Shri Vishnu Sahasranamastotram Lyrics in Kannada:
॥ ಶ್ರೀವಿಷ್ಣುಸಹಸ್ರನಾಮಸ್ತೋತ್ರಂ ನಾರದಪಂಚರಾತ್ರೇ ॥
ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ
ಶ್ರೀಮಹಾದೇವ ಉವಾಚ-
ಬ್ರಹ್ಮಹತ್ಯಾಸಹಸ್ರಾಣಾಂ ಪಾಪಂ ಶಾಮ್ಯೇತ್ ಕಥಂಚನ ।
ನ ಪುನಸ್ತ್ವಯ್ಯವಿಜ್ಞಾತೇ ಕಲ್ಪಕೋಟಿಶತೈರಪಿ ॥ 1 ॥
ಯಸ್ಮಾನ್ನ ಯಾ ಕೃತಾ ಸ್ಪರ್ಧಾ ಪವಿತ್ರಂ ಸ್ಯಾತ್ಕಥಂ ಹರೇ ।
ನಶ್ಯನ್ತಿ ಸರ್ವಪಾಪಾನಿ ತನ್ಮಾಂ ವದ ಸುರೇಶ್ವರ ।
ತದಾಹ ದೇವೋ ಗೋವಿನ್ದ ಮಮ ಪ್ರೀತ್ಯಾ ಯಥಾಯಥಮ್ ॥ 2 ॥
ಶ್ರೀಭಗವಾನುವಾಚ-
ಸದಾ ನಾಮಸಹಸ್ರಂ ಮೇ ಪಾವನಂ ಮತ್ಪದಾವಹಮ್ ।
ತತ್ಪರೋಽನುದಿನಂ ಶಮ್ಭೋ ಸರ್ವೈಶ್ವರ್ಯಂ ಯದೀಚ್ಛಸಿ ॥ 3 ॥
ಶ್ರೀಮಹಾದೇವ ಉವಾಚ-
ತಮೇವ ತಪಸಾ ನಿತ್ಯಂ ಭಜಾಮಿ ಸ್ತೌಮಿ ಚಿನ್ತಯೇ ।
ತೇನಾದ್ವಿತೀಯಮಹಿಮೋ ಜಗತ್ಪೂಜ್ಯೋಽಸ್ಮಿ ಪಾರ್ವತಿ ! ॥ 4 ॥
ಶ್ರೀಪಾರ್ವತ್ಯುವಾಚ-
ತನ್ಮೇ ಕಥಯ ದೇವೇಶ ಯಥಾಹಮಪಿ ಶಂಕರ ! ।
ಸರ್ವೇಶ್ವರೀ ನಿರೂಪಮಾ ತವ ಸ್ಯಾಂ ಸದೃಶೀ ಪ್ರಭೋ ! ॥ 5 ॥
ಶ್ರೀಮಹಾದೇವ ಉವಾಚ-
ಸಾಧು ! ಸಾಧು ! ತ್ವಯಾ ಪೃಷ್ಟೋ ವಿಷ್ಣೋರ್ಭಗವತಃ ಶಿವೇ ! ।
ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ಮುಖ್ಯಂ ತ್ರೈಲೋಕ್ಯಮಂಗಲಮ್ ॥ 6 ॥
ಓಂ ನಮೋನಾರಾಯಣಾಯ ಪುರುಷೋತ್ತಮಾಯ ಚ ಮಹಾತ್ಮನೇ ।
ವಿಶುದ್ಧಸದ್ಮಾಧಿಷ್ಠಾಯ ಮಹಾಹಂಸಾಯ ಧೀಮಹಿ ॥ 7 ॥
ವಿನಿಯೋಗಃ
ಓಂ ಅಸ್ಯ ಶ್ರೀವಿಷ್ಣೋಃ ಸಹಸ್ರನಾಮಮನ್ತ್ರಸ್ಯ ಮಹಾದೇವ ಋಷಿಃ । ಅನುಷ್ಟುಪ್ಛನ್ದಃ ।
ಪರಮಾತ್ಮಾ ದೇವತಾ । ಸೂರ್ಯಕೋಟಿಪ್ರತೀಕಾಶ ಇತಿ ಬೀಜಮ್ । ಗಂಗಾತೀರ್ಥೋತ್ತಮಾ ಶಕ್ತಿಃ ।
ಪ್ರಪನ್ನಾಶನಿಪಂಜರ ಇತಿ ಕೀಲಕಮ್ । ದಿವ್ಯಾಸ್ತ್ರ ಇತ್ಯಸ್ರಮ್ । ಸರ್ವಪಾಪಕ್ಷಯಾರ್ಥಂ
ಸರ್ವಾಭೀಷ್ಟಸಿದ್ಧ್ಯರ್ಥಂ ಶ್ರೀವಿಷ್ಣೋರ್ನಾಮಸಹಸ್ರಜಪೇ ವಿನಿಯೋಗಃ ।
ಋಷ್ಯಾದಿನ್ಯಾಸಃ
ಓಂ ಮಹಾದೇವಾಯ ಋಷಯೇ ನಮಃ ಇತಿ ಶಿರಸಿ ॥ 1 ॥
ಅನುಷ್ಟುಪ್ ಛನ್ದಸೇ ನಮಃ ಮುಖೇ ॥ 2 ॥
ಪರಮಾತ್ಮದೇವತಾಯೈ ನಮಃ ಹೃದಿ ॥ 3 ॥
ಸೂರ್ಯಕೋಟಿಪ್ರತೀಕಾಶಬೀಜಾಯ ನಮಃ ಗುಹ್ಯೇ ॥ 4 ॥
ಗಂಗಾತೀರ್ಥೋತ್ತಮಶಕ್ತ್ಯೇ ನಮಃ ಪಾದಯೋಃ ॥ 5 ॥
ಪ್ರಸನ್ನಾಶನಿಪಂಜರಕೀಲಕಾಯ ನಮಃ ನಾಭೌ ॥ 6 ॥
ವಿನಿಯೋಗಾಯ ನಮಃ ಸರ್ವಾಂಗೇ ॥ 7 ॥
ಕರನ್ಯಾಸಃ
ಓಂ ವಾಸುದೇವಃ ಪರಂ ಬ್ರಹ್ಮ ಇತ್ಯಂಗುಷ್ಠಾಭ್ಯಾಂ ನಮಃ ॥ 1 ॥
ಓಂ ಮೂಲಪ್ರಕೃತಿರಿತಿ ತರ್ಜನೀಭ್ಯಾಂ ನಮಃ ॥ 2 ॥
ಓಂ ಭೂಮಹಾವರಾಹ ಇತಿ ಮಧ್ಯಮಾಭ್ಯಾಂ ನಮಃ ॥ 3 ॥
ಓಂ ಸೂರ್ಯವಂಶಧ್ವಜೋ ರಾಮ ಇತಿ ಅನಾಮಿಕಾಭ್ಯಾಂ ನಮಃ ॥ 4 ॥
ಓಂ ಬ್ರಹ್ಮಾದಿಕಮಲಾದಿಗದಾಸೂರ್ಯಕೇಶವಮಿತಿ ಕನಿಷ್ಠಿಕಾಭ್ಯಾಂ ನಮಃ ॥ 5 ॥
ಶೇಷ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ ।
ಇತಿ ಕರನ್ಯಾಸಃ ।
ಷಡಂಗನ್ಯಾಸಃ
ಓಂ ವಾಸುದೇವಃ ಪರಂ ಬ್ರಹ್ಮ ಇತಿ ಹೃದಯಾಯ ನಮಃ ॥ 1 ॥
ಓಂ ಮೂಲಪ್ರಕೃತಿ ಶಿರಸೇ ಸ್ವಾಹಾ ॥ 2 ॥
ಓಂ ಭೂಮಹಾವಾರಾಹ ಇತಿ ಶಿಖಾಯೈ ವಷಟ್ ॥ 3 ॥
ಓಂ ಸೂರ್ಯವಂಶಧ್ವಜೋ ರಾಮಃ ಇತಿ ಕವಚಾಯ ಹುಂ ॥ 4 ॥
ಬ್ರಹ್ಮಾದಿಕಮಲಾದಿಗದಾಸೂರ್ಯಕೇಶವಃ ನೇತ್ರತ್ರಯಾಯ ವೌಷಟ ॥ 5 ॥
ಓಂ ದಿವ್ಯಾಸ್ತ್ರ ಇತ್ಯಸ್ತ್ರಾಯ ಫಟ್ ॥ 6 ॥
ಇತಿ ಹದಯಾದಿಷಡಂಗಾನ್ಯಾಸಃ ॥ 7 ॥
॥ ಧ್ಯಾನಮ್ ॥
ವಿಷ್ಣುಂ ಭಾಸ್ವತ್ಕಿರೀಟಾಂಗದವಲಯಗಣಾಕಲ್ಪಹಾರೋದರಾಂಘ್ರಿ-
ಶ್ರೋಣೀಭೂಷಂ ಸುವಕ್ಷೋಮಣಿಮಕರಮಹಾಕುಂಡಲಂ ಮಂಡಿತಾಂಸಮ್ ।
ಹಸ್ತೋದ್ಯಚ್ಚಕ್ರಶಂಖಾಮ್ಬುಜಗದಲಮಲಂ ಪೀತಕೌಶಯವಾಸೋ –
ವಿದ್ಯುದ್ಭಾಸಂ ಸಮುದ್ಯದ್ದಿನಕರಸದೃಶಂ ಪದ್ಮಹಸ್ತಂ ನಮಾಮಿ ॥ 8 ॥
ಓಂ ವಾಸುದೇವಃ ಪರಂ ಬ್ರಹ್ಮ ಪರಮಾತ್ಮಾ ಪರಾತ್ಪರಮ್ ।
ಪರಂ ಧಾಮ ಪರಂ ಜ್ಯೋತಿಃ ಪರಂ ತತ್ತ್ವಂ ಪರಂ ಪದಮ್ ॥ 9 ॥
ಪರಂ ಶಿವಂ ಪರೋ ಧ್ಯೇಯಃ ಪರಂ ಜ್ಞಾನಂ ಪರಾ ಗತಿಃ ।
ಪರಮಾರ್ಥಃ ಪರಂ ಶ್ರೇಯಃ ಪರಾನನ್ದಃ ಪರೋದಯಃ ॥ 10 ॥
ಪರೋ ವ್ಯಕ್ತಃ ಪರಂ ವ್ಯೋಮ ಪರಾರ್ಧಃ ಪರಮೇಶ್ವರಃ ।
ನಿರಾಮಯೋ ನಿರ್ವಿಕಾರೋ ನಿರ್ವಿಕಲ್ಪೋ ನಿರಾಶ್ರಯಃ ॥ 11 ॥
ನಿರಂಜನೋ ನಿರಾಲಮ್ಬೋ ನಿರ್ಲೇಪೋ ನಿರವಗ್ರಹಃ ।
ನಿರ್ಗುಣೋನಿಷ್ಕಲೋಽನನ್ತೋಽಚಿನ್ತ್ಯೋಽಸಾವಚಲೋಽಚ್ಯುತಃ ॥ 12 ॥
ಅತೀನ್ದ್ರಿಯೋಽಮಿತೋಽರೋಧ್ಯೋಽನೀಹೋಽನೀಶೋಽವ್ಯಯೋಽಕ್ಷಯಃ ।
ಸರ್ವಜ್ಞಃ ಸರ್ವಗಃ ಸರ್ವಃ ಸರ್ವದಃ ಸರ್ವಭಾವನಃ ॥ 13 ॥
ಶರ್ವಃ ಶಮ್ಭುಃ ಸರ್ವಸಾಕ್ಷೀ ಪೂಜ್ಯಃ ಸರ್ವಸ್ಯ ಸರ್ವದೃಕ್ ।
ಸರ್ವಶಕ್ತಿಃ ಸರ್ವಸಾರಃ ಸರ್ವಾತ್ಮಾ ಸರ್ವತೋಮುಖಃ ॥ 14 ॥
ಸರ್ವಾವಾಸಃ ಸರ್ವರೂಪಃ ಸರ್ವಾದಿ ಸರ್ವದುಃಖಹಾ ।
ಸರ್ವಾರ್ಥಃ ಸರ್ವತೋಭದ್ರಃ ಸರ್ವಕಾರಣಕಾರಣಮ್ ॥ 15 ॥
ಸರ್ವಾತಿಶಾಯಕಃ ಸರ್ವಾಧ್ಯಕ್ಷಃ ಸರ್ವೇಶ್ವರೇಶ್ವರಃ ।
ಷಡ್ವಿಂಶಕೋ ಮಹಾವಿಷ್ಣುರ್ಮಹಾಗುಹ್ಯೋ ಮಹಾಹರಿಃ ॥ 16 ॥
ನಿತ್ಯೋದಿತೋ ನಿತ್ಯಯುಕ್ತೋ ನಿತ್ಯಾನನ್ದಃ ಸನಾತನಃ ।
ಮಾಯಾಪತಿರ್ಯೋಗಪತಿಃ ಕೈವಲ್ಯಪತಿರಾತ್ಮಭೂಃ ॥ 17 ॥
ಜನ್ಮಮೃತ್ಯುಜರಾತೀತಃ ಕಾಲಾತೀತೋ ಭವಾತಿಗಃ ।
ಪೂರ್ಣಃ ಸತ್ಯಃ ಶುದ್ಧಬುದ್ಧಸ್ವರೂಪೋ ನಿತ್ಯಚಿನ್ಮಯಃ ॥ 18 ॥
ಯೋಗಿಪ್ರಿಯೋ ಯೋಗಮಯೋ ಭವಬನ್ಧೈಕಮೋಚಕಃ ।
ಪುರಾಣಃ ಪುರುಷಃ ಪ್ರತ್ಯಕ್ ಚೈತನ್ಯಂ ಪುರುಷೋತ್ತಮಃ ॥ 19 ॥
ವೇದಾನ್ತವೇದ್ಯೋ ದುರ್ಜ್ಞೇಯಸ್ತಾಪತ್ರಯವಿವರ್ಜಿತಃ ।
ಬ್ರಹ್ಮವಿದ್ಯಾಶ್ರಯೋಽಲಂಘ್ಯಃ ಸ್ವಪ್ರಕಾಶಃ ಸ್ವಯಮ್ಪ್ರಭಃ ॥ 20 ॥
ಸರ್ವೋಪೇಯ ಉದಾಸೀನಃ ಪ್ರಣವಃ ಸರ್ವತಃ ಸಮಃ ।
ಸರ್ವಾನವದ್ಯೋ ದುಷ್ಪ್ರಾಪಸ್ತುರೀಯಸ್ತಮಸಃ ಪರಃ ॥ 21 ॥
ಕೂಟಸ್ಥಃ ಸರ್ವಸಂಶ್ಲಿಷ್ಟೋ ವಾಂಗಮನೋಗೋಚರಾತಿಗಃ ।
ಸಂಕರ್ಷಣಃ ಸರ್ವಹರಃ ಕಾಲಃ ಸರ್ವಭಯಂಕರಃ ॥ 22 ॥
ಅನುಲ್ಲಘ್ಯಂ ಸರ್ವಗತಿರ್ಮಹಾರುದ್ರೋ ದುರಾಸದಃ ।
ಮೂಲಪ್ರಕೃತಿರಾನನ್ದಃ ಪ್ರಜ್ಞಾತಾ ವಿಶ್ವಮೋಹನಃ ॥ 23 ॥
ಮಹಾಮಾಯೋ ವಿಶ್ವಬೀಜಃ ಪರಾಶಕ್ತಿಸುಖೈಕಭುಕ್ ।
ಸರ್ವಕಾಮ್ಯೋಽನನ್ತಶೀಲಃ ಸರ್ವಭೂತವಶಂಕರಃ ॥ 24 ॥
ಅನಿರುದ್ಧಃ ಸರ್ವಜೀವೋ ಹೃಷೀಕೇಶೋ ಮನಃಪತಿಃ ।
ನಿರುಪಾಧಿಃ ಪ್ರಿಯೋ ಹಂಸೋಽಕ್ಷರಃ ಸರ್ವನಿಯೋಜಕಃ ॥ 25 ॥
ಬ್ರಹ್ಮಾ ಪ್ರಾಣೇಶ್ವರಃ ಸರ್ವಭೂತಭೃದ್ದೇಹನಾಯಕಃ ।
ಕ್ಷೇತ್ರಜ್ಞಃ ಪ್ರಕೃತಿಸ್ವಾಮೀ ಪುರುಷೋ ವಿಶ್ವಸೂತ್ರಧೃಕ್ ॥ 26 ॥
ಅನ್ತರ್ಯಾಮೀ ತ್ರಿಧಾಮಾಽನ್ತಃಸಾಕ್ಷೀ ತ್ರಿಗುಣ ಈಶ್ವರಃ ।
ಯೋಗೀ ಮೃಗ್ಯಃ ಪದ್ಮನಾಭಃ ಶೇಷಶಾಯೀ ಶ್ರಿಯಃ ಪತಿಃ ॥ 27 ॥
ಶ್ರೀಸತ್ಯೋಪಾಸ್ಯಪಾದಾಬ್ಜೋಽನನ್ತಃ ಶ್ರೀಃ ಶ್ರೀನಿಕೇತನಃ ।
ನಿತ್ಯವಕ್ಷಃಸ್ಥಲಸ್ಥಶ್ರೀಃ ಶ್ರೀನಿಧಿಃ ಶ್ರೀಧರೋ ಹರಿಃ ॥ 28 ॥
ರಮ್ಯಶ್ರೀರ್ನಿಶ್ಚಯಶ್ರೀದೋ ವಿಷ್ಣುಃ ಕ್ಷೀರಾಬ್ಧಿಮನ್ದಿರಃ ।
ಕೌಸ್ತುಭೋದ್ಭಾಸಿತೋರಸ್ಕೋ ಮಾಧವೋ ಜಗದಾರ್ತಿಹಾ ॥ 29 ॥
ಶ್ರೀವತ್ಸವಕ್ಷಾ ನಿಃಸೀಮಃ ಕಲ್ಯಾಣಗುಣಭಾಜನಮ್ ।
ಪೀತಾಮ್ಬರೋ ಜಗನ್ನಾಥೋ ಜಗದ್ಧಾತಾ ಜಗತ್ಪಿತಾ ॥ 30 ॥
ಜಗದ್ಬನ್ಧುರ್ಜಗತ್ಸ್ರಷ್ಟಾ ಜಗತ್ಕರ್ತಾ ಜಗನ್ನಿಧಿಃ ।
ಜಗದೇಕಸ್ಫುರದ್ವೀರ್ಯೋ ನಾಹಂವಾದೀ ಜಗನ್ಮಯಃ ॥ 31 ॥
ಸರ್ವಾಶ್ಚರ್ಯಮಯಃ ಸರ್ವಸಿದ್ಧಾರ್ಥಃ ಸರ್ವವೀರಜಿತ್ ।
ಸರ್ವಾಮೋಘೋದ್ಯಮೋ ಬ್ರಹ್ಮರುದ್ರಾದ್ಯುತ್ಕೃಷ್ಟಚೇತನಃ ॥ 32 ॥
ಶಮ್ಭೋಃ ಪಿತಾಮಹೋ ಬ್ರಹ್ಮಪಿತಾ ಶಕ್ರಾದ್ಯಧೀಶ್ವರಃ ।
ಸರ್ವದೇವಪ್ರಿಯಃ ಸರ್ವದೇವವೃತ್ತಿರನುತ್ತಮಃ ॥ 33 ॥
ಸರ್ವದೇವೈಕಶರಣಂ ಸರ್ವದೇವೈಕದೈವತಮ್ ।
ಯಜ್ಞಭುಗ್ ಯಜ್ಞಫಲದೋ ಯಜ್ಞೇಶೋ ಯಜ್ಞಭಾವನಃ ॥ 34 ॥
ಯಜ್ಞತ್ರಾತಾ ಯಜ್ಞಪುಮಾನ್ ವನಮಾಲೀ ದ್ವಿಜಪ್ರಿಯಃ ।
ದ್ವಿಜೈಕಮಾನದೋಽಹಿಂಸ್ರಃ ಕುಲದೇವೋಽಸುರಾನ್ತಕಃ ॥ 35 ॥
ಸರ್ವದುಷ್ಟಾನ್ತಕೃತ್ ಸರ್ವಸಜ್ಜನಾನನ್ದಪಾಲಕಃ ।
ಸರ್ವಲೋಕೈಕಜಠರಃ ಸರ್ವಲೋಕೈಕಮಂಡಲಃ ॥ 36 ॥
ಸೃಷ್ಟಿಸ್ಥಿತ್ಯನ್ತಕೃಚ್ಚಕ್ರೀ ಶಾರ್ಂಗಧನ್ವಾ ಗದಾಧರಃ ।
ಶಂಖಭೃನ್ನನ್ದಕೀ ಪದ್ಮಪಾಣಿರ್ಗರುಡವಾಹನಃ ॥ 37 ॥
ಅನಿರ್ದೇಶ್ಯವಪು ಸರ್ವಃ ಸರ್ವಲೋಕೈಕಪಾವನಃ ।
ಅನನ್ತಕೀರ್ತಿರ್ನಿಃ ಶ್ರೀಶಃ ಪೌರುಷಃ ಸರ್ವಮಂಗಲಃ ॥ 38 ॥
ಸೂರ್ಯಕೋಟಿಪ್ರತೀಕಾಶೋ ಯಮಕೋಟಿವಿನಾಶನಃ ।
ಬ್ರಹ್ಮಕೋಟಿಜಗತ್ಸ್ರಷ್ಟಾ ವಾಯುಕೋಟಿಮಹಾಬಲಃ ॥ 39 ॥
ಕೋಟೀನ್ದುಜಗದಾನನ್ದೀ ಶಮ್ಭುಕೋಟಿಮಹೇಶ್ವರಃ ।
ಕುಬೇರಕೋಟಿಲಕ್ಷ್ಮೀವಾನ್ ಶತ್ರುಕೋಟಿವಿನಾಶನಃ ॥ 40 ॥
ಕನ್ದರ್ಪಕೋಟಿಲಾವಣ್ಯೋ ದುರ್ಗಕೋಟಿವಿಮರ್ದ್ಧನಃ ।
ಸಮುದ್ರಕೋಟಿಗಮ್ಭೀರಸ್ತೀರ್ಥಕೋಟಿಸಮಾಹ್ವಯಃ ॥ 41 ॥
ಹಿಮವತ್ಕೋಟಿನಿಷ್ಕಮ್ಪಃ ಕೋಟಿಬ್ರಹ್ಮಾಂಡವಿಗ್ರಹಃ ।
ಕೋಟ್ಯಶ್ವಮೇಧಪಾಪಘ್ನೋ ಯಜ್ಞಕೋಟಿಸಮಾರ್ಚನಃ ॥ 42 ॥
ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ ।
ಬ್ರಹ್ಮವಿದ್ಯಾಕೋಟಿರೂಪಃ ಶಿಪಿವಿಷ್ಟಃ ಶುಚಿಶ್ರವಾಃ ॥ 43 ॥
ವಿಶ್ವಮ್ಭರಸ್ತೀರ್ಥಪಾದಃ ಪುಣ್ಯಶ್ರವಣಕೀರ್ತನಃ ।
ಆದಿದೇವೋ ಜಗಜ್ಜೈತ್ರೋ ಮುಕುನ್ದಃ ಕಾಲನೇಮಿಹಾ ॥ 44 ॥
ವೈಕುಂಠೋಽನನ್ತಮಾಹಾತ್ಮ್ಯೋ ಮಹಾಯೋಗೀಶ್ವರೇಶ್ವರಃ ।
ನಿತ್ಯತೃಪ್ತೋಽಥ ಸದ್ಭಾವೋ ನಿಃಶಂಕೋ ನರಕಾನ್ತಕಃ ॥ 45 ॥
ದೀನಾನಾಥೈಕಶರಣಂ ವಿಶ್ವೈಕವ್ಯಸನಾಪಹಾ ।
ಜಗತ್ಕ್ಷಮಾಕೃತೋ ನಿತ್ಯೋ ಕೃಪಾಲುಃ ಸಜ್ಜನಾಶ್ರಯಃ ॥ 46 ॥
ಯೋಗೇಶ್ವರಃ ಸದೋದೀರ್ಣೋ ವೃದ್ಧಿಕ್ಷಯವಿವರ್ಜಿತಃ ।
ಅಧೋಕ್ಷಜೋ ವಿಶ್ವರೇತಾ ಪ್ರಜಾಪತಿಸಭಾಧಿಪಃ ॥ 47 ॥
ಶಕ್ರಬ್ರಹ್ಮಾರ್ಚಿತಪದಃ ಶಮ್ಭುಬ್ರಹ್ಮೋರ್ಧ್ವಧಾಮಗಃ ।
ಸೂರ್ಯಸೋಮೇಕ್ಷಣೋ ವಿಶ್ವಭೋಕ್ತಾ ಸರ್ವಸ್ಯ ಪಾರಗಃ ॥ 48 ॥
ಜಗತ್ಸೇತುರ್ಧರ್ಮಸೇತುರ್ಧೀರೋಽರಿಷ್ಟಧುರನ್ಯರಃ ।
ನಿರ್ಮಮೋಽಖಿಲಲೋಕೇಶೋ ನಿಃಸಂಗೋಽದ್ಭುತಭೋಗವಾನ್ ॥ 49 ॥
ರಮ್ಯಮಾಯೋ ವಿಶ್ವವಿಶ್ವೋ ವಿಷ್ವಕ್ಸೇನೋ ನಗೋತ್ತಮಃ ।
ಸರ್ವಾಶ್ರಯಃ ಪತಿರ್ದೇವ್ಯಾ ಸರ್ವಭೂಷಣಭೂಷಿತಃ ॥ 50 ॥
ಸರ್ವಲಕ್ಷಣಲಕ್ಷಣ್ಯಃ ಸರ್ವದೈತ್ಯೇನ್ದ್ರದರ್ಪಹಾ ।
ಸಮಸ್ತದೇವಸರ್ವಜ್ಞಃ ಸರ್ವದೈವತನಾಯಕಃ ॥ 51 ॥
ಸಮಸ್ತದೇವತಾದುರ್ಗಃ ಪ್ರಪನ್ನಾಶನಿಪಂಜರಃ ।
ಸಮಸ್ತದೇವಕವಚಂ ಸರ್ವದೇವಶಿರೋಮಣಿಃ ॥ 52 ॥
ಸಮಸ್ತಭಯನಿರ್ಭಿನ್ನೋ ಭಗವಾನ್ ವಿಷ್ಟರಶ್ರವಾಃ ।
ವಿಭುಃ ಸರ್ವಹಿತೋದರ್ಕೋ ಹತಾರಿಃ ಸುಗತಿಪ್ರದಃ ॥ 53 ॥
ಸರ್ವದೈವತಜೀವೇಶೋ ಬ್ರಾಹ್ಮಣಾದಿನಿಯೋಜಕಃ ।
ಬ್ರಹ್ಮಶಮ್ಭುಪರಾರ್ಧಾಢ್ಯೀ ಬ್ರಹ್ಮಜ್ಯೇಷ್ಠಃ ಶಿಶುಃ ಸ್ವರಾಟ್ ॥ 54 ॥
ವಿರಾಟ್ ಭಕ್ತಪರಾಧೀನಃ ಸ್ತುತ್ಯಃ ಸರ್ವಾರ್ಥಸಾಧಕಃ ।
ಸರ್ವಾರ್ಥಕರ್ತಾ ಕೃತ್ಯಜ್ಞಃ ಸ್ವಾರ್ಥಕೃತ್ಯಮದೋಜ್ಝಿತಃ ॥ 55 ॥
ಸದಾ ನವಃ ಸದಾ ಭದ್ರಃ ಸದಾ ಶಾನ್ತಃ ಸದಾ ಶಿವಃ ।
ಸದಾ ಪ್ರಿಯಃ ಸದಾ ತುಷ್ಟಃ ಸದಾ ಪುಷ್ಟಃ ಸದಾರ್ಚಿತಃ ॥ 56 ॥
ಸದಾ ಪೂತಃ ಪಾವನಾಗ್ರೋ ವೇದಗುಹ್ಯೋ ವೃಷಾಕಪಿಃ ।
ಸಹಸ್ರನಾಮಾ ತ್ರಿಯುಗಶ್ಚತುಮೂರ್ತಿಶ್ಚತುರ್ಭುಜಃ ॥ 57 ॥
ಭೂತಭವ್ಯಭವನ್ನಾಥೋ ಮಹಾಪುರುಷಪೂರ್ವಜಃ ।
ನಾರಾಯಣೋ ಮುಂಜಕೇಶಃ ಸರ್ವಯೋಗವಿನಿಸ್ಮೃತಃ ॥ 58 ॥
ವೇದಸಾರೋ ಯಜ್ಞಸಾರಃ ಸಾಮಸಾರಸ್ತಪೋನಿಧಿಃ ।
ಸಾಧ್ಯಶ್ರೇಷ್ಠಃ ಪುರಾಣರ್ಷಿರ್ನಿಷ್ಠಾಶಾನ್ತಿಪರಾಯಣಃ ॥ 59 ॥
ಶಿವಸ್ತ್ರಿಶೂಲವಿಧ್ವಂಸೀ ಶ್ರೀಕಂಠೈಕವರಪ್ರದಃ ।
ನರಕೃಷ್ಣೋ ಹರಿರ್ಧರ್ಮನನ್ದನೋ ಧರ್ಮಜೀವನಃ ॥ 60 ॥
ಆದಿಕರ್ತಾ ಸರ್ವಸತ್ಯಃ ಸರ್ವಸ್ತ್ರೀರತ್ನದರ್ಪಹಾ ।
ತ್ರಿಕಾಲೋ ಜಿತಕನ್ದರ್ಪ ಉರ್ವಶೀದೃಙ್ಮುನೀಶ್ವರಃ ॥ 61 ॥
ಆದ್ಯಃ ಕವಿರ್ಹಯಗ್ರೀವಃ ಸರ್ವವಾಗೀಶ್ವರೇಶ್ವರಃ ।
ಸರ್ವದೇವಮಯೋ ಬ್ರಹ್ಮ ಗುರುರ್ವಾಗ್ಮೀಶ್ವರೀಪತಿಃ ॥ 62 ॥
ಅನನ್ತವಿದ್ಯಾಪ್ರಭವೋ ಮೂಲಾವಿದ್ಯಾವಿನಾಶಕಃ ।
ಸರ್ವಾರ್ಹಣೋ ಜಗಜ್ಜಾಢ್ಯನಾಶಕೋ ಮಧುಸೂದನಃ ॥ 63 ॥
ಅನನ್ತಮನ್ತ್ರಕೋಟೀಶಃ ಶಬ್ದಬ್ರಹ್ಮೈಕಪಾವಕಃ ।
ಆದಿವಿದ್ವಾನ್ ವೇದಕರ್ತಾ ವೇದಾತ್ಮಾ ಶ್ರುತಿಸಾಗರಃ ॥ 64 ॥
ಬ್ರಹ್ಮಾರ್ಥವೇದಾಭರಣಃ ಸರ್ವವಿಜ್ಞಾನಜನ್ಮಭೂಃ ।
ವಿದ್ಯಾರಾಜೋ ಜ್ಞಾನರಾಜೋ ಜ್ಞಾನಸಿನ್ಧುರಖಂಡಧೀಃ ॥ 65 ॥
ಮತ್ಸ್ಯದೇವೋ ಮಹಾಶೃಂಗೋ ಜಗದ್ಬೀಜವಹಿತ್ರಧೃಕ್ ।
ಲೀಲಾವ್ಯಾಪ್ತಾನಿಲಾಮ್ಭೋಧಿಶ್ಚತುರ್ವೇದಪ್ರರ್ವತಕಃ ॥ 66 ॥
ಆದಿಕೂರ್ಮೋಽಖಿಲಾಧಾರಸ್ತೃಣೀಕೃತಜಗದ್ಭವಃ ।
ಅಮರೀಕೃತದೇವೌಘಃ ಪೀಯೂಷೋತ್ಪತ್ತಿಕಾರಣಮ್ ॥ 67 ॥
ಆತ್ಮಾಧಾರೋ ಧರಾಧಾರೋ ಯಜ್ಞಾಂಗೋ ಧರಣೀಧರಃ ।
ಹಿರಣ್ಯಾಕ್ಷಹರಃ ಪೃಧ್ವೀಪತಿಃ ಶ್ರಾದ್ಧಾದಿಕಲ್ಪಕಃ ॥ 68 ॥
ಸಮಸ್ತಪಿತೃಭೀತಿಘ್ನಃ ಸಮಸ್ತಪಿತೃಜೀವನಮ್ ।
ಹವ್ಯಕವ್ಯೈಕಭುಗ್ಭವ್ಯೋ ಗುಣಭವ್ಯೈಕದಾಯಕಃ ॥ 69 ॥
ಲೋಮಾನ್ತಲೀನಜಲಧಿಃ ಕ್ಷೋಭಿತಾಶೇಷಸಾಗರಃ ।
ಮಹಾವರಾಹೋ ಯಜ್ಞಘ್ನಧ್ವಂಸನೋ ಯಾಜ್ಞಿಕಾಶ್ರಯಃ ॥ 70 ॥
ನರಸಿಂಹೋ ದಿವ್ಯಸಿಂಹಃ ಸರ್ವಾರಿಷ್ಟಾರ್ತಿದುಃಖಹಾ ।
ಏಕವೀರೋಽದ್ಭುತಬಲೋ ಯನ್ತ್ರಮನ್ತ್ರೈಕಭಂಜನಮ್ ॥ 71 ॥
ಬ್ರಹ್ಮಾದಿದುಃಸಹಜ್ಯೋತಿರ್ಯುಗಾನ್ತಾಗ್ನ್ಯತಿಭೀಷಣಃ ।
ಕೋಟಿವಜ್ರಾಧಿಕನಖೋ ಗಜದುಷ್ಪ್ರೇಕ್ಷಮೂರ್ತಿಧೃಕ್ ॥ 72 ॥
ಮಾತೃಚಕ್ರಪ್ರಮಥನೋ ಮಹಾಮಾತೃಗಣೇಶ್ವರಃ ।
ಅಚಿನ್ತ್ಯೋಽಮೋಘವೀರ್ಯಾಢ್ಯಃ ಸಮಸ್ತಾಸುರಘಸ್ಮರಃ ॥ 73 ॥
ಹಿರಣ್ಯಕಶಿಪುಚ್ಛೇದೀ ಕಾಲಃ ಸಂಕರ್ಷಣಃ ಪತಿಃ ।
ಕೃತಾನ್ತವಾಹನಃ ಸದ್ಯಃ ಸಮಸ್ತಭಯನಾಶನಃ ॥ 74 ॥
ಸರ್ವವಿಘ್ನಾನ್ತಕಃ ಸರ್ವಸಿದ್ಧಿದಃ ಸರ್ವಪೂರಕಃ ।
ಸಮಸ್ತಪಾತಕಧ್ವಂಸೀ ಸಿದ್ಧಮನ್ತ್ರಾಧಿಕಾಹ್ವಯಃ ॥ 75 ॥
ಭೈರವೇಶೋ ಹರಾರ್ತಿಘ್ನ ಕಾಲಕಲ್ಪೋ ದುರಾಸದಃ ।
ದೈತ್ಯಗರ್ಭಸ್ರಾವಿನಾಮಾ ಸ್ಫುರದ್ಬ್ರಹ್ಮಾಂಡವರ್ಜಿತಃ ॥ 76 ॥
ಸ್ಮೃತಿಮಾತ್ರಾಖಿಲತ್ರಾತಾ ಭೂತರೂಪೋ ಮಹಾಹರಿಃ ।
ಬ್ರಹ್ಮಚರ್ಮಶಿರಃಪಟ್ಟಾ ದಿಕ್ಪಾಲೋಽರ್ಧಾಂಗಭೂಷಣಃ ॥ 77 ॥
ದ್ವಾದಶಾರ್ಕಶಿರೋದಾಮಾ ರುದ್ರಶೀರ್ಷೈಕನೂಪುರಃ ।
ಯೋಗಿನೀಗ್ರಸ್ತಗಿರಿಜಾರತೋ ಭೈರವತರ್ಜಕಃ ॥ 78 ॥
ವೀರಚಕ್ರೇಶ್ವರೋಽತ್ಯುಗ್ರೋ ಯಮಾರಿಃ ಕಾಲಸಂವರಃ ।
ಕ್ರೋಧೇಶ್ವರೋ ರುದ್ರಚಂಡೀಪರಿವಾದೀ ಸುದುಷ್ಟಭಾಕ್ ॥ 79 ॥
ಸರ್ವಾಕ್ಷಃ ಸರ್ವಮೃತ್ಯುಶ್ಚ ಮೃತ್ಯುರ್ಮೃತ್ಯುನಿರ್ವತಕಃ ।
ಅಸಾಧ್ಯಃ ಸರ್ವರೋಗಘ್ನಃ ಸರ್ವದುರ್ಗ್ರಹಸೌಮ್ಯಕೃತ್ ॥ 80 ॥
ಗಣೇಶಕೋಟಿದರ್ಪಘ್ನೋ ದುಃಸಹೋಽಶೇಷಗೋತ್ರಹಾ ।
ದೇವದಾನವದುರ್ಧಷೋ ಜಗದ್ಭಕ್ಷ್ಯಪ್ರದಃ ಪಿತಾ ॥ 81 ॥
ಸಮಸ್ತದುರ್ಗತಿತ್ರಾತಾ ಜಗದ್ಭಕ್ಷಕಭಕ್ಷಕಃ ।
ಉಗ್ರೇಶೋಽಸುರಮಾರ್ಜಾರಃ ಕಾಲಮೂಷಕಭಕ್ಷಕಃ ॥ 82 ॥
ಅನನ್ತಾಯುಧದೋರ್ದ್ದಂಡೋ ನೃಸಿಂಹೋ ವೀರಭದ್ರಜಿತ್ ।
ಯೋಗಿನೀಚಕ್ರಗುಹ್ಯೇಶಃ ಶಕ್ರಾರಿಃ ಪಶುಮಾಂಸಭುಕ್ ॥ 83 ॥
ರುದ್ರೋ ನಾರಾಯಣೋ ಮೇಷರೂಪಶಂಕರವಾಹನಃ ।
ಮೇಷರೂಪೀ ಶಿವತ್ರಾತಾ ದುಷ್ಟಶಕ್ತಿಸಹಸ್ರಭುಕ್ ॥ 84 ॥
ತುಲಸೀವಲ್ಲಭೋ ವೀರೋಽಚಿನ್ತ್ಯಮಾಯೋಽಖಿಲೇಷ್ಟದಃ ।
ಮಹಾಶಿವಃ ಶಿವಾರುದ್ರೋ ಭೈರವೈಕಕಪಾಲಭೂತ್ ॥ 85 ॥
ಭಿಲ್ಲಶ್ಚಕ್ರೇಶ್ವರಃ ಶಕ್ರೋ ದಿವ್ಯಮೋಹನರೂಪಧೃಕ್ ।
ಗೌರೀಸೌಭಾಗ್ಯದೋ ಮಾಯಾನಿಧಿರ್ಮಾಯಾಭಯಾಪಹಃ ॥ 86 ॥
ಬ್ರಹ್ಮತೇಜೋಮಯೋ ಬ್ರಹ್ಮ ಶ್ರೀಮಯಶ್ಚ ತ್ರಯೀಮಯಃ ।
ಸುಬ್ರಹ್ಮಣ್ಯೋ ಬಲಿಧ್ವಂಸೀ ವಾಮನೋಽದಿತಿದುಃಖಹಾ ॥ 87 ॥
ಉಪೇನ್ದ್ರೋ ನೃಪತಿರ್ವಿಷ್ಣುಃ ಕಶ್ಯಪಾನ್ವಯಮಂಡನಃ ।
ಬಲಿಸ್ವಾರಾಜ್ಯದಃ ಸರ್ವದೇವವಿಪ್ರಾತ್ಮದೋಽಚ್ಯುತಃ ॥ 88 ॥
ಉರುಕ್ರಮಸ್ತೀರ್ಥಪಾದಸ್ತ್ರಿದಶಶ್ಚ ತ್ರಿವಿಕ್ರಮಃ ।
ವ್ಯೋಮಪಾದಃ ಸ್ವಪಾದಾಮ್ಭಃಪವಿತ್ರಿತಜಗತ್ತ್ರಯಃ ॥ 89 ॥
ಬ್ರಹ್ಮೇಶಾದ್ಯಭಿವನ್ದ್ಯಾಂಘ್ರಿರ್ದ್ರುತಕರ್ಮಾದ್ರಿಧಾರಣಃ ।
ಅಚಿನ್ತ್ಯಾದ್ಭುತವಿಸ್ತಾರೋ ವಿಶ್ವವೃಕ್ಷೋ ಮಹಾಬಲಃ ॥ 90 ॥
ಬಹುಮೂರ್ಧಾ ಪರಾಙ್ಛಿದ್ರಭೃಗುಪತ್ನೀಶಿರೋಹರಃ ।
ಪಾಪಸ್ತೇಯಃ ಸದಾಪುಣ್ಯೋ ದೈತ್ಯೇಶೋ ನಿತ್ಯಖಂಡಕಃ ॥ 91 ॥
ಪೂರಿತಾಖಿಲದೇವೇಶೋ ವಿಶ್ವಾರ್ಥೈಕಾವತಾರಕೃತ್ ।
ಅಮರೋ ನಿತ್ಯಗುಪ್ತಾತ್ಮಾ ಭಕ್ತಚಿನ್ತಾಮಣಿಃ ಸದಾ ॥ 92 ॥
ವರದಃ ಕಾರ್ತವೀರ್ಯಾದಿರಾಜರಾಜ್ಯಪ್ರದೋಽನಘಃ ।
ವಿಶ್ವಶ್ಲಾಘ್ಯೋಽಮಿತಾಚಾರೋ ದತ್ತಾತ್ರೇಯೋ ಮುನೀಶ್ವರಃ ॥ 93 ॥
ಪರಾಶಕ್ತಿಸಮಾಯುಕ್ತೋ ಯೋಗಾನನ್ದಮದೋನ್ಮದಃ ।
ಸಮಸ್ತೇನ್ದ್ರಾರಿತೇಜೋಹೃತ್ ಪರಮಾನನ್ದಪಾದಪಃ ॥ 94 ॥
ಅನಸೂಯಾಗರ್ಭರತ್ನೋ ಭೋಗಮೋಕ್ಷಸುಖಪ್ರದಃ ।
ಜಮದಗ್ನಿಕುಲಾದಿತ್ಯೋ ರೇಣುಕಾದ್ಭುತಶಕ್ತಿಹೃತ್ ॥ । 95 ॥
ಮಾತೃಹತ್ಯಘನಿರ್ಲೇಪಃ ಸ್ಕನ್ದಜಿದ್ವಿಪ್ರರಾಜ್ಯದಃ ।
ಸರ್ವಕ್ಷತ್ರಾನ್ತಕೃದ್ವೀರದರ್ಪಹಾ ಕಾರ್ತವೀರ್ಯಜಿತ್ ॥ 96 ॥
ಯೋಗೀ ಯೋಗಾವತಾರಶ್ಚ ಯೋಗೀಶೋ ಯೋಗವತ್ಪರಃ ।
ಪರಮಾನನ್ದದಾತಾ ಚ ಶಿವಾಚಾರ್ಯಯಶಃಪ್ರದಃ ॥ 97 ॥
ಭೀಮಃ ಪರಶುರಾಮಶ್ಚ ಶಿವಾಚಾರ್ಯೈಕವಿಶ್ವಭೂಃ ।
ಶಿವಾಖಿಲಜ್ಞಾನಕೋಷೋ ಭೀಷ್ಮಾಚಾರ್ಯೋಽಗ್ನಿದೈವತಃ ॥ 98 ॥
ದ್ರೋಣಾಚಾರ್ಯಗುರುರ್ವಿಶ್ವಜೈತ್ರಧನ್ವಾ ಕೃತಾನ್ತಕೃತ್ ।
ಅದ್ವಿತೀಯತಮೋಮೂರ್ತಿರ್ಬ್ರಹ್ಮಚರ್ಯೈಕದಕ್ಷಿಣಃ ॥ 99 ॥
ಮನುಶ್ರೇಷ್ಠಃ ಸತಾಂ ಸೇತುರ್ಮಹೀಯಾನ್ ವೃಷಭೋ ವಿರಾಟ್ ।
ಆದಿರಾಜಃ ಕ್ಷಿತಿಪಿತಾ ಸರ್ವರತ್ನೈಕದೋಹಕೃತ್ ॥ 100 ॥
ಪೃಥುಜನ್ಮಾದ್ಯೇಕದಕ್ಷೋ ಹ್ರೀಃ ಶ್ರೀಃ ಕೀರ್ತಿಃ ಸ್ವಯಂಧೃತಿಃ ।
ಜಗದ್ವೃತ್ತಿಪ್ರದಶ್ಚಕ್ರವರ್ತಿಶ್ರೇಷ್ಠೋ ದುರಸ್ತ್ರಧೃಕ್ ॥ 101 ॥
ಸನಕಾದಿಮುನಿಪ್ರಾಪ್ತಭಗವದ್ಭಕ್ತಿವರ್ಧನಃ ।
ವರ್ಣಾಶ್ರಮಾದಿಧರ್ಮಾಣಾಂ ಕರ್ತಾ ವಕ್ತಾ ಪ್ರವರ್ತಕಃ ॥ 102 ॥
ಸೂರ್ಯವಂಶಧ್ವಜೋ ರಾಮೋ ರಾಧವಃ ಸದ್ಗುಣಾರ್ಣವಃ ।
ಕಾಕುತ್ಸ್ಥವೀರತಾಧರ್ಮೋ ರಾಜಧರ್ಮಧುರನ್ಧರಃ ॥ 103 ॥
ನಿತ್ಯಸುಸ್ಥಾಶಯಃ ಸರ್ವಭದ್ರಗ್ರಾಹೀ ಶುಭೈಕದೃಕ್ ।
ನವರತ್ನಂ ರತ್ನನಿಧಿಃ ಸರ್ವಾಧ್ಯಕ್ಷೋ ಮಹಾನಿಧಿಃ ॥ 104 ॥
ಸರ್ವಶ್ರೇಷ್ಠಾಶ್ರಯಃ ಸರ್ವಶಸ್ತ್ರಾಸ್ತ್ರಗ್ರಾಮವೀರ್ಯವಾನ್ ।
ಜಗದ್ವಶೀ ದಾಶರಥಿಃ ಸರ್ವರತ್ನಾಶ್ರಯೋ ನೃಪಃ ॥ 105 ॥
ಧರ್ಮಃ ಸಮಸ್ತಧರ್ಮಸ್ಥೋ ಧರ್ಮದ್ರಷ್ಟಾಖಿಲಾರ್ತಿಹೃತ್ ।
ಅತೀನ್ದ್ರೋ ಜ್ಞಾನವಿಜ್ಞಾನಪಾರದೃಶ್ವಾ ಕ್ಷಮಾಮ್ಬುಧಿಃ ॥ 106 ॥
ಸರ್ವಪ್ರಕೃಷ್ಟಃ ಶಿಷ್ಟೇಷ್ಟೋ ಹರ್ಷಶೋಕಾಧನಾಕುಲಃ ।
ಪಿತ್ರಾಜ್ಞಾತ್ಯಕ್ತಸಾಮ್ರಾಜ್ಯಃ ಸಪತ್ನೋದಯನಿರ್ಭಯಃ ॥ 107 ॥
ಗುಹಾದೇಶಾರ್ಪಿತೈಶ್ವರ್ಯಃ ಶಿವಸ್ಪರ್ದ್ಧಾಜಟಾಧರಃ ।
ಚಿತ್ರಕೂಟಾಪ್ತರತ್ನಾದ್ರಿಜಗದೀಶೋ ರಣೇಚರಃ ॥ 108 ॥
ಯಥೇಷ್ಟಾಮೋಘಶಸ್ತ್ರಾಸ್ತ್ರೋ ದೇವೇನ್ದ್ರತನಯಾಕ್ಷಿಹಾ ।
ಬ್ರಹ್ಮೇನ್ದ್ರಾದಿನತೈಷೀಕೋ ಮಾರೀಚಘ್ನೋ ವಿರಾಧಹಾ ॥ 109 ॥
ಬ್ರಹ್ಮಶಾಪಹತಾಶೇಷದಂಡಕಾರಣ್ಯಪಾವನಃ ।
ಚತುರ್ದಶಸಹಸ್ರಾಗ್ರ್ಯರಕ್ಷೋಘ್ನೈಕಶರೈಕಭೃತ್ ॥ 110 ॥
ಖರಾರಿಸ್ತ್ರಿಶಿರೋಹನ್ತಾ ದೂಷಣಘ್ನೋ ಜನಾರ್ದನಃ ।
ಜಟಾಯುಷೋಽಗ್ನಿಗತಿದೋ ಕಬನ್ಧಸ್ವರ್ಗದಾಯಕಃ ॥ 111 ॥
ಲೀಲಾಧುನಃಕೋಟ್ಯಾಪಾಸ್ತದುನ್ದುಭ್ಯಸ್ಥಿಮಹಾಚಯಃ ।
ಸಪ್ತತಾಲವ್ಯಥಾಕೃಷ್ಟಧ್ವಜಪಾತಾಲದಾನವಃ ॥ 112 ॥
ಸುಗ್ರೀವೇ ರಾಜ್ಯದೋ ಧೀಮಾನ್ ಮನಸೈವಾಭಯಪ್ರದಃ ।
ಹನೂಮದ್ರುದ್ರಮುಖ್ಯೇಶಃ ಸಮಸ್ತಕಪಿದೇಹಭೃತ್ ॥ 113 ॥
ಅಗ್ನಿದೈವತ್ಯಬಾಣೈಕವ್ಯಾಕುಲೀಕೃತಸಾಗರಃ ।
ಸಮ್ಲಿಚ್ಛಕೋಟಿಬಾಣೈಕಶುಷ್ಕನಿರ್ದಗ್ಧಸಾಗರಃ ॥ 114 ॥
ಸನಾಗದೈತ್ಯಧಾಮೈಕವ್ಯಾಕುಲೀಕೃತಸಾಗರಃ ।
ಸಮುದ್ರಾದ್ಭುತಪೂರ್ವೈಕಬದ್ಧಸೇತುರ್ಯಶೋನಿಧಿಃ ॥ 115 ॥
ಅಸಾಧ್ಯಸಾಧಕೋ ಲಂಕಾಸಮೂಲೋತ್ಕರ್ಷದಕ್ಷಿಣಃ ।
ವರದೃಪ್ತಜನಸ್ಥಾನಪೌಲಸ್ತ್ಯಕಲಕೃನ್ತನಃ ॥ 116 ॥
ರಾವಣಘ್ನಃ ಪ್ರಹಸ್ತಚ್ಛಿತ್ ಕುಮ್ಭಕರ್ಣಭಿದುಗ್ರಹಾ ।
ರಾವಣೈಕಮುಖಚ್ಛೇತ್ತಾ ನಿಃಶಂಕೇನ್ದ್ರೈಕರಾಜ್ಯದಃ ॥ 117 ॥
ಸ್ವರ್ಗಾಸ್ವರ್ಗತ್ವವಿಚ್ಛೇದೀ ದೇವೇನ್ದ್ರಾದಿನ್ದ್ರತಾಹರಃ ।
ರಕ್ಷೋದೇವತ್ವಹೃದ್ಧರ್ಮಾ ಧರ್ಮಹರ್ಮ್ಯಃ ಪುರುಷ್ಟುತಃ ॥ 118 ॥
ನಾತಿಮಾತ್ರದಶಾಸ್ಯಾರಿರ್ದತ್ತರಾಜ್ಯವಿಭೀಷಣಃ ।
ಸುಧಾಸೃಷ್ಟಿಭೃತಾಶೇಷಸ್ವಸೈನ್ಯಜೀವನೈಕಕೃತ್ ॥ 119 ॥
ದೇವಬ್ರಾಹ್ಮಣನಾಮೈಕಧಾತಾ ಸರ್ವಾಮರಾರ್ಚಿತಃ ।
ಬ್ರಹ್ಮಸೂರ್ಯೇನ್ದ್ರರುದ್ರಾದಿವನ್ದ್ಯೋಽರ್ಚಿತಸತಾಂ ಪ್ರಿಯಃ ॥ 120 ॥
ಅಯೋಧ್ಯಾಖಿಲರಾಜಾಗ್ರ್ಯ ಸರ್ವಭೂತಮನೋಹರಃ ।
ಸ್ವಾಮ್ಯತುಲ್ಯಕೃಪಾದತ್ತೋ ಹೀನೋಷ್ಕೃಷ್ಟೈಕಸತ್ಪ್ರಿಯಃ ॥ 121 ॥
ಸ್ವಪಕ್ಷಾದಿನ್ಯಾಯದರ್ಶೀ ಹೀನಾರ್ಥೋಽಧಿಕಸಾಧಕಃ ।
ಬಾಧವ್ಯಾಜಾನುಚಿತಕೃತ್ತಾವಕೋಽಖಿಲತುಷ್ಟಿಕೃತ್ ॥ 122 ॥
ಪಾರ್ವತ್ಯಧಿಕಯುಕ್ತಾತ್ಮಾ ಪ್ರಿಯಾತ್ಯಕ್ತಃ ಸುರಾರಿಜಿತ್ ।
ಸಾಕ್ಷಾತ್ಕುಶಲವತ್ಸದ್ಮೇನ್ದ್ರಾಗ್ನಿನಾತೋಽಪರಾಜಿತಃ ॥ 123 ॥
ಕೋಶಲೇನ್ದ್ರೋ ವೀರಬಾಹುಃ ಸತ್ಯಾರ್ಥತ್ಯಕ್ತಸೋದರಃ ।
ಯಶೋದಾನನ್ದನೋ ನನ್ದೀ ಧರಣೀಮಂಡಲೋದಯಃ ॥ 124 ॥
ಬ್ರಹ್ಮಾದಿಕಾಮ್ಯಸಾನ್ನಿಧ್ಯಸನಾಥೀಕೃತದೈವತಃ ।
ಬ್ರಹ್ಮಲೋಕಾಪ್ತಚಾಂಡಾಲಾದ್ಯಶೇಷಪ್ರಾಣಿಸಾರ್ಥಪಃ ॥ 125 ॥
ಸ್ವರ್ಣೀತಗರ್ದಭಶ್ವಾದಿಚಿರಾಯೋಧ್ಯಾಬಲೈಕಕೃತ್ ।
ರಾಮಾದ್ವಿತೀಯಃ ಸೌಮಿತ್ರಿಲಕ್ಷ್ಮಣಪ್ರಹತೇನ್ದ್ರಜಿತ್ ॥ 126 ॥
ವಿಷ್ಣುಭಕ್ತಾಶಿವಾಂಹಃಛಿತ್ಪಾದುಕಾರಾಜ್ಯನಿರ್ವೃತಃ ।
ಭರತೋಽಸಹ್ಯಗನ್ಧರ್ವಕೋಟಿಘ್ನೋ ಲವಣಾನ್ತಕಃ ॥ 127 ॥
ಶತ್ರುಘ್ನೋ ವೈದ್ಯರಾಡಾಯುರ್ವೇದಗರ್ಭೌಷಧೀಪತಿಃ ।
ನಿತ್ಯಾನಿತ್ಯಕರೋ ಧನ್ವನ್ತರಿರ್ಯಜ್ಞೋ ಜಗದ್ಧರಃ ॥ 128 ॥
ಸೂರ್ಯವಿಘ್ನಃ ಸುರಾಜೀವೋ ದಕ್ಷಿಣೇಶೋ ದ್ವಿಜಪ್ರಿಯಃ ।
ಛಿನ್ನಮೂರ್ಧೋಪದೇಶಾರ್ಕತನೂಜಕೃತಮೈತ್ರಿಕಃ ॥ 129 ॥
ಶೇಷಾಂಗಸ್ಥಾಪಿತನರಃ ಕಪಿಲಃ ಕರ್ದಮಾತ್ಮಜಃ ।
ಯೋಗಾತ್ಮಕಧ್ಯಾನಭಂಗಸಗರಾತ್ಮಜಭಸ್ಮಕೃತ್ ॥ 130 ॥
ಧರ್ಮೋ ವಿಶ್ವೇನ್ದ್ರಸುರಭೀಪತಿಃ ಶುದ್ಧಾತ್ಮಭಾವಿತಃ ।
ಶಮ್ಭುಸ್ತ್ರಿಪುರದಾಹೈಕಸ್ಥೈರ್ಯವಿಶ್ವರಥೋದ್ಧತಃ ॥ 131 ॥
ವಿಶ್ವಾತ್ಮಾಶೇಷರುದ್ರಾರ್ಥಶಿರಶ್ಛೇದಾಕ್ಷತಾಕೃತಿಃ ।
ವಾಜಪೇಯಾದಿನಾಮಾಗ್ನಿರ್ವೇದಧರ್ಮಾಪರಾಯಣಃ ॥ 132 ॥
ಶ್ವೇತದ್ವೀಪಪತಿಃ ಸಾಂಖ್ಯಪ್ರಣೇತಾ ಸರ್ವಸಿದ್ಧಿರಾಟ್ ।
ವಿಶ್ವಪ್ರಕಾಶಿತಧ್ಯಾನಯೋಗೋ ಮೋಹತಮಿಸ್ರಹಾ ॥ 133 ॥
ಭಕ್ತಶಮ್ಭುಜಿತೋ ದೈತ್ಯಾಮೃತವಾಪೀಸಮಸ್ತಪಃ ।
ಮಹಾಪ್ರಲಯವಿಶ್ವೈಕೋಽದ್ವಿತೀಯೋಽಖಿಲದೈತ್ಯರಾಟ್ ॥ 134 ॥
ಶೇಷದೇವಃ ಸಹಸ್ರಾಕ್ಷಃ ಸಹಸ್ರಾಂಘಿಶಿರೋಭುಜಃ ।
ಫಣೀ ಫಣಿಫಣಾಕಾರಯೋಜಿತಾಬ್ಧ್ಯಮ್ಬುದಕ್ಷಿತಿಃ ॥ 135 ॥
ಕಾಲಾಗ್ನಿರುದ್ರಜನಕೋ ಮುಸಲಾಸ್ತ್ರೋ ಹಲಾಯುಧಃ ।
ನೀಲಾಮ್ಬರೋ ವಾರುಣೀಶೋ ಮನೋವಾಕ್ಕಾಯದೋಷಹಾ ॥ 136 ॥
ಸ್ವಸನ್ತೋಷತೃಪ್ತಿಮಾತ್ರಃ ಪಾತಿತೈಕದಶಾನನಃ ।
ಬಲಿಸಂಯಮನೋ ಘೋರೋ ರೌಹಿಣೇಯಃ ಪ್ರಲಮ್ಬಹಾ ॥ 137 ॥
ಮುಷ್ಟಿಕಘ್ನೋ ದ್ವಿವಿದಹಾ ಕಾಲಿನ್ದೀಭೇದನೋ ಬಲಃ ।
ರೇವತೀರಮಣಃ ಪೂರ್ವಭಕ್ತಿರೇವಾಚ್ಯುತಾಗ್ರಜಃ ॥ 138 ॥
ದೇವಕೀವಸುದೇವೋತ್ಥೋಽದಿತಿಕಶ್ಯಪನನ್ದನಃ ।
ವಾರ್ಷ್ಣೇಯಃ ಸಾತ್ವತಾಂ ಶ್ರೇಷ್ಠಃ ಶೌರಿರ್ಯದುಕುಲೋದ್ವಹಃ ॥ 139 ॥
ನರಾಕೃತಿಃ ಪೂರ್ಣಬ್ರಹ್ಮ ಸವ್ಯಸಾಚೀ ಪರನ್ತಪಃ ।
ಬ್ರಹ್ಮಾದಿಕಾಮನಾನಿತ್ಯಜಗತ್ಪರ್ವೇತಶೈಶವಃ ॥ 140 ॥
ಪೂತನಾಘ್ನಃ ಶಕಟಭಿದ್ಯಮಲಾರ್ಜುನಭಂಜನಃ ।
ವತ್ಸಾಮುರಾರಿಃ ಕೇಶಿಘ್ನೋ ಧೇನುಕಾರಿರ್ಗವೀಶ್ವರಃ ॥ 141 ॥
ದಾಮೋದರೋ ಗೋಪದೇವೋ ಯಶೋದಾನನ್ದಕಾರಕಃ ।
ಕಾಲೀಯಮರ್ದ್ದನಃ ಸರ್ವಗೋಪಗೋಪೀಜನಪ್ರಿಯಃ ॥ 142 ॥
ಲೀಲಾಗೋವರ್ಧನಧರೋ ಗೋವಿನ್ದೋ ಗೋಕುಲೋತ್ಸವಃ ।
ಅರಿಷ್ಟಮಥನಃ ಕಾಮೋನ್ಮತ್ತಗೋಪೀವಿಮುಕ್ತಿದಃ ॥ 143 ॥
ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ ।
ಕಂಸಾರಿರುಗ್ರಸೇನಾದಿರಾಜ್ಯಸ್ಥಾಯ್ಯರಿಹಾಽಮರಃ ॥ 144 ॥
ಸುಧರ್ಮಾಂಕಿತಭೂಲೋಕೋ ಜರಾಸನ್ಧಬಲಾನ್ತಕಃ ।
ತ್ಯಕ್ತಭಕ್ತಜರಾಸನ್ಧಭೀಮಸೇನಯಶಃಪ್ರದಃ ॥ 145 ॥
ಸಾನ್ದೀಪನಿಮೃತಾಪತ್ಯದಾತಾ ಕಾಲಾನ್ತಕಾದಿಜಿತ್ ।
ರುಕ್ಮಿಣೀರಮಣೋ ರುಕ್ಮಿಶಾಸನೋ ನರಕಾನ್ತಕೃತ್ ॥ 146 ॥
ಸಮಸ್ತನರಕತ್ರಾತಾ ಸರ್ವಭೂಪತಿಕೋಟಿಜಿತ್ ।
ಸಮಸ್ತಸುನ್ದರೀಕಾನ್ತೋಽಸುರಾರಿರ್ಗರುಡಧ್ವಜಃ ॥ 147 ॥
ಏಕಾಕೀಜಿತರುದ್ರಾರ್ಕಮರುದಾಪೋಽಖಿಲೇಶ್ವರಃ ।
ದೇವೇನ್ದ್ರದರ್ಪಹಾ ಕಲ್ಪದ್ರುಮಾಲಂಕೃತಭೂತಲಃ ॥ 148 ॥
ಬಾಣಬಾಹುಸಹಸ್ರಚ್ಛಿತ್ಸ್ಕನ್ದಾದಿಗಣಕೋಟಿಜಿತ್ ।
ಲೀಲಾಜಿತಮಹಾದೇವೋ ಮಹಾದೇವೈಕಪೂಜಿತಃ ॥ 149 ॥
ಇನ್ದ್ರಾರ್ಥಾರ್ಜುನನಿರ್ಮತ್ಸುರ್ಜಯದಃ ಪಾಂಡವೈಕಧೃಕ್ ।
ಕಾಶೀರಾಜಶಿರಸ್ಛೇತ್ತಾ ರುದ್ರಶಕ್ತ್ಯೇಕಮರ್ದನಃ ॥ 150 ॥
ವಿಶ್ವೇಶ್ವರಪ್ರಸಾದಾಢ್ಯಃ ಕಾಶೀರಾಜಸುತಾರ್ದನಃ ।
ಶಮ್ಭುಪ್ರತಿಜ್ಞಾಪಾತಾ ಚ ಸ್ವಯಮ್ಭುಗಣಪೂಜಕಃ ॥ 151 ॥
ಕಾಶೀಶಗಣಕೋಟಿಘ್ನೋ ಲೋಕಶಿಕ್ಷಾದ್ವಿಜಾರ್ಚಕಃ ।
ಶಿವತೀವ್ರತಪೋವಶ್ಯಃ ಪುರಾ ಶಿವವರಪ್ರದಃ ॥ 152 ॥
ಗಯಾಸುರಪ್ರತಿಜ್ಞಾಧೃಕ್ ಸ್ವಾಂಶಶಂಕರಪೂಜಕಃ ।
ಶಿವಕನ್ಯಾವ್ರತಪತಿಃ ಕೃಷ್ಣರೂಪಶಿವಾರಿಹಾ ॥ 153 ॥
ಮಹಾಲಕ್ಷ್ಮೀವಪುರ್ಗೌರೀತ್ರಾಣೋ ದೇವಲವಾತಹಾ ।
ವಿನಿದ್ರಮುಚುಕುನ್ದೈಕಬ್ರಹ್ಮಾಸ್ತ್ರಯುವನಾಶ್ವಹೃತ್ ॥ 154 ॥
ಅಕ್ರೂರೋಽಕ್ರೂರಮುಖ್ಯೈಕಭಕ್ತಸ್ವಚ್ಛನ್ದಮುಕ್ತಿದಃ ।
ಸಬಾಲಸ್ತ್ರೀಜಲಕ್ರೀಡಾಕೃತವಾಪೀಕೃತಾರ್ಣವಃ ॥ 155 ॥
ಯಮುನಾಪತಿರಾನೀತಪರಿಣೀತದ್ವಿಜಾತ್ಮಕಃ ।
ಶ್ರೀದಾಮಶಂಕುಭಕ್ತಾರ್ಥಭೂಮ್ಯಾನೀತೇನ್ದ್ರಭೈರವಃ ॥ 156 ॥
ದುರ್ವೃತ್ತಶಿಶುಪಾಲೈಕಮುಕ್ತಿಕೋದ್ಧಾರಕೇಶ್ವರಃ ।
ಆಚಾಂಡಾಲಾದಿಕಂ ಪ್ರಾಪ್ಯ ದ್ವಾರಕಾನಿಧಿಕೋಟಿಕೃತ್ ॥ 157 ॥
ಬ್ರಹ್ಮಾಸ್ತ್ರದಗ್ಧಗರ್ಭಸ್ಥಪರೀಕ್ಷಿಜ್ಜೀವನೈಕಕೃತ್ ।
ಪರಿಣೀತದ್ವಿಜಸುತಾನೇತಾಽರ್ಜುನಮದಾಪಹಃ ॥ 158 ॥
ಗೂಢಮುದ್ರಾಕೃತಿಗ್ರಸ್ತಭೀಷ್ಮಾದ್ಯಖಿಲಗೌರವಃ ।
ಪಾರ್ಥಾರ್ಥಖಂಡಿತಾಶೇಷದಿವ್ಯಾಸ್ತ್ರಃ ಪಾರ್ಥಮೋಹಭೃತ್ ॥ 159 ॥
ಬ್ರಹ್ಮಶಾಪಚ್ಛಲಧ್ವಸ್ತಯಾದವೋ ವಿಭವಾವಹಃ ।
ಅನಂಗೇ ಜಿತಗೌರೀಶೋ ರತಿಕಾನ್ತಃ ಸದೇಪ್ಸಿತಃ ॥ 160 ॥
ಪುಷ್ಪೇಷುರ್ವಿಶ್ವವಿಜಯೀ ಸ್ಮರಃ ಕಾಮೇಶ್ವರೀಪತಿಃ ।
ಉಷಾಪತಿರ್ವಿಶ್ವಹೇತುರ್ವಿಶ್ವತೃಪ್ತೋಽಧಿಪೂರುಷಃ ॥ 161 ॥
ಚತುರಾತ್ಮಾ ಚತುರ್ವರ್ಣಶ್ಚತುರ್ವೇದವಿಧಾಯಕಃ ।
ಚತುರ್ವಿಶ್ವೈಕವಿಶ್ವಾತ್ಮಾ ಸರ್ವೋತ್ಕೃಷ್ಟಾಸು ಕೋಟಿಷು ॥ 162 ॥
ಆಶ್ರಯಾತ್ಮಾ ಪುರಾಣರ್ಷಿರ್ವ್ಯಾಸಃ ಶಾಸ್ತ್ರಸಹಸ್ರಕೃತ್ ।
ಮಹಾಭಾರತನಿರ್ಮಾತಾ ಕವೀನ್ದ್ರೋ ವಾದರಾಯಣಃ ॥ 163 ॥
ಕೃಷ್ಣದ್ವೈಪಾಯನಃ ಸರ್ವಪುರುಷಾರ್ಥಕಬೋಧಕಃ ।
ವೇದಾನ್ತಕರ್ತಾ ಬ್ರಹ್ಮೈಕವ್ಯಂಜಕಃ ಪುರುವಂಶಕೃತ್ ॥ 164 ॥
ಬುದ್ಧೋ ಧ್ಯಾನಜಿತಾಶೇಷದೇವದೇವೋ ಜಗತ್ಪ್ರಿಯಃ ।
ನಿರಾಯುಧೋ ಜಗಜ್ಜೈತ್ರಃ ಶ್ರೀಧನೋ ದುಷ್ಟಮೋಹನಃ ॥ 165 ॥
ದೈತ್ಯವೇದಬಹಿಷ್ಕರ್ತ್ತಾ ವೇದಾರ್ಥಶ್ರುತಿಗೋಪಕಃ ।
ಶುದ್ಧೋದನಿರ್ನಷ್ಟದಿಷ್ಟಃ ಸುಖದಃ ಸದಸತ್ಪತಿಃ ॥ 166 ॥
ಯಥಾಯೋಗ್ಯಾಖಿಲಕುಪಃ ಸರ್ವಶೂನ್ಯೋಽಖಿಲೇಷ್ಟದಃ ।
ಚತುಷ್ಕೋಟಿಪೃಥಕ್ತತ್ತ್ವಂ ಪ್ರಜ್ಞಾಪಾರಮಿತೇಶ್ವರಃ ॥ 167 ॥
ಪಾಷಂಡಶ್ರುತಿಮಾರ್ಗೇಣ ಪಾಷಂಡಶ್ರುತಿಗೋಪಕಃ ।
ಕಲ್ಕೀ ವಿಷ್ಣುಯಶಃ ಪೂತಃ ಕಲಿಕಾಲವಿಲೋಪಕಃ ॥ 168 ॥
ಸಮಸ್ತಮ್ಲೇಚ್ಛಹಸ್ತಘ್ನಃ ಸರ್ವಶಿಷ್ಟದ್ವಿಜಾತಿಕೃತ್ ।
ಸತ್ಯಪ್ರವರ್ತ್ತಕೋ ದೇವದ್ವಿಜದೀರ್ಘಕ್ಷುಧಾಪಹಃ ॥ 169 ॥
ಅವಗವಾದಿವೇದೇನ ಪೃಥ್ವೀದುರ್ಗತಿನಾಶನಃ ।
ಸದ್ಯಃ ಕ್ಷ್ಮಾನನ್ತಲಕ್ಷ್ಮೀಕೃತ್ ನಷ್ಟನಿಃ ಶೇಷ ಧರ್ಮಕೃತ್ ॥ 170 ॥
ಅನನ್ತಸ್ವರ್ಗಯಾಗೈಕಹೇಮಪೂರ್ಣಾಖಿಲದ್ವಿಜಃ ।
ಅಸಾಧ್ಯೈಕಜಗಚ್ಛಾಸ್ತಾ ವಿಶ್ವವನ್ದ್ಯೋ ಜಯಧ್ವಜಃ ॥ 171 ॥
ಆತ್ಮತತ್ತ್ವಾಧಿಪಃ ಕೃರ್ತೃಶ್ರೇಷ್ಠೋ ವಿಧಿರುಮಾಪತಿಃ ।
ಭರ್ತುಃ ಶ್ರೇಷ್ಠಃ ಪ್ರಜೇಶಾಗ್ರ್ಯೋ ಮರೀಚಿಜನಕಾಗ್ರಣೀಃ ॥ 172 ॥
ಕಶ್ಯಪೋ ದೇವರಾದಿನ್ದ್ರಃ ಪ್ರಹ್ಲಾದೋ ದೈತ್ಯರಾಟ್ ಶಶೀ ।
ನಕ್ಷತ್ರೇಶೋ ರವಿಸ್ತೇಜಃ ಶ್ರೇಷ್ಠಃ ಶುಕ್ರಃ ಕವೀಶ್ವರಃ ॥ 173 ॥
ಮಹರ್ಷಿರಾಟ್ ಭೃಗುರ್ವಿಷ್ಣುರಾದಿತ್ಯೇಶೋ ಬಲಿಃ ಸ್ವರಾಟ್ ।
ವಾಯುರ್ವಹ್ನಿಃ ಶುಚಿಶ್ರೇಷ್ಠಃ ಶಂಕರೋ ರುದ್ರರಾಟ್ ಗುರುಃ ॥ 174 ॥
ವಿದ್ವತ್ತಮಶ್ಚಿತ್ರರಥೋ ಗನ್ಧರ್ವಾಗ್ರ್ಯೋ ವಸೂತ್ತಮಃ ।
ವರ್ಣಾದಿರಗ್ರ್ಯಾ ಸ್ತ್ರೀ ಗೌರೀ ಶಕ್ತ್ಯಗ್ರ್ಯಾ ಶ್ರೀಶ್ಚ ನಾರದಃ ॥ 175 ॥
ದೇವರ್ಷಿರಾಟ್ ಪಾಂಡವಾಗ್ರ್ಯೋಽರ್ಜುನೋ ನಾರದವಾದರಾಟ್ ।
ಪವನಃ ಪವನೇಶಾನೋ ವರುಣೋ ಯಾದಸಾಮ್ಪತಿಃ ॥ 176 ॥
ಗಂಗಾತೀರ್ಥೋತ್ತಮೋದ್ಭೂತಂ ಛತ್ರಕಾಗ್ರ್ಯವರೌಷಧಮ್ ।
ಅನ್ನಂ ಸುದರ್ಶನಾಸ್ತ್ರಾಗ್ರ್ಯೋ ವಜ್ರಪ್ರಹರಣೋತ್ತಮಮ್ ॥ 177 ॥
ಉಚ್ಚೈಃಶ್ರವಾ ವಾಜಿರಾಜಃ ಐರಾವತ ಇಭೇಶ್ವರಃ ।
ಅರುನ್ಧತ್ಯೇಕಪತ್ನೀಶೋ ಹ್ಯಶ್ವತ್ಥೋಽಶೇಷವೃಕ್ಷರಾಟ್ ॥ 178 ॥
ಅಧ್ಯಾತ್ಮವಿದ್ಯಾವಿದ್ಯಾತ್ಮಾ ಪ್ರಣವಶ್ಛನ್ದಸಾಂ ವರಃ ।
ಮೇರುರ್ಗಿರಿಪತಿರ್ಭಾರ್ಗೋ ಮಾಸಾಗ್ರ್ಯಃ ಕಾಲಸತ್ತಮಃ ॥ 179 ॥
ದಿನಾದ್ಯಾತ್ಮಾ ಪೂರ್ವಸಿದ್ಧಿಃ ಕಪಿಲಃ ಸಾಮವೇದರಾಟ್ ।
ತಾರ್ಕ್ಷ್ಯಃ ಖಗೇನ್ದ್ರೋ ಋತ್ವಗ್ರ್ಯೋ ವಸನ್ತಃ ಕಲ್ಪಪಾದಪಃ ॥ 180 ॥
ದಾತೃಶ್ರೇಷ್ಠಃ ಕಾಮಧೇನುರಾರ್ತಿಘ್ನಾಗ್ರ್ಯಃ ಸುರೋತ್ತಮಃ ।
ಚಿನ್ತಾಮಣಿರ್ಗುರುಶ್ರೇಷ್ಠೋ ಮಾತಾ ಹಿತತಮಃ ಪಿತಾ ॥ 181 ॥
ಸಿಂಹೋ ಮೃಗೇನ್ದ್ರೋ ನಾಗೇನ್ದ್ರೋ ವಾಸುಕಿರ್ಭೂಧರೋ ನೃಪಃ ।
ವಣಶೋ ಬ್ರಾಹ್ಮಣಶ್ಚಾನ್ತಃ ಕರಣಾಗ್ರ್ಯಂ ನಮೋ ನಮಃ ॥ 182 ॥
ಇತ್ಯೇತದ್ವಾಸುದೇವಸ್ಯ ವಿಷ್ಣೋರ್ನಾಮಸಹಸ್ರಕಮ್ ।
ಸರ್ವಾಪರಾಧಶಮನಂ ಪರಂ ಭಕ್ತಿವಿವರ್ದ್ಧನಮ್ ॥ 183 ॥
ಅಕ್ಷಯಬ್ರಹ್ಮಲೋಕಾದಿಸರ್ವಾರ್ಥಾಪ್ಯೇಕಸಾಧನಮ್ ।
ವಿಷ್ಣುಲೋಕೈಕಸೋಪಾನಂ ಸರ್ವದು:ಖವಿನಾಶನಮ್ ॥ 184 ॥
ಸಮಸ್ತಸುಖದಂ ಸತ್ಯಂ ಪರಂ ನಿರ್ವಾಣದಾಯಕಮ್ ।
ಕಾಮಕ್ರೋಧಾದಿನಿಃಶೇಷಮನೋಮಲವಿಶೋಧನಮ್ ॥ 185 ॥
ಶಾನ್ತಿದಂ ಪಾವನಂ ನೃಣಾಂ ಮಹಾಪಾತಾಕಿನಾಮಪಿ ।
ಸರ್ವೇಷಾಂ ಪ್ರಾಣಿನಾಮಾಶು ಸರ್ವಾಭೀಷ್ಟಫಲಪ್ರದಮ್ ॥ 186 ॥
ಸರ್ವವಿಘ್ನಪ್ರಶಮನಂ ಸರ್ವಾರಿಷ್ಟವಿನಾಶನಮ್ ।
ಘೋರದುಃಸ್ವಪ್ನಶಮನಂ ತೀವ್ರದಾರಿದ್ರ್ಯನಾಶನಮ್ ॥ 187 ॥
ತಾಪತ್ರಯಾಪಹಂ ಗುಹ್ಯಂ ಧನಧಾನ್ಯಯಶಸ್ಕರಮ್ ।
ಸರ್ವೈಶ್ವರ್ಯಪ್ರದಂ ಸರ್ವಸಿದ್ಧಿದಂ ಸರ್ವಕಾಮದಮ್ ॥ 188 ॥
ತೀರ್ಥಯಜ್ಞತಪೋದಾನವ್ರತಕೋಟಿಫಲಪ್ರದಮ್ ।
ಅಪ್ರಜ್ಞಜಾಡ್ಯಶಮನಂ ಸರ್ವವಿದ್ಯಾಪ್ರವರ್ತ್ತಕಮ್ ॥ 189 ॥
ರಾಜ್ಯದಂ ರಾಜ್ಯಕಾಮಾನಾಂ ರೋಗಿಣಾಂ ಸರ್ವರೋಗನುತ್ ।
ವನ್ಧ್ಯಾನಾಂ ಸುತದಂ ಚಾಶು ಸರ್ವಶ್ರೇಷ್ಠಫಲಪ್ರದಮ್ ॥ 190 ॥
ಅಸ್ತ್ರಗ್ರಾಮವಿಷಧ್ವಂಸೀ ಗ್ರಹಪೀಡಾವಿನಾಶನಮ್ ।
ಮಾಂಗಲ್ಯಂ ಪುಣ್ಯಮಾಯುಷ್ಯಂ ಶ್ರವಣಾತ್ ಪಠನಾಜ್ಜಪಾತ್ ॥ 191 ॥
ಸಕೃದಸ್ಯಾಖಿಲಾ ವೇದಾಃ ಸಾಂಗಾ ಮನ್ತ್ರಾಶ್ಚ ಕೋಟಿಶಃ । ।
ಪುರಾಣಶಾಸ್ತ್ರಂ ಸ್ಮೃತಯಃ ಪಠಿತಾಃ ಪಠಿತಾಸ್ತಥಾ ॥ 192 ॥
ಜಪ್ತ್ವಾಸ್ಯ ಶ್ಲೋಕಂ ಶ್ಲೋಕಾರ್ಧಂ ಪಾದಂ ವಾ ಪಠತಃ ಪ್ರಿಯೇ ।
ನಿತ್ಯಂ ಸಿಧ್ಯತಿ ಸರ್ವೇಷಾಮಚಿರಾತ್ಕಿಮುತೋಽಖಿಲಮ್ ॥ 193 ॥
ಪ್ರಾಣೇನ ಸದೃಶಂ ಸದ್ಯಃ ಪ್ರತ್ಯಹಂ ಸರ್ವಕರ್ಮಸು ।
ಇದಂ ಭದ್ರೇ ತ್ವಯಾ ಗೋಪ್ಯಂ ಪಾಠ್ಯಂ ಸ್ವಾರ್ಥೈಕಸಿದ್ಧಯೇ ॥ 194 ॥
ನಾವೈಷ್ಣವಾಯ ದಾತವ್ಯಂ ವಿಕಲ್ಪೋಪಹೃತಾತ್ಮನೇ ।
ಭಕ್ತಿಶ್ರದ್ಧಾವಿಹೀನಾಯ ವಿಷ್ಣುಸಾಮಾನ್ಯದರ್ಶಿನೇ ॥ 195 ॥
ದೇಯಂ ಪುತ್ರಾಯ ಶಿಷ್ಯಾಯ ಶುದ್ಧಾಯ ಹಿತಕಾಮ್ಯಯಾ ।
ಮತ್ಪ್ರಸಾದಾದೃತೇ ನೇದಂ ಗ್ರಹಿಷ್ಯನ್ತ್ಯಲ್ಪಮೇಧಸಃ ॥ 196 ॥
ಕಲೌ ಸದ್ಯಃ ಫಲಂ ಕಲ್ಪಗ್ರಾಮಮೇಷ್ಯತಿ ನಾರದಃ ।
ಲೋಕಾನಾಂ ಭಾಗ್ಯಹೀನಾನಾಂ ಯೇನ ದುಃಖಂ ವಿನಶ್ಯತಿ ॥ 197 ॥
ಕ್ಷೇತ್ರೇಷು ವೈಷ್ಣವೇಷ್ವೇತದಾರ್ಯಾವರ್ತ್ತೇ ಭವಿಷ್ಯತಿ ।
ನಾಸ್ತಿ ವಿಷ್ಣೋಃ ಪರಂ ಸತ್ಯಂ ನಾಸ್ತಿ ವಿಷ್ಣೋಃ ಪರಮ್ಪದಮ್ ॥ 198 ॥
ನಾಸ್ತಿ ವಿಷ್ಣೋ ಪರಂ ಜ್ಞಾನಂ ನಾಸ್ತಿ ಮೋಕ್ಷೋ ಹ್ಯವೈಷ್ಣವಃ ।
ನಾಸ್ತಿ ವಿಷ್ಣೋಃ ಪರೋ ಮನ್ತ್ರೋ ನಾಸ್ತಿ ವಿಷ್ಣೋಃ ಪರಂ ತಪಃ ॥ 199 ॥
ನಾಸ್ತಿ ವಿಷ್ಣೋ ಪರಂ ಧ್ಯಾನಂ ನಾಸ್ತಿ ಮನ್ತ್ರೋ ಹ್ಯವೈಷ್ಣವಃ ।
ಕಿಂ ನಾಸ್ಯ ಬಹುಭಿರ್ಮನ್ತ್ರೈಃ ಕಿಂ ಜಪೈರ್ಬಹುವಿಸ್ತರೈಃ ॥ 200 ॥
ವಾಜಪೇಯಸಹಸ್ರೈಃ ಕಿಂ ಭಕ್ತಿರ್ಯಸ್ಯ ಜನಾರ್ದನೇ ।
ಸರ್ವತೀರ್ಥಮಯೋ ವಿಷ್ಣುಃ ಸರ್ವಶಾಸ್ತ್ರಮಯಃ ಪ್ರಭು ॥ 201 ॥
ಸರ್ವಕ್ರತುಮಯೋ ವಿಷ್ಣುಃ ಸತ್ಯಂ ಸತ್ಯಂ ವದಾಮ್ಯಹಮ್ ।
ಆಬ್ರಹ್ಮಸಾರಸರ್ವಸ್ಯ ಸರ್ವಮೇತನ್ಮಯೋದಿತಮ್ ॥ 202 ॥
ಶ್ರೀಪಾರ್ವತ್ಯುವಾಚ-
ಧನ್ಯಾಸ್ಮ್ಯನುಗೃಹಿತಾಸ್ಮಿ ಕೃತಾರ್ಥಾಸ್ಮಿ ಜಗತ್ಪತೇ ।
ಯನ್ಮಯೇದಂ ಶ್ರುತಂ ಸ್ತೋತ್ರಂ ತ್ವದ್ರಹಸ್ಯಂ ಸುದುರ್ಲಭಮ್ ॥ 203 ॥
ಅಹೋ ಬತ ಮಹತ್ಕಷ್ಟಂ ಸಮಸ್ತ ಸುಖದೇ ಹರೌ ।
ವಿದ್ಯಮಾನೇಽಪಿ ಸರ್ವೇಶೇ ಮೂಢಾಃ ಕ್ಲಿಶ್ಯನ್ತಿ ಸಂಸೃತೌ ॥ 204 ॥
ಯಮುದ್ದಿಶ್ಯಸದಾ ನಾಥೋ ಮಹೇಶೋಽಪಿ ದಿಗಮ್ಬರಃ ।
ಜಟಿಲೋ ಭಸ್ಮಲಿಪ್ತಾಂಗಸ್ತಪಸ್ವೀ ವೀಕ್ಷಿತೋ ಜನೈಃ ॥ 205 ॥
ಅತೋಽಧಿಕೋ ನ ದೇವೋಽಸ್ತಿ ಲಕ್ಷ್ಮೀಕಾನ್ತಾನ್ಮಧುದ್ವಿಷಃ ।
ಯತತ್ವಂ ಚಿನ್ತ್ಯತೇ ನಿತ್ಯಂ ತ್ವಯಾ ಯೋಗೀಶ್ವರೇಣ ಹಿ ॥ 206 ॥
ಅತಃಪರಂ ಕಿಮಧಿಕಂ ಪದಂ ಶ್ರೀಪುರುಷೋತ್ತಮಾತ್ ।
ತಮವಿಜ್ಞಾಯ ತಾನ್ ಮೂಢಾ ಯಜನ್ತೇ ಜ್ಞಾನಮಾನಿನಃ ॥ 207 ॥
ಮುಷಿತಾಸ್ಮಿ ತ್ವಯಾ ನಾಥ ಚಿರಂ ಯದಯಮೀಶ್ವರಃ ।
ಪ್ರಕಾಶಿತೋ ನ ಮೇ ಯಸ್ಯ ದತ್ತಾದ್ಯಾ ದಿವ್ಯಶಕ್ತಯಃ ॥ 208 ॥
ಅಹೋ ಸರ್ವೇಶ್ವರೋ ವಿಷ್ಣುಃ ಸರ್ವದೇವೋತ್ತಮೋತ್ತಮಃ ।
ಭವದಾದಿಗುರುರ್ಮೂಢೈಃ ಸಾಮಾನ್ಯ ಇವ ಲಕ್ಷ್ಯತೇ ॥ 209 ॥
ಮಹೀಯಸಾಂ ಹಿ ಮಾಹಾತ್ಮ್ಯಂ ಭಜಮಾನಾನ್ ಭಜನ್ತಿ ಚೇತ್ ।
ದ್ವಿಷತೋಽಪಿ ತಥಾ ಪಾಪಾನುಪೇಕ್ಷ್ಯನ್ತೇ ಕ್ಷಮಾಲಯಾಃ ॥ 210 ॥
ಮಯಾಪಿ ಬಾಲ್ಯೇ ಸ್ವಪಿತುಃ ಪ್ರಜ್ಞಾ ದೃಷ್ಟಾ ಬುಭುಕ್ಷಿತಾಃ ।
ದುಖಾದಶಕ್ತಾಃ ಸ್ವಂ ಪೋಷ್ಟುಂ ಶ್ರಿಯಾ ನಾಧ್ಯಾಸಿತಾಃ ಪುರಾ ॥ 211 ॥
ತ್ವಯಾ ಸಂವರ್ಧಿತಾಭಿಶ್ಚ ಪ್ರಜಾಭಿರ್ವಿಬುಧಾದಯಃ ।
ವಿಸಸದ್ಭಿಃ ಸ್ವಶಕ್ತ್ಯಾದ್ಯಾಃ ಸಮುಹೃನ್ಮಿತ್ರಬಾನ್ಧವಾಃ ॥ 212 ॥
ತ್ವಯಾ ವಿನಾ ಕ್ವ ದೇವತ್ವಂ ಕ್ವ ಧೈರ್ಯಂ ಕ್ಯ ಪರಿಗ್ರಹಃ ।
ಸರ್ವೇ ಭವನ್ತಿ ಜೀವನ್ತೋ ಯಾತನಾಃ ಶಿರಸಿ ಸ್ಥಿತಾಃ ॥ 213 ॥
ನಾಮೃತೇ ನೈವ ಧರ್ಮಾರ್ಥೌ ಕಾಮೋ ಮೋಕ್ಷೋಽಪಿ ದುರ್ಲಭಃ ।
ಕ್ಷುಧಿತಾನಾಂ ದುರ್ಗತಾನಾಂ ಕುತೋ ಯೋಗಸಮಾಧಯಃ ॥ 214 ॥
ಸಾ ಚ ಸಂಸಾರಸಾರೈಕಾ ಸರ್ವಲೋಕೈಕಪಾಲಿಕಾ ।
ವಶ್ಯಾ ಸಾ ಕಮಲಾ ಯಸ್ಯ ತ್ಯಕ್ತ್ವಾ ತ್ವಾಮಪಿ ಶಂಕರಃ ॥ 215 ॥
ಶ್ರಿಯಾ ಧರ್ಮೇಣ ಶೌರ್ಯೇಣ ರೂಪೇಣಾರ್ಚವಸಮ್ಪದಾ ।
ಸರ್ವಾತಿಶಯವೀರ್ಯೇಣ ಸಮ್ಪೂರ್ಣಸ್ಯ ಮಹಾತ್ಮನಃ ॥ 216 ॥
ಕಸ್ತೇನ ತುಲ್ಯತಾಮೇತಿ ದೇವದೇವೇನ ವಿಷ್ಣುನಾ ।
ಯಸ್ಯಾಂಶಾಂಶಕಭಾಗೇನ ವಿನಾ ಸರ್ವ ವಿಲೀಯತೇ ॥ 217 ॥
ಜಗದೇತತ್ತಥಾ ಪ್ರಾಹುರ್ದೋಷಾಯೈತದ್ವಿಮೋಹಿತಾಃ ।
ನಾಸ್ಯ ಜನ್ಮ ಜರಾ ಮೃತ್ಯುರ್ನಾಪ್ರಾಪ್ಯಂ ವಾರ್ಥಮೇವ ವಾ ॥ 218 ॥
ತಥಾಪಿ ಕುರುತೇ ಧರ್ಮಾನ್ ಪಾಲನಾಯ ಸತಾಂ ಕೃತೇ ।
ವಿಜ್ಞಾಪಯ ಮಹಾದೇವ ಪ್ರಣಮ್ಯಕಂ ಮಹೇಶ್ವರಮ್ ॥ 219 ॥
ಅವಧಾರ್ಯ ತಥಾ ಸಾಹಂ ಕಾನ್ತ ಕಾಮದ ಶಾಶ್ವತ ।
ಕಾಮಾದ್ಯಾಸಕ್ತಚಿತ್ತತ್ವಾತ್ ಕಿಂ ತು ಸರ್ವೇಶ್ವರ ಪ್ರಭೋ ॥ 220 ॥
ತ್ವನ್ಮಯತ್ವಾತ್ಪ್ರಸಾದಾದ್ವಾ ಶಕ್ನೋಮಿ ಪಠಿತುಂ ನ ಚೇತ್ ।
ವಿಷ್ಣೋಃ ಸಹಸ್ರನಾಮೈತತ್ಪ್ರತ್ಯಹಂ ವೃಷಭಧ್ವಜ ॥
ನಾಮ್ನೈಕೇನ ತು ಯೇನ ಸ್ಯಾತ್ತತ್ಫಲಂ ಬ್ರೂಹಿ ಮೇ ಪ್ರಭೋ ॥ 221 ॥
ಶ್ರೀಮಹಾದೇವ ಉವಾಚ-
ರಾಮ ರಾಮೇತಿ ರಾಮೇತಿ ರಮೇರಾಮೇ ಮನೋರಮೇ ।
ಸಹಸ್ರನಾಮಭಿಸ್ತುಲ್ಯಂ ರಾಮನಾಮ ವರಾನನೇ ॥ 222 ॥
ಅಥ ಸರ್ವಾಣಿ ತೀರ್ಥಾನಿ ಜಲಂಚೈವ ಪ್ರಯಾಗಜಮ್ ।
ವಿಷ್ಣೋರ್ನಾಮಸಹಸ್ರಸ್ಯ ಕಲಾಂ ನಾರ್ಹನ್ತಿ ಷೋಡಶೀಮ್ ॥ 223 ॥
॥ ಇತಿ ಶ್ರೀನಾರದಪಂಚರಾತ್ರೇ ಜ್ಞಾನಾಮೃತಸಾರೇ ಚತುರ್ಥರಾತ್ರೇ
ಪಾರ್ವತೀಶಿವಸಂವಾದೇ ಶ್ರೀವಿಷ್ಣೋರ್ನಾಮಸಹಸ್ರಂ ಸಮ್ಪೂರ್ಣಮ್ ॥
Also Read 1000 Names of Sri Vishnu:
1000 Names of Sri Vishnu | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
