1008 - Sahasranamavali

1000 Names of Sri Maha Tripura Sundari | Sahasranama Stotram Lyrics in Oriya

Shri Mahatripurasundari Sahasranamastotram Lyrics in Oriya:

॥ ଶ୍ରୀମହାତ୍ରିପୁରସୁନ୍ଦରୀସହସ୍ରନାମସ୍ତୋତ୍ରମ୍ ॥

ଅଥ ଶ୍ରୀମହାତ୍ରିପୁରସୁନ୍ଦରୀସହସ୍ରନାମସ୍ତୋତ୍ରମ୍ ।

କୈଲାସଶିଖରେ ରମ୍ୟେ ନାନାରତ୍ନୋପଶୋଭିତେ ।
କଲ୍ପପାଦପମଧ୍ୟସ୍ଥେ ନାନାପୁଷ୍ପୋପଶୋଭିତେ ।
ମଣିମଣ୍ଡପମଧ୍ୟସ୍ଥେ ମୁନିଗନ୍ଧର୍ଵସେଵିତେ ।
ତଙ୍କଶ୍ଚିତ୍ସୁଖମାସୀନମ୍ଭଗଵନ୍ତଞ୍ଜଗଦ୍ଗୁରୁମ୍ ॥

କପାଲଖଟ୍ଵାଙ୍ଗଧରଞ୍ଚନ୍ଦ୍ରାର୍ଦ୍ଧକୃତଶେଖରମ୍ ।
ତ୍ରିଶୂଲଡମରୂହସ୍ତମହାଵୃଷଭଵାହନମ୍ ॥

ଜଟାଜୂଟଧରନ୍ଦେଵଵାସୁକୀକଣ୍ଠଭୂଷଣମ୍ ।
ଵିଭୂତିଭୂଷଣନ୍ଦେଵନ୍ନୀଲକଣ୍ଠନ୍ତ୍ରିଲୋଚନମ୍ ॥

ଦ୍ଵୀପିଚର୍ମପରୀଧାନଂ ଶୁଦ୍ଧସ୍ଫଟିକସନ୍ନିଭମ୍ ।
ସହସ୍ରାଦିତ୍ୟସଙ୍କାଶଙ୍ଗିରିଜାର୍ଦ୍ଧାଙ୍ଗଭୂଷଣମ୍ ॥

ପ୍ରଣମ୍ୟ ଶିରସା ନାଥଙ୍କାରଣଵିଶ୍ଵରୂପିଣମ୍ ।
କୃତାଞ୍ଜଲିପୁଟୋ ଭୂତ୍ଵା ପ୍ରାହୈନଂ ଶିଖିଵାହନଃ ॥

କାର୍ତିକେୟ ଉଵାଚ –
ଦେଵଦେଵ ଜଗନ୍ନାଥ ସୃଷ୍ଟିସ୍ଥିତିଲୟାତ୍ମକ ।
ତ୍ଵମେଵ ପରମାତ୍ମା ଚ ତ୍ଵଙ୍ଗତିଃ ସର୍ଵଦେହିନାମ୍ ॥

ତ୍ଵଂ ଗତିସ୍ସର୍ଵଲୋକାନାନ୍ଦୀନାନାଞ୍ଚ ତ୍ଵମେଵ ହି ।
ତ୍ଵମେଵ ଜଗଦାଧାରସ୍ତ୍ଵମେଷ ଵିଶ୍ଵକାରଣଃ ॥

ତ୍ଵମେଵ ପୂଜ୍ୟସ୍ସର୍ଵେଷାନ୍ତ୍ଵଦନ୍ୟୋ ନାସ୍ତି ମେ ଗତିଃ ।
କିଙ୍ଗୁହ୍ୟମ୍ପରମଂ ଲୋକେ କିମେକଂ ସର୍ଵସିଦ୍ଧିଦମ୍ ॥

କିମେକମ୍ପରମଂ ଶ୍ରେଷ୍ଠଙ୍କି ୟୋଗଂ ସ୍ଵର୍ଗମୋକ୍ଷଦମ୍ ।
ଵିନା ତୀର୍ଥେନ ତପସା ଵିନା ଦାନୈର୍ଵିନା ମଖୈଃ ॥

ଵିନା ଲୟେନ ଧ୍ୟାନେନ ନରଃ ସିଦ୍ଧିମଵାପ୍ନୁୟାତ୍ ।
କସ୍ମାଦୁତ୍ପଦ୍ୟତେ ସୃଷ୍ଟିଃ କସ୍ମିଂଶ୍ଚ ପ୍ରଲୟୋ ଭଵେତ୍ ॥

କସ୍ମାଦୁତ୍ତୀର୍ୟତେ ଦେଵ ସଂସାରାର୍ଣଵସଙ୍କଟାତ୍ ।
ତଦହଂ ଶ୍ରୋତୁମିଚ୍ଛାମି କଥୟସ୍ଵ ମହେଶ୍ଵର ॥

ଈଶ୍ଵର ଉଵାଚ –
ସାଧୁ ସାଧୁ ତ୍ଵୟା ପୃଷ୍ଟମ୍ପାର୍ଵତୀପ୍ରିୟନନ୍ଦନ ।
ଅସ୍ତି ଗୁହ୍ୟତମମ୍ପୁତ୍ର କଥୟିଷ୍ୟାମ୍ୟସଂଶୟମ୍ ॥

ସତ୍ତ୍ଵଂ ରଜସ୍ତମଶ୍ଚୈଵ ୟେ ଚାନ୍ୟେ ମହଦାଦୟଃ ।
ୟେ ଚାନ୍ୟେ ବହଵୋ ଭୂତାଃ ସର୍ଵପ୍ରକୃତିସମ୍ଭଵାଃ ॥

ସୈଵ ଦେଵୀ ପରାଶକ୍ତିର୍ମହାତ୍ରିପୁରସୁନ୍ଦରୀ ।
ସୈଵ ପ୍ରସୂୟତେ ଵିଶ୍ଵଵିଶ୍ଵଂ ସୈଵ ପ୍ରୟାସ୍ୟତି ॥

ସୈଵ ସଂହରତେ ଵିଶ୍ଵଞ୍ଜଗଦେତଚ୍ଚରାଚରମ୍ ।
ଆଧାରସ୍ସର୍ଵଭୂତାନାଂ ସୈଵ ରୋଗାର୍ତିହାରିଣୀ ॥

ଇଚ୍ଛାଜ୍ଞାନକ୍ରିୟାଶକ୍ତିର୍ବହ୍ମଵିଷ୍ଣୁଶିଵାଦୟଃ ।
ତ୍ରିଧା ଶକ୍ତିସ୍ଵରୂପେଣ ସୃଷ୍ଟିସ୍ଥିତିଵିନାଶିନୀ ।
ସୃଜ୍ୟତେ ବ୍ରହ୍ମରୂପେଣ ଵିଷ୍ଣୁରୂପେଣ ପାଲ୍ୟତେ ।
ସଂହରେଦ୍ରୁଦ୍ରରୂପେଣ ଜଗଦେତଚ୍ଚରାଚରମ୍ ॥

ୟସ୍ୟା ୟୋନୌ ଜଗତ୍ସର୍ଵମଦ୍ୟାପି ପରିଵର୍ତତେ ।
ୟସ୍ୟାମ୍ପ୍ରଲୀୟତେ ଚାନ୍ତେ ୟସ୍ୟାଞ୍ଚ ଜାୟତେ ପୁନଃ ।
ୟାଂ ସମାରାଧ୍ୟ ତ୍ରୈଲୋକ୍ୟଂ ସମ୍ପ୍ରାପ୍ତମ୍ପଦମୁତ୍ତମମ୍ ।
ତସ୍ୟା ନାମ ସହସ୍ରନ୍ତୁ କଥୟାମି ଶୃଣୁଷ୍ଵ ତତ୍ ॥

ଓଂ ଅସ୍ୟ ଶ୍ରୀମହାତ୍ରିପୁରସୁନ୍ଦରୀସହସ୍ରନାମସ୍ତୋତ୍ରମନ୍ତ୍ରସ୍ୟ
ଶ୍ରୀଭଗଵାନ୍ଦକ୍ଷିଣାମୂର୍ତିରୃଷିଃ ଜଗତୀଚ୍ଛନ୍ଦଃ
ସମସ୍ତପ୍ରକଟଗୁପ୍ତସମ୍ପ୍ରଦାୟକୁଲକୌଲୋତ୍ତୀର୍ଣନିର୍ଗର୍ଭରହସ୍ୟାଚିନ୍ତ୍ୟପ୍ରଭା
ଵତୀ ଦେଵତା ଓମ୍ବୀଜମ୍ ॥ ମାୟାଶକ୍ତିଃ କାମରାଜବୀଜକୀଲକମ୍ ଜୀଵୋ ବୀଜମ୍
ସୁଷୁମ୍ନା ନାଡୀ ସରସ୍ଵତୀ ଶକ୍ତିର୍ଧର୍ମାର୍ଥକାମମୋକ୍ଷାର୍ଥେ ଜପେ ଵିନିୟୋଗଃ ॥

ଆଧାରେ ତରୁଣାର୍କବିମ୍ବରୁଚିରଂ ହେମପ୍ରଭମ୍ଵାଗ୍ଭଵମ୍-
ବୀଜଂ ମନ୍ମଥମିନ୍ଦ୍ରଗୋପସଦୃଶଂ ହୃତ୍ପଙ୍କଜେ ସଂସ୍ଥିତମ୍ ॥

ଵିଷ୍ଣୁବ୍ରହ୍ମପଦସ୍ଥଶକ୍ତିକଲିତଂ ସୋମପ୍ରଭାଭାସୁର
ୟେ ଧ୍ୟାୟନ୍ତି ପଦତ୍ରୟନ୍ତଵ ଶିଵେ ତେ ୟାନ୍ତି ସୌଖ୍ୟମ୍ପଦମ୍ ॥

କଲ୍ୟାଣୀ କମଲା କାଲୀ କରାଲୀ କାମରୂପିଣୀ ।
କାମାଖ୍ୟା କାମଦା କାମ୍ୟା କାମନା କାମଚାରିଣୀ ॥

କାଲରାତ୍ରିର୍ମହାରାତ୍ରିଃ କପାଲୀ କାଲରୂପିଣୀ ।
କୌମାରୀ କରୁଣାମୁକ୍ତିଃ କଲିକଲ୍ମଷନାଶିନୀ ॥

କାତ୍ୟାୟନୀ କରାଧାରା କୌମୁଦୀ କମଲପ୍ରିୟା ।
କୀର୍ତିଦା ବୁଦ୍ଧିଦା ମେଧା ନୀତିଜ୍ଞା ନୀତିଵତ୍ସଲା ॥

ମାହେଶ୍ଵରୀ ମହାମାୟା ମହାତେଜା ମହେଶ୍ଵରୀ ।
ମହାଜିହ୍ଵା ମହାଘୋରା ମହାଦଂଷ୍ଟ୍ରା ମହାଭୁଜା ॥

ମହାମୋହାନ୍ଧକାରଘ୍ନୀ ମହାମୋକ୍ଷପ୍ରଦାୟିନୀ ।
ମହାଦାରିଦ୍ର୍ୟନାଶା ଚ ମହାଶତ୍ରୁଵିମର୍ଦ୍ଦିନୀ ॥

ମହାମାୟା ମହାଵୀର୍ୟା ମହାପାତକନାଶିନୀ ।
ମହାମଖା ମନ୍ତ୍ରମୟୀ ମଣିପୂରକଵାସିନୀ ॥

ମାନସୀ ମାନଦା ମାନ୍ୟା ମନଶ୍ଚକ୍ଷୂ ରଣେଚରା ।
ଗଣମାତା ଚ ଗାୟତ୍ରୀ ଗଣଗନ୍ଧର୍ଵସେଵିତା ॥

ଗିରିଜା ଗିରିଶା ସାଧ୍ଵୀ ଗିରିସ୍ଥା ଗିରିଵଲ୍ଲଭା ।
ଚଣ୍ଡେଶ୍ଵରୀ ଚଣ୍ଡରୂପା ପ୍ରଚଣ୍ଡା ଚଣ୍ଡମାଲିନୀ ॥

ଚର୍ଵିକା ଚର୍ଚିକାକାରା ଚଣ୍ଡିକା ଚାରୁରୂପିଣୀ ।
ୟଜ୍ଞେଶ୍ଵରୀ ୟଜ୍ଞରୂପା ଜପୟଜ୍ଞପରାୟଣା ॥

ୟଜ୍ଞମାତା ୟଜ୍ଞଭୋକ୍ତ୍ରୀ ୟଜ୍ଞେଶୀ ୟଜ୍ଞସମ୍ଭଵା ।
ସିଦ୍ଧୟଜ୍ଞକ୍ରିୟାସିଦ୍ଧିର୍ୟଜ୍ଞାଙ୍ଗୀ ୟଜ୍ଞରକ୍ଷିକା ॥

ୟଜ୍ଞକ୍ରିୟା ୟଜ୍ଞରୂପା ୟଜ୍ଞାଙ୍ଗୀ ୟଜ୍ଞରକ୍ଷିକା ।
ୟଜ୍ଞକ୍ରିୟା ଚ ୟଜ୍ଞା ଚ ୟଜ୍ଞାୟଜ୍ଞକ୍ରିୟାଲୟା ॥

ଜାଲନ୍ଧରୀ ଜଗନ୍ମାତା ଜାତଵେଦା ଜଗତ୍ପ୍ରିୟା ।
ଜିତେନ୍ଦ୍ରିୟା ଜିତକ୍ରୋଧା ଜନନୀ ଜନ୍ମଦାୟିନୀ ॥

ଗଙ୍ଗା ଗୋଦାଵରୀ ଚୈଵ ଗୋମତୀ ଚ ଶତଦ୍ରୁକା ।
ଘର୍ଘରା ଵେଦଗର୍ଭା ଚ ରେଚିକା ସମଵାସିନୀ ॥

ସିନ୍ଧୁର୍ମନ୍ଦାକିନୀ କ୍ଷିପ୍ରା ୟମୁନା ଚ ସରସ୍ଵତୀ ।
ଭଦ୍ରା ରାଗଵିପାଶା ଚ ଗଣ୍ଡକୀ ଵିନ୍ଧ୍ୟଵାସିନୀ ॥

ନର୍ମଦା ସିନ୍ଧୁ କାଵେରୀ ଵେତ୍ରଵତ୍ୟା ସୁକୌଶିକୀ ।
ମହେନ୍ଦ୍ରତନୟା ଚୈଵ ଅହଲ୍ୟା ଚର୍ମକାଵତୀ ॥

ଅୟୋଧ୍ୟା ମଥୁରା ମାୟା କାଶୀ କାଞ୍ଚୀ ଅଵନ୍ତିକା ।
ପୁରୀ ଦ୍ଵାରାଵତୀ ତୀର୍ଥା ମହାକିଲ୍ବିଷନାଶିନୀଇ ॥

ପଦ୍ମିନୀ ପଦ୍ମମଧ୍ୟସ୍ଥା ପଦ୍ମକିଞ୍ଜଲ୍କଵାସିନୀ ।
ପଦ୍ମଵକ୍ତ୍ରା ଚକୋରାକ୍ଷୀ ପଦ୍ମସ୍ଥା ପଦ୍ମସମ୍ଭଵା ॥

ହ୍ରୀଙ୍କାରୀ କୁଣ୍ଡଲୀଧାରୀ ହୃତ୍ପଦ୍ମସ୍ଥା ସୁଲୋଚନା ।
ଶ୍ରୀଙ୍କାରୀଭୂଷଣା ଲକ୍ଷ୍ମୀଃ କ୍ଲୀଙ୍କାରୀ କ୍ଲେଶନାଶିନୀ ॥

ହରିଵକ୍ତ୍ରୋଦ୍ଭଵା ଶାନ୍ତା ହରିଵକ୍ତ୍ରକୃତାଲୟା ।
ହରିଵକ୍ତ୍ରୋଦ୍ଭଵା ଶାନ୍ତା ହରିଵକ୍ଷସ୍ଥଲସ୍ଥିତା ॥

ଵୈଷ୍ଣଵୀ ଵିଷ୍ଣୁରୂପା ଚ ଵିଷ୍ଣୁମାତୃସ୍ଵରୂପିଣୀ ।
ଵିଷ୍ଣୁମାୟା ଵିଶାଲାକ୍ଷୀ ଵିଶାଲନୟନୋଜ୍ଜ୍ଵଲା ॥

ଵିଶ୍ଵେଶ୍ଵରୀ ଚ ଵିଶ୍ଵାତ୍ମା ଵିଶ୍ଵେଶୀ ଵିଶ୍ଵରୂପିଣୀ ।
ଵିଶ୍ଵେଶ୍ଵରୀ ଶିଵାରାଧ୍ୟା ଶିଵନାଥା ଶିଵପ୍ରିୟା ॥

ଶିଵମାତା ଶିଵାଖ୍ୟା ଚ ଶିଵଦା ଶିଵରୂପିଣୀ ।
ଭଵେଶ୍ଵରୀ ଭଵାରାଧ୍ୟା ଭଵେଶୀ ଭଵନାୟିକା ॥

ଭଵମାତା ଭଵଗମ୍ୟା ଭଵକଣ୍ଟକନାଶିନୀ ।
ଭଵପ୍ରିୟା ଭଵାନନ୍ଦା ଭଵାନୀ ଭଵମୋହିନୀ ॥

ଗାୟତ୍ରୀ ଚୈଵ ସାଵିତ୍ରୀ ବ୍ରହ୍ମାଣୀ ବ୍ରହ୍ମରୂପିଣୀ ।
ବ୍ରହ୍ମେଶୀ ବ୍ରହ୍ମଦା ବ୍ରହ୍ମା ବ୍ରହ୍ମାଣୀ ବ୍ରହ୍ମଵାଦିନୀ ॥

ଦୁର୍ଗସ୍ଥା ଦୁର୍ଗରୂପା ଚ ଦୁର୍ଗା ଦୁର୍ଗାର୍ତିନାଶିନୀ ।
ସୁଗମା ଦୁର୍ଗମା ଦାନ୍ତା ଦୟା ଦୋଗ୍ଧ୍ରୀ ଦୁରାପହା ॥

ଦୁରିତଘ୍ନୀ ଦୁରାଧ୍ୟକ୍ଷା ଦୁରା ଦୁଷ୍କୃତନାଶିନୀ ।
ପଞ୍ଚାସ୍ୟା ପଞ୍ଚମୀ ପୂର୍ଣା ପୂର୍ଣପୀଠନିଵାସିନୀ ॥

ସତ୍ତ୍ଵସ୍ଥା ସତ୍ତ୍ଵରୂପା ଚ ସତ୍ତ୍ଵସ୍ଥା ସତ୍ତ୍ଵସମ୍ଭଵା ।
ରଜସ୍ସ୍ଥା ଚ ରଜୋରୂପା ରଜୋଗୁଣସମୁଦ୍ଭଵା ॥

ତମସ୍ସ୍ଥା ଚ ତମୋରୂପା ତାମସୀ ତାମସପ୍ରିୟା ।
ତମୋଗୁଣସମୁଦ୍ଭୂତା ସାତ୍ତ୍ଵିକୀ ରାଜସୀ କଲା ॥

କାଷ୍ଠା ମୁହୂର୍ତା ନିମିଷା ଅନିମେଷା ତତଃ ପରମ୍ ।
ଅର୍ଦ୍ଧମାସା ଚ ମାସା ଚ ସଁଵତ୍ସରସ୍ଵରୂପିଣୀ ॥

ୟୋଗସ୍ଥା ୟୋଗରୂପା ଚ କଲ୍ପସ୍ଥା କଲ୍ପରୂପିଣୀ ।
ନାନାରତ୍ନଵିଚିତ୍ରାଙ୍ଗୀ ନାନାଭରଣମଣ୍ଡିତା ॥

ଵିଶ୍ଵାତ୍ମିକା ଵିଶ୍ଵମାତା ଵିଶ୍ଵପାଶଵିନାଶିନୀ ।
ଵିଶ୍ଵାସକାରିଣୀ ଵିଶ୍ଵା ଵିଶ୍ଵଶକ୍ତିଵିଚାରଣା ॥

ୟଵାକୁସୁମସଙ୍କାଶା ଦାଡିମୀକୁସୁମୋପମା ।
ଚତୁରଙ୍ଗୀ ଚତୁର୍ବାହୁଶ୍ଚତୁରାଚାରଵାସିନୀ ॥

ସର୍ଵେଶୀ ସର୍ଵଦା ସର୍ଵା ସର୍ଵଦା ସର୍ଵଦାୟିନୀ ।
ମାହେଶ୍ଵରୀ ଚ ସର୍ଵାଦ୍ୟା ଶର୍ଵାଣୀ ସର୍ଵମଙ୍ଗଲା ॥

ନଲିନୀ ନନ୍ଦିନୀ ନନ୍ଦା ଆନନ୍ଦା ନନ୍ଦଵର୍ଦ୍ଧିନୀ ।
ଵ୍ୟାପିନୀ ସର୍ଵଭୂତେଷୁ ଶଵଭାରଵିନାଶିନୀ ॥

ସର୍ଵଶୃଙ୍ଗାରଵେଷାଢ୍ୟା ପାଶାଙ୍କୁଶକରୋଦ୍ୟତା ।
ସୂର୍ୟକୋଟିସହସ୍ରାଭା ଚନ୍ଦ୍ରକୋଟିନିଭାନନା ॥

ଗଣେଶକୋଟିଲାଵଣ୍ୟା ଵିଷ୍ଣୁକୋଟ୍ୟରିମର୍ଦିନୀ ।
ଦାଵାଗ୍ନିକୋଟିନଲିନୀ ରୁଦ୍ରକୋଟ୍ୟୁଗ୍ରରୂପିଣୀ ॥

ସମୁଦ୍ରକୋଟିଗମ୍ଭୀରା ଵାୟୁକୋଟିମହାବଲା ।
ଆକାଶକୋଟିଵିସ୍ତାରା ୟମକୋଟିଭୟଙ୍କରୀ ॥

ମେରୁକୋଟିସମୁଚ୍ଛ୍ରାୟା ଗଣକୋଟିସମୃଦ୍ଧିଦା ।
ନିଷ୍କସ୍ତୋକା ନିରାଧାରା ନିର୍ଗୁଣା ଗୁଣଵର୍ଜିତା ॥

ଅଶୋକା ଶୋକରହିତା ତାପତ୍ରୟଵିଵର୍ଜିତା ।
ଵସିଷ୍ଠା ଵିଶ୍ଵଜନନୀ ଵିଶ୍ଵାଖ୍ୟା ଵିଶ୍ଵଵର୍ଦ୍ଧିନୀ ।
ଚିତ୍ରା ଵିଚିତ୍ରଚିତ୍ରାଙ୍ଗୀ ହେତୁଗର୍ଭା କୁଲେଶ୍ଵରୀ ।
ଇଚ୍ଛାଶକ୍ତିର୍ଜ୍ଞାନଶକ୍ତିଃ କ୍ରିୟାଶକ୍ତିଃ ଶୁଚିସ୍ମିତା ॥

ଶୁଚିଃ ସ୍ମୃତିମୟୀ ସତ୍ୟା ଶ୍ରୁତିରୂପା ଶ୍ରୁତିପ୍ରିୟା ।
ମହାସତ୍ତ୍ଵମୟୀ ସତ୍ତ୍ଵା ପଞ୍ଚତତ୍ତ୍ଵୋପରିସ୍ଥିତା ॥

ପାର୍ଵତୀ ହିମଵତ୍ପୁତ୍ରୀ ପାରସ୍ଥା ପାରରୂପିଣୀ ।
ଜୟନ୍ତୀ ଭଦ୍ରକାଲୀ ଚ ଅହଲ୍ୟା କୁଲନାୟିକା ॥

ଭୂତଧାତ୍ରୀ ଚ ଭୂତେଶୀ ଭୂତସ୍ଥା ଭୂତଭାଵନା ।
ମହାକୁଣ୍ଡଲିନୀ ଶକ୍ତିର୍ମହାଵିଭଵଵର୍ଦ୍ଧିନୀ ॥

ହଂସାକ୍ଷୀ ହଂସରୂପା ଚ ହଂସସ୍ଥା ହଂସରୂପିଣୀ ।
ସୋମସୂର୍ୟାଗ୍ନିମଧ୍ୟସ୍ଥା ମଣିମଣ୍ଡଲଵାସିନୀ ॥

ଦ୍ଵାଦଶାରସରୋଜସ୍ଥା ସୂର୍ୟମଣ୍ଡଲଵାସିନୀ ।
ଅକଲଙ୍କା ଶଶାଙ୍କାଭା ଷୋଡଶାରନିଵାସିନୀ ॥

ଡାକିନୀ ରାକିନୀ ଚୈଵ ଲାକିନୀ କାକିନୀ ତଥା ।
ଶାକିନୀ ହାକିନୀ ଚୈଵ ଷଟ୍ଚକ୍ରେଷୁ ନିଵାସିନୀ ॥

ସୃଷ୍ଟିସ୍ଥିତିଵିନାଶାୟ ସୃଷ୍ଟିସ୍ଥିତ୍ୟନ୍ତକାରିଣୀ ।
ଶ୍ରୀକଣ୍ଠପ୍ରିୟହୃତ୍କଣ୍ଠା ନନ୍ଦାଖ୍ୟା ବିନ୍ଦୁମାଲିନୀ ॥

ଚତୁଷ୍ଷଷ୍ଟିକଲାଧାରା ଦେହଦଣ୍ଡସମାଶ୍ରିତା ।
ମାୟା କାଲୀ ଧୃତିର୍ମେଧା କ୍ଷୁଧା ତୁଷ୍ଟିର୍ମହାଦ୍ୟୁତିଃ ॥

ହିଙ୍ଗୁଲା ମଙ୍ଗଲା ସୀତା ସୁଷୁମ୍ନାମଧ୍ୟଗାମିନୀ ।
ପରଘୋରା କରାଲାକ୍ଷୀ ଵିଜୟା ଜୟଦାୟିନୀ ॥

ହୃତ୍ପଦ୍ମନିଲୟା ଭୀମମହାଭୈରଵନାଦିନୀ ।
ଆକାଶଲିଙ୍ଗସମ୍ଭୂତା ଭୁଵନୋଦ୍ୟାନଵାସିନୀ ॥

ମହତ୍ସୂକ୍ଷ୍ମା ଚ କଙ୍କାଲୀ ଭୀମରୂପା ମହାବଲା ।
ମେନକାଗର୍ଭସମ୍ଭୂତା ତପ୍ତକାଞ୍ଚନସନ୍ନିଭା ॥

ଅନ୍ତରସ୍ଥା କୂଟବୀଜା ତ୍ରିକୂଟାଚଲଵାସିନୀ ।
ଵର୍ଣାଖ୍ୟା ଵର୍ଣରହିତା ପଞ୍ଚାଶଦ୍ଵର୍ଣଭେଦିନୀ ॥

ଵିଦ୍ୟାଧରୀ ଲୋକଧାତ୍ରୀ ଅପ୍ସରା ଅପ୍ସରଃ ପ୍ରିୟା ।
ଦୀକ୍ଷା ଦାକ୍ଷାୟଣୀ ଦକ୍ଷା ଦକ୍ଷୟଜ୍ଞଵିନାଶିନୀ ॥

ୟଶଃ ପୂର୍ଣା ୟଶୋଦା ଚ ୟଶୋଦାଗର୍ଭସମ୍ଭଵା ।
ଦେଵକୀ ଦେଵମାତା ଚ ରାଧିକା କୃଷ୍ଣଵଲ୍ଲଭା ॥

ଅରୁନ୍ଧତୀ ଶଚୀନ୍ଦ୍ରାଣୀ ଗାନ୍ଧାରୀ ଗନ୍ଧମାଲିନୀ ।
ଧ୍ୟାନାତୀତା ଧ୍ୟାନଗମ୍ୟା ଧ୍ୟାନଜ୍ଞା ଧ୍ୟାନଧାରିଣୀ ॥

ଲମ୍ବୋଦରୀ ଚ ଲମ୍ବୋଷ୍ଠୀ ଜାମ୍ବଵନ୍ତୀ ଜଲୋଦରୀ ।
ମହୋଦରୀ ମୁକ୍ତକେଶୀ ମୁକ୍ତକାମାର୍ଥସିଦ୍ଧିଦା ॥

ତପସ୍ଵିନୀ ତପୋନିଷ୍ଠା ସୁପର୍ଣା ଧର୍ମଵାସିନୀ ।
ଵାଣଚାପଧରା ଧୀରା ପାଞ୍ଚାଲୀ ପଞ୍ଚମପ୍ରିୟା ॥

ଗୁହ୍ୟାଙ୍ଗୀ ଚ ସୁଭୀମା ଚ ଗୁହ୍ୟତତ୍ତ୍ଵା ନିରଞ୍ଜନା ।
ଅଶରୀରା ଶରୀରସ୍ଥା ସଂସାରାର୍ଣଵତାରିଣୀ ॥

ଅମୃତା ନିଷ୍କଲା ଭଦ୍ରା ସକଲା କୃଷ୍ଣପିଙ୍ଗଲା ।
ଚକ୍ରପ୍ରିୟା ଚ ଚକ୍ରାହ୍ଵା ପଞ୍ଚଚକ୍ରାଦିଦାରିଣୀ ॥

ପଦ୍ମରାଗପ୍ରତୀକାଶା ନିର୍ମଲାକାଶସନ୍ନିଭା ।
ଅଧଃସ୍ଥା ଊର୍ଦ୍ଧ୍ଵରୂପା ଚ ଊର୍ଦ୍ଧ୍ଵପଦ୍ମନିଵାସିନୀ ॥

କାର୍ୟକାରଣ କର୍ତୃତ୍ଵେ ଶଶ୍ଵଦ୍ରୂପେଷୁ ସଂସ୍ଥିତା ।
ରସଜ୍ଞା ରସମଧ୍ୟସ୍ଥା ଗନ୍ଧସ୍ଥା ଗନ୍ଧରୂପିଣୀ ॥

ପ୍ରବ୍ରହ୍ମସ୍ଵରୂପା ଚ ପରବ୍ରହ୍ମନିଵାସିନୀ ।
ଶବ୍ଦବ୍ରହ୍ମସ୍ଵରୂପା ଚ ଶବ୍ଦସ୍ଥା ଶବ୍ଦଵର୍ଜିତା ॥

ସିଦ୍ଧିର୍ବୁଦ୍ଧିଃ ପରାବୁଦ୍ଧିଃ ସନ୍ଦୀପ୍ତିର୍ମଧ୍ୟସଂସ୍ଥିତା ।
ସ୍ଵଗୁହ୍ୟା ଶାମ୍ଭଵୀଶକ୍ତିସ୍ତତ୍ତ୍ଵସ୍ଥା ତତ୍ତ୍ଵରୂପିଣୀ ॥

ଶାଶ୍ଵତୀ ଭୂତମାତା ଚ ମହାଭୂତାଧିପପ୍ରିୟା ।
ଶୁଚିପ୍ରେତା ଧର୍ମସିଦ୍ଧିର୍ଧର୍ମଵୃଦ୍ଧିଃ ପରାଜିତା ॥

କାମସନ୍ଦୀପିଣୀ କାମା ସଦା କୌତୂହଲପ୍ରିୟା ।
ଜଟାଜୂଟଧରା ମୁକ୍ତା ସୂକ୍ଷ୍ମା ଶକ୍ତିଵିଭୂଷଣା ॥

ଦ୍ଵୀପିଚର୍ମପରୀଧାନା ଚୀରଵଲ୍କଲଧାରିଣୀ ।
ତ୍ରିଶୂଲଡମରୁଧରା ନରମାଲାଵିଭୂଷଣା ॥

ଅତ୍ୟୁଗ୍ରରୂପିଣୀ ଚୋଗ୍ରା କଲ୍ପାନ୍ତଦହନୋପମା ।
ତ୍ରୈଲୋକ୍ୟସାଧିନୀ ସାଧ୍ୟା ସିଦ୍ଧିସାଧକଵତ୍ସଲା ॥

ସର୍ଵଵିଦ୍ୟାମୟୀ ସାରା ଚାସୁରାଣାଵିନାଶିନୀ ।
ଦମନୀ ଦାମନୀ ଦାନ୍ତା ଦୟା ଦୋଗ୍ଧ୍ରୀ ଦୁରାପହା ॥

ଅଗ୍ନିଜିହ୍ଵୋପମା ଘୋରା ଘୋରଘୋରତରାନନା ।
ନାରାୟଣୀ ନାରସିଂହୀ ନୃସିଂହହୃଦୟେସ୍ଥିତା ॥

ୟୋଗେଶ୍ଵରୀ ୟୋଗରୂପା ୟୋଗମାତା ଚ ୟୋଗିନୀ ।
ଖେଚରୀ ଖଚରୀ ଖେଲା ନିର୍ଵାଣପଦସଂଶ୍ରୟା ॥

ନାଗିନୀ ନାଗକନ୍ୟା ଚ ସୁଵେଶା ନାଗନାୟିକା ।
ଵିଷଜ୍ଵାଲାଵତୀ ଦୀପ୍ତା କଲାଶତଵିଭୂଷଣା ॥

ତୀଵ୍ରଵକ୍ତ୍ରା ମହାଵକ୍ତ୍ରା ନାଗକୋଟିତ୍ଵଧାରିଣୀ ।
ମହାସତ୍ତ୍ଵା ଚ ଧର୍ମଜ୍ଞା ଧର୍ମାତିସୁଖଦାୟିନୀ ॥

କୃଷ୍ଣମୂର୍ଦ୍ଧା ମହାମୂର୍ଦ୍ଧା ଘୋରମୂର୍ଦ୍ଧା ଵରାନନା ।
ସର୍ଵେନ୍ଦ୍ରିୟମନୋନ୍ମତ୍ତା ସର୍ଵେନ୍ଦ୍ରିୟମନୋମୟୀ ॥

ସର୍ଵସଙ୍ଗ୍ରାମଜୟଦା ସର୍ଵପ୍ରହରଣୋଦ୍ୟତା ।
ସର୍ଵପୀଡୋପଶମନୀ ସର୍ଵାରିଷ୍ଟନିଵାରିଣୀ ॥

ସର୍ଵୈଶ୍ଵର୍ୟସମୁତ୍ପନ୍ନା ସର୍ଵଗ୍ରହଵିନାଶିନୀ ।
ମାତଙ୍ଗୀ ମତ୍ତମାତଙ୍ଗୀ ମାତଙ୍ଗୀପ୍ରିୟମଣ୍ଡଲା ॥

ଅମୃତୋଦଧିମଧ୍ୟସ୍ଥା କଟିସୂତ୍ରୈରଲଙ୍କୃତା ।
ଅମୃତୋଦଧିମଧ୍ୟସ୍ଥା ପ୍ରଵାଲଵସନାମ୍ବୁଜା ॥

ମଣିମଣ୍ଡଲମଧ୍ୟସ୍ଥା ଈଷତ୍ପ୍ରହସିତାନନା ।
କୁମୁଦା ଲଲିତା ଲୋଲା ଲାକ୍ଷା ଲୋହିତଲୋଚନା ॥

ଦିଗ୍ଵାସା ଦେଵଦୂତୀ ଚ ଦେଵଦେଵାଧିଦେଵତା ।
ସିଂହୋପରିସମାରୂଢା ହିମାଚଲନିଵାସିନୀ ॥

ଅଟ୍ଟାଟ୍ଟହାସିନୀ ଘୋରା ଘୋରଦୈତ୍ୟଵିନାଶିନୀ ।
ଅତ୍ୟୁଗ୍ରରକ୍ତଵସ୍ତ୍ରାଭା ନାଗକେୟୂରମଣ୍ଡିତା ॥

ମୁକ୍ତାହାରଲତୋପେତା ତୁଙ୍ଗପୀନପୟୋଧରା ।
ରକ୍ତୋତ୍ପଲଦଲାକାରା ମଦାଘୂର୍ଣିତଲୋଚନା ॥

ସମସ୍ତଦେଵତାମୂର୍ତିଃ ସୁରାରିକ୍ଷୟକାରିଣୀ ।
ଖଡ୍ଗିନୀ ଶୂଲହସ୍ତା ଚ ଚକ୍ରିଣୀ ଚକ୍ରମାଲିନୀ ॥

ଶଙ୍ଖିନୀ ଚାପିନୀ ଵାଣୀ ଵଜ୍ରିଣୀ ଵଜ୍ରଦଣ୍ଡିନୀ ।
ଆନନ୍ଦୋଦଧିମଧ୍ୟସ୍ଥା କଟିସୂତ୍ରୈରଲଙ୍କୃତା ॥

ନାନାଭରଣଦୀପ୍ତାଙ୍ଗା ନାନାମଣିଵିଭୂଷିତା ।
ଜଗଦାନନ୍ଦସମ୍ଭୂତା ଚିନ୍ତାମଣିଗୁଣାନ୍ଵିତା ॥

ତ୍ରୈଲୋକ୍ୟନମିତା ତୁର୍ୟା ଚିନ୍ମୟାନନ୍ଦରୂପିଣୀ ।
ତ୍ରୈଲୋକ୍ୟନନ୍ଦିନୀ ଦେଵୀ ଦୁଃଖସୁସ୍ସ୍ଵପ୍ନନାଶିନୀ ॥

ଘୋରାଗ୍ନିଦାହଶମନୀ ରାଜ୍ୟଦେଵାର୍ଥସାଧିନୀ ।
ମହାପରାଧରାଶିଘ୍ନୀ ମହାଚୌରଭୟାପହା ॥

ରାଗାଦିଦୋଷରହିତା ଜରାମରଣଵର୍ଜିତା ।
ଚନ୍ଦ୍ରମଣ୍ଡଲମଧ୍ୟସ୍ଥା ପୀୟୂଷାର୍ଣଵସମ୍ଭଵା ॥

ସର୍ଵଦେଵୈଃ ସ୍ତୁତା ଦେଵୀ ସର୍ଵସିଦ୍ଧୈର୍ନ୍ନମସ୍କୃତା ।
ଅଚିନ୍ତ୍ୟଶକ୍ତିରୂପା ଚ ମଣିମନ୍ତ୍ରମହୌଷଧୀ ॥

ଅସ୍ତିସ୍ଵସ୍ତିମୟୀ ବାଲା ମଲୟାଚଲଵାସିନୀ ।
ଧାତ୍ରୀ ଵିଧାତ୍ରୀ ସଂହାରୀ ରତିଜ୍ଞା ରତିଦାୟିନୀ ॥

ରୁଦ୍ରାଣୀ ରୁଦ୍ରରୂପା ଚ ରୁଦ୍ରରୌଦ୍ରାର୍ତ୍ତିନାଶିନୀ ।
ସର୍ଵଜ୍ଞା ଚୈଵ ଧର୍ମଜ୍ଞା ରସଜ୍ଞା ଦୀନଵତ୍ସଲା ॥

ଅନାହତା ତ୍ରିନୟନା ନିର୍ଭାରା ନିର୍ଵୃତିଃ ପରା ।
ପରାଘୋରା କରାଲାକ୍ଷୀ ସୁମତୀ ଶ୍ରେଷ୍ଠଦାୟିନୀ ॥

ମନ୍ତ୍ରାଲିକା ମନ୍ତ୍ରଗମ୍ୟା ମନ୍ତ୍ରମାଲା ସୁମନ୍ତ୍ରିଣୀ ।
ଶ୍ରଦ୍ଧାନନ୍ଦା ମହାଭଦ୍ରା ନିର୍ଦ୍ଵନ୍ଦ୍ଵା ନିର୍ଗୁଣାତ୍ମିକା ॥

ଧରିଣୀ ଧାରିଣୀ ପୃଥ୍ଵୀ ଧରା ଧାତ୍ରୀ ଵସୁନ୍ଧରା ।
ମେରୁମନ୍ଦରମଧ୍ୟସ୍ଥାସ୍ଥିତିଃ ଶଙ୍କରଵଲ୍ଲଭା ॥

ଶ୍ରୀମତୀ ଶ୍ରୀମୟୀ ଶ୍ରେଷ୍ଠା ଶ୍ରୀକରୀ ଭାଵଭାଵିନୀ ।
ଶ୍ରୀଦା ଶ୍ରୀମା ଶ୍ରୀନିଵାସା ଶ୍ରୀମତୀ ଶ୍ରୀମତାଙ୍ଗତିଃ ॥

ଉମା ସାରଙ୍ଗିଣୀ କୃଷ୍ଣା କୁଟିଲା କୁଟିଲାଲକା ।
ତ୍ରିଲୋଚନା ତ୍ରିଲୋକାତ୍ମା ପୁଣ୍ୟପୁଣ୍ୟା ପ୍ରକୀର୍ତିତା ॥

ଅମୃତା ସତ୍ୟସଙ୍କଲ୍ପା ସାସତ୍ୟା ଗ୍ରନ୍ଥିଭେଦିନୀ ।
ପରେଶୀ ପରମା ସାଧ୍ୟା ପରାଵିଦ୍ୟା ପରାତ୍ପରା ॥

ସୁନ୍ଦରାଙ୍ଗୀ ସୁଵର୍ଣାଭା ସୁରାସୁରନମସ୍କୃତା ।
ପ୍ରଜା ପ୍ରଜାଵତୀ ଧନ୍ୟା ଧନଧାନ୍ୟସମୃଦ୍ଧିଦା ॥

ଈଶାନୀ ଭୁଵନେଶାନୀ ଭଵାନୀ ଭୁଵନେଶ୍ଵରୀ ।
ଅନନ୍ତାନତମହିତା ଜଗତ୍ସାରା ଜଗଦ୍ଭଵା ॥

ଅଚିନ୍ତ୍ୟାତ୍ମା ଚିନ୍ତ୍ୟଶକ୍ତିଶ୍ଚିନ୍ତ୍ୟାଚିନ୍ତ୍ୟସ୍ଵରୂପିଣୀ ।
ଜ୍ଞାନଗମ୍ୟା ଜ୍ଞାନମୂର୍ତିର୍ଜ୍ଞାନିନୀ ଜ୍ଞାନଶାଲିନୀ ॥

ଅସିତା ଘୋରରୂପା ଚ ସୁଧାଧାରା ସୁଧାଵହା ।
ଭାସ୍କରୀ ଭାସ୍ଵତୀ ଭୀତିର୍ଭାସ୍ଵଦକ୍ଷାନୁଶାୟିନୀ ॥

ଅନସୂୟା କ୍ଷମା ଲଜ୍ଜା ଦୁର୍ଲଭା ଭରଣାତ୍ମିକା ।
ଵିଶ୍ଵଘ୍ନୀ ଵିଶ୍ଵଵୀରା ଚ ଵିଶ୍ଵଘ୍ନୀ ଵିଶ୍ଵସଂସ୍ଥିତା ॥

ଶୀଲସ୍ଥା ଶୀଲରୂପା ଚ ଶୀଲା ଶୀଲପ୍ରଦାୟିନୀ ।
ବୋଧନୀ ବୋଧକୁଶଲା ରୋଧନୀ ବୋଧନୀ ତଥା ॥

ଵିଦ୍ୟୋତିନୀ ଵିଚିତ୍ରାତ୍ମା ଵିଦ୍ୟୁତ୍ପଟଲସନ୍ନିଭା ।
ଵିଶ୍ଵୟୋନିର୍ମହାୟୋନିଃ କର୍ମୟୋନିଃ ପ୍ରିୟାତ୍ମିକା ॥

ରୋହିଣୀ ରୋଗଶମନୀ ମହାରୋଗଜ୍ଵରାପହା ।
ରସଦା ପୁଷ୍ଟିଦା ପୁଷ୍ଟିର୍ମାନଦା ମାନଵପ୍ରିୟା ॥

କୃଷ୍ଣାଙ୍ଗଵାହିନୀ କୃଷ୍ଣା କୃଷ୍ଣାକୃଷ୍ଣସହୋଦରୀ ।
ଶାମ୍ଭଵୀ ଶମ୍ଭୁରୂପା ଚ ଶମ୍ଭୁସ୍ଥା ଶମ୍ଭୁସମ୍ଭଵା ॥

ଵିଶ୍ଵୋଦରୀ ୟୋଗମାତା ୟୋଗମୁଦ୍ରାଧ୍ନୟୋଗିନୀ ।
ଵାଗୀଶ୍ଵରୀ ୟୋଗନିଦ୍ରା ୟୋଗିନୀକୋଟିସେଵିତା ॥

କୌଲିକା ମନ୍ଦକନ୍ୟା ଚ ଶୃଙ୍ଗାରପୀଠଵାସିନୀ ।
କ୍ଷେମଙ୍କରୀ ସର୍ଵରୂପା ଦିଵ୍ୟରୂପା ଦିଗମ୍ବରୀ ॥

ଧୂମ୍ରଵକ୍ତ୍ରା ଧୂମ୍ରନେତ୍ରା ଧୂମ୍ରକେଶୀ ଚ ଧୂସରା ।
ପିନାକୀ ରୁଦ୍ରଵେତାଲୀ ମହାଵେତାଲରୂପିଣୀ ॥

ତପିନୀ ତାପିନୀ ଦୀକ୍ଷା ଵିଷ୍ଣୁଵିଦ୍ୟାତ୍ମନାଶ୍ରୀତା ।
ମନ୍ଥରା ଜଠରା ତୀଵ୍ରା ଅଗ୍ନିଜିହ୍ଵା ଭୟାପହା ॥

ପଶୁଘ୍ନୀ ପଶୁରୂପା ଚ ପଶୁହା ପଶୁବାହିନୀ ।
ପୀତା ମାତା ଚ ଧୀରା ଚ ପଶୁପାଶଵିନାଶିନୀ ॥

ଚନ୍ଦ୍ରପ୍ରଭା ଚନ୍ଦ୍ରରେଖା ଚନ୍ଦ୍ରକାନ୍ତିଵିଭୂଷିଣୀ ।
କୁଙ୍କୁମାଙ୍କିତସର୍ଵାଙ୍ଗୀ ସୁଧାସଦ୍ଗୁରୁଲୋଚନା ॥

ଶୁକ୍ଲାମ୍ବରଧରା ଦେଵୀ ଵୀଣାପୁସ୍ତକଧାରିଣୀ ।
ଐରାଵତପଦ୍ମଧାରା ଶ୍ଵେତପଦ୍ମାସନସ୍ଥିତା ॥

ରକ୍ତାମ୍ବରଧରା ଦେଵୀ ରକ୍ତପଦ୍ମଵିଲୋଚନା ।
ଦୁସ୍ତରା ତାରିଣୀ ତାରା ତରୁଣୀ ତାରରୂପିଣୀ ॥

ସୁଧାଧାରା ଚ ଧର୍ମଜ୍ଞା ଧର୍ମସଙ୍ଗୋପଦେଶିନୀ ।
ଭଗେଶ୍ଵରୀ ଭଗାରାଧ୍ୟା ଭଗିନୀ ଭଗନାୟିକା ॥

ଭଗବିମ୍ବା ଭଗକ୍ଲିନ୍ନା ଭଗୟୋନିର୍ଭଗପ୍ରଦା ।
ଭଗେଶ୍ଵରୀ ଭଗାରାଧ୍ୟା ଭଗିନୀ ଭଗନାୟକା ॥

ଭଗେଶୀ ଭଗରୂପା ଚ ଭଗଗୁହ୍ୟା ଭଗାଵହା ।
ଭଗୋଦରୀ ଭଗାନନ୍ଦା ଭଗସ୍ଥା ଭଗଶାଲିନୀ ॥

ସର୍ଵସଙ୍କ୍ଷୋଭିଣୀ ଶକ୍ତିସ୍ସର୍ଵଵିଦ୍ରାଵିଣୀ ତଥା ।
ମାଲିନୀ ମାଧଵୀ ମାଧ୍ଵୀ ମଧୁରୂପା ମହୋତ୍କଟା ॥

ଭରୁଣ୍ଡଚନ୍ଦ୍ରିକା ଜ୍ୟୋତ୍ସ୍ନା ଵିଶ୍ଵଚକ୍ଷୁସ୍ତମୋପହା ।
ସୁପ୍ରସନ୍ନା ମହାଦୂତୀ ୟମଦୂତୀ ଭୟଙ୍କରୀ ॥

ଉନ୍ମାଦିନୀ ମହାରୂପା ଦିଵ୍ୟରୂପା ସୁରାର୍ଚିତା ।
ଚୈତନ୍ୟରୂପିଣୀ ନିତ୍ୟା କ୍ଲିନ୍ନା କାମମଦୋଦ୍ଧତା ॥

ମଦିରାନନ୍ଦକୈଵଲ୍ୟା ମଦିରାକ୍ଷୀ ମଦାଲସା ।
ସିଦ୍ଧେଶ୍ଵରୀ ସିଦ୍ଧଵିଦ୍ୟା ସିଦ୍ଧାଦ୍ୟା ସିଦ୍ଧସମ୍ଭଵା ॥

ସିଦ୍ଧର୍ଦ୍ଧିଃ ସିଦ୍ଧମାତା ଚ ସିଦ୍ଧିସ୍ସର୍ଵାର୍ଥସିଦ୍ଧିଦା ।
ମନୋମୟୀ ଗୁଣାତୀତା ପରଞ୍ଜ୍ୟୋତିଃସ୍ଵରୂପିଣୀ ॥

ପରେଶୀ ପରଗା ପାରା ପରାସିଦ୍ଧିଃ ପରାଗତିଃ ।
ଵିମଲା ମୋହିନୀ ଆଦ୍ୟା ମଧୁପାନପରାୟଣା ॥

ଵେଦଵେଦାଙ୍ଗଜନନୀ ସର୍ଵଶାସ୍ତ୍ରଵିଶାରଦା ।
ସର୍ଵଦେଵମୟୀ ଵିଦ୍ୟା ସର୍ଵଶାସ୍ତ୍ରମୟୀ ତଥା ॥

ସର୍ଵଜ୍ଞାନମୟୀ ଦେଵୀ ସର୍ଵଧର୍ମମୟୀଶ୍ଵରୀ ।
ସର୍ଵୟଜ୍ଞମୟୀ ୟଜ୍ଞା ସର୍ଵମନ୍ତ୍ରାଧିକାରିଣୀ ॥

ସର୍ଵସମ୍ପତ୍ପ୍ରତିଷ୍ଠାତ୍ରୀ ସର୍ଵଵିଦ୍ରାଵିଣୀ ପରା ।
ସର୍ଵସଙ୍କ୍ଷୋଭିଣୀ ଦେଵୀ ସର୍ଵମଙ୍ଗଲକାରିଣୀ ॥

ତ୍ରୈଲୋକ୍ୟାକର୍ଷିଣୀ ଦେଵୀ ସର୍ଵାହ୍ଲାଦନକାରିଣୀ ।
ସର୍ଵସମ୍ମୋହିନୀ ଦେଵୀ ସର୍ଵସ୍ତମ୍ଭନକାରିଣୀ ॥

ତ୍ରୈଲୋକ୍ୟଜୃମ୍ଭିଣୀ ଦେଵୀ ତଥା ସର୍ଵଵଶଙ୍କରୀ ।
ତ୍ରୈଲୋକ୍ୟରଞ୍ଜିନୀ ଦେଵୀ ସର୍ଵସମ୍ପତ୍ତିଦାୟିନୀ ।
ସର୍ଵମନ୍ତ୍ରମୟୀ ଦେଵୀ ସର୍ଵଦ୍ଵନ୍ଦ୍ଵକ୍ଷୟଙ୍କରୀ ॥

ସର୍ଵସିଦ୍ଧିପ୍ରଦା ଦେଵୀ ସର୍ଵସମ୍ପତ୍ପ୍ରଦାୟିନୀ ।
ସର୍ଵପ୍ରିୟକରୀ ଦେଵୀ ସର୍ଵମଙ୍ଗଲକାରିଣୀ ॥

ସର୍ଵକାମପ୍ରଦା ଦେଵୀ ସର୍ଵଦୁଃଖଵିମୋଚିନୀ ।
ସର୍ଵମୃତ୍ୟୁପ୍ରଶମନୀ ସର୍ଵଵିଘ୍ନଵିନାଶିନୀ ॥

ସର୍ଵାଙ୍ଗସୁନ୍ଦରୀ ମାତା ସର୍ଵସୌଭାଗ୍ୟଦାୟିନୀ ।
ସର୍ଵଜ୍ଞା ସର୍ଵଶକ୍ତିଶ୍ଚ ସର୍ଵୈଶ୍ଵର୍ୟଫଲପ୍ରଦା ॥

ସର୍ଵଜ୍ଞାନମୟୀ ଦେଵୀ ସର୍ଵଵ୍ୟାଧିଵିନାଶିନୀ ।
ସର୍ଵାଧାରସ୍ଵରୂପା ଚ ସର୍ଵପାପହରା ତଥା ॥

ସର୍ଵାନନ୍ଦମୟୀ ଦେଵୀ ସର୍ଵେକ୍ଷାୟାଃସ୍ଵରୂପିଣୀ ।
ସର୍ଵଲକ୍ଷ୍ମୀମୟୀ ଵିଦ୍ୟା ସର୍ଵେପ୍ସିତଫଲପ୍ରଦା ॥

ସର୍ଵାରିଷ୍ଟପ୍ରଶମନୀ ପରମାନନ୍ଦଦାୟିନୀ ।
ତ୍ରିକୋଣନିଲୟା ତ୍ରିସ୍ଥା ତ୍ରିମାତ୍ରା ତ୍ରିତନୁସ୍ଥିତା ॥

ତ୍ରିଵେଣୀ ତ୍ରିପଥା ତ୍ରିସ୍ଥା ତ୍ରିମୂର୍ତିସ୍ତ୍ରିପୁରେଶ୍ଵରୀ ।
ତ୍ରିଧାମ୍ନୀ ତ୍ରିଦଶାଧ୍ୟକ୍ଷା ତ୍ରିଵିତ୍ତ୍ରିପୁରଵାସିନୀ ॥

ତ୍ରୟୀଵିଦ୍ୟା ଚ ତ୍ରିଶିରା ତ୍ରୈଲୋକ୍ୟା ଚ ତ୍ରିପୁଷ୍କରା ।
ତ୍ରିକୋଟରସ୍ଥା ତ୍ରିଵିଧା ତ୍ରିପୁରା ତ୍ରିପୁରାତ୍ମିକା ॥

ତ୍ରିପୁରାଶ୍ରୀ ତ୍ରିଜନନୀ ତ୍ରିପୁରା ତ୍ରିପୁରସୁନ୍ଦରୀ ।
ଇଦନ୍ତ୍ରିପୁରସୁନ୍ଦର୍ୟାଃ ସ୍ତୋତ୍ରନ୍ନାମ ସହସ୍ରକମ୍ ॥

ଗୁହ୍ୟାଦ୍ଗୁହ୍ୟତରମ୍ପୁତ୍ର ତଵ ପ୍ରୀତ୍ୟୈ ପ୍ରକୀର୍ତିତମ୍ ।
ଗୋପନୀୟମ୍ପ୍ରୟତ୍ନେନ ପଠନୀୟମ୍ପ୍ରୟତ୍ନତଃ ॥

ନାତଃ ପରତରମ୍ପୁଣ୍ୟନ୍ନାତଃ ପରତରନ୍ତପଃ ।
ନାତଃ ପରତରଂ ସ୍ତୋତ୍ରନ୍ନାତଃ ପରତରା ଗତିଃ ॥

ସ୍ତୋତ୍ରଂ ସହସ୍ରନାମାଖ୍ୟଂ ମମ ଵକ୍ତ୍ରାଦ୍ଵିନିର୍ଗତମ୍ ।
ୟଃ ପଠେତ୍ପ୍ରୟତୋ ଭକ୍ତ୍ୟା ଶୃଣୁୟାଦ୍ଵା ସମାହିତଃ ॥

ମୋକ୍ଷାର୍ଥୀ ଲଭତେ ମୋକ୍ଷଂ ସ୍ଵର୍ଗାର୍ଥୀ ସ୍ଵର୍ଗମାପ୍ନୁୟାତ୍ ।
କାମାଂଶ୍ଚ ପ୍ରାପ୍ନୁୟାତ୍କାମୀ ଧନାର୍ଥୀ ଚ ଲଭେଦ୍ଧନମ୍ ॥

ଵିଦ୍ୟାର୍ଥୀ ଲଭତେ ଵିଦ୍ୟାୟଶୋର୍ଥୀ ଲଭତେ ୟଶଃ ।
କନ୍ୟାର୍ଥୀ ଲଭତେ କନ୍ୟାଂ ସୁତାର୍ଥୀ ଲଭତେ ସୁତମ୍ ॥

ଗୁର୍ଵିଣୀ ଜନୟେତ୍ପୁତ୍ରଙ୍କନ୍ୟା ଵିନ୍ଦତି ସତ୍ପତିମ୍ ।
ମୂର୍ଖୋଽପି ଲଭତେ ଶାସ୍ତ୍ରଂ ହୀନୋଽପି ଲଭତେ ଗତିମ୍ ॥

ସଙ୍କ୍ରାନ୍ତ୍ୟାଵାର୍କାମାଵସ୍ୟାମଷ୍ଟମ୍ୟାଞ୍ଚ ଵିଶେଷତଃ ।
ପୌର୍ଣମାସ୍ୟାଞ୍ଚତୁର୍ଦ୍ଦଶ୍ୟାନ୍ନଵମ୍ୟାମ୍ଭୌମଵାସରେ ॥

ପଠେଦ୍ଵା ପାଠୟେଦ୍ଵାପି ଶୃଣୁୟାଦ୍ଵା ସମାହିତଃ ।
ସ ମୁକ୍ତସ୍ସର୍ଵପାପେଭ୍ୟଃ କାମେଶ୍ଵରସମୋ ଭଵେତ୍ ॥

ଲକ୍ଷ୍ମୀଵାନ୍ଧର୍ମଵାଂଶ୍ଚୈଵ ଵଲ୍ଲଭସ୍ସର୍ଵୟୋଷିତାମ୍ ।
ତସ୍ୟ ଵଶ୍ୟମ୍ଭଵେଦାଶୁ ତ୍ରୈଲୋକ୍ୟଂ ସଚରାଚରମ୍ ॥

ରୁଦ୍ରନ୍ଦୃଷ୍ଟ୍ଵା ୟଥା ଦେଵା ଵିଷ୍ଣୁନ୍ଦୃଷ୍ଟ୍ଵା ଚ ଦାନଵାଃ ।
ୟଥାହିର୍ଗରୁଡନ୍ଦୃଷ୍ଟ୍ଵା ସିଂହନ୍ଦୃଷ୍ଟ୍ଵା ୟଥା ଗଜାଃ ।
କୀଟଵତ୍ପ୍ରପଲାୟନ୍ତେ ତସ୍ୟ ଵକ୍ତ୍ରାଵଲୋକନାତ୍ ।
ଅଗ୍ନିଚୌରଭୟନ୍ତସ୍ୟ କଦାଚିନ୍ନୈଵ ସମ୍ଭଵେତ୍ ॥

ପାତକା ଵିଵିଧାଃ ଶାନ୍ତିର୍ମେରୁପର୍ଵତସନ୍ନିଭାଃ ।
ୟସ୍ମାତ୍ତଚ୍ଛୃଣୁୟାଦ୍ଵିଘ୍ନାଂସ୍ତୃଣଵହ୍ନିହୁତୟ୍ୟଥା ॥

ଏକଦା ପଠନାଦେଵ ସର୍ଵପାପକ୍ଷୟୋ ଭଵେତ୍ ।
ଦଶଧା ପଠନାଦେଵ ଵାଚା ସିଦ୍ଧିଃ ପ୍ରଜାୟତେ ॥

ଶତଧା ପଠନାଦ୍ଵାପି ଖେଚରୋ ଜାୟତେ ନରଃ ।
ସହସ୍ରଦଶସଙ୍ଖ୍ୟାତୟଃ ପଠେଦ୍ଭକ୍ତିମାନସଃ ॥

ମାତାସ୍ୟ ଜଗତାନ୍ଧାତ୍ରୀ ପ୍ରତ୍ୟକ୍ଷା ଭଵତି ଧ୍ରୁଵମ୍ ।
ଲକ୍ଷପୂର୍ଣେ ୟଥା ପୁତ୍ର ସ୍ତୋତ୍ରରାଜମ୍ପଠେତ୍ସୁଧୀଃ ॥

ଭଵପାଶଵିନିର୍ମୁକ୍ତୋ ମମ ତୁଲ୍ୟୋ ନ ସଂଶୟଃ ।
ସର୍ଵତୀର୍ଥେଷୁ ୟତ୍ପୁଣ୍ୟଂ ସକୃଜ୍ଜପ୍ତ୍ଵା ଲଭେନ୍ନରଃ ॥

ସର୍ଵଵେଦେଷୁ ୟତ୍ପ୍ରୋକ୍ତନ୍ତତ୍ଫଲମ୍ପରିକୀର୍ତିତମ୍ ।
ଭୂତ୍ଵା ଚ ବଲଵାନ୍ପୁତ୍ର ଧନଵାନ୍ସର୍ଵସମ୍ପଦଃ ॥

ଦେହାନ୍ତେ ପରମଂ ସ୍ଥାନୟତ୍ସୁରୈରପି ଦୁର୍ଲଭମ୍ ।
ସ ୟାସ୍ୟତି ନ ସନ୍ଦେହଃ ସ୍ତଵରାଜସ୍ୟ କୀର୍ତନାତ୍ ॥

ଇତି ଶ୍ରୀଵାମକେଶ୍ଵରତନ୍ତ୍ରେ ହରକୁମାରସଁଵାଦେ ମହାତ୍ରିପୁରସୁନ୍ଦର୍ୟାଃ
ଷୋଡଶ୍ୟାଃ ସହସ୍ରନାମସ୍ତୋତ୍ରଂ ସମାପ୍ତମ୍ ॥

Also Read 1000 Names of Sri Tripura Sundari:

1000 Names of Sri Maha Tripura Sundari | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment