Skandapurana Vishnu Sahasranamastotram Lyrics in Bengali:
॥ শ্রীবিষ্ণুসহস্রনামস্তোত্রম্ (স্কন্দপুরাণোক্ত)॥
শ্রীগণেশায় নমঃ ।
শ্রীলক্ষ্মীনারায়ণাভ্যাং নমঃ ।
দেবা ঊচুঃ –
ব্রহ্মন্কেন প্রকারেণ বিষ্ণুভক্তিঃ পরা ভবেত্ ।
তত্সর্বং শ্রোতুমিচ্ছামস্ত্বত্তো ব্রহ্মবিদাং বর ॥ ১ ॥
ব্রহ্মোবাচ –
শ্রূয়তাং ভোঃ সুরশ্রেষ্ঠা বিষ্ণুভক্তিমনুত্তমাম্ ।
শুক্লাম্বরধরং দেবং শশিবর্ণং চতুর্ভুজম্ ॥ ২ ॥
প্রসন্নবদনং ধ্যায়েত্সর্ববিঘ্নোপশান্তয়ে ।
লাভস্তেষাং জয়স্তেষাং কুতস্তেষাং পরাজয়ঃ ॥ ৩ ॥
য়েষামিন্দীবরশ্যামো হৃদয়স্থো জনার্দনঃ ।
অভীপ্সিতার্থসিদ্ধ্যর্থং পূজ্যতে য়ঃ সুরৈরপি ॥ ৪ ॥
সর্ববিঘ্নহরস্তস্মৈ গণাধিপতয়ে নমঃ ।
কল্পাদৌ সৃষ্টিকামেন প্রেরিতোঽহং চ শৌরিণা ॥ ৫ ॥
ন শক্তো বৈ প্রজাঃ কর্তুং বিষ্ণুধ্যানপরায়ণঃ ।
এতস্মিন্নন্তরে সদ্যো মার্কণ্ডেয়ো মহাঋষিঃ ॥ ৬ ॥
সর্বসিদ্ধেশ্বরো দান্তো দীর্ঘায়ুর্বিজিতেন্দ্রিয়ঃ ।
ময়াদৃষ্টোঽথগত্বাতং তদাহং সমুপস্থিতঃ ।
ততঃ প্রফুল্লনয়নৌ সত্কৃত্য চেতরেতরম্ ॥ ৭ ॥
পৃচ্ছমানৌ পরং স্বাস্থ্যং সুখাসীনৌ সুরোত্তমাঃ ।
তদা ময়া স পৃষ্টো বৈ মার্কণ্ডেয়ো মহামুনিঃ ॥ ৮ ॥
ভগবন্কেন প্রকারেণ প্রজা মেঽনাময়া ভবেত্ ।
তত্সর্বং শ্রোতুমিচ্ছামি ভগবন্মুনিবন্দিত ॥ ৯ ॥
শ্রীমার্কণ্ডেয় উবাচ –
বিষ্ণুভক্তিঃ পরা নিত্যা সর্বার্তিদুঃখনাশিনী ।
সর্বপাপহরা পুণ্যা সর্বসুখপ্রদায়িনী ॥ ১০ ॥
এষা ব্রাহ্মী মহাবিদ্যা ন দেয়া য়স্য কস্যচিত্ ।
কৃতঘ্নায় হ্যশিষ্যায় নাস্তিকায়ানৃতায় চ ॥ ১১ ॥
ঈর্ষ্যকায় চ রূক্ষায় কামিকায় কদাচন ।
তদ্গতং সর্বং বিঘ্নন্তিয়ত্তদ্ধর্মং সনাতনম্ ॥ ১২ ॥
এতদ্গুহ্যতমং শাস্ত্রং সর্বপাপপ্রণাশনম্ ।
পবিত্রং চ পবিত্রাণাং পাবনানাং চ পাবনম্ ॥ ১৩ ॥
বিষ্ণোর্নামসহস্রং চ বিষ্ণুভক্তিকরং শুভম্ ।
সর্বসিদ্ধিকরং নৃণাং ভুক্তিমুক্তিপ্রদং শুভম্ ॥ ১৪ ॥
অস্য শ্রীবিষ্ণুসহস্রনামস্তোত্রমন্ত্রস্য মার্কণ্ডেয় ঋষিঃ ।
বিষ্ণুর্দেবতাঃ । অনুষ্টুপ্চ্ছন্দঃ । সর্বকামানবাপ্ত্যর্থে জপে বিনিয়োগঃ ॥
অথ ধ্যানম্ ।
সজলজলদনীলং দর্শিতোদারশীলং
করতলধৃতশৈলং বেণুবাদ্যে রসালম্ ।
ব্রজজন কুলপালং কামিনীকেলিলোলং
তরুণতুলসিমালং নৌমি গোপালবালম্ ॥ ১৫ ॥
ওঁ বিশ্বং বিষ্ণুর্হৃষীকেশঃ সর্বাত্মা সর্বভাবনঃ ।
সর্বগঃ শর্বরীনাথো ভূতগ্রামাঽঽশয়াশয়ঃ ॥ ১৬ ॥
অনাদিনিধনো দেবঃ সর্বজ্ঞঃ সর্বসম্ভবঃ ।
সর্বব্যাপী জগদ্ধাতা সর্বশক্তিধরোঽনঘঃ ॥ ১৭ ॥
জগদ্বীজং জগত্স্রষ্টা জগদীশো জগত্পতিঃ ।
জগদ্গুরুর্জগন্নাথো জগদ্ধাতা জগন্ময়ঃ ॥ ১৮ ॥
সর্বাঽঽকৃতিধরঃ সর্ববিশ্বরূপী জনার্দনঃ ।
অজন্মা শাশ্বতো নিত্যো বিশ্বাধারো বিভুঃ প্রভুঃ ॥ ১৯ ॥
বহুরূপৈকরূপশ্চ সর্বরূপধরো হরঃ ।
কালাগ্নিপ্রভবো বায়ুঃ প্রলয়ান্তকরোঽক্ষয়ঃ ॥ ২০ ॥
মহার্ণবো মহামেঘো জলবুদ্বুদসম্ভবঃ ।
সংস্কৃতো বিকৃতো মত্স্যো মহামত্স্যস্তিমিঙ্গিলঃ ॥ ২১ ॥
অনন্তো বাসুকিঃ শেষো বরাহো ধরণীধরঃ ।
পয়ঃক্ষীর বিবেকাঢ্যো হংসো হৈমগিরিস্থিতঃ ॥ ২২ ॥
হয়গ্রীবো বিশালাক্ষো হয়কর্ণো হয়াকৃতিঃ ।
মন্থনো রত্নহারী চ কূর্মো ধরধরাধরঃ ॥ ২৩ ॥
বিনিদ্রো নিদ্রিতো নন্দী সুনন্দো নন্দনপ্রিয়ঃ ।
নাভিনালমৃণালী চ স্বয়ম্ভূশ্চতুরাননঃ ॥ ২৪ ॥
প্রজাপতিপরো দক্ষঃ সৃষ্টিকর্তা প্রজাকরঃ ।
মরীচিঃ কশ্যপো দক্ষঃ সুরাসুরগুরুঃ কবিঃ ॥ ২৫ ॥
বামনো বামমার্গী চ বামকর্মা বৃহদ্বপুঃ ।
ত্রৈলোক্যক্রমণো দীপো বলিয়জ্ঞবিনাশনঃ ॥ ২৬ ॥
য়জ্ঞহর্তা য়জ্ঞকর্তা য়জ্ঞেশো য়জ্ঞভুগ্বিভুঃ ।
সহস্রাংশুর্ভগো ভানুর্বিবস্বান্রবিরংশুমান্ ॥ ২৭ ॥
তিগ্মতেজাশ্চাল্পতেজাঃ কর্মসাক্ষী মনুর্যমঃ ।
দেবরাজঃ সুরপতির্দানবারিঃ শচীপতিঃ ॥ ২৮ ॥
অগ্নির্বায়ুসখো বহ্নির্বরুণো য়াদসাম্পতিঃ ।
নৈরৃতো নাদনোঽনাদী রক্ষয়ক্ষোধনাধিপঃ ॥ ২৯ ॥
কুবেরো বিত্তবান্বেগো বসুপালো বিলাসকৃত্ ।
অমৃতস্রবণঃ সোমঃ সোমপানকরঃ সুধীঃ ॥ ৩০ ॥
সর্বৌষধিকরঃ শ্রীমান্নিশাকরদিবাকরঃ ।
বিষারির্বিষহর্তা চ বিষকণ্ঠধরো গিরিঃ ॥ ৩১ ॥
নীলকণ্ঠো বৃষী রুদ্রো ভালচন্দ্রো হ্যুমাপতিঃ ।
শিবঃ শান্তো বশী বীরো ধ্যানী মানী চ মানদঃ ॥ ৩২ ॥
কৃমিকীটো মৃগব্যাধো মৃগহা মৃগলাঞ্ছনঃ ।
বটুকো ভৈরবো বালঃ কপালী দণ্ডবিগ্রহঃ ॥ ৩৩ ॥
স্মশানবাসী মাংসাশী দুষ্টনাশী বরান্তকৃত্ ।
য়োগিনীত্রাসকো য়োগী ধ্যানস্থো ধ্যানবাসনঃ ॥ ৩৪ ॥
সেনানীঃ সৈন্যদঃ(সেনদঃ) স্কন্দো মহাকালো গণাধিপঃ ।
আদিদেবো গণপতির্বিঘ্নহা বিঘ্ননাশনঃ ॥ ৩৫ ॥
ঋদ্ধিসিদ্ধিপ্রদো দন্তী ভালচন্দ্রো গজাননঃ ।
নৃসিংহ উগ্রদংষ্ট্রশ্চ নখী দানবনাশকৃত্ ॥ ৩৬ ॥
প্রহ্লাদপোষকর্তা চ সর্বদৈত্যজনেশ্বরঃ ।
শলভঃ সাগরঃ সাক্ষী কল্পদ্রুমবিকল্পকঃ ॥ ৩৭ ॥
হেমদো হেমভাগীচ হিমকর্তা হিমাচলঃ ।
ভূধরো ভূমিদো মেরুঃ কৈলাসশিখরো গিরিঃ ॥ ৩৮ ॥
লোকালোকান্তরো লোকী বিলোকী ভুবনেশ্বরঃ ।
দিক্পালো দিক্পতির্দিব্যো দিব্যকায়ো জিতেন্দ্রিয়ঃ ॥ ৩৯ ॥
বিরূপো রূপবান্রাগী নৃত্যগীতবিশারদঃ ।
হাহা হূহূশ্চিত্ররথো দেবর্ষির্নারদঃ সখা ॥ ৪০ ॥
বিশ্বেদেবাঃ সাধ্যদেবা ধৃতাশীশ্চ চলোঽচলঃ ।
কপিলো জল্পকো বাদী দত্তো হৈহয়সঙ্ঘরাট্ ॥ ৪১ ॥
বসিষ্ঠো বামদেবশ্চ সপ্তর্ষিপ্রবরো ভৃগুঃ ।
জামদগ্ন্যো মহাবীরঃ ক্ষত্রিয়ান্তকরো হ্যৃষিঃ ॥ ৪২ ॥
হিরণ্যকশিপুশ্চৈব হিরণ্যাক্ষো হরপ্রিয়ঃ ।
অগস্তিঃ পুলহো দক্ষঃ পৌলস্ত্যো রাবণো ঘটঃ ॥ ৪৩ ॥
দেবারিস্তাপসস্তাপী বিভীষণহরিপ্রিয়ঃ ।
তেজস্বী তেজদস্তেজী ঈশো রাজপতিঃ প্রভুঃ ॥ ৪৪ ॥
দাশরথী রাঘবো রামো রঘুবংশবিবর্ধনঃ ।
সীতাপতিঃ পতিঃ শ্রীমান্ব্রহ্মণ্যো ভক্তবত্সলঃ ॥ ৪৫ ॥
সন্নদ্ধঃ কবচী খড্গী চীরবাসা দিগম্বরঃ ।
কিরীটী কুডলী চাপী শঙ্খচক্রী গদাধরঃ ॥ ৪৬ ॥
কৌসল্যানন্দনোদারো ভূমিশায়ী গুহপ্রিয়ঃ ।
সৌমিত্রো ভরতো বালঃ শত্রুঘ্নো ভরতাঽগ্রজঃ ॥ ৪৭ ॥
লক্ষ্মণঃ পরবীরঘ্নঃ স্ত্রীসহায়ঃ কপীশ্বরঃ ।
হনুমানৃক্ষরাজশ্চ সুগ্রীবো বালিনাশনঃ ॥ ৪৮ ॥
দূতপ্রিয়ো দূতকারী হ্যঙ্গদো গদতাং বরঃ ।
বনধ্বংসী বনী বেগো বানরধ্বজ লাঙ্গুলী ॥ ৪৯ ॥
রবিদংষ্ট্রী চ লঙ্কাহা হাহাকারো বরপ্রদঃ ।
ভবসেতুর্মহাসেতুর্বদ্ধসেতূ রমেশ্বরঃ ॥ ৫০ ॥ ( var রামেশ্বরঃ)
জানকীবল্লভঃ কামী কিরীটী কুণ্ডলী খগী ।
পুণ্ডরীকবিশালাক্ষো মহাবাহুর্ঘনাকৃতিঃ ॥ ৫১ ॥
চঞ্চলশ্চপলঃ কামী বামী বামাঙ্গবত্সলঃ ।
স্ত্রীপ্রিয়ঃ স্ত্রীপরঃ স্ত্রৈণঃ স্ত্রিয়ো বামাড্গবাসকঃ ॥ ৫২ ॥
জিতবৈরী জিতকামো জিতক্রোধো জিতেন্দ্রিয়ঃ ।
শান্তো দান্তো দয়ারামো হ্যেকস্ত্রীব্রতধারকঃ ॥ ৫৩ ॥
সাত্ত্বিকঃ সত্ত্বসংস্থানো মদহা ক্রোধহা খরঃ ।
বহুরাক্ষস সম্বীতঃ সর্বরাক্ষসনাশকৃত্ ॥ ৫৪ ॥
রাবণারী রণক্ষুদ্র দশমস্তকচ্ছেদকঃ ।
রাজ্যকারী য়জ্ঞকারী দাতা ভোক্তা তপোধনঃ ॥ ৫৫ ॥
অয়োধ্যাধিপতিঃ কান্তো বৈকুণ্ঠোঽকুণ্ঠবিগ্রহঃ ।
সত্যব্রতো ব্রতী শূরস্তপী সত্যফলপ্রদঃ ॥ ৫৬ ॥
সর্বসাক্ষীঃ সর্বগশ্চ সর্বপ্রাণহরোঽব্যয়ঃ ।
প্রাণশ্চাথাপ্যপানশ্চ ব্যানোদানঃ সমানকঃ ॥ ৫৭ ॥
নাগঃ কৃকলঃ কূর্মশ্চ দেবদত্তো ধনঞ্জয়ঃ ।
সর্বপ্রাণবিদো ব্যাপী য়োগধারকধারকঃ ॥ ৫৮ ॥
তত্ত্ববিত্তত্ত্বদস্তত্ত্বী সর্বতত্ত্ববিশারদঃ ।
ধ্যানস্থো ধ্যানশালী চ মনস্বী য়োগবিত্তমঃ ॥ ৫৯ ॥
ব্রহ্মজ্ঞো ব্রহ্মদো বহ্মজ্ঞাতা চ ব্রহ্মসম্ভবঃ ।
অধ্যাত্মবিদ্বিদো দীপো জ্যোতীরূপো নিরঞ্জনঃ ॥ ৬০ ॥
জ্ঞানদোঽজ্ঞানহা জ্ঞানী গুরুঃ শিষ্যোপদেশকঃ ।
সুশিষ্যঃ শিক্ষিতঃ শালী শিষ্যশিক্ষাবিশারদঃ ॥ ৬১ ॥
মন্ত্রদো মন্ত্রহা মন্ত্রী তন্ত্রী তন্ত্রজনপ্রিয়ঃ ।
সন্মন্ত্রো মন্ত্রবিন্মন্ত্রী য়ন্ত্রমন্ত্রৈকভঞ্জনঃ ॥ ৬২ ॥
মারণো মোহনো মোহী স্তম্ভোচ্চাটনকৃত্খলঃ ।
বহুমায়ো বিমায়শ্চ মহামায়াবিমোহকঃ ॥ ৬৩ ॥
মোক্ষদো বন্ধকো বন্দী হ্যাকর্ষণবিকর্ষণঃ ।
হ্রীঙ্কারো বীজরূপী চ ক্লীঙ্কারঃ কীলকাধিপঃ ॥ ৬৪ ॥
সৌঙ্কার শক্তিমাঞ্চ্ছক্তিঃ সর্বশক্তিধরো ধরঃ । ( var শক্তিয়াঞ্চ্ছক্তিঃ)
অকারোকার ওঙ্কারশ্ছন্দোগায়ত্রসম্ভবঃ ॥ ৬৫ ॥
বেদো বেদবিদো বেদী বেদাধ্যায়ী সদাশিবঃ ।
ঋগ্যজুঃসামাথর্বেশঃ সামগানকরোঽকরী ॥ ৬৬ ॥
ত্রিপদো বহুপাদী চ শতপথঃ সর্বতোমুখঃ ।
প্রাকৃতঃ সংস্কৃতো য়োগী গীতগ্রন্থপ্রহেলিকঃ ॥ ৬৭ ॥
সগুণো বিগুণশ্ছন্দো নিঃসঙ্গো বিগুণো গুণী ।
নির্গুণো গুণবান্সঙ্গী কর্মী ধর্মী চ কর্মদঃ ॥ ৬৮ ॥
নিষ্কর্মা কামকামী চ নিঃসঙ্গঃ সঙ্গবর্জিতঃ ।
নির্লোভো নিরহঙ্কারী নিষ্কিঞ্চনজনপ্রিয়ঃ ॥ ৬৯ ॥
সর্বসঙ্গকরো রাগী সর্বত্যাগী বহিশ্চরঃ ।
একপাদো দ্বিপাদশ্চ বহুপাদোঽল্পপাদকঃ ॥ ৭০ ॥
দ্বিপদস্ত্রিপদোঽপাদী বিপাদী পদসঙ্গ্রহঃ ।
খেচরো ভূচরো ভ্রামী ভৃঙ্গকীটমধুপ্রিয়ঃ ॥ ৭১ ॥
ক্রতুঃ সম্বত্সরো মাসো গণিতার্কোহ্যহর্নিশঃ ।
কৃতং ত্রেতা কলিশ্চৈব দ্বাপরশ্চতুরাকৃতিঃ ॥ ৭২ ॥
দিবাকালকরঃ কালঃ কুলধর্মঃ সনাতনঃ ।
কলা কাষ্ঠা কলা নাড্যো য়ামঃ পক্ষঃ সিতাসিতঃ ॥ ৭৩ ॥
য়ুগো য়ুগন্ধরো য়োগ্যো য়ুগধর্মপ্রবর্তকঃ ।
কুলাচারঃ কুলকরঃ কুলদৈবকরঃ কুলী ॥ ৭৪ ॥
চতুরাঽঽশ্রমচারী চ গৃহস্থো হ্যতিথিপ্রিয়ঃ ।
বনস্থো বনচারী চ বানপ্রস্থাশ্রমোঽশ্রমী ॥ ৭৫ ॥
বটুকো ব্রহ্মচারী চ শিখাসূত্রী কমণ্ডলী ।
ত্রিজটী ধ্যানবান্ধ্যানী বদ্রিকাশ্রমবাসকৃত্ ॥ ৭৬ ॥
হেমাদ্রিপ্রভবো হৈমো হেমরাশির্হিমাকরঃ ।
মহাপ্রস্থানকো বিপ্রো বিরাগী রাগবান্গৃহী ॥ ৭৭ ॥
নরনারায়ণোঽনাগো কেদারোদারবিগ্রহঃ ।
গঙ্গাদ্বারতপঃ সারস্তপোবন তপোনিধিঃ ॥ ৭৮ ॥
নিধিরেষ মহাপদ্মঃ পদ্মাকরশ্রিয়ালয়ঃ । ( var নিধিরেব)
পদ্মনাভঃ পরীতাত্মা পরিব্রাট্ পুরুষোত্তমঃ ॥ ৭৯ ॥
পরানন্দঃ পুরাণশ্চ সম্রাড্রাজ বিরাজকঃ । ( var সম্রাট্ রাজ)
চক্রস্থশ্চক্রপালস্থশ্চক্রবর্তী নরাধিপঃ ॥ ৮০ ॥
আয়ুর্বেদবিদো বৈদ্যো ধন্বন্তরিশ্চ রোগহা ।
ঔষধীবীজসম্ভূতো রোগী রোগবিনাশকৃত ॥ ৮১ ॥
চেতনশ্চেতকোঽচিন্ত্যশ্চিত্তচিন্তাবিনাশকৃত্ ।
অতীন্দ্রিয়ঃ সুখস্পর্শশ্চরচারী বিহঙ্গমঃ ॥ ৮২ ॥
গরুডঃ পক্ষিরাজশ্চ চাক্ষুষো বিনতাত্মজঃ ।
বিষ্ণুয়ানবিমানস্থো মনোময়তুরঙ্গমঃ ॥ ৮৩ ॥
বহুবৃষ্টিকরো বর্ষী ঐরাবণবিরাবণঃ ।
উচ্চৈঃশ্রবাঽরুণো গামী হরিদশ্বো হরিপ্রিয়ঃ ॥ ৮৪ ॥
প্রাবৃষো মেঘমালী চ গজরত্নপুরন্দরঃ ।
বসুদো বসুধারশ্চ নিদ্রালুঃ পন্নগাশনঃ ॥ ৮৫ ॥
শেষশায়ী জলেশায়ী ব্যাসঃ সত্যবতীসুতঃ ।
বেদব্যাসকরো বাগ্গ্মী বহুশাখাবিকল্পকঃ ॥ ৮৬ ॥
স্মৃতিঃ পুরাণধর্মার্থী পরাবরবিচক্ষণঃ ।
সহস্রশীর্ষা সহস্রাক্ষঃ সহস্রবদনোজ্জ্বলঃ ॥ ৮৭ ॥
সহস্রবাহুঃ সহস্রাংশুঃ সহস্রকিরণো নরঃ ।
বহুশীর্ষৈকশীর্ষশ্চ ত্রিশিরা বিশিরাঃ শিরী ॥ ৮৮ ॥
জটিলো ভস্মরাগী চ দিব্যাম্বরধরঃ শুচিঃ ।
অণুরূপো বৃহদ্রূপো বিরূপো বিকরাকৃতিঃ ॥ ৮৯ ॥
সমুদ্রমাথকো মাথী সর্বরত্নহরো হরিঃ ।
বজ্রবৈডূর্যকো বজ্রী চিন্তামণিমহামণিঃ ॥ ৯০ ॥
অনির্মূল্যো মহামূল্যো নির্মূল্যঃ সুরভিঃ সুখী ।
পিতা মাতা শিশুর্বন্ধুর্ধাতা ত্বষ্টার্যমা য়মঃ ॥ ৯১ ॥
অন্তঃস্থো বাহ্যকারী চ বহিঃস্থো বৈ বহিশ্চরঃ ।
পাবনঃ পাবকঃ পাকী সর্বভক্ষী হুতাশনঃ ॥ ৯২ ॥
ভগবান্ভগহা ভাগী ভবভঞ্জো ভয়ঙ্করঃ ।
কায়স্থঃ কার্যকারী চ কার্যকর্তা করপ্রদঃ ॥ ৯৩ ॥
একধর্মা দ্বিধর্মা চ সুখী দূত্যোপজীবকঃ ।
বালকস্তারকস্ত্রাতা কালো মূষকভক্ষকঃ ॥ ৯৪ ॥
সঞ্জীবনো জীবকর্তা সজীবো জীবসম্ভবঃ ।
ষড্বিংশকো মহাবিষ্ণুঃ সর্বব্যাপী মহেশ্বরঃ ॥ ৯৫ ॥
দিব্যাঙ্গদো মুক্তমালী শ্রীবত্সো মকরধ্বজঃ ।
শ্যামমূর্তির্ঘনশ্যামঃ পীতবাসাঃ শুভাননঃ ॥ ৯৬ ॥
চীরবাসা বিবাসাশ্চ ভূতদানববল্লভঃ ।
অমৃতোঽমৃতভাগী চ মোহিনীরূপধারকঃ ॥ ৯৭ ॥
দিব্যদৃষ্টিঃ সমদৃষ্টির্দেবদানববঞ্চকঃ ।
কবন্ধঃ কেতুকারী চ স্বর্ভানুশ্চন্দ্রতাপনঃ ॥ ৯৮ ॥
গ্রহরাজো গ্রহী গ্রাহঃ সর্বগ্রহবিমোচকঃ ।
দানমানজপো হোমঃ সানুকূলঃ শুভগ্রহঃ ॥ ৯৯ ॥
বিঘ্নকর্তাঽপহর্তা চ বিঘ্ননাশো বিনায়কঃ ।
অপকারোপকারী চ সর্বসিদ্ধিফলপ্রদঃ ॥ ১০০ ॥
সেবকঃ সামদানী চ ভেদী দণ্ডী চ মত্সরী ।
দয়াবান্দানশীলশ্চ দানী য়জ্বা প্রতিগ্রহী ॥ ১০১ ॥
হবিরগ্নিশ্চরুস্থালী সমিধশ্চানিলো য়মঃ ।
হোতোদ্গাতা শুচিঃ কুণ্ডঃ সামগো বৈকৃতিঃ সবঃ ॥ ১০২ ॥
দ্রব্যং পাত্রাণি সঙ্কল্পো মুশলো হ্যরণিঃ কুশঃ ।
দীক্ষিতো মণ্ডপো বেদির্যজমানঃ পশুঃ ক্রতুঃ ॥ ১০৩ ॥
দক্ষিণা স্বস্তিমান্স্বস্তি হ্যাশীর্বাদঃ শুভপ্রদঃ ।
আদিবৃক্ষো মহাবৃক্ষো দেববৃক্ষো বনস্পতিঃ ॥ ১০৪ ॥
প্রয়াগো বেণুমান্বেণী ন্যগ্রোধশ্চাঽক্ষয়ো বটঃ ।
সুতীর্থস্তীর্থকারী চ তীর্থরাজো ব্রতী বতঃ ॥ ১০৫ ॥
বৃত্তিদাতা পৃথুঃ পুত্রো দোগ্ধা গৌর্বত্স এব চ ।
ক্ষীরং ক্ষীরবহঃ ক্ষীরী ক্ষীরভাগবিভাগবিত্ ॥ ১০৬ ॥
রাজ্যভাগবিদো ভাগী সর্বভাগবিকল্পকঃ ।
বাহনো বাহকো বেগী পাদচারী তপশ্চরঃ ॥ ১০৭ ॥
গোপনো গোপকো গোপী গোপকন্যাবিহারকৃত্ ।
বাসুদেবো বিশালাক্ষঃ কৃষ্ণোগোপীজনপ্রিয়ঃ ॥ ১০৮ ॥
দেবকীনন্দনো নন্দী নন্দগোপগৃহাঽঽশ্রমী ।
য়শোদানন্দনো দামী দামোদর উলূখলী ॥ ১০৯ ॥
পূতনারিঃ পদাকারী লীলাশকটভঞ্জকঃ ।
নবনীতপ্রিয়ো বাগ্গ্মী বত্সপালকবালকঃ ॥ ১১০ ॥
বত্সরূপধরো বত্সী বত্সহা ধেনুকান্তকৃত্ ।
বকারির্বনবাসী চ বনক্রীডাবিশারদঃ ॥ ১১১ ॥
কৃষ্ণবর্ণাকৃতিঃ কান্তো বেণুবেত্রবিধারকঃ ।
গোপমোক্ষকরো মোক্ষো য়মুনাপুলিনেচরঃ ॥ ১১২ ॥
মায়াবত্সকরো মায়ী ব্রহ্মমায়াপমোহকঃ ।
আত্মসারবিহারজ্ঞো গোপদারকদারকঃ ॥ ১১৩ ॥
গোচারী গোপতির্গোপো গোবর্ধনধরো বলী ।
ইন্দ্রদ্যুম্নো মখধ্বংসী বৃষ্টিহা গোপরক্ষকঃ ॥ ১১৪ ॥
সুরভিত্রাণকর্তা চ দাবপানকরঃ কলী ।
কালীয়মর্দনঃ কালী য়মুনাহ্রদবিহারকঃ ॥ ১১৫ ॥
সঙ্কর্ষণো বলশ্লাঘ্যো বলদেবো হলায়ুধঃ ।
লাঙ্গলী মুসলী চক্রী রামো রোহিণিনন্দনঃ ॥ ১১৬ ॥
য়মুনাকর্ষণোদ্ধারো নীলবাসা হলো হলী ।
রেবতী রমণো লোলো বহুমানকরঃ পরঃ ॥ ১১৭ ॥
ধেনুকারির্মহাবীরো গোপকন্যাবিদূষকঃ ।
কামমানহরঃ কামী গোপীবাসোঽপতস্করঃ ॥ ১১৮ ॥
বেণুবাদী চ নাদী চ নৃত্যগীতবিশারদঃ ।
গোপীমোহকরো গানী রাসকো রজনীচরঃ ॥ ১১৯ ॥
দিব্যমালী বিমালী চ বনমালাবিভূষিতঃ ।
কৈটভারিশ্চ কংসারির্মধুহা মধুসূদনঃ ॥ ১২০ ॥
চাণূরমর্দনো মল্লো মুষ্টী মুষ্টিকনাশকৃত্ ।
মুরহা মোদকা মোদী মদঘ্নো নরকান্তকৃত্ ॥ ১২১ ॥
বিদ্যাধ্যায়ী ভূমিশায়ী সুদামা সুসখা সুখী ।
সকলো বিকলো বৈদ্যঃ কলিতো বৈ কলানিধিঃ ॥ ১২২ ॥
বিদ্যাশালী বিশালী চ পিতৃমাতৃবিমোক্ষকঃ ।
রুক্মিণীরমণো রম্যঃ কালিন্দীপতিঃ শঙ্খহা ॥ ১২৩ ॥
পাঞ্চজন্যো মহাপদ্মো বহুনায়কনায়কঃ ।
ধুন্ধুমারো নিকুম্ভঘ্নঃ শম্বরান্তো রতিপ্রিয়ঃ ॥ ১২৪ ॥
প্রদ্যুম্নশ্চানিরুদ্ধশ্চ সাত্বতাং পতিরর্জুনঃ ।
ফাল্গুনশ্চ গুডাকেশঃ সব্যসাচী ধনঞ্জয়ঃ ॥ ১২৫ ॥
কিরীটী চ ধনুষ্পাণির্ধনুর্বেদবিশারদঃ ॥
শিখণ্ডী সাত্যকিঃ শৈব্যো ভীমো ভীমপরাক্রমঃ ॥ ১২৬ ॥
পাঞ্চালশ্চাভিমন্যুশ্চ সৌভদ্রো দ্রৌপদীপতি ।
য়ুধিষ্ঠিরো ধর্মরাজঃ সত্যবাদী শুচিব্রতঃ ॥ ১২৭ ॥
নকুলঃ সহদেবশ্চ কর্ণো দুর্যোধনো ঘৃণী ।
গাঙ্গেয়োঽথগদাপাণির্ভীষ্মো ভাগীরথীসুতঃ ॥ ১২৮ ॥
প্রজ্ঞাচক্ষুর্ধৃতরাষ্ট্রো ভারদ্বাজোঽথগৌতমঃ ।
অশ্বত্থামা বিকর্ণশ্চজহ্নুর্যুদ্ধবিশারদঃ ॥ ১২৯ ॥
সীমন্তিকো গদী গাল্বো বিশ্বামিত্রো দুরাসদঃ ।
দুর্বাসা দুর্বিনীতশ্চ মার্কণ্ডেয়ো মহামুনিঃ ॥ ১৩০ ॥
লোমশো নির্মলোঽলোমী দীর্ঘায়ুশ্চ চিরোঽচিরী ।
পুনর্জীবী মৃতো ভাবী ভূতো ভব্যো ভবিষ্যকঃ ॥ ১৩১ ॥
ত্রিকালোঽথ ত্রিলিঙ্গশ্চ ত্রিনেত্রস্ত্রিপদীপতিঃ ।
য়াদবো য়াজ্ঞবল্ক্যশ্চ য়দুবংশবিবর্ধনঃ ॥ ১৩২ ॥
শল্যক্রীডী বিক্রীডশ্চ য়াদবান্তকরঃ কলিঃ ।
সদয়ো হৃদয়ো দায়ো দায়দো দায়ভাগ্দয়ী ॥ ১৩৩ ॥
মহোদধির্মহীপৃষ্ঠো নীলপর্বতবাসকৃত ।
একবর্ণো বিবর্ণশ্চ সর্ববর্ণবহিশ্চরঃ ॥ ১৩৪ ॥
য়জ্ঞনিন্দী বেদনিন্দী বেদবাহ্যো বলো বলিঃ ।
বৌদ্ধারির্বাধকো বাধো জগন্নাথো জগত্পতিঃ ॥ ১৩৫ ॥
ভক্তির্ভাগবতো ভাগী বিভক্তো ভগবত্প্রিয়ঃ ।
ত্রিগ্রামোঽথ নবারণ্যো গুহ্যোপনিষদাসনঃ ॥ ১৩৬ ॥
শালিগ্রামঃ শিলায়ুক্তো বিশালো গণ্ডকাশ্রয়ঃ ।
শ্রুতদেবঃ শ্রুতঃ শ্রাবী শ্রুতবোধঃ শ্রুতশ্রবাঃ ॥ ১৩৭ ॥
কল্কিঃ কালকলঃ কল্কো দুষ্টম্লেচ্ছবিনাশ কৃত্ ।
কুঙ্কুমী ধবলো ধীরঃ ক্ষমাকরো বৃষাকপিঃ ॥ ১৩৮ ॥
কিঙ্করঃ কিন্নরঃ কণ্বঃ কেকী কিম্পুরুষাধিপঃ ।
একরোমা বিরোমা চ বহুরোমা বৃহত্কবিঃ ॥ ১৩৯ ॥
বজ্রপ্রহরণো বজ্রী বৃত্রঘ্নো বাসবানুজঃ ।
বহুতীর্থকরস্তীর্থঃ সর্বতীর্থজনেশ্বরঃ ॥ ১৪০ ॥
ব্যতীপাতোপরাগশ্চ দানবৃদ্ধিকরঃ শুভঃ ।
অসঙ্খ্যেয়োঽপ্রমেয়শ্চ সঙ্খ্যাকারো বিসঙ্খ্যকঃ ॥ ১৪১ ॥
মিহিকোত্তারকস্তারো বালচন্দ্রঃ সুধাকরঃ ।
কিম্বর্ণঃ কীদৃশঃ কিঞ্চিত্কিংস্বভাবঃ কিমাশ্রয়ঃ ॥ ১৪২ ॥
নির্লোকশ্চ নিরাকারী বহ্বাকারৈককারকঃ ।
দৌহিত্রঃ পুত্রিকঃ পৌত্রো নপ্তা বংশধরো ধরঃ ॥ ১৪৩ ॥
দ্রবীভূতো দয়ালুশ্চ সর্বসিদ্ধিপ্রদো মণিঃ ॥ ১৪৪ ॥
আধারোঽপি বিধারশ্চ ধরাসূনুঃ সুমঙ্গলঃ ।
মঙ্গলো মঙ্গলাকারো মাঙ্গল্যঃ সর্বমঙ্গলঃ ॥ ১৪৫ ॥
নাম্নাং সহস্রং নামেদং বিষ্ণোরতুলতেজসঃ ।
সর্বসিদ্ধিকরং কাম্যং পুণ্যং হরিহরাত্মকম্ ॥ ১৪৬ ॥
য়ঃ পঠেত্প্রাতরুত্থায় শুচির্ভূত্বা সমাহিতঃ ।
য়শ্চেদং শৃণুয়ান্নিত্যং নরো নিশ্চলমানসঃ ॥ ১৪৭ ॥
ত্রিসন্ধ্যং শ্রদ্ধয়া য়ুক্তঃ সর্বপাপৈঃ প্রমুচ্যতে ।
নন্দতে পুত্রপৌত্রৈশ্চ দারৈর্ভৃত্যৈশ্চ পূজিতঃ ॥ ১৪৮ ॥
প্রাপ্নুতে বিপুলাং লক্ষ্মীং মুচ্যতে সর্বসঙ্কটাত্ ।
সর্বান্কামানবাপ্নোতি লভতে বিপুলং য়শঃ ॥ ১৪৯ ॥
বিদ্যাবাঞ্জায়তে বিপ্রঃ ক্ষত্রিয়ো বিজয়ী ভবেত্ ।
বৈশ্যশ্চ ধনলাভাঢ্যঃ শূদ্রঃ সুখমবাপ্নুয়াত্ ॥ ১৫০ ॥
রণে ঘোরে বিবাদে চ ব্যাপারে পারতন্ত্রকে ।
বিজয়ী জয়মাপ্নোতি সর্বদা সর্বকর্মসু ॥ ১৫১ ॥
একধা দশধা চৈব শতধা চ সহস্রধা ।
পঠতে হি নরো নিত্যং তথৈব ফলমশ্নুতে ॥ ১৫২ ॥
পুত্রার্থী প্রাপ্নুতে পুত্রান্ধনার্থী ধনমব্যয়ম্ ।
মোক্ষার্থী প্রাপ্নুতে মোক্ষং ধর্মার্থী ধর্মসঞ্চয়ম্ ॥ ১৫৩ ॥
কন্যার্থী প্রাপ্নুতে কন্যাং দুর্লভাং য়ত্সুরৈরপি ।
জ্ঞানার্থী জায়তে জ্ঞানী য়োগী য়োগেষু য়ুজ্যতে ॥ ১৫৪ ॥
মহোত্পাতেষু ঘোরেষু দুর্ভিক্ষে রাজবিগ্রহে ।
মহামারীসমুদ্ভূতে দারিদ্র্যে দুঃখপীডিতে ॥ ১৫৫ ॥
অরণ্যে প্রান্তরে বাঽপি দাবাগ্নিপরিবারিতে ।
সিংহব্যাঘ্রাভিভূতেঽপি বনে হস্তিসমাকুলে ॥ ১৫৬ ॥
রাজ্ঞা ক্রুদ্ধেন চাজ্ঞপ্তে দস্যুভিঃ সহ সঙ্গমে ।
বিদ্যুত্পাতেষু ঘোরেষু স্মর্তব্যং হি সদা নরৈঃ ॥ ১৫৭ ॥
গ্রহপীডাসু চোগ্রাসু বধবন্ধগতাবপি ।
মহার্ণবে মহানদ্যাং পোতস্থেষু ন চাপদঃ ॥ ১৫৮ ॥
রোগগ্রস্তো বিবর্ণশ্চ গতকেশনখত্বচঃ ।
পঠনাচ্ছবণাদ্বাপি দিব্যকায়া ভবন্তি তে ॥ ১৫৯ ॥
তুলসীবনসংস্থানে সরোদ্বীপে সুরালয়ে ।
বদ্রিকাশ্রমে শুভে দেশে গঙ্গাদ্বারে তপোবনে ॥ ১৬০ ॥
মধুবনে প্রয়াগে চ দ্বারকায়াং সমাহিতঃ ।
মহাকালবনে সিদ্ধে নিয়তাঃ সর্বকামিকাঃ ॥ ১৬১ ॥
য়ে পঠন্তি শতাবর্তং ভক্তিমন্তো জিতেন্দ্রিয়াঃ ।
তে সিদ্ধাঃ সিদ্ধিদা লোকে বিচরন্তি মহীতলে ॥ ১৬২ ॥
অন্যোন্যভেদভেদানাং মৈত্রীকরণমুত্তমম্ ।
মোহনং মোহনানাং চ পবিত্রং পাপনাশনম্ ॥ ১৬৩ ॥
বালগ্রহবিনাশায় শান্তীকরণমুত্তমম্ ।
দুর্বৃত্তানাং চ পাপানাং বুদ্ধিনাশকরং পরম্ ॥ ১৬৪ ॥
পতদ্গর্ভা চ বন্ধ্যা চ স্রাবিণী কাকবন্ধ্যকা ।
অনায়াসেন সততং পুত্রমেব প্রসূয়তে ॥ ১৬৫ ॥
পয়ঃপুষ্কলদা গাবো বহুধান্যফলা কৃষিঃ ।
স্বামিধর্মপরা ভৃত্যা নারী পতিব্রতা ভবেত্ ॥ ১৬৬ ॥
অকালমৃত্যুনাশায় তথা দুঃস্বপ্নদর্শনে ।
শান্তিকর্মণি সর্বত্র স্মর্তব্যং চ সদা নরৈঃ ॥ ১৬৭ ॥
য়ঃ পঠত্যন্বহং মর্ত্যঃ শুচিষ্মান্বিষ্ণুসন্নিধৌ ।
একাকী চ জিতাহারো জিতক্রোধো জিতেন্দ্রিয়ঃ ॥ ১৬৮ ॥
গরুডারোহসম্পন্নঃ পীতবাসাশ্চতুর্ভুজঃ ।
বাঞ্ছিতং প্রাপ্য লোকেঽস্মিন্বিষ্ণুলোকে স গচ্ছতি ॥ ১৬৯ ॥
একতঃ সকলা বিদ্যা একতঃ সকলং তপঃ ।
একতঃ সকলো ধর্মো নাম বিষ্ণোস্তথৈকতঃ ॥ ১৭০ ॥
য়ো হি নামসহস্রেণ স্তোতুমিচ্ছতি বৈ দ্বিজঃ ।
সোঽয়মেকেন শ্লোকেন স্তুত এব ন সংশয়ঃ ॥ ১৭১ ॥ ( var সোঽহমেকেন)
সহস্রাক্ষঃ সহস্রপাত্সহস্রবদনোজ্জ্বলঃ ।
সহস্রনামানন্তাক্ষঃ সহস্রবাহুর্নমোঽস্তু তে ॥ ১৭২ ॥
বিষ্ণোর্নামসহস্রং বৈ পুরাণং বেদসম্মতম্ ।
পঠিতব্যং সদা ভক্তৈঃ সর্বমঙ্গলমঙ্গলম্ ॥ ১৭৩ ॥
ইতি স্তবাভিয়ুক্তানাং দেবানাং তত্র বৈ দ্বিজ ।
প্রত্যক্ষং প্রাহ ভগবান্বরদো বরদার্চিতঃ ॥ ১৭৪ ॥
শ্রীভগবানুবাচ –
ব্রিয়তাং ভোঃ সুরাঃ সর্বৈর্বরোঽস্মত্তোভিবাঞ্ছিতঃ ।
তত্সর্বং সম্প্রদাস্যামি নাঽত্র কার্যা বিচারণা ॥ ১৭৫ ॥
ইতি শ্রীস্কন্দমহাপুরাণে আবন্ত্যখণ্ডেঽবন্তীক্ষেত্রমাহাত্ম্যে বিষ্ণুসহস্রনামোঽধ্যায়ঃ ॥
Also Read 1000 Names of Skandapurana Vishnu:
1000 Names of Sri Vishnu | Sahasranama Stotram from Skandapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
