Shri Dhumavatisahasranamastotram Lyrics in Telugu:
॥ శ్రీధూమావతీసహస్రనామస్తోత్రమ్ ॥
అథ ధూమావతీసహస్రనామస్తోత్రమ్
శ్రీభైరవ్యువాచ
ధూమావత్యా ధర్మరాత్ర్యాః కథయస్వ మహేశ్వర ।
సహస్రనామస్తోత్రమ్మే సర్వసిద్ధిప్రదాయకమ్ ॥ ౧ ॥
శ్రీభైరవ ఉవాచ
శృణు దేవి మహామాయే ప్రియే ప్రాణస్వరూపిణి ।
సహస్రనామస్తోత్రమ్మే భవశత్రువినాశమ్ ॥ ౨ ॥
ఓం అస్య శ్రీధూమావతీసహస్రనామస్తోత్రస్య పిప్పలాద ఋషిః
పఙ్క్తిశ్ఛన్దో ధూమావతీ దేవతా శత్రువినిగ్రహే పాఠే వినియోగః ॥
ధుమా ధూమవతీ ధూమా ధూమపానపరాయణా ।
ధౌతా ధౌతగిరా ధామ్నీ ధూమేశ్వరనివాసినీ ॥ ౩ ॥
అనన్తాఽనన్తరూపా చ అకారాకారరూపిణీ ।
ఆద్యా ఆనన్దదానన్దా ఇకారా ఇన్ద్రరూపిణీ ॥ ౪ ॥
ధనధాన్యార్త్థవాణీదా యశోధర్మప్రియేష్టదా ।
భాగ్యసౌభాగ్యభక్తిస్థా గృహపర్వతవాసినీ ॥ ౫ ॥
రామరావణసుగ్రీవమోహదా హనుమత్ప్రియా ।
వేదశాస్త్రపురాణజ్ఞా జ్యోతిశ్ఛన్దఃస్వరూపిణీ ॥ ౬ ॥
చాతుర్యచారురుచిరా రఞ్జనప్రేమతోషదా ।
కమలాసనసుధావక్త్రా చన్ద్రహాసా స్మితాననా ॥ ౭ ॥
చతురా చారుకేశీ చ చతుర్వర్గప్రదా ముదా ।
కలా కాలధరా ధీరా ధారిణీ వసునీరదా ॥ ౮ ॥
హీరా హీరకవర్ణాభా హరిణాయతలోచనా ।
దమ్భమోహక్రోధలోభస్నేహద్వేషహరా పరా ॥ ౯ ॥
నారదేవకరీ రామా రామానన్దమనోహరా ।
యోగభోగక్రోధలోభహరా హరనమస్కృతా ॥ ౧౦ ॥
దానమానజ్ఞానమాన-పానగానసుఖప్రదా ।
గజగోశ్వపదాగఞ్జా భూతిదా భూతనాశినీ ॥ ౧౧ ॥
భవభావా తథా బాలా వరదా హరవల్లభా ।
భగభఙ్గభయా మాలా మాలతీ తాలనాహృదా ॥ ౧౨ ॥
జాలవాలహాలకాలకపాలప్రియవాదినీ ।
కరఞ్జశీలగుఞ్జాఢ్యా చూతాఙ్కురనివాసినీ ॥ ౧౩ ॥
పనసస్థా పానసక్తా పనసేశకుటుమ్బినీ ।
పావనీ పావనాధారా పూర్ణా పూర్ణమనోరథా ॥ ౧౪ ॥
పూతా పూతకలా పౌరా పురాణసురసున్దరీ ।
పరేశీ పరదా పారా పరాత్మా పరమోహినీ ॥ ౧౫ ॥
జగన్మాయా జగత్కర్త్త్రీ జగత్కీర్త్తిర్జగన్మయీ ।
జననీ జయినీ జాయా జితా జినజయప్రదా ॥ ౧౬ ॥
కీర్త్తిర్జ్ఞానధ్యానమానదాయినీ దానవేశ్వరీ ।
కావ్యవ్యాకరణజ్ఞానా ప్రజ్ఞాప్రజ్ఞానదాయినీ ॥ ౧౭ ॥
విజ్ఞాజ్ఞా విజ్ఞజయదా విజ్ఞా విజ్ఞప్రపూజితా ।
పరావరేజ్యా వరదా పారదా శారదా దరా ॥ ౧౮ ॥
దారిణీ దేవదూతీ చ మదనా మదనామదా ।
పరమజ్ఞానగమ్యా చ షరేశీ పరగా పరా ॥ ౧౯ ॥
యజ్ఞా యజ్ఞప్రదా యజ్ఞజ్ఞానకార్యకరీ శుభా ।
శోభినీ శుభ్రమథినీ నిశుమ్భాసురమర్ద్దినీ ॥ ౨౦ ॥
శామ్భవీ శమ్భుపత్నీ చ శమ్భుజాయా శుభాననా ।
శాఙ్కరీ శఙ్కరారాధ్యా సన్ధ్యా సన్ధ్యాసుధర్మిణీ ॥ ౨౧ ॥
శత్రుఘ్నీ శత్రుహా శత్రుప్రదా శాత్రవనాశినీ ।
శైవీ శివలయా శైలా శైలరాజప్రియా సదా ॥ ౨౨ ॥
శర్వరీ శవరీ శమ్భుః సుధాఢ్యా సౌధవాసినీ ।
సగుణా గుణరూపా చ గౌరవీ భైరవీరవా ॥ ౨౩ ॥
గౌరాఙ్గీ గౌరదేహా చ గౌరీ గురుమతీ గురుః ।
గౌర్గ్గౌర్గవ్యస్వరూపా చ గుణానన్దస్వరూపిణీ ॥ ౨౪ ॥
గణేశగణదా గుణ్యా గుణా గౌరవవాఞ్ఛితా ।
గణమాతా గణారాధ్యా గణకోటివినాశినీ ॥ ౨౫ ॥
దుర్గా దుర్జ్జనహన్త్రీ చ దుర్జ్జనప్రీతిదాయినీ ।
స్వర్గాపవర్గదా దాత్రీ దీనా దీనదయావతీ ॥ ౨౬ ॥
దుర్న్నిరీక్ష్యా దురాదుఃస్థా దౌఃస్థభఞ్జనకారిణీ ।
శ్వేతపాణ్డురకృష్ణాభా కాలదా కాలనాశినీ ॥ ౨౭ ॥
కర్మనర్మకరీ నర్మా ధర్మాధర్మవినాశినీ ।
గౌరీ గౌరవదా గోదా గణదా గాయనప్రియా ॥ ౨౮ ॥
గఙ్గా భాగీరథీ భఙ్గా భగా భాగ్యవివర్ద్ధినీ ।
భవానీ భవహన్త్రీ చ భైరవీ భైరవీసమా ॥ ౨౯ ॥
భీమా భీమరవా భైమీ భీమానన్దప్రదాయినీ ।
శరణ్యా శరణా శమ్యా శశినీ శఙ్ఖనాశినీ ॥ ౩౦ ॥
గుణా గుణకరీ గౌణీ ప్రియాప్రీతిప్రదాయినీ ।
జనమోహనకర్త్త్రీ చ జగదానన్దదాయినీ ॥ ౩౧ ॥
జితా జాయా చ విజయా విజయా జయదాయినీ ।
కామా కాలీ కరాలాస్యా ఖర్వా ఖఞ్జా ఖరా గదా ॥ ౩౨ ॥
గర్వా గరుత్మతీ ధర్మా ఘర్గ్ఘరా ఘోరనాదినీ ।
చరాచరీ చరారాధ్యా ఛినా ఛిన్నమనోరథా ॥ ౩౩ ॥
ఛిన్నమస్తా జయా జాప్యా జగజ్జాయా చ ఝర్జ్ఝరీ ।
ఝకారా ఝీష్కృతిష్టీకా టఙ్కా టఙ్కారనాదినీ ॥ ౩౪ ॥
ఠీకా ఠక్కురఠక్కాఙ్గీ ఠఠఠాఙ్కారఢుణ్ఢురా ।
ఢుణ్ఢీతారాజతీర్ణా చ తాలస్థాభ్రమనాశినీ ॥ ౩౫ ॥
థకారా థకరా దాత్రీ దీపా దీపవినాశినీ ।
ధన్యా ధనా ధనవతీ నర్మదా నర్మమోదినీ ॥ ౩౬ ॥
పద్మా పద్మావతీ పీతా స్ఫాన్తా ఫూత్కారకారిణీ ।
ఫుల్లా బ్రహ్మమయీ బ్రాహ్మీ బ్రహ్మానన్దప్రదాయినీ ॥ ౩౭ ॥
భవారాధ్యా భవాధ్యక్షా భగాలీ మన్దగామినీ ।
మదిరా మదిరేక్షా చ యశోదా యమపూజితా ॥ ౩౮ ॥
యామ్యా రామ్యా రామరూపా రమణీ లలితా లతా ।
లఙ్కేశ్వరీ వాక్ప్రదా వాచ్యా సదాశ్రమవాసినీ ॥ ౩౯ ॥
శ్రాన్తా శకారరూపా చ షకారఖరవాహనా ।
సహ్యాద్రిరూపా సానన్దా హరిణీ హరిరూపిణీ ॥ ౪౦ ॥
హరారాధ్యా వాలవాచలవఙ్గప్రేమతోషితా ।
క్షపా క్షయప్రదా క్షీరా అకారాదిస్వరూపిణీ ॥ ౪౧ ॥
కాలికా కాలమూర్త్తిశ్చ కలహా కలహప్రియా ।
శివా శన్దాయినీ సౌమ్యా శత్రునిగ్రహకారిణీ ॥ ౪౨ ॥
భవానీ భవమూర్త్తిశ్చ శర్వాణీ సర్వమఙ్గలా ।
శత్రువిద్ద్రావిణీ శైవీ శుమ్భాసురవినాశినీ ॥ ౪౩ ॥
ధకారమన్త్రరూపా చ ధూమ్బీజపరితోషితా ।
ధనాధ్యక్షస్తుతా ధీరా ధరారూపా ధరావతీ ॥ ౪౪ ॥
చర్విణీ చన్ద్రపూజ్యా చ చ్ఛన్దోరూపా ఛటావతీ ।
ఛాయా ఛాయావతీ స్వచ్ఛా ఛేదినీ మేదినీ క్షమా ॥ ౪౫ ॥
వల్గినీ వర్ద్ధినీ వన్ద్యా వేదమాతా బుధస్తుతా ।
ధారా ధారావతీ ధన్యా ధర్మదానపరాయణా ॥ ౪౬ ॥
గర్విణీ గురుపూజ్యా చ జ్ఞానదాత్రీ గుణాన్వితా ।
ధర్మిణీ ధర్మరూపా చ ఘణ్టానాదపరాయణా ॥। ౪౭ ॥
ఘణ్టానినాదినీ ఘూర్ణా ఘూర్ణితా ఘోరరూపిణీ ।
కలిఘ్నీ కలిదూతీ చ కలిపూజ్యా కలిప్రియా ॥ ౪౮ ॥
కాలనిర్ణాశినీ కాల్యా కావ్యదా కాలరూపిణీ ।
వర్షిణీ వృష్టిదా వృష్టిర్మహావృష్టినివారిణీ ॥ ౪౯ ॥
ఘాతినీ ఘాటినీ ఘోణ్టా ఘాతకీ ఘనరూపిణీ ।
ధూమ్బీజా ధూఞ్జపానన్దా ధూమ్బీజజపతోషితా ॥ ౫౦ ॥
ధూన్ధూమ్బీజజపాసక్తా ధూన్ధూమ్బీజపరాయణా ।
ధూఙ్కారహర్షిణీ ధూమా ధనదా ధనగర్వితా ॥ ౫౧ ॥
పద్మావతీ పద్మమాలా పద్మయోనిప్రపూజితా ।
అపారా పూరణీ పూర్ణా పూర్ణిమాపరివన్దితా ॥ ౫౨ ॥
ఫలదా ఫలభోక్త్రీ చ ఫలినీ ఫలదాయినీ ।
ఫూత్కారిణీ ఫలావాప్త్రీ ఫలభోక్త్రీ ఫలాన్వితా ॥ ౫౩ ॥
వారిణీ వరణప్రీతా వారిపాథోధిపారగా ।
వివర్ణా ధూమ్రనయనా ధూమ్రాక్షీ ధూమ్రరూపిణీ ॥ ౫౪ ॥
నీతిర్నీతిస్వరూపా చ నీతిజ్ఞా నయకోవిదా ।
తారిణీ తారరూపా చ తత్త్వజ్ఞానపరాయణా ॥ ౫౫ ॥
స్థూలా స్థూలాధరా స్థాత్రీ ఉత్తమస్థానవాసినీ ।
స్థూలా పద్మపదస్థానా స్థానభ్రష్టా స్థలస్థితా ॥ ౫౬ ॥
శోషిణీ శోభినీ శీతా శీతపానీయపాయినీ ।
శారిణీ శాఙ్ఖినీ శుద్ధా శఙ్ఖాసురవినాశినీ ॥ ౫౭ ॥
శర్వరీ శర్వరీపూజ్యా శర్వరీశప్రపూజితా ।
శర్వరీజాగ్రితా యోగ్యా యోగినీ యోగివన్దితా ॥ ౫౮ ॥
యోగినీగణసంసేవ్యా యోగినీ యోగభావితా ।
యోగమార్గరతాయుక్తా యోగమార్గానుసారిణీ ॥ ౫౯ ॥
యోగభావా యోగయుక్తా యామినీపతివన్దితా ।
అయోగ్యా యోఘినీ యోద్ధ్రీ యుద్ధకర్మవిశారదా ॥ ౬౦ ॥
యుద్ధమార్గరతానాన్తా యుద్ధస్థాననివాసినీ ।
సిద్ధా సిద్ధేశ్వరీ సిద్ధిః సిద్ధిగేహనివాసినీ ॥ ౬౧ ॥
సిద్ధరీతిస్సిద్ధప్రీతిః సిద్ధా సిద్ధాన్తకారిణీ ।
సిద్ధగమ్యా సిద్ధపూజ్యా సిద్ధబన్ద్యా సుసిద్ధిదా ॥ ౬౨ ॥
సాధినీ సాధనప్రీతా సాధ్యా సాధనకారిణీ ।
సాధనీయా సాధ్యసాధ్యా సాధ్యసఙ్ఘసుశోభినీ ॥ ౬౩ ॥
సాధ్వీ సాధుస్వభావా సా సాధుసన్తతిదాయినీ ।
సాధుపూజ్యా సాధువన్ద్యా సాధుసన్దర్శనోద్యతా ॥ ౬౪ ॥
సాధుదృష్టా సాధుపృష్ఠా సాధుపోషణతత్పరా ।
సాత్త్వికీ సత్త్వసంసిద్ధా సత్త్వసేవ్యా సుఖోదయా ॥ ౬౫ ॥
సత్త్వవృద్ధికరీ శాన్తా సత్త్వసంహర్షమానసా ।
సత్త్వజ్ఞానా సత్త్వవిద్యా సత్త్వసిద్ధాన్తకారిణీ ॥ ౬౬ ॥
సత్త్వవృద్ధిస్సత్త్వసిద్ధిస్సత్త్వసమ్పన్నమానసా ।
చారురూపా చారుదేహా చారుచఞ్చలలోచనా ॥ ౬౭ ॥
ఛద్మినీ ఛద్మసఙ్కల్పా ఛద్మవార్త్తా క్షమాప్రియా ।
హఠినీ హఠసమ్ప్రీతిర్హఠవార్త్తా హఠోద్యమా ॥ ౬౮ ॥
హఠకార్యా హఠధర్మా హఠకర్మపరాయణా ।
హఠసమ్భోగనిరతా హఠాత్కారరతిప్రియా ॥ ౬౯ ॥
హఠసమ్భేదినీ హృద్యా హృద్యవార్త్తా హరిప్రియా ।
హరిణీ హరిణీదృష్టిర్హరిణీమాంసభక్షణా ॥ ౭౦ ॥
హరిణాక్షీ హరిణపా హరిణీగణహర్షదా ।
హరిణీగణసంహర్త్రీ హరిణీపరిపోషికా ॥ ౭౧ ॥
హరిణీమృగయాసక్తా హరిణీమానపురస్సరా ।
దీనా దీనాకృతిర్దూనా ద్రావిణీ ద్రవిణప్రదా ॥ ౭౨ ॥
ద్రవిణాచలసంవ్వాసా ద్రవితా ద్రవ్యసంయ్యుతా ।
దీర్గ్ఘా దీర్గ్ఘపదా దృశ్యా దర్శనీయా దృఢాకృతిః ॥ ౭౩ ॥
దృఢా ద్విష్టమతిర్ద్దుష్టా ద్వేషిణీ ద్వేషిభఞ్జినీ ।
దోషిణీ దోషసంయ్యుక్తా దుష్టశత్రువినాశినీ ॥ ౭౪ ॥
దేవతార్త్తిహరా దుష్టదైత్యసఙ్ఘవిదారిణీ ।
దుష్టదానవహన్త్రీ చ దుష్టదైత్యనిషూదినీ ॥ ౭౫ ॥
దేవతాప్రాణదా దేవీ దేవదుర్గతినాశినీ ।
నటనాయకసంసేవ్యా నర్త్తకీ నర్త్తకప్రియా ॥ ౭౬ ॥
నాట్యవిద్యా నాట్యకర్త్రీ నాదినీ నాదకారిణీ ।
నవీననూతనా నవ్యా నవీనవస్త్రధారిణీ ॥ ౭౭ ॥
నవ్యభూషా నవ్యమాల్యా నవ్యాలఙ్కారశోభితా ।
నకారవాదినీ నమ్యా నవభూషణభూషితా ॥ ౭౮ ॥
నీచమార్గా నీచభూమిర్నీచమార్గగతిర్గతిః ।
నాథసేవ్యా నాథభక్తా నాథానన్దప్రదాయినీ ॥ ౭౯ ॥
నమ్రా నమ్రగతిర్న్నేత్రీ నిదానవాక్యవాదినీ ।
నారీమధ్యస్థితా నారీ నారీమధ్యగతాఽనఘా ॥ ౮౦ ॥
నారీప్రీతి నరారాధ్యా నరనామప్రకాశినీ ।
రతీ రతిప్రియా రమ్యా రతిప్రేమా రతిప్రదా ॥ ౮౧ ॥
రతిస్థానస్థితారాధ్యా రతిహర్షప్రదాయినీ ।
రతిరూపా రతిధ్యానా రతిరీతిసుధారిణీ ॥ ౮౨ ॥
రతిరాసమహోల్లాసా రతిరాసవిహారిణీ ।
రతికాన్తస్తుతా రాశీ రాశిరక్షణకారిణీ ॥ ౮౩ ॥
అరూపా శుద్ధరూపా చ సురూపా రూపగర్వితా ।
రూపయౌవనసమ్పన్నా రూపరాశీ రమావతీ ॥ ౮౪ ॥
రోధినీ రోషిణీ రుష్టా రోషిరుద్ధా రసప్రదా ।
మాదినీ మదనప్రీతా మధుమత్తా మధుప్రదా ॥ ౮౫ ॥
మద్యపా మద్యపధ్యేయా మద్యపప్రాణరక్షిణీ ।
మద్యపానన్దసన్దాత్రీ మద్యపప్రేమతోషితా ॥ ౮౬ ॥
మద్యపానరతా మత్తా మద్యపానవిహారిణీ ।
మదిరా మదిరారక్తా మదిరాపానహర్షిణీ ॥ ౮౭ ॥
మదిరాపానసన్తుష్టా మదిరాపానమోహినీ ।
మదిరామానసాముగ్ధా మాధ్వీపా మదిరాప్రదా ॥ ౮౮ ॥
మాధ్వీదానసదానన్దా మాధ్వీపానరతా మదా ।
మోదినీ మోదసన్దాత్రీ ముదితా మోదమానసా ॥ ౮౯ ॥
మోదకర్త్రీ మోదదాత్రీ మోదమఙ్గలకారిణీ ।
మోదకాదానసన్తుష్టా మోదకగ్రహణక్షమా ॥ ౯౦ ॥
మోదకాలబ్ధిసఙ్క్రుద్ధా మోదకప్రాప్తితోషిణీ ।
మాంసాదా మాంససమ్భక్షా మాంసభక్షణహర్షిణీ ॥ ౯౧ ॥
మాంసపాకపరప్రేమా మాంసపాకాలయస్థితా ।
మత్స్యమాంసకృతాస్వాదా మకారపఞ్చకాన్వితా ॥ ౯౨ ॥
ముద్రా ముద్రాన్వితా మాతా మహామోహా మనస్వినీ ।
ముద్రికా ముద్రికాయుక్తా ముద్రికాకృతలక్షణా ॥ ౯౩ ॥
ముద్రికాలఙ్కృతా మాద్రీ మన్దరాచలవాసినీ ।
మన్దరాచలసంసేవ్యా మన్దరాచలవాసినీ ॥ ౯౪ ॥
మన్దరధ్యేయపాదాబ్జా మన్దరారణ్యవాసినీ ।
మన్దురావాసినీ మన్దా మారిణీ మారికామితా ॥ ౯౫ ॥
మహామారీ మహామారీశమినీ శవసంస్థితా ।
శవమాంసకృతాహారా శ్మశానాలయవాసినీ ॥ ౯౬ ॥
శ్మశానసిద్ధిసంహృష్టా శ్మశానభవనస్థితా ।
శ్మశానశయనాగారా శ్మశానభస్మలేపితా ॥ ౯౭ ॥
శ్మశానభస్మభీమాఙ్గీ శ్మశానావాసకారిణీ ।
శామినీ శమనారాధ్యా శమనస్తుతివన్దితా ॥ ౯౮ ॥
శమనాచారసన్తుష్టా శమనాగారవాసినీ ।
శమనస్వామినీ శాన్తిః శాన్తసజ్జనపూజితా ॥ ౯౯ ॥
శాన్తపూజాపరా శాన్తా శాన్తాగారప్రభోజినీ ।
శాన్తపూజ్యా శాన్తవన్ద్యా శాన్తగ్రహసుధారిణీ ॥ ౧౦౦ ॥
శాన్తరూపా శాన్తియుక్తా శాన్తచన్ద్రప్రభాఽమలా ।
అమలా విమలా మ్లానా మాలతీ కుఞ్జవాసినీ ॥ ౧౦౧ ॥
మాలతీపుష్పసమ్ప్రీతా మాలతీపుష్పపూజితా ।
మహోగ్రా మహతీ మధ్యా మధ్యదేశనివాసినీ ॥ ౧౦౨ ॥
మధ్యమధ్వనిసమ్ప్రీతా మధ్యమధ్వనికారిణీ ।
మధ్యమా మధ్యమప్రీతిర్మధ్యమప్రేమపూరితా ॥ ౧౦౩ ॥
మధ్యాఙ్గచిత్రవసనా మధ్యఖిన్నా మహోద్ధతా ।
మహేన్ద్రకృతసమ్పూజా మహేన్ద్రపరివన్దితా ॥ ౧౦౪ ॥
మహేన్ద్రజాలసంయ్యుక్తా మహేన్ద్రజాలకారిణీ ।
మహేన్ద్రమానితాఽమానా మానినీగణమధ్యగా ॥ ౧౦౫ ॥
మానినీమానసమ్ప్రీతా మానవిధ్వంసకారిణీ ।
మానిన్యాకర్షిణీ ముక్తిర్ముక్తిదాత్రీ సుముక్తిదా ॥ ౧౦౬ ॥
ముక్తిద్వేషకరీ మూల్యకారిణీ మూల్యహారిణీ ।
నిర్మలా మూలసంయ్యుక్తా మూలినీ మూలమన్త్రిణీ ॥ ౧౦౭ ॥
మూలమన్త్రకృతార్హాద్యా మూలమన్త్రార్గ్ఘ్యహర్షిణీ ।
మూలమన్త్రప్రతిష్ఠాత్రీ మూలమన్త్రప్రహర్షిణీ ॥ ౧౦౮ ॥
మూలమన్త్రప్రసన్నాస్యా మూలమన్త్రప్రపూజితా ।
మూలమన్త్రప్రణేత్రీ చ మూలమన్త్రకృతార్చ్చనా ॥ ౧౦౯ ॥
మూలమన్త్రప్రహృష్టాత్మా మూలవిద్యా మలాపహా ।
విద్యాఽవిద్యా వటస్థా చ వటవృక్షనివాసినీ ॥ ౧౧౦ ॥
వటవృక్షకృతస్థానా వటపూజాపరాయణా ।
వటపూజాపరిప్రీతా వటదర్శనలాలసా ॥ ౧౧౧ ॥
వటపూజా కృతా హ్లాదా వటపూజావివర్ద్ధినీ ।
వశినీ వివశారాధ్యా వశీకరణమన్త్రిణీ ॥ ౧౧౨ ॥
వశీకరణసమ్ప్రీతా వశీకారకసిద్ధిదా ।
బటుకా బటుకారాధ్యా బటుకాహారదాయినీ ॥ ౧౧౩ ॥
బటుకార్చ్చాపరా పూజ్యా బటుకార్చ్చావివర్ద్ధినీ ।
బటుకానన్దకర్త్త్రీ చ బటుకప్రాణరక్షిణీ ॥ ౧౧౪ ॥
బటుకేజ్యాప్రదాఽపారా పారిణీ పార్వతీప్రియా ।
పర్వతాగ్రకృతావాసా పర్వతేన్ద్రప్రపూజితా ॥ ౧౧౫ ॥
పార్వతీపతిపూజ్యా చ పార్వతీపతిహర్షదా ।
పార్వతీపతిబుద్ధిస్థా పార్వతీపతిమోహినీ ॥ ౧౧౬ ॥
పార్వతీయద్ద్విజారాధ్యా పర్వతస్థా ప్రతారిణీ ।
పద్మలా పద్మినీ పద్మా పద్మమాలావిభూషితా ॥ ౧౧౭ ॥
పద్మజేడ్యపదా పద్మమాలాలఙ్కృతమస్తకా ।
పద్మార్చ్చితపదద్వన్ద్వా పద్మహస్తపయోధిజా ॥ ౧౧౮ ॥
పయోధిపారగన్త్రీ చ పాథోధిపరికీర్త్తితా ।
పాథోధిపారగాపూతా పల్వలామ్బుప్రతర్పితా ॥ ౧౧౯ ॥
పల్వలాన్తః పయోమగ్నా పవమానగతిర్గతిః ।
పయః పానా పయోదాత్రీ పానీయపరికాఙ్క్షిణీ ॥ ౧౨౦ ॥
పయోజమాలాభరణా ముణ్డమాలావిభూషణా ।
ముణ్డినీ ముణ్డహన్త్రీ చ ముణ్డితా ముణ్డశోభితా ॥ ౧౨౧ ॥
మణిభూషా మణిగ్రీవా మణిమాలావిరాజితా ।
మహామోహా మహామర్షా మహామాయా మహాహవా ॥ ౧౨౨ ॥
మానవీ మానవీపూజ్యా మనువంశవివర్ద్ధినీ ।
మఠినీ మఠసంహన్త్రీ మఠసమ్పత్తిహారిణీ ॥ ౧౨౩ ॥
మహాక్రోధవతీ మూఢా మూఢశత్రువినాశినీ ।
పాఠీనభోజినీ పూర్ణా పూర్ణహారవిహారిణీ ॥ ౧౨౪ ॥
ప్రలయానలతుల్యాభా ప్రలయానలరూపిణీ ।
ప్రలయార్ణవసమ్మగ్నా ప్రలయాబ్ధివిహారిణీ ॥ ౧౨౫ ॥
మహాప్రలయసమ్భూతా మహాప్రలయకారిణీ ।
మహాప్రలయసమ్ప్రీతా మహాప్రలయసాధినీ ॥ ౧౨౬ ॥
మహామహాప్రలయేజ్యా మహాప్రలయమోదినీ ।
ఛేదినీ ఛిన్నముణ్డోగ్రా ఛిన్నా ఛిన్నరుహార్త్థినీ ॥ ౧౨౭ ॥
శత్రుసఞ్ఛేదినీ ఛన్నా క్షోదినీ క్షోదకారిణీ ।
లక్షిణీ లక్షసమ్పూజ్యా లక్షితా లక్షణాన్వితా ॥ ౧౨౮ ॥
లక్షశస్త్రసమాయుక్తా లక్షబాణప్రమోచినీ ।
లక్షపూజాపరాఽలక్ష్యా లక్షకోదణ్డఖణ్డినీ ॥ ౧౨౯ ॥
లక్షకోదణ్డసంయ్యుక్తా లక్షకోదణ్డధారిణీ ।
లక్షలీలాలయాలభ్యా లాక్షాగారనివాసినీ ॥ ౧౩౦ ॥
లక్షలోభపరా లోలా లక్షభక్తప్రపూజితా ।
లోకినీ లోకసమ్పూజ్యా లోకరక్షణకారిణీ ॥ ౧౩౧ ॥
లోకవన్దితపాదాబ్జా లోకమోహనకారిణీ ।
లలితా లాలితాలీనా లోకసంహారకారిణీ ॥ ౧౩౨ ॥
లోకలీలాకరీ లోక్యాలోకసమ్భవకారిణీ ।
భూతశుద్ధికరీ భూతరక్షిణీ భూతతోషిణీ ॥ ౧౩౩ ॥
భూతవేతాలసంయ్యుక్తా భూతసేనాసమావృతా ।
భూతప్రేతపిశాచాదిస్వామినీ భూతపూజితా ॥ ౧౩౪ ॥
డాకినీ శాకినీ డేయా డిణ్డిమారావకారిణీ ।
డమరూవాద్యసన్తుష్టా డమరూవాద్యకారిణీ ॥ ౧౩౫ ॥
హుఙ్కారకారిణీ హోత్రీ హావినీ హావనార్త్థినీ ।
హాసినీ హ్వాసినీ హాస్యహర్షిణీ హఠవాదినీ ॥ ౧౩౬ ॥
అట్టాట్టహాసినీ టీకా టీకానిర్మాణకారిణీ ।
టఙ్కినీ టఙ్కితా టఙ్కా టఙ్కమాత్రసువర్ణదా ॥ ౧౩౭ ॥
టఙ్కారిణీ టకారాఢ్యా శత్రుత్రోటనకారిణీ ।
త్రుటితా త్రుటిరూపా చ త్రుటిసన్దేహకారిణీ ॥ ౧౩౮ ॥
తర్షిణ తృట్పరిక్లాన్తా క్షుత్క్షామా క్షుత్పరిప్లుతా ।
అక్షిణీ తక్షిణీ భిక్షాప్రార్త్థినీ శత్రుభక్షిణీ ॥ ౧౩౯ ॥
కాఙ్క్షిణీ కుట్టనీ క్రూరా కుట్టనీవేశ్మవాసినీ ।
కుట్టనీకోటిసమ్పూజ్యా కుట్టనీకులమార్గిణీ ॥ ౧౪౦ ॥
కుట్టనీకులసంరక్షా కుట్టనీకులరక్షిణీ ।
కాలపాశావృతా కన్యా కుమారీపూజనప్రియా ॥ ౧౪౧ ॥
కౌముదీ కౌముదీహృష్టా కరుణాదృష్టిసంయ్యుతా ।
కౌతుకాచారనిపుణా కౌతుకాగారవాసినీ ॥ ౧౪౨ ॥
కాకపక్షధరా కాకరక్షిణీ కాకసంవ్వృతా ।
కాకాఙ్కరథసంస్థానా కాకాఙ్కస్యన్దనాస్థితా ॥ ౧౪౩ ॥
కాకినీ కాకదృష్టిశ్చ కాకభక్షణదాయినీ ।
కాకమాతా కాకయోనిః కాకమణ్డలమణ్డితా ॥ ౧౪౪ ॥
కాకదర్శనసంశీలా కాకసఙ్కీర్ణమన్దిరా ।
కాకధ్యానస్థదేహాదిధ్యానగమ్యా ధమావృతా ॥ ౧౪౫ ॥
ధనినీ ధనిసంసేవ్యా ధనచ్ఛేదనకారిణీ ।
ధున్ధురా ధున్ధురాకారా ధూమ్రలోచనఘాతినీ ॥ ౧౪౬ ॥
ధూఙ్కారిణీ చ ధూమ్మన్త్రపూజితా ధర్మనాశినీ ।
ధూమ్రవర్ణినీ ధూమ్రాక్షీ ధూమ్రాక్షాసురఘాతినీ ॥ ౧౪౭ ॥
ధూమ్బీజజపసన్తుష్టా ధూమ్బీజజపమానసా ।
ధూమ్బీజజపపూజార్హా ధూమ్బీజజపకారిణీ ॥ ౧౪౮ ॥
ధూమ్బీజాకర్షితా ధృష్యా ధర్షిణీ ధృష్టమానసా ।
ధూలీప్రక్షేపిణీ ధూలీవ్యాప్తధమ్మిల్లధారిణీ ॥ ౧౪౯ ॥
ధూమ్బీజజపమాలాఢ్యా ధూమ్బీజనిన్దకాన్తకా ।
ధర్మవిద్వేషిణీ ధర్మరక్షిణీ ధర్మతోషితా ॥ ౧౫౦ ॥
ధారాస్తమ్భకరీ ధూర్తా ధారావారివిలాసినీ ।
ధాంధీంధూంధైమ్మన్త్రవర్ణా ధౌంధఃస్వాహాస్వరూపిణీ ॥ ౧౫౧ ॥
ధరిత్రీపూజితా ధూర్వా ధాన్యచ్ఛేదనకారిణీ ।
ధిక్కారిణీ సుధీపూజ్యా ధామోద్యాననివాసినీ ॥ ౧౫౨ ॥
ధామోద్యానపయోదాత్రీ ధామధూలీప్రధూలితా ।
మహాధ్వనిమతీ ధూప్యా ధూపామోదప్రహర్షిణీ ॥ ౧౫౩ ॥
ధూపాదానమతిప్రీతా ధూపదానవినోదినీ ।
ధీవరీగణసమ్పూజ్యా ధీవరీవరదాయినీ ॥ ౧౫౪ ॥
ధీవరీగణమధ్యస్థా ధీవరీధామవాసినీ ।
ధీవరీగణగోప్త్రీ చ ధీవరీగణతోషితా ॥ ౧౫౫ ॥
ధీవరీధనదాత్రీ చ ధీవరీప్రాణరక్షిణీ ।
ధాత్రీశా ధాతృసమ్పూజ్యా ధాత్రీవృక్షసమాశ్రయా ॥ ౧౫౬ ॥
ధాత్రీపూజనకర్త్రీ చ ధాత్రీరోపణకారిణీ ।
ధూమ్రపానరతాసక్తా ధూమ్రపానరతేష్టదా ॥ ౧౫౭ ॥
ధూమ్రపానకరానన్దా ధూమ్రవర్షణకారిణీ ।
ధన్యశబ్దశ్రుతిప్రీతా ధున్ధుకారీజనచ్ఛిదా ॥ ౧౫౮ ॥
ధున్ధుకారీష్టసన్దాత్రీ థున్ధుకారిసుముక్తిదా ।
ధున్ధుకార్యారాధ్యరూపా ధున్ధుకారిమనస్స్థితా ॥ ౧౫౯ ॥
ధున్ధుకారిహితాకాఙ్క్షా ధున్ధుకారిహితైషిణీ ।
ధిన్ధిమారావిణీ ధ్యాత్రీ ధ్యానగమ్యా ధనార్థినీ ॥ ౧౬౦ ॥
ధోరిణీ ధోరణప్రీతా ధారిణీ ఘోరరూపిణీ ।
ధరిత్రీరక్షిణీ దేవీ ధరాప్రలయకారిణీ ॥ ౧౬౧ ॥
ధరాధరసుతాఽశేషధారాధరసమద్యుతిః ।
ధనాధ్యక్షా ధనప్రాప్తిర్ద్ధనధాన్యవివర్ద్ధినీ ॥ ౧౬౨ ॥
ధనాకర్షణకర్త్త్రీ చ ధనాహరణకారిణీ ।
ధనచ్ఛేదనకర్త్రీ చ ధనహీనా ధనప్రియా ॥ ౧౬౩ ॥
ధనసఁవ్వృద్ధిసమ్పన్నా ధనదానపరాయణా ॥ ౧౬౪ ॥
ధనహృష్టా ధనపుష్టా దానాధ్యయనకారిణీ ।
ధనరక్షా ధనప్రాణా ధనానన్దకరీ సదా ॥ ౧౬౫ ॥
శత్రుహన్త్రీ శవారూఢా శత్రుసంహారకారిణీ ।
శత్రుపక్షక్షతిప్రీతా శత్రుపక్షనిషూదినీ ॥ ౧౬౬ ॥
శత్రుగ్రీవాచ్ఛిదాఛాయా శత్రుపద్ధతిఖణ్డినీ ।
శత్రుప్రాణహరాహార్యా శత్రూన్మూలనకారిణీ ॥ ౧౬౭ ॥
శత్రుకార్యవిహన్త్రీ చ సాఙ్గశత్రువినాశినీ ।
సాఙ్గశత్రుకులచ్ఛేత్రీ శత్రుసద్మప్రదాయినీ ॥ ౧౬౮ ॥
సాఙ్గసాయుధసర్వారి-సర్వసమ్పత్తినాశినీ ।
సాఙ్గసాయుధసర్వారి-దేహగేహప్రదాహినీ ॥ ౧౬౯ ॥
ఇతీదన్ధూమరూపిణ్యాస్స్తోత్రన్నామ సహస్రకమ్ ।
యః పఠేచ్ఛూన్యభవనే సధ్వాన్తే యతమానసః ॥ ౧౭౦ ॥
మదిరామోదయుక్తో వై దేవీధ్యానపరాయణః ।
తస్య శత్రుః క్షయం యాతి యది శక్రసమోఽపి వై ॥ ౧౭౧ ॥
భవపాశహరమ్పుణ్యన్ధూమావత్యాః ప్రియమ్మహత్ ।
స్తోత్రం సహస్రనామాఖ్యమ్మమ వక్త్రాద్వినిర్గతమ్ ॥ ౧౭౨ ॥
పఠేద్వా శృణుయాద్వాపి శత్రుఘాతకరో భవేత్ ।
న దేయమ్పరశిష్యాయాఽభక్తాయ ప్రాణవల్లభే ॥ ౧౭౩ ॥
దేయం శిష్యాయ భక్తాయ దేవీభక్తిపరాయ చ ।
ఇదం రహస్యమ్పరమన్దుర్ల్లభన్దుష్టచేతసామ్ ॥ ౧౭౪ ॥
ఇతి ధూమావతీసహస్రనామస్తోత్రం సమ్పూర్ణమ్ ॥
Also Read 1000 Names of Shri Dhumavati:
1000 Names of Sri Dhumavati | Ayyappan Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
