Shri RadhikaSahasranamastotram Lyrics in Bengali:
॥ শ্রীরাধিকাসহস্রনামস্তোত্রম্ ॥
নারদপঞ্চরাত্রে জ্ঞানামৃতসারতঃ
শ্রীপার্বত্যুবাচ –
দেবদেব জগন্নাথ ভক্তানুগ্রহকারক ।
য়দ্যস্তি ময়ি কারুণ্যং ময়ি য়দ্যস্তি তে দয়া ॥ ১ ॥
য়দ্যত্ ত্বয়া নিগদিতং তত্সর্বং মে শ্রুতং প্রভো ।
গুহ্যাদ্ গুহ্যতরং য়ত্তু য়ত্তে মনসি কাশতে ॥ ২ ॥
ত্বয়া ন গদিতং য়ত্তু য়স্মৈ কস্মৈ কদচন ।
তস্মাত্ কথয় দেবেশ সহস্রং নাম চোত্তমম্ ॥ ৩ ॥
শ্রীরাধায়া মহদেব্যা গোপ্যা ভক্তিপ্রসাধনম্ ।
ব্রহ্মাণ্ডকর্ত্রী হর্ত্রী সা কথং গোপীত্বমাগতা ॥ ৪ ॥
শ্রীমহাদেব উবাচ –
শৃণু দেবি বিচিত্রার্থাং কথাং পাপহরাং শুভাম্ ।
নাস্তি জন্মানি কর্মাণি তস্যা নূনং মহেশ্বরি ॥ ৫ ॥
য়দা হরিশ্চরিত্রাণি কুরুতে কার্যগোরবাত্ ।
তদা বিধতে রূপাণি হরিসান্নিধ্যসাধিনী ॥ ৬ ॥
তস্যা গোপীত্বভাবস্যকারণং গদিতং পুরা ।
ইদানীং শৃণু দেবেশি নাম্নাং চৈব সহস্রকম্ ॥ ৭ ॥
য়ন্ময়া কথিতং নৈব তন্ত্রেষ্বপি কদাচন ।
তব স্নেহাত্প্রবক্ষ্যামি ভক্ত্যা ধার্যং মুমুক্ষুভিঃ ॥ ৮ ॥
মম প্রাণসমা বিদ্যা ভব্যতে মে ত্বহর্নিশম্ ।
শৃণুষ্ব গিরিজে নিত্যং পঠস্ব চ য়থামতি ॥ ৯ ॥
য়স্যাঃ প্রসাদাত্ কৃষ্ণস্তু গোলোকেশঃ পরঃ প্রভুঃ ।
অস্যা নামসহস্রস্য ঋষির্নারদ এব চ ।
দেবী রাধা পরা প্রোক্তা চতুর্বর্গপ্রসাধিনী ॥ ১০ ॥
॥অথ সহস্রনামস্তোত্রম্ ॥
শ্রীরাধা রাধিকা কৃষ্ণবল্লভা কৃষ্ণসম্যুতা ।
বৃন্দাবনেশ্বরী কৃষ্ণপ্রিয়া মদনমোহিনী ॥ ১১ ॥
শ্রীমতী কৃষ্ণকান্তা চ কৃষ্ণানন্দপ্রদায়িনী ।
য়শস্বিনী য়শোগম্যা য়শোদানন্দবল্লভা ॥ ১২ ॥
দামোদরপ্রিয়া গোপী গোপানন্দকরী তথা ।
কৃষ্ণাঙ্গবাসিনী হৃদ্যা হরিকান্তা হরিপ্রিয়া ॥ ১৩ ॥
প্রধানগোপিকা গোপকন্যা ত্রৈলোক্যসুন্দরী ।
বৃন্দাবনবিহারিণী বিকশিতমুখাম্বুজা ॥ ১৪ ॥
গোকুলানন্দকর্ত্রী চ গোকুলানন্দদায়িনী ।
গতিপ্রদা গীতগম্যা গমনাগমনপ্রিয়া ॥ ১৫ ॥
বিষ্ণুপ্রিয়া বিষ্ণুকান্তা বিষ্ণোরঙ্গনিবাসিনী ।
য়শোদানন্দপত্নী চ য়শোদানন্দগেহিনী ॥ ১৬ ॥
কামারিকান্তা কামেশী কামলালসবিগ্রহা ।
জয়প্রদা জয়া জীবা জীবানন্দপ্রদায়িনী ॥ ১৭ ॥
নন্দনন্দনপত্নী চ বৃষভানুসুতা শিবা ।
গণাধ্যক্ষা গবাধ্যক্ষা গবাং গতিরনুত্তমা ॥ ১৮ ॥
কাঞ্চনাভা হেমগাত্রা কাঞ্চনাঙ্গদধারিণী ।
অশোকা শোকরহিতা বিশোকা শোকনাশিনী ॥ ১৯ ॥
গায়ত্রী বেদমাতা চ বেদাতীত বিদুত্তমা ।
নীতিশাস্ত্রপ্রিয়া নীতিগতির্মতিরভীষ্টদা ॥ ২০ ॥
বেদপ্রিয়া বেদগর্ভা বেদমার্গপ্রবর্ধিনী ।
বেদগম্যা বেদপরা বিচিত্রকনকোজ্জ্বলা ॥ ২১ ॥
তথোজ্জ্বলপ্রদা নিত্যা তথৈবোজ্জ্বলগাত্রিকা ।
নন্দপ্রিয়া নন্দসুতারধ্যাঽঽনন্দপ্রদা শুভা ॥ ২২ ॥
শুভাঙ্গী বিমলাঙ্গী চ বিলসিন্যপরাজিতা ।
জননী জন্মশূন্যা চ জন্মমৃত্যুজরাপহা ॥ ২৩ ॥
গতির্গতিমতাং ধাত্রী ধাত্র্যানন্দপ্রদায়িনী ।
জগন্নাথপ্রিয়া শৈলবাসিনী হেমসুন্দরী ॥ ২৪ ॥
কিশোরী কমলা পদ্মা পদ্মহস্তা পয়োদদা ।
পয়স্বিনী পয়োদাত্রী পবিত্রী সর্বমঙ্গলা ॥ ২৫ ॥
মহাজীবপ্রদা কৃষ্ণকান্তা কমলসুন্দরী ।
বিচিত্রবাসিনী চিত্রবাসিনী চিত্ররূপিণী ॥ ২৬ ॥
নির্গুণা সুকুলীনা চ নিষ্কুলীনা নিরাকুলা ।
গোকুলান্তরগেহা চ য়োগানন্দকরী তথা ॥ ২৭ ॥
বেণুবাদ্যা বেণুরতিঃ বেণুবাদ্যপরায়ণা ।
গোপালস্যপ্রিয়া সৌম্যরূপা সৌম্যকুলোদ্বহা ॥ ২৮ ॥
মোহামোহা বিমোহা চ গতিনিষ্ঠা গতিপ্রদা ।
গীর্বাণবন্দ্যা গির্বাণা গির্বাণগণসেবিতা ॥ ২৯ ॥
ললিতা চ বিশোকা চ বিশাখা চিত্রমালিনী ।
জিতেন্দ্রিয়া শুদ্ধসত্ত্বা কুলীনা কুলদীপিকা ॥ ৩০ ॥
দীপপ্রিয়া দীপদাত্রী বিমলা বিমলোদকা ।
কান্তারবাসিনী কৃষ্ণা কৃষ্ণচন্দ্রপ্রিয়া মতিঃ ॥ ৩১ ॥
অনুত্তরা দুঃখহন্ত্রী দুঃখকর্ত্রী কুলোদ্বহা ।
মতির্লক্ষ্মীর্ধৃতির্লজ্জা কান্তিঃ পুষ্টিঃ স্মৃতিঃ ক্ষমা ॥ ৩২ ॥
ক্ষীরোদশায়িনী দেবী দেবারিকুলমর্দিনী ।
বৈষ্ণবী চ মহালক্ষ্মীঃ কুলপূজ্যা কুলপ্রিয়া ॥ ৩৩ ॥
সংহর্ত্রী সর্বদৈত্যানাং সাবিত্রী বেদগামিনী ।
বেদাতীতা নিরালম্বা নিরালম্বগণপ্রিয়া ॥ ৩৪ ॥
নিরালম্বজনৈঃ পূজ্যা নিরালোকা নিরাশ্রয়া ।
একাঙ্গী সর্বগা সেব্যা ব্রহ্মপত্নী সরস্বতী ॥ ৩৫ ॥
রাসপ্রিয়া রাসগম্যা রাসাধিষ্ঠাতৃদেবতা ।
রসিকা রসিকানন্দা স্বয়ম্ রাসেশ্বরী পরা ॥ ৩৬ ॥
রাসমণ্ডলমধ্যস্থা রাসমণ্ডলশোভিতা ।
রাসমণ্ডলসেব্যা চ রাসক্রীডা মনোহরা ॥ ৩৭ ॥
পুণ্ডরীকাক্ষনিলয়া পুণ্ডরীকাক্ষগেহিনী ।
পুণ্ডরীকাক্ষসেব্যা চ পুণ্ডরীকাক্ষবল্লভা ॥ ৩৮ ॥
সর্বজীবেশ্বরী সর্বজীববন্দ্যা পরাত্পরা ।
প্রকৃতিঃ শম্ভুকান্তা চ সদাশিবমনোহরা ॥ ৩৯ ॥
ক্ষুত্পিপাসা দয়া নিদ্রা ভ্রান্তিঃ শ্রান্তিঃ ক্ষমাকুলা ।
বধূরূপা গোপপত্নী ভারতী সিদ্ধয়োগীনী ॥ ৪০ ॥
সত্যরূপা নিত্যরূপা নিত্যাঙ্গী নিত্যগেহিনী ।
স্থানদাত্রী তথা ধাত্রী মহালক্ষ্মীঃ স্বয়ম্প্রভা ॥ ৪১ ॥
সিন্ধুকন্যাঽঽস্থানদাত্রী দ্বারকাবাসিনী তথা ।
বুদ্ধিঃ স্থিতিঃ স্থানরূপা সর্বকারণকারণা ॥ ৪২ ॥
ভক্তপ্রিয়া ভক্তগম্যা ভক্তানন্দপ্রদায়িনী ।
ভক্তকল্পদ্রুমাতীতা তথাতীতগুণা তথা ॥ ৪৩ ॥
মনোঽধিষ্ঠাতৃদেবী চ কৃষ্ণপ্রেমপরায়ণা ।
নিরাময়া সৌম্যদাত্রী তথা মদনমোহিনী ॥ ৪৪ ॥
একানংশা শিবা ক্ষেমা দুর্গা দুর্গতিনাশিনী ।
ঈশ্বরী সর্ববন্দ্যা চ গোপনীয়া শুভঙ্করী ॥ ৪৫ ॥
পালিনীসর্বভূতানাং তথা কামাঙ্গহারিণী ।
সদ্যোমুক্তিপ্রদা দেবী বেদসারা পরাত্পরা ॥ ৪৬ ॥
হিমালয়সুতা সর্বা পার্বতী গিরিজা সতী ।
দক্ষকন্যা দেবমাতা মন্দলজ্জা হরেস্তনুঃ ॥ ৪৭ ॥
বৃন্দারণ্যপ্রিয়া বৃন্দা বৃন্দাবনবিলাসিনী ।
বিলাসিনী বৈষ্ণবী চ ব্রহ্মলোকপ্রতিষ্ঠিতা ॥ ৪৮ ॥
রুক্মিণী রেবতী সত্যভামা জাম্ববতী তথা ।
সুলক্ষ্মণা মিত্রবিন্দা কালিন্দী জহ্নুকন্যকা ॥ ৪৯ ॥
পরিপূর্ণা পূর্ণতরা তথা হৈমবতী গতিঃ ।
অপূর্বা ব্রহ্মরূপা চ ব্রহ্মাণ্ডপরিপালিনী ॥ ৫০ ॥
ব্রহ্মাণ্ডভাণ্ডমদ্যস্থা ব্রহ্মাণ্ডভাণ্ডরূপিণী ।
অণ্ডরূপাণ্ডমধ্যস্থা তথাণ্ডপরিপালিনী ॥ ৫১ ॥
অণ্ডবাহ্যাণ্ডসংহর্ত্রী শিবব্রহ্মহরিপ্রিয়া ।
মহাবিষ্ণুপ্রিয়া কল্পবৃক্ষরূপা নিরন্তরা ॥ ৫২ ॥
সারভূতা স্থিরা গৌরী গৌরাঙ্গী শশিশেখরা ।
শ্বেতচম্পকবর্ণাভা শশিকোটিসমপ্রভা ॥ ৫৩ ॥
মালতী মাল্যভূষাঢ্যা মালতীমাল্যধারিণী ।
কৃষ্ণস্তুতা কৃষ্ণকান্তা বৃন্দাবনবিলাসিনী ॥ ৫৪ ॥
তুলস্যধিষ্ঠাতৃদেবী সংসারার্ণবপারদা ।
সারদাঽঽহারদাম্ভোদা য়শোদা গোপনন্দিনী ॥ ৫৫ ॥
অতীতগমনা গৌরী পরানুগ্রহকারিণী ।
করুণার্ণবসম্পূর্ণা করুণার্ণবধারিণী ॥ ৫৬ ॥
মাধবী মাধবমনোহারিণী শ্যামবল্লভা ।
অন্ধকারভয়ধ্বস্তা মঙ্গল্যা মঙ্গলপ্রদা ॥ ৫৭ ॥
শ্রীগর্ভা শ্রীপ্রদা শ্রীশা শ্রীনিবাসাচ্যুতপ্রিয়া ।
শ্রীরূপা শ্রীহরা শ্রীদা শ্রীকামা শ্রীস্বরূপিণী ॥ ৫৮ ॥
শ্রীদামানন্দদাত্রী চ শ্রীদামেশ্বরবল্লভা ।
শ্রীনিতম্বা শ্রীগণেশা শ্রীস্বরূপাশ্রিতা শ্রুতিঃ ॥ ৫৯ ॥
শ্রীক্রিয়ারূপিণী শ্রীলা শ্রীকৃষ্ণভজনান্বিতা ।
শ্রীরাধা শ্রীমতী শ্রেষ্ঠা শ্রেষ্ঠরূপা শ্রুতিপ্রিয়া ॥ ৬০ ॥
য়োগেশী য়োগমাতা চ য়োগাতিতা য়ুগপ্রিয়া ।
য়োগপ্রিয়া য়োগগম্যা য়োগিনীগণবন্দিতা ॥ ৬১ ॥
জবাকুসুমসঙ্কাসা দাডিমীকুসুমোপমা ।
নীলাম্বরধরা ধীরা ধৈর্যরূপধরা ধৃতিঃ ॥ ৬২ ॥
রত্নসিংহাসনস্থা চ রত্নকুণ্ডলভূষিতা ।
রত্নালঙ্কারসম্যুক্তা রত্নমালাধরা পরা ॥ ৬৩ ॥
রত্নেন্দ্রসারহারাঢ্যা রত্নমালাবিভূষিতা ।
ইন্দ্রনীলমণিন্যস্তপাদপদ্মশুভা শুচিঃ ॥ ৬৪ ॥
কার্ত্তিকী পৌর্ণমাসী চ অমাবস্যা ভয়াপহা ।
গোবিন্দরাজগৃহিনী গোবিন্দগণপূজিতা ॥ ৬৫ ॥
বৈকুণ্ঠনাথগৃহিণী বৈকুণ্ঠপরমালয়া ।
বৈকুণ্ঠদেবদেবাঢ্যা তথা বৈকুণ্ঠসুন্দরী ॥ ৬৬ ॥
মহালসা বেদবতী সীতা সাধ্বী পতিব্রতা ।
অন্নপূর্ণা সদানন্দরূপা কৈবল্যসুন্দরী ॥ ৬৭ ॥
কৈবল্যদায়িনী শ্রেষ্ঠা গোপীনাথমনোহরা ।
গোপীনাথেশ্বরী চণ্ডী নায়িকানয়নান্বিতা ॥ ৬৮ ॥
নায়িকা নায়কপ্রীতা নায়কানন্দরূপিণী ।
শেষা শেষবতী শেষরূপিণী জগদম্বিকা ॥ ৬৯ ॥
গোপালপালিকা মায়া জায়াঽঽনন্দপ্রদা তথা ।
কুমারী য়ৌবনানন্দা য়ুবতী গোপসুন্দরী ॥ ৭০ ॥
গোপমাতা জানকী চ জনকানন্দকারিণী ।
কৈলাসবাসিনী রম্ভা বৈরাগ্যাকুলদীপিকা ॥ ৭১ ॥
কমলাকান্তগৃহিনী কমলা কমলালয়া ।
ত্রৈলোক্যমাতা জগতামধিষ্ঠাত্রী প্রিয়াম্বিকা ॥ ৭২ ॥
হরকান্তা হররতা হরানন্দপ্রদায়িনী ।
হরপত্নী হরপ্রীতা হরতোষণতত্পরা ॥ ৭৩ ॥
হরেশ্বরী রামরতা রামা রামেশ্বরী রমা ।
শ্যামলা চিত্রলেখা চ তথা ভুবনমোহিনী ॥ ৭৪ ॥
সুগোপী গোপবনিতা গোপরাজ্যপ্রদা শুভা ।
অঙ্গাবপূর্ণা মাহেয়ী মত্স্যরাজসুতা সতী ॥ ৭৫ ॥
কৌমারী নারসিংহী চ বারাহী নবদুর্গিকা ।
চঞ্চলা চঞ্চলামোদা নারী ভুবনসুন্দরী ॥ ৭৬ ॥
দক্ষয়জ্ঞহরা দাক্ষী দক্ষকন্যা সুলোচনা ।
রতিরূপা রতিপ্রীতা রতিশ্রেষ্ঠা রতিপ্রদা ॥ ৭৭ ॥
রতির্লক্ষ্মণগেহস্থা বিরজা ভুবনেশ্বরী ।
শঙ্কাস্পদা হরের্জায়া জামাতৃকুলবন্দিতা ॥ ৭৮ ॥
বকুলা বকুলামোদধারিণী য়মুনা জয়া ।
বিজয়া জয়পত্নী চ য়মলার্জুনভঞ্জিনী ॥ ৭৯ ॥
বক্রেশ্বরী বক্ররূপা বক্রবীক্ষণবীক্ষিতা ।
অপরাজিতা জগন্নাথা জগন্নাথেশ্বরী য়তিঃ ॥ ৮০ ॥
খেচরী খেচরসুতা খেচরত্বপ্রদায়িনী ।
বিষ্ণুবক্ষঃস্থলস্থা চ বিষ্ণুভাবনতত্পরা ॥ ৮১ ॥
চন্দ্রকোটিসুগাত্রী চ চন্দ্রাননমনোহরী ।
সেবাসেব্যা শিবা ক্ষেমা তথা ক্ষেমকারী বধূঃ ॥ ৮২ ॥
য়াদবেন্দ্রবধূঃ সেব্যা শিবভক্তা শিবান্বিতা ।
কেবলা নিষ্ফলা সূক্ষ্মা মহাভীমাঽভয়প্রদা ॥ ৮৩ ॥
জীমূতরূপা জৈমূতী জিতামিত্রপ্রমোদিনী ।
গোপালবনিতা নন্দা কুলজেন্দ্রনিবাসিনী ॥ ৮৪ ॥
জয়ন্তী য়মুনাঙ্গী চ য়মুনাতোষকারিণী ।
কলিকল্মষভঙ্গা চ কলিকল্মষনাশিনী ॥ ৮৫ ॥
কলিকল্মষরূপা চ নিত্যানন্দকরী কৃপা ।
কৃপাবতী কুলবতী কৈলাসাচলবাসিনী ॥ ৮৬ ॥
বামদেবী বামভাগা গোবিন্দপ্রিয়কারিণী ।
নরেন্দ্রকন্যা য়োগেশী য়োগিনী য়োগরূপিণী ॥ ৮৭ ॥
য়োগসিদ্ধা সিদ্ধরূপা সিদ্ধক্ষেত্রনিবাসিনী ।
ক্ষেত্রাধিষ্ঠাতৃরূপা চ ক্ষেত্রাতীতা কুলপ্রদা ॥ ৮৮ ॥
কেশবানন্দদাত্রী চ কেশবানন্দদায়িনী ।
কেশবা কেশবপ্রীতা কেশবী কেশবপ্রিয়া ॥ ৮৯ ॥
রাসক্রীডাকরী রাসবাসিনী রাসসুন্দরী ।
গোকুলান্বিতদেহা চ গোকুলত্বপ্রদায়িনী ॥ ৯০ ॥
লবঙ্গনাম্নী নারঙ্গী নারঙ্গকুলমণ্ডনা ।
এলালবঙ্গকর্পূরমুখবাসমুখান্বিতা ॥ ৯১ ॥
মুখ্যা মুখ্যপ্রদা মুখ্যরূপা মুখ্যনিবাসিনী ।
নারায়ণী কৃপাতীতা করুণাময়কারিণী ॥ ৯২ ॥
কারুণ্যা করুণা কর্ণা গোকর্ণা নাগকর্ণিকা ।
সর্পিণী কৌলিনী ক্ষেত্রবাসিনী জগদন্বয়া ॥ ৯৩ ॥
জটিলা কুটিলা নীলা নীলাম্বরধরা শুভা ।
নীলাম্বরবিধাত্রী চ নীলকণ্ঠপ্রিয়া তথা ॥ ৯৪ ॥
ভগিনী ভাগিনী ভোগ্যা কৃষ্ণভোগ্যা ভগেশ্বরী ।
বলেশ্বরী বলারাধ্যা কান্তা কান্তনিতম্বিনী ॥ ৯৫ ॥
নিতম্বিনী রূপবতী য়ুবতী কৃষ্ণপীবরী ।
বিভাবরী বেত্রবতী সঙ্কটা কুটিলালকা ॥ ৯৬ ॥
নারায়ণপ্রিয়া শৈলা সৃক্কণীপরিমোহিতা ।
দৃক্পাতমোহিতা প্রাতরাশিনী নবনীতিকা ॥ ৯৭ ॥
নবীনা নবনারী চ নারঙ্গফলশোভিতা ।
হৈমী হেমমুখী চন্দ্রমুখী শশিসুশোভনা ॥ ৯৮ ॥
অর্ধচন্দ্রধরা চন্দ্রবল্লভা রোহিণী তমিঃ ।
তিমিঙ্গ্লকুলামোদমত্স্যরূপাঙ্গহারিণী ॥ ৯৯ ॥
কারিণী সর্বভূতানাং কার্যাতীতা কিশোরিণী ।
কিশোরবল্লভা কেশকারিকা কামকারিকা ॥ ১০০ ॥
কামেশ্বরী কামকলা কালিন্দীকূলদীপিকা ।
কলিন্দতনয়াতীরবাসিনী তীরগেহিনী ॥ ১০১ ॥
কাদম্বরীপানপরা কুসুমামোদধারিণী ।
কুমুদা কুমুদানন্দা কৃষ্ণেশী কামবল্লভা ॥ ১০২ ॥
তর্কালী বৈজয়ন্তী চ নিম্বদাডিমরূপিণী ।
বিল্ববৃক্ষপ্রিয়া কৃষ্ণাম্বরা বিল্বোপমস্তনী ॥ ১০৩ ॥
বিল্বাত্মিকা বিল্ববপুর্বিল্ববৃক্ষনিবাসিনী ।
তুলসীতোষিকা তৈতিলানন্দপরিতোষিকা ॥ ১০৪ ॥
গজমুক্তা মহামুক্তা মহামুক্তিফলপ্রদা ।
অনঙ্গমোহিনী শক্তিরূপা শক্তিস্বরূপিণী ॥ ১০৫ ॥
পঞ্চশক্তিস্বরূপা চ শৈশবানন্দকারিণী ।
গজেন্দ্রগামিনী শ্যামলতাঽনঙ্গলতা তথা ॥ ১০৬ ॥
য়োষিচ্ছ্ক্তিস্বরূপা চ য়োষিদানন্দকারিণী ।
প্রেমপ্রিয়া প্রেমরূপা প্রেমানন্দতরঙ্গিণী ॥ ১০৭ ॥
প্রেমহারা প্রেমদাত্রী প্রেমশক্তিময়ী তথা ।
কৃষ্ণপ্রেমবতী ধন্যা কৃষ্ণপ্রেমতরঙ্গিণী ॥ ১০৮ ॥
প্রেমভক্তিপ্রদা প্রেমা প্রেমানন্দতরঙ্গিণী ।
প্রেমক্রীডাপরীতাঙ্গী প্রেমভক্তিতরঙ্গিণী ॥ ১০৯ ॥
প্রেমার্থদায়িনী সর্বশ্বেতা নিত্যতরঙ্গিণী ।
হাবভাবান্বিতা রৌদ্রা রুদ্রানন্দপ্রকাশিনী ॥ ১১০ ॥
কপিলা শৃঙ্খলা কেশপাশসম্বন্ধিনী ঘটী ।
কুটীরবাসিনী ধূম্রা ধূম্রকেশা জলোদরী ॥ ১১১ ॥
ব্রহ্মাণ্ডগোচরা ব্রহ্মরূপিণী ভবভাবিনী ।
সংসারনাশিনী শৈবা শৈবলানন্দদায়িনী ॥ ১১২ ॥
শিশিরা হেমরাগাঢ্যা মেঘরূপাতিসুন্দরী ।
মনোরমা বেগবতী বেগাঢ্যা বেদবাদিনী ॥ ১১৩ ॥
দয়ান্বিতা দয়াধারা দয়ারূপা সুসেবিনী ।
কিশোরসঙ্গসংসর্গা গৌরচন্দ্রাননা কলা ॥ ১১৪ ॥
কলাধিনাথবদনা কলানাথাধিরোহিণী ।
বিরাগকুশলা হেমপিঙ্গলা হেমমণ্ডনা ॥ ১১৫ ॥
ভাণ্ডীরতালবনগা কৈবর্তী পীবরী শুকী ।
শুকদেবগুণাতীতা শুকদেবপ্রিয়া সখী ॥ ১১৬ ॥
বিকলোত্কর্ষিণী কোষা কৌষেয়াম্বরধারিণী ।
কোষাবরী কোষরূপা জগদুত্পত্তিকারিকা ॥ ১১৭ ॥
সৃষ্টিস্থিতিকরী সংহারিণী সংহারকারিণী ।
কেশশৈবলধাত্রী চ চন্দ্রগাত্রী সুকোমলা ॥ ১১৮ ॥
পদ্মাঙ্গরাগসংরাগা বিন্ধ্যাদ্রিপরিবাসিণী ।
বিন্ধ্যালয়া শ্যামসখী সখী সংসাররাগিণী ॥ ১১৯ ॥
ভূতা ভবিষ্যা ভব্যা চ ভব্যগাত্রা ভবাতিগা ।
ভবনাশান্তকারিণ্যাকাশরূপা সুবেশিনী ॥ ১২০ ॥
রতিরঙ্গপরিত্যাগা রতিবেগা রতিপ্রদা ।
তেজস্বিনী তেজোরূপ কৈবল্যপথদা শুভা ॥ ১২১ ॥
ভক্তিহেতুর্মুক্তিহেতুলঙ্ঘিনী লঙ্ঘনক্ষমা ।
বিশালনেত্রা বৈসালী বিশালকুলসম্ভবা ॥ ১২২ ॥
বিশালগৃহবাসা চ বিশালবদরীরতিঃ ।
ভক্ত্ত্যতীতা ভক্তগতির্ভক্তিকা শিবভক্তিদা ॥ ১২৩ ॥
শিবশক্তিস্বরূপা চ শিবার্ধাঙ্গবিহারিণী ।
শিরীষকুসুমামোদা শিরীষকুসুমোজ্জ্বলা ॥ ১২৪ ॥
শিরীষমৃদ্ধী শৈরীষী শিরীষকুসুমাকৃতিঃ ।
বামাঙ্গহারিণী বিষ্ণোঃ শিবভক্তিসুখান্বিতা ॥ ১২৫ ॥
বিজিতা বিজিতামোদা গণগা গণতোষিতা ।
হয়াস্যা হেরম্বসুতা গণমাতা সুখেশ্বরী ॥ ১২৬ ॥
দুঃখহন্ত্রী দুঃখহরা সেবিতেপ্সিতসর্বদা ।
সর্বজ্ঞত্ববিধাত্রী চ কুলক্ষেত্রনিবাসিনী ॥ ১২৭ ॥
লবঙ্গা পাণ্ডবসখী সখীমধ্যনিবাসিনী ।
গ্রাম্যগীতা গয়া গম্যা গমনাতীতনির্ভরা ॥ ১২৮ ॥
সর্বাঙ্গসুন্দরী গঙ্গা গঙ্গাজলময়ী তথা ।
গঙ্গেরিতা পূতগাত্রা পবিত্রকুলদীপিকা ॥ ১২৯ ॥
পবিত্রগুণশীলাঢ্যা পবিত্রানন্দদায়িনী ।
পবিত্রগুণশীলাঢ্যা পবিত্রকুলদীপিনী ॥ ১৩০ ॥
কল্পমানা কংসহরা বিন্ধ্যাচলনিবাসিনী ।
গোবর্ধনেশ্বরী গোবর্ধনহাস্যা হয়াকৃতিঃ ॥ ১৩১ ॥
মীনাবতারা মিনেশী গগনেশী হয়া গজী ।
হরিণী হরিণী হারধারিণী কনকাকৃতিঃ ॥ ১৩২ ॥
বিদ্যুত্প্রভা বিপ্রমাতা গোপমাতা গয়েশ্বরী ।
গবেশ্বরী গবেশী চ গবীশী গবিবাসিনী ॥ ১৩৩ ॥
গতিজ্ঞা গীতকুশলা দনুজেন্দ্রনিবারিণী ।
নির্বাণদাত্রী নৈর্বাণী হেতুয়ুক্তা গয়োত্তরা ॥ ১৩৪ ॥
পর্বতাধিনিবাসা চ নিবাসকুশলা তথা ।
সংন্যাসধর্মকুশলা সংন্যাসেশী শরন্মুখী ॥ ১৩৫ ॥
শরচ্চন্দ্রমুখী শ্যামহারা ক্ষেত্রনিবাসিনী ।
বসন্তরাগসংরাগা বসন্তবসনাকৃতিঃ ॥ ১৩৬ ॥
চতুর্ভুজা ষড্ভুজা দ্বিভুজা গৌরবিগ্রহা ।
সহস্রাস্যা বিহাস্যা চ মুদ্রাস্যা মদদায়িনী ॥ ১৩৭ ॥
প্রাণপ্রিয়া প্রাণরূপা প্রাণরূপিণ্যপাবৃতা ।
কৃষ্ণপ্রীতা কৃষ্ণরতা কৃষ্ণতোষণতত্পরা ॥ ১৩৮ ॥
কৃষ্ণপ্রেমরতা কৃষ্ণভক্তা ভক্তফলপ্রদা ।
কৃষ্ণপ্রেমা প্রেমভক্তা হরিভক্তিপ্রদায়িনী ॥ ১৩৯ ॥
চৈতন্যরূপা চৈতন্যপ্রিয়া চৈতন্যরূপিণী ।
উগ্ররূপা শিবক্রোডা কৃষ্ণক্রোডা জলোদরী ॥ ১৪০ ॥
মহোদরী মহাদুর্গকান্তারসুস্থবাসিনী ।
চন্দ্রাবলী চন্দ্রকেশী চন্দ্রপ্রেমতরঙ্গিণী ॥ ১৪১ ॥
সমুদ্রমথনোদ্ভূতা সমুদ্রজলবাসিনী ।
সমুদ্রামৃতরুপা চ সমুদ্রজলবাসিকা ॥ ১৪২ ॥
কেশপাশরতা নিদ্রা ক্ষুধা প্রেমতরঙ্গিকা ।
দূর্বাদলশ্যামতনুর্দূর্বাদলতনুচ্ছবিঃ ॥ ১৪৩ ॥
নাগরা নাগরিরাগা নাগরানন্দকারিণী ।
নাগরালিঙ্গনপরা নাগরাঙ্গনমঙ্গলা ॥ ১৪৪ ॥
উচ্চনীচা হৈমবতী প্রিয়া কৃষ্ণতরঙ্গদা ।
প্রেমালিঙ্গনসিদ্ধাঙ্গী সিদ্ধা সাধ্যবিলাসিকা ॥ ১৪৫ ॥
মঙ্গলামোদজননী মেখলামোদধারিণী ।
রত্নমঞ্জীরভূষাঙ্গী রত্নভূষণভূষণা ॥ ১৪৬ ॥
জম্বালমালিকা কৃষ্ণপ্রাণা প্রাণবিমোচনা ।
সত্যপ্রদা সত্যবতী সেবকানন্দদায়িকা ॥ ১৪৭ ॥
জগদ্যোনির্জগদ্বীজা বিচিত্রমণিভূষণা ।
রাধারমণকান্তা চ রাধ্যা রাধনরূপিণী ॥ ১৪৮ ॥
কৈলাসবাসিনী কৃষ্ণপ্রাণসর্বস্বদায়িনী ।
কৃষ্ণাবতারনিরতা কৃষ্ণভক্তফলার্থিনী ॥ ১৪৯ ॥
য়াচকায়াচকানন্দকারিণী য়াচকোজ্জ্বলা ।
হরিভূষণভুষাঢ্যাঽঽনন্দয়ুক্তাঽঽর্দ্রপদগা ॥ ১৫০ ॥
হৈহৈতালধরা থৈথৈশব্দশক্তিপ্রকাশিনী ।
হেহেশব্দস্বরুপা চ হিহিবাক্যবিশারদা ॥ ১৫১ ॥
জগদানন্দকর্ত্রী চ সান্দ্রানন্দবিশারদা ।
পণ্ডিতা পণ্ডিতগুণা পণ্ডিতানন্দকারিণী ॥ ১৫২ ॥
পরিপালনকর্ত্রী চ তথা স্থিতিবিনোদিনী ।
তথা সম্হারশব্দাঢ্যা বিদ্বজ্জনমনোহরা ॥ ১৫৩ ॥
বিদুষাং প্রীতিজননী বিদ্বত্প্রেমবিবর্ধিনী ।
নাদেশী নাদরূপা চ নাদবিন্দুবিধারিণী ॥ ১৫৪ ॥
শূন্যস্থানস্থিতা শূন্যরূপপাদপবাসিনী ।
কার্ত্তিকব্রতকর্ত্রী চ বসনাহারিণী তথা ॥ ১৫৫ ॥
জলশায়া জলতলা শিলাতলনিবাসিনী ।
ক্ষুদ্রকীটাঙ্গসংসর্গা সঙ্গদোশবিনাশিনী ॥ ১৫৬ ॥
কোটিকন্দর্পলাবণ্যা কন্দর্পকোটিসুন্দরী ।
কন্দর্পকোটিজননী কামবীজপ্রদায়িনী ॥ ১৫৭ ॥
কামশাস্ত্রবিনোদা চ কামশাস্ত্রপ্রকাশিনী ।
কামপ্রকাশিকা কামিন্যণিমাদ্যষ্টসিদ্ধিদা ॥ ১৫৮ ॥
য়ামিনী য়ামিনীনাথবদনা য়ামিনীশ্বরী ।
য়াগয়োগহরা ভুক্তিমুক্তিদাত্রী হিরণ্যদা ॥ ১৫৯ ॥
কপালমালিনী দেবী ধামরূপিণ্যপূর্বদা ।
কৃপান্বিতা গুণা গৌণ্যা গুণাতীতফলপ্রদা ॥ ১৬০ ॥
কুষ্মাণ্ডভূতবেতালনাশিনী শরদান্বিতা ।
শীতলা শবলা হেলা লীলা লাবণ্যমঙ্গলা ॥ ১৬১ ॥
বিদ্যার্থিনী বিদ্যমানা বিদ্যা বিদ্যাস্বরূপিণী ।
আন্বীক্ষিকী শাস্ত্ররূপা শাস্ত্রসিদ্ধান্তকারিণী ॥ ১৬২ ॥
নাগেন্দ্রা নাগমাতা চ ক্রীডাকৌতুকরূপিণী ।
হরিভাবনশীলা চ হরিতোষণতত্পরা ॥ ১৬৩ ॥
হরিপ্রাণা হরপ্রাণা শিবপ্রাণা শিবান্বিতা ।
নরকার্ণবসংহন্ত্রী নরকার্ণবনাশিনী ॥ ১৬৪ ॥
নরেশ্বরী নরাতীতা নরসেব্যা নরাঙ্গনা ।
য়শোদানন্দনপ্রাণবল্লভা হরিবল্লভা ॥ ১৬৫ ॥
য়শোদানন্দনারম্যা য়শোদানন্দনেশ্বরী ।
য়শোদানন্দনাক্রিডা য়শোদাক্রোডবাসিনী ॥ ১৬৬ ॥
য়শোদানন্দনপ্রাণা য়শোদানন্দনার্থদা ।
বত্সলা কৌশলা কালা করুণার্ণবরূপিণী ॥ ১৬৭ ॥
স্বর্গলক্ষ্মীর্ভূমিলক্ষ্মীর্দ্রৌপদী পাণ্ডবপ্রিয়া ।
তথার্জুনসখী ভৌমী ভৈমী ভীমকুলোদ্ভবা ॥ ১৬৮ ॥
ভুবনা মোহনা ক্ষীণা পানাসক্ততরা তথা ।
পানার্থিনী পানপাত্রা পানপানন্দদায়িনী ॥ ১৬৯ ॥
দুগ্ধমন্থনকর্মাঢ্যা দুগ্ধমন্থনতত্পরা ।
দধিভাণ্ডার্থিনী কৃষ্ণক্রোধিনী নন্দনাঙ্গনা ॥ ১৭০ ॥
ঘৃতলিপ্তা তক্রয়ুক্তা য়মুনাপারকৌতুকা ।
বিচিত্রকথকা কৃষ্ণহাস্যভাষণতত্পরা ॥ ১৭১ ॥
গোপাঙ্গনাবেষ্টিতা চ কৃষ্ণসঙ্গার্থিনী তথা ।
রাসাসক্তা রাসরতিরাসবাসক্তবাসনা ॥ ১৭২ ॥
হরিদ্রা হরিতা হারিণ্যানন্দার্পিতচেতনা ।
নিশ্চৈতন্যা চ নিশ্চেতা তথা দারুহরিদ্রিকা ॥ ১৭৩ ॥
সুবলস্য স্বসা কৃষ্ণভার্যা ভাষাতিবেগিনী ।
শ্রীদামস্য শখী দামদামিনী দামধারিণী ॥ ১৭৪ ॥
কৈলাসিনী কেশিনী চ হরিদম্বরধারিণী ।
হরিসান্নিধ্যদাত্রী চ হরিকৌতুকমঙ্গলা ॥ ১৭৫ ॥
হরিপ্রদা হরিদ্বারা য়মুনাজলবাসিনী ।
জৈত্রপ্রদা জিতার্থী চ চতুরা চাতুরী তমী ॥ ১৭৬ ॥
তমিস্রাঽঽতাপরূপা চ রৌদ্ররূপা য়শোঽর্থিনী ।
কৃষ্ণার্থিনী কৃষ্ণকলা কৃষ্ণানন্দবিধায়িনী ॥ ১৭৭ ॥
কৃষ্ণার্থবাসনা কৃষ্ণরাগিনী ভবভাবিনী ।
কৃষ্ণার্থরহিতা ভক্তা ভক্তভক্তিশুভপ্রদা ॥ ১৭৮ ॥
শ্রীকৃষ্ণরহিতা দীনা তথা বিরহিণী হরেঃ ।
মথুরা মথুরারাজগেহভাবনভাবনা ॥ ১৭৯ ॥
শ্রীকৃষ্ণভাবনামোদা তথোঽন্মাদবিধায়িনী ।
কৃষ্ণার্থব্যাকুলা কৃষ্ণসারচর্মধরা শুভা ॥ ১৮০ ॥
অলকেশ্বরপূজ্যা চ কুবেরেশ্বরবল্লভা ।
ধনধান্যবিধাত্রী চ জায়া কায়া হয়া হয়ী ॥ ১৮১ ॥
প্রণবা প্রণবেশী চ প্রণবার্থস্বরূপিণী ।
ব্রহ্মবিষ্ণুশিবার্ধাঙ্গহারিণী শৈবশিংশপা ॥ ১৮২ ॥
রাক্ষসীনাশিনী ভূতপ্রেতপ্রাণবিনাশিনী ।
সকলেপ্সিতদাত্রী চ শচী সাধ্বী অরুন্ধতী ॥ ১৮৩ ॥
পতিব্রতা পতিপ্রাণা পতিবাক্যবিনোদিনী ।
অশেষসাধনী কল্পবাসিনী কল্পরূপিণী ॥ ১৮৪ ॥
॥ ফলশ্রুতী ॥
শ্রীমহাদেব উবাচ –
ইত্যেতত্ কথিতং দেবি রাধানামসহস্রকম্ ।
য়ঃ পঠেত্ পাঠয়দ্বাপি তস্য তুষ্যতি মাধবঃ ॥ ১৮৫ ॥
কিং তস্য য়মুনাভির্বা নদীভিঃ সর্বতঃ প্রিয়ে ।
কুরুক্ষেত্রাদিতীর্থৈশ্চ য়স্য তুষ্টো জনার্দনঃ ॥ ১৮৬ ॥
স্তোত্রস্যাস্য প্রসাদেন কিং ন সিধ্যতি ভূতলে ।
ব্রাহ্মণো ব্রহ্মবর্চাঃ স্যাত্ ক্ষত্রিয়ো জগতিপতিঃ ॥ ১৮৭ ॥
বৈশ্যো নিধিপতির্ভূয়াত্ শূদ্রো মুচ্যেত জন্মতঃ ।
ব্রহ্মহত্যাসুরাপানস্তেয়াদেরতিপাতকাত্ ॥ ১৮৮ ॥
সদ্যো মুচ্যেত দেবেশি সত্যং সত্যং ন সংশয়ঃ ।
রাধানামসহস্রস্য সমানং নাস্তি ভূতলে ॥ ১৮৯ ॥
স্বর্গে বাপ্যথ পাতালে গিরৌ ব জলতোঽপি বা ।
নাতঃ পরং শুভং স্তোত্রম্ তীর্থং নাতঃ পরং পরম্ ॥ ১৯০ ॥
একাদশ্যাং শুচির্ভূত্বা য়ঃ পঠেত্ সুসমাহিতঃ ।
তস্য সর্বার্থসিদ্ধিঃ স্যাচ্ছৃণুয়াদ্ বা সুশোভনে ॥ ১৯১ ॥
দ্বাদশ্যাং পৌর্ণমাস্যাং বা তুলসীসন্নিধৌ শিবে ।
য়ঃ পঠেত্ শৃণুয়াদ্বাপি তস্য তত্তত্ ফলং শৃণু ॥ ১৯২ ॥
অশ্বমেধং রাজসূয়ং বার্হস্পত্যং তথাঽঽত্রিকম্ ।
অতিরাত্রং বাজপেয়মগ্নিষ্টোমং তথা শুভম্ ॥ ১৯৩ ॥
কৃত্বা য়ত্ ফলমাপ্নোতি শ্রুত্বা তত্ ফলমাপ্নুয়াত্ ।
কার্ত্তিকে চাষ্টমীং প্রাপ্য পঠেদ্বা শৃণুয়াদপি ॥ ১৯৪ ॥
সহস্রয়ুগকল্পান্তং বৈকুণ্ঠবসতিং লভেত্ ।
ততশ্চ ব্রহ্মভবনে শিবস্য ভবনে পুনঃ ॥ ১৯৫ ॥
সুরাধিনাথভবনে পুনর্যাতি সলোকতাম্ ।
গঙ্গাতীরং সমাসাদ্য য়ঃ পঠেত্ শৃণুয়াদপি ॥ ১৯৬ ॥
বিষ্ণোঃ সারূপ্যমায়াতি সত্যং সত্যং সুরেশ্বরি ।
মম বক্ত্রগিরের্জাতা পার্বতীবদনাশ্রিতা ॥ ১৯৭ ॥
রাধানাথসহস্রাখ্যা নদী ত্রৈলোক্যপাবনী ।
পঠ্যতে হি ময়া নিত্যং ভক্ত্যা শক্ত্যা য়থোচিতম্ ॥ ১৯৮ ॥
মম প্রাণসমং হ্যন্যত্ত্ তব প্রীত্যা প্রকাশিতম্ ।
নাভক্তায় প্রদাতব্যং পাখণ্ডায় কদাচন ॥ ১৯৯ ॥
নাস্তিকায়াবিরাগায় রাগয়ুক্তায় সুন্দরি ।
তথা দেয়ং মহাস্তোত্রং হরিভক্তায় শঙ্করি ॥ ২০০ ॥
বৈষ্ণবেষু য়থাশক্তি দাত্রে পুণ্যার্থশালিনে ।
রাধানামসুধাবারি মম বক্ত্রসুধাম্বুধেঃ ॥ ২০১ ॥
উদ্ধৃতাসৌ ত্বয়া য়ত্নাত্ য়তস্ত্বং বৈষ্ণবাগ্রণীঃ ॥ ২০২ ॥
বিশুদ্ধসত্ত্বায় য়থার্থবাদিনে দ্বিজস্য সেবানিরতায় মন্ত্রিণে ।
দাত্রে য়থাশক্তি সুভক্তিমানসে রাধাপদধ্যানপরায় শোভনে ॥ ২০৩ ॥
হরিপাদাঙ্কমধুপমনোভূতায় মানসে ।
রাধাপাদসুধাস্বাদশালিনে বৈষ্ণবায় চ ॥ ২০৪ ॥
দদ্যাত্ স্তোত্রং মহাপুণ্যং হরিভক্তিপ্রসাধনম্ ।
জন্মান্তরং ন তস্যাস্তি রাধাকৃষ্ণপদার্থিনঃ ॥ ২০৫ ॥
মম প্রাণা বৈষ্ণবা হি তেষাং রক্ষার্থমেব হি ।
শূলং ময়া ধর্যতে হি নান্যথা মেঽত্র কারণম্ ॥ ২০৬ ॥
হরিভক্তিদ্বিষামর্থে শূলং সন্ধর্যতে ময়া ।
শৃণু দেবি য়থার্থং মে গদিতং ত্বয়ি সুব্রতে ॥ ২০৭ ॥
ভক্তাসি মে প্রিয়াসি ত্বমতঃ স্নেহাত্ প্রকাশিতম্ ।
কদাপি নোচ্যতে দেবি ময়া নামসহস্রকম্ ॥ ২০৮ ॥
ইতি নারদপঞ্চরাত্রে জ্ঞানামৃতসারতঃ
শ্রীরাধিকাসহস্রনামস্তোত্র সম্পূর্ণম্ ।
Also Read 1000 Names of Shri Radhika:
1000 Names of Sri Radhika | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil