ ୬୬ ॥

ସଖା ସନ୍ଧାନକୁଶଲଃ ସର୍ଵସମ୍ପତ୍ପ୍ରଦାୟକଃ ।
ସଗରଃ ସାଗରାନ୍ତସ୍ଥଃ ସତ୍ରାଶଃ ସରଣଃ ସହଃ ॥ ୬୭ ॥

ସାଂବଃ ସନାତନଃ ସାଧୁଃ ସାରାସାରଵିଶାରଦଃ ।
ସାମଗାନପ୍ରିୟଃ ସାରଃ ସରସ୍ଵତ୍ୟା ସୁପୂଜିତଃ ॥ ୬୮ ॥

ହତାରାତିର୍ହଂସଗତିର୍ହାହାହୂହୂସ୍ତୁତିପ୍ରିୟଃ ।
ହରିକେଶୋ ହରିଦ୍ରାଙ୍ଗୋ ହରିନ୍ମଣିସରୋହଠଃ ॥ ୬୯ ॥

ହରିପୃଜ୍ୟୋ ହରୋ ହାର୍ୟୋ ହରିଣାଙ୍କଶିଖଣ୍ଡକଃ ॥

ହାହାକାରାଦିରହିତୋ ହନୁନାସୋ ହହୁଂକୃତଃ ॥ ୭୦ ॥

ଲଲାନନୋ ଲତାସୋମୋ ଲକ୍ଷମୀକାନ୍ତଵରପ୍ରଦଃ ।
ଲମ୍ବୋଦରଗୁରୁର୍ଲଭ୍ୟୋ ଲଵଲୀଶୋ ଲୁଲାୟଗଃ ॥ ୭୧ ॥

କ୍ଷୟଦ୍ଵୀରଃ କ୍ଷମାୟୁତ୍ତଃ କ୍ଷୟାଦିରହିତଃ କ୍ଷମୀ ।
କ୍ଷତ୍ରିୟାନ୍ତକରଃ କ୍ଷାନ୍ତଃ କ୍ଷାତ୍ରଧର୍ମପ୍ରଵର୍ତକଃ ॥ ୭୨ ॥

କ୍ଷୟିଷ୍ଣୁଵର୍ଧନଃ କ୍ଷାନ୍ତଃ କ୍ଷପାନାଥକଲଧରଃ ।
କ୍ଷପାଦିପୂଜନପ୍ରୀତଃ କ୍ଷପଣାନ୍ତଃ କ୍ଷରାକ୍ଷରଃ ॥ ୭୩ ॥

ରୁଦ୍ରୋ ମନ୍ୟୁଃ ସୁଧନ୍ଵା ଚ ବାହୁମାନ୍ ପରମେଶ୍ଵରଃ ।
ସ୍ଵିଷୁଃ ସ୍ଵିଷ୍ଟକୃଦୀଶାନଃ ଶରଵ୍ୟାଧାରକୋ ୟୁଵା ॥ ୭୪ ॥

ଅଘୋରସ୍ତନୁମାନ୍ ଦେଵୋ ଗିରୀଶଃ ପାକଶାସନଃ ।
ଗିରିତ୍ରଃ ପୁରୁଷଃ ପ୍ରାଣଃ ପଞ୍ଚପ୍ରାଣପ୍ରଵର୍ତକଃ ॥ ୭୫ ॥

ଅଧ୍ୟଵୋଚୋ ମହାଦେଵ ଅଧିଵକ୍ତା ମହେଶ୍ଵରଃ ।
ଈଶାନଃ ପ୍ରଥମୋ ଦେଵୋ ଭିଷଜାଂ ପତିରୀଶ୍ଵରଃ ॥ ୭୬ ॥

ତାମ୍ରୋଽରୁଣୋ ଵିଶ୍ଵନାଥୋ ବଭ୍ରୁଶ୍ଚୈଵ ସୁମଙ୍ଗଲଃ ।
ନୀଲଗ୍ରୀଵଃ ଶିଵୋ ହୃଷ୍ଟୋ ଦେଵଦେଵୋ ଵିଲୋହିତଃ ॥ ୭୭ ॥

ଗୋପଵଶ୍ୟୋ ଵିଶ୍ଵକର୍ତା ଉଦହାର୍ୟଜନେକ୍ଷିତଃ ।
ଵିଶ୍ଵଦୃଷ୍ଟଃ ସହସ୍ରାକ୍ଷୋ ମୀଢୁଷ୍ଠୋ ଭଗଵନ୍ ହରଃ ॥ ୭୮ ॥

ଶତେଷୁଧିଃ କପର୍ଦୀ ଚ ସୋମୋ ମୀଢୁଷ୍ଟମୋ ଭଵଃ ।
ଅନାତତଶ୍ଚାତିଧୃଷ୍ଣୁଃ ସତ୍ଵାନାଂ ରକ୍ଷକଃ ପ୍ରଭୁଃ ॥ ୭୯ ॥

ଵିଶ୍ଵେଶ୍ଵରୋ ମହାଦେଵସ୍ତ୍ର୍ୟଂବକସ୍ତ୍ରିପୁରାନ୍ତକଃ ।
ତ୍ରିକାଗ୍ନିକାଲଃ କାଲାଗ୍ନିରୁଦ୍ରୋ ନୀଲୋଽଧିପୋଽନିଲଃ ॥ ୮୦ ॥

ସର୍ଵେଶ୍ଵରଃ ସଦା ଶମ୍ଭୁଃ ଶ୍ରୀମାନ୍ ମୃତ୍ୟୁଞ୍ଜୟଃ ଶିଵଃ ।
ସ୍ଵର୍ଣବାହୁଃ ସୈନ୍ୟପାଲୋ ଦିଶାଧୀଶୋ ଵନସ୍ପତିଃ ॥ ୮୧ ॥

ହରିକେଶଃ ପଶୁପତିରୁଗ୍ରଃ ସସ୍ପିଞ୍ଜରୋଽନ୍ତକଃ ।
ତ୍ଵିଷୀମାନ୍ ମାର୍ଗପୋ ବଭ୍ରୁର୍ଵିଵ୍ୟାଧୀ ଚାନ୍ନପାଲକଃ ॥ ୮୨ ॥

ପୁଷ୍ଟୋ ଭଵାଧିପୋ ଲୋକନାଥୋ ରୁଦ୍ରାତତାୟିକଃ ।
କ୍ଷେତ୍ରଶଃ ସୂତପୋଽହନ୍ତ୍ୟୋ ଵନପୋ ରୋହିତଃ ସ୍ଥପଃ ॥ ୮୩ ॥

ଵୄକ୍ଷେଶୋ ମନ୍ତ୍ରଜୋ ଵାଣ୍ୟୋ ଭୁଵନ୍ତ୍ୟୋ ଵାରିଵସ୍କୃତଃ ।
ଓଷଦୀଶୋ ମହାଘୋଷଃ କ୍ରନ୍ଦନଃ ପତ୍ତିନାୟକଃ ॥ ୮୪ ॥

କୃତ୍ସ୍ନଵୀତୀ ଧାଵମନଃ ସତ୍ଵନାଂ ପତିରଵ୍ୟୟଃ ।
ସହମାନୋଽଥ ନିର୍ଵ୍ୟାଧିରଵ୍ୟାଧିଃ କୁକୁଭୋ ନଟଃ ॥ ୮୫ ॥

ନିଷଙ୍ଗୀ ସ୍ତେନପଃ କକ୍ଷ୍ୟୋ ନିଚେରୁଃ ପରିଚାରକଃ ।
ଆରଣ୍ୟପଃ ସୃକାଵି ଚ ଜିଘାଂସୁର୍ମୁଷ୍ଣପୋଽସିମାନ୍ ॥ ୮୬ ॥

ନକ୍ତଶ୍ଵରଃ ପ୍ରକୃନ୍ତଶ୍ଚ ଉଷ୍ଣୀଷୀ ଗିରିସଞ୍ଚରଃ ।
କୁଲୁଞ୍ଚ ଇଷୁମାନ୍ ଧନ୍ଵୀ ଆତନ୍ଵାନ୍ ପ୍ରତିଧାନଵାନ୍ ॥ ୮୭ ॥

ଆୟଚ୍ଛୋ ଵିସୃଜୋଽପ୍ୟାତ୍ମା ଵେଧନୋ ଆସନଃ ପରଃ ।
ଶୟାନଃ ସ୍ଵାପକୃତ୍ ଜାଗ୍ରତ୍ ସ୍ଥିତୋ ଧାଵନକାରକଃ ॥ ୮୮ ॥

ସଭାପତିସ୍ତୁରଙ୍ଗେଶ ଉଗଣସ୍ତୃଂହତିର୍ଗୁରୁଃ ।
ଵିଶ୍ଵୋ ଵ୍ରାତୋ ଗଣୋ ଵିଶ୍ଵରୁପୋ ଵୈରୁପ୍ୟକାରକଃ ॥ ୮୯ ॥

ମହାନଣୀୟାନ୍ ରଥପଃ ସେନାନୀଃ କ୍ଷତ୍ରସଂଗ୍ରହଃ ।
ତକ୍ଷା ଚ ରଥକାରଶ୍ଚ କୁଲାଲଃ କର୍ମକାରକଃ ॥ ୯୦ ॥

ପୁଞ୍ଜିଷ୍ଠଶ୍ଚ ନିଷାଦଶ୍ଚ ଇଷୁକୃଦ୍ଧନ୍ଵକାରକଃ ।
ମୃଗୟୁଃ ଶ୍ଵାନପୋ ଦେଵୋ ଭଵୋ ରୁଦ୍ରୋଽଥ ଶର୍ଵକଃ ॥ ୯୧ ॥

ପଶୁପୋ ନୀଲକଣ୍ଠଶ୍ଚ ଶିତିକଣ୍ଠଃ କପର୍ଦଭୃତ୍ ।
ଵ୍ୟୁପ୍ତକେଶଃ ସହସ୍ରାକ୍ଷଃ ଶତଧନ୍ଵା ଗିରୀଶ୍ଵରଃ ॥ ୯୨ ॥

ଶିପିଵିଷ୍ଟୋଽଥ ମୀଢୁଷ୍ଟ ଇଷୁମାନ୍ ହୃସ୍ଵଵାମନଃ ।
ବହୁର୍ଵର୍ଷଵୟା ଵୃଦ୍ଧଃ ସଂଵୃଦ୍ଧ୍ଵା ପଥମୋଽଗ୍ରିୟଃ ॥ ୯୩ ॥

ଆଶୁଶ୍ଵୈଵାଜିରଃ ଶୀଘ୍ର୍ୟଃ ଶୀମ୍ୟ ଊର୍ମ୍ୟୋଽଥ ଵସ୍ଵନଃ ।
ସ୍ରୋତୋ ଦ୍ଵୀପ୍ୟସ୍ତଥା ଜ୍ୟେଷ୍ଠଃ କନିଷ୍ଠଃ ପୂର୍ଵଜୋଽପରଃ ॥ ୯୪ ॥

ମଧ୍ୟଶ୍ଚାଥାପ୍ରଗଲ୍ଭଶ୍ଚ ….
ଆଶୁଷେଣଶ୍ଚାଶୁରଥଃ ଶୂରୋ ଵୈ ଭିନ୍ଦିଵର୍ମଧୃକ୍ ॥ ୯୫ ॥

ଵରୂଥୀ ଵିରୁମୀ କାଵଚୀ ଶ୍ରୁତସେନୋଽଥ ଦୁନ୍ଦୁଭିଃ ।
ଧୃଷ୍ଣୁଶ୍ଚ ପ୍ରହିତୋ ଦୂତୋ ନିଷଙ୍ଗୀ ତୀକ୍ଷ୍ଣସାୟକଃ ॥ ୯୬ ॥

ଆୟୁଧୀ ସ୍ଵାୟୁଧୀ ଦେଵ ଉପଵୀତୀ ସୁଧନ୍ଵଧୃକ୍ ।
ସ୍ରୁତ୍ୟଃ ପଥ୍ୟସ୍ତଥା କାଟ୍ୟୋ ନୀପ୍ୟଃ ସୂଦ୍ୟଃ ସରୋଦ୍ଭଵଃ ॥ ୯୭ ॥

ନାଦ୍ୟଵୈଶନ୍ତକୂପ୍ୟାଶ୍ଚାଵଟ୍ୟୋ ଵର୍ଷ୍ୟୋ ମେଘ୍ୟୋଽଥ ଵୈଦ୍ୟୁତଃ।
ଈଘ୍ର୍ୟ ଆତପ୍ୟ ଵାତୋତ୍ଥୋ ରଶ୍ମିଜୋ ଵାସ୍ତଵୋଽସ୍ତୁପଃ ॥ ୯୮ ॥

ସୋମୋ ରୁଦ୍ରସ୍ତଥା ତାମ୍ର ଅରୁଣଃ ଶଙ୍ଗଃ ଈଶ୍ଵରଃ ।
ଉଗ୍ରୋ ଭୀମସ୍ତଥୈଵାଗ୍ରେଵଧୋ ଦୂରେଵଧସ୍ତଥା ॥ ୯୯ ॥

ହନ୍ତା ହନୀୟାନ୍ ଵୃକ୍ଷଶ୍ଚ ହରିକେଶଃ ପ୍ରତର୍ଦନଃ ।
ତାରଃ ଶମ୍ଭୁର୍ମୟୋଭୂଶ୍ଚ ଶଙ୍କରଶ୍ଚ ମୟସ୍କରଃ ॥ ୧୦୦ ॥

ଶିଵଃ ଶିଵତରସ୍ତୀର୍ଥ୍ୟଃ କୂଲ୍ୟଃ ପାର୍ୟୋ ଵାର୍ୟଃ ପ୍ରତାରଣଃ ।
ଉତ୍ତାରଣସ୍ତଥାଲାଦ୍ୟ ଆର୍ତାୟଃ ଶଷ୍ପ୍ୟଫେନଜଃ ॥ ୧୦୧ ॥

ସିକତ୍ୟଶ୍ଚ ପ୍ରଵାହ୍ୟଶ୍ଚ ଇରିଣ୍ୟଃ ପ୍ରମଥଃ କିଂଶିଲଃ ।
କ୍ଷୟଣଃ କୂଲଗୋ ଗୋଷ୍ଠ୍ୟଃ ପୁଲତ୍ସ୍ୟୋ ଗୃହ୍ୟ ଏଵ ଚ ॥ ୧୦୨ ॥

ତଲ୍ପ୍ୟୋ ଗେହ୍ୟସ୍ତଥା କାଟ୍ୟୋ ଗହ୍ଵରେଷ୍ଠୋ ହୃଦୋଦ୍ଭଵଃ ।
ନିଵେଷ୍ଟ୍ୟଃ ପାସୁମଧ୍ୟସ୍ଥୋ ରଜସ୍ୟୋ ହରିତସ୍ଥିତଃ ॥ ୧୦୩ ॥

ଶୁଷ୍କ୍ୟୋ ଲୋପ୍ୟସ୍ତଥୋଲପ୍ୟ ଊର୍ମ୍ୟଃ ସୂର୍ମ୍ୟଶ୍ଚ ପର୍ଣଜଃ ।
ପର୍ଣଶଦ୍ୟୋଽପଗୁରକଃ ଅଭିଘ୍ନୋତ୍ଖିଦ୍ୟକୋଵିଦଃ ॥ ୧୦୪ ॥

ଅଵଃ (?) କିରିକ ଈଶାନୋ ଦେଵାଦିହୃଦୟାନ୍ତରଃ ।
ଵିକ୍ଷୀଣକୋ ଵିଚିନ୍ଵତ୍କ୍ୟଃ ଆନିର୍ହ ଆମିଵତ୍କକଃ ॥ ୧୦୫ ॥

ଦ୍ରାପିରନ୍ଘସ୍ପତିର୍ଦାତା ଦରିଦ୍ରନ୍ନିଲଲୋହିତଃ ।
ତଵସ୍ଵାଂଶ୍ଚ କପର୍ଦୀଶଃ କ୍ଷୟଦ୍ଵିରୋଽଥ ଗୋହନଃ ॥ ୧୦୬ ॥

ପୁରୁଷନ୍ତୋ ଗର୍ତଗତୋ ୟୁଵା ମୃଗଵରୋଗ୍ରକଃ ।
ମୃଡଶ୍ଚ ଜରିତା ରୁଦ୍ରୋ ମୀଢ୍ୟୋ ଦେଵପତିର୍ହରିଃ ॥ ୧୦୭ ॥

ମୀଢୁଷ୍ଟମଃ ଶିଵତମୋ ଭଗଵାନର୍ଣଵାନ୍ତରଃ ।
ଶିଖୀ ଚ କୃତ୍ତିଵାସାଶ୍ଚ ପିନାକୀ ଵୃଷ୍ଭସ୍ଥିତଃ ॥ ୧୦୮ ॥

ଅଗ୍ନୀଷୁଶ୍ଚ ଵର୍ଷେଷୁର୍ଵାତେଷୁଶ୍ଚ ……
ପୃଥିଵୀସ୍ଥୋ ଦିଵିଷ୍ଟଶ୍ଚ ଅନ୍ତରିକ୍ଷସ୍ଥିତୋ ହରଃ ॥ ୧୦୯ ॥

ଅପ୍ସୁ ସ୍ଥିତୋ ଵିଶ୍ଵନେତା ପଥିସ୍ଥୋ ଵୃକ୍ଷମୂଲଗଃ ।
ଭୂତାଧିପଃ ପ୍ରମଥପ ….. ॥ ୧୧୦ ॥

ଅଵପଲଃ ସହସ୍ରାସ୍ୟଃ ସହସ୍ରନୟନଶ୍ରଵାଃ ।
ଋଗ୍ଗଣାତ୍ମା ୟଜୁର୍ମଧ୍ୟଃ ସାମମଧ୍ୟୋ ଗଣାଧିପଃ ॥ ୧୧୧ ॥

ଉର୍ମ୍ୟର୍ଵଶୀର୍ଷପରମଃ ଶିଖାସ୍ତୁତ୍ୟୋଽପସୂୟକଃ ।
ମୈତ୍ରାୟଣୋ ମିତ୍ରଗତିସ୍ତଣ୍ଡୁପ୍ରୀତୋ ରିଟିପ୍ରିୟଃ ॥ ୧୧୨ ॥

ଉମାଧଵୋ ଵିଶ୍ଵଭର୍ତା ଵିଶ୍ଵହର୍ତା ସନାତନଃ ।
ସୋମୋ ରୁଦ୍ରୋ ମେଧପତିଵଂକୁର୍ଵୈ ମରୁତାଂ ପିତା ॥ ୧୧୩ ॥

……. ଅରୁଷୋ ଅଧ୍ଵରେଶ୍ଵରଃ ।
ଜଲାଷଭେଷଜୋ ଭୂରିଦାତା ସୁଜନିମା ସୁରଃ ॥ ୧୧୪ ॥

ସମ୍ରାଟ୍ ପୁରାଂଭିଦ୍ ଦୁଃଖସ୍ଥଃ ସତ୍ପତିଃ ପାଵନଃ କ୍ରତୁଃ ।
ହିରଣ୍ୟରେତା ଦୁର୍ଧର୍ଷୋ ଵିଶ୍ଵାଧିକ ଉରୁକ୍ରମଃ ॥ ୧୧୫ ॥

ଗୁରୁଗାୟୋଽମିତଗୁଣୋ ମହାଭୂତସ୍ର୍ତ୍ରିଵିକ୍ରମଃ ।
ଅମୃତୋ ଅଜରୋଽଜୟ୍ୟୋ ରୁଦ୍ରୋଽଗ୍ନିଃ ପୁରୁଷୋ ଵିରାଟ୍ ॥ ୧୧୬ ॥

ତୁଷାରାଟ୍ପୂଜିତପଦୋ ମହାହର୍ଷୋ ରସାତ୍ମକଃ ।
ମହର୍ଷିବୁଦ୍ଧିଦୋ ଗୋପ୍ତା ଗୁପ୍ତମନ୍ତ୍ରୋ ଗତିପ୍ରଦଃ ॥ ୧୧୭ ॥

ଗନ୍ଧର୍ଵଗାନପ୍ରୀତାତ୍ମା ଗୀତପ୍ରୀତୋରୁଶାସନଃ ।
ଵିଦ୍ଵେଷଣହରୋ ହାର୍ୟୋ ହର୍ଷକ୍ରୋଧଵିଵର୍ଜିତଃ ॥ ୧୧୮ ॥

ଭକ୍ତ୍ତପ୍ରିୟୋ ଭକ୍ତ୍ତିଵଶ୍ୟୋ ଭୟହୃଦ୍ଭୂତସଙ୍ଧଭିତ୍ ।
ଭୁଵନେଶୋ ଭୂଧରାତ୍ମା ଵିଶ୍ଵଵନ୍ଦ୍ୟୋ ଵିଶୋଷକଃ ॥ ୧୧୯ ॥

ଜ୍ଵରନାଶୋ ରୋଗନାଶୋ ମୁଞ୍ଜିକେଶୋ ଵରପ୍ରଦଃ ।
ପୁଣ୍ଡରୀକମହାହାରଃ ପୁଣ୍ଡରୀକତ୍ଵଗମ୍ବରଃ ॥ ୧୨୦ ॥

ଆଖଣ୍ଡଲମୁଖସ୍ତୁତ୍ୟଃ କୁଣ୍ଡଲୀ କୁଣ୍ଡଲପ୍ରିୟଃ ।
ଚଣ୍ଡାଂଶୁମଣ୍ଡଲାନ୍ତସ୍ଥଃ ଶଶିଖଣ୍ଡଶିଖଣ୍ଡକଃ ॥ ୧୨୧ ॥

ଚଣ୍ଡତନାଣ୍ଡଵସନ୍ନାହଶ୍ଚଣ୍ଡକୋପୋଽଖିଲାଣ୍ଡଗଃ ।
ଚଣ୍ଡିକାପୂଜିତପଦୋ ମଣ୍ଡନାକଲ୍ପକାଣ୍ଡଜଃ ॥ ୧୨୨ ॥

ରଣଶୌଣ୍ଡୋ ମହାଦଣ୍ଡସ୍ତୁହୁଣ୍ଡଵରଦାୟକଃ ।
କପାଲମାଲାଭରଣସ୍ତାରଣଃ ଶୋକହାରଣଃ ॥ ୧୨୩ ॥

ଵିଧାରଣଃ ଶୂଲକରୋ ଘର୍ଷଣଃ ଶତ୍ରୁମାରଣଃ ।
ଗଙ୍ଗାଧରୋ ଗରଧରସ୍ତ୍ରିପୁଣ୍ଟ୍ରାଵଲିଭାସୁରଃ ॥ ୧୨୪ ॥

ଶମ୍ବରାରିହରୋ ଦକ୍ଷହରୋଽନ୍ଧକହରୋ ହରଃ ।
ଵିଶ୍ଵଜିଦ୍ଗୋଜିଦୀଶାନୋ ଅଶ୍ଵଜିଦ୍ଧନଜିତ୍ ତଥା ॥ ୧୨୫ ॥

ଉର୍ଵରାଜିଦୁଦ୍ଵଜ୍ଜିଚ୍ଚ ସର୍ଵଜିତ୍ ସର୍ଵହାରକଃ ।
ମନ୍ଦାରନିଲୟୋ ନନ୍ଦଃ କୁନ୍ଦମାଲାଧରୋଽମ୍ବୁଦଃ ॥ ୧୨୬ ॥

ନନ୍ଦିପ୍ରୀତୋ ମନ୍ଦହାସଃ ସୁରଵୃନ୍ଦନିଷେଵିତଃ ।
ମୁଚୁକୁନ୍ଦାର୍ଚିତପଦୋ ଦ୍ଵନ୍ଦ୍ଵହୀନେନ୍ଦିରାର୍ଚିତଃ ॥ ୧୨୭ ॥

ଵିଶ୍ଵାଧାରୋ ଵିଶ୍ଵନେତା ଵୀତିହୋତ୍ରୋ ଵିନୀତକଃ ।
ଶଙ୍କରଃ ଶାଶ୍ଵତଃ ଶାସ୍ତା ସହମାନଃ ସହସ୍ରଦଃ ॥ ୧୨୮ ॥

ଭୀମୋ ମହେଶ୍ଵରୋ ନିତ୍ୟ ଅଂବରାନ୍ତରନର୍ତନଃ ।
ଉଗ୍ରୋ ଭଵହରୋ ଧୌମ୍ୟୋ ଧୀରୋଦାତ୍ତୋ ଵିରାଜିତଃ ॥ ୧୨୯ ॥

ଵଞ୍ଚକୋ ନିୟତୋ ଵିଷ୍ଣୁଃ ପରିଵଞ୍ଚକ ଈଶ୍ଵରଃ ।
ଉମାଵରପ୍ରଦୋ ମୁଣ୍ଡୀ ଜଟିଲ ଶୁଚିଲକ୍ଷଣଃ ॥ ୧୩୦ ॥

ଚର୍ମାମ୍ବରଃ କାନ୍ତିକରଃ କଙ୍କାଲଵରଵେଷଧୃକ୍ ।
ମେଖଲୀ ଅଜିନୀ ଦଣ୍ଡୀ କପାଲୀ ମେଖଲାଧରଃ ॥ ୧୩୧ ॥

ସଦ୍ୟୋଜାତଃ କାଲିପତିର୍ଵରେଣ୍ୟୋ ଵରଦୋ ମୁନିଃ ।
ଵସାପ୍ରିୟୋ ଵାମଦେଵସ୍ତତ୍ପୂର୍ଵୋ ଵଟମୂଲଗ ॥ ୧୩୨ ॥

ଉଲୂକରୋମା ଘୋରାତ୍ମା ଲାସ୍ୟପ୍ରୀତୋ ଲଘୁଃ ସ୍ଥିରଃ ।
ଅଣୋରଣୀୟାନୀଶାନଃ ସୁନ୍ଦରଭ୍ରୂଃ ସୁତାଣ୍ଡଵଃ ॥ ୧୩୩ ॥

କିରୀଟମାଲାଭରଣୋ ରାଜରାଜଲସଦ୍ଗତିଃ ।
ହରିକେଶୋ ମୁଞ୍ଜିକେଶୋ ଵ୍ୟୋମକେଶୋ ୟଶୋଧରଃ ॥ ୧୩୪ ॥

ପାତାଲଵସନୋ ଭର୍ତା ଶିପିଵିଷ୍ଟଃ କୃପାକରଃ ।
ହିରଣ୍ୟଵର୍ଣୋ ଦିଵ୍ୟାତ୍ମା ଵୃଷଧର୍ମା ଵିରୋଚନଃ ॥ ୧୩୫ ॥

ଦୈତ୍ୟେନ୍ଦ୍ରଵରଦୋ ଵୈଦ୍ୟଃ ସୁରଵନ୍ଦ୍ୟୋଽଘନାଶକଃ ।
ଆନନ୍ଦେଶଃ କୁଶାଵର୍ତୋ ନନ୍ଦ୍ୟାଵର୍ତୋ ମଧୁପ୍ରିୟଃ ॥ ୧୩୬ ॥

ପ୍ରସନ୍ନାତ୍ମା ଵିରୂପାକ୍ଷୋ ଵନାନାଂ ପତିରଵ୍ୟୟଃ ।
ମସ୍ତକାଦୋ ଵେଦଵେଦ୍ୟଃ ସର୍ଵୋ ବ୍ରହ୍ମୌଦନପ୍ରିୟଃ ॥ ୧୩୭ ॥
ପିଶଙ୍ଗିତଜଟାଜୂଟସ୍ତଡିଲ୍ଲୋକଵିଲୋଚନଃ ।
ଗୃହାଧାରୋ ଗ୍ରାମପାଲୋ ନରସିଂହଵିନାଶକଃ ॥ ୧୩୮ ॥

ମତ୍ସ୍ୟହା କୂର୍ମାପୃଷ୍ଠାସ୍ଥିଧରୋ ଭୂଦାରଦାରକଃ ॥
ଵିଧୀନ୍ଦ୍ରପୂଜିତପଦଃ ପାରଦୋ ଵାରିଧିସ୍ଥିତଃ ॥ ୧୩୯ ॥

ମହୋଦୟୋ ମହାଦେଵୋ ମହାବୀଜୋ ମହାଙ୍ଗଧୃକ୍ ।
ଉଲୂକନାଗାଭରଣୋ ଵିଧିକନ୍ଧରପାତନଃ ॥ ୧୪୦ ॥

ଆକାଶକୋଶୋ ହାର୍ଦାତ୍ମା ମାୟାଵୀ ପ୍ରକୃତେଃ ପରଃ ।
ଶୁଲ୍କସ୍ତ୍ରିଶୁଲ୍କସ୍ତ୍ରିମଧୁସ୍ତ୍ରିସୁପର୍ଣଃ ଷଡଙ୍ଗଵିତ୍ ॥ ୧୪୧ ॥

ଲଲନାଜନପୂଜ୍ୟାଂଘ୍ରିର୍ଲଙ୍କାଵାସୋଽନିଲାଶନଃ ।
ଵିଶ୍ଵତଶ୍ଚକ୍ଷୁରୀଶାନୋ ଵିଶ୍ଵତୋବାହୁରୀଶ୍ଵରଃ ॥ ୧୪୨ ॥

ସର୍ଵାତ୍ମା ଭାଵନାଗମ୍ୟଃ ସ୍ଵତନ୍ତ୍ରଃ ପରମେଶ୍ଵରଃ ।
ଵିଶ୍ଵଭକ୍ଷୋ ଵିଦ୍ରୁମାକ୍ଷଃ ସର୍ଵଦେଵଶିରୋମଣିଃ ॥ ୧୪୩ ॥

ବ୍ରହମ ସତ୍ୟଂ ତଥାନନ୍ଦୋ ଜ୍ଞାନାନନ୍ଦମହାଫଲଃ ।

ଈଶ୍ଵରଃ –
ଅଷ୍ଟୋତ୍ତରଂ ମହାଦେଵି ଶେଷାଶେଷମୁଖୋଦ୍ଗତମ୍ ।
ଇତ୍ୟେତନ୍ନାମସାହ୍ସ୍ରଂ ରହସ୍ୟଂ କଥିତଂ ମୟା ॥ ୧୪୪ ॥

ପଵିତ୍ରମିଦମାୟୁଷ୍ୟଂ ପଠତାଂ ଶୃଣ୍ଵତାଂ ସଦା।
ୟସ୍ତ୍ଵେତନ୍ନମସାହସ୍ରୈଃ ବିଲ୍ଵୈଃ ପଙ୍କଜକୁଡ୍ମଲୈଃ ॥ ୧୪୫ ॥

ପୂଜୟେତ୍ ସର୍ଵକାଲେଷୁ ଶିଵରାତ୍ରୌ ମହେଶ୍ଵରି ।
ତସ୍ୟ ମୁକ୍ତ୍ତିଂ ଦଦାମୀଶେ ସତ୍ୟଂ ସତ୍ୟଂ ନ ସଂଶୟଃ ॥ ୧୪୬ ॥

ମମ ପ୍ରିୟକରଂ ହ୍ୟେତତ୍ ଫଣିନା ଫଣିତଂ ଶୁଭମ୍ ।
ପଠେତ୍ ସର୍ଵାନ୍ ଲଭେତୈଵ କାମାନାୟୁଷ୍ୟମେଵ ଚ ॥ ୧୪୭ ॥

ନାମସାହସ୍ରପାଠୀ ସ ୟମଲୋକଂ ନ ପଶ୍ୟତି ।
କଲ୍ୟାଣୀଂ ଚ ଲଭେଦ୍ଗୌରି ଗତିଂ ନାମ୍ନାଂ ଚ ଵୈଭଵାତ୍ ॥ ୧୪୮ ॥

ନାଖ୍ୟେୟଂ ଗୋପ୍ୟମେତଦ୍ଧି ନାଭକ୍ତାୟ କଦାଚନ ।
ନ ପ୍ରକାଶ୍ୟମିଦଂ ଦେଵି ମାତୃକାରୁଦ୍ରସଂହିତମ୍ ॥ ୧୪୯ ॥

ଭକ୍ତ୍ତେଷୁ ଲଭତେ ନିତ୍ୟଂ ଭକ୍ତ୍ତିଂ ମତ୍ପାଦୟୋର୍ଦୃଢାମ୍ ।
ଦତ୍ଵାଽଭକ୍ତ୍ତେଷୁ ପାପାତ୍ମା ରୌରଵଂ ନରକଂ ଵ୍ରଜେତ୍ ॥ ୧୫୦ ॥

ସୂତଃ –
ଇତି ଶିଵଵଚନଂ ନିଶମ୍ୟ ଗୌରୀ ପ୍ରଣୟାଚ୍ଚ ପ୍ରଣତା ଶିଵାଙ୍ଘ୍ରିପଦ୍ମେ ।
ସୁରଵରତରୁସୁନ୍ଦରୋରୁପୁଷ୍ପୈରଭିପୂଜ୍ୟ ପ୍ରମଥାଧିପଂ ତୁତୋଷ ॥ ୧୫୧ ॥

ତୁଷ୍ଟାଵ କଷ୍ଟହରମିଷ୍ଟଦମଷ୍ଟଦେହଂ
ନଷ୍ଟାଘସଂଘଦୁରଦୃଷ୍ଟହରଂ ପ୍ରକୃଷ୍ଟମ୍ ।
ଉତ୍କୃଷ୍ଟଵାକ୍ୟସୁରବୃନ୍ଦଗଣେଷ୍ଟଦାନଲୋଲଂ
ଵିନଷ୍ଟତମସଂ ଶିପିଵିଷ୍ଟମୀଶମ୍ ॥ ୧୫୨ ॥

ଶ୍ରୀପାର୍ଵତୀ –
ଚଣ୍ଡାଂଶୁଶୀତାଂଶୁହୁତାଶନେତ୍ରଂ ଚକ୍ଷୁଃଶ୍ରଵାପାରଵିଲୋଲହାରମ୍ ।
ଚର୍ମାମ୍ବରଂ ଚନ୍ଦ୍ରକଲାଵତଂସଂ ଚରାଚରସ୍ଥଂ ଚତୁରାନନେଡ୍ୟମ୍ ॥ ୧୫୩ ॥

ଵିଶ୍ଵାଧିକଂ ଵିଶ୍ଵଵିଧାନଦକ୍ଷଂ ଵିଶ୍ଵେଶ୍ଵରଂ ଵିଶ୍ରୁତନାମସାରମ୍ ।
ଵିନାୟକେଡ୍ୟଂ ଵିଧିଵିଷ୍ଣୁପୂଜ୍ୟଂ ଵିଭୁଂ ଵିରୁପାକ୍ଷମଜଂ ଭଜେଽହମ୍ ॥ ୧୫୪ ॥

ମଧୁମଥନାକ୍ଷିଵରାବ୍ଜପୂଜ୍ୟପାଦଂ ମନସିଜତନୁନାଶନୋତ୍ଥଦୀପ୍ତମନ୍ୟୁମ୍ ।
ମମ ମାନସପଦ୍ମସଦ୍ମସଂସ୍ଥଂ ମତିଦାନେ ନିପୁଣଂ ଭଜାମି ଶମ୍ଭୁମ୍ ॥ ୧୫୫ ॥

ହରିଂ ହରନ୍ତମନୁୟନ୍ତି ଦେଵା ନଖୈସ୍ତଥା ପକ୍ଷଵାତୈଃ ସୁଘୋଣୈଃ ।
ନୃସିଂହମୁଗ୍ରଂ ଶରଭାକୃତିଂ ଶିଵଂ ମତ୍ତଂ ତଦା ଦାନଵରକ୍ତପାନାତ୍ ॥ ୧୫୬ ॥

ନଖରମୁଖରଘାତୈସ୍ତୀକ୍ଷ୍ଣୟା ଦଂଷ୍ଟ୍ରୟାପି
ଜ୍ଵରପରିକରଦେହେ ନାଶତାପୈଃ ସୁଦୀପ୍ତେ ।
ଦିତିଜକଦନମତ୍ତଂ ସଂହରନ୍ତଂ ଜଗଚ୍ଚ
ହରିମସୁରକୁଲଘ୍ନଂ ଦେଵତୁଷ୍ଟ୍ୟୈ ମହେଶଃ ।
ପରଶୁଵରନିଖାତୈଃ କ୍ରୋଡମୁତ୍କ୍ରୋଷ୍ଟୁମୀଷ୍ଟେ ॥ ୧୫୭ ॥

ରୌଦ୍ରନାମଭିରୀଶାନଂ ସ୍ତୁତ୍ଵାଽଥ ଜଗଦଂବିକା।
ପ୍ରେମାଶ୍ରୁପୁଲକା ଦେଵଂ ସା ଗାଢଂ ପରିଷସ୍ଵଜେ ॥ ୧୫୮ ॥

ଶୌନକଃ –
କାନି ରୌଦ୍ରାଣି ନାମାନି ତ୍ଵଂ ନୋ ଵଦ ଵିଶେଷତଃ ।
ନ ତୃପ୍ତିରୀଶଚରିତଂ ଶୃଣ୍ଵତାଂ ନଃ ପ୍ରସୀଦ ଭୋ ॥ ୧୫୯ ॥

ସୂତଃ –
ତାନ୍ୟହଂ ଵୋ ଵଦାମ୍ୟଦ୍ୟ ଶୃଣୁଦ୍ଵଂ ଶୌନକାଦୟଃ ॥

ପଵିତ୍ରାଣି ଵିଚିତ୍ରାଣି ଦେଵ୍ୟା ପ୍ରୋକ୍ତ୍ତାନି ସତ୍ତମାଃ ॥ ୧୬୦ ॥

ଦେଵୀ –
ଦିଶାଂପତିଃ ପଶୁପତିଃ ପଥୀନାଂ ପତିରୀଶ୍ଵରଃ ।
ଅନ୍ନାନାଂ ଚ ପତିଃ ଶଂଭୁଃ ପୁଷ୍ଟାନାଂ ଚ ପତିଃ ଶିଵଃ ॥ ୧୬୧ ॥

ଜଗତାଂ ଚ ପତିଃ ସୋମଃ କ୍ଷେତ୍ରାଣାଂ ଚ ପତିର୍ହରଃ ।
ଵନାନାଂ ପତିରୀଶାନୋ ଵୃକ୍ଷାଣାଂ ଚ ପତିର୍ଭଵଃ ॥ ୧୬୨ ॥

ଆଵ୍ୟାଧିନୀନାଂ ଚ ପତିଃ ସ୍ନାୟୂନାଂ ଚ ପତିର୍ଗୁରୁଃ ।
ପତ୍ତିନାଂ ଚ ପତିସ୍ତାମ୍ରଃ ସତ୍ଵନାଂ ଚ ପତିର୍ଭଵଃ ॥ ୧୬୩ ॥

ଆରଣ୍ୟାନାଂ ପତିଃ ଶମ୍ଭୁର୍ମୁଷ୍ଣତାଂ ପତିରୁଷ୍ଣଗୁଃ ।
ପ୍ରକୃତୀନାଂ ପତିଶ୍ଚେଶଃ କୁଲୁଞ୍ଚାନାଂ ପତିଃ ସମଃ ॥ ୧୬୪ ॥

ରୁଦ୍ରୋ ଗୃତ୍ସପତିର୍ଵ୍ରାତ୍ୟୋ ଭଗୀରଥପତିଃ ଶୁଭଃ ।
ଅନ୍ଧସାଂପତିରୀଶାନଃ ସଭାୟାଃ ପତିରୀଶ୍ଵରଃ ॥ ୧୬୫ ॥

ସେନାପତିଶ୍ଚ ଶ୍ଵପତିଃ ସର୍ଵାଧିପତୟେ ନମଃ ।

ପ୍ରଣତା ଵିନତା ତଵାଙ୍ଘ୍ରିପଦ୍ମେ ଭଗଵନ୍ ପରିପାହି ମାଂ ଵିଭୋ ତ୍ଵମ୍ ।
ତଵ କାରୁଣ୍ୟକଟାକ୍ଷଲେଶଲେଶୈର୍ମୁଦିତା ଶଙ୍କର ଭର୍ଗ ଦେଵଦେଵ ॥ ୧୬୬ ॥

ସୂତଃ –
ଇତି ଗିରିଵରଜାପ୍ରକୃଷ୍ଟଵାକ୍ୟଂ ସ୍ତୁତିରୂପଂ ଵିବୁଧାଧିପୋ ମହେଶଃ ।
ଅଭିଵୀକ୍ଷ୍ୟ ତଦା ମୁଦା ଭଵାନୀମିଦମାହ ସ୍ମରଗର୍ଵନାଶକଃ ॥ ୧୬୭ ॥

ଶିଵଃ –
ଇଦମଗତନୟେ ସହସ୍ରନାମ୍ନାଂ ପରମରହସ୍ୟମହୋ ମହାଘଶୋଷମ୍ ।
ପ୍ରବଲତରଵରୈଶ୍ଚ ପାତକୌଧୈର୍ୟଦି ପଠତେ ହି ଦ୍ଵିଜଃ ସ ମୁକ୍ତିଭାକ୍ ॥ ୧୬୮ ॥

ଶୈଵଂ ମେଽଦ୍ୟ ରହସ୍ୟମଦ୍ଭ୍ହୁତତରଂ ସଦ୍ ଦ୍ଵାଦଶାଂଶାନ୍ଵିତମ୍ ।
ଶ୍ରୁତ୍ଵୋଦାରଗିରା ଦରୋରୁକଥୟା ସମ୍ପୂରିତଂ ଧାରିତମ୍ ।
ପାପାନଂ ପ୍ରଲୟାୟ ତଦ୍ଭଵତି ଵୈ ସତ୍ୟଂ ଵଦାମ୍ୟଦ୍ରିଜେ ॥ ୧୬୯ ॥

ଶ୍ରୁତିଗିରିକରିକୁମ୍ଭଗୁଂଭରତ୍ନେ ତ୍ଵୟି ଗିରିଜେ ପରୟା ରମାର୍ଦ୍ରଦୃଷ୍ଟ୍ୟା ।
ନିହିତୋଽଜିହ୍ମଧିୟାଂ ମୁଦେଽୟମେଷ … ମମ ଭକ୍ତ୍ତଜନାର୍ପଣଂ ମୁଦେ ॥ ୧୭୦ ॥

ଈଶ୍ଵରଃ –
ଏତତ୍ତେ ପଞ୍ଚମାଂଶସ୍ୟ ଵିସ୍ତରଃ କଥିତୋ ମୟା ।
ରହସ୍ୟାର୍ଥସ୍ୟ ଦେଵେଶି କିଂ ଭୂୟଃ ଶ୍ରୋତୁମିଚ୍ଛସି ॥ ୧୭୧ ॥

ଇତ୍ଥଂ ଶିଵଵଚଃ ଶ୍ରୁତ୍ଵା ପ୍ରଣମ୍ୟାଥ ମହେଶ୍ଵରୀ ।
ସମାଲିଙ୍ଗ୍ୟ ମହାଦେଵଂ ସହର୍ଷଂ ଗିରିଜା ତଦା ॥ ୧୭୨ ॥

ପ୍ରାହ ପ୍ରେମାଶ୍ରୁପୁଲକା ଶ୍ରୁତ୍ଵା ଶିଵକଥାସୁଧାମ୍ ।

ଦେଵୀ –
ଅହୋ ଧନ୍ୟାସ୍ମି ଦେଵେଶ ତ୍ଵତ୍କଥାମ୍ଭୋଧିଵୀଚିଭିଃ ॥ ୧୭୩ ॥

ଶ୍ରୋତ୍ରେ ପଵିତ୍ରତାଂ ୟାତେ ମାହାତ୍ମ୍ୟଂ ଵେଦ କସ୍ତଵ।
ମାମୃତେ ଦେଵଦେଵେଶ ନ ଭେଦୋଽସ୍ତ୍ୟାଵୟୋଃ ଶିଵଃ ॥ ୧୭୪ ॥

ଭଵ ଭଵ ଭଗଵନ୍ ଭଵାବ୍ଧିପାର ସ୍ମରଗରଖ୍ଣ୍ଡନମଣ୍ଡନୋରୁଗଣ୍ଡ ।
ସ୍ଫୁରଦୁରୁମୁକୁଟୋତ୍ତମାଙ୍ଗଗଙ୍ଗା… ଦିଵ୍ୟଦେହ ॥ ୧୭୫ ॥

ଅଵ ଭଵ ଭଵହନ୍ ପ୍ରକର୍ଷପାପାଞ୍ଜନମଜ୍ଞଂ ଜଡଦୁଃଖଭୋଗସଙ୍ଗମ୍ ।
ତଵ ସୁଖକଥୟା ଜଗତ୍ ପଵିତ୍ରଂ ଭଵ ଭଵତାତ୍ ଭଵତାପହନ୍ ମୁଦେ ମେ ॥ ୧୭୬ ॥

ସୂତଃ –
ଇତି ଦେଵ୍ୟା ସ୍ତୁତୋ ଦେଵୋ ମହେଶଃ କରୁଣାନିଧିଃ ।
ତଦ୍ଵତ୍ କଥାନିଧିଃ ପ୍ରୋକ୍ତଃ ଶିଵରତ୍ନମହାଖନିଃ ॥ ୧୭୭ ॥

ଭଵତାଂ ଦର୍ଶନେନାଦ୍ୟ ଶିଵଭକ୍ତିକଥାରସୈଃ ।
ପାଵିତୋଽସ୍ମି ମୁନିଶ୍ରେଷ୍ଠାଃ କିଂ ଭୂୟଃ ଶ୍ରୋତୁମିଚ୍ଛଥ ॥ ୧୭୮ ॥

ଇତି ତଦ୍ଵଦନାମ୍ଭୋଜସୁଧାନିଷ୍ୟନ୍ଦିନୀଂ ଗିରମ୍ ।
ଶ୍ରୁତ୍ଵା ପ୍ରକଟରୋମାଞ୍ଚଃ ଶୌନକଃ ପ୍ରାହ ସାଦରମ୍ ॥ ୧୭୯ ॥

ଶୌନକଃ –
ଅହୋ ମହାଦେଵକଥାସୁଧାମ୍ବୁଭିଃ ସମ୍ପ୍ଲାଵିତୋଽସ୍ମ୍ୟଦ୍ୟ ଭଵାଗ୍ନିତପ୍ତଃ ।
ଧନ୍ୟୋଽସ୍ମି ତ୍ଵଦ୍ଵାକ୍ୟସୁଜାତହର୍ଷୋ ଦ୍ଵିଜୈଃ ସୁଜାତୈରପି ଜାତହର୍ଷଃ ॥ ୧୮୦ ॥

ସୂତଃ –
ଶ୍ରୀମତ୍କୈଲାସଵର୍ୟେ ଭୁଵନଜନକତଃ ସଂଶ୍ରୁତା ପୁଣ୍ୟଦାତ୍ରୀ
ଶମ୍ଭୋର୍ଦିଵ୍ୟକଥାସୁଧାବ୍ଧିଲହରୀ ପାପାପନୋଦକ୍ଷମା ।
ଦେଵ୍ୟାସ୍ତଚ୍ଛ୍ରୁତଵାନ୍ ଗୁରୁର୍ମମ ମୁନିଃ ସ୍କନ୍ଦାଚ୍ଚ ତଲ୍ଲବ୍ଧଵାନ୍
ସେୟଂ ଶଙ୍କରକିଙ୍କରେଷୁ ଵିହିତା ଵିଶ୍ଵୈକମୋକ୍ଷପ୍ରଦା ॥ ୧୮୧ ॥

ଇତି ଶ୍ରୀଶିଵରହସ୍ୟେ ଭର୍ଗାଖ୍ୟେ ପଞ୍ଚମାଂଶେ
…. ନାମ ଚତ୍ଵାରିଂଶୋଽଧ୍ୟାୟଃ ॥

Also Read:

1000 Names of Shiva | Sahasranama Stotram from Shivarahasya Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Shiva from Shivarahasya Lyrics in Oriya

Leave a Reply

Your email address will not be published. Required fields are marked *

Scroll to top