Skandapurana Vishnu Sahasranamastotram Lyrics in Kannada:
॥ ಶ್ರೀವಿಷ್ಣುಸಹಸ್ರನಾಮಸ್ತೋತ್ರಮ್ (ಸ್ಕನ್ದಪುರಾಣೋಕ್ತ) ॥
ಶ್ರೀಗಣೇಶಾಯ ನಮಃ ।
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ದೇವಾ ಊಚುಃ –
ಬ್ರಹ್ಮನ್ಕೇನ ಪ್ರಕಾರೇಣ ವಿಷ್ಣುಭಕ್ತಿಃ ಪರಾ ಭವೇತ್ ।
ತತ್ಸರ್ವಂ ಶ್ರೋತುಮಿಚ್ಛಾಮಸ್ತ್ವತ್ತೋ ಬ್ರಹ್ಮವಿದಾಂ ವರ ॥ 1 ॥
ಬ್ರಹ್ಮೋವಾಚ –
ಶ್ರೂಯತಾಂ ಭೋಃ ಸುರಶ್ರೇಷ್ಠಾ ವಿಷ್ಣುಭಕ್ತಿಮನುತ್ತಮಾಮ್ ।
ಶುಕ್ಲಾಮ್ಬರಧರಂ ದೇವಂ ಶಶಿವರ್ಣಂ ಚತುರ್ಭುಜಮ್ ॥ 2 ॥
ಪ್ರಸನ್ನವದನಂ ಧ್ಯಾಯೇತ್ಸರ್ವವಿಘ್ನೋಪಶಾನ್ತಯೇ ।
ಲಾಭಸ್ತೇಷಾಂ ಜಯಸ್ತೇಷಾಂ ಕುತಸ್ತೇಷಾಂ ಪರಾಜಯಃ ॥ 3 ॥
ಯೇಷಾಮಿನ್ದೀವರಶ್ಯಾಮೋ ಹೃದಯಸ್ಥೋ ಜನಾರ್ದನಃ ।
ಅಭೀಪ್ಸಿತಾರ್ಥಸಿದ್ಧ್ಯರ್ಥಂ ಪೂಜ್ಯತೇ ಯಃ ಸುರೈರಪಿ ॥ 4 ॥
ಸರ್ವವಿಘ್ನಹರಸ್ತಸ್ಮೈ ಗಣಾಧಿಪತಯೇ ನಮಃ ।
ಕಲ್ಪಾದೌ ಸೃಷ್ಟಿಕಾಮೇನ ಪ್ರೇರಿತೋಽಹಂ ಚ ಶೌರಿಣಾ ॥ 5 ॥
ನ ಶಕ್ತೋ ವೈ ಪ್ರಜಾಃ ಕರ್ತುಂ ವಿಷ್ಣುಧ್ಯಾನಪರಾಯಣಃ ।
ಏತಸ್ಮಿನ್ನನ್ತರೇ ಸದ್ಯೋ ಮಾರ್ಕಂಡೇಯೋ ಮಹಾಋಷಿಃ ॥ 6 ॥
ಸರ್ವಸಿದ್ಧೇಶ್ವರೋ ದಾನ್ತೋ ದೀರ್ಘಾಯುರ್ವಿಜಿತೇನ್ದ್ರಿಯಃ ।
ಮಯಾದೃಷ್ಟೋಽಥಗತ್ವಾತಂ ತದಾಹಂ ಸಮುಪಸ್ಥಿತಃ ।
ತತಃ ಪ್ರಫುಲ್ಲನಯನೌ ಸತ್ಕೃತ್ಯ ಚೇತರೇತರಮ್ ॥ 7 ॥
ಪೃಚ್ಛಮಾನೌ ಪರಂ ಸ್ವಾಸ್ಥ್ಯಂ ಸುಖಾಸೀನೌ ಸುರೋತ್ತಮಾಃ ।
ತದಾ ಮಯಾ ಸ ಪೃಷ್ಟೋ ವೈ ಮಾರ್ಕಂಡೇಯೋ ಮಹಾಮುನಿಃ ॥ 8 ॥
ಭಗವನ್ಕೇನ ಪ್ರಕಾರೇಣ ಪ್ರಜಾ ಮೇಽನಾಮಯಾ ಭವೇತ್ ।
ತತ್ಸರ್ವಂ ಶ್ರೋತುಮಿಚ್ಛಾಮಿ ಭಗವನ್ಮುನಿವನ್ದಿತ ॥ 9 ॥
ಶ್ರೀಮಾರ್ಕಂಡೇಯ ಉವಾಚ –
ವಿಷ್ಣುಭಕ್ತಿಃ ಪರಾ ನಿತ್ಯಾ ಸರ್ವಾರ್ತಿದುಃಖನಾಶಿನೀ ।
ಸರ್ವಪಾಪಹರಾ ಪುಣ್ಯಾ ಸರ್ವಸುಖಪ್ರದಾಯಿನೀ ॥ 10 ॥
ಏಷಾ ಬ್ರಾಹ್ಮೀ ಮಹಾವಿದ್ಯಾ ನ ದೇಯಾ ಯಸ್ಯ ಕಸ್ಯಚಿತ್ ।
ಕೃತಘ್ನಾಯ ಹ್ಯಶಿಷ್ಯಾಯ ನಾಸ್ತಿಕಾಯಾನೃತಾಯ ಚ ॥ 11 ॥
ಈರ್ಷ್ಯಕಾಯ ಚ ರೂಕ್ಷಾಯ ಕಾಮಿಕಾಯ ಕದಾಚನ ।
ತದ್ಗತಂ ಸರ್ವಂ ವಿಘ್ನನ್ತಿಯತ್ತದ್ಧರ್ಮಂ ಸನಾತನಮ್ ॥ 12 ॥
ಏತದ್ಗುಹ್ಯತಮಂ ಶಾಸ್ತ್ರಂ ಸರ್ವಪಾಪಪ್ರಣಾಶನಮ್ ।
ಪವಿತ್ರಂ ಚ ಪವಿತ್ರಾಣಾಂ ಪಾವನಾನಾಂ ಚ ಪಾವನಮ್ ॥ 13 ॥
ವಿಷ್ಣೋರ್ನಾಮಸಹಸ್ರಂ ಚ ವಿಷ್ಣುಭಕ್ತಿಕರಂ ಶುಭಮ್ ।
ಸರ್ವಸಿದ್ಧಿಕರಂ ನೃಣಾಂ ಭುಕ್ತಿಮುಕ್ತಿಪ್ರದಂ ಶುಭಮ್ ॥ 14 ॥
ಅಸ್ಯ ಶ್ರೀವಿಷ್ಣುಸಹಸ್ರನಾಮಸ್ತೋತ್ರಮನ್ತ್ರಸ್ಯ ಮಾರ್ಕಂಡೇಯ ಋಷಿಃ ।
ವಿಷ್ಣುರ್ದೇವತಾಃ । ಅನುಷ್ಟುಪ್ಚ್ಛನ್ದಃ । ಸರ್ವಕಾಮಾನವಾಪ್ತ್ಯರ್ಥೇ ಜಪೇ ವಿನಿಯೋಗಃ ॥
ಅಥ ಧ್ಯಾನಮ್ ।
ಸಜಲಜಲದನೀಲಂ ದರ್ಶಿತೋದಾರಶೀಲಂ
ಕರತಲಧೃತಶೈಲಂ ವೇಣುವಾದ್ಯೇ ರಸಾಲಮ್ ।
ವ್ರಜಜನ ಕುಲಪಾಲಂ ಕಾಮಿನೀಕೇಲಿಲೋಲಂ
ತರುಣತುಲಸಿಮಾಲಂ ನೌಮಿ ಗೋಪಾಲಬಾಲಮ್ ॥ 15 ॥
ಓಂ ವಿಶ್ವಂ ವಿಷ್ಣುರ್ಹೃಷೀಕೇಶಃ ಸರ್ವಾತ್ಮಾ ಸರ್ವಭಾವನಃ ।
ಸರ್ವಗಃ ಶರ್ವರೀನಾಥೋ ಭೂತಗ್ರಾಮಾಽಽಶಯಾಶಯಃ ॥ 16 ॥
ಅನಾದಿನಿಧನೋ ದೇವಃ ಸರ್ವಜ್ಞಃ ಸರ್ವಸಮ್ಭವಃ ।
ಸರ್ವವ್ಯಾಪೀ ಜಗದ್ಧಾತಾ ಸರ್ವಶಕ್ತಿಧರೋಽನಘಃ ॥ 17 ॥
ಜಗದ್ಬೀಜಂ ಜಗತ್ಸ್ರಷ್ಟಾ ಜಗದೀಶೋ ಜಗತ್ಪತಿಃ ।
ಜಗದ್ಗುರುರ್ಜಗನ್ನಾಥೋ ಜಗದ್ಧಾತಾ ಜಗನ್ಮಯಃ ॥ 18 ॥
ಸರ್ವಾಽಽಕೃತಿಧರಃ ಸರ್ವವಿಶ್ವರೂಪೀ ಜನಾರ್ದನಃ ।
ಅಜನ್ಮಾ ಶಾಶ್ವತೋ ನಿತ್ಯೋ ವಿಶ್ವಾಧಾರೋ ವಿಭುಃ ಪ್ರಭುಃ ॥ 19 ॥
ಬಹುರೂಪೈಕರೂಪಶ್ಚ ಸರ್ವರೂಪಧರೋ ಹರಃ ।
ಕಾಲಾಗ್ನಿಪ್ರಭವೋ ವಾಯುಃ ಪ್ರಲಯಾನ್ತಕರೋಽಕ್ಷಯಃ ॥ 20 ॥
ಮಹಾರ್ಣವೋ ಮಹಾಮೇಘೋ ಜಲಬುದ್ಬುದಸಮ್ಭವಃ ।
ಸಂಸ್ಕೃತೋ ವಿಕೃತೋ ಮತ್ಸ್ಯೋ ಮಹಾಮತ್ಸ್ಯಸ್ತಿಮಿಂಗಿಲಃ ॥ 21 ॥
ಅನನ್ತೋ ವಾಸುಕಿಃ ಶೇಷೋ ವರಾಹೋ ಧರಣೀಧರಃ ।
ಪಯಃಕ್ಷೀರ ವಿವೇಕಾಢ್ಯೋ ಹಂಸೋ ಹೈಮಗಿರಿಸ್ಥಿತಃ ॥ 22 ॥
ಹಯಗ್ರೀವೋ ವಿಶಾಲಾಕ್ಷೋ ಹಯಕರ್ಣೋ ಹಯಾಕೃತಿಃ ।
ಮನ್ಥನೋ ರತ್ನಹಾರೀ ಚ ಕೂರ್ಮೋ ಧರಧರಾಧರಃ ॥ 23 ॥
ವಿನಿದ್ರೋ ನಿದ್ರಿತೋ ನನ್ದೀ ಸುನನ್ದೋ ನನ್ದನಪ್ರಿಯಃ ।
ನಾಭಿನಾಲಮೃಣಾಲೀ ಚ ಸ್ವಯಮ್ಭೂಶ್ಚತುರಾನನಃ ॥ 24 ॥
ಪ್ರಜಾಪತಿಪರೋ ದಕ್ಷಃ ಸೃಷ್ಟಿಕರ್ತಾ ಪ್ರಜಾಕರಃ ।
ಮರೀಚಿಃ ಕಶ್ಯಪೋ ದಕ್ಷಃ ಸುರಾಸುರಗುರುಃ ಕವಿಃ ॥ 25 ॥
ವಾಮನೋ ವಾಮಮಾರ್ಗೀ ಚ ವಾಮಕರ್ಮಾ ಬೃಹದ್ವಪುಃ ।
ತ್ರೈಲೋಕ್ಯಕ್ರಮಣೋ ದೀಪೋ ಬಲಿಯಜ್ಞವಿನಾಶನಃ ॥ 26 ॥
ಯಜ್ಞಹರ್ತಾ ಯಜ್ಞಕರ್ತಾ ಯಜ್ಞೇಶೋ ಯಜ್ಞಭುಗ್ವಿಭುಃ ।
ಸಹಸ್ರಾಂಶುರ್ಭಗೋ ಭಾನುರ್ವಿವಸ್ವಾನ್ರವಿರಂಶುಮಾನ್ ॥ 27 ॥
ತಿಗ್ಮತೇಜಾಶ್ಚಾಲ್ಪತೇಜಾಃ ಕರ್ಮಸಾಕ್ಷೀ ಮನುರ್ಯಮಃ ।
ದೇವರಾಜಃ ಸುರಪತಿರ್ದಾನವಾರಿಃ ಶಚೀಪತಿಃ ॥ 28 ॥
ಅಗ್ನಿರ್ವಾಯುಸಖೋ ವಹ್ನಿರ್ವರುಣೋ ಯಾದಸಾಮ್ಪತಿಃ ।
ನೈರೃತೋ ನಾದನೋಽನಾದೀ ರಕ್ಷಯಕ್ಷೋಧನಾಧಿಪಃ ॥ 29 ॥
ಕುಬೇರೋ ವಿತ್ತವಾನ್ವೇಗೋ ವಸುಪಾಲೋ ವಿಲಾಸಕೃತ್ ।
ಅಮೃತಸ್ರವಣಃ ಸೋಮಃ ಸೋಮಪಾನಕರಃ ಸುಧೀಃ ॥ 30 ॥
ಸರ್ವೌಷಧಿಕರಃ ಶ್ರೀಮಾನ್ನಿಶಾಕರದಿವಾಕರಃ ।
ವಿಷಾರಿರ್ವಿಷಹರ್ತಾ ಚ ವಿಷಕಂಠಧರೋ ಗಿರಿಃ ॥ 31 ॥
ನೀಲಕಂಠೋ ವೃಷೀ ರುದ್ರೋ ಭಾಲಚನ್ದ್ರೋ ಹ್ಯುಮಾಪತಿಃ ।
ಶಿವಃ ಶಾನ್ತೋ ವಶೀ ವೀರೋ ಧ್ಯಾನೀ ಮಾನೀ ಚ ಮಾನದಃ ॥ 32 ॥
ಕೃಮಿಕೀಟೋ ಮೃಗವ್ಯಾಧೋ ಮೃಗಹಾ ಮೃಗಲಾಂಛನಃ ।
ಬಟುಕೋ ಭೈರವೋ ಬಾಲಃ ಕಪಾಲೀ ದಂಡವಿಗ್ರಹಃ ॥ 33 ॥
ಸ್ಮಶಾನವಾಸೀ ಮಾಂಸಾಶೀ ದುಷ್ಟನಾಶೀ ವರಾನ್ತಕೃತ್ ।
ಯೋಗಿನೀತ್ರಾಸಕೋ ಯೋಗೀ ಧ್ಯಾನಸ್ಥೋ ಧ್ಯಾನವಾಸನಃ ॥ 34 ॥
ಸೇನಾನೀಃ ಸೈನ್ಯದಃ(ಸೇನದಃ) ಸ್ಕನ್ದೋ ಮಹಾಕಾಲೋ ಗಣಾಧಿಪಃ ।
ಆದಿದೇವೋ ಗಣಪತಿರ್ವಿಘ್ನಹಾ ವಿಘ್ನನಾಶನಃ ॥ 35 ॥
ಋದ್ಧಿಸಿದ್ಧಿಪ್ರದೋ ದನ್ತೀ ಭಾಲಚನ್ದ್ರೋ ಗಜಾನನಃ ।
ನೃಸಿಂಹ ಉಗ್ರದಂಷ್ಟ್ರಶ್ಚ ನಖೀ ದಾನವನಾಶಕೃತ್ ॥ 36 ॥
ಪ್ರಹ್ಲಾದಪೋಷಕರ್ತಾ ಚ ಸರ್ವದೈತ್ಯಜನೇಶ್ವರಃ ।
ಶಲಭಃ ಸಾಗರಃ ಸಾಕ್ಷೀ ಕಲ್ಪದ್ರುಮವಿಕಲ್ಪಕಃ ॥ 37 ॥
ಹೇಮದೋ ಹೇಮಭಾಗೀಚ ಹಿಮಕರ್ತಾ ಹಿಮಾಚಲಃ ।
ಭೂಧರೋ ಭೂಮಿದೋ ಮೇರುಃ ಕೈಲಾಸಶಿಖರೋ ಗಿರಿಃ ॥ 38 ॥
ಲೋಕಾಲೋಕಾನ್ತರೋ ಲೋಕೀ ವಿಲೋಕೀ ಭುವನೇಶ್ವರಃ ।
ದಿಕ್ಪಾಲೋ ದಿಕ್ಪತಿರ್ದಿವ್ಯೋ ದಿವ್ಯಕಾಯೋ ಜಿತೇನ್ದ್ರಿಯಃ ॥ 39 ॥
ವಿರೂಪೋ ರೂಪವಾನ್ರಾಗೀ ನೃತ್ಯಗೀತವಿಶಾರದಃ ।
ಹಾಹಾ ಹೂಹೂಶ್ಚಿತ್ರರಥೋ ದೇವರ್ಷಿರ್ನಾರದಃ ಸಖಾ ॥ 40 ॥
ವಿಶ್ವೇದೇವಾಃ ಸಾಧ್ಯದೇವಾ ಧೃತಾಶೀಶ್ಚ ಚಲೋಽಚಲಃ ।
ಕಪಿಲೋ ಜಲ್ಪಕೋ ವಾದೀ ದತ್ತೋ ಹೈಹಯಸಂಘರಾಟ್ ॥ 41 ॥
ವಸಿಷ್ಠೋ ವಾಮದೇವಶ್ಚ ಸಪ್ತರ್ಷಿಪ್ರವರೋ ಭೃಗುಃ ।
ಜಾಮದಗ್ನ್ಯೋ ಮಹಾವೀರಃ ಕ್ಷತ್ರಿಯಾನ್ತಕರೋ ಹ್ಯೃಷಿಃ ॥ 42 ॥
ಹಿರಣ್ಯಕಶಿಪುಶ್ಚೈವ ಹಿರಣ್ಯಾಕ್ಷೋ ಹರಪ್ರಿಯಃ ।
ಅಗಸ್ತಿಃ ಪುಲಹೋ ದಕ್ಷಃ ಪೌಲಸ್ತ್ಯೋ ರಾವಣೋ ಘಟಃ ॥ 43 ॥
ದೇವಾರಿಸ್ತಾಪಸಸ್ತಾಪೀ ವಿಭೀಷಣಹರಿಪ್ರಿಯಃ ।
ತೇಜಸ್ವೀ ತೇಜದಸ್ತೇಜೀ ಈಶೋ ರಾಜಪತಿಃ ಪ್ರಭುಃ ॥ 44 ॥
ದಾಶರಥೀ ರಾಘವೋ ರಾಮೋ ರಘುವಂಶವಿವರ್ಧನಃ ।
ಸೀತಾಪತಿಃ ಪತಿಃ ಶ್ರೀಮಾನ್ಬ್ರಹ್ಮಣ್ಯೋ ಭಕ್ತವತ್ಸಲಃ ॥ 45 ॥
ಸನ್ನದ್ಧಃ ಕವಚೀ ಖಡ್ಗೀ ಚೀರವಾಸಾ ದಿಗಮ್ಬರಃ ।
ಕಿರೀಟೀ ಕುಡಲೀ ಚಾಪೀ ಶಂಖಚಕ್ರೀ ಗದಾಧರಃ ॥ 46 ॥
ಕೌಸಲ್ಯಾನನ್ದನೋದಾರೋ ಭೂಮಿಶಾಯೀ ಗುಹಪ್ರಿಯಃ ।
ಸೌಮಿತ್ರೋ ಭರತೋ ಬಾಲಃ ಶತ್ರುಘ್ನೋ ಭರತಾಽಗ್ರಜಃ ॥ 47 ॥
ಲಕ್ಷ್ಮಣಃ ಪರವೀರಘ್ನಃ ಸ್ತ್ರೀಸಹಾಯಃ ಕಪೀಶ್ವರಃ ।
ಹನುಮಾನೃಕ್ಷರಾಜಶ್ಚ ಸುಗ್ರೀವೋ ವಾಲಿನಾಶನಃ ॥ 48 ॥
ದೂತಪ್ರಿಯೋ ದೂತಕಾರೀ ಹ್ಯಂಗದೋ ಗದತಾಂ ವರಃ ।
ವನಧ್ವಂಸೀ ವನೀ ವೇಗೋ ವಾನರಧ್ವಜ ಲಾಂಗುಲೀ ॥ 49 ॥
ರವಿದಂಷ್ಟ್ರೀ ಚ ಲಂಕಾಹಾ ಹಾಹಾಕಾರೋ ವರಪ್ರದಃ ।
ಭವಸೇತುರ್ಮಹಾಸೇತುರ್ಬದ್ಧಸೇತೂ ರಮೇಶ್ವರಃ ॥ 50 ॥ ( var ರಾಮೇಶ್ವರಃ)
ಜಾನಕೀವಲ್ಲಭಃ ಕಾಮೀ ಕಿರೀಟೀ ಕುಂಡಲೀ ಖಗೀ ।
ಪುಂಡರೀಕವಿಶಾಲಾಕ್ಷೋ ಮಹಾಬಾಹುರ್ಘನಾಕೃತಿಃ ॥ 51 ॥
ಚಂಚಲಶ್ಚಪಲಃ ಕಾಮೀ ವಾಮೀ ವಾಮಾಂಗವತ್ಸಲಃ ।
ಸ್ತ್ರೀಪ್ರಿಯಃ ಸ್ತ್ರೀಪರಃ ಸ್ತ್ರೈಣಃ ಸ್ತ್ರಿಯೋ ವಾಮಾಡ್ಗವಾಸಕಃ ॥ 52 ॥
ಜಿತವೈರೀ ಜಿತಕಾಮೋ ಜಿತಕ್ರೋಧೋ ಜಿತೇನ್ದ್ರಿಯಃ ।
ಶಾನ್ತೋ ದಾನ್ತೋ ದಯಾರಾಮೋ ಹ್ಯೇಕಸ್ತ್ರೀವ್ರತಧಾರಕಃ ॥ 53 ॥
ಸಾತ್ತ್ವಿಕಃ ಸತ್ತ್ವಸಂಸ್ಥಾನೋ ಮದಹಾ ಕ್ರೋಧಹಾ ಖರಃ ।
ಬಹುರಾಕ್ಷಸ ಸಮ್ವೀತಃ ಸರ್ವರಾಕ್ಷಸನಾಶಕೃತ್ ॥ 54 ॥
ರಾವಣಾರೀ ರಣಕ್ಷುದ್ರ ದಶಮಸ್ತಕಚ್ಛೇದಕಃ ।
ರಾಜ್ಯಕಾರೀ ಯಜ್ಞಕಾರೀ ದಾತಾ ಭೋಕ್ತಾ ತಪೋಧನಃ ॥ 55 ॥
ಅಯೋಧ್ಯಾಧಿಪತಿಃ ಕಾನ್ತೋ ವೈಕುಂಠೋಽಕುಂಠವಿಗ್ರಹಃ ।
ಸತ್ಯವ್ರತೋ ವ್ರತೀ ಶೂರಸ್ತಪೀ ಸತ್ಯಫಲಪ್ರದಃ ॥ 56 ॥
ಸರ್ವಸಾಕ್ಷೀಃ ಸರ್ವಗಶ್ಚ ಸರ್ವಪ್ರಾಣಹರೋಽವ್ಯಯಃ ।
ಪ್ರಾಣಶ್ಚಾಥಾಪ್ಯಪಾನಶ್ಚ ವ್ಯಾನೋದಾನಃ ಸಮಾನಕಃ ॥ 57 ॥
ನಾಗಃ ಕೃಕಲಃ ಕೂರ್ಮಶ್ಚ ದೇವದತ್ತೋ ಧನಂಜಯಃ ।
ಸರ್ವಪ್ರಾಣವಿದೋ ವ್ಯಾಪೀ ಯೋಗಧಾರಕಧಾರಕಃ ॥ 58 ॥
ತತ್ತ್ವವಿತ್ತತ್ತ್ವದಸ್ತತ್ತ್ವೀ ಸರ್ವತತ್ತ್ವವಿಶಾರದಃ ।
ಧ್ಯಾನಸ್ಥೋ ಧ್ಯಾನಶಾಲೀ ಚ ಮನಸ್ವೀ ಯೋಗವಿತ್ತಮಃ ॥ 59 ॥
ಬ್ರಹ್ಮಜ್ಞೋ ಬ್ರಹ್ಮದೋ ಬಹ್ಮಜ್ಞಾತಾ ಚ ಬ್ರಹ್ಮಸಮ್ಭವಃ ।
ಅಧ್ಯಾತ್ಮವಿದ್ವಿದೋ ದೀಪೋ ಜ್ಯೋತೀರೂಪೋ ನಿರಂಜನಃ ॥ 60 ॥
ಜ್ಞಾನದೋಽಜ್ಞಾನಹಾ ಜ್ಞಾನೀ ಗುರುಃ ಶಿಷ್ಯೋಪದೇಶಕಃ ।
ಸುಶಿಷ್ಯಃ ಶಿಕ್ಷಿತಃ ಶಾಲೀ ಶಿಷ್ಯಶಿಕ್ಷಾವಿಶಾರದಃ ॥ 61 ॥
ಮನ್ತ್ರದೋ ಮನ್ತ್ರಹಾ ಮನ್ತ್ರೀ ತನ್ತ್ರೀ ತನ್ತ್ರಜನಪ್ರಿಯಃ ।
ಸನ್ಮನ್ತ್ರೋ ಮನ್ತ್ರವಿನ್ಮನ್ತ್ರೀ ಯನ್ತ್ರಮನ್ತ್ರೈಕಭಂಜನಃ ॥ 62 ॥
ಮಾರಣೋ ಮೋಹನೋ ಮೋಹೀ ಸ್ತಮ್ಭೋಚ್ಚಾಟನಕೃತ್ಖಲಃ ।
ಬಹುಮಾಯೋ ವಿಮಾಯಶ್ಚ ಮಹಾಮಾಯಾವಿಮೋಹಕಃ ॥ 63 ॥
ಮೋಕ್ಷದೋ ಬನ್ಧಕೋ ಬನ್ದೀ ಹ್ಯಾಕರ್ಷಣವಿಕರ್ಷಣಃ ।
ಹ್ರೀಂಕಾರೋ ಬೀಜರೂಪೀ ಚ ಕ್ಲೀಂಕಾರಃ ಕೀಲಕಾಧಿಪಃ ॥ 64 ॥
ಸೌಂಕಾರ ಶಕ್ತಿಮಾಂಚ್ಛಕ್ತಿಃ ಸರ್ವಶಕ್ತಿಧರೋ ಧರಃ । ( var ಶಕ್ತಿಯಾಂಚ್ಛಕ್ತಿಃ)
ಅಕಾರೋಕಾರ ಓಂಕಾರಶ್ಛನ್ದೋಗಾಯತ್ರಸಮ್ಭವಃ ॥ 65 ॥
ವೇದೋ ವೇದವಿದೋ ವೇದೀ ವೇದಾಧ್ಯಾಯೀ ಸದಾಶಿವಃ ।
ಋಗ್ಯಜುಃಸಾಮಾಥರ್ವೇಶಃ ಸಾಮಗಾನಕರೋಽಕರೀ ॥ 66 ॥
ತ್ರಿಪದೋ ಬಹುಪಾದೀ ಚ ಶತಪಥಃ ಸರ್ವತೋಮುಖಃ ।
ಪ್ರಾಕೃತಃ ಸಂಸ್ಕೃತೋ ಯೋಗೀ ಗೀತಗ್ರನ್ಥಪ್ರಹೇಲಿಕಃ ॥ 67 ॥
ಸಗುಣೋ ವಿಗುಣಶ್ಛನ್ದೋ ನಿಃಸಂಗೋ ವಿಗುಣೋ ಗುಣೀ ।
ನಿರ್ಗುಣೋ ಗುಣವಾನ್ಸಂಗೀ ಕರ್ಮೀ ಧರ್ಮೀ ಚ ಕರ್ಮದಃ ॥ 68 ॥
ನಿಷ್ಕರ್ಮಾ ಕಾಮಕಾಮೀ ಚ ನಿಃಸಂಗಃ ಸಂಗವರ್ಜಿತಃ ।
ನಿರ್ಲೋಭೋ ನಿರಹಂಕಾರೀ ನಿಷ್ಕಿಂಚನಜನಪ್ರಿಯಃ ॥ 69 ॥
ಸರ್ವಸಂಗಕರೋ ರಾಗೀ ಸರ್ವತ್ಯಾಗೀ ಬಹಿಶ್ಚರಃ ।
ಏಕಪಾದೋ ದ್ವಿಪಾದಶ್ಚ ಬಹುಪಾದೋಽಲ್ಪಪಾದಕಃ ॥ 70 ॥
ದ್ವಿಪದಸ್ತ್ರಿಪದೋಽಪಾದೀ ವಿಪಾದೀ ಪದಸಂಗ್ರಹಃ ।
ಖೇಚರೋ ಭೂಚರೋ ಭ್ರಾಮೀ ಭೃಂಗಕೀಟಮಧುಪ್ರಿಯಃ ॥ 71 ॥
ಕ್ರತುಃ ಸಮ್ವತ್ಸರೋ ಮಾಸೋ ಗಣಿತಾರ್ಕೋಹ್ಯಹರ್ನಿಶಃ ।
ಕೃತಂ ತ್ರೇತಾ ಕಲಿಶ್ಚೈವ ದ್ವಾಪರಶ್ಚತುರಾಕೃತಿಃ ॥ 72 ॥
ದಿವಾಕಾಲಕರಃ ಕಾಲಃ ಕುಲಧರ್ಮಃ ಸನಾತನಃ ।
ಕಲಾ ಕಾಷ್ಠಾ ಕಲಾ ನಾಡ್ಯೋ ಯಾಮಃ ಪಕ್ಷಃ ಸಿತಾಸಿತಃ ॥ 73 ॥
ಯುಗೋ ಯುಗನ್ಧರೋ ಯೋಗ್ಯೋ ಯುಗಧರ್ಮಪ್ರವರ್ತಕಃ ।
ಕುಲಾಚಾರಃ ಕುಲಕರಃ ಕುಲದೈವಕರಃ ಕುಲೀ ॥ 74 ॥
ಚತುರಾಽಽಶ್ರಮಚಾರೀ ಚ ಗೃಹಸ್ಥೋ ಹ್ಯತಿಥಿಪ್ರಿಯಃ ।
ವನಸ್ಥೋ ವನಚಾರೀ ಚ ವಾನಪ್ರಸ್ಥಾಶ್ರಮೋಽಶ್ರಮೀ ॥ 75 ॥
ಬಟುಕೋ ಬ್ರಹ್ಮಚಾರೀ ಚ ಶಿಖಾಸೂತ್ರೀ ಕಮಂಡಲೀ ।
ತ್ರಿಜಟೀ ಧ್ಯಾನವಾನ್ಧ್ಯಾನೀ ಬದ್ರಿಕಾಶ್ರಮವಾಸಕೃತ್ ॥ 76 ॥
ಹೇಮಾದ್ರಿಪ್ರಭವೋ ಹೈಮೋ ಹೇಮರಾಶಿರ್ಹಿಮಾಕರಃ ।
ಮಹಾಪ್ರಸ್ಥಾನಕೋ ವಿಪ್ರೋ ವಿರಾಗೀ ರಾಗವಾನ್ಗೃಹೀ ॥ 77 ॥
ನರನಾರಾಯಣೋಽನಾಗೋ ಕೇದಾರೋದಾರವಿಗ್ರಹಃ ।
ಗಂಗಾದ್ವಾರತಪಃ ಸಾರಸ್ತಪೋವನ ತಪೋನಿಧಿಃ ॥ 78 ॥
ನಿಧಿರೇಷ ಮಹಾಪದ್ಮಃ ಪದ್ಮಾಕರಶ್ರಿಯಾಲಯಃ । ( var ನಿಧಿರೇವ)
ಪದ್ಮನಾಭಃ ಪರೀತಾತ್ಮಾ ಪರಿವ್ರಾಟ್ ಪುರುಷೋತ್ತಮಃ ॥ 79 ॥
ಪರಾನನ್ದಃ ಪುರಾಣಶ್ಚ ಸಮ್ರಾಡ್ರಾಜ ವಿರಾಜಕಃ । ( var ಸಮ್ರಾಟ್ ರಾಜ)
ಚಕ್ರಸ್ಥಶ್ಚಕ್ರಪಾಲಸ್ಥಶ್ಚಕ್ರವರ್ತೀ ನರಾಧಿಪಃ ॥ 80 ॥
ಆಯುರ್ವೇದವಿದೋ ವೈದ್ಯೋ ಧನ್ವನ್ತರಿಶ್ಚ ರೋಗಹಾ ।
ಔಷಧೀಬೀಜಸಮ್ಭೂತೋ ರೋಗೀ ರೋಗವಿನಾಶಕೃತ ॥ 81 ॥
ಚೇತನಶ್ಚೇತಕೋಽಚಿನ್ತ್ಯಶ್ಚಿತ್ತಚಿನ್ತಾವಿನಾಶಕೃತ್ ।
ಅತೀನ್ದ್ರಿಯಃ ಸುಖಸ್ಪರ್ಶಶ್ಚರಚಾರೀ ವಿಹಂಗಮಃ ॥ 82 ॥
ಗರುಡಃ ಪಕ್ಷಿರಾಜಶ್ಚ ಚಾಕ್ಷುಷೋ ವಿನತಾತ್ಮಜಃ ।
ವಿಷ್ಣುಯಾನವಿಮಾನಸ್ಥೋ ಮನೋಮಯತುರಂಗಮಃ ॥ 83 ॥
ಬಹುವೃಷ್ಟಿಕರೋ ವರ್ಷೀ ಐರಾವಣವಿರಾವಣಃ ।
ಉಚ್ಚೈಃಶ್ರವಾಽರುಣೋ ಗಾಮೀ ಹರಿದಶ್ವೋ ಹರಿಪ್ರಿಯಃ ॥ 84 ॥
ಪ್ರಾವೃಷೋ ಮೇಘಮಾಲೀ ಚ ಗಜರತ್ನಪುರನ್ದರಃ ।
ವಸುದೋ ವಸುಧಾರಶ್ಚ ನಿದ್ರಾಲುಃ ಪನ್ನಗಾಶನಃ ॥ 85 ॥
ಶೇಷಶಾಯೀ ಜಲೇಶಾಯೀ ವ್ಯಾಸಃ ಸತ್ಯವತೀಸುತಃ ।
ವೇದವ್ಯಾಸಕರೋ ವಾಗ್ಗ್ಮೀ ಬಹುಶಾಖಾವಿಕಲ್ಪಕಃ ॥ 86 ॥
ಸ್ಮೃತಿಃ ಪುರಾಣಧರ್ಮಾರ್ಥೀ ಪರಾವರವಿಚಕ್ಷಣಃ ।
ಸಹಸ್ರಶೀರ್ಷಾ ಸಹಸ್ರಾಕ್ಷಃ ಸಹಸ್ರವದನೋಜ್ಜ್ವಲಃ ॥ 87 ॥
ಸಹಸ್ರಬಾಹುಃ ಸಹಸ್ರಾಂಶುಃ ಸಹಸ್ರಕಿರಣೋ ನರಃ ।
ಬಹುಶೀರ್ಷೈಕಶೀರ್ಷಶ್ಚ ತ್ರಿಶಿರಾ ವಿಶಿರಾಃ ಶಿರೀ ॥ 88 ॥
ಜಟಿಲೋ ಭಸ್ಮರಾಗೀ ಚ ದಿವ್ಯಾಮ್ಬರಧರಃ ಶುಚಿಃ ।
ಅಣುರೂಪೋ ಬೃಹದ್ರೂಪೋ ವಿರೂಪೋ ವಿಕರಾಕೃತಿಃ ॥ 89 ॥
ಸಮುದ್ರಮಾಥಕೋ ಮಾಥೀ ಸರ್ವರತ್ನಹರೋ ಹರಿಃ ।
ವಜ್ರವೈಡೂರ್ಯಕೋ ವಜ್ರೀ ಚಿನ್ತಾಮಣಿಮಹಾಮಣಿಃ ॥ 90 ॥
ಅನಿರ್ಮೂಲ್ಯೋ ಮಹಾಮೂಲ್ಯೋ ನಿರ್ಮೂಲ್ಯಃ ಸುರಭಿಃ ಸುಖೀ ।
ಪಿತಾ ಮಾತಾ ಶಿಶುರ್ಬನ್ಧುರ್ಧಾತಾ ತ್ವಷ್ಟಾರ್ಯಮಾ ಯಮಃ ॥ 91 ॥
ಅನ್ತಃಸ್ಥೋ ಬಾಹ್ಯಕಾರೀ ಚ ಬಹಿಃಸ್ಥೋ ವೈ ಬಹಿಶ್ಚರಃ ।
ಪಾವನಃ ಪಾವಕಃ ಪಾಕೀ ಸರ್ವಭಕ್ಷೀ ಹುತಾಶನಃ ॥ 92 ॥
ಭಗವಾನ್ಭಗಹಾ ಭಾಗೀ ಭವಭಂಜೋ ಭಯಂಕರಃ ।
ಕಾಯಸ್ಥಃ ಕಾರ್ಯಕಾರೀ ಚ ಕಾರ್ಯಕರ್ತಾ ಕರಪ್ರದಃ ॥ 93 ॥
ಏಕಧರ್ಮಾ ದ್ವಿಧರ್ಮಾ ಚ ಸುಖೀ ದೂತ್ಯೋಪಜೀವಕಃ ।
ಬಾಲಕಸ್ತಾರಕಸ್ತ್ರಾತಾ ಕಾಲೋ ಮೂಷಕಭಕ್ಷಕಃ ॥ 94 ॥
ಸಂಜೀವನೋ ಜೀವಕರ್ತಾ ಸಜೀವೋ ಜೀವಸಮ್ಭವಃ ।
ಷಡ್ವಿಂಶಕೋ ಮಹಾವಿಷ್ಣುಃ ಸರ್ವವ್ಯಾಪೀ ಮಹೇಶ್ವರಃ ॥ 95 ॥
ದಿವ್ಯಾಂಗದೋ ಮುಕ್ತಮಾಲೀ ಶ್ರೀವತ್ಸೋ ಮಕರಧ್ವಜಃ ।
ಶ್ಯಾಮಮೂರ್ತಿರ್ಘನಶ್ಯಾಮಃ ಪೀತವಾಸಾಃ ಶುಭಾನನಃ ॥ 96 ॥
ಚೀರವಾಸಾ ವಿವಾಸಾಶ್ಚ ಭೂತದಾನವವಲ್ಲಭಃ ।
ಅಮೃತೋಽಮೃತಭಾಗೀ ಚ ಮೋಹಿನೀರೂಪಧಾರಕಃ ॥ 97 ॥
ದಿವ್ಯದೃಷ್ಟಿಃ ಸಮದೃಷ್ಟಿರ್ದೇವದಾನವವಂಚಕಃ ।
ಕಬನ್ಧಃ ಕೇತುಕಾರೀ ಚ ಸ್ವರ್ಭಾನುಶ್ಚನ್ದ್ರತಾಪನಃ ॥ 98 ॥
ಗ್ರಹರಾಜೋ ಗ್ರಹೀ ಗ್ರಾಹಃ ಸರ್ವಗ್ರಹವಿಮೋಚಕಃ ।
ದಾನಮಾನಜಪೋ ಹೋಮಃ ಸಾನುಕೂಲಃ ಶುಭಗ್ರಹಃ ॥ 99 ॥
ವಿಘ್ನಕರ್ತಾಽಪಹರ್ತಾ ಚ ವಿಘ್ನನಾಶೋ ವಿನಾಯಕಃ ।
ಅಪಕಾರೋಪಕಾರೀ ಚ ಸರ್ವಸಿದ್ಧಿಫಲಪ್ರದಃ ॥ 100 ॥
ಸೇವಕಃ ಸಾಮದಾನೀ ಚ ಭೇದೀ ದಂಡೀ ಚ ಮತ್ಸರೀ ।
ದಯಾವಾನ್ದಾನಶೀಲಶ್ಚ ದಾನೀ ಯಜ್ವಾ ಪ್ರತಿಗ್ರಹೀ ॥ 101 ॥
ಹವಿರಗ್ನಿಶ್ಚರುಸ್ಥಾಲೀ ಸಮಿಧಶ್ಚಾನಿಲೋ ಯಮಃ ।
ಹೋತೋದ್ಗಾತಾ ಶುಚಿಃ ಕುಂಡಃ ಸಾಮಗೋ ವೈಕೃತಿಃ ಸವಃ ॥ 102 ॥
ದ್ರವ್ಯಂ ಪಾತ್ರಾಣಿ ಸಂಕಲ್ಪೋ ಮುಶಲೋ ಹ್ಯರಣಿಃ ಕುಶಃ ।
ದೀಕ್ಷಿತೋ ಮಂಡಪೋ ವೇದಿರ್ಯಜಮಾನಃ ಪಶುಃ ಕ್ರತುಃ ॥ 103 ॥
ದಕ್ಷಿಣಾ ಸ್ವಸ್ತಿಮಾನ್ಸ್ವಸ್ತಿ ಹ್ಯಾಶೀರ್ವಾದಃ ಶುಭಪ್ರದಃ ।
ಆದಿವೃಕ್ಷೋ ಮಹಾವೃಕ್ಷೋ ದೇವವೃಕ್ಷೋ ವನಸ್ಪತಿಃ ॥ 104 ॥
ಪ್ರಯಾಗೋ ವೇಣುಮಾನ್ವೇಣೀ ನ್ಯಗ್ರೋಧಶ್ಚಾಽಕ್ಷಯೋ ವಟಃ ।
ಸುತೀರ್ಥಸ್ತೀರ್ಥಕಾರೀ ಚ ತೀರ್ಥರಾಜೋ ವ್ರತೀ ವತಃ ॥ 105 ॥
ವೃತ್ತಿದಾತಾ ಪೃಥುಃ ಪುತ್ರೋ ದೋಗ್ಧಾ ಗೌರ್ವತ್ಸ ಏವ ಚ ।
ಕ್ಷೀರಂ ಕ್ಷೀರವಹಃ ಕ್ಷೀರೀ ಕ್ಷೀರಭಾಗವಿಭಾಗವಿತ್ ॥ 106 ॥
ರಾಜ್ಯಭಾಗವಿದೋ ಭಾಗೀ ಸರ್ವಭಾಗವಿಕಲ್ಪಕಃ ।
ವಾಹನೋ ವಾಹಕೋ ವೇಗೀ ಪಾದಚಾರೀ ತಪಶ್ಚರಃ ॥ 107 ॥
ಗೋಪನೋ ಗೋಪಕೋ ಗೋಪೀ ಗೋಪಕನ್ಯಾವಿಹಾರಕೃತ್ ।
ವಾಸುದೇವೋ ವಿಶಾಲಾಕ್ಷಃ ಕೃಷ್ಣೋಗೋಪೀಜನಪ್ರಿಯಃ ॥ 108 ॥
ದೇವಕೀನನ್ದನೋ ನನ್ದೀ ನನ್ದಗೋಪಗೃಹಾಽಽಶ್ರಮೀ ।
ಯಶೋದಾನನ್ದನೋ ದಾಮೀ ದಾಮೋದರ ಉಲೂಖಲೀ ॥ 109 ॥
ಪೂತನಾರಿಃ ಪದಾಕಾರೀ ಲೀಲಾಶಕಟಭಂಜಕಃ ।
ನವನೀತಪ್ರಿಯೋ ವಾಗ್ಗ್ಮೀ ವತ್ಸಪಾಲಕಬಾಲಕಃ ॥ 110 ॥
ವತ್ಸರೂಪಧರೋ ವತ್ಸೀ ವತ್ಸಹಾ ಧೇನುಕಾನ್ತಕೃತ್ ।
ಬಕಾರಿರ್ವನವಾಸೀ ಚ ವನಕ್ರೀಡಾವಿಶಾರದಃ ॥ 111 ॥
ಕೃಷ್ಣವರ್ಣಾಕೃತಿಃ ಕಾನ್ತೋ ವೇಣುವೇತ್ರವಿಧಾರಕಃ ।
ಗೋಪಮೋಕ್ಷಕರೋ ಮೋಕ್ಷೋ ಯಮುನಾಪುಲಿನೇಚರಃ ॥ 112 ॥
ಮಾಯಾವತ್ಸಕರೋ ಮಾಯೀ ಬ್ರಹ್ಮಮಾಯಾಪಮೋಹಕಃ ।
ಆತ್ಮಸಾರವಿಹಾರಜ್ಞೋ ಗೋಪದಾರಕದಾರಕಃ ॥ 113 ॥
ಗೋಚಾರೀ ಗೋಪತಿರ್ಗೋಪೋ ಗೋವರ್ಧನಧರೋ ಬಲೀ ।
ಇನ್ದ್ರದ್ಯುಮ್ನೋ ಮಖಧ್ವಂಸೀ ವೃಷ್ಟಿಹಾ ಗೋಪರಕ್ಷಕಃ ॥ 114 ॥
ಸುರಭಿತ್ರಾಣಕರ್ತಾ ಚ ದಾವಪಾನಕರಃ ಕಲೀ ।
ಕಾಲೀಯಮರ್ದನಃ ಕಾಲೀ ಯಮುನಾಹ್ರದವಿಹಾರಕಃ ॥ 115 ॥
ಸಂಕರ್ಷಣೋ ಬಲಶ್ಲಾಘ್ಯೋ ಬಲದೇವೋ ಹಲಾಯುಧಃ ।
ಲಾಂಗಲೀ ಮುಸಲೀ ಚಕ್ರೀ ರಾಮೋ ರೋಹಿಣಿನನ್ದನಃ ॥ 116 ॥
ಯಮುನಾಕರ್ಷಣೋದ್ಧಾರೋ ನೀಲವಾಸಾ ಹಲೋ ಹಲೀ ।
ರೇವತೀ ರಮಣೋ ಲೋಲೋ ಬಹುಮಾನಕರಃ ಪರಃ ॥ 117 ॥
ಧೇನುಕಾರಿರ್ಮಹಾವೀರೋ ಗೋಪಕನ್ಯಾವಿದೂಷಕಃ ।
ಕಾಮಮಾನಹರಃ ಕಾಮೀ ಗೋಪೀವಾಸೋಽಪತಸ್ಕರಃ ॥ 118 ॥
ವೇಣುವಾದೀ ಚ ನಾದೀ ಚ ನೃತ್ಯಗೀತವಿಶಾರದಃ ।
ಗೋಪೀಮೋಹಕರೋ ಗಾನೀ ರಾಸಕೋ ರಜನೀಚರಃ ॥ 119 ॥
ದಿವ್ಯಮಾಲೀ ವಿಮಾಲೀ ಚ ವನಮಾಲಾವಿಭೂಷಿತಃ ।
ಕೈಟಭಾರಿಶ್ಚ ಕಂಸಾರಿರ್ಮಧುಹಾ ಮಧುಸೂದನಃ ॥ 120 ॥
ಚಾಣೂರಮರ್ದನೋ ಮಲ್ಲೋ ಮುಷ್ಟೀ ಮುಷ್ಟಿಕನಾಶಕೃತ್ ।
ಮುರಹಾ ಮೋದಕಾ ಮೋದೀ ಮದಘ್ನೋ ನರಕಾನ್ತಕೃತ್ ॥ 121 ॥
ವಿದ್ಯಾಧ್ಯಾಯೀ ಭೂಮಿಶಾಯೀ ಸುದಾಮಾ ಸುಸಖಾ ಸುಖೀ ।
ಸಕಲೋ ವಿಕಲೋ ವೈದ್ಯಃ ಕಲಿತೋ ವೈ ಕಲಾನಿಧಿಃ ॥ 122 ॥
ವಿದ್ಯಾಶಾಲೀ ವಿಶಾಲೀ ಚ ಪಿತೃಮಾತೃವಿಮೋಕ್ಷಕಃ ।
ರುಕ್ಮಿಣೀರಮಣೋ ರಮ್ಯಃ ಕಾಲಿನ್ದೀಪತಿಃ ಶಂಖಹಾ ॥ 123 ॥
ಪಾಂಚಜನ್ಯೋ ಮಹಾಪದ್ಮೋ ಬಹುನಾಯಕನಾಯಕಃ ।
ಧುನ್ಧುಮಾರೋ ನಿಕುಮ್ಭಘ್ನಃ ಶಮ್ಬರಾನ್ತೋ ರತಿಪ್ರಿಯಃ ॥ 124 ॥
ಪ್ರದ್ಯುಮ್ನಶ್ಚಾನಿರುದ್ಧಶ್ಚ ಸಾತ್ವತಾಂ ಪತಿರರ್ಜುನಃ ।
ಫಾಲ್ಗುನಶ್ಚ ಗುಡಾಕೇಶಃ ಸವ್ಯಸಾಚೀ ಧನಂಜಯಃ ॥ 125 ॥
ಕಿರೀಟೀ ಚ ಧನುಷ್ಪಾಣಿರ್ಧನುರ್ವೇದವಿಶಾರದಃ ॥
ಶಿಖಂಡೀ ಸಾತ್ಯಕಿಃ ಶೈಬ್ಯೋ ಭೀಮೋ ಭೀಮಪರಾಕ್ರಮಃ ॥ 126 ॥
ಪಾಂಚಾಲಶ್ಚಾಭಿಮನ್ಯುಶ್ಚ ಸೌಭದ್ರೋ ದ್ರೌಪದೀಪತಿ ।
ಯುಧಿಷ್ಠಿರೋ ಧರ್ಮರಾಜಃ ಸತ್ಯವಾದೀ ಶುಚಿವ್ರತಃ ॥ 127 ॥
ನಕುಲಃ ಸಹದೇವಶ್ಚ ಕರ್ಣೋ ದುರ್ಯೋಧನೋ ಘೃಣೀ ।
ಗಾಂಗೇಯೋಽಥಗದಾಪಾಣಿರ್ಭೀಷ್ಮೋ ಭಾಗೀರಥೀಸುತಃ ॥ 128 ॥
ಪ್ರಜ್ಞಾಚಕ್ಷುರ್ಧೃತರಾಷ್ಟ್ರೋ ಭಾರದ್ವಾಜೋಽಥಗೌತಮಃ ।
ಅಶ್ವತ್ಥಾಮಾ ವಿಕರ್ಣಶ್ಚಜಹ್ನುರ್ಯುದ್ಧವಿಶಾರದಃ ॥ 129 ॥
ಸೀಮನ್ತಿಕೋ ಗದೀ ಗಾಲ್ವೋ ವಿಶ್ವಾಮಿತ್ರೋ ದುರಾಸದಃ ।
ದುರ್ವಾಸಾ ದುರ್ವಿನೀತಶ್ಚ ಮಾರ್ಕಂಡೇಯೋ ಮಹಾಮುನಿಃ ॥ 130 ॥
ಲೋಮಶೋ ನಿರ್ಮಲೋಽಲೋಮೀ ದೀರ್ಘಾಯುಶ್ಚ ಚಿರೋಽಚಿರೀ ।
ಪುನರ್ಜೀವೀ ಮೃತೋ ಭಾವೀ ಭೂತೋ ಭವ್ಯೋ ಭವಿಷ್ಯಕಃ ॥ 131 ॥
ತ್ರಿಕಾಲೋಽಥ ತ್ರಿಲಿಂಗಶ್ಚ ತ್ರಿನೇತ್ರಸ್ತ್ರಿಪದೀಪತಿಃ ।
ಯಾದವೋ ಯಾಜ್ಞವಲ್ಕ್ಯಶ್ಚ ಯದುವಂಶವಿವರ್ಧನಃ ॥ 132 ॥
ಶಲ್ಯಕ್ರೀಡೀ ವಿಕ್ರೀಡಶ್ಚ ಯಾದವಾನ್ತಕರಃ ಕಲಿಃ ।
ಸದಯೋ ಹೃದಯೋ ದಾಯೋ ದಾಯದೋ ದಾಯಭಾಗ್ದಯೀ ॥ 133 ॥
ಮಹೋದಧಿರ್ಮಹೀಪೃಷ್ಠೋ ನೀಲಪರ್ವತವಾಸಕೃತ ।
ಏಕವರ್ಣೋ ವಿವರ್ಣಶ್ಚ ಸರ್ವವರ್ಣಬಹಿಶ್ಚರಃ ॥ 134 ॥
ಯಜ್ಞನಿನ್ದೀ ವೇದನಿನ್ದೀ ವೇದಬಾಹ್ಯೋ ಬಲೋ ಬಲಿಃ ।
ಬೌದ್ಧಾರಿರ್ಬಾಧಕೋ ಬಾಧೋ ಜಗನ್ನಾಥೋ ಜಗತ್ಪತಿಃ ॥ 135 ॥
ಭಕ್ತಿರ್ಭಾಗವತೋ ಭಾಗೀ ವಿಭಕ್ತೋ ಭಗವತ್ಪ್ರಿಯಃ ।
ತ್ರಿಗ್ರಾಮೋಽಥ ನವಾರಣ್ಯೋ ಗುಹ್ಯೋಪನಿಷದಾಸನಃ ॥ 136 ॥
ಶಾಲಿಗ್ರಾಮಃ ಶಿಲಾಯುಕ್ತೋ ವಿಶಾಲೋ ಗಂಡಕಾಶ್ರಯಃ ।
ಶ್ರುತದೇವಃ ಶ್ರುತಃ ಶ್ರಾವೀ ಶ್ರುತಬೋಧಃ ಶ್ರುತಶ್ರವಾಃ ॥ 137 ॥
ಕಲ್ಕಿಃ ಕಾಲಕಲಃ ಕಲ್ಕೋ ದುಷ್ಟಮ್ಲೇಚ್ಛವಿನಾಶ ಕೃತ್ ।
ಕುಂಕುಮೀ ಧವಲೋ ಧೀರಃ ಕ್ಷಮಾಕರೋ ವೃಷಾಕಪಿಃ ॥ 138 ॥
ಕಿಂಕರಃ ಕಿನ್ನರಃ ಕಣ್ವಃ ಕೇಕೀ ಕಿಮ್ಪುರುಷಾಧಿಪಃ ।
ಏಕರೋಮಾ ವಿರೋಮಾ ಚ ಬಹುರೋಮಾ ಬೃಹತ್ಕವಿಃ ॥ 139 ॥
ವಜ್ರಪ್ರಹರಣೋ ವಜ್ರೀ ವೃತ್ರಘ್ನೋ ವಾಸವಾನುಜಃ ।
ಬಹುತೀರ್ಥಕರಸ್ತೀರ್ಥಃ ಸರ್ವತೀರ್ಥಜನೇಶ್ವರಃ ॥ 140 ॥
ವ್ಯತೀಪಾತೋಪರಾಗಶ್ಚ ದಾನವೃದ್ಧಿಕರಃ ಶುಭಃ ।
ಅಸಂಖ್ಯೇಯೋಽಪ್ರಮೇಯಶ್ಚ ಸಂಖ್ಯಾಕಾರೋ ವಿಸಂಖ್ಯಕಃ ॥ 141 ॥
ಮಿಹಿಕೋತ್ತಾರಕಸ್ತಾರೋ ಬಾಲಚನ್ದ್ರಃ ಸುಧಾಕರಃ ।
ಕಿಮ್ವರ್ಣಃ ಕೀದೃಶಃ ಕಿಂಚಿತ್ಕಿಂಸ್ವಭಾವಃ ಕಿಮಾಶ್ರಯಃ ॥ 142 ॥
ನಿರ್ಲೋಕಶ್ಚ ನಿರಾಕಾರೀ ಬಹ್ವಾಕಾರೈಕಕಾರಕಃ ।
ದೌಹಿತ್ರಃ ಪುತ್ರಿಕಃ ಪೌತ್ರೋ ನಪ್ತಾ ವಂಶಧರೋ ಧರಃ ॥ 143 ॥
ದ್ರವೀಭೂತೋ ದಯಾಲುಶ್ಚ ಸರ್ವಸಿದ್ಧಿಪ್ರದೋ ಮಣಿಃ ॥ 144 ॥
ಆಧಾರೋಽಪಿ ವಿಧಾರಶ್ಚ ಧರಾಸೂನುಃ ಸುಮಂಗಲಃ ।
ಮಂಗಲೋ ಮಂಗಲಾಕಾರೋ ಮಾಂಗಲ್ಯಃ ಸರ್ವಮಂಗಲಃ ॥ 145 ॥
ನಾಮ್ನಾಂ ಸಹಸ್ರಂ ನಾಮೇದಂ ವಿಷ್ಣೋರತುಲತೇಜಸಃ ।
ಸರ್ವಸಿದ್ಧಿಕರಂ ಕಾಮ್ಯಂ ಪುಣ್ಯಂ ಹರಿಹರಾತ್ಮಕಮ್ ॥ 146 ॥
ಯಃ ಪಠೇತ್ಪ್ರಾತರುತ್ಥಾಯ ಶುಚಿರ್ಭೂತ್ವಾ ಸಮಾಹಿತಃ ।
ಯಶ್ಚೇದಂ ಶೃಣುಯಾನ್ನಿತ್ಯಂ ನರೋ ನಿಶ್ಚಲಮಾನಸಃ ॥ 147 ॥
ತ್ರಿಸನ್ಧ್ಯಂ ಶ್ರದ್ಧಯಾ ಯುಕ್ತಃ ಸರ್ವಪಾಪೈಃ ಪ್ರಮುಚ್ಯತೇ ।
ನನ್ದತೇ ಪುತ್ರಪೌತ್ರೈಶ್ಚ ದಾರೈರ್ಭೃತ್ಯೈಶ್ಚ ಪೂಜಿತಃ ॥ 148 ॥
ಪ್ರಾಪ್ನುತೇ ವಿಪುಲಾಂ ಲಕ್ಷ್ಮೀಂ ಮುಚ್ಯತೇ ಸರ್ವಸಂಕಟಾತ್ ।
ಸರ್ವಾನ್ಕಾಮಾನವಾಪ್ನೋತಿ ಲಭತೇ ವಿಪುಲಂ ಯಶಃ ॥ 149 ॥
ವಿದ್ಯಾವಾಂಜಾಯತೇ ವಿಪ್ರಃ ಕ್ಷತ್ರಿಯೋ ವಿಜಯೀ ಭವೇತ್ ।
ವೈಶ್ಯಶ್ಚ ಧನಲಾಭಾಢ್ಯಃ ಶೂದ್ರಃ ಸುಖಮವಾಪ್ನುಯಾತ್ ॥ 150 ॥
ರಣೇ ಘೋರೇ ವಿವಾದೇ ಚ ವ್ಯಾಪಾರೇ ಪಾರತನ್ತ್ರಕೇ ।
ವಿಜಯೀ ಜಯಮಾಪ್ನೋತಿ ಸರ್ವದಾ ಸರ್ವಕರ್ಮಸು ॥ 151 ॥
ಏಕಧಾ ದಶಧಾ ಚೈವ ಶತಧಾ ಚ ಸಹಸ್ರಧಾ ।
ಪಠತೇ ಹಿ ನರೋ ನಿತ್ಯಂ ತಥೈವ ಫಲಮಶ್ನುತೇ ॥ 152 ॥
ಪುತ್ರಾರ್ಥೀ ಪ್ರಾಪ್ನುತೇ ಪುತ್ರಾನ್ಧನಾರ್ಥೀ ಧನಮವ್ಯಯಮ್ ।
ಮೋಕ್ಷಾರ್ಥೀ ಪ್ರಾಪ್ನುತೇ ಮೋಕ್ಷಂ ಧರ್ಮಾರ್ಥೀ ಧರ್ಮಸಂಚಯಮ್ ॥ 153 ॥
ಕನ್ಯಾರ್ಥೀ ಪ್ರಾಪ್ನುತೇ ಕನ್ಯಾಂ ದುರ್ಲಭಾಂ ಯತ್ಸುರೈರಪಿ ।
ಜ್ಞಾನಾರ್ಥೀ ಜಾಯತೇ ಜ್ಞಾನೀ ಯೋಗೀ ಯೋಗೇಷು ಯುಜ್ಯತೇ ॥ 154 ॥
ಮಹೋತ್ಪಾತೇಷು ಘೋರೇಷು ದುರ್ಭಿಕ್ಷೇ ರಾಜವಿಗ್ರಹೇ ।
ಮಹಾಮಾರೀಸಮುದ್ಭೂತೇ ದಾರಿದ್ರ್ಯೇ ದುಃಖಪೀಡಿತೇ ॥ 155 ॥
ಅರಣ್ಯೇ ಪ್ರಾನ್ತರೇ ವಾಽಪಿ ದಾವಾಗ್ನಿಪರಿವಾರಿತೇ ।
ಸಿಂಹವ್ಯಾಘ್ರಾಭಿಭೂತೇಽಪಿ ವನೇ ಹಸ್ತಿಸಮಾಕುಲೇ ॥ 156 ॥
ರಾಜ್ಞಾ ಕ್ರುದ್ಧೇನ ಚಾಜ್ಞಪ್ತೇ ದಸ್ಯುಭಿಃ ಸಹ ಸಂಗಮೇ ।
ವಿದ್ಯುತ್ಪಾತೇಷು ಘೋರೇಷು ಸ್ಮರ್ತವ್ಯಂ ಹಿ ಸದಾ ನರೈಃ ॥ 157 ॥
ಗ್ರಹಪೀಡಾಸು ಚೋಗ್ರಾಸು ವಧಬನ್ಧಗತಾವಪಿ ।
ಮಹಾರ್ಣವೇ ಮಹಾನದ್ಯಾಂ ಪೋತಸ್ಥೇಷು ನ ಚಾಪದಃ ॥ 158 ॥
ರೋಗಗ್ರಸ್ತೋ ವಿವರ್ಣಶ್ಚ ಗತಕೇಶನಖತ್ವಚಃ ।
ಪಠನಾಚ್ಛವಣಾದ್ವಾಪಿ ದಿವ್ಯಕಾಯಾ ಭವನ್ತಿ ತೇ ॥ 159 ॥
ತುಲಸೀವನಸಂಸ್ಥಾನೇ ಸರೋದ್ವೀಪೇ ಸುರಾಲಯೇ ।
ಬದ್ರಿಕಾಶ್ರಮೇ ಶುಭೇ ದೇಶೇ ಗಂಗಾದ್ವಾರೇ ತಪೋವನೇ ॥ 160 ॥
ಮಧುವನೇ ಪ್ರಯಾಗೇ ಚ ದ್ವಾರಕಾಯಾಂ ಸಮಾಹಿತಃ ।
ಮಹಾಕಾಲವನೇ ಸಿದ್ಧೇ ನಿಯತಾಃ ಸರ್ವಕಾಮಿಕಾಃ ॥ 161 ॥
ಯೇ ಪಠನ್ತಿ ಶತಾವರ್ತಂ ಭಕ್ತಿಮನ್ತೋ ಜಿತೇನ್ದ್ರಿಯಾಃ ।
ತೇ ಸಿದ್ಧಾಃ ಸಿದ್ಧಿದಾ ಲೋಕೇ ವಿಚರನ್ತಿ ಮಹೀತಲೇ ॥ 162 ॥
ಅನ್ಯೋನ್ಯಭೇದಭೇದಾನಾಂ ಮೈತ್ರೀಕರಣಮುತ್ತಮಮ್ ।
ಮೋಹನಂ ಮೋಹನಾನಾಂ ಚ ಪವಿತ್ರಂ ಪಾಪನಾಶನಮ್ ॥ 163 ॥
ಬಾಲಗ್ರಹವಿನಾಶಾಯ ಶಾನ್ತೀಕರಣಮುತ್ತಮಮ್ ।
ದುರ್ವೃತ್ತಾನಾಂ ಚ ಪಾಪಾನಾಂ ಬುದ್ಧಿನಾಶಕರಂ ಪರಮ್ ॥ 164 ॥
ಪತದ್ಗರ್ಭಾ ಚ ವನ್ಧ್ಯಾ ಚ ಸ್ರಾವಿಣೀ ಕಾಕವನ್ಧ್ಯಕಾ ।
ಅನಾಯಾಸೇನ ಸತತಂ ಪುತ್ರಮೇವ ಪ್ರಸೂಯತೇ ॥ 165 ॥
ಪಯಃಪುಷ್ಕಲದಾ ಗಾವೋ ಬಹುಧಾನ್ಯಫಲಾ ಕೃಷಿಃ ।
ಸ್ವಾಮಿಧರ್ಮಪರಾ ಭೃತ್ಯಾ ನಾರೀ ಪತಿವ್ರತಾ ಭವೇತ್ ॥ 166 ॥
ಅಕಾಲಮೃತ್ಯುನಾಶಾಯ ತಥಾ ದುಃಸ್ವಪ್ನದರ್ಶನೇ ।
ಶಾನ್ತಿಕರ್ಮಣಿ ಸರ್ವತ್ರ ಸ್ಮರ್ತವ್ಯಂ ಚ ಸದಾ ನರೈಃ ॥ 167 ॥
ಯಃ ಪಠತ್ಯನ್ವಹಂ ಮರ್ತ್ಯಃ ಶುಚಿಷ್ಮಾನ್ವಿಷ್ಣುಸನ್ನಿಧೌ ।
ಏಕಾಕೀ ಚ ಜಿತಾಹಾರೋ ಜಿತಕ್ರೋಧೋ ಜಿತೇನ್ದ್ರಿಯಃ ॥ 168 ॥
ಗರುಡಾರೋಹಸಮ್ಪನ್ನಃ ಪೀತವಾಸಾಶ್ಚತುರ್ಭುಜಃ ।
ವಾಂಛಿತಂ ಪ್ರಾಪ್ಯ ಲೋಕೇಽಸ್ಮಿನ್ವಿಷ್ಣುಲೋಕೇ ಸ ಗಚ್ಛತಿ ॥ 169 ॥
ಏಕತಃ ಸಕಲಾ ವಿದ್ಯಾ ಏಕತಃ ಸಕಲಂ ತಪಃ ।
ಏಕತಃ ಸಕಲೋ ಧರ್ಮೋ ನಾಮ ವಿಷ್ಣೋಸ್ತಥೈಕತಃ ॥ 170 ॥
ಯೋ ಹಿ ನಾಮಸಹಸ್ರೇಣ ಸ್ತೋತುಮಿಚ್ಛತಿ ವೈ ದ್ವಿಜಃ ।
ಸೋಽಯಮೇಕೇನ ಶ್ಲೋಕೇನ ಸ್ತುತ ಏವ ನ ಸಂಶಯಃ ॥ 171 ॥ ( var ಸೋಽಹಮೇಕೇನ)
ಸಹಸ್ರಾಕ್ಷಃ ಸಹಸ್ರಪಾತ್ಸಹಸ್ರವದನೋಜ್ಜ್ವಲಃ ।
ಸಹಸ್ರನಾಮಾನನ್ತಾಕ್ಷಃ ಸಹಸ್ರಬಾಹುರ್ನಮೋಽಸ್ತು ತೇ ॥ 172 ॥
ವಿಷ್ಣೋರ್ನಾಮಸಹಸ್ರಂ ವೈ ಪುರಾಣಂ ವೇದಸಮ್ಮತಮ್ ।
ಪಠಿತವ್ಯಂ ಸದಾ ಭಕ್ತೈಃ ಸರ್ವಮಂಗಲಮಂಗಲಮ್ ॥ 173 ॥
ಇತಿ ಸ್ತವಾಭಿಯುಕ್ತಾನಾಂ ದೇವಾನಾಂ ತತ್ರ ವೈ ದ್ವಿಜ ।
ಪ್ರತ್ಯಕ್ಷಂ ಪ್ರಾಹ ಭಗವಾನ್ವರದೋ ವರದಾರ್ಚಿತಃ ॥ 174 ॥
ಶ್ರೀಭಗವಾನುವಾಚ –
ವ್ರಿಯತಾಂ ಭೋಃ ಸುರಾಃ ಸರ್ವೈರ್ವರೋಽಸ್ಮತ್ತೋಭಿವಾಂಛಿತಃ ।
ತತ್ಸರ್ವಂ ಸಮ್ಪ್ರದಾಸ್ಯಾಮಿ ನಾಽತ್ರ ಕಾರ್ಯಾ ವಿಚಾರಣಾ ॥ 175 ॥
ಇತಿ ಶ್ರೀಸ್ಕನ್ದಮಹಾಪುರಾಣೇ ಆವನ್ತ್ಯಖಂಡೇಽವನ್ತೀಕ್ಷೇತ್ರಮಾಹಾತ್ಮ್ಯೇ ವಿಷ್ಣುಸಹಸ್ರನಾಮೋಽಧ್ಯಾಯಃ ॥
Also Read 1000 Names of Skandapurana Vishnu:
1000 Names of Sri Vishnu | Sahasranama Stotram from Skandapurana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
