Templesinindiainfo

Best Spiritual Website

1000 Names of Sri Vishnu | Sahasranama Stotram Lyrics in Malayalam

Shri Vishnu Sahasranamastotram Lyrics in Malayalam:

॥ ശ്രീവിഷ്ണുസഹസ്രനാമസ്തോത്രം നാരദപഞ്ചരാത്രേ ॥

ശ്രീനാരദപഞ്ചരാത്രേ ജ്ഞാനാമൃതസാരേ ചതുര്‍ഥരാത്രേ

ശ്രീമഹാദേവ ഉവാച-
ബ്രഹ്മഹത്യാസഹസ്രാണാം പാപം ശാംയേത് കഥഞ്ചന ।
ന പുനസ്ത്വയ്യവിജ്ഞാതേ കല്‍പകോടിശതൈരപി ॥ 1 ॥

യസ്മാന്ന യാ കൃതാ സ്പര്‍ധാ പവിത്രം സ്യാത്കഥം ഹരേ ।
നശ്യന്തി സര്‍വപാപാനി തന്‍മാം വദ സുരേശ്വര ।
തദാഹ ദേവോ ഗോവിന്ദ മമ പ്രീത്യാ യഥായഥം ॥ 2 ॥

ശ്രീഭഗവാനുവാച-
സദാ നാമസഹസ്രം മേ പാവനം മത്പദാവഹം ।
തത്പരോഽനുദിനം ശംഭോ സര്‍വൈശ്വര്യം യദീച്ഛസി ॥ 3 ॥

ശ്രീമഹാദേവ ഉവാച-
തമേവ തപസാ നിത്യം ഭജാമി സ്തൌമി ചിന്തയേ ।
തേനാദ്വിതീയമഹിമോ ജഗത്പൂജ്യോഽസ്മി പാര്‍വതി ! ॥ 4 ॥

ശ്രീപാര്‍വത്യുവാച-
തന്‍മേ കഥയ ദേവേശ യഥാഹമപി ശങ്കര ! ।
സര്‍വേശ്വരീ നിരൂപമാ തവ സ്യാം സദൃശീ പ്രഭോ ! ॥ 5 ॥

ശ്രീമഹാദേവ ഉവാച-
സാധു ! സാധു ! ത്വയാ പൃഷ്ടോ വിഷ്ണോര്‍ഭഗവതഃ ശിവേ ! ।
നാംനാം സഹസ്രം വക്ഷ്യാമി മുഖ്യം ത്രൈലോക്യമങ്ഗലം ॥ 6 ॥

ഓം നമോനാരായണായ പുരുഷോത്തമായ ച മഹാത്മനേ ।
വിശുദ്ധസദ്മാധിഷ്ഠായ മഹാഹംസായ ധീമഹി ॥ 7 ॥

വിനിയോഗഃ
ഓം അസ്യ ശ്രീവിഷ്ണോഃ സഹസ്രനാമമന്ത്രസ്യ മഹാദേവ ഋഷിഃ । അനുഷ്ടുപ്ഛന്ദഃ ।
പരമാത്മാ ദേവതാ । സൂര്യകോടിപ്രതീകാശ ഇതി ബീജം । ഗങ്ഗാതീര്‍ഥോത്തമാ ശക്തിഃ ।
പ്രപന്നാശനിപഞ്ജര ഇതി കീലകം । ദിവ്യാസ്ത്ര ഇത്യസ്രം । സര്‍വപാപക്ഷയാര്‍ഥം
സര്‍വാഭീഷ്ടസിദ്ധ്യര്‍ഥം ശ്രീവിഷ്ണോര്‍നാമസഹസ്രജപേ വിനിയോഗഃ ।

ഋഷ്യാദിന്യാസഃ
ഓം മഹാദേവായ ഋഷയേ നമഃ ഇതി ശിരസി ॥ 1 ॥

അനുഷ്ടുപ് ഛന്ദസേ നമഃ മുഖേ ॥ 2 ॥

പരമാത്മദേവതായൈ നമഃ ഹൃദി ॥ 3 ॥

സൂര്യകോടിപ്രതീകാശബീജായ നമഃ ഗുഹ്യേ ॥ 4 ॥

ഗങ്ഗാതീര്‍ഥോത്തമശക്ത്യേ നമഃ പാദയോഃ ॥ 5 ॥

പ്രസന്നാശനിപഞ്ജരകീലകായ നമഃ നാഭൌ ॥ 6 ॥

വിനിയോഗായ നമഃ സര്‍വാങ്ഗേ ॥ 7 ॥

കരന്യാസഃ
ഓം വാസുദേവഃ പരം ബ്രഹ്മ ഇത്യങ്ഗുഷ്ഠാഭ്യാം നമഃ ॥ 1 ॥

ഓം മൂലപ്രകൃതിരിതി തര്‍ജനീഭ്യാം നമഃ ॥ 2 ॥

ഓം ഭൂമഹാവരാഹ ഇതി മധ്യമാഭ്യാം നമഃ ॥ 3 ॥

ഓം സൂര്യവംശധ്വജോ രാമ ഇതി അനാമികാഭ്യാം നമഃ ॥ 4 ॥

ഓം ബ്രഹ്മാദികമലാദിഗദാസൂര്യകേശവമിതി കനിഷ്ഠികാഭ്യാം നമഃ ॥ 5 ॥

ശേഷ ഇതി കരതലകരപൃഷ്ഠാഭ്യാം നമഃ ।
ഇതി കരന്യാസഃ ।

ഷഡങ്ഗന്യാസഃ
ഓം വാസുദേവഃ പരം ബ്രഹ്മ ഇതി ഹൃദയായ നമഃ ॥ 1 ॥

ഓം മൂലപ്രകൃതി ശിരസേ സ്വാഹാ ॥ 2 ॥

ഓം ഭൂമഹാവാരാഹ ഇതി ശിഖായൈ വഷട് ॥ 3 ॥

ഓം സൂര്യവംശധ്വജോ രാമഃ ഇതി കവചായ ഹും ॥ 4 ॥

ബ്രഹ്മാദികമലാദിഗദാസൂര്യകേശവഃ നേത്രത്രയായ വൌഷട ॥ 5 ॥

ഓം ദിവ്യാസ്ത്ര ഇത്യസ്ത്രായ ഫട് ॥ 6 ॥

ഇതി ഹദയാദിഷഡങ്ഗാന്യാസഃ ॥ 7 ॥

॥ ധ്യാനം ॥

വിഷ്ണും ഭാസ്വത്കിരീടാങ്ഗദവലയഗണാകല്‍പഹാരോദരാംഘ്രി-
ശ്രോണീഭൂഷം സുവക്ഷോമണിമകരമഹാകുണ്ഡലം മണ്ഡിതാംസം ।
ഹസ്തോദ്യച്ചക്രശങ്ഖാംബുജഗദലമലം പീതകൌശയവാസോ –
വിദ്യുദ്ഭാസം സമുദ്യദ്ദിനകരസദൃശം പദ്മഹസ്തം നമാമി ॥ 8 ॥

ഓം വാസുദേവഃ പരം ബ്രഹ്മ പരമാത്മാ പരാത്പരം ।
പരം ധാമ പരം ജ്യോതിഃ പരം തത്ത്വം പരം പദം ॥ 9 ॥

പരം ശിവം പരോ ധ്യേയഃ പരം ജ്ഞാനം പരാ ഗതിഃ ।
പരമാര്‍ഥഃ പരം ശ്രേയഃ പരാനന്ദഃ പരോദയഃ ॥ 10 ॥

പരോ വ്യക്തഃ പരം വ്യോമ പരാര്‍ധഃ പരമേശ്വരഃ ।
നിരാമയോ നിര്‍വികാരോ നിര്‍വികല്‍പോ നിരാശ്രയഃ ॥ 11 ॥

നിരഞ്ജനോ നിരാലംബോ നിര്ലേപോ നിരവഗ്രഹഃ ।
നിര്‍ഗുണോനിഷ്കലോഽനന്തോഽചിന്ത്യോഽസാവചലോഽച്യുതഃ ॥ 12 ॥

അതീന്ദ്രിയോഽമിതോഽരോധ്യോഽനീഹോഽനീശോഽവ്യയോഽക്ഷയഃ ।
സര്‍വജ്ഞഃ സര്‍വഗഃ സര്‍വഃ സര്‍വദഃ സര്‍വഭാവനഃ ॥ 13 ॥

ശര്‍വഃ ശംഭുഃ സര്‍വസാക്ഷീ പൂജ്യഃ സര്‍വസ്യ സര്‍വദൃക് ।
സര്‍വശക്തിഃ സര്‍വസാരഃ സര്‍വാത്മാ സര്‍വതോമുഖഃ ॥ 14 ॥

സര്‍വാവാസഃ സര്‍വരൂപഃ സര്‍വാദി സര്‍വദുഃഖഹാ ।
സര്‍വാര്‍ഥഃ സര്‍വതോഭദ്രഃ സര്‍വകാരണകാരണം ॥ 15 ॥

സര്‍വാതിശായകഃ സര്‍വാധ്യക്ഷഃ സര്‍വേശ്വരേശ്വരഃ ।
ഷഡ്വിംശകോ മഹാവിഷ്ണുര്‍മഹാഗുഹ്യോ മഹാഹരിഃ ॥ 16 ॥

നിത്യോദിതോ നിത്യയുക്തോ നിത്യാനന്ദഃ സനാതനഃ ।
മായാപതിര്യോഗപതിഃ കൈവല്യപതിരാത്മഭൂഃ ॥ 17 ॥

ജന്‍മമൃത്യുജരാതീതഃ കാലാതീതോ ഭവാതിഗഃ ।
പൂര്‍ണഃ സത്യഃ ശുദ്ധബുദ്ധസ്വരൂപോ നിത്യചിന്‍മയഃ ॥ 18 ॥

യോഗിപ്രിയോ യോഗമയോ ഭവബന്ധൈകമോചകഃ ।
പുരാണഃ പുരുഷഃ പ്രത്യക് ചൈതന്യം പുരുഷോത്തമഃ ॥ 19 ॥

വേദാന്തവേദ്യോ ദുര്‍ജ്ഞേയസ്താപത്രയവിവര്‍ജിതഃ ।
ബ്രഹ്മവിദ്യാശ്രയോഽലങ്ഘ്യഃ സ്വപ്രകാശഃ സ്വയമ്പ്രഭഃ ॥ 20 ॥

സര്‍വോപേയ ഉദാസീനഃ പ്രണവഃ സര്‍വതഃ സമഃ ।
സര്‍വാനവദ്യോ ദുഷ്പ്രാപസ്തുരീയസ്തമസഃ പരഃ ॥ 21 ॥

കൂടസ്ഥഃ സര്‍വസംശ്ലിഷ്ടോ വാങ്ഗമനോഗോചരാതിഗഃ ।
സങ്കര്‍ഷണഃ സര്‍വഹരഃ കാലഃ സര്‍വഭയങ്കരഃ ॥ 22 ॥

അനുല്ലഘ്യം സര്‍വഗതിര്‍മഹാരുദ്രോ ദുരാസദഃ ।
മൂലപ്രകൃതിരാനന്ദഃ പ്രജ്ഞാതാ വിശ്വമോഹനഃ ॥ 23 ॥

മഹാമായോ വിശ്വബീജഃ പരാശക്തിസുഖൈകഭുക് ।
സര്‍വകാംയോഽനന്തശീലഃ സര്‍വഭൂതവശങ്കരഃ ॥ 24 ॥

അനിരുദ്ധഃ സര്‍വജീവോ ഹൃഷീകേശോ മനഃപതിഃ ।
നിരുപാധിഃ പ്രിയോ ഹംസോഽക്ഷരഃ സര്‍വനിയോജകഃ ॥ 25 ॥

ബ്രഹ്മാ പ്രാണേശ്വരഃ സര്‍വഭൂതഭൃദ്ദേഹനായകഃ ।
ക്ഷേത്രജ്ഞഃ പ്രകൃതിസ്വാമീ പുരുഷോ വിശ്വസൂത്രധൃക് ॥ 26 ॥

അന്തര്യാമീ ത്രിധാമാഽന്തഃസാക്ഷീ ത്രിഗുണ ഈശ്വരഃ ।
യോഗീ മൃഗ്യഃ പദ്മനാഭഃ ശേഷശായീ ശ്രിയഃ പതിഃ ॥ 27 ॥

ശ്രീസത്യോപാസ്യപാദാബ്ജോഽനന്തഃ ശ്രീഃ ശ്രീനികേതനഃ ।
നിത്യവക്ഷഃസ്ഥലസ്ഥശ്രീഃ ശ്രീനിധിഃ ശ്രീധരോ ഹരിഃ ॥ 28 ॥

രംയശ്രീര്‍നിശ്ചയശ്രീദോ വിഷ്ണുഃ ക്ഷീരാബ്ധിമന്ദിരഃ ।
കൌസ്തുഭോദ്ഭാസിതോരസ്കോ മാധവോ ജഗദാര്‍തിഹാ ॥ 29 ॥

ശ്രീവത്സവക്ഷാ നിഃസീമഃ കല്യാണഗുണഭാജനം ।
പീതാംബരോ ജഗന്നാഥോ ജഗദ്ധാതാ ജഗത്പിതാ ॥ 30 ॥

ജഗദ്ബന്ധുര്‍ജഗത്സ്രഷ്ടാ ജഗത്കര്‍താ ജഗന്നിധിഃ ।
ജഗദേകസ്ഫുരദ്വീര്യോ നാഹംവാദീ ജഗന്‍മയഃ ॥ 31 ॥

സര്‍വാശ്ചര്യമയഃ സര്‍വസിദ്ധാര്‍ഥഃ സര്‍വവീരജിത് ।
സര്‍വാമോഘോദ്യമോ ബ്രഹ്മരുദ്രാദ്യുത്കൃഷ്ടചേതനഃ ॥ 32 ॥

ശംഭോഃ പിതാമഹോ ബ്രഹ്മപിതാ ശക്രാദ്യധീശ്വരഃ ।
സര്‍വദേവപ്രിയഃ സര്‍വദേവവൃത്തിരനുത്തമഃ ॥ 33 ॥

സര്‍വദേവൈകശരണം സര്‍വദേവൈകദൈവതം ।
യജ്ഞഭുഗ് യജ്ഞഫലദോ യജ്ഞേശോ യജ്ഞഭാവനഃ ॥ 34 ॥

യജ്ഞത്രാതാ യജ്ഞപുമാന്‍ വനമാലീ ദ്വിജപ്രിയഃ ।
ദ്വിജൈകമാനദോഽഹിംസ്രഃ കുലദേവോഽസുരാന്തകഃ ॥ 35 ॥

സര്‍വദുഷ്ടാന്തകൃത് സര്‍വസജ്ജനാനന്ദപാലകഃ ।
സര്‍വലോകൈകജഠരഃ സര്‍വലോകൈകമണ്ഡലഃ ॥ 36 ॥

സൃഷ്ടിസ്ഥിത്യന്തകൃച്ചക്രീ ശാര്‍ങ്ഗധന്വാ ഗദാധരഃ ।
ശങ്ഖഭൃന്നന്ദകീ പദ്മപാണിര്‍ഗരുഡവാഹനഃ ॥ 37 ॥

അനിര്‍ദേശ്യവപു സര്‍വഃ സര്‍വലോകൈകപാവനഃ ।
അനന്തകീര്‍തിര്‍നിഃ ശ്രീശഃ പൌരുഷഃ സര്‍വമങ്ഗലഃ ॥ 38 ॥

സൂര്യകോടിപ്രതീകാശോ യമകോടിവിനാശനഃ ।
ബ്രഹ്മകോടിജഗത്സ്രഷ്ടാ വായുകോടിമഹാബലഃ ॥ 39 ॥

കോടീന്ദുജഗദാനന്ദീ ശംഭുകോടിമഹേശ്വരഃ ।
കുബേരകോടിലക്ഷ്മീവാന്‍ ശത്രുകോടിവിനാശനഃ ॥ 40 ॥

കന്ദര്‍പകോടിലാവണ്യോ ദുര്‍ഗകോടിവിമര്‍ദ്ധനഃ ।
സമുദ്രകോടിഗംഭീരസ്തീര്‍ഥകോടിസമാഹ്വയഃ ॥ 41 ॥

ഹിമവത്കോടിനിഷ്കമ്പഃ കോടിബ്രഹ്മാണ്ഡവിഗ്രഹഃ ।
കോട്യശ്വമേധപാപഘ്നോ യജ്ഞകോടിസമാര്‍ചനഃ ॥ 42 ॥

സുധാകോടിസ്വാസ്ഥ്യഹേതുഃ കാമധുക്കോടികാമദഃ ।
ബ്രഹ്മവിദ്യാകോടിരൂപഃ ശിപിവിഷ്ടഃ ശുചിശ്രവാഃ ॥ 43 ॥

വിശ്വംഭരസ്തീര്‍ഥപാദഃ പുണ്യശ്രവണകീര്‍തനഃ ।
ആദിദേവോ ജഗജ്ജൈത്രോ മുകുന്ദഃ കാലനേമിഹാ ॥ 44 ॥

വൈകുണ്ഠോഽനന്തമാഹാത്മ്യോ മഹായോഗീശ്വരേശ്വരഃ ।
നിത്യതൃപ്തോഽഥ സദ്ഭാവോ നിഃശങ്കോ നരകാന്തകഃ ॥ 45 ॥

ദീനാനാഥൈകശരണം വിശ്വൈകവ്യസനാപഹാ ।
ജഗത്ക്ഷമാകൃതോ നിത്യോ കൃപാലുഃ സജ്ജനാശ്രയഃ ॥ 46 ॥

യോഗേശ്വരഃ സദോദീര്‍ണോ വൃദ്ധിക്ഷയവിവര്‍ജിതഃ ।
അധോക്ഷജോ വിശ്വരേതാ പ്രജാപതിസഭാധിപഃ ॥ 47 ॥

ശക്രബ്രഹ്മാര്‍ചിതപദഃ ശംഭുബ്രഹ്മോര്‍ധ്വധാമഗഃ ।
സൂര്യസോമേക്ഷണോ വിശ്വഭോക്താ സര്‍വസ്യ പാരഗഃ ॥ 48 ॥

ജഗത്സേതുര്‍ധര്‍മസേതുര്‍ധീരോഽരിഷ്ടധുരന്യരഃ ।
നിര്‍മമോഽഖിലലോകേശോ നിഃസങ്ഗോഽദ്ഭുതഭോഗവാന്‍ ॥ 49 ॥

രംയമായോ വിശ്വവിശ്വോ വിഷ്വക്സേനോ നഗോത്തമഃ ।
സര്‍വാശ്രയഃ പതിര്‍ദേവ്യാ സര്‍വഭൂഷണഭൂഷിതഃ ॥ 50 ॥

സര്‍വലക്ഷണലക്ഷണ്യഃ സര്‍വദൈത്യേന്ദ്രദര്‍പഹാ ।
സമസ്തദേവസര്‍വജ്ഞഃ സര്‍വദൈവതനായകഃ ॥ 51 ॥

സമസ്തദേവതാദുര്‍ഗഃ പ്രപന്നാശനിപഞ്ജരഃ ।
സമസ്തദേവകവചം സര്‍വദേവശിരോമണിഃ ॥ 52 ॥

സമസ്തഭയനിര്‍ഭിന്നോ ഭഗവാന്‍ വിഷ്ടരശ്രവാഃ ।
വിഭുഃ സര്‍വഹിതോദര്‍കോ ഹതാരിഃ സുഗതിപ്രദഃ ॥ 53 ॥

സര്‍വദൈവതജീവേശോ ബ്രാഹ്മണാദിനിയോജകഃ ।
ബ്രഹ്മശംഭുപരാര്‍ധാഢ്യീ ബ്രഹ്മജ്യേഷ്ഠഃ ശിശുഃ സ്വരാട് ॥ 54 ॥

വിരാട് ഭക്തപരാധീനഃ സ്തുത്യഃ സര്‍വാര്‍ഥസാധകഃ ।
സര്‍വാര്‍ഥകര്‍താ കൃത്യജ്ഞഃ സ്വാര്‍ഥകൃത്യമദോജ്ഝിതഃ ॥ 55 ॥

സദാ നവഃ സദാ ഭദ്രഃ സദാ ശാന്തഃ സദാ ശിവഃ ।
സദാ പ്രിയഃ സദാ തുഷ്ടഃ സദാ പുഷ്ടഃ സദാര്‍ചിതഃ ॥ 56 ॥

സദാ പൂതഃ പാവനാഗ്രോ വേദഗുഹ്യോ വൃഷാകപിഃ ।
സഹസ്രനാമാ ത്രിയുഗശ്ചതുമൂര്‍തിശ്ചതുര്‍ഭുജഃ ॥ 57 ॥

ഭൂതഭവ്യഭവന്നാഥോ മഹാപുരുഷപൂര്‍വജഃ ।
നാരായണോ മുഞ്ജകേശഃ സര്‍വയോഗവിനിസ്മൃതഃ ॥ 58 ॥

വേദസാരോ യജ്ഞസാരഃ സാമസാരസ്തപോനിധിഃ ।
സാധ്യശ്രേഷ്ഠഃ പുരാണര്‍ഷിര്‍നിഷ്ഠാശാന്തിപരായണഃ ॥ 59 ॥

ശിവസ്ത്രിശൂലവിധ്വംസീ ശ്രീകണ്ഠൈകവരപ്രദഃ ।
നരകൃഷ്ണോ ഹരിര്‍ധര്‍മനന്ദനോ ധര്‍മജീവനഃ ॥ 60 ॥

ആദികര്‍താ സര്‍വസത്യഃ സര്‍വസ്ത്രീരത്നദര്‍പഹാ ।
ത്രികാലോ ജിതകന്ദര്‍പ ഉര്‍വശീദൃങ്മുനീശ്വരഃ ॥ 61 ॥

ആദ്യഃ കവിര്‍ഹയഗ്രീവഃ സര്‍വവാഗീശ്വരേശ്വരഃ ।
സര്‍വദേവമയോ ബ്രഹ്മ ഗുരുര്‍വാഗ്മീശ്വരീപതിഃ ॥ 62 ॥

അനന്തവിദ്യാപ്രഭവോ മൂലാവിദ്യാവിനാശകഃ ।
സര്‍വാര്‍ഹണോ ജഗജ്ജാഢ്യനാശകോ മധുസൂദനഃ ॥ 63 ॥

അനന്തമന്ത്രകോടീശഃ ശബ്ദബ്രഹ്മൈകപാവകഃ ।
ആദിവിദ്വാന്‍ വേദകര്‍താ വേദാത്മാ ശ്രുതിസാഗരഃ ॥ 64 ॥

ബ്രഹ്മാര്‍ഥവേദാഭരണഃ സര്‍വവിജ്ഞാനജന്‍മഭൂഃ ।
വിദ്യാരാജോ ജ്ഞാനരാജോ ജ്ഞാനസിന്ധുരഖണ്ഡധീഃ ॥ 65 ॥

മത്സ്യദേവോ മഹാശൃങ്ഗോ ജഗദ്ബീജവഹിത്രധൃക് ।
ലീലാവ്യാപ്താനിലാംഭോധിശ്ചതുര്‍വേദപ്രര്‍വതകഃ ॥ 66 ॥

ആദികൂര്‍മോഽഖിലാധാരസ്തൃണീകൃതജഗദ്ഭവഃ ।
അമരീകൃതദേവൌഘഃ പീയൂഷോത്പത്തികാരണം ॥ 67 ॥

ആത്മാധാരോ ധരാധാരോ യജ്ഞാങ്ഗോ ധരണീധരഃ ।
ഹിരണ്യാക്ഷഹരഃ പൃധ്വീപതിഃ ശ്രാദ്ധാദികല്‍പകഃ ॥ 68 ॥

സമസ്തപിതൃഭീതിഘ്നഃ സമസ്തപിതൃജീവനം ।
ഹവ്യകവ്യൈകഭുഗ്ഭവ്യോ ഗുണഭവ്യൈകദായകഃ ॥ 69 ॥

ലോമാന്തലീനജലധിഃ ക്ഷോഭിതാശേഷസാഗരഃ ।
മഹാവരാഹോ യജ്ഞഘ്നധ്വംസനോ യാജ്ഞികാശ്രയഃ ॥ 70 ॥

നരസിംഹോ ദിവ്യസിംഹഃ സര്‍വാരിഷ്ടാര്‍തിദുഃഖഹാ ।
ഏകവീരോഽദ്ഭുതബലോ യന്ത്രമന്ത്രൈകഭഞ്ജനം ॥ 71 ॥

ബ്രഹ്മാദിദുഃസഹജ്യോതിര്യുഗാന്താഗ്ന്യതിഭീഷണഃ ।
കോടിവജ്രാധികനഖോ ഗജദുഷ്പ്രേക്ഷമൂര്‍തിധൃക് ॥ 72 ॥

മാതൃചക്രപ്രമഥനോ മഹാമാതൃഗണേശ്വരഃ ।
അചിന്ത്യോഽമോഘവീര്യാഢ്യഃ സമസ്താസുരഘസ്മരഃ ॥ 73 ॥

ഹിരണ്യകശിപുച്ഛേദീ കാലഃ സങ്കര്‍ഷണഃ പതിഃ ।
കൃതാന്തവാഹനഃ സദ്യഃ സമസ്തഭയനാശനഃ ॥ 74 ॥

സര്‍വവിഘ്നാന്തകഃ സര്‍വസിദ്ധിദഃ സര്‍വപൂരകഃ ।
സമസ്തപാതകധ്വംസീ സിദ്ധമന്ത്രാധികാഹ്വയഃ ॥ 75 ॥

ഭൈരവേശോ ഹരാര്‍തിഘ്ന കാലകല്‍പോ ദുരാസദഃ ।
ദൈത്യഗര്‍ഭസ്രാവിനാമാ സ്ഫുരദ്ബ്രഹ്മാണ്ഡവര്‍ജിതഃ ॥ 76 ॥

സ്മൃതിമാത്രാഖിലത്രാതാ ഭൂതരൂപോ മഹാഹരിഃ ।
ബ്രഹ്മചര്‍മശിരഃപട്ടാ ദിക്പാലോഽര്‍ധാങ്ഗഭൂഷണഃ ॥ 77 ॥

ദ്വാദശാര്‍കശിരോദാമാ രുദ്രശീര്‍ഷൈകനൂപുരഃ ।
യോഗിനീഗ്രസ്തഗിരിജാരതോ ഭൈരവതര്‍ജകഃ ॥ 78 ॥

വീരചക്രേശ്വരോഽത്യുഗ്രോ യമാരിഃ കാലസംവരഃ ।
ക്രോധേശ്വരോ രുദ്രചണ്ഡീപരിവാദീ സുദുഷ്ടഭാക് ॥ 79 ॥

സര്‍വാക്ഷഃ സര്‍വമൃത്യുശ്ച മൃത്യുര്‍മൃത്യുനിര്‍വതകഃ ।
അസാധ്യഃ സര്‍വരോഗഘ്നഃ സര്‍വദുര്‍ഗ്രഹസൌംയകൃത് ॥ 80 ॥

ഗണേശകോടിദര്‍പഘ്നോ ദുഃസഹോഽശേഷഗോത്രഹാ ।
ദേവദാനവദുര്‍ധഷോ ജഗദ്ഭക്ഷ്യപ്രദഃ പിതാ ॥ 81 ॥

സമസ്തദുര്‍ഗതിത്രാതാ ജഗദ്ഭക്ഷകഭക്ഷകഃ ।
ഉഗ്രേശോഽസുരമാര്‍ജാരഃ കാലമൂഷകഭക്ഷകഃ ॥ 82 ॥

അനന്തായുധദോര്‍ദ്ദണ്ഡോ നൃസിംഹോ വീരഭദ്രജിത് ।
യോഗിനീചക്രഗുഹ്യേശഃ ശക്രാരിഃ പശുമാംസഭുക് ॥ 83 ॥

രുദ്രോ നാരായണോ മേഷരൂപശങ്കരവാഹനഃ ।
മേഷരൂപീ ശിവത്രാതാ ദുഷ്ടശക്തിസഹസ്രഭുക് ॥ 84 ॥

തുലസീവല്ലഭോ വീരോഽചിന്ത്യമായോഽഖിലേഷ്ടദഃ ।
മഹാശിവഃ ശിവാരുദ്രോ ഭൈരവൈകകപാലഭൂത് ॥ 85 ॥

ഭില്ലശ്ചക്രേശ്വരഃ ശക്രോ ദിവ്യമോഹനരൂപധൃക് ।
ഗൌരീസൌഭാഗ്യദോ മായാനിധിര്‍മായാഭയാപഹഃ ॥ 86 ॥

ബ്രഹ്മതേജോമയോ ബ്രഹ്മ ശ്രീമയശ്ച ത്രയീമയഃ ।
സുബ്രഹ്മണ്യോ ബലിധ്വംസീ വാമനോഽദിതിദുഃഖഹാ ॥ 87 ॥

ഉപേന്ദ്രോ നൃപതിര്‍വിഷ്ണുഃ കശ്യപാന്വയമണ്ഡനഃ ।
ബലിസ്വാരാജ്യദഃ സര്‍വദേവവിപ്രാത്മദോഽച്യുതഃ ॥ 88 ॥

ഉരുക്രമസ്തീര്‍ഥപാദസ്ത്രിദശശ്ച ത്രിവിക്രമഃ ।
വ്യോമപാദഃ സ്വപാദാംഭഃപവിത്രിതജഗത്ത്രയഃ ॥ 89 ॥

ബ്രഹ്മേശാദ്യഭിവന്ദ്യാങ്ഘ്രിര്‍ദ്രുതകര്‍മാദ്രിധാരണഃ ।
അചിന്ത്യാദ്ഭുതവിസ്താരോ വിശ്വവൃക്ഷോ മഹാബലഃ ॥ 90 ॥

ബഹുമൂര്‍ധാ പരാങ്ഛിദ്രഭൃഗുപത്നീശിരോഹരഃ ।
പാപസ്തേയഃ സദാപുണ്യോ ദൈത്യേശോ നിത്യഖണ്ഡകഃ ॥ 91 ॥

പൂരിതാഖിലദേവേശോ വിശ്വാര്‍ഥൈകാവതാരകൃത് ।
അമരോ നിത്യഗുപ്താത്മാ ഭക്തചിന്താമണിഃ സദാ ॥ 92 ॥

വരദഃ കാര്‍തവീര്യാദിരാജരാജ്യപ്രദോഽനഘഃ ।
വിശ്വശ്ലാഘ്യോഽമിതാചാരോ ദത്താത്രേയോ മുനീശ്വരഃ ॥ 93 ॥

പരാശക്തിസമായുക്തോ യോഗാനന്ദമദോന്‍മദഃ ।
സമസ്തേന്ദ്രാരിതേജോഹൃത് പരമാനന്ദപാദപഃ ॥ 94 ॥

അനസൂയാഗര്‍ഭരത്നോ ഭോഗമോക്ഷസുഖപ്രദഃ ।
ജമദഗ്നികുലാദിത്യോ രേണുകാദ്ഭുതശക്തിഹൃത് ॥ । 95 ॥

മാതൃഹത്യഘനിര്ലേപഃ സ്കന്ദജിദ്വിപ്രരാജ്യദഃ ।
സര്‍വക്ഷത്രാന്തകൃദ്വീരദര്‍പഹാ കാര്‍തവീര്യജിത് ॥ 96 ॥

യോഗീ യോഗാവതാരശ്ച യോഗീശോ യോഗവത്പരഃ ।
പരമാനന്ദദാതാ ച ശിവാചാര്യയശഃപ്രദഃ ॥ 97 ॥

ഭീമഃ പരശുരാമശ്ച ശിവാചാര്യൈകവിശ്വഭൂഃ ।
ശിവാഖിലജ്ഞാനകോഷോ ഭീഷ്മാചാര്യോഽഗ്നിദൈവതഃ ॥ 98 ॥

ദ്രോണാചാര്യഗുരുര്‍വിശ്വജൈത്രധന്വാ കൃതാന്തകൃത് ।
അദ്വിതീയതമോമൂര്‍തിര്‍ബ്രഹ്മചര്യൈകദക്ഷിണഃ ॥ 99 ॥

മനുശ്രേഷ്ഠഃ സതാം സേതുര്‍മഹീയാന്‍ വൃഷഭോ വിരാട് ।
ആദിരാജഃ ക്ഷിതിപിതാ സര്‍വരത്നൈകദോഹകൃത് ॥ 100 ॥

പൃഥുജന്‍മാദ്യേകദക്ഷോ ഹ്രീഃ ശ്രീഃ കീര്‍തിഃ സ്വയംധൃതിഃ ।
ജഗദ്വൃത്തിപ്രദശ്ചക്രവര്‍തിശ്രേഷ്ഠോ ദുരസ്ത്രധൃക് ॥ 101 ॥

സനകാദിമുനിപ്രാപ്തഭഗവദ്ഭക്തിവര്‍ധനഃ ।
വര്‍ണാശ്രമാദിധര്‍മാണാം കര്‍താ വക്താ പ്രവര്‍തകഃ ॥ 102 ॥

സൂര്യവംശധ്വജോ രാമോ രാധവഃ സദ്ഗുണാര്‍ണവഃ ।
കാകുത്സ്ഥവീരതാധര്‍മോ രാജധര്‍മധുരന്ധരഃ ॥ 103 ॥

നിത്യസുസ്ഥാശയഃ സര്‍വഭദ്രഗ്രാഹീ ശുഭൈകദൃക് ।
നവരത്നം രത്നനിധിഃ സര്‍വാധ്യക്ഷോ മഹാനിധിഃ ॥ 104 ॥

സര്‍വശ്രേഷ്ഠാശ്രയഃ സര്‍വശസ്ത്രാസ്ത്രഗ്രാമവീര്യവാന്‍ ।
ജഗദ്വശീ ദാശരഥിഃ സര്‍വരത്നാശ്രയോ നൃപഃ ॥ 105 ॥

ധര്‍മഃ സമസ്തധര്‍മസ്ഥോ ധര്‍മദ്രഷ്ടാഖിലാര്‍തിഹൃത് ।
അതീന്ദ്രോ ജ്ഞാനവിജ്ഞാനപാരദൃശ്വാ ക്ഷമാംബുധിഃ ॥ 106 ॥

സര്‍വപ്രകൃഷ്ടഃ ശിഷ്ടേഷ്ടോ ഹര്‍ഷശോകാധനാകുലഃ ।
പിത്രാജ്ഞാത്യക്തസാംരാജ്യഃ സപത്നോദയനിര്‍ഭയഃ ॥ 107 ॥

ഗുഹാദേശാര്‍പിതൈശ്വര്യഃ ശിവസ്പര്‍ദ്ധാജടാധരഃ ।
ചിത്രകൂടാപ്തരത്നാദ്രിജഗദീശോ രണേചരഃ ॥ 108 ॥

യഥേഷ്ടാമോഘശസ്ത്രാസ്ത്രോ ദേവേന്ദ്രതനയാക്ഷിഹാ ।
ബ്രഹ്മേന്ദ്രാദിനതൈഷീകോ മാരീചഘ്നോ വിരാധഹാ ॥ 109 ॥

ബ്രഹ്മശാപഹതാശേഷദണ്ഡകാരണ്യപാവനഃ ।
ചതുര്‍ദശസഹസ്രാഗ്ര്യരക്ഷോഘ്നൈകശരൈകഭൃത് ॥ 110 ॥

ഖരാരിസ്ത്രിശിരോഹന്താ ദൂഷണഘ്നോ ജനാര്‍ദനഃ ।
ജടായുഷോഽഗ്നിഗതിദോ കബന്ധസ്വര്‍ഗദായകഃ ॥ 111 ॥

ലീലാധുനഃകോട്യാപാസ്തദുന്ദുഭ്യസ്ഥിമഹാചയഃ ।
സപ്തതാലവ്യഥാകൃഷ്ടധ്വജപാതാലദാനവഃ ॥ 112 ॥

സുഗ്രീവേ രാജ്യദോ ധീമാന്‍ മനസൈവാഭയപ്രദഃ ।
ഹനൂമദ്രുദ്രമുഖ്യേശഃ സമസ്തകപിദേഹഭൃത് ॥ 113 ॥

അഗ്നിദൈവത്യബാണൈകവ്യാകുലീകൃതസാഗരഃ ।
സംലിച്ഛകോടിബാണൈകശുഷ്കനിര്‍ദഗ്ധസാഗരഃ ॥ 114 ॥

സനാഗദൈത്യധാമൈകവ്യാകുലീകൃതസാഗരഃ ।
സമുദ്രാദ്ഭുതപൂര്‍വൈകബദ്ധസേതുര്യശോനിധിഃ ॥ 115 ॥

അസാധ്യസാധകോ ലങ്കാസമൂലോത്കര്‍ഷദക്ഷിണഃ ।
വരദൃപ്തജനസ്ഥാനപൌലസ്ത്യകലകൃന്തനഃ ॥ 116 ॥

രാവണഘ്നഃ പ്രഹസ്തച്ഛിത് കുംഭകര്‍ണഭിദുഗ്രഹാ ।
രാവണൈകമുഖച്ഛേത്താ നിഃശങ്കേന്ദ്രൈകരാജ്യദഃ ॥ 117 ॥

സ്വര്‍ഗാസ്വര്‍ഗത്വവിച്ഛേദീ ദേവേന്ദ്രാദിന്ദ്രതാഹരഃ ।
രക്ഷോദേവത്വഹൃദ്ധര്‍മാ ധര്‍മഹര്‍ംയഃ പുരുഷ്ടുതഃ ॥ 118 ॥

നാതിമാത്രദശാസ്യാരിര്‍ദത്തരാജ്യവിഭീഷണഃ ।
സുധാസൃഷ്ടിഭൃതാശേഷസ്വസൈന്യജീവനൈകകൃത് ॥ 119 ॥

ദേവബ്രാഹ്മണനാമൈകധാതാ സര്‍വാമരാര്‍ചിതഃ ।
ബ്രഹ്മസൂര്യേന്ദ്രരുദ്രാദിവന്ദ്യോഽര്‍ചിതസതാം പ്രിയഃ ॥ 120 ॥

അയോധ്യാഖിലരാജാഗ്ര്യ സര്‍വഭൂതമനോഹരഃ ।
സ്വാംയതുല്യകൃപാദത്തോ ഹീനോഷ്കൃഷ്ടൈകസത്പ്രിയഃ ॥ 121 ॥

സ്വപക്ഷാദിന്യായദര്‍ശീ ഹീനാര്‍ഥോഽധികസാധകഃ ।
ബാധവ്യാജാനുചിതകൃത്താവകോഽഖിലതുഷ്ടികൃത് ॥ 122 ॥

പാര്‍വത്യധികയുക്താത്മാ പ്രിയാത്യക്തഃ സുരാരിജിത് ।
സാക്ഷാത്കുശലവത്സദ്മേന്ദ്രാഗ്നിനാതോഽപരാജിതഃ ॥ 123 ॥

കോശലേന്ദ്രോ വീരബാഹുഃ സത്യാര്‍ഥത്യക്തസോദരഃ ।
യശോദാനന്ദനോ നന്ദീ ധരണീമണ്ഡലോദയഃ ॥ 124 ॥

ബ്രഹ്മാദികാംയസാന്നിധ്യസനാഥീകൃതദൈവതഃ ।
ബ്രഹ്മലോകാപ്തചാണ്ഡാലാദ്യശേഷപ്രാണിസാര്‍ഥപഃ ॥ 125 ॥

സ്വര്‍ണീതഗര്‍ദഭശ്വാദിചിരായോധ്യാബലൈകകൃത് ।
രാമാദ്വിതീയഃ സൌമിത്രിലക്ഷ്മണപ്രഹതേന്ദ്രജിത് ॥ 126 ॥

വിഷ്ണുഭക്താശിവാംഹഃഛിത്പാദുകാരാജ്യനിര്‍വൃതഃ ।
ഭരതോഽസഹ്യഗന്ധര്‍വകോടിഘ്നോ ലവണാന്തകഃ ॥ 127 ॥

ശത്രുഘ്നോ വൈദ്യരാഡായുര്‍വേദഗര്‍ഭൌഷധീപതിഃ ।
നിത്യാനിത്യകരോ ധന്വന്തരിര്യജ്ഞോ ജഗദ്ധരഃ ॥ 128 ॥

സൂര്യവിഘ്നഃ സുരാജീവോ ദക്ഷിണേശോ ദ്വിജപ്രിയഃ ।
ഛിന്നമൂര്‍ധോപദേശാര്‍കതനൂജകൃതമൈത്രികഃ ॥ 129 ॥

ശേഷാങ്ഗസ്ഥാപിതനരഃ കപിലഃ കര്‍ദമാത്മജഃ ।
യോഗാത്മകധ്യാനഭങ്ഗസഗരാത്മജഭസ്മകൃത് ॥ 130 ॥

ധര്‍മോ വിശ്വേന്ദ്രസുരഭീപതിഃ ശുദ്ധാത്മഭാവിതഃ ।
ശംഭുസ്ത്രിപുരദാഹൈകസ്ഥൈര്യവിശ്വരഥോദ്ധതഃ ॥ 131 ॥

വിശ്വാത്മാശേഷരുദ്രാര്‍ഥശിരശ്ഛേദാക്ഷതാകൃതിഃ ।
വാജപേയാദിനാമാഗ്നിര്‍വേദധര്‍മാപരായണഃ ॥ 132 ॥

ശ്വേതദ്വീപപതിഃ സാങ്ഖ്യപ്രണേതാ സര്‍വസിദ്ധിരാട് ।
വിശ്വപ്രകാശിതധ്യാനയോഗോ മോഹതമിസ്രഹാ ॥ 133 ॥

ഭക്തശംഭുജിതോ ദൈത്യാമൃതവാപീസമസ്തപഃ ।
മഹാപ്രലയവിശ്വൈകോഽദ്വിതീയോഽഖിലദൈത്യരാട് ॥ 134 ॥

ശേഷദേവഃ സഹസ്രാക്ഷഃ സഹസ്രാങ്ഘിശിരോഭുജഃ ।
ഫണീ ഫണിഫണാകാരയോജിതാബ്ധ്യംബുദക്ഷിതിഃ ॥ 135 ॥

കാലാഗ്നിരുദ്രജനകോ മുസലാസ്ത്രോ ഹലായുധഃ ।
നീലാംബരോ വാരുണീശോ മനോവാക്കായദോഷഹാ ॥ 136 ॥

സ്വസന്തോഷതൃപ്തിമാത്രഃ പാതിതൈകദശാനനഃ ।
ബലിസംയമനോ ഘോരോ രൌഹിണേയഃ പ്രലംബഹാ ॥ 137 ॥

മുഷ്ടികഘ്നോ ദ്വിവിദഹാ കാലിന്ദീഭേദനോ ബലഃ ।
രേവതീരമണഃ പൂര്‍വഭക്തിരേവാച്യുതാഗ്രജഃ ॥ 138 ॥

ദേവകീവസുദേവോത്ഥോഽദിതികശ്യപനന്ദനഃ ।
വാര്‍ഷ്ണേയഃ സാത്വതാം ശ്രേഷ്ഠഃ ശൌരിര്യദുകുലോദ്വഹഃ ॥ 139 ॥

നരാകൃതിഃ പൂര്‍ണബ്രഹ്മ സവ്യസാചീ പരന്തപഃ ।
ബ്രഹ്മാദികാമനാനിത്യജഗത്പര്‍വേതശൈശവഃ ॥ 140 ॥

പൂതനാഘ്നഃ ശകടഭിദ്യമലാര്‍ജുനഭഞ്ജനഃ ।
വത്സാമുരാരിഃ കേശിഘ്നോ ധേനുകാരിര്‍ഗവീശ്വരഃ ॥ 141 ॥

ദാമോദരോ ഗോപദേവോ യശോദാനന്ദകാരകഃ ।
കാലീയമര്‍ദ്ദനഃ സര്‍വഗോപഗോപീജനപ്രിയഃ ॥ 142 ॥

ലീലാഗോവര്‍ധനധരോ ഗോവിന്ദോ ഗോകുലോത്സവഃ ।
അരിഷ്ടമഥനഃ കാമോന്‍മത്തഗോപീവിമുക്തിദഃ ॥ 143 ॥

സദ്യഃ കുവലയാപീഡഘാതീ ചാണൂരമര്‍ദനഃ ।
കംസാരിരുഗ്രസേനാദിരാജ്യസ്ഥായ്യരിഹാഽമരഃ ॥ 144 ॥

സുധര്‍മാംകിതഭൂലോകോ ജരാസന്ധബലാന്തകഃ ।
ത്യക്തഭക്തജരാസന്ധഭീമസേനയശഃപ്രദഃ ॥ 145 ॥

സാന്ദീപനിമൃതാപത്യദാതാ കാലാന്തകാദിജിത് ।
രുക്മിണീരമണോ രുക്മിശാസനോ നരകാന്തകൃത് ॥ 146 ॥

സമസ്തനരകത്രാതാ സര്‍വഭൂപതികോടിജിത് ।
സമസ്തസുന്ദരീകാന്തോഽസുരാരിര്‍ഗരുഡധ്വജഃ ॥ 147 ॥

ഏകാകീജിതരുദ്രാര്‍കമരുദാപോഽഖിലേശ്വരഃ ।
ദേവേന്ദ്രദര്‍പഹാ കല്‍പദ്രുമാലങ്കൃതഭൂതലഃ ॥ 148 ॥

ബാണബാഹുസഹസ്രച്ഛിത്സ്കന്ദാദിഗണകോടിജിത് ।
ലീലാജിതമഹാദേവോ മഹാദേവൈകപൂജിതഃ ॥ 149 ॥

ഇന്ദ്രാര്‍ഥാര്‍ജുനനിര്‍മത്സുര്‍ജയദഃ പാണ്ഡവൈകധൃക് ।
കാശീരാജശിരസ്ഛേത്താ രുദ്രശക്ത്യേകമര്‍ദനഃ ॥ 150 ॥

വിശ്വേശ്വരപ്രസാദാഢ്യഃ കാശീരാജസുതാര്‍ദനഃ ।
ശംഭുപ്രതിജ്ഞാപാതാ ച സ്വയംഭുഗണപൂജകഃ ॥ 151 ॥

കാശീശഗണകോടിഘ്നോ ലോകശിക്ഷാദ്വിജാര്‍ചകഃ ।
ശിവതീവ്രതപോവശ്യഃ പുരാ ശിവവരപ്രദഃ ॥ 152 ॥

ഗയാസുരപ്രതിജ്ഞാധൃക് സ്വാംശശങ്കരപൂജകഃ ।
ശിവകന്യാവ്രതപതിഃ കൃഷ്ണരൂപശിവാരിഹാ ॥ 153 ॥

മഹാലക്ഷ്മീവപുര്‍ഗൌരീത്രാണോ ദേവലവാതഹാ ।
വിനിദ്രമുചുകുന്ദൈകബ്രഹ്മാസ്ത്രയുവനാശ്വഹൃത് ॥ 154 ॥

അക്രൂരോഽക്രൂരമുഖ്യൈകഭക്തസ്വച്ഛന്ദമുക്തിദഃ ।
സബാലസ്ത്രീജലക്രീഡാകൃതവാപീകൃതാര്‍ണവഃ ॥ 155 ॥

യമുനാപതിരാനീതപരിണീതദ്വിജാത്മകഃ ।
ശ്രീദാമശങ്കുഭക്താര്‍ഥഭൂംയാനീതേന്ദ്രഭൈരവഃ ॥ 156 ॥

ദുര്‍വൃത്തശിശുപാലൈകമുക്തികോദ്ധാരകേശ്വരഃ ।
ആചാണ്ഡാലാദികം പ്രാപ്യ ദ്വാരകാനിധികോടികൃത് ॥ 157 ॥

ബ്രഹ്മാസ്ത്രദഗ്ധഗര്‍ഭസ്ഥപരീക്ഷിജ്ജീവനൈകകൃത് ।
പരിണീതദ്വിജസുതാനേതാഽര്‍ജുനമദാപഹഃ ॥ 158 ॥

ഗൂഢമുദ്രാകൃതിഗ്രസ്തഭീഷ്മാദ്യഖിലഗൌരവഃ ।
പാര്‍ഥാര്‍ഥഖണ്ഡിതാശേഷദിവ്യാസ്ത്രഃ പാര്‍ഥമോഹഭൃത് ॥ 159 ॥

ബ്രഹ്മശാപച്ഛലധ്വസ്തയാദവോ വിഭവാവഹഃ ।
അനങ്ഗേ ജിതഗൌരീശോ രതികാന്തഃ സദേപ്സിതഃ ॥ 160 ॥

പുഷ്പേഷുര്‍വിശ്വവിജയീ സ്മരഃ കാമേശ്വരീപതിഃ ।
ഉഷാപതിര്‍വിശ്വഹേതുര്‍വിശ്വതൃപ്തോഽധിപൂരുഷഃ ॥ 161 ॥

ചതുരാത്മാ ചതുര്‍വര്‍ണശ്ചതുര്‍വേദവിധായകഃ ।
ചതുര്‍വിശ്വൈകവിശ്വാത്മാ സര്‍വോത്കൃഷ്ടാസു കോടിഷു ॥ 162 ॥

ആശ്രയാത്മാ പുരാണര്‍ഷിര്‍വ്യാസഃ ശാസ്ത്രസഹസ്രകൃത് ।
മഹാഭാരതനിര്‍മാതാ കവീന്ദ്രോ വാദരായണഃ ॥ 163 ॥

കൃഷ്ണദ്വൈപായനഃ സര്‍വപുരുഷാര്‍ഥകബോധകഃ ।
വേദാന്തകര്‍താ ബ്രഹ്മൈകവ്യഞ്ജകഃ പുരുവംശകൃത് ॥ 164 ॥

ബുദ്ധോ ധ്യാനജിതാശേഷദേവദേവോ ജഗത്പ്രിയഃ ।
നിരായുധോ ജഗജ്ജൈത്രഃ ശ്രീധനോ ദുഷ്ടമോഹനഃ ॥ 165 ॥

ദൈത്യവേദബഹിഷ്കര്‍ത്താ വേദാര്‍ഥശ്രുതിഗോപകഃ ।
ശുദ്ധോദനിര്‍നഷ്ടദിഷ്ടഃ സുഖദഃ സദസത്പതിഃ ॥ 166 ॥

യഥായോഗ്യാഖിലകുപഃ സര്‍വശൂന്യോഽഖിലേഷ്ടദഃ ।
ചതുഷ്കോടിപൃഥക്തത്ത്വം പ്രജ്ഞാപാരമിതേശ്വരഃ ॥ 167 ॥

പാഷണ്ഡശ്രുതിമാര്‍ഗേണ പാഷണ്ഡശ്രുതിഗോപകഃ ।
കല്‍കീ വിഷ്ണുയശഃ പൂതഃ കലികാലവിലോപകഃ ॥ 168 ॥

സമസ്തംലേച്ഛഹസ്തഘ്നഃ സര്‍വശിഷ്ടദ്വിജാതികൃത് ।
സത്യപ്രവര്‍ത്തകോ ദേവദ്വിജദീര്‍ഘക്ഷുധാപഹഃ ॥ 169 ॥

അവഗവാദിവേദേന പൃഥ്വീദുര്‍ഗതിനാശനഃ ।
സദ്യഃ ക്ഷ്മാനന്തലക്ഷ്മീകൃത് നഷ്ടനിഃ ശേഷ ധര്‍മകൃത് ॥ 170 ॥

അനന്തസ്വര്‍ഗയാഗൈകഹേമപൂര്‍ണാഖിലദ്വിജഃ ।
അസാധ്യൈകജഗച്ഛാസ്താ വിശ്വവന്ദ്യോ ജയധ്വജഃ ॥ 171 ॥

ആത്മതത്ത്വാധിപഃ കൃര്‍തൃശ്രേഷ്ഠോ വിധിരുമാപതിഃ ।
ഭര്‍തുഃ ശ്രേഷ്ഠഃ പ്രജേശാഗ്ര്യോ മരീചിജനകാഗ്രണീഃ ॥ 172 ॥

കശ്യപോ ദേവരാദിന്ദ്രഃ പ്രഹ്ലാദോ ദൈത്യരാട് ശശീ ।
നക്ഷത്രേശോ രവിസ്തേജഃ ശ്രേഷ്ഠഃ ശുക്രഃ കവീശ്വരഃ ॥ 173 ॥

മഹര്‍ഷിരാട് ഭൃഗുര്‍വിഷ്ണുരാദിത്യേശോ ബലിഃ സ്വരാട് ।
വായുര്‍വഹ്നിഃ ശുചിശ്രേഷ്ഠഃ ശങ്കരോ രുദ്രരാട് ഗുരുഃ ॥ 174 ॥

വിദ്വത്തമശ്ചിത്രരഥോ ഗന്ധര്‍വാഗ്ര്യോ വസൂത്തമഃ ।
വര്‍ണാദിരഗ്ര്യാ സ്ത്രീ ഗൌരീ ശക്ത്യഗ്ര്യാ ശ്രീശ്ച നാരദഃ ॥ 175 ॥

ദേവര്‍ഷിരാട് പാണ്ഡവാഗ്ര്യോഽര്‍ജുനോ നാരദവാദരാട് ।
പവനഃ പവനേശാനോ വരുണോ യാദസാമ്പതിഃ ॥ 176 ॥

ഗങ്ഗാതീര്‍ഥോത്തമോദ്ഭൂതം ഛത്രകാഗ്ര്യവരൌഷധം ।
അന്നം സുദര്‍ശനാസ്ത്രാഗ്ര്യോ വജ്രപ്രഹരണോത്തമം ॥ 177 ॥

ഉച്ചൈഃശ്രവാ വാജിരാജഃ ഐരാവത ഇഭേശ്വരഃ ।
അരുന്ധത്യേകപത്നീശോ ഹ്യശ്വത്ഥോഽശേഷവൃക്ഷരാട് ॥ 178 ॥

അധ്യാത്മവിദ്യാവിദ്യാത്മാ പ്രണവശ്ഛന്ദസാം വരഃ ।
മേരുര്‍ഗിരിപതിര്‍ഭാര്‍ഗോ മാസാഗ്ര്യഃ കാലസത്തമഃ ॥ 179 ॥

ദിനാദ്യാത്മാ പൂര്‍വസിദ്ധിഃ കപിലഃ സാമവേദരാട് ।
താര്‍ക്ഷ്യഃ ഖഗേന്ദ്രോ ഋത്വഗ്ര്യോ വസന്തഃ കല്‍പപാദപഃ ॥ 180 ॥

ദാതൃശ്രേഷ്ഠഃ കാമധേനുരാര്‍തിഘ്നാഗ്ര്യഃ സുരോത്തമഃ ।
ചിന്താമണിര്‍ഗുരുശ്രേഷ്ഠോ മാതാ ഹിതതമഃ പിതാ ॥ 181 ॥

സിംഹോ മൃഗേന്ദ്രോ നാഗേന്ദ്രോ വാസുകിര്‍ഭൂധരോ നൃപഃ ।
വണശോ ബ്രാഹ്മണശ്ചാന്തഃ കരണാഗ്ര്യം നമോ നമഃ ॥ 182 ॥

ഇത്യേതദ്വാസുദേവസ്യ വിഷ്ണോര്‍നാമസഹസ്രകം ।
സര്‍വാപരാധശമനം പരം ഭക്തിവിവര്‍ദ്ധനം ॥ 183 ॥

അക്ഷയബ്രഹ്മലോകാദിസര്‍വാര്‍ഥാപ്യേകസാധനം ।
വിഷ്ണുലോകൈകസോപാനം സര്‍വദു:ഖവിനാശനം ॥ 184 ॥

സമസ്തസുഖദം സത്യം പരം നിര്‍വാണദായകം ।
കാമക്രോധാദിനിഃശേഷമനോമലവിശോധനം ॥ 185 ॥

ശാന്തിദം പാവനം നൃണാം മഹാപാതാകിനാമപി ।
സര്‍വേഷാം പ്രാണിനാമാശു സര്‍വാഭീഷ്ടഫലപ്രദം ॥ 186 ॥

സര്‍വവിഘ്നപ്രശമനം സര്‍വാരിഷ്ടവിനാശനം ।
ഘോരദുഃസ്വപ്നശമനം തീവ്രദാരിദ്ര്യനാശനം ॥ 187 ॥

താപത്രയാപഹം ഗുഹ്യം ധനധാന്യയശസ്കരം ।
സര്‍വൈശ്വര്യപ്രദം സര്‍വസിദ്ധിദം സര്‍വകാമദം ॥ 188 ॥

തീര്‍ഥയജ്ഞതപോദാനവ്രതകോടിഫലപ്രദം ।
അപ്രജ്ഞജാഡ്യശമനം സര്‍വവിദ്യാപ്രവര്‍ത്തകം ॥ 189 ॥

രാജ്യദം രാജ്യകാമാനാം രോഗിണാം സര്‍വരോഗനുത് ।
വന്ധ്യാനാം സുതദം ചാശു സര്‍വശ്രേഷ്ഠഫലപ്രദം ॥ 190 ॥

അസ്ത്രഗ്രാമവിഷധ്വംസീ ഗ്രഹപീഡാവിനാശനം ।
മാങ്ഗല്യം പുണ്യമായുഷ്യം ശ്രവണാത് പഠനാജ്ജപാത് ॥ 191 ॥

സകൃദസ്യാഖിലാ വേദാഃ സാങ്ഗാ മന്ത്രാശ്ച കോടിശഃ । ।
പുരാണശാസ്ത്രം സ്മൃതയഃ പഠിതാഃ പഠിതാസ്തഥാ ॥ 192 ॥

ജപ്ത്വാസ്യ ശ്ലോകം ശ്ലോകാര്‍ധം പാദം വാ പഠതഃ പ്രിയേ ।
നിത്യം സിധ്യതി സര്‍വേഷാമചിരാത്കിമുതോഽഖിലം ॥ 193 ॥

പ്രാണേന സദൃശം സദ്യഃ പ്രത്യഹം സര്‍വകര്‍മസു ।
ഇദം ഭദ്രേ ത്വയാ ഗോപ്യം പാഠ്യം സ്വാര്‍ഥൈകസിദ്ധയേ ॥ 194 ॥

നാവൈഷ്ണവായ ദാതവ്യം വികല്‍പോപഹൃതാത്മനേ ।
ഭക്തിശ്രദ്ധാവിഹീനായ വിഷ്ണുസാമാന്യദര്‍ശിനേ ॥ 195 ॥

ദേയം പുത്രായ ശിഷ്യായ ശുദ്ധായ ഹിതകാംയയാ ।
മത്പ്രസാദാദൃതേ നേദം ഗ്രഹിഷ്യന്ത്യല്‍പമേധസഃ ॥ 196 ॥

കലൌ സദ്യഃ ഫലം കല്‍പഗ്രാമമേഷ്യതി നാരദഃ ।
ലോകാനാം ഭാഗ്യഹീനാനാം യേന ദുഃഖം വിനശ്യതി ॥ 197 ॥

ക്ഷേത്രേഷു വൈഷ്ണവേഷ്വേതദാര്യാവര്‍ത്തേ ഭവിഷ്യതി ।
നാസ്തി വിഷ്ണോഃ പരം സത്യം നാസ്തി വിഷ്ണോഃ പരമ്പദം ॥ 198 ॥

നാസ്തി വിഷ്ണോ പരം ജ്ഞാനം നാസ്തി മോക്ഷോ ഹ്യവൈഷ്ണവഃ ।
നാസ്തി വിഷ്ണോഃ പരോ മന്ത്രോ നാസ്തി വിഷ്ണോഃ പരം തപഃ ॥ 199 ॥

നാസ്തി വിഷ്ണോ പരം ധ്യാനം നാസ്തി മന്ത്രോ ഹ്യവൈഷ്ണവഃ ।
കിം നാസ്യ ബഹുഭിര്‍മന്ത്രൈഃ കിം ജപൈര്‍ബഹുവിസ്തരൈഃ ॥ 200 ॥

വാജപേയസഹസ്രൈഃ കിം ഭക്തിര്യസ്യ ജനാര്‍ദനേ ।
സര്‍വതീര്‍ഥമയോ വിഷ്ണുഃ സര്‍വശാസ്ത്രമയഃ പ്രഭു ॥ 201 ॥

സര്‍വക്രതുമയോ വിഷ്ണുഃ സത്യം സത്യം വദാംയഹം ।
ആബ്രഹ്മസാരസര്‍വസ്യ സര്‍വമേതന്‍മയോദിതം ॥ 202 ॥

ശ്രീപാര്‍വത്യുവാച-
ധന്യാസ്ംയനുഗൃഹിതാസ്മി കൃതാര്‍ഥാസ്മി ജഗത്പതേ ।
യന്‍മയേദം ശ്രുതം സ്തോത്രം ത്വദ്രഹസ്യം സുദുര്ലഭം ॥ 203 ॥

അഹോ ബത മഹത്കഷ്ടം സമസ്ത സുഖദേ ഹരൌ ।
വിദ്യമാനേഽപി സര്‍വേശേ മൂഢാഃ ക്ലിശ്യന്തി സംസൃതൌ ॥ 204 ॥

യമുദ്ദിശ്യസദാ നാഥോ മഹേശോഽപി ദിഗംബരഃ ।
ജടിലോ ഭസ്മലിപ്താങ്ഗസ്തപസ്വീ വീക്ഷിതോ ജനൈഃ ॥ 205 ॥

അതോഽധികോ ന ദേവോഽസ്തി ലക്ഷ്മീകാന്താന്‍മധുദ്വിഷഃ ।
യതത്വം ചിന്ത്യതേ നിത്യം ത്വയാ യോഗീശ്വരേണ ഹി ॥ 206 ॥

അതഃപരം കിമധികം പദം ശ്രീപുരുഷോത്തമാത് ।
തമവിജ്ഞായ താന്‍ മൂഢാ യജന്തേ ജ്ഞാനമാനിനഃ ॥ 207 ॥

മുഷിതാസ്മി ത്വയാ നാഥ ചിരം യദയമീശ്വരഃ ।
പ്രകാശിതോ ന മേ യസ്യ ദത്താദ്യാ ദിവ്യശക്തയഃ ॥ 208 ॥

അഹോ സര്‍വേശ്വരോ വിഷ്ണുഃ സര്‍വദേവോത്തമോത്തമഃ ।
ഭവദാദിഗുരുര്‍മൂഢൈഃ സാമാന്യ ഇവ ലക്ഷ്യതേ ॥ 209 ॥

മഹീയസാം ഹി മാഹാത്മ്യം ഭജമാനാന്‍ ഭജന്തി ചേത് ।
ദ്വിഷതോഽപി തഥാ പാപാനുപേക്ഷ്യന്തേ ക്ഷമാലയാഃ ॥ 210 ॥

മയാപി ബാല്യേ സ്വപിതുഃ പ്രജ്ഞാ ദൃഷ്ടാ ബുഭുക്ഷിതാഃ ।
ദുഖാദശക്താഃ സ്വം പോഷ്ടും ശ്രിയാ നാധ്യാസിതാഃ പുരാ ॥ 211 ॥

ത്വയാ സംവര്‍ധിതാഭിശ്ച പ്രജാഭിര്‍വിബുധാദയഃ ।
വിസസദ്ഭിഃ സ്വശക്ത്യാദ്യാഃ സമുഹൃന്‍മിത്രബാന്ധവാഃ ॥ 212 ॥
ത്വയാ വിനാ ക്വ ദേവത്വം ക്വ ധൈര്യം ക്യ പരിഗ്രഹഃ ।
സര്‍വേ ഭവന്തി ജീവന്തോ യാതനാഃ ശിരസി സ്ഥിതാഃ ॥ 213 ॥

നാമൃതേ നൈവ ധര്‍മാര്‍ഥൌ കാമോ മോക്ഷോഽപി ദുര്ലഭഃ ।
ക്ഷുധിതാനാം ദുര്‍ഗതാനാം കുതോ യോഗസമാധയഃ ॥ 214 ॥

സാ ച സംസാരസാരൈകാ സര്‍വലോകൈകപാലികാ ।
വശ്യാ സാ കമലാ യസ്യ ത്യക്ത്വാ ത്വാമപി ശങ്കരഃ ॥ 215 ॥

ശ്രിയാ ധര്‍മേണ ശൌര്യേണ രൂപേണാര്‍ചവസമ്പദാ ।
സര്‍വാതിശയവീര്യേണ സമ്പൂര്‍ണസ്യ മഹാത്മനഃ ॥ 216 ॥

കസ്തേന തുല്യതാമേതി ദേവദേവേന വിഷ്ണുനാ ।
യസ്യാംശാംശകഭാഗേന വിനാ സര്‍വ വിലീയതേ ॥ 217 ॥

ജഗദേതത്തഥാ പ്രാഹുര്‍ദോഷായൈതദ്വിമോഹിതാഃ ।
നാസ്യ ജന്‍മ ജരാ മൃത്യുര്‍നാപ്രാപ്യം വാര്‍ഥമേവ വാ ॥ 218 ॥

തഥാപി കുരുതേ ധര്‍മാന്‍ പാലനായ സതാം കൃതേ ।
വിജ്ഞാപയ മഹാദേവ പ്രണംയകം മഹേശ്വരം ॥ 219 ॥

അവധാര്യ തഥാ സാഹം കാന്ത കാമദ ശാശ്വത ।
കാമാദ്യാസക്തചിത്തത്വാത് കിം തു സര്‍വേശ്വര പ്രഭോ ॥ 220 ॥

ത്വന്‍മയത്വാത്പ്രസാദാദ്വാ ശക്നോമി പഠിതും ന ചേത് ।
വിഷ്ണോഃ സഹസ്രനാമൈതത്പ്രത്യഹം വൃഷഭധ്വജ ॥
നാംനൈകേന തു യേന സ്യാത്തത്ഫലം ബ്രൂഹി മേ പ്രഭോ ॥ 221 ॥

ശ്രീമഹാദേവ ഉവാച-
രാമ രാമേതി രാമേതി രമേരാമേ മനോരമേ ।
സഹസ്രനാമഭിസ്തുല്യം രാമനാമ വരാനനേ ॥ 222 ॥

അഥ സര്‍വാണി തീര്‍ഥാനി ജലഞ്ചൈവ പ്രയാഗജം ।
വിഷ്ണോര്‍നാമസഹസ്രസ്യ കലാം നാര്‍ഹന്തി ഷോഡശീം ॥ 223 ॥

॥ ഇതി ശ്രീനാരദപഞ്ചരാത്രേ ജ്ഞാനാമൃതസാരേ ചതുര്‍ഥരാത്രേ
പാര്‍വതീശിവസംവാദേ ശ്രീവിഷ്ണോര്‍നാമസഹസ്രം സമ്പൂര്‍ണം ॥

Also Read 1000 Names of Sri Vishnu:

1000 Names of Sri Vishnu | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Vishnu | Sahasranama Stotram Lyrics in Malayalam

Leave a Reply

Your email address will not be published. Required fields are marked *

Scroll to top