Shri Vishnu Sahasranamastotram Lyrics in Oriya:
॥ ଶ୍ରୀଵିଷ୍ଣୁସହସ୍ରନାମସ୍ତୋତ୍ରଂ ନାରଦପଞ୍ଚରାତ୍ରେ ॥
ଶ୍ରୀନାରଦପଞ୍ଚରାତ୍ରେ ଜ୍ଞାନାମୃତସାରେ ଚତୁର୍ଥରାତ୍ରେ
ଶ୍ରୀମହାଦେଵ ଉଵାଚ-
ବ୍ରହ୍ମହତ୍ୟାସହସ୍ରାଣାଂ ପାପଂ ଶାମ୍ୟେତ୍ କଥଞ୍ଚନ ।
ନ ପୁନସ୍ତ୍ଵୟ୍ୟଵିଜ୍ଞାତେ କଲ୍ପକୋଟିଶତୈରପି ॥ ୧ ॥
ୟସ୍ମାନ୍ନ ୟା କୃତା ସ୍ପର୍ଧା ପଵିତ୍ରଂ ସ୍ୟାତ୍କଥଂ ହରେ ।
ନଶ୍ୟନ୍ତି ସର୍ଵପାପାନି ତନ୍ମାଂ ଵଦ ସୁରେଶ୍ଵର ।
ତଦାହ ଦେଵୋ ଗୋଵିନ୍ଦ ମମ ପ୍ରୀତ୍ୟା ୟଥାୟଥମ୍ ॥ ୨ ॥
ଶ୍ରୀଭଗଵାନୁଵାଚ-
ସଦା ନାମସହସ୍ରଂ ମେ ପାଵନଂ ମତ୍ପଦାଵହମ୍ ।
ତତ୍ପରୋଽନୁଦିନଂ ଶମ୍ଭୋ ସର୍ଵୈଶ୍ଵର୍ୟଂ ୟଦୀଚ୍ଛସି ॥ ୩ ॥
ଶ୍ରୀମହାଦେଵ ଉଵାଚ-
ତମେଵ ତପସା ନିତ୍ୟଂ ଭଜାମି ସ୍ତୌମି ଚିନ୍ତୟେ ।
ତେନାଦ୍ଵିତୀୟମହିମୋ ଜଗତ୍ପୂଜ୍ୟୋଽସ୍ମି ପାର୍ଵତି ! ॥ ୪ ॥
ଶ୍ରୀପାର୍ଵତ୍ୟୁଵାଚ-
ତନ୍ମେ କଥୟ ଦେଵେଶ ୟଥାହମପି ଶଙ୍କର ! ।
ସର୍ଵେଶ୍ଵରୀ ନିରୂପମା ତଵ ସ୍ୟାଂ ସଦୃଶୀ ପ୍ରଭୋ ! ॥ ୫ ॥
ଶ୍ରୀମହାଦେଵ ଉଵାଚ-
ସାଧୁ ! ସାଧୁ ! ତ୍ଵୟା ପୃଷ୍ଟୋ ଵିଷ୍ଣୋର୍ଭଗଵତଃ ଶିଵେ ! ।
ନାମ୍ନାଂ ସହସ୍ରଂ ଵକ୍ଷ୍ୟାମି ମୁଖ୍ୟଂ ତ୍ରୈଲୋକ୍ୟମଙ୍ଗଲମ୍ ॥ ୬ ॥
ଓଂ ନମୋନାରାୟଣାୟ ପୁରୁଷୋତ୍ତମାୟ ଚ ମହାତ୍ମନେ ।
ଵିଶୁଦ୍ଧସଦ୍ମାଧିଷ୍ଠାୟ ମହାହଂସାୟ ଧୀମହି ॥ ୭ ॥
ଵିନିୟୋଗଃ
ଓଂ ଅସ୍ୟ ଶ୍ରୀଵିଷ୍ଣୋଃ ସହସ୍ରନାମମନ୍ତ୍ରସ୍ୟ ମହାଦେଵ ଋଷିଃ । ଅନୁଷ୍ଟୁପ୍ଛନ୍ଦଃ ।
ପରମାତ୍ମା ଦେଵତା । ସୂର୍ୟକୋଟିପ୍ରତୀକାଶ ଇତି ବୀଜମ୍ । ଗଙ୍ଗାତୀର୍ଥୋତ୍ତମା ଶକ୍ତିଃ ।
ପ୍ରପନ୍ନାଶନିପଞ୍ଜର ଇତି କୀଲକମ୍ । ଦିଵ୍ୟାସ୍ତ୍ର ଇତ୍ୟସ୍ରମ୍ । ସର୍ଵପାପକ୍ଷୟାର୍ଥଂ
ସର୍ଵାଭୀଷ୍ଟସିଦ୍ଧ୍ୟର୍ଥଂ ଶ୍ରୀଵିଷ୍ଣୋର୍ନାମସହସ୍ରଜପେ ଵିନିୟୋଗଃ ।
ଋଷ୍ୟାଦିନ୍ୟାସଃ
ଓଂ ମହାଦେଵାୟ ଋଷୟେ ନମଃ ଇତି ଶିରସି ॥ ୧ ॥
ଅନୁଷ୍ଟୁପ୍ ଛନ୍ଦସେ ନମଃ ମୁଖେ ॥ ୨ ॥
ପରମାତ୍ମଦେଵତାୟୈ ନମଃ ହୃଦି ॥ ୩ ॥
ସୂର୍ୟକୋଟିପ୍ରତୀକାଶବୀଜାୟ ନମଃ ଗୁହ୍ୟେ ॥ ୪ ॥
ଗଙ୍ଗାତୀର୍ଥୋତ୍ତମଶକ୍ତ୍ୟେ ନମଃ ପାଦୟୋଃ ॥ ୫ ॥
ପ୍ରସନ୍ନାଶନିପଞ୍ଜରକୀଲକାୟ ନମଃ ନାଭୌ ॥ ୬ ॥
ଵିନିୟୋଗାୟ ନମଃ ସର୍ଵାଙ୍ଗେ ॥ ୭ ॥
କରନ୍ୟାସଃ
ଓଂ ଵାସୁଦେଵଃ ପରଂ ବ୍ରହ୍ମ ଇତ୍ୟଙ୍ଗୁଷ୍ଠାଭ୍ୟାଂ ନମଃ ॥ ୧ ॥
ଓଂ ମୂଲପ୍ରକୃତିରିତି ତର୍ଜନୀଭ୍ୟାଂ ନମଃ ॥ ୨ ॥
ଓଂ ଭୂମହାଵରାହ ଇତି ମଧ୍ୟମାଭ୍ୟାଂ ନମଃ ॥ ୩ ॥
ଓଂ ସୂର୍ୟଵଂଶଧ୍ଵଜୋ ରାମ ଇତି ଅନାମିକାଭ୍ୟାଂ ନମଃ ॥ ୪ ॥
ଓଂ ବ୍ରହ୍ମାଦିକମଲାଦିଗଦାସୂର୍ୟକେଶଵମିତି କନିଷ୍ଠିକାଭ୍ୟାଂ ନମଃ ॥ ୫ ॥
ଶେଷ ଇତି କରତଲକରପୃଷ୍ଠାଭ୍ୟାଂ ନମଃ ।
ଇତି କରନ୍ୟାସଃ ।
ଷଡଙ୍ଗନ୍ୟାସଃ
ଓଂ ଵାସୁଦେଵଃ ପରଂ ବ୍ରହ୍ମ ଇତି ହୃଦୟାୟ ନମଃ ॥ ୧ ॥
ଓଂ ମୂଲପ୍ରକୃତି ଶିରସେ ସ୍ଵାହା ॥ ୨ ॥
ଓଂ ଭୂମହାଵାରାହ ଇତି ଶିଖାୟୈ ଵଷଟ୍ ॥ ୩ ॥
ଓଂ ସୂର୍ୟଵଂଶଧ୍ଵଜୋ ରାମଃ ଇତି କଵଚାୟ ହୁଂ ॥ ୪ ॥
ବ୍ରହ୍ମାଦିକମଲାଦିଗଦାସୂର୍ୟକେଶଵଃ ନେତ୍ରତ୍ରୟାୟ ଵୌଷଟ ॥ ୫ ॥
ଓଂ ଦିଵ୍ୟାସ୍ତ୍ର ଇତ୍ୟସ୍ତ୍ରାୟ ଫଟ୍ ॥ ୬ ॥
ଇତି ହଦୟାଦିଷଡଙ୍ଗାନ୍ୟାସଃ ॥ ୭ ॥
॥ ଧ୍ୟାନମ୍ ॥
ଵିଷ୍ଣୁଂ ଭାସ୍ଵତ୍କିରୀଟାଙ୍ଗଦଵଲୟଗଣାକଲ୍ପହାରୋଦରାଂଘ୍ରି-
ଶ୍ରୋଣୀଭୂଷଂ ସୁଵକ୍ଷୋମଣିମକରମହାକୁଣ୍ଡଲଂ ମଣ୍ଡିତାଂସମ୍ ।
ହସ୍ତୋଦ୍ୟଚ୍ଚକ୍ରଶଙ୍ଖାମ୍ବୁଜଗଦଲମଲଂ ପୀତକୌଶୟଵାସୋ –
ଵିଦ୍ୟୁଦ୍ଭାସଂ ସମୁଦ୍ୟଦ୍ଦିନକରସଦୃଶଂ ପଦ୍ମହସ୍ତଂ ନମାମି ॥ ୮ ॥
ଓଂ ଵାସୁଦେଵଃ ପରଂ ବ୍ରହ୍ମ ପରମାତ୍ମା ପରାତ୍ପରମ୍ ।
ପରଂ ଧାମ ପରଂ ଜ୍ୟୋତିଃ ପରଂ ତତ୍ତ୍ଵଂ ପରଂ ପଦମ୍ ॥ ୯ ॥
ପରଂ ଶିଵଂ ପରୋ ଧ୍ୟେୟଃ ପରଂ ଜ୍ଞାନଂ ପରା ଗତିଃ ।
ପରମାର୍ଥଃ ପରଂ ଶ୍ରେୟଃ ପରାନନ୍ଦଃ ପରୋଦୟଃ ॥ ୧୦ ॥
ପରୋ ଵ୍ୟକ୍ତଃ ପରଂ ଵ୍ୟୋମ ପରାର୍ଧଃ ପରମେଶ୍ଵରଃ ।
ନିରାମୟୋ ନିର୍ଵିକାରୋ ନିର୍ଵିକଲ୍ପୋ ନିରାଶ୍ରୟଃ ॥ ୧୧ ॥
ନିରଞ୍ଜନୋ ନିରାଲମ୍ବୋ ନିର୍ଲେପୋ ନିରଵଗ୍ରହଃ ।
ନିର୍ଗୁଣୋନିଷ୍କଲୋଽନନ୍ତୋଽଚିନ୍ତ୍ୟୋଽସାଵଚଲୋଽଚ୍ୟୁତଃ ॥ ୧୨ ॥
ଅତୀନ୍ଦ୍ରିୟୋଽମିତୋଽରୋଧ୍ୟୋଽନୀହୋଽନୀଶୋଽଵ୍ୟୟୋଽକ୍ଷୟଃ ।
ସର୍ଵଜ୍ଞଃ ସର୍ଵଗଃ ସର୍ଵଃ ସର୍ଵଦଃ ସର୍ଵଭାଵନଃ ॥ ୧୩ ॥
ଶର୍ଵଃ ଶମ୍ଭୁଃ ସର୍ଵସାକ୍ଷୀ ପୂଜ୍ୟଃ ସର୍ଵସ୍ୟ ସର୍ଵଦୃକ୍ ।
ସର୍ଵଶକ୍ତିଃ ସର୍ଵସାରଃ ସର୍ଵାତ୍ମା ସର୍ଵତୋମୁଖଃ ॥ ୧୪ ॥
ସର୍ଵାଵାସଃ ସର୍ଵରୂପଃ ସର୍ଵାଦି ସର୍ଵଦୁଃଖହା ।
ସର୍ଵାର୍ଥଃ ସର୍ଵତୋଭଦ୍ରଃ ସର୍ଵକାରଣକାରଣମ୍ ॥ ୧୫ ॥
ସର୍ଵାତିଶାୟକଃ ସର୍ଵାଧ୍ୟକ୍ଷଃ ସର୍ଵେଶ୍ଵରେଶ୍ଵରଃ ।
ଷଡ୍ଵିଂଶକୋ ମହାଵିଷ୍ଣୁର୍ମହାଗୁହ୍ୟୋ ମହାହରିଃ ॥ ୧୬ ॥
ନିତ୍ୟୋଦିତୋ ନିତ୍ୟୟୁକ୍ତୋ ନିତ୍ୟାନନ୍ଦଃ ସନାତନଃ ।
ମାୟାପତିର୍ୟୋଗପତିଃ କୈଵଲ୍ୟପତିରାତ୍ମଭୂଃ ॥ ୧୭ ॥
ଜନ୍ମମୃତ୍ୟୁଜରାତୀତଃ କାଲାତୀତୋ ଭଵାତିଗଃ ।
ପୂର୍ଣଃ ସତ୍ୟଃ ଶୁଦ୍ଧବୁଦ୍ଧସ୍ଵରୂପୋ ନିତ୍ୟଚିନ୍ମୟଃ ॥ ୧୮ ॥
ୟୋଗିପ୍ରିୟୋ ୟୋଗମୟୋ ଭଵବନ୍ଧୈକମୋଚକଃ ।
ପୁରାଣଃ ପୁରୁଷଃ ପ୍ରତ୍ୟକ୍ ଚୈତନ୍ୟଂ ପୁରୁଷୋତ୍ତମଃ ॥ ୧୯ ॥
ଵେଦାନ୍ତଵେଦ୍ୟୋ ଦୁର୍ଜ୍ଞେୟସ୍ତାପତ୍ରୟଵିଵର୍ଜିତଃ ।
ବ୍ରହ୍ମଵିଦ୍ୟାଶ୍ରୟୋଽଲଙ୍ଘ୍ୟଃ ସ୍ଵପ୍ରକାଶଃ ସ୍ଵୟମ୍ପ୍ରଭଃ ॥ ୨୦ ॥
ସର୍ଵୋପେୟ ଉଦାସୀନଃ ପ୍ରଣଵଃ ସର୍ଵତଃ ସମଃ ।
ସର୍ଵାନଵଦ୍ୟୋ ଦୁଷ୍ପ୍ରାପସ୍ତୁରୀୟସ୍ତମସଃ ପରଃ ॥ ୨୧ ॥
କୂଟସ୍ଥଃ ସର୍ଵସଂଶ୍ଲିଷ୍ଟୋ ଵାଙ୍ଗମନୋଗୋଚରାତିଗଃ ।
ସଙ୍କର୍ଷଣଃ ସର୍ଵହରଃ କାଲଃ ସର୍ଵଭୟଙ୍କରଃ ॥ ୨୨ ॥
ଅନୁଲ୍ଲଘ୍ୟଂ ସର୍ଵଗତିର୍ମହାରୁଦ୍ରୋ ଦୁରାସଦଃ ।
ମୂଲପ୍ରକୃତିରାନନ୍ଦଃ ପ୍ରଜ୍ଞାତା ଵିଶ୍ଵମୋହନଃ ॥ ୨୩ ॥
ମହାମାୟୋ ଵିଶ୍ଵବୀଜଃ ପରାଶକ୍ତିସୁଖୈକଭୁକ୍ ।
ସର୍ଵକାମ୍ୟୋଽନନ୍ତଶୀଲଃ ସର୍ଵଭୂତଵଶଙ୍କରଃ ॥ ୨୪ ॥
ଅନିରୁଦ୍ଧଃ ସର୍ଵଜୀଵୋ ହୃଷୀକେଶୋ ମନଃପତିଃ ।
ନିରୁପାଧିଃ ପ୍ରିୟୋ ହଂସୋଽକ୍ଷରଃ ସର୍ଵନିୟୋଜକଃ ॥ ୨୫ ॥
ବ୍ରହ୍ମା ପ୍ରାଣେଶ୍ଵରଃ ସର୍ଵଭୂତଭୃଦ୍ଦେହନାୟକଃ ।
କ୍ଷେତ୍ରଜ୍ଞଃ ପ୍ରକୃତିସ୍ଵାମୀ ପୁରୁଷୋ ଵିଶ୍ଵସୂତ୍ରଧୃକ୍ ॥ ୨୬ ॥
ଅନ୍ତର୍ୟାମୀ ତ୍ରିଧାମାଽନ୍ତଃସାକ୍ଷୀ ତ୍ରିଗୁଣ ଈଶ୍ଵରଃ ।
ୟୋଗୀ ମୃଗ୍ୟଃ ପଦ୍ମନାଭଃ ଶେଷଶାୟୀ ଶ୍ରିୟଃ ପତିଃ ॥ ୨୭ ॥
ଶ୍ରୀସତ୍ୟୋପାସ୍ୟପାଦାବ୍ଜୋଽନନ୍ତଃ ଶ୍ରୀଃ ଶ୍ରୀନିକେତନଃ ।
ନିତ୍ୟଵକ୍ଷଃସ୍ଥଲସ୍ଥଶ୍ରୀଃ ଶ୍ରୀନିଧିଃ ଶ୍ରୀଧରୋ ହରିଃ ॥ ୨୮ ॥
ରମ୍ୟଶ୍ରୀର୍ନିଶ୍ଚୟଶ୍ରୀଦୋ ଵିଷ୍ଣୁଃ କ୍ଷୀରାବ୍ଧିମନ୍ଦିରଃ ।
କୌସ୍ତୁଭୋଦ୍ଭାସିତୋରସ୍କୋ ମାଧଵୋ ଜଗଦାର୍ତିହା ॥ ୨୯ ॥
ଶ୍ରୀଵତ୍ସଵକ୍ଷା ନିଃସୀମଃ କଲ୍ୟାଣଗୁଣଭାଜନମ୍ ।
ପୀତାମ୍ବରୋ ଜଗନ୍ନାଥୋ ଜଗଦ୍ଧାତା ଜଗତ୍ପିତା ॥ ୩୦ ॥
ଜଗଦ୍ବନ୍ଧୁର୍ଜଗତ୍ସ୍ରଷ୍ଟା ଜଗତ୍କର୍ତା ଜଗନ୍ନିଧିଃ ।
ଜଗଦେକସ୍ଫୁରଦ୍ଵୀର୍ୟୋ ନାହଂଵାଦୀ ଜଗନ୍ମୟଃ ॥ ୩୧ ॥
ସର୍ଵାଶ୍ଚର୍ୟମୟଃ ସର୍ଵସିଦ୍ଧାର୍ଥଃ ସର୍ଵଵୀରଜିତ୍ ।
ସର୍ଵାମୋଘୋଦ୍ୟମୋ ବ୍ରହ୍ମରୁଦ୍ରାଦ୍ୟୁତ୍କୃଷ୍ଟଚେତନଃ ॥ ୩୨ ॥
ଶମ୍ଭୋଃ ପିତାମହୋ ବ୍ରହ୍ମପିତା ଶକ୍ରାଦ୍ୟଧୀଶ୍ଵରଃ ।
ସର୍ଵଦେଵପ୍ରିୟଃ ସର୍ଵଦେଵଵୃତ୍ତିରନୁତ୍ତମଃ ॥ ୩୩ ॥
ସର୍ଵଦେଵୈକଶରଣଂ ସର୍ଵଦେଵୈକଦୈଵତମ୍ ।
ୟଜ୍ଞଭୁଗ୍ ୟଜ୍ଞଫଲଦୋ ୟଜ୍ଞେଶୋ ୟଜ୍ଞଭାଵନଃ ॥ ୩୪ ॥
ୟଜ୍ଞତ୍ରାତା ୟଜ୍ଞପୁମାନ୍ ଵନମାଲୀ ଦ୍ଵିଜପ୍ରିୟଃ ।
ଦ୍ଵିଜୈକମାନଦୋଽହିଂସ୍ରଃ କୁଲଦେଵୋଽସୁରାନ୍ତକଃ ॥ ୩୫ ॥
ସର୍ଵଦୁଷ୍ଟାନ୍ତକୃତ୍ ସର୍ଵସଜ୍ଜନାନନ୍ଦପାଲକଃ ।
ସର୍ଵଲୋକୈକଜଠରଃ ସର୍ଵଲୋକୈକମଣ୍ଡଲଃ ॥ ୩୬ ॥
ସୃଷ୍ଟିସ୍ଥିତ୍ୟନ୍ତକୃଚ୍ଚକ୍ରୀ ଶାର୍ଙ୍ଗଧନ୍ଵା ଗଦାଧରଃ ।
ଶଙ୍ଖଭୃନ୍ନନ୍ଦକୀ ପଦ୍ମପାଣିର୍ଗରୁଡଵାହନଃ ॥ ୩୭ ॥
ଅନିର୍ଦେଶ୍ୟଵପୁ ସର୍ଵଃ ସର୍ଵଲୋକୈକପାଵନଃ ।
ଅନନ୍ତକୀର୍ତିର୍ନିଃ ଶ୍ରୀଶଃ ପୌରୁଷଃ ସର୍ଵମଙ୍ଗଲଃ ॥ ୩୮ ॥
ସୂର୍ୟକୋଟିପ୍ରତୀକାଶୋ ୟମକୋଟିଵିନାଶନଃ ।
ବ୍ରହ୍ମକୋଟିଜଗତ୍ସ୍ରଷ୍ଟା ଵାୟୁକୋଟିମହାବଲଃ ॥ ୩୯ ॥
କୋଟୀନ୍ଦୁଜଗଦାନନ୍ଦୀ ଶମ୍ଭୁକୋଟିମହେଶ୍ଵରଃ ।
କୁବେରକୋଟିଲକ୍ଷ୍ମୀଵାନ୍ ଶତ୍ରୁକୋଟିଵିନାଶନଃ ॥ ୪୦ ॥
କନ୍ଦର୍ପକୋଟିଲାଵଣ୍ୟୋ ଦୁର୍ଗକୋଟିଵିମର୍ଦ୍ଧନଃ ।
ସମୁଦ୍ରକୋଟିଗମ୍ଭୀରସ୍ତୀର୍ଥକୋଟିସମାହ୍ଵୟଃ ॥ ୪୧ ॥
ହିମଵତ୍କୋଟିନିଷ୍କମ୍ପଃ କୋଟିବ୍ରହ୍ମାଣ୍ଡଵିଗ୍ରହଃ ।
କୋଟ୍ୟଶ୍ଵମେଧପାପଘ୍ନୋ ୟଜ୍ଞକୋଟିସମାର୍ଚନଃ ॥ ୪୨ ॥
ସୁଧାକୋଟିସ୍ଵାସ୍ଥ୍ୟହେତୁଃ କାମଧୁକ୍କୋଟିକାମଦଃ ।
ବ୍ରହ୍ମଵିଦ୍ୟାକୋଟିରୂପଃ ଶିପିଵିଷ୍ଟଃ ଶୁଚିଶ୍ରଵାଃ ॥ ୪୩ ॥
ଵିଶ୍ଵମ୍ଭରସ୍ତୀର୍ଥପାଦଃ ପୁଣ୍ୟଶ୍ରଵଣକୀର୍ତନଃ ।
ଆଦିଦେଵୋ ଜଗଜ୍ଜୈତ୍ରୋ ମୁକୁନ୍ଦଃ କାଲନେମିହା ॥ ୪୪ ॥
ଵୈକୁଣ୍ଠୋଽନନ୍ତମାହାତ୍ମ୍ୟୋ ମହାୟୋଗୀଶ୍ଵରେଶ୍ଵରଃ ।
ନିତ୍ୟତୃପ୍ତୋଽଥ ସଦ୍ଭାଵୋ ନିଃଶଙ୍କୋ ନରକାନ୍ତକଃ ॥ ୪୫ ॥
ଦୀନାନାଥୈକଶରଣଂ ଵିଶ୍ଵୈକଵ୍ୟସନାପହା ।
ଜଗତ୍କ୍ଷମାକୃତୋ ନିତ୍ୟୋ କୃପାଲୁଃ ସଜ୍ଜନାଶ୍ରୟଃ ॥ ୪୬ ॥
ୟୋଗେଶ୍ଵରଃ ସଦୋଦୀର୍ଣୋ ଵୃଦ୍ଧିକ୍ଷୟଵିଵର୍ଜିତଃ ।
ଅଧୋକ୍ଷଜୋ ଵିଶ୍ଵରେତା ପ୍ରଜାପତିସଭାଧିପଃ ॥ ୪୭ ॥
ଶକ୍ରବ୍ରହ୍ମାର୍ଚିତପଦଃ ଶମ୍ଭୁବ୍ରହ୍ମୋର୍ଧ୍ଵଧାମଗଃ ।
ସୂର୍ୟସୋମେକ୍ଷଣୋ ଵିଶ୍ଵଭୋକ୍ତା ସର୍ଵସ୍ୟ ପାରଗଃ ॥ ୪୮ ॥
ଜଗତ୍ସେତୁର୍ଧର୍ମସେତୁର୍ଧୀରୋଽରିଷ୍ଟଧୁରନ୍ୟରଃ ।
ନିର୍ମମୋଽଖିଲଲୋକେଶୋ ନିଃସଙ୍ଗୋଽଦ୍ଭୁତଭୋଗଵାନ୍ ॥ ୪୯ ॥
ରମ୍ୟମାୟୋ ଵିଶ୍ଵଵିଶ୍ଵୋ ଵିଷ୍ଵକ୍ସେନୋ ନଗୋତ୍ତମଃ ।
ସର୍ଵାଶ୍ରୟଃ ପତିର୍ଦେଵ୍ୟା ସର୍ଵଭୂଷଣଭୂଷିତଃ ॥ ୫୦ ॥
ସର୍ଵଲକ୍ଷଣଲକ୍ଷଣ୍ୟଃ ସର୍ଵଦୈତ୍ୟେନ୍ଦ୍ରଦର୍ପହା ।
ସମସ୍ତଦେଵସର୍ଵଜ୍ଞଃ ସର୍ଵଦୈଵତନାୟକଃ ॥ ୫୧ ॥
ସମସ୍ତଦେଵତାଦୁର୍ଗଃ ପ୍ରପନ୍ନାଶନିପଞ୍ଜରଃ ।
ସମସ୍ତଦେଵକଵଚଂ ସର୍ଵଦେଵଶିରୋମଣିଃ ॥ ୫୨ ॥
ସମସ୍ତଭୟନିର୍ଭିନ୍ନୋ ଭଗଵାନ୍ ଵିଷ୍ଟରଶ୍ରଵାଃ ।
ଵିଭୁଃ ସର୍ଵହିତୋଦର୍କୋ ହତାରିଃ ସୁଗତିପ୍ରଦଃ ॥ ୫୩ ॥
ସର୍ଵଦୈଵତଜୀଵେଶୋ ବ୍ରାହ୍ମଣାଦିନିୟୋଜକଃ ।
ବ୍ରହ୍ମଶମ୍ଭୁପରାର୍ଧାଢ୍ୟୀ ବ୍ରହ୍ମଜ୍ୟେଷ୍ଠଃ ଶିଶୁଃ ସ୍ଵରାଟ୍ ॥ ୫୪ ॥
ଵିରାଟ୍ ଭକ୍ତପରାଧୀନଃ ସ୍ତୁତ୍ୟଃ ସର୍ଵାର୍ଥସାଧକଃ ।
ସର୍ଵାର୍ଥକର୍ତା କୃତ୍ୟଜ୍ଞଃ ସ୍ଵାର୍ଥକୃତ୍ୟମଦୋଜ୍ଝିତଃ ॥ ୫୫ ॥
ସଦା ନଵଃ ସଦା ଭଦ୍ରଃ ସଦା ଶାନ୍ତଃ ସଦା ଶିଵଃ ।
ସଦା ପ୍ରିୟଃ ସଦା ତୁଷ୍ଟଃ ସଦା ପୁଷ୍ଟଃ ସଦାର୍ଚିତଃ ॥ ୫୬ ॥
ସଦା ପୂତଃ ପାଵନାଗ୍ରୋ ଵେଦଗୁହ୍ୟୋ ଵୃଷାକପିଃ ।
ସହସ୍ରନାମା ତ୍ରିୟୁଗଶ୍ଚତୁମୂର୍ତିଶ୍ଚତୁର୍ଭୁଜଃ ॥ ୫୭ ॥
ଭୂତଭଵ୍ୟଭଵନ୍ନାଥୋ ମହାପୁରୁଷପୂର୍ଵଜଃ ।
ନାରାୟଣୋ ମୁଞ୍ଜକେଶଃ ସର୍ଵୟୋଗଵିନିସ୍ମୃତଃ ॥ ୫୮ ॥
ଵେଦସାରୋ ୟଜ୍ଞସାରଃ ସାମସାରସ୍ତପୋନିଧିଃ ।
ସାଧ୍ୟଶ୍ରେଷ୍ଠଃ ପୁରାଣର୍ଷିର୍ନିଷ୍ଠାଶାନ୍ତିପରାୟଣଃ ॥ ୫୯ ॥
ଶିଵସ୍ତ୍ରିଶୂଲଵିଧ୍ଵଂସୀ ଶ୍ରୀକଣ୍ଠୈକଵରପ୍ରଦଃ ।
ନରକୃଷ୍ଣୋ ହରିର୍ଧର୍ମନନ୍ଦନୋ ଧର୍ମଜୀଵନଃ ॥ ୬୦ ॥
ଆଦିକର୍ତା ସର୍ଵସତ୍ୟଃ ସର୍ଵସ୍ତ୍ରୀରତ୍ନଦର୍ପହା ।
ତ୍ରିକାଲୋ ଜିତକନ୍ଦର୍ପ ଉର୍ଵଶୀଦୃଙ୍ମୁନୀଶ୍ଵରଃ ॥ ୬୧ ॥
ଆଦ୍ୟଃ କଵିର୍ହୟଗ୍ରୀଵଃ ସର୍ଵଵାଗୀଶ୍ଵରେଶ୍ଵରଃ ।
ସର୍ଵଦେଵମୟୋ ବ୍ରହ୍ମ ଗୁରୁର୍ଵାଗ୍ମୀଶ୍ଵରୀପତିଃ ॥ ୬୨ ॥
ଅନନ୍ତଵିଦ୍ୟାପ୍ରଭଵୋ ମୂଲାଵିଦ୍ୟାଵିନାଶକଃ ।
ସର୍ଵାର୍ହଣୋ ଜଗଜ୍ଜାଢ୍ୟନାଶକୋ ମଧୁସୂଦନଃ ॥ ୬୩ ॥
ଅନନ୍ତମନ୍ତ୍ରକୋଟୀଶଃ ଶବ୍ଦବ୍ରହ୍ମୈକପାଵକଃ ।
ଆଦିଵିଦ୍ଵାନ୍ ଵେଦକର୍ତା ଵେଦାତ୍ମା ଶ୍ରୁତିସାଗରଃ ॥ ୬୪ ॥
ବ୍ରହ୍ମାର୍ଥଵେଦାଭରଣଃ ସର୍ଵଵିଜ୍ଞାନଜନ୍ମଭୂଃ ।
ଵିଦ୍ୟାରାଜୋ ଜ୍ଞାନରାଜୋ ଜ୍ଞାନସିନ୍ଧୁରଖଣ୍ଡଧୀଃ ॥ ୬୫ ॥
ମତ୍ସ୍ୟଦେଵୋ ମହାଶୃଙ୍ଗୋ ଜଗଦ୍ବୀଜଵହିତ୍ରଧୃକ୍ ।
ଲୀଲାଵ୍ୟାପ୍ତାନିଲାମ୍ଭୋଧିଶ୍ଚତୁର୍ଵେଦପ୍ରର୍ଵତକଃ ॥ ୬୬ ॥
ଆଦିକୂର୍ମୋଽଖିଲାଧାରସ୍ତୃଣୀକୃତଜଗଦ୍ଭଵଃ ।
ଅମରୀକୃତଦେଵୌଘଃ ପୀୟୂଷୋତ୍ପତ୍ତିକାରଣମ୍ ॥ ୬୭ ॥
ଆତ୍ମାଧାରୋ ଧରାଧାରୋ ୟଜ୍ଞାଙ୍ଗୋ ଧରଣୀଧରଃ ।
ହିରଣ୍ୟାକ୍ଷହରଃ ପୃଧ୍ଵୀପତିଃ ଶ୍ରାଦ୍ଧାଦିକଲ୍ପକଃ ॥ ୬୮ ॥
ସମସ୍ତପିତୃଭୀତିଘ୍ନଃ ସମସ୍ତପିତୃଜୀଵନମ୍ ।
ହଵ୍ୟକଵ୍ୟୈକଭୁଗ୍ଭଵ୍ୟୋ ଗୁଣଭଵ୍ୟୈକଦାୟକଃ ॥ ୬୯ ॥
ଲୋମାନ୍ତଲୀନଜଲଧିଃ କ୍ଷୋଭିତାଶେଷସାଗରଃ ।
ମହାଵରାହୋ ୟଜ୍ଞଘ୍ନଧ୍ଵଂସନୋ ୟାଜ୍ଞିକାଶ୍ରୟଃ ॥ ୭୦ ॥
ନରସିଂହୋ ଦିଵ୍ୟସିଂହଃ ସର୍ଵାରିଷ୍ଟାର୍ତିଦୁଃଖହା ।
ଏକଵୀରୋଽଦ୍ଭୁତବଲୋ ୟନ୍ତ୍ରମନ୍ତ୍ରୈକଭଞ୍ଜନମ୍ ॥ ୭୧ ॥
ବ୍ରହ୍ମାଦିଦୁଃସହଜ୍ୟୋତିର୍ୟୁଗାନ୍ତାଗ୍ନ୍ୟତିଭୀଷଣଃ ।
କୋଟିଵଜ୍ରାଧିକନଖୋ ଗଜଦୁଷ୍ପ୍ରେକ୍ଷମୂର୍ତିଧୃକ୍ ॥ ୭୨ ॥
ମାତୃଚକ୍ରପ୍ରମଥନୋ ମହାମାତୃଗଣେଶ୍ଵରଃ ।
ଅଚିନ୍ତ୍ୟୋଽମୋଘଵୀର୍ୟାଢ୍ୟଃ ସମସ୍ତାସୁରଘସ୍ମରଃ ॥ ୭୩ ॥
ହିରଣ୍ୟକଶିପୁଚ୍ଛେଦୀ କାଲଃ ସଙ୍କର୍ଷଣଃ ପତିଃ ।
କୃତାନ୍ତଵାହନଃ ସଦ୍ୟଃ ସମସ୍ତଭୟନାଶନଃ ॥ ୭୪ ॥
ସର୍ଵଵିଘ୍ନାନ୍ତକଃ ସର୍ଵସିଦ୍ଧିଦଃ ସର୍ଵପୂରକଃ ।
ସମସ୍ତପାତକଧ୍ଵଂସୀ ସିଦ୍ଧମନ୍ତ୍ରାଧିକାହ୍ଵୟଃ ॥ ୭୫ ॥
ଭୈରଵେଶୋ ହରାର୍ତିଘ୍ନ କାଲକଲ୍ପୋ ଦୁରାସଦଃ ।
ଦୈତ୍ୟଗର୍ଭସ୍ରାଵିନାମା ସ୍ଫୁରଦ୍ବ୍ରହ୍ମାଣ୍ଡଵର୍ଜିତଃ ॥ ୭୬ ॥
ସ୍ମୃତିମାତ୍ରାଖିଲତ୍ରାତା ଭୂତରୂପୋ ମହାହରିଃ ।
ବ୍ରହ୍ମଚର୍ମଶିରଃପଟ୍ଟା ଦିକ୍ପାଲୋଽର୍ଧାଙ୍ଗଭୂଷଣଃ ॥ ୭୭ ॥
ଦ୍ଵାଦଶାର୍କଶିରୋଦାମା ରୁଦ୍ରଶୀର୍ଷୈକନୂପୁରଃ ।
ୟୋଗିନୀଗ୍ରସ୍ତଗିରିଜାରତୋ ଭୈରଵତର୍ଜକଃ ॥ ୭୮ ॥
ଵୀରଚକ୍ରେଶ୍ଵରୋଽତ୍ୟୁଗ୍ରୋ ୟମାରିଃ କାଲସଂଵରଃ ।
କ୍ରୋଧେଶ୍ଵରୋ ରୁଦ୍ରଚଣ୍ଡୀପରିଵାଦୀ ସୁଦୁଷ୍ଟଭାକ୍ ॥ ୭୯ ॥
ସର୍ଵାକ୍ଷଃ ସର୍ଵମୃତ୍ୟୁଶ୍ଚ ମୃତ୍ୟୁର୍ମୃତ୍ୟୁନିର୍ଵତକଃ ।
ଅସାଧ୍ୟଃ ସର୍ଵରୋଗଘ୍ନଃ ସର୍ଵଦୁର୍ଗ୍ରହସୌମ୍ୟକୃତ୍ ॥ ୮୦ ॥
ଗଣେଶକୋଟିଦର୍ପଘ୍ନୋ ଦୁଃସହୋଽଶେଷଗୋତ୍ରହା ।
ଦେଵଦାନଵଦୁର୍ଧଷୋ ଜଗଦ୍ଭକ୍ଷ୍ୟପ୍ରଦଃ ପିତା ॥ ୮୧ ॥
ସମସ୍ତଦୁର୍ଗତିତ୍ରାତା ଜଗଦ୍ଭକ୍ଷକଭକ୍ଷକଃ ।
ଉଗ୍ରେଶୋଽସୁରମାର୍ଜାରଃ କାଲମୂଷକଭକ୍ଷକଃ ॥ ୮୨ ॥
ଅନନ୍ତାୟୁଧଦୋର୍ଦ୍ଦଣ୍ଡୋ ନୃସିଂହୋ ଵୀରଭଦ୍ରଜିତ୍ ।
ୟୋଗିନୀଚକ୍ରଗୁହ୍ୟେଶଃ ଶକ୍ରାରିଃ ପଶୁମାଂସଭୁକ୍ ॥ ୮୩ ॥
ରୁଦ୍ରୋ ନାରାୟଣୋ ମେଷରୂପଶଙ୍କରଵାହନଃ ।
ମେଷରୂପୀ ଶିଵତ୍ରାତା ଦୁଷ୍ଟଶକ୍ତିସହସ୍ରଭୁକ୍ ॥ ୮୪ ॥
ତୁଲସୀଵଲ୍ଲଭୋ ଵୀରୋଽଚିନ୍ତ୍ୟମାୟୋଽଖିଲେଷ୍ଟଦଃ ।
ମହାଶିଵଃ ଶିଵାରୁଦ୍ରୋ ଭୈରଵୈକକପାଲଭୂତ୍ ॥ ୮୫ ॥
ଭିଲ୍ଲଶ୍ଚକ୍ରେଶ୍ଵରଃ ଶକ୍ରୋ ଦିଵ୍ୟମୋହନରୂପଧୃକ୍ ।
ଗୌରୀସୌଭାଗ୍ୟଦୋ ମାୟାନିଧିର୍ମାୟାଭୟାପହଃ ॥ ୮୬ ॥
ବ୍ରହ୍ମତେଜୋମୟୋ ବ୍ରହ୍ମ ଶ୍ରୀମୟଶ୍ଚ ତ୍ରୟୀମୟଃ ।
ସୁବ୍ରହ୍ମଣ୍ୟୋ ବଲିଧ୍ଵଂସୀ ଵାମନୋଽଦିତିଦୁଃଖହା ॥ ୮୭ ॥
ଉପେନ୍ଦ୍ରୋ ନୃପତିର୍ଵିଷ୍ଣୁଃ କଶ୍ୟପାନ୍ଵୟମଣ୍ଡନଃ ।
ବଲିସ୍ଵାରାଜ୍ୟଦଃ ସର୍ଵଦେଵଵିପ୍ରାତ୍ମଦୋଽଚ୍ୟୁତଃ ॥ ୮୮ ॥
ଉରୁକ୍ରମସ୍ତୀର୍ଥପାଦସ୍ତ୍ରିଦଶଶ୍ଚ ତ୍ରିଵିକ୍ରମଃ ।
ଵ୍ୟୋମପାଦଃ ସ୍ଵପାଦାମ୍ଭଃପଵିତ୍ରିତଜଗତ୍ତ୍ରୟଃ ॥ ୮୯ ॥
ବ୍ରହ୍ମେଶାଦ୍ୟଭିଵନ୍ଦ୍ୟାଙ୍ଘ୍ରିର୍ଦ୍ରୁତକର୍ମାଦ୍ରିଧାରଣଃ ।
ଅଚିନ୍ତ୍ୟାଦ୍ଭୁତଵିସ୍ତାରୋ ଵିଶ୍ଵଵୃକ୍ଷୋ ମହାବଲଃ ॥ ୯୦ ॥
ବହୁମୂର୍ଧା ପରାଙ୍ଛିଦ୍ରଭୃଗୁପତ୍ନୀଶିରୋହରଃ ।
ପାପସ୍ତେୟଃ ସଦାପୁଣ୍ୟୋ ଦୈତ୍ୟେଶୋ ନିତ୍ୟଖଣ୍ଡକଃ ॥ ୯୧ ॥
ପୂରିତାଖିଲଦେଵେଶୋ ଵିଶ୍ଵାର୍ଥୈକାଵତାରକୃତ୍ ।
ଅମରୋ ନିତ୍ୟଗୁପ୍ତାତ୍ମା ଭକ୍ତଚିନ୍ତାମଣିଃ ସଦା ॥ ୯୨ ॥
ଵରଦଃ କାର୍ତଵୀର୍ୟାଦିରାଜରାଜ୍ୟପ୍ରଦୋଽନଘଃ ।
ଵିଶ୍ଵଶ୍ଲାଘ୍ୟୋଽମିତାଚାରୋ ଦତ୍ତାତ୍ରେୟୋ ମୁନୀଶ୍ଵରଃ ॥ ୯୩ ॥
ପରାଶକ୍ତିସମାୟୁକ୍ତୋ ୟୋଗାନନ୍ଦମଦୋନ୍ମଦଃ ।
ସମସ୍ତେନ୍ଦ୍ରାରିତେଜୋହୃତ୍ ପରମାନନ୍ଦପାଦପଃ ॥ ୯୪ ॥
ଅନସୂୟାଗର୍ଭରତ୍ନୋ ଭୋଗମୋକ୍ଷସୁଖପ୍ରଦଃ ।
ଜମଦଗ୍ନିକୁଲାଦିତ୍ୟୋ ରେଣୁକାଦ୍ଭୁତଶକ୍ତିହୃତ୍ ॥ । ୯୫ ॥
ମାତୃହତ୍ୟଘନିର୍ଲେପଃ ସ୍କନ୍ଦଜିଦ୍ଵିପ୍ରରାଜ୍ୟଦଃ ।
ସର୍ଵକ୍ଷତ୍ରାନ୍ତକୃଦ୍ଵୀରଦର୍ପହା କାର୍ତଵୀର୍ୟଜିତ୍ ॥ ୯୬ ॥
ୟୋଗୀ ୟୋଗାଵତାରଶ୍ଚ ୟୋଗୀଶୋ ୟୋଗଵତ୍ପରଃ ।
ପରମାନନ୍ଦଦାତା ଚ ଶିଵାଚାର୍ୟୟଶଃପ୍ରଦଃ ॥ ୯୭ ॥
ଭୀମଃ ପରଶୁରାମଶ୍ଚ ଶିଵାଚାର୍ୟୈକଵିଶ୍ଵଭୂଃ ।
ଶିଵାଖିଲଜ୍ଞାନକୋଷୋ ଭୀଷ୍ମାଚାର୍ୟୋଽଗ୍ନିଦୈଵତଃ ॥ ୯୮ ॥
ଦ୍ରୋଣାଚାର୍ୟଗୁରୁର୍ଵିଶ୍ଵଜୈତ୍ରଧନ୍ଵା କୃତାନ୍ତକୃତ୍ ।
ଅଦ୍ଵିତୀୟତମୋମୂର୍ତିର୍ବ୍ରହ୍ମଚର୍ୟୈକଦକ୍ଷିଣଃ ॥ ୯୯ ॥
ମନୁଶ୍ରେଷ୍ଠଃ ସତାଂ ସେତୁର୍ମହୀୟାନ୍ ଵୃଷଭୋ ଵିରାଟ୍ ।
ଆଦିରାଜଃ କ୍ଷିତିପିତା ସର୍ଵରତ୍ନୈକଦୋହକୃତ୍ ॥ ୧୦୦ ॥
ପୃଥୁଜନ୍ମାଦ୍ୟେକଦକ୍ଷୋ ହ୍ରୀଃ ଶ୍ରୀଃ କୀର୍ତିଃ ସ୍ଵୟଂଧୃତିଃ ।
ଜଗଦ୍ଵୃତ୍ତିପ୍ରଦଶ୍ଚକ୍ରଵର୍ତିଶ୍ରେଷ୍ଠୋ ଦୁରସ୍ତ୍ରଧୃକ୍ ॥ ୧୦୧ ॥
ସନକାଦିମୁନିପ୍ରାପ୍ତଭଗଵଦ୍ଭକ୍ତିଵର୍ଧନଃ ।
ଵର୍ଣାଶ୍ରମାଦିଧର୍ମାଣାଂ କର୍ତା ଵକ୍ତା ପ୍ରଵର୍ତକଃ ॥ ୧୦୨ ॥
ସୂର୍ୟଵଂଶଧ୍ଵଜୋ ରାମୋ ରାଧଵଃ ସଦ୍ଗୁଣାର୍ଣଵଃ ।
କାକୁତ୍ସ୍ଥଵୀରତାଧର୍ମୋ ରାଜଧର୍ମଧୁରନ୍ଧରଃ ॥ ୧୦୩ ॥
ନିତ୍ୟସୁସ୍ଥାଶୟଃ ସର୍ଵଭଦ୍ରଗ୍ରାହୀ ଶୁଭୈକଦୃକ୍ ।
ନଵରତ୍ନଂ ରତ୍ନନିଧିଃ ସର୍ଵାଧ୍ୟକ୍ଷୋ ମହାନିଧିଃ ॥ ୧୦୪ ॥
ସର୍ଵଶ୍ରେଷ୍ଠାଶ୍ରୟଃ ସର୍ଵଶସ୍ତ୍ରାସ୍ତ୍ରଗ୍ରାମଵୀର୍ୟଵାନ୍ ।
ଜଗଦ୍ଵଶୀ ଦାଶରଥିଃ ସର୍ଵରତ୍ନାଶ୍ରୟୋ ନୃପଃ ॥ ୧୦୫ ॥
ଧର୍ମଃ ସମସ୍ତଧର୍ମସ୍ଥୋ ଧର୍ମଦ୍ରଷ୍ଟାଖିଲାର୍ତିହୃତ୍ ।
ଅତୀନ୍ଦ୍ରୋ ଜ୍ଞାନଵିଜ୍ଞାନପାରଦୃଶ୍ଵା କ୍ଷମାମ୍ବୁଧିଃ ॥ ୧୦୬ ॥
ସର୍ଵପ୍ରକୃଷ୍ଟଃ ଶିଷ୍ଟେଷ୍ଟୋ ହର୍ଷଶୋକାଧନାକୁଲଃ ।
ପିତ୍ରାଜ୍ଞାତ୍ୟକ୍ତସାମ୍ରାଜ୍ୟଃ ସପତ୍ନୋଦୟନିର୍ଭୟଃ ॥ ୧୦୭ ॥
ଗୁହାଦେଶାର୍ପିତୈଶ୍ଵର୍ୟଃ ଶିଵସ୍ପର୍ଦ୍ଧାଜଟାଧରଃ ।
ଚିତ୍ରକୂଟାପ୍ତରତ୍ନାଦ୍ରିଜଗଦୀଶୋ ରଣେଚରଃ ॥ ୧୦୮ ॥
ୟଥେଷ୍ଟାମୋଘଶସ୍ତ୍ରାସ୍ତ୍ରୋ ଦେଵେନ୍ଦ୍ରତନୟାକ୍ଷିହା ।
ବ୍ରହ୍ମେନ୍ଦ୍ରାଦିନତୈଷୀକୋ ମାରୀଚଘ୍ନୋ ଵିରାଧହା ॥ ୧୦୯ ॥
ବ୍ରହ୍ମଶାପହତାଶେଷଦଣ୍ଡକାରଣ୍ୟପାଵନଃ ।
ଚତୁର୍ଦଶସହସ୍ରାଗ୍ର୍ୟରକ୍ଷୋଘ୍ନୈକଶରୈକଭୃତ୍ ॥ ୧୧୦ ॥
ଖରାରିସ୍ତ୍ରିଶିରୋହନ୍ତା ଦୂଷଣଘ୍ନୋ ଜନାର୍ଦନଃ ।
ଜଟାୟୁଷୋଽଗ୍ନିଗତିଦୋ କବନ୍ଧସ୍ଵର୍ଗଦାୟକଃ ॥ ୧୧୧ ॥
ଲୀଲାଧୁନଃକୋଟ୍ୟାପାସ୍ତଦୁନ୍ଦୁଭ୍ୟସ୍ଥିମହାଚୟଃ ।
ସପ୍ତତାଲଵ୍ୟଥାକୃଷ୍ଟଧ୍ଵଜପାତାଲଦାନଵଃ ॥ ୧୧୨ ॥
ସୁଗ୍ରୀଵେ ରାଜ୍ୟଦୋ ଧୀମାନ୍ ମନସୈଵାଭୟପ୍ରଦଃ ।
ହନୂମଦ୍ରୁଦ୍ରମୁଖ୍ୟେଶଃ ସମସ୍ତକପିଦେହଭୃତ୍ ॥ ୧୧୩ ॥
ଅଗ୍ନିଦୈଵତ୍ୟବାଣୈକଵ୍ୟାକୁଲୀକୃତସାଗରଃ ।
ସମ୍ଲିଚ୍ଛକୋଟିବାଣୈକଶୁଷ୍କନିର୍ଦଗ୍ଧସାଗରଃ ॥ ୧୧୪ ॥
ସନାଗଦୈତ୍ୟଧାମୈକଵ୍ୟାକୁଲୀକୃତସାଗରଃ ।
ସମୁଦ୍ରାଦ୍ଭୁତପୂର୍ଵୈକବଦ୍ଧସେତୁର୍ୟଶୋନିଧିଃ ॥ ୧୧୫ ॥
ଅସାଧ୍ୟସାଧକୋ ଲଙ୍କାସମୂଲୋତ୍କର୍ଷଦକ୍ଷିଣଃ ।
ଵରଦୃପ୍ତଜନସ୍ଥାନପୌଲସ୍ତ୍ୟକଲକୃନ୍ତନଃ ॥ ୧୧୬ ॥
ରାଵଣଘ୍ନଃ ପ୍ରହସ୍ତଚ୍ଛିତ୍ କୁମ୍ଭକର୍ଣଭିଦୁଗ୍ରହା ।
ରାଵଣୈକମୁଖଚ୍ଛେତ୍ତା ନିଃଶଙ୍କେନ୍ଦ୍ରୈକରାଜ୍ୟଦଃ ॥ ୧୧୭ ॥
ସ୍ଵର୍ଗାସ୍ଵର୍ଗତ୍ଵଵିଚ୍ଛେଦୀ ଦେଵେନ୍ଦ୍ରାଦିନ୍ଦ୍ରତାହରଃ ।
ରକ୍ଷୋଦେଵତ୍ଵହୃଦ୍ଧର୍ମା ଧର୍ମହର୍ମ୍ୟଃ ପୁରୁଷ୍ଟୁତଃ ॥ ୧୧୮ ॥
ନାତିମାତ୍ରଦଶାସ୍ୟାରିର୍ଦତ୍ତରାଜ୍ୟଵିଭୀଷଣଃ ।
ସୁଧାସୃଷ୍ଟିଭୃତାଶେଷସ୍ଵସୈନ୍ୟଜୀଵନୈକକୃତ୍ ॥ ୧୧୯ ॥
ଦେଵବ୍ରାହ୍ମଣନାମୈକଧାତା ସର୍ଵାମରାର୍ଚିତଃ ।
ବ୍ରହ୍ମସୂର୍ୟେନ୍ଦ୍ରରୁଦ୍ରାଦିଵନ୍ଦ୍ୟୋଽର୍ଚିତସତାଂ ପ୍ରିୟଃ ॥ ୧୨୦ ॥
ଅୟୋଧ୍ୟାଖିଲରାଜାଗ୍ର୍ୟ ସର୍ଵଭୂତମନୋହରଃ ।
ସ୍ଵାମ୍ୟତୁଲ୍ୟକୃପାଦତ୍ତୋ ହୀନୋଷ୍କୃଷ୍ଟୈକସତ୍ପ୍ରିୟଃ ॥ ୧୨୧ ॥
ସ୍ଵପକ୍ଷାଦିନ୍ୟାୟଦର୍ଶୀ ହୀନାର୍ଥୋଽଧିକସାଧକଃ ।
ବାଧଵ୍ୟାଜାନୁଚିତକୃତ୍ତାଵକୋଽଖିଲତୁଷ୍ଟିକୃତ୍ ॥ ୧୨୨ ॥
ପାର୍ଵତ୍ୟଧିକୟୁକ୍ତାତ୍ମା ପ୍ରିୟାତ୍ୟକ୍ତଃ ସୁରାରିଜିତ୍ ।
ସାକ୍ଷାତ୍କୁଶଲଵତ୍ସଦ୍ମେନ୍ଦ୍ରାଗ୍ନିନାତୋଽପରାଜିତଃ ॥ ୧୨୩ ॥
କୋଶଲେନ୍ଦ୍ରୋ ଵୀରବାହୁଃ ସତ୍ୟାର୍ଥତ୍ୟକ୍ତସୋଦରଃ ।
ୟଶୋଦାନନ୍ଦନୋ ନନ୍ଦୀ ଧରଣୀମଣ୍ଡଲୋଦୟଃ ॥ ୧୨୪ ॥
ବ୍ରହ୍ମାଦିକାମ୍ୟସାନ୍ନିଧ୍ୟସନାଥୀକୃତଦୈଵତଃ ।
ବ୍ରହ୍ମଲୋକାପ୍ତଚାଣ୍ଡାଲାଦ୍ୟଶେଷପ୍ରାଣିସାର୍ଥପଃ ॥ ୧୨୫ ॥
ସ୍ଵର୍ଣୀତଗର୍ଦଭଶ୍ଵାଦିଚିରାୟୋଧ୍ୟାବଲୈକକୃତ୍ ।
ରାମାଦ୍ଵିତୀୟଃ ସୌମିତ୍ରିଲକ୍ଷ୍ମଣପ୍ରହତେନ୍ଦ୍ରଜିତ୍ ॥ ୧୨୬ ॥
ଵିଷ୍ଣୁଭକ୍ତାଶିଵାଂହଃଛିତ୍ପାଦୁକାରାଜ୍ୟନିର୍ଵୃତଃ ।
ଭରତୋଽସହ୍ୟଗନ୍ଧର୍ଵକୋଟିଘ୍ନୋ ଲଵଣାନ୍ତକଃ ॥ ୧୨୭ ॥
ଶତ୍ରୁଘ୍ନୋ ଵୈଦ୍ୟରାଡାୟୁର୍ଵେଦଗର୍ଭୌଷଧୀପତିଃ ।
ନିତ୍ୟାନିତ୍ୟକରୋ ଧନ୍ଵନ୍ତରିର୍ୟଜ୍ଞୋ ଜଗଦ୍ଧରଃ ॥ ୧୨୮ ॥
ସୂର୍ୟଵିଘ୍ନଃ ସୁରାଜୀଵୋ ଦକ୍ଷିଣେଶୋ ଦ୍ଵିଜପ୍ରିୟଃ ।
ଛିନ୍ନମୂର୍ଧୋପଦେଶାର୍କତନୂଜକୃତମୈତ୍ରିକଃ ॥ ୧୨୯ ॥
ଶେଷାଙ୍ଗସ୍ଥାପିତନରଃ କପିଲଃ କର୍ଦମାତ୍ମଜଃ ।
ୟୋଗାତ୍ମକଧ୍ୟାନଭଙ୍ଗସଗରାତ୍ମଜଭସ୍ମକୃତ୍ ॥ ୧୩୦ ॥
ଧର୍ମୋ ଵିଶ୍ଵେନ୍ଦ୍ରସୁରଭୀପତିଃ ଶୁଦ୍ଧାତ୍ମଭାଵିତଃ ।
ଶମ୍ଭୁସ୍ତ୍ରିପୁରଦାହୈକସ୍ଥୈର୍ୟଵିଶ୍ଵରଥୋଦ୍ଧତଃ ॥ ୧୩୧ ॥
ଵିଶ୍ଵାତ୍ମାଶେଷରୁଦ୍ରାର୍ଥଶିରଶ୍ଛେଦାକ୍ଷତାକୃତିଃ ।
ଵାଜପେୟାଦିନାମାଗ୍ନିର୍ଵେଦଧର୍ମାପରାୟଣଃ ॥ ୧୩୨ ॥
ଶ୍ଵେତଦ୍ଵୀପପତିଃ ସାଙ୍ଖ୍ୟପ୍ରଣେତା ସର୍ଵସିଦ୍ଧିରାଟ୍ ।
ଵିଶ୍ଵପ୍ରକାଶିତଧ୍ୟାନୟୋଗୋ ମୋହତମିସ୍ରହା ॥ ୧୩୩ ॥
ଭକ୍ତଶମ୍ଭୁଜିତୋ ଦୈତ୍ୟାମୃତଵାପୀସମସ୍ତପଃ ।
ମହାପ୍ରଲୟଵିଶ୍ଵୈକୋଽଦ୍ଵିତୀୟୋଽଖିଲଦୈତ୍ୟରାଟ୍ ॥ ୧୩୪ ॥
ଶେଷଦେଵଃ ସହସ୍ରାକ୍ଷଃ ସହସ୍ରାଙ୍ଘିଶିରୋଭୁଜଃ ।
ଫଣୀ ଫଣିଫଣାକାରୟୋଜିତାବ୍ଧ୍ୟମ୍ବୁଦକ୍ଷିତିଃ ॥ ୧୩୫ ॥
କାଲାଗ୍ନିରୁଦ୍ରଜନକୋ ମୁସଲାସ୍ତ୍ରୋ ହଲାୟୁଧଃ ।
ନୀଲାମ୍ବରୋ ଵାରୁଣୀଶୋ ମନୋଵାକ୍କାୟଦୋଷହା ॥ ୧୩୬ ॥
ସ୍ଵସନ୍ତୋଷତୃପ୍ତିମାତ୍ରଃ ପାତିତୈକଦଶାନନଃ ।
ବଲିସଂୟମନୋ ଘୋରୋ ରୌହିଣେୟଃ ପ୍ରଲମ୍ବହା ॥ ୧୩୭ ॥
ମୁଷ୍ଟିକଘ୍ନୋ ଦ୍ଵିଵିଦହା କାଲିନ୍ଦୀଭେଦନୋ ବଲଃ ।
ରେଵତୀରମଣଃ ପୂର୍ଵଭକ୍ତିରେଵାଚ୍ୟୁତାଗ୍ରଜଃ ॥ ୧୩୮ ॥
ଦେଵକୀଵସୁଦେଵୋତ୍ଥୋଽଦିତିକଶ୍ୟପନନ୍ଦନଃ ।
ଵାର୍ଷ୍ଣେୟଃ ସାତ୍ଵତାଂ ଶ୍ରେଷ୍ଠଃ ଶୌରିର୍ୟଦୁକୁଲୋଦ୍ଵହଃ ॥ ୧୩୯ ॥
ନରାକୃତିଃ ପୂର୍ଣବ୍ରହ୍ମ ସଵ୍ୟସାଚୀ ପରନ୍ତପଃ ।
ବ୍ରହ୍ମାଦିକାମନାନିତ୍ୟଜଗତ୍ପର୍ଵେତଶୈଶଵଃ ॥ ୧୪୦ ॥
ପୂତନାଘ୍ନଃ ଶକଟଭିଦ୍ୟମଲାର୍ଜୁନଭଞ୍ଜନଃ ।
ଵତ୍ସାମୁରାରିଃ କେଶିଘ୍ନୋ ଧେନୁକାରିର୍ଗଵୀଶ୍ଵରଃ ॥ ୧୪୧ ॥
ଦାମୋଦରୋ ଗୋପଦେଵୋ ୟଶୋଦାନନ୍ଦକାରକଃ ।
କାଲୀୟମର୍ଦ୍ଦନଃ ସର୍ଵଗୋପଗୋପୀଜନପ୍ରିୟଃ ॥ ୧୪୨ ॥
ଲୀଲାଗୋଵର୍ଧନଧରୋ ଗୋଵିନ୍ଦୋ ଗୋକୁଲୋତ୍ସଵଃ ।
ଅରିଷ୍ଟମଥନଃ କାମୋନ୍ମତ୍ତଗୋପୀଵିମୁକ୍ତିଦଃ ॥ ୧୪୩ ॥
ସଦ୍ୟଃ କୁଵଲୟାପୀଡଘାତୀ ଚାଣୂରମର୍ଦନଃ ।
କଂସାରିରୁଗ୍ରସେନାଦିରାଜ୍ୟସ୍ଥାୟ୍ୟରିହାଽମରଃ ॥ ୧୪୪ ॥
ସୁଧର୍ମାଂକିତଭୂଲୋକୋ ଜରାସନ୍ଧବଲାନ୍ତକଃ ।
ତ୍ୟକ୍ତଭକ୍ତଜରାସନ୍ଧଭୀମସେନୟଶଃପ୍ରଦଃ ॥ ୧୪୫ ॥
ସାନ୍ଦୀପନିମୃତାପତ୍ୟଦାତା କାଲାନ୍ତକାଦିଜିତ୍ ।
ରୁକ୍ମିଣୀରମଣୋ ରୁକ୍ମିଶାସନୋ ନରକାନ୍ତକୃତ୍ ॥ ୧୪୬ ॥
ସମସ୍ତନରକତ୍ରାତା ସର୍ଵଭୂପତିକୋଟିଜିତ୍ ।
ସମସ୍ତସୁନ୍ଦରୀକାନ୍ତୋଽସୁରାରିର୍ଗରୁଡଧ୍ଵଜଃ ॥ ୧୪୭ ॥
ଏକାକୀଜିତରୁଦ୍ରାର୍କମରୁଦାପୋଽଖିଲେଶ୍ଵରଃ ।
ଦେଵେନ୍ଦ୍ରଦର୍ପହା କଲ୍ପଦ୍ରୁମାଲଙ୍କୃତଭୂତଲଃ ॥ ୧୪୮ ॥
ବାଣବାହୁସହସ୍ରଚ୍ଛିତ୍ସ୍କନ୍ଦାଦିଗଣକୋଟିଜିତ୍ ।
ଲୀଲାଜିତମହାଦେଵୋ ମହାଦେଵୈକପୂଜିତଃ ॥ ୧୪୯ ॥
ଇନ୍ଦ୍ରାର୍ଥାର୍ଜୁନନିର୍ମତ୍ସୁର୍ଜୟଦଃ ପାଣ୍ଡଵୈକଧୃକ୍ ।
କାଶୀରାଜଶିରସ୍ଛେତ୍ତା ରୁଦ୍ରଶକ୍ତ୍ୟେକମର୍ଦନଃ ॥ ୧୫୦ ॥
ଵିଶ୍ଵେଶ୍ଵରପ୍ରସାଦାଢ୍ୟଃ କାଶୀରାଜସୁତାର୍ଦନଃ ।
ଶମ୍ଭୁପ୍ରତିଜ୍ଞାପାତା ଚ ସ୍ଵୟମ୍ଭୁଗଣପୂଜକଃ ॥ ୧୫୧ ॥
କାଶୀଶଗଣକୋଟିଘ୍ନୋ ଲୋକଶିକ୍ଷାଦ୍ଵିଜାର୍ଚକଃ ।
ଶିଵତୀଵ୍ରତପୋଵଶ୍ୟଃ ପୁରା ଶିଵଵରପ୍ରଦଃ ॥ ୧୫୨ ॥
ଗୟାସୁରପ୍ରତିଜ୍ଞାଧୃକ୍ ସ୍ଵାଂଶଶଙ୍କରପୂଜକଃ ।
ଶିଵକନ୍ୟାଵ୍ରତପତିଃ କୃଷ୍ଣରୂପଶିଵାରିହା ॥ ୧୫୩ ॥
ମହାଲକ୍ଷ୍ମୀଵପୁର୍ଗୌରୀତ୍ରାଣୋ ଦେଵଲଵାତହା ।
ଵିନିଦ୍ରମୁଚୁକୁନ୍ଦୈକବ୍ରହ୍ମାସ୍ତ୍ରୟୁଵନାଶ୍ଵହୃତ୍ ॥ ୧୫୪ ॥
ଅକ୍ରୂରୋଽକ୍ରୂରମୁଖ୍ୟୈକଭକ୍ତସ୍ଵଚ୍ଛନ୍ଦମୁକ୍ତିଦଃ ।
ସବାଲସ୍ତ୍ରୀଜଲକ୍ରୀଡାକୃତଵାପୀକୃତାର୍ଣଵଃ ॥ ୧୫୫ ॥
ୟମୁନାପତିରାନୀତପରିଣୀତଦ୍ଵିଜାତ୍ମକଃ ।
ଶ୍ରୀଦାମଶଙ୍କୁଭକ୍ତାର୍ଥଭୂମ୍ୟାନୀତେନ୍ଦ୍ରଭୈରଵଃ ॥ ୧୫୬ ॥
ଦୁର୍ଵୃତ୍ତଶିଶୁପାଲୈକମୁକ୍ତିକୋଦ୍ଧାରକେଶ୍ଵରଃ ।
ଆଚାଣ୍ଡାଲାଦିକଂ ପ୍ରାପ୍ୟ ଦ୍ଵାରକାନିଧିକୋଟିକୃତ୍ ॥ ୧୫୭ ॥
ବ୍ରହ୍ମାସ୍ତ୍ରଦଗ୍ଧଗର୍ଭସ୍ଥପରୀକ୍ଷିଜ୍ଜୀଵନୈକକୃତ୍ ।
ପରିଣୀତଦ୍ଵିଜସୁତାନେତାଽର୍ଜୁନମଦାପହଃ ॥ ୧୫୮ ॥
ଗୂଢମୁଦ୍ରାକୃତିଗ୍ରସ୍ତଭୀଷ୍ମାଦ୍ୟଖିଲଗୌରଵଃ ।
ପାର୍ଥାର୍ଥଖଣ୍ଡିତାଶେଷଦିଵ୍ୟାସ୍ତ୍ରଃ ପାର୍ଥମୋହଭୃତ୍ ॥ ୧୫୯ ॥
ବ୍ରହ୍ମଶାପଚ୍ଛଲଧ୍ଵସ୍ତୟାଦଵୋ ଵିଭଵାଵହଃ ।
ଅନଙ୍ଗେ ଜିତଗୌରୀଶୋ ରତିକାନ୍ତଃ ସଦେପ୍ସିତଃ ॥ ୧୬୦ ॥
ପୁଷ୍ପେଷୁର୍ଵିଶ୍ଵଵିଜୟୀ ସ୍ମରଃ କାମେଶ୍ଵରୀପତିଃ ।
ଉଷାପତିର୍ଵିଶ୍ଵହେତୁର୍ଵିଶ୍ଵତୃପ୍ତୋଽଧିପୂରୁଷଃ ॥ ୧୬୧ ॥
ଚତୁରାତ୍ମା ଚତୁର୍ଵର୍ଣଶ୍ଚତୁର୍ଵେଦଵିଧାୟକଃ ।
ଚତୁର୍ଵିଶ୍ଵୈକଵିଶ୍ଵାତ୍ମା ସର୍ଵୋତ୍କୃଷ୍ଟାସୁ କୋଟିଷୁ ॥ ୧୬୨ ॥
ଆଶ୍ରୟାତ୍ମା ପୁରାଣର୍ଷିର୍ଵ୍ୟାସଃ ଶାସ୍ତ୍ରସହସ୍ରକୃତ୍ ।
ମହାଭାରତନିର୍ମାତା କଵୀନ୍ଦ୍ରୋ ଵାଦରାୟଣଃ ॥ ୧୬୩ ॥
କୃଷ୍ଣଦ୍ଵୈପାୟନଃ ସର୍ଵପୁରୁଷାର୍ଥକବୋଧକଃ ।
ଵେଦାନ୍ତକର୍ତା ବ୍ରହ୍ମୈକଵ୍ୟଞ୍ଜକଃ ପୁରୁଵଂଶକୃତ୍ ॥ ୧୬୪ ॥
ବୁଦ୍ଧୋ ଧ୍ୟାନଜିତାଶେଷଦେଵଦେଵୋ ଜଗତ୍ପ୍ରିୟଃ ।
ନିରାୟୁଧୋ ଜଗଜ୍ଜୈତ୍ରଃ ଶ୍ରୀଧନୋ ଦୁଷ୍ଟମୋହନଃ ॥ ୧୬୫ ॥
ଦୈତ୍ୟଵେଦବହିଷ୍କର୍ତ୍ତା ଵେଦାର୍ଥଶ୍ରୁତିଗୋପକଃ ।
ଶୁଦ୍ଧୋଦନିର୍ନଷ୍ଟଦିଷ୍ଟଃ ସୁଖଦଃ ସଦସତ୍ପତିଃ ॥ ୧୬୬ ॥
ୟଥାୟୋଗ୍ୟାଖିଲକୁପଃ ସର୍ଵଶୂନ୍ୟୋଽଖିଲେଷ୍ଟଦଃ ।
ଚତୁଷ୍କୋଟିପୃଥକ୍ତତ୍ତ୍ଵଂ ପ୍ରଜ୍ଞାପାରମିତେଶ୍ଵରଃ ॥ ୧୬୭ ॥
ପାଷଣ୍ଡଶ୍ରୁତିମାର୍ଗେଣ ପାଷଣ୍ଡଶ୍ରୁତିଗୋପକଃ ।
କଲ୍କୀ ଵିଷ୍ଣୁୟଶଃ ପୂତଃ କଲିକାଲଵିଲୋପକଃ ॥ ୧୬୮ ॥
ସମସ୍ତମ୍ଲେଚ୍ଛହସ୍ତଘ୍ନଃ ସର୍ଵଶିଷ୍ଟଦ୍ଵିଜାତିକୃତ୍ ।
ସତ୍ୟପ୍ରଵର୍ତ୍ତକୋ ଦେଵଦ୍ଵିଜଦୀର୍ଘକ୍ଷୁଧାପହଃ ॥ ୧୬୯ ॥
ଅଵଗଵାଦିଵେଦେନ ପୃଥ୍ଵୀଦୁର୍ଗତିନାଶନଃ ।
ସଦ୍ୟଃ କ୍ଷ୍ମାନନ୍ତଲକ୍ଷ୍ମୀକୃତ୍ ନଷ୍ଟନିଃ ଶେଷ ଧର୍ମକୃତ୍ ॥ ୧୭୦ ॥
ଅନନ୍ତସ୍ଵର୍ଗୟାଗୈକହେମପୂର୍ଣାଖିଲଦ୍ଵିଜଃ ।
ଅସାଧ୍ୟୈକଜଗଚ୍ଛାସ୍ତା ଵିଶ୍ଵଵନ୍ଦ୍ୟୋ ଜୟଧ୍ଵଜଃ ॥ ୧୭୧ ॥
ଆତ୍ମତତ୍ତ୍ଵାଧିପଃ କୃର୍ତୃଶ୍ରେଷ୍ଠୋ ଵିଧିରୁମାପତିଃ ।
ଭର୍ତୁଃ ଶ୍ରେଷ୍ଠଃ ପ୍ରଜେଶାଗ୍ର୍ୟୋ ମରୀଚିଜନକାଗ୍ରଣୀଃ ॥ ୧୭୨ ॥
କଶ୍ୟପୋ ଦେଵରାଦିନ୍ଦ୍ରଃ ପ୍ରହ୍ଲାଦୋ ଦୈତ୍ୟରାଟ୍ ଶଶୀ ।
ନକ୍ଷତ୍ରେଶୋ ରଵିସ୍ତେଜଃ ଶ୍ରେଷ୍ଠଃ ଶୁକ୍ରଃ କଵୀଶ୍ଵରଃ ॥ ୧୭୩ ॥
ମହର୍ଷିରାଟ୍ ଭୃଗୁର୍ଵିଷ୍ଣୁରାଦିତ୍ୟେଶୋ ବଲିଃ ସ୍ଵରାଟ୍ ।
ଵାୟୁର୍ଵହ୍ନିଃ ଶୁଚିଶ୍ରେଷ୍ଠଃ ଶଙ୍କରୋ ରୁଦ୍ରରାଟ୍ ଗୁରୁଃ ॥ ୧୭୪ ॥
ଵିଦ୍ଵତ୍ତମଶ୍ଚିତ୍ରରଥୋ ଗନ୍ଧର୍ଵାଗ୍ର୍ୟୋ ଵସୂତ୍ତମଃ ।
ଵର୍ଣାଦିରଗ୍ର୍ୟା ସ୍ତ୍ରୀ ଗୌରୀ ଶକ୍ତ୍ୟଗ୍ର୍ୟା ଶ୍ରୀଶ୍ଚ ନାରଦଃ ॥ ୧୭୫ ॥
ଦେଵର୍ଷିରାଟ୍ ପାଣ୍ଡଵାଗ୍ର୍ୟୋଽର୍ଜୁନୋ ନାରଦଵାଦରାଟ୍ ।
ପଵନଃ ପଵନେଶାନୋ ଵରୁଣୋ ୟାଦସାମ୍ପତିଃ ॥ ୧୭୬ ॥
ଗଙ୍ଗାତୀର୍ଥୋତ୍ତମୋଦ୍ଭୂତଂ ଛତ୍ରକାଗ୍ର୍ୟଵରୌଷଧମ୍ ।
ଅନ୍ନଂ ସୁଦର୍ଶନାସ୍ତ୍ରାଗ୍ର୍ୟୋ ଵଜ୍ରପ୍ରହରଣୋତ୍ତମମ୍ ॥ ୧୭୭ ॥
ଉଚ୍ଚୈଃଶ୍ରଵା ଵାଜିରାଜଃ ଐରାଵତ ଇଭେଶ୍ଵରଃ ।
ଅରୁନ୍ଧତ୍ୟେକପତ୍ନୀଶୋ ହ୍ୟଶ୍ଵତ୍ଥୋଽଶେଷଵୃକ୍ଷରାଟ୍ ॥ ୧୭୮ ॥
ଅଧ୍ୟାତ୍ମଵିଦ୍ୟାଵିଦ୍ୟାତ୍ମା ପ୍ରଣଵଶ୍ଛନ୍ଦସାଂ ଵରଃ ।
ମେରୁର୍ଗିରିପତିର୍ଭାର୍ଗୋ ମାସାଗ୍ର୍ୟଃ କାଲସତ୍ତମଃ ॥ ୧୭୯ ॥
ଦିନାଦ୍ୟାତ୍ମା ପୂର୍ଵସିଦ୍ଧିଃ କପିଲଃ ସାମଵେଦରାଟ୍ ।
ତାର୍କ୍ଷ୍ୟଃ ଖଗେନ୍ଦ୍ରୋ ଋତ୍ଵଗ୍ର୍ୟୋ ଵସନ୍ତଃ କଲ୍ପପାଦପଃ ॥ ୧୮୦ ॥
ଦାତୃଶ୍ରେଷ୍ଠଃ କାମଧେନୁରାର୍ତିଘ୍ନାଗ୍ର୍ୟଃ ସୁରୋତ୍ତମଃ ।
ଚିନ୍ତାମଣିର୍ଗୁରୁଶ୍ରେଷ୍ଠୋ ମାତା ହିତତମଃ ପିତା ॥ ୧୮୧ ॥
ସିଂହୋ ମୃଗେନ୍ଦ୍ରୋ ନାଗେନ୍ଦ୍ରୋ ଵାସୁକିର୍ଭୂଧରୋ ନୃପଃ ।
ଵଣଶୋ ବ୍ରାହ୍ମଣଶ୍ଚାନ୍ତଃ କରଣାଗ୍ର୍ୟଂ ନମୋ ନମଃ ॥ ୧୮୨ ॥
ଇତ୍ୟେତଦ୍ଵାସୁଦେଵସ୍ୟ ଵିଷ୍ଣୋର୍ନାମସହସ୍ରକମ୍ ।
ସର୍ଵାପରାଧଶମନଂ ପରଂ ଭକ୍ତିଵିଵର୍ଦ୍ଧନମ୍ ॥ ୧୮୩ ॥
ଅକ୍ଷୟବ୍ରହ୍ମଲୋକାଦିସର୍ଵାର୍ଥାପ୍ୟେକସାଧନମ୍ ।
ଵିଷ୍ଣୁଲୋକୈକସୋପାନଂ ସର୍ଵଦୁ:ଖଵିନାଶନମ୍ ॥ ୧୮୪ ॥
ସମସ୍ତସୁଖଦଂ ସତ୍ୟଂ ପରଂ ନିର୍ଵାଣଦାୟକମ୍ ।
କାମକ୍ରୋଧାଦିନିଃଶେଷମନୋମଲଵିଶୋଧନମ୍ ॥ ୧୮୫ ॥
ଶାନ୍ତିଦଂ ପାଵନଂ ନୃଣାଂ ମହାପାତାକିନାମପି ।
ସର୍ଵେଷାଂ ପ୍ରାଣିନାମାଶୁ ସର୍ଵାଭୀଷ୍ଟଫଲପ୍ରଦମ୍ ॥ ୧୮୬ ॥
ସର୍ଵଵିଘ୍ନପ୍ରଶମନଂ ସର୍ଵାରିଷ୍ଟଵିନାଶନମ୍ ।
ଘୋରଦୁଃସ୍ଵପ୍ନଶମନଂ ତୀଵ୍ରଦାରିଦ୍ର୍ୟନାଶନମ୍ ॥ ୧୮୭ ॥
ତାପତ୍ରୟାପହଂ ଗୁହ୍ୟଂ ଧନଧାନ୍ୟୟଶସ୍କରମ୍ ।
ସର୍ଵୈଶ୍ଵର୍ୟପ୍ରଦଂ ସର୍ଵସିଦ୍ଧିଦଂ ସର୍ଵକାମଦମ୍ ॥ ୧୮୮ ॥
ତୀର୍ଥୟଜ୍ଞତପୋଦାନଵ୍ରତକୋଟିଫଲପ୍ରଦମ୍ ।
ଅପ୍ରଜ୍ଞଜାଡ୍ୟଶମନଂ ସର୍ଵଵିଦ୍ୟାପ୍ରଵର୍ତ୍ତକମ୍ ॥ ୧୮୯ ॥
ରାଜ୍ୟଦଂ ରାଜ୍ୟକାମାନାଂ ରୋଗିଣାଂ ସର୍ଵରୋଗନୁତ୍ ।
ଵନ୍ଧ୍ୟାନାଂ ସୁତଦଂ ଚାଶୁ ସର୍ଵଶ୍ରେଷ୍ଠଫଲପ୍ରଦମ୍ ॥ ୧୯୦ ॥
ଅସ୍ତ୍ରଗ୍ରାମଵିଷଧ୍ଵଂସୀ ଗ୍ରହପୀଡାଵିନାଶନମ୍ ।
ମାଙ୍ଗଲ୍ୟଂ ପୁଣ୍ୟମାୟୁଷ୍ୟଂ ଶ୍ରଵଣାତ୍ ପଠନାଜ୍ଜପାତ୍ ॥ ୧୯୧ ॥
ସକୃଦସ୍ୟାଖିଲା ଵେଦାଃ ସାଙ୍ଗା ମନ୍ତ୍ରାଶ୍ଚ କୋଟିଶଃ । ।
ପୁରାଣଶାସ୍ତ୍ରଂ ସ୍ମୃତୟଃ ପଠିତାଃ ପଠିତାସ୍ତଥା ॥ ୧୯୨ ॥
ଜପ୍ତ୍ଵାସ୍ୟ ଶ୍ଲୋକଂ ଶ୍ଲୋକାର୍ଧଂ ପାଦଂ ଵା ପଠତଃ ପ୍ରିୟେ ।
ନିତ୍ୟଂ ସିଧ୍ୟତି ସର୍ଵେଷାମଚିରାତ୍କିମୁତୋଽଖିଲମ୍ ॥ ୧୯୩ ॥
ପ୍ରାଣେନ ସଦୃଶଂ ସଦ୍ୟଃ ପ୍ରତ୍ୟହଂ ସର୍ଵକର୍ମସୁ ।
ଇଦଂ ଭଦ୍ରେ ତ୍ଵୟା ଗୋପ୍ୟଂ ପାଠ୍ୟଂ ସ୍ଵାର୍ଥୈକସିଦ୍ଧୟେ ॥ ୧୯୪ ॥
ନାଵୈଷ୍ଣଵାୟ ଦାତଵ୍ୟଂ ଵିକଲ୍ପୋପହୃତାତ୍ମନେ ।
ଭକ୍ତିଶ୍ରଦ୍ଧାଵିହୀନାୟ ଵିଷ୍ଣୁସାମାନ୍ୟଦର୍ଶିନେ ॥ ୧୯୫ ॥
ଦେୟଂ ପୁତ୍ରାୟ ଶିଷ୍ୟାୟ ଶୁଦ୍ଧାୟ ହିତକାମ୍ୟୟା ।
ମତ୍ପ୍ରସାଦାଦୃତେ ନେଦଂ ଗ୍ରହିଷ୍ୟନ୍ତ୍ୟଲ୍ପମେଧସଃ ॥ ୧୯୬ ॥
କଲୌ ସଦ୍ୟଃ ଫଲଂ କଲ୍ପଗ୍ରାମମେଷ୍ୟତି ନାରଦଃ ।
ଲୋକାନାଂ ଭାଗ୍ୟହୀନାନାଂ ୟେନ ଦୁଃଖଂ ଵିନଶ୍ୟତି ॥ ୧୯୭ ॥
କ୍ଷେତ୍ରେଷୁ ଵୈଷ୍ଣଵେଷ୍ଵେତଦାର୍ୟାଵର୍ତ୍ତେ ଭଵିଷ୍ୟତି ।
ନାସ୍ତି ଵିଷ୍ଣୋଃ ପରଂ ସତ୍ୟଂ ନାସ୍ତି ଵିଷ୍ଣୋଃ ପରମ୍ପଦମ୍ ॥ ୧୯୮ ॥
ନାସ୍ତି ଵିଷ୍ଣୋ ପରଂ ଜ୍ଞାନଂ ନାସ୍ତି ମୋକ୍ଷୋ ହ୍ୟଵୈଷ୍ଣଵଃ ।
ନାସ୍ତି ଵିଷ୍ଣୋଃ ପରୋ ମନ୍ତ୍ରୋ ନାସ୍ତି ଵିଷ୍ଣୋଃ ପରଂ ତପଃ ॥ ୧୯୯ ॥
ନାସ୍ତି ଵିଷ୍ଣୋ ପରଂ ଧ୍ୟାନଂ ନାସ୍ତି ମନ୍ତ୍ରୋ ହ୍ୟଵୈଷ୍ଣଵଃ ।
କିଂ ନାସ୍ୟ ବହୁଭିର୍ମନ୍ତ୍ରୈଃ କିଂ ଜପୈର୍ବହୁଵିସ୍ତରୈଃ ॥ ୨୦୦ ॥
ଵାଜପେୟସହସ୍ରୈଃ କିଂ ଭକ୍ତିର୍ୟସ୍ୟ ଜନାର୍ଦନେ ।
ସର୍ଵତୀର୍ଥମୟୋ ଵିଷ୍ଣୁଃ ସର୍ଵଶାସ୍ତ୍ରମୟଃ ପ୍ରଭୁ ॥ ୨୦୧ ॥
ସର୍ଵକ୍ରତୁମୟୋ ଵିଷ୍ଣୁଃ ସତ୍ୟଂ ସତ୍ୟଂ ଵଦାମ୍ୟହମ୍ ।
ଆବ୍ରହ୍ମସାରସର୍ଵସ୍ୟ ସର୍ଵମେତନ୍ମୟୋଦିତମ୍ ॥ ୨୦୨ ॥
ଶ୍ରୀପାର୍ଵତ୍ୟୁଵାଚ-
ଧନ୍ୟାସ୍ମ୍ୟନୁଗୃହିତାସ୍ମି କୃତାର୍ଥାସ୍ମି ଜଗତ୍ପତେ ।
ୟନ୍ମୟେଦଂ ଶ୍ରୁତଂ ସ୍ତୋତ୍ରଂ ତ୍ଵଦ୍ରହସ୍ୟଂ ସୁଦୁର୍ଲଭମ୍ ॥ ୨୦୩ ॥
ଅହୋ ବତ ମହତ୍କଷ୍ଟଂ ସମସ୍ତ ସୁଖଦେ ହରୌ ।
ଵିଦ୍ୟମାନେଽପି ସର୍ଵେଶେ ମୂଢାଃ କ୍ଲିଶ୍ୟନ୍ତି ସଂସୃତୌ ॥ ୨୦୪ ॥
ୟମୁଦ୍ଦିଶ୍ୟସଦା ନାଥୋ ମହେଶୋଽପି ଦିଗମ୍ବରଃ ।
ଜଟିଲୋ ଭସ୍ମଲିପ୍ତାଙ୍ଗସ୍ତପସ୍ଵୀ ଵୀକ୍ଷିତୋ ଜନୈଃ ॥ ୨୦୫ ॥
ଅତୋଽଧିକୋ ନ ଦେଵୋଽସ୍ତି ଲକ୍ଷ୍ମୀକାନ୍ତାନ୍ମଧୁଦ୍ଵିଷଃ ।
ୟତତ୍ଵଂ ଚିନ୍ତ୍ୟତେ ନିତ୍ୟଂ ତ୍ଵୟା ୟୋଗୀଶ୍ଵରେଣ ହି ॥ ୨୦୬ ॥
ଅତଃପରଂ କିମଧିକଂ ପଦଂ ଶ୍ରୀପୁରୁଷୋତ୍ତମାତ୍ ।
ତମଵିଜ୍ଞାୟ ତାନ୍ ମୂଢା ୟଜନ୍ତେ ଜ୍ଞାନମାନିନଃ ॥ ୨୦୭ ॥
ମୁଷିତାସ୍ମି ତ୍ଵୟା ନାଥ ଚିରଂ ୟଦୟମୀଶ୍ଵରଃ ।
ପ୍ରକାଶିତୋ ନ ମେ ୟସ୍ୟ ଦତ୍ତାଦ୍ୟା ଦିଵ୍ୟଶକ୍ତୟଃ ॥ ୨୦୮ ॥
ଅହୋ ସର୍ଵେଶ୍ଵରୋ ଵିଷ୍ଣୁଃ ସର୍ଵଦେଵୋତ୍ତମୋତ୍ତମଃ ।
ଭଵଦାଦିଗୁରୁର୍ମୂଢୈଃ ସାମାନ୍ୟ ଇଵ ଲକ୍ଷ୍ୟତେ ॥ ୨୦୯ ॥
ମହୀୟସାଂ ହି ମାହାତ୍ମ୍ୟଂ ଭଜମାନାନ୍ ଭଜନ୍ତି ଚେତ୍ ।
ଦ୍ଵିଷତୋଽପି ତଥା ପାପାନୁପେକ୍ଷ୍ୟନ୍ତେ କ୍ଷମାଲୟାଃ ॥ ୨୧୦ ॥
ମୟାପି ବାଲ୍ୟେ ସ୍ଵପିତୁଃ ପ୍ରଜ୍ଞା ଦୃଷ୍ଟା ବୁଭୁକ୍ଷିତାଃ ।
ଦୁଖାଦଶକ୍ତାଃ ସ୍ଵଂ ପୋଷ୍ଟୁଂ ଶ୍ରିୟା ନାଧ୍ୟାସିତାଃ ପୁରା ॥ ୨୧୧ ॥
ତ୍ଵୟା ସଂଵର୍ଧିତାଭିଶ୍ଚ ପ୍ରଜାଭିର୍ଵିବୁଧାଦୟଃ ।
ଵିସସଦ୍ଭିଃ ସ୍ଵଶକ୍ତ୍ୟାଦ୍ୟାଃ ସମୁହୃନ୍ମିତ୍ରବାନ୍ଧଵାଃ ॥ ୨୧୨ ॥
ତ୍ଵୟା ଵିନା କ୍ଵ ଦେଵତ୍ଵଂ କ୍ଵ ଧୈର୍ୟଂ କ୍ୟ ପରିଗ୍ରହଃ ।
ସର୍ଵେ ଭଵନ୍ତି ଜୀଵନ୍ତୋ ୟାତନାଃ ଶିରସି ସ୍ଥିତାଃ ॥ ୨୧୩ ॥
ନାମୃତେ ନୈଵ ଧର୍ମାର୍ଥୌ କାମୋ ମୋକ୍ଷୋଽପି ଦୁର୍ଲଭଃ ।
କ୍ଷୁଧିତାନାଂ ଦୁର୍ଗତାନାଂ କୁତୋ ୟୋଗସମାଧୟଃ ॥ ୨୧୪ ॥
ସା ଚ ସଂସାରସାରୈକା ସର୍ଵଲୋକୈକପାଲିକା ।
ଵଶ୍ୟା ସା କମଲା ୟସ୍ୟ ତ୍ୟକ୍ତ୍ଵା ତ୍ଵାମପି ଶଙ୍କରଃ ॥ ୨୧୫ ॥
ଶ୍ରିୟା ଧର୍ମେଣ ଶୌର୍ୟେଣ ରୂପେଣାର୍ଚଵସମ୍ପଦା ।
ସର୍ଵାତିଶୟଵୀର୍ୟେଣ ସମ୍ପୂର୍ଣସ୍ୟ ମହାତ୍ମନଃ ॥ ୨୧୬ ॥
କସ୍ତେନ ତୁଲ୍ୟତାମେତି ଦେଵଦେଵେନ ଵିଷ୍ଣୁନା ।
ୟସ୍ୟାଂଶାଂଶକଭାଗେନ ଵିନା ସର୍ଵ ଵିଲୀୟତେ ॥ ୨୧୭ ॥
ଜଗଦେତତ୍ତଥା ପ୍ରାହୁର୍ଦୋଷାୟୈତଦ୍ଵିମୋହିତାଃ ।
ନାସ୍ୟ ଜନ୍ମ ଜରା ମୃତ୍ୟୁର୍ନାପ୍ରାପ୍ୟଂ ଵାର୍ଥମେଵ ଵା ॥ ୨୧୮ ॥
ତଥାପି କୁରୁତେ ଧର୍ମାନ୍ ପାଲନାୟ ସତାଂ କୃତେ ।
ଵିଜ୍ଞାପୟ ମହାଦେଵ ପ୍ରଣମ୍ୟକଂ ମହେଶ୍ଵରମ୍ ॥ ୨୧୯ ॥
ଅଵଧାର୍ୟ ତଥା ସାହଂ କାନ୍ତ କାମଦ ଶାଶ୍ଵତ ।
କାମାଦ୍ୟାସକ୍ତଚିତ୍ତତ୍ଵାତ୍ କିଂ ତୁ ସର୍ଵେଶ୍ଵର ପ୍ରଭୋ ॥ ୨୨୦ ॥
ତ୍ଵନ୍ମୟତ୍ଵାତ୍ପ୍ରସାଦାଦ୍ଵା ଶକ୍ନୋମି ପଠିତୁଂ ନ ଚେତ୍ ।
ଵିଷ୍ଣୋଃ ସହସ୍ରନାମୈତତ୍ପ୍ରତ୍ୟହଂ ଵୃଷଭଧ୍ଵଜ ॥
ନାମ୍ନୈକେନ ତୁ ୟେନ ସ୍ୟାତ୍ତତ୍ଫଲଂ ବ୍ରୂହି ମେ ପ୍ରଭୋ ॥ ୨୨୧ ॥
ଶ୍ରୀମହାଦେଵ ଉଵାଚ-
ରାମ ରାମେତି ରାମେତି ରମେରାମେ ମନୋରମେ ।
ସହସ୍ରନାମଭିସ୍ତୁଲ୍ୟଂ ରାମନାମ ଵରାନନେ ॥ ୨୨୨ ॥
ଅଥ ସର୍ଵାଣି ତୀର୍ଥାନି ଜଲଞ୍ଚୈଵ ପ୍ରୟାଗଜମ୍ ।
ଵିଷ୍ଣୋର୍ନାମସହସ୍ରସ୍ୟ କଲାଂ ନାର୍ହନ୍ତି ଷୋଡଶୀମ୍ ॥ ୨୨୩ ॥
॥ ଇତି ଶ୍ରୀନାରଦପଞ୍ଚରାତ୍ରେ ଜ୍ଞାନାମୃତସାରେ ଚତୁର୍ଥରାତ୍ରେ
ପାର୍ଵତୀଶିଵସଂଵାଦେ ଶ୍ରୀଵିଷ୍ଣୋର୍ନାମସହସ୍ରଂ ସମ୍ପୂର୍ଣମ୍ ॥
Also Read 1000 Names of Sri Vishnu:
1000 Names of Sri Vishnu | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
