About the composition:
This sahasranAmastotra was composed by Shri Vallabhacharya. There is an incident in the life of Shri Gopinathji, elder son of Shri Vallabhacharya, connected with his zeal towards Bhagavata Purana. It was a practice with him, right from his youth, to read Shri Bhagavata Purana regularly. He was so obsessed with its reading that he would not even eat unless he would complete Shri Bhagavata.
Very much worried about this adamant attitude of Gopinathji, Shri Vallabhacharya had composed one Stotra (a poem
praising the greatness) containing one thousand names of Purna Purushottama, all extracted from Shri Bhagavata
Purana, and advised his son to read this work daily so that he could have the same complete effect of reading Shri
Bhagavata Purana.
This Purushottama Sahasranama Stotra, is one of the original works of Shri Vallabhacharya and is much venerated.
Shri Purushottamasahasranamastotram Lyrics in Telugu:
॥ శ్రీపురుషోత్తమసహస్రనామస్తోత్రమ్ ॥
వినియోగః
పురాణపురుషో విష్ణుః పురుషోత్తమ ఉచ్యతే ।
నామ్నాం సహస్రం వక్ష్యామి తస్య భాగవతోద్ధృతమ్ ॥ ౧ ॥
యస్య ప్రసాదాద్వాగీశాః ప్రజేశా విభవోన్నతాః ।
క్షుద్రా అపి భవన్త్యాశు శ్రీకృష్ణం తం నతోఽస్మ్యహమ్ ॥ ౨ ॥
అనన్తా ఏవ కృష్ణస్య లీలా నామప్రవర్తికాః ।
ఉక్తా భాగవతే గూహాః ప్రకటా అపి కుత్రచిత్ ॥ ౩ ॥
అతస్తాని ప్రవక్ష్యామి నామాని మురవైరిణః ।
సహస్రం యైస్తు పఠితైః పఠితం స్యాచ్ఛుకామృతమ్ ॥ ౪ ॥
కృష్ణనామసహస్రస్య ఋషిరగ్నిర్నిరూపితః ।
గాయత్రీ చ తథా ఛన్దో దేవతా పురుషోత్తమః ॥ ౫ ॥
వినియోగః సమస్తేషు పురుషార్థేషు వై మతః ।
బీజం భక్తప్రియః శక్తిః సత్యవాగుచ్యతే హరిః ॥ ౬ ॥
భక్తోద్ధరణయత్నస్తు మన్త్రోఽత్ర పరమో మతః ।
అవతారితభక్తాంశః కీలకం పరికీర్తితమ్ ॥ ౭ ॥
అస్త్రం సర్వసమర్థశ్చ గోవిన్దః కవచం మతమ్ ।
పురుషో ధ్యానమత్రోక్తః సిద్ధిః శరణసంస్మృతిః ॥ ౮ ॥
అధికారలీలా
శ్రీకృష్ణః సచ్చిదానన్దో నిత్యలీలావినోదకృత్ ।
సర్వాగమవినోదీ చ లక్ష్మీశః పురుషోత్తమః ॥ ౯ ॥
ఆదికాలః సర్వకాలః కాలాత్మా మాయయావృతః ।
భక్తోద్ధారప్రయత్నాత్మా జగత్కర్తా జగన్మయః ॥ ౧౦ ॥
నామలీలాపరో విష్ణుర్వ్యాసాత్మా శుకమోక్షదః ।
వ్యాపివైకుణ్ఠదాతా చ శ్రీమద్భాగవతాగమః ॥ ౧౧ ॥
శుకవాగమృతాబ్ధీన్దుః శౌనకాద్యఖిలేష్టదః ।
భక్తిప్రవర్తకస్త్రాతా వ్యాసచిన్తావినాశకః ॥ ౧౨ ॥
సర్వసిద్ధాన్తవాగాత్మా నారదాద్యఖిలేష్టదః ।
అన్తరాత్మా ధ్యానగమ్యో భక్తిరత్నప్రదాయకః ॥ ౧౩ ॥
ముక్తోపసృప్యః పూర్ణాత్మా ముక్తానాం రతివర్ధనః ।
భక్తకార్యైకనిరతో ద్రౌణ్యస్త్రవినివారకః ॥ ౧౪ ॥
భక్తస్మయప్రణేతా చ భక్తవాక్పరిపాలకః ।
బ్రహ్మణ్యదేవో ధర్మాత్మా భక్తానాం చ పరీక్షకః ॥ ౧౫ ॥
ఆసన్నహితకర్తా చ మాయాహితకరః ప్రభుః ।
ఉత్తరాప్రాణదాతా చ బ్రహ్మాస్త్రవినివారకః ॥ ౧౬ ॥
సర్వతః పాణవపతిః పరీక్షిచ్ఛుద్ధికారణమ్ ।
గూహాత్మా సర్వవేదేషు భక్తైకహృదయఙ్గమః ॥ ౧౭ ॥
కున్తీస్తుత్యః ప్రసన్నాత్మా పరమాద్భుతకార్యకృత్ ।
భీష్మముక్తిప్రదః స్వామీ భక్తమోహనివారకః ॥ ౧౮ ॥
సర్వావస్థాసు సంసేవ్యః సమః సుఖహితప్రదః ।
కృతకృత్యః సర్వసాక్షీ భక్తస్త్రీరతివర్ధనః ॥ ౧౯ ॥
సర్వసౌభాగ్యనిలయః పరమాశ్చర్యరూపధృక్ ।
అనన్యపురుషస్వామీ ద్వారకాభాగ్యభాజనమ్ ॥ ౨౦ ॥
బీజసంస్కారకర్తా చ పరీక్షిజ్జానపోషకః ।
సర్వత్రపూర్ణగుణకః సర్వభూషణభూషితః ॥ ౨౧ ॥
సర్వలక్షణదాతా చ ధృతరాష్ట్రవిముక్తిదః ।
సన్మార్గరక్షకో నిత్యం విదురప్రీతిపూరకః ॥ ౨౨ ॥
లీలావ్యామోహకర్తా చ కాలధర్మప్రవర్తకః ।
పాణవానాం మోక్షదాతా పరీక్షిద్భాగ్యవర్ధనః ॥ ౨౩ ॥
కలినిగ్రహకర్తా చ ధర్మాదీనాం చ పోషకః ।
సత్సఙ్గజానహేతుశ్చ శ్రీభాగవతకారణమ్ ॥ ౨౪ ॥
ప్రాకృతాదృష్టమార్గశ్చ ॥ ॥ ॥ ॥ ॥ ॥ continued
జ్ఞాన-సాధన-లీలా
॥ ॥ ॥ ॥ ॥ ॥ ॥ ॥ ॥ ॥ ॥ ॥ శ్రోతవ్యః సకలాగమైః ।
కీర్తితవ్యః శుద్ధభావైః స్మర్తవ్యశ్చాత్మవిత్తమైః ॥ ౨౫ ॥
అనేకమార్గకర్తా చ నానావిధగతిప్రదః ।
పురుషః సకలాధారః సత్త్వైకనిలయాత్మభూః ॥ ౨౬ ॥
సర్వధ్యేయో యోగగమ్యో భక్త్యా గ్రాహ్యః సురప్రియః ।
జన్మాదిసార్థకకృతిర్లీలాకర్తా పతిః సతామ్ ॥ ౨౭ ॥
ఆదికర్తా తత్త్వకర్తా సర్వకర్తా విశారదః ।
నానావతారకర్తా చ బ్రహ్మావిర్భావకారణమ్ ॥ ౨౮ ॥
దశలీలావినోదీ చ నానాసృష్టిప్రవర్తకః ।
అనేకకల్పకర్తా చ సర్వదోషవివర్జితః ॥ ౨౯ ॥
సర్గలీలా
వైరాగ్యహేతుస్తీర్థాత్మా సర్వతీర్థఫలప్రదః ।
తీర్థశుద్ధైకనిలయః స్వమార్గపరిపోషకః ॥ ౩౦ ॥
తీర్థకీర్తిర్భక్తగమ్యో భక్తానుశయకార్యకృత్ ।
భక్తతుల్యః సర్వతుల్యః స్వేచ్ఛాసర్వప్రవర్తకః ॥ ౩౧ ॥
గుణాతీతోఽనవద్యాత్మా సర్గలీలాప్రవర్తకః ।
సాక్షాత్సర్వజగత్కర్తా మహదాదిప్రవర్తకః ॥ ౩౨ ॥
మాయాప్రవర్తకః సాక్షీ మాయారతివివర్ధనః ।
ఆకాశాత్మా చతుర్మూర్తిశ్చతుర్ధా భూతభావనః ॥ ౩౩ ॥
రజఃప్రవర్తకో బ్రహ్మా మరీచ్యాదిపితామహః ।
వేదకర్తా యజ్ఞకర్తా సర్వకర్తాఽమితాత్మకః ॥ ౩౪ ॥
అనేకసృష్టికర్తా చ దశధాసృష్టికారకః ।
యజ్ఞాఙ్గో యజ్ఞవారాహో భూధరో భూమిపాలకః ॥ ౩౫ ॥
సేతుర్విధరణో జైత్రో హిరణ్యాక్షాన్తకః సురః ।
దితికశ్యపకామైకహేతుసృష్టిప్రవర్తకః ॥ ౩౬ ॥
దేవాభయప్రదాతా చ వైకుణ్ఠాధిపతిర్మహాన్ ।
సర్వగర్వప్రహారీ చ సనకాద్యఖిలార్థదః ॥ ౩౭ ॥
సర్వాశ్వాసనకర్తా చ భక్తతుల్యాహవప్రదః ।
కాలలక్షణహేతుశ్చ సర్వార్థజ్ఞాపకః పరః ॥ ౩౮ ॥
భక్తోన్నతికరః సర్వప్రకారసుఖదాయకః ।
నానాయుద్ధప్రహరణో బ్రహ్మశాపవిమోచకః ॥ ౩౯ ॥
పుష్టిసర్గప్రణేతా చ గుణసృష్టిప్రవర్తకః ।
కర్దమేష్టప్రదాతా చ దేవహూత్యఖిలార్థదః ॥ ౪౦ ॥
శుక్లనారాయణః సత్యకాలధర్మప్రవర్తకః ।
జ్ఞానావతారః శాన్తాత్మా కపిలః కాలనాశకః ॥ ౪౧ ॥
త్రిగుణాధిపతిః సాఙ్ఖ్యశాస్త్రకర్తా విశారదః ।
సర్గదూషణహారీ చ పుష్టిమోక్షప్రవర్తకః ॥ ౪౨ ॥
లౌకికానన్దదాతా చ బ్రహ్మానన్దప్రవర్తకః ।
భక్తిసిద్ధాన్తవక్తా చ సగుణజ్ఞానదీపకః ॥ ౪౩ ॥
ఆత్మప్రదః పూర్ణకామో యోగాత్మా యోగభావితః ।
జీవన్ముక్తిప్రదః శ్రీమానన్యభక్తిప్రవర్తకః ॥ ౪౪ ॥
కాలసామర్థ్యదాతా చ కాలదోషనివారకః ।
గర్భోత్తమజ్ఞానదాతా కర్మమార్గనియామకః ॥ ౪౫ ॥
సర్వమార్గనిరాకర్తా భక్తిమార్గైకపోషకః ।
సిద్ధిహేతుః సర్వహేతుః సర్వాశ్చర్యైకకారణమ్ ॥ ౪౬ ॥
చేతనాచేతనపతిః సముద్రపరిపూజితః ।
సాఙ్ఖ్యాచార్యస్తుతః సిద్ధపూజితః సర్వపూజితః ॥ ౪౭ ॥
విసర్గలీలా
విసర్గకర్తా సర్వేశః కోటిసూర్యసమప్రభః ।
అనన్తగుణగమ్భీరో మహాపురుషపూజితః ॥ ౪౮ ॥
అనన్తసుఖదాతా చ బ్రహ్మకోటిప్రజాపతిః ।
సుధాకోటిస్వాస్థ్యహేతుః కామధుక్కోటికామదః ॥ ౪౯ ॥
సముద్రకోటిగమ్భీరస్తీర్థకోటిసమాహ్వయః ।
సుమేరుకోటినిష్కమ్పః కోటిబ్రహ్మాణ్డవిగ్రహః ॥ ౫౦ ॥
కోట్యశ్వమేధపాపఘ్నో వాయుకోటిమహాబలః ।
కోటీన్దుజగదానన్దీ శివకోటిప్రసాదకృత్ ॥ ౫౧ ॥
సర్వసద్గుణమాహాత్మ్యః సర్వసద్గుణభాజనమ్ ।
మన్వాదిప్రేరకో ధర్మో యజ్ఞనారాయణః పరః ॥ ౫౨ ॥
ఆకూతిసూనుర్దేవేన్ద్రో రుచిజన్మాఽభయప్రదః ।
దక్షిణాపతిరోజస్వీ క్రియాశక్తిః పరాయణః ॥ ౫౩ ॥
దత్తాత్రేయో యోగపతిర్యోగమార్గప్రవర్తకః ।
అనసూయాగర్భరత్నమృషివంశవివర్ధనః ॥ ౫౪ ॥
గుణత్రయవిభాగజ్ఞశ్చతుర్వర్గవిశారదః ।
నారాయణో ధర్మసూనుర్మూర్తిపుణ్యయశస్కరః ॥ ౫౫ ॥
సహస్రకవచచ్ఛేదీ తపఃసారో నరప్రియః ।
విశ్వానన్దప్రదః కర్మసాక్షీ భారతపూజితః ॥ ౫౬ ॥
అనన్తాద్భుతమాహాత్మ్యో బదరీస్థానభూషణమ్ ।
జితకామో జితక్రోధో జితసఙ్గో జితేన్ద్రియః ॥ ౫౭ ॥
ఉర్వశీప్రభవః స్వర్గసుఖదాయీ స్థితిప్రదః ।
అమానీ మానదో గోప్తా భగవచ్ఛాస్త్రబోధకః ॥ ౫౮ ॥
బ్రహ్మాదివన్ద్యో హంసశ్రీర్మాయావైభవకారణమ్ ।
వివిధానన్తసర్గాత్మా విశ్వపూరణతత్పరః ॥ ౫౯ ॥
యజ్ఞజీవనహేతుశ్చ యజ్ఞస్వామీష్టబోధకః ।
నానాసిద్ధాన్తగమ్యశ్చ సప్తతన్తుశ్చ షడ్గుణః ॥ ౬౦ ॥
ప్రతిసర్గజగత్కర్తా నానాలీలావిశారదః ।
ధ్రువప్రియో ధ్రువస్వామీ చిన్తితాధికదాయకః ॥ ౬౧ ॥
దుర్లభానన్తఫలదో దయానిధిరమిత్రహా ।
అఙ్గస్వామీ కృపాసారో వైన్యో భూమినియామకః ॥ ౬౨ ॥
భూమిదోగ్ధా ప్రజాప్రాణపాలనైకపరాయణః ।
యశోదాతా జ్ఞానదాతా సర్వధర్మప్రదర్శకః ॥ ౬౩ ॥
పురఞ్జనో జగన్మిత్రం విసర్గాన్తప్రదర్శకః ।
ప్రచేతసాం పతిశ్చిత్రభక్తిహేతుర్జనార్దనః ॥ ౬౪ ॥
స్మృతిహేతుబ్రహ్మభావసాయుజ్యాదిప్రదః శుభః ।
విజయీ ॥ ॥ ॥ ॥ ॥ ॥ ॥ ॥ ॥ ॥ continued
స్థానలీలా
॥ ॥ స్థితిలీలాబ్ధిరచ్యుతో విజయప్రదః ॥ ౬౫ ॥
స్వసామర్థ్యప్రదో భక్తకీర్తిహేతురధోక్షజః ।
ప్రియవ్రతప్రియస్వామీ స్వేచ్ఛావాదవిశారదః ॥ ౬౬ ॥
సఙ్గ్యగమ్యః స్వప్రకాశః సర్వసఙ్గవివర్జితః ।
ఇచ్ఛాయాం చ సమర్యాదస్త్యాగమాత్రోపలమ్భనః ॥ ౬౭ ॥
అచిన్త్యకార్యకర్తా చ తర్కాగోచరకార్యకృత్ ।
శృఙ్గారరసమర్యాదా ఆగ్నీధ్రరసభాజనమ్ ॥ ౬౮ ॥
నాభీష్టపూరకః కర్మమర్యాదాదర్శనోత్సుకః ।
సర్వరూపోఽద్భుతతమో మర్యాదాపురుషోత్తమః ॥ ౬౯ ॥
సర్వరూపేషు సత్యాత్మా కాలసాక్షీ శశిప్రభః ।
మేరుదేవీవ్రతఫలమృషభో భగలక్షణః ॥ ౭౦ ॥
జగత్సన్తర్పకో మేఘరూపీ దేవేన్ద్రదర్పహా ।
జయన్తీపతిరత్యన్తప్రమాణాశేషలౌకికః ॥ ౭౧ ॥
శతధాన్యస్తభూతాత్మా శతానన్దో గుణప్రసూః ।
వైష్ణవోత్పాదనపరః సర్వధర్మోపదేశకః ॥ ౭౨ ॥
పరహంసక్రియాగోప్తా యోగచర్యాప్రదర్శకః ।
చతుర్థాశ్రమనిర్ణేతా సదానన్దశరీరవాన్ ॥ ౭౩ ॥
ప్రదర్శితాన్యధర్మశ్చ భరతస్వామ్యపారకృత్ ।
యథావత్కర్మకర్తా చ సఙ్గానిష్టప్రదర్శకః ॥ ౭౪ ॥
ఆవశ్యకపునర్జన్మకర్మమార్గప్రదర్శకః ।
యజ్ఞరూపమృగః శాన్తః సహిష్ణుః సత్పరాక్రమః ॥ ౭౫ ॥
రహూగణగతిజ్ఞశ్చ రహూగణవిమోచకః ।
భవాటవీతత్త్వవక్తా బహిర్ముఖహితే రతః ॥ ౭౬ ॥
గయస్వామీ స్థానవంశకర్తా స్థానవిభేదకృత్ ।
పురుషావయవో భూమివిశేషవినిరూపకః ॥ ౭౭ ॥
జమ్బూద్వీపపతిర్మేరునాభిపద్మరుహాశ్రయః ।
నానావిభూతిలీలాఢ్యో గఙ్గోత్పత్తినిదానకృత్ ॥ ౭౮ ॥
గఙ్గామాహాత్మ్యహేతుశ్చ గఙ్గారూపోఽతిగూఢకృత్ ।
వైకుణ్ఠదేహహేత్వమ్బుజన్మకృత్ సర్వపావనః ॥ ౭౯ ॥
శివస్వామీ శివోపాస్యో గూఢః సఙ్కర్షణాత్మకః ।
స్థానరక్షార్థమత్స్యాదిరూపః సర్వైకపూజితః ॥ ౮౦ ॥
ఉపాస్యనానారూపాత్మా జ్యోతీరూపో గతిప్రదః ।
సూర్యనారాయణో వేదకాన్తిరుజ్జ్వలవేషధృక్ ॥ ౮౧ ॥
హంసోఽన్తరిక్షగమనః సర్వప్రసవకారణమ్ ।
ఆనన్దకర్తా వసుదో బుధో వాక్పతిరుజ్జ్వలః ॥ ౮౨ ॥
కాలాత్మా కాలకాలశ్చ కాలచ్ఛేదకృదుత్తమః ।
శిశుమారః సర్వమూర్తిరాధిదైవికరూపధృక్ ॥ ౮౩ ॥
అనన్తసుఖభోగాఢ్యో వివరైశ్వర్యభాజనమ్ ।
సఙ్కర్షణో దైత్యపతిః సర్వాధారో బృహద్వపుః ॥ ౮౪ ॥
అనన్తనరకచ్ఛేదీ స్మృతిమాత్రార్తినాశనః ।
సర్వానుగ్రహకర్తా చ ॥ ॥ ॥ ॥ ॥ ॥ ॥ ॥ ॥ ॥ continued
పోషణ-పుష్టి-లీలా
॥ ॥ ॥ ॥ ॥ ॥ ॥ ॥ మర్యాదాభిన్నశాస్త్రకృత్ ॥ ౮౫ ॥
కాలాన్తకభయచ్ఛేదీ నామసామర్థ్యరూపధృక్ ।
ఉద్ధారానర్హగోప్త్రాత్మా నామాదిప్రేరకోత్తమః ॥ ౮౬ ॥
అజామిలమహాదుష్టమోచకోఽఘవిమోచకః ।
ధర్మవక్తాఽక్లిష్టవక్తా విష్ణుధర్మస్వరూపధృక్ ॥ ౮౭ ॥
సన్మార్గప్రేరకో ధర్తా త్యాగహేతురధోక్షజః ।
వైకుణ్ఠపురనేతా చ దాససంవృద్ధికారకః ॥ ౮౮ ॥
దక్షప్రసాదకృద్ధంసగుహ్యస్తుతివిభావనః ।
స్వాభిప్రాయప్రవక్తా చ ముక్తజీవప్రసూతికృత్ ॥ ౮౯ ॥
నారదప్రేరణాత్మా చ హర్యశ్వబ్రహ్మభావనః ।
శబలాశ్వహితో గూఢవాక్యార్థజ్ఞాపనక్షమః ॥ ౯౦ ॥
గూఢార్థజ్ఞాపనః సర్వమోక్షానన్దప్రతిష్ఠితః ।
పుష్టిప్రరోహహేతుశ్చ దాసైకజ్ఞాతహృద్గతః ॥ ౯౧ ॥
శాన్తికర్తా సుహితకృత్ స్త్రీప్రసూః సర్వకామధుక్ ।
పుష్టివంశప్రణేతా చ విశ్వరూపేష్టదేవతా ॥ ౯౨ ॥
కవచాత్మా పాలనాత్మా వర్మోపచితికారణమ్ ।
విశ్వరూపశిరశ్ఛేదీ త్వాష్ట్రయజ్ఞవినాశకః ॥ ౯౩ ॥
వృత్రస్వామీ వృత్రగమ్యో వృత్రవ్రతపరాయణః ।
వృత్రకీర్తిర్వృత్రమోక్షో మఘవత్ప్రాణరక్షకః ॥ ౯౪ ॥
అశ్వమేధహవిర్భోక్తా దేవేన్ద్రామీవనాశకః ।
సంసారమోచకశ్చిత్రకేతుబోధనతత్పరః ॥ ౯౫ ॥
మన్త్రసిద్ధిః సిద్ధిహేతుః సుసిద్ధిఫలదాయకః ।
మహాదేవతిరస్కర్తా భక్త్యై పూర్వార్థనాశకః ॥ ౯౬ ॥
దేవబ్రాహ్మణవిద్వేషవైముఖ్యజ్ఞాపకః శివః ।
ఆదిత్యో దైత్యరాజశ్చ మహత్పతిరచిన్త్యకృత్ ॥ ౯౭ ॥
మరుతాం భేదకస్త్రాతా వ్రతాత్మా పుమ్ప్రసూతికృత్ ।
ఊతిలీలా
కర్మాత్మా వాసనాత్మా చ ఊతిలీలాపరాయణః ॥ ౯౮ ॥
సమదైత్యసురః స్వాత్మా వైషమ్యజ్ఞానసంశ్రయః ।
దేహాద్యుపాధిరహితః సర్వజ్ఞః సర్వహేతువిద్ ॥ ౯౯ ॥
బ్రహ్మవాక్స్థాపనపరః స్వజన్మావధికార్యకృత్ ।
సదసద్వాసనాహేతుస్త్రిసత్యో భక్తమోచకః ॥ ౧౦౦ ॥
హిరణ్యకశిపుద్వేషీ ప్రవిష్టాత్మాఽతిభీషణః ।
శాన్తిజ్ఞానాదిహేతుశ్చ ప్రహ్లాదోత్పత్తికారణమ్ ॥ ౧౦౧ ॥
దైత్యసిద్ధాన్తసద్వక్తా తపఃసార ఉదారధీః ।
దైత్యహేతుప్రకటనో భక్తిచిహ్నప్రకాశకః ॥ ౧౦౨ ॥
సద్ద్వేషహేతుః సద్ద్వేషవాసనాత్మా నిరన్తరః ।
నైష్ఠుర్యసీమా ప్రహ్లాదవత్సలః సఙ్గదోషహా ॥ ౧౦౩ ॥
మహానుభావః సాకారః సర్వాకారః ప్రమాణభూః ।
స్తమ్భప్రసూతిర్నృహరిర్నృసింహో భీమవిక్రమః ॥ ౧౦౪ ॥
వికటాస్యో లలజ్జిహ్వో నఖశస్త్రో జవోత్కటః ।
హిరణ్యకశిపుచ్ఛేదీ క్రూరదైత్యనివారకః ॥ ౧౦౫ ॥
సింహాసనస్థః క్రోధాత్మా లక్ష్మీభయవివర్ధనః ।
బ్రహ్మాద్యత్యన్తభయభూరపూర్వాచిన్త్యరూపధృక్ ॥ ౧౦౬ ॥
భక్తైకశాన్తహృదయో భక్తస్తుత్యః స్తుతిప్రియః ।
భక్తాఙ్గలేహనోద్ధూతక్రోధపుఙ్జః ప్రశాన్తధీః ॥ ౧౦౭ ॥
స్మృతిమాత్రభయత్రాతా బ్రహ్మబుద్ధిప్రదాయకః ।
గోరూపధార్యమృతపాః శివకీర్తివివర్ధనః ॥ ౧౦౮ ॥
ధర్మాత్మా సర్వకర్మాత్మా విశేషాత్మాఽఽశ్రమప్రభుః ।
సంసారమగ్నస్వోద్ధర్తా సన్మార్గాఖిలతత్త్వవాక్ ॥ ౧౦౯ ॥
ఆచారాత్మా సదాచారః ॥ ॥ ॥ ॥ ॥ ॥ ॥ ॥ ॥ continued
మన్వన్తరలీలా
॥ ॥ ॥ ॥ ॥ ॥ ॥ ॥ ॥ ॥మన్వన్తరవిభావనః ।
స్మృత్యాఽశేషాశుభహరో గజేన్ద్రస్మృతికారణమ్ ॥ ౧౧౦ ॥
జాతిస్మరణహేత్వైకపూజాభక్తిస్వరూపదః ।
యజ్ఞో భయాన్మనుత్రాతా విభుర్బ్రహ్మవ్రతాశ్రయః ॥ ౧౧౧ ॥
సత్యసేనో దుష్టఘాతీ హరిర్గజవిమోచకః ।
వైకుణ్ఠో లోకకర్తా చ అజితోఽమృతకారణమ్ ॥ ౧౧౨ ॥
ఉరుక్రమో భూమిహర్తా సార్వభౌమో బలిప్రియః ।
విభుః సర్వహితైకాత్మా విష్వక్సేనః శివప్రియః ॥ ౧౧౩ ॥
ధర్మసేతుర్లోకధృతిః సుధామాన్తరపాలకః ।
ఉపహర్తా యోగపతిర్బృహద్భానుః క్రియాపతిః ॥ ౧౧౪ ॥
చతుర్దశప్రమాణాత్మా ధర్మో మన్వాదిబోధకః ।
లక్ష్మీభోగైకనిలయో దేవమన్త్రప్రదాయకః ॥ ౧౧౫ ॥
దైత్యవ్యామోహకః సాక్షాద్గరుడస్కన్ధసంశ్రయః ।
లీలామన్దరధారీ చ దైత్యవాసుకిపూజితః ॥ ౧౧౬ ॥
సముద్రోన్మథనాయత్తోఽవిఘ్నకర్తా స్వవాక్యకృత్ ।
ఆదికూర్మః పవిత్రాత్మా మన్దరాఘర్షణోత్సుకః ॥ ౧౧౭ ॥
శ్వాసైజదబ్ధివార్వీచిః కల్పాన్తావధికార్యకృత్ ।
చతుర్దశమహారత్నో లక్ష్మీసౌభాగ్యవర్ధనః ॥ ౧౧౮ ॥
ధన్వన్తరిః సుధాహస్తో యజ్ఞభోక్తాఽఽర్తినాశనః ।
ఆయుర్వేదప్రణేతా చ దేవదైత్యాఖిలార్చితః ॥ ౧౧౯ ॥
బుద్ధివ్యామోహకో దేవకార్యసాధనతత్పరః ।
స్త్రీరూపో మాయయా వక్తా దైత్యాన్తఃకరణప్రియః ॥ ౧౨౦ ॥
పాయితామృతదేవాంశో యుద్ధహేతుస్మృతిప్రదః ।
సుమాలిమాలివధకృన్మాల్యవత్ప్రాణహారకః ॥ ౧౨౧ ॥
కాలనేమిశిరశ్ఛేదీ దైత్యయజ్ఞవినాశకః ।
ఇన్ద్రసామర్థ్యదాతా చ దైత్యశేషస్థితిప్రియః ॥ ౧౨౨ ॥
శివవ్యామోహకో మాయీ భృగుమన్త్రస్వశక్తిదః ।
బలిజీవనకర్తా చ స్వర్గహేతుర్వ్రతార్చితః ॥ ౧౨౩ ॥
అదిత్యానన్దకర్తా చ కశ్యపాదితిసమ్భవః ।
ఉపేన్ద్ర ఇన్ద్రావరజో వామనబ్రహ్మరూపధృక్ ॥ ౧౨౪ ॥
బ్రహ్మాదిసేవితవపుర్యజ్ఞపావనతత్పరః ।
యాచ్ఞోపదేశకర్తా చ జ్ఞాపితాశేషసంస్థితిః ॥ ౧౨౫ ॥
సత్యార్థప్రేరకః సర్వహర్తా గర్వవినాశకః ।
త్రివిక్రమస్త్రిలోకాత్మా విశ్వమూర్తిః పృథుశ్రవాః ॥ ౧౨౬ ॥
పాశబద్ధబలిః సర్వదైత్యపక్షోపమర్దకః ।
సుతలస్థాపితబలిః స్వర్గాధికసుఖప్రదః ॥ ౧౨౭ ॥
కర్మసమ్పూర్తికర్తా చ స్వర్గసంస్థాపితామరః ।
జ్ఞాతత్రివిధధర్మాత్మా మహామీనోఽబ్ధిసంశ్రయః ॥ ౧౨౮ ॥
సత్యవ్రతప్రియో గోప్తా మత్స్యమూర్తిధృతశ్రుతిః ।
శృఙ్గబద్ధధృతక్షోణిః సర్వార్థజ్ఞాపకో గురుః ॥ ౧౨౯ ॥
ఈశానుకథాలీలా
ఈశసేవకలీలాత్మా సూర్యవంశప్రవర్తకః ।
సోమవంశోద్భవకరో మనుపుత్రగతిప్రదః ॥ ౧౩౦ ॥
అమ్బరీషప్రియః సాధుర్దుర్వాసోగర్వనాశకః ।
బ్రహ్మశాపోపసంహర్తా భక్తకీర్తివివర్ధనః ॥ ౧౩౧ ॥
ఇక్ష్వాకువంశజనకః సగరాద్యఖిలార్థదః ।
భగీరథమహాయత్నో గఙ్గాధౌతాఙ్ఘ్రిపఙ్కజః ॥ ౧౩౨ ॥
బ్రహ్మస్వామీ శివస్వామీ సగరాత్మజముక్తిదః ।
ఖట్వాఙ్గమోక్షహేతుశ్చ రఘువంశవివర్ధనః ॥ ౧౩౩ ॥
రఘునాథో రామచన్ద్రో రామభద్రో రఘుప్రియః ।
అనన్తకీర్తిః పుణ్యాత్మా పుణ్యశ్లోకైకభాస్కరః ॥ ౧౩౪ ॥
కోశలేన్ద్రః ప్రమాణాత్మా సేవ్యో దశరథాత్మజః ।
లక్ష్మణో భరతశ్చైవ శత్రుఘ్నో వ్యూహవిగ్రహః ॥ ౧౩౫ ॥
విశ్వామిత్రప్రియో దాన్తస్తాడకావధమోక్షదః ।
వాయవ్యాస్త్రాబ్ధినిక్షిప్తమారీచశ్చ సుబాహుహా ॥ ౧౩౬ ॥
వృషధ్వజధనుర్భఙ్గప్రాప్తసీతామహోత్సవః ।
సీతాపతిర్భృగుపతిగర్వపర్వతనాశకః ॥ ౧౩౭ ॥
అయోధ్యాస్థమహాభోగయుక్తలక్ష్మీవినోదవాన్ ।
కైకేయీవాక్యకర్తా చ పితృవాక్పరిపాలకః ॥ ౧౩౮ ॥
వైరాగ్యబోధకోఽనన్యసాత్త్వికస్థానబోధకః ।
అహల్యాదుఃఖహారీ చ గుహస్వామీ సలక్ష్మణః ॥ ౧౩౯ ॥
చిత్రకూటప్రియస్థానో దణ్డకారణ్యపావనః ।
శరభఙ్గసుతీక్ష్ణాదిపూజితోఽగస్త్యభాగ్యభూః ॥ ౧౪౦ ॥
ఋషిసమ్ప్రార్థితకృతిర్విరాధవధపణ్డితః ।
ఛిన్నశూర్పణఖానాసః ఖరదూషణఘాతకః ॥ ౧౪౧ ॥
ఏకబాణహతానేకసహస్రబలరాక్షసః ।
మారీచఘాతీ నియతసీతాసమ్బన్ధశోభితః ॥ ౧౪౨ ॥
సీతావియోగనాట్యశ్చ జటాయుర్వధమోక్షదః ।
శబరీపూజితో భక్తహనుమత్ప్రముఖావృతః ॥ ౧౪౩ ॥
దున్దుభ్యస్థిప్రహరణః సప్తతాలవిభేదనః ।
సుగ్రీవరాజ్యదో వాలిఘాతీ సాగరశోషణః ॥ ౧౪౪ ॥
సేతుబన్ధనకర్తా చ విభీషణహితప్రదః ।
రావణాదిశిరశ్ఛేదీ రాక్షసాఘౌఘనాశకః ॥ ౧౪౫ ॥
సీతాఽభయప్రదాతా చ పుష్పకాగమనోత్సుకః ।
అయోధ్యాపతిరత్యన్తసర్వలోకసుఖప్రదః ॥ ౧౪౬ ॥
మథురాపురనిర్మాతా సుకృతజ్ఞస్వరూపదః ।
జనకజ్ఞానగమ్యశ్చ ఐలాన్తప్రకటశ్రుతిః ॥ ౧౪౭ ॥
హైహయాన్తకరో రామో దుష్టక్షత్రవినాశకః ।
సోమవంశహితైకాత్మా యదువంశవివర్ధనః ॥ ౧౪౮ ॥
నిరోధలీలా
పరబ్రహ్మావతరణః కేశవః క్లేశనాశనః ।
భూమిభారావతరణో భక్తార్థాఖిలమానసః ॥ ౧౪౯ ॥
సర్వభక్తనిరోధాత్మా లీలానన్తనిరోధకృత్ ।
భూమిష్ఠపరమానన్దో దేవకీశుద్ధికారణమ్ ॥ ౧౫౦ ॥
వసుదేవజ్ఞాననిష్ఠసమజీవనివారకః ।
సర్వవైరాగ్యకరణస్వలీలాధారశోధకః ॥ ౧౫౧ ॥
మాయాజ్ఞాపనకర్తా చ శేషసమ్భారసమ్భృతిః ।
భక్తక్లేశపరిజ్ఞాతా తన్నివారణతత్పరః ॥ ౧౫౨ ॥
ఆవిష్టవసుదేవాంశో దేవకీగర్భభూషణమ్ ।
పూర్ణతేజోమయః పూర్ణః కంసాధృష్యప్రతాపవాన్ ॥ ౧౫౩ ॥
వివేకజ్ఞానదాతా చ బ్రహ్మాద్యఖిలసంస్తుతః ।
సత్యో జగత్కల్పతరుర్నానారూపవిమోహనః ॥ ౧౫౪ ॥
భక్తిమార్గప్రతిష్ఠాతా విద్వన్మోహప్రవర్తకః ।
మూలకాలగుణద్రష్టా నయనానన్దభాజనమ్ ॥ ౧౫౫ ॥
వసుదేవసుఖాబ్ధిశ్చ దేవకీనయనామృతమ్ ।
పితృమాతృస్తుతః పూర్వసర్వవృత్తాన్తబోధకః ॥ ౧౫౬ ॥
గోకులాగతిలీలాప్తవసుదేవకరస్థితిః ।
సర్వేశత్వప్రకటనో మాయావ్యత్యయకారకః ॥ ౧౫౭ ॥
జ్ఞానమోహితదుష్టేశః ప్రపఞ్చాస్మృతికారణమ్ ।
యశోదానన్దనో నన్దభాగ్యభూగోకులోత్సవః ॥ ౧౫౮ ॥
నన్దప్రియో నన్దసూనుర్యశోదాయాః స్తనన్ధయః ।
పూతనాసుపయఃపాతా ముగ్ధభావాతిసున్దరః ॥ ౧౫౯ ॥
సున్దరీహృదయానన్దో గోపీమన్త్రాభిమన్త్రితః ।
గోపాలాశ్చర్యరసకృత్ శకటాసురఖణ్డనః ॥ ౧౬౦ ॥
నన్దవ్రజజనానన్దీ నన్దభాగ్యమహోదయః ।
తృణావర్తవధోత్సాహో యశోదాజ్ఞానవిగ్రహః ॥ ౧౬౧ ॥
బలభద్రప్రియః కృష్ణః సఙ్కర్షణసహాయవాన్ ।
రామానుజో వాసుదేవో గోష్ఠాఙ్గణగతిప్రియః ॥ ౧౬౨ ॥
కిఙ్కిణీరవభావజ్ఞో వత్సపుచ్ఛావలమ్బనః ।
నవనీతప్రియో గోపీమోహసంసారనాశకః ॥ ౧౬౩ ॥
గోపబాలకభావజ్ఞశ్చౌర్యవిద్యావిశారదః ।
మృత్స్నాభక్షణలీలాస్యమాహాత్మ్యజ్ఞానదాయకః ॥ ౧౬౪ ॥
ధరాద్రోణప్రీతికర్తా దధిభాణ్డవిభేదనః ।
దామోదరో భక్తవశ్యో యమలార్జునభఞ్జనః ॥ ౧౬౫ ॥
బృహద్వనమహాశ్చర్యో వృన్దావనగతిప్రియః ।
వత్సఘాతీ బాలకేలిర్బకాసురనిషూదనః ॥ ౧౬౬ ॥
అరణ్యభోక్తాఽప్యథవా బాలలీలాపరాయణః ।
ప్రోత్సాహజనకశ్చైవమఘాసురనిషూదనః ॥ ౧౬౭ ॥
వ్యాలమోక్షప్రదః పుష్టో బ్రహ్మమోహప్రవర్ధనః ।
అనన్తమూర్తిః సర్వాత్మా జఙ్గమస్థావరాకృతిః ॥ ౧౬౮ ॥
బ్రహ్మమోహనకర్తా చ స్తుత్య ఆత్మా సదాప్రియః ।
పౌగణ్డలీలాభిరతిర్గోచారణపరాయణః ॥ ౧౬౯ ॥
వృన్దావనలతాగుల్మవృక్షరూపనిరూపకః ।
నాదబ్రహ్మప్రకటనో వయఃప్రతికృతిస్వనః ॥ ౧౭౦ ॥
బర్హినృత్యానుకరణో గోపాలానుకృతిస్వనః ।
సదాచారప్రతిష్ఠాతా బలశ్రమనిరాకృతిః ॥ ౧౭౧ ॥
తరుమూలకృతాశేషతల్పశాయీ సఖిస్తుతః ।
గోపాలసేవితపదః శ్రీలాలితపదామ్బుజః ॥ ౧౭౨ ॥
గోపసమ్ప్రార్థితఫలదాననాశితధేనుకః ।
కాలీయఫణిమాణిక్యరఞ్జితశ్రీపదామ్బుజః ॥ ౧౭౩ ॥
దృష్టిసఙ్జీవితాశేషగోపగోగోపికాప్రియః ।
లీలాసమ్పీతదావాగ్నిః ప్రలమ్బవధపణ్డితః ॥ ౧౭౪ ॥
దావాగ్న్యావృతగోపాలదృష్ట్యాచ్ఛాదనవహ్నిపః ।
వర్షాశరద్విభూతిశ్రీర్గోపీకామప్రబోధకః ॥ ౧౭౫ ॥
గోపీరత్నస్తుతాశేషవేణువాద్యవిశారదః ।
కాత్యాయనీవ్రతవ్యాజసర్వభావాశ్రితాఙ్గనః ॥ ౧౭౬ ॥
సత్సఙ్గతిస్తుతివ్యాజస్తుతవృన్దావనాఙ్ఘ్రిపః ।
గోపక్షుచ్ఛాన్తిసంవ్యాజవిప్రభార్యాప్రసాదకృత్ ॥ ౧౭౭ ॥
హేతుప్రాప్తేన్ద్రయాగస్వకార్యగోసవబోధకః ।
శైలరూపకృతాశేషరసభోగసుఖావహః ॥ ౧౭౮ ॥
లీలాగోవర్ధనోద్ధారపాలితస్వవ్రజప్రియః ।
గోపస్వచ్ఛన్దలీలార్థగర్గవాక్యార్థబోధకః ॥ ౧౭౯ ॥
ఇన్ద్రధేనుస్తుతిప్రాప్తగోవిన్దేన్ద్రాభిధానవాన్ ।
వ్రతాదిధర్మసంసక్తనన్దక్లేశవినాశకః ॥ ౧౮౦ ॥
నన్దాదిగోపమాత్రేష్టవైకుణ్ఠగతిదాయకః ।
వేణువాదస్మరక్షోభమత్తగోపీవిముక్తిదః ॥ ౧౮౧ ॥
సర్వభావప్రాప్తగోపీసుఖసంవర్ధనక్షమః ।
గోపీగర్వప్రణాశార్థతిరోధానసుఖప్రదః ॥ ౧౮౨ ॥
కృష్ణభావవ్యాప్తవిశ్వగోపీభావితవేషధృక్ ।
రాధావిశేషసమ్భోగప్రాప్తదోషనివారకః ॥ ౧౮౩ ॥
పరమప్రీతిసఙ్గీతసర్వాద్భుతమహాగుణః ।
మానాపనోదనాక్రన్దగోపీదృష్టిమహోత్సవః ॥ ౧౮౪ ॥
గోపికావ్యాప్తసర్వాఙ్గః స్త్రీసమ్భాషావిశారదః ।
రాసోత్సవమహాసౌఖ్యగోపీసమ్భోగసాగరః ॥ ౧౮౫ ॥
జలస్థలరతివ్యాప్తగోపీదృష్ట్యభిపూజితః ।
శాస్త్రానపేక్షకామైకముక్తిద్వారవివర్ధనః ॥ ౧౮౬ ॥
సుదర్శనమహాసర్పగ్రస్తనన్దవిమోచకః ।
గీతమోహితగోపీధృక్షఙ్ఖచూడవినాశకః ॥ ౧౮౭ ॥
గుణసఙ్గీతసన్తుష్టిర్గోపీసంసారవిస్మృతిః ।
అరిష్టమథనో దైత్యబుద్ధివ్యామోహకారకః ॥ ౧౮౮ ॥
కేశిఘాతీ నారదేష్టో వ్యోమాసురవినాశకః ।
అక్రూరభక్తిసంరాద్ధపాదరేణుమహానిధిః ॥ ౧౮౯ ॥
రథావరోహశుద్ధాత్మా గోపీమానసహారకః ।
హ్రదసన్దర్శితాశేషవైకుణ్ఠాక్రూరసంస్తుతః ॥ ౧౯౦ ॥
మథురాగమనోత్సాహో మథురాభాగ్యభాజనమ్ ।
మథురానగరీశోభాదర్శనోత్సుకమానసః ॥ ౧౯౧ ॥
దుష్టరఞ్జకఘాతీ చ వాయకార్చితవిగ్రహః ।
వస్త్రమాలాసుశోభాఙ్గః కుబ్జాలేపనభూషితః ॥ ౧౯౨ ॥
కుబ్జాసురూపకర్తా చ కుబ్జారతివరప్రదః ।
ప్రసాదరూపసన్తుష్టహరకోదణ్డఖణ్డనః ॥ ౧౯౩ ॥
శకలాహతకంసాప్తధనూరక్షకసైనికః ।
జాగ్రత్స్వప్నభయవ్యాప్తమృత్యులక్షణబోధకః ॥ ౧౯౪ ॥
మథురామల్ల ఓజస్వీ మల్లయుద్ధవిశారదః ।
సద్యః కువలయాపీడఘాతీ చాణూరమర్దనః ॥ ౧౯౫ ॥
లీలాహతమహామల్లః శలతోశలఘాతకః ।
కంసాన్తకో జితామిత్రో వసుదేవవిమోచకః ॥ ౧౯౬ ॥
జ్ఞాతతత్త్వపితృజ్ఞానమోహనామృతవాఙ్మయః ।
ఉగ్రసేనప్రతిష్ఠాతా యాదవాధివినాశకః ॥ ౧౯౭ ॥
నన్దాదిసాన్త్వనకరో బ్రహ్మచర్యవ్రతే స్థితః ।
గురుశుశ్రూషణపరో విద్యాపారమితేశ్వరః ॥ ౧౯౮ ॥
సాన్దీపనిమృతాపత్యదాతా కాలాన్తకాదిజిత్ ।
గోకులాశ్వాసనపరో యశోదానన్దపోషకః ॥ ౧౯౯ ॥
గోపికావిరహవ్యాజమనోగతిరతిప్రదః ।
సమోద్ధవభ్రమరవాక్ గోపికామోహనాశకః ॥ ౨౦౦ ॥
కుబ్జారతిప్రదోఽక్రూరపవిత్రీకృతభూగృహః ।
పృథాదుఃఖప్రణేతా చ పాణ్డవానాం సుఖప్రదః ॥ ౨౦౧ ॥
దశమస్కన్ధోత్తరార్ధనామాని నిరోధలీలా
జరాసన్ధసమానీతసైన్యఘాతీ విచారకః ।
యవనవ్యాప్తమథురాజనదత్తకుశస్థలిః ॥ ౨౦౨ ॥
ద్వారకాద్భుతనిర్మాణవిస్మాపితసురాసురః ।
మనుష్యమాత్రభోగార్థభూమ్యానీతేన్ద్రవైభవః ॥ ౨౦౩ ॥
యవనవ్యాప్తమథురానిర్గమానన్దవిగ్రహః ।
ముచుకున్దమహాబోధయవనప్రాణదర్పహా ॥ ౨౦౪ ॥
ముచుకున్దస్తుతాశేషగుణకర్మమహోదయః ।
ఫలప్రదానసన్తుష్టిర్జన్మాన్తరితమోక్షదః ॥ ౨౦౫ ॥
శివబ్రాహ్మణవాక్యాప్తజయభీతివిభావనః ।
ప్రవర్షణప్రార్థితాగ్నిదానపుణ్యమహోత్సవః ॥ ౨౦౬ ॥
రుక్మిణీరమణః కామపితా ప్రద్యుమ్నభావనః ।
స్యమన్తకమణివ్యాజప్రాప్తజామ్బవతీపతిః ॥ ౨౦౭ ॥
సత్యభామాప్రాణపతిః కాలిన్దీరతివర్ధనః ।
మిత్రవిన్దాపతిః సత్యాపతిర్వృషనిషూదనః ॥ ౨౦౮ ॥
భద్రావాఞ్ఛితభర్తా చ లక్ష్మణావరణక్షమః ।
ఇన్ద్రాదిప్రార్థితవధనరకాసురసూదనః ॥ ౨౦౯ ॥
మురారిః పీఠహన్తా చ తామ్రాదిప్రాణహారకః ।
షోడశస్త్రీసహస్రేశః ఛత్రకుణ్డలదానకృత్ ॥ ౨౧౦ ॥
పారిజాతాపహరణో దేవేన్ద్రమదనాశకః ।
రుక్మిణీసమసర్వస్త్రీసాధ్యభోగరతిప్రదః ॥ ౨౧౧ ॥
రుక్మిణీపరిహాసోక్తివాక్తిరోధానకారకః ।
పుత్రపౌత్రమహాభాగ్యగృహధర్మప్రవర్తకః ॥ ౨౧౨ ॥
శమ్బరాన్తకసత్పుత్రవివాహహతరుక్మికః ।
ఉషాపహృతపౌత్రశ్రీర్బాణబాహునివారకః ॥ ౨౧౩ ॥
శీతజ్వరభయవ్యాప్తజ్వరసంస్తుతషడ్గుణః ।
శఙ్కరప్రతియోద్ధా చ ద్వన్ద్వయుద్ధవిశారదః ॥ ౨౧౪ ॥
నృగపాపప్రభేత్తా చ బ్రహ్మస్వగుణదోషదృక్ ।
విష్ణుభక్తివిరోధైకబ్రహ్మస్వవినివారకః ॥ ౨౧౫ ॥
బలభద్రాహితగుణో గోకులప్రీతిదాయకః ।
గోపీస్నేహైకనిలయో గోపీప్రాణస్థితిప్రదః ॥ ౨౧౬ ॥
వాక్యాతిగామియమునాహలాకర్షణవైభవః ।
పౌణ్డ్రకత్యాజితస్పర్ధః కాశీరాజవిభేదనః ॥ ౨౧౭ ॥
కాశీనిదాహకరణః శివభస్మప్రదాయకః ।
ద్వివిదప్రాణఘాతీ చ కౌరవాఖర్వగర్వనుత్ ॥ ౨౧౮ ॥
లాఙ్గలాకృష్టనగరీసంవిగ్నాఖిలనాగరః ।
ప్రపన్నాభయదః సామ్బప్రాప్తసన్మానభాజనమ్ ॥ ౨౧౯ ॥
నారదాన్విష్టచరణో భక్తవిక్షేపనాశకః ।
సదాచారైకనిలయః సుధర్మాధ్యాసితాసనః ॥ ౨౨౦ ॥
జరాసన్ధావరుద్ధేన విజ్ఞాపితనిజక్లమః ।
మన్త్ర్యుద్ధవాదివాక్యోక్తప్రకారైకపరాయణః ॥ ౨౨౧ ॥
రాజసూయాదిమఖకృత్ సమ్ప్రార్థితసహాయకృత్ ।
ఇన్ద్రప్రస్థప్రయాణార్థమహత్సమ్భారసమ్భృతిః ॥ ౨౨౨ ॥
జరాసన్ధవధవ్యాజమోచితాశేషభూమిపః ।
సన్మార్గబోధకో యజ్ఞక్షితివారణతత్పరః ॥ ౨౨౩ ॥
శిశుపాలహతివ్యాజజయశాపవిమోచకః ।
దుర్యోధనాభిమానాబ్ధిశోషబాణవృకోదరః ॥ ౨౨౪ ॥
మహాదేవవరప్రాప్తపురశాల్వవినాశకః ।
దన్తవక్త్రవధవ్యాజవిజయాఘౌఘనాశకః ॥ ౨౨౫ ॥
విదూరథప్రాణహర్తా న్యస్తశస్త్రాస్త్రవిగ్రహః ।
ఉపధర్మవిలిప్తాఙ్గసూతఘాతీ వరప్రదః ॥ ౨౨౬ ॥
బల్వలప్రాణహరణపాలితర్షిశ్రుతిక్రియః ।
సర్వతీర్థాఘనాశార్థతీర్థయాత్రావిశారదః ॥ ౨౨౭ ॥
జ్ఞానక్రియావిభేదేష్టఫలసాధనతత్పరః ।
సారథ్యాదిక్రియాకర్తా భక్తవశ్యత్వబోధకః ॥ ౨౨౮ ॥
సుదామారఙ్కభార్యార్థభూమ్యానీతేన్ద్రవైభవః ।
రవిగ్రహనిమిత్తాప్తకురుక్షేత్రైకపావనః ॥ ౨౨౯ ॥
నృపగోపీసమస్తస్త్రీపావనార్థాఖిలక్రియః ।
ఋషిమార్గప్రతిష్ఠాతా వసుదేవమఖక్రియః ॥ ౨౩౦ ॥
వసుదేవజ్ఞానదాతా దేవకీపుత్రదాయకః ।
అర్జునస్త్రీప్రదాతా చ బహులాశ్వస్వరూపదః ॥ ౨౩౧ ॥
శ్రుతదేవేష్టదాతా చ సర్వశ్రుతినిరూపితః ।
మహాదేవాద్యతిశ్రేష్ఠో భక్తిలక్షణనిర్ణయః ॥ ౨౩౨ ॥
వృకగ్రస్తశివత్రాతా నానావాక్యవిశారదః ।
నరగర్వవినాశార్థహృతబ్రాహ్మణబాలకః ॥ ౨౩౩ ॥
లోకాలోకపరస్థానస్థితబాలకదాయకః ।
ద్వారకాస్థమహాభోగనానాస్త్రీరతివర్ధనః ॥ ౨౩౪ ॥
మనస్తిరోధానకృతవ్యగ్రస్త్రీచిత్తభావితః ।
ముక్తిలీలా
ముక్తిలీలావిహరణో మౌశలవ్యాజసంహృతిః ॥ ౨౩౫ ॥
శ్రీభాగవతధర్మాదిబోధకో భక్తినీతికృత్ ।
ఉద్ధవజ్ఞానదాతా చ పఞ్చవింశతిధా గురుః ॥ ౨౩౬ ॥
ఆచారభక్తిముక్త్యాదివక్తా శబ్దోద్భవస్థితిః ।
హంసో ధర్మప్రవక్తా చ సనకాద్యుపదేశకృత్ ॥ ౨౩౭ ॥
భక్తిసాధనవక్తా చ యోగసిద్ధిప్రదాయకః ।
నానావిభూతివక్తా చ శుద్ధధర్మావబోధకః ॥ ౨౩౮ ॥
మార్గత్రయవిభేదాత్మా నానాశఙ్కానివారకః ।
భిక్షుగీతాప్రవక్తా చ శుద్ధసాఙ్ఖ్యప్రవర్తకః ॥ ౨౩౯ ॥
మనోగుణవిశేషాత్మా జ్ఞాపకోక్తపురూరవాః ।
పూజావిధిప్రవక్తా చ సర్వసిద్ధాన్తబోధకః ॥ ౨౪౦ ॥
లఘుస్వమార్గవక్తా చ స్వస్థానగతిబోధకః ।
యాదవాఙ్గోపసంహర్తా సర్వాశ్చర్యగతిక్రియః ॥ ౨౪౧ ॥
ఆశ్రయలీలా
కాలధర్మవిభేదార్థవర్ణనాశనతత్పరః ।
బుద్ధో గుప్తార్థవక్తా చ నానాశాస్త్రవిధాయకః ॥ ౨౪౨ ॥
నష్టధర్మమనుష్యాదిలక్షణజ్ఞాపనోత్సుకః ।
ఆశ్రయైకగతిజ్ఞాతా కల్కిః కలిమలాపహః ॥ ౨౪౩ ॥
శాస్త్రవైరాగ్యసమ్బోధో నానాప్రలయబోధకః ।
విశేషతః శుకవ్యాజపరీక్షిజ్జ్ఞానబోధకః ॥ ౨౪౪ ॥
శుకేష్టగతిరూపాత్మా పరీక్షిద్దేహమోక్షదః ।
శబ్దరూపో నాదరూపో వేదరూపో విభేదనః ॥ ౨౪౫ ॥
వ్యాసః శాఖాప్రవక్తా చ పురాణార్థప్రవర్తకః ।
మార్కణ్డేయప్రసన్నాత్మా వటపత్రపుటేశయః ॥ ౨౪౬ ॥
మాయావ్యాప్తమహామోహదుఃఖశాన్తిప్రవర్తకః ।
మహాదేవస్వరూపశ్చ భక్తిదాతా కృపానిధిః ॥ ౨౪౭ ॥
ఆదిత్యాన్తర్గతః కాలః ద్వాదశాత్మా సుపూజితః ।
శ్రీభాగవతరూపశ్చ సర్వార్థఫలదాయకః ॥ ౨౪౮ ॥
ఇతీదం కీర్తనీయస్య హరేర్నామసహస్రకమ్ ।
పఞ్చసప్తతివిస్తీర్ణం పురాణాన్తరభాషితమ్ ॥ ౨౪౯ ॥
య ఏతత్ప్రాతరుత్థాయ శ్రద్ధావాన్ సుసమాహితః ।
జపేదర్థాహితమతిః స గోవిన్దపదం లభేత్ ॥ ౨౫౦ ॥
సర్వధర్మవినిర్ముక్తః సర్వసాధనవర్జితః ।
ఏతద్ధారణమాత్రేణ కృష్ణస్య పదవీం వ్రజేత్ ॥ ౨౫౧ ॥
హర్యావేశితచిత్తేన శ్రీభాగవతసాగరాత్ ।
సముద్ధృతాని నామాని చిన్తామణినిభాని హి ॥ ౨౫౨ ॥
కణ్ఠస్థితాన్యర్థదీప్త్యా బాధన్తేఽజ్ఞానజం తమః ।
భక్తిం శ్రీకృష్ణదేవస్య సాధయన్తి వినిశ్చితమ్ ॥ ౨౫౩ ॥
కిమ్బహూక్తేన భగవాన్ నామభిః స్తుతషడ్గుణః ।
ఆత్మభావం నయత్యాశు భక్తిం చ కురుతే దృఢామ్ ॥ ౨౫౪ ॥
యః కృష్ణభక్తిమిహ వాఞ్ఛతి సాధనౌఘైర్-
నామాని భాసురయశాంసి జపేత్స నిత్యమ్ ।
తం వై హరిః స్వపురుషం కురుతేఽతిశీఘ్రమ్-
ఆత్మార్పణం సమధిగచ్ఛతి భావతుష్టః ॥ ౨౫౫ ॥
శ్రీకృష్ణ కృష్ణసఖ వృష్ణివృషావనిధ్రుగ్-
రాజన్యవంశదహనానపవర్గవీర్య ।
గోవిన్ద గోపవనితావ్రజభృత్యగీత
తీర్థశ్రవః శ్రవణమఙ్గల పాహి భృత్యాన్ ॥ ౨౫౬ ॥
॥ ఇతి శ్రీభాగవతసారసముచ్చయే వైశ్వానరోక్తం
శ్రీవల్లభాచార్యవిరచితం
శ్రీపురుషోత్తమసహస్రనామస్తోత్రం సమ్పూర్ణమ్ ॥
Also Read 1000 Names of Sri Purushottama:
1000 Names of Sri Purushottama | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
