1000 Names of Upadesasahasri | Sahasranama Lyrics in Bengali

Upadesasahasri Sahasranama Stotram Lyrics in Bengali:

॥ উপদেশসাহস্রী ॥

(Metrical Section)

US-P01.001ab চৈতন্যং সর্বগং সর্বং সর্বভূতগুহাশয়ম্ ।
US-P01.001cd য়ত্ সর্ববিষয়াতীতং তস্মৈ সর্ববিদে নমঃ ॥

US-P01.002ab সমাপয়্য ক্রিয়াঃ সর্বা দারাগ্ন্যাধানপূর্বিকাঃ ।
US-P01.002cd ব্রহ্মবিদ্যামথেদানীং বক্তুং বেদঃ প্রচক্রমে ॥

US-P01.003ab কর্মাণি দেহয়োগার্থং দেহয়োগে প্রিয়াপ্রিয়ে ।
US-P01.003cd ধ্রুবে স্যাতাং ততো রাগো দ্বেষশ্চৈব ততঃ ক্রিয়াঃ ॥

US-P01.004ab ধর্মাধার্মৌ ততোঽজ্ঞাস্য দেহয়োগস্তথা পুনঃ ।
US-P01.004cd এবং নিত্যপ্রবৃত্তোঽয়ং সংসারশ্চক্রবদ্ ভৃশম্ ॥

US-P01.005ab অজ্ঞানং তস্য মূলং স্যাদিতি তদ্ধানমিষ্যতে ।
US-P01.005cd ব্রহ্মবিদ্যাত আরব্ধা ততো নিঃশ্রেয়সং ভবেত্ ॥

US-P01.006ab বিদ্যৈবাজ্ঞানহানায় ন কর্মাপ্রতিকূলতঃ ।
US-P01.006cd নাজ্ঞানস্যাপ্রহাণে হি রাগদ্বেষক্ষয়ো ভবেত্ ॥

US-P01.007ab রাগদ্বেষক্ষয়াভাবে কর্ম দোষদ্ভবং ধ্রুবম্ ।
US-P01.007cd তস্মান্ নিঃশ্রেয়সার্থায় বিদ্যৈবাত্র বিধীয়তে ॥

US-P01.008ab ননু কর্ম তথা নিত্যং কর্তব্যং জীবনে সতি ।
US-P01.008cd বিদ্যায়াঃ সহকারিত্বং মোক্ষং প্রতি হি তদ্ ব্রজেত্ ॥

US-P01.009ab য়থা বিদ্যা তথা কর্ম চোদিতত্বাবিশেষতঃ ।
US-P01.009cd প্রত্যবায়স্মৃতেশ্চৈব কার্যং কর্ম মুমুক্ষুভিঃ ॥

US-P01.010ab ননু ধ্রুবফলা বিদ্যা নান্যত্ কিংচিদপেক্ষতে ।
US-P01.010cd নাগ্নিষ্টোমো য়থৈবান্যদ্ ধ্রুবকার্যোঽপ্যপেক্ষতে ॥

US-P01.011ab তথা ধ্রুবফলা বিদ্যা কর্ম নিত্যমপেক্ষতে ।
US-P01.011cd ইত্যেবং কেচিদিচ্ছন্তি ন কর্ম প্রতিকূলতঃ ॥

US-P01.012ab বিদ্যায়াঃ প্রতিকূলং হি কর্ম স্যাত্ সাভিমানতঃ ।
US-P01.012cd নির্বিকারাত্মবুদ্ধিশ্চ বিদ্যেতীহ প্রকীতিতা ॥

US-P01.013ab অহং কর্তা মমেদং স্যাদিতি কর্ম প্রবর্ততে ।
US-P01.013cd বস্ত্বধীনা ভবেদ্ বিদ্যা কর্তধীনো ভবেদ্ বিধিঃ ॥

US-P01.014ab কারকাণ্যুপমৃদ্নাতি বিদ্যাঽব্বুদ্ধিমিবোষরে ।
US-P01.014cd তত্সত্যমতিমাদায় কর্ম কর্তুং ব্যবস্যতি ॥

US-P01.015ab বিরুদ্ধত্বাদতঃ শক্যং কর্ম কর্তুং ন বিদ্যয়া ।
US-P01.015cd সহৈবং বিদুষা তস্মাত্ কর্ম হেয়ং মুমুক্ষুনা ॥

US-P01.016ab দেহাদ্যৈরবিশেষেণ দেহিনো গ্রহণং নিজম্ ।
US-P01.016cd প্রাণিনাং তদবিদ্যোত্থং তাবত্ কর্মবিধির্ভবেত্ ॥

US-P01.017ab নেতি নেতীতি দেহাদীনপোহ্যাত্মাবশেষিতঃ ।
US-P01.017cd অবিশেষাত্মবোধার্থং তেনাবিদ্যা নিবর্তিতা ॥

US-P01.018ab নিবৃত্তা সা কথং ভূয়ঃ প্রসূয়েত প্রমাণতঃ ।
US-P01.018cd অসত্যেবাবিশেষে হি প্রত্যগাত্মনি কেবলে ॥

US-P01.019ab ন চেদ্ ভূয়ঃ প্রসূয়েত কর্তা ভোক্তেতি ধীঃ কথম্ ।
US-P01.019cd সদস্মীতি চ বিজ্ঞানে তস্মাদ্ বিদ্যাসহায়িকা ॥

US-P01.020ab অত্যরেচয়দিত্যুক্তো ন্যাসঃ শ্রুত্যাত এব হি ।
US-P01.020cd কর্মভ্যো মানসান্তেভ্য এতাবদিতি বাজিনাম্ ॥

US-P01.021ab অমৃতত্বং শ্রুতং তস্মাত্ ত্যাজ্যং কর্ম মুমুক্ষুভিঃ ।
US-P01.021cd অগ্নিষ্টোমবদিত্যুক্তং তত্রেদমভিধীয়তে ॥

US-P01.022ab নৈককারকসাধ্যত্বাত্ ফলান্যত্বাচ্ চ কর্মণঃ ।
US-P01.022cd বিদ্যা তদ্বিপঈতাতো দৃষ্টান্তো বিষমো ভবেত্ ॥

US-P01.023ab কৃষ্যাদিবত্ ফলার্থত্বাদন্যকর্মোপবৃংহণম্ ।
US-P01.023cd অগ্নিষ্টোমস্ত্বপেক্ষেত বিদ্যান্যত্ কিমপেক্ষতে ॥

US-P01.024ab প্রত্যবায়স্তু তস্যৈব য়স্যাহংকার ইষ্যতে ।
US-P01.024cd অহংকারফলার্থিত্বে বিদ্যেতে নাত্মবেদিনঃ ॥

US-P01.025ab তস্মাদজ্ঞানহানায় সংসারবিনিবৃত্তয়ে ।
US-P01.025cd ব্রহ্মবিদ্যাবিধানায় প্রারব্ধোপনিষত্ ত্বিয়ম্ ॥

US-P01.026ab সদেরুপনিপূর্বস্য ক্বিপি চোপনিষদ্ ভবেত্ ।
US-P01.026cd মন্দীকরণভাবাচ্ চ গর্ভাদেঃ শাতনাত্ তথা ॥

US-P02.001ab প্রৈষেদ্ধুমশক্যত্বান্ নেতি নেতীতি শেষিতম্ ।
US-P02.001cd ইদং নাহমিদং নাহমিত্যদ্ধা প্রতিপদ্যতে ॥

US-P02.002ab ইদংধীরিদমাত্মোত্থা বাচারম্ভঞগোচরা ।
US-P02.002cd নিষিদ্ধাত্মোদ্ভবত্বাত্ সা ন পুনর্মানতাং ব্রজেত্ ॥

US-P02.003ab পূর্ববুদ্ধিমবাধিত্বা নোত্তরা জায়তে মতিঃ ।
US-P02.003cd দৃষিরেকঃ স্বয়ংসিদ্ধঃ ফলত্বাত্ স ন বাধ্যতে ॥

US-P02.004ab ইদংবনমতিক্রম্য শোকমোহাদিদূষিতম্ ।
US-P02.004cd বনাদ্ গন্ধারকো য়দ্বত্ স্বমাত্মানং প্রপদ্যতে ॥

US-P03.001ab ঈশ্বরশ্চেদনাত্মা স্যান্ নাসাবস্মীতি ধারয়েত্ ।
US-P03.001cd আত্মা চেদীশ্বরোঽস্মীতি বিদ্যা সান্যনিবর্তিকা ॥

US-P03.002ab আত্মনোঽন্যস্য চেদ্ ধর্মা অস্থূলত্বাদয়ো মতাঃ ।
US-P03.002cd অজ্ঞেয়ত্বেঽস্য কিং তৈঃ স্যাদাত্মত্বে ত্বন্যধীহ্নুতিঃ ॥

US-P03.003ab মিথ্যাধ্যাসনিষেধার্থং ততোঽস্থূলাদি গৃহ্যতাম্ ।
US-P03.003cd পরত্র চেন্ নিষেধার্থং শূন্যতাবরণং হি তত্ ॥

US-P03.004ab বুভুত্সোর্যদি চান্যত্র প্রত্যগাত্মন ইষ্যতে ।
US-P03.004cd অপ্রাণো হ্যমনাঃ শুভ্র ইতি চানর্থকং বচঃ ॥

US-P04.001ab অহংপ্রত্যয়বীজং য়দহংপ্রত্যয়বত্স্থিতম্ ।
US-P04.001cd নাহংপ্রত্যয়বহ্ন্যুষ্টং কথং কর্ম প্ররোহতি ॥

US-P04.002ab দৃষ্টবচ্ চেত্ প্ররোহঃ স্যান্ নান্যকর্মা স ইষ্যতে ।
US-P04.002cd তন্নিরোধে কথং তত্ স্যাত্ পৃচ্ছামো বস্তদুচ্যতাম্ ॥

US-P04.003ab দেহাদ্যারম্ভসামর্থ্যাজ্ জ্ঞানং সদ্বিষয়ং ত্বয়ি ।
US-P04.003cd অভিভূয় ফলং কুর্যাত্ কর্মান্তে জ্ঞানমুদ্ভবেত্ ॥

US-P04.004ab আরব্ধস্য ফলে হ্যেতে ভোগো জ্ঞানং চ কর্মণঃ ।
US-P04.004cd অবিরোধস্তয়োর্যুক্তো বৈধর্ম্যং চেতরস্য তু ॥

US-P04.005ab দেহাত্মজ্ঞানবজ্ জ্ঞানং দেহাত্মজ্ঞানবাধকম্ ।
US-P04.005cd আত্মন্যেব ভবেদ্ য়স্য স নেচ্ছন্নপি মুচ্যতে ॥

US-P05.001ab মূত্রাশঙ্কো য়থোদঙ্কো নাগ্রহীদমৃতং মুনিঃ ।
US-P05.001cd কর্মনাশভয়াজ্ জন্তোরাত্মজ্ঞানাগ্রহস্তথা ॥

US-P05.002ab বুদ্ধিস্থশ্চলতীবাত্মা ধ্যায়তীব চ দৃশ্যতে ।
US-P05.002cd নৌগতস্য য়থা বৃক্ষাস্তদ্বত্ সংসারবিভ্রমঃ ॥

US-P05.003ab নৌস্থস্য প্রাতিলোম্যেন নগানাং গমনং য়থা ।
US-P05.003cd আত্মনঃ সংসৃতিস্তদ্বদ্ ধ্যায়তীবেতি হি শ্রুতিঃ ॥

US-P05.004ab চৈতন্যপ্রতিবিম্বেন ব্যাপ্তো বোধো হি জায়তে ।
US-P05.004cd বুদ্ধেঃ শব্দাদিনির্ভাসস্তেন মোমুহ্যতে জগত্ ॥

US-P05.005ab চৈতন্যাভাসতাহমস্তাদর্থ্যং চ তদস্য য়ত্ ।
US-P05.005cd ইদমংশপ্রহাণে ন পরঃ সোঽনুভবো ভবেত্ ॥

US-P06.001ab ছিত্ত্বা ত্যক্তেন হস্তেন স্বয়ং নাত্মা বিশেষ্যতে ।
US-P06.001cd তথা শিষ্টেন সর্বেণ য়েন য়েন বিশেষ্যতে ॥

US-P06.002ab তস্মাত্ ত্যক্তেন হস্তেন তুল্যং সর্বং বিশেষণম্ ।
US-P06.002cd অনাত্মত্বেন তস্মাজ্ জ্ঞো মুক্তঃ সর্ববিশেষণৈঃ ॥

US-P06.003ab বিশেষণমিদং সর্বং জ্ঞাত আত্মন্যসদ্ ভবেত্ ।
US-P06.003cd অবিদ্যাস্তমতঃ সর্বং জ্ঞাত আত্মন্যসদ্ ভবেত্ ॥

US-P06.004ab জ্ঞাতৈবাত্মা সদা গ্রাহ্যো জ্ঞেয়মুত্সৃজ্য কেবলঃ ।
US-P06.004cd অহমিত্যপি য়দ্ গ্রাহ্যং ব্যপেতাঙ্গসমং হি তত্ ॥

US-P06.005ab য়াবান্ স্যাদিদমংশো য়ঃ স স্বতোঽন্যো বিশেষণম্ ।
US-P06.005cd বিশেষপ্রক্ষয়ো য়ত্র সিদ্ধো জ্ঞশ্চিত্রগুর্যথা ॥

US-P06.006ab ইদমংশোঽহমিত্যত্র ত্যাজ্যো নাত্মেতি পণ্ডিতৈঃ ।
US-P06.006cd অহং ব্রহ্মেতি শিষ্টোঽংশো ভূতপূর্বগতের্ভবেত্ ॥

US-P07.001ab বুদ্ধ্যারূঢং সদা সর্বং দৃশ্যতে য়ত্র তত্র বা ।
US-P07.001cd ময়া তস্মাত্ পরং ব্রহ্ম সর্বজ্ঞশ্চাস্মি সর্বগঃ ॥

US-P07.002ab য়থামবুদ্ধিচারাণাং সাক্ষী তদ্বত্ পরেষ্বপি ।
US-P07.002cd নৈবাপোঢুং ন বাদাতুং শক্যস্তস্মাত্ পরো হ্যহম্ ॥

US-P07.003ab বিকারিত্বমশুদ্ধত্বং ভৌতিকত্বং ন চাত্মনঃ ।
US-P07.003cd অশেষবুদ্ধিসাক্ষিত্বাদ্ বুদ্ধিবচ্ চাল্পবেদনা ॥

US-P07.004ab মণৌ প্রকাশ্যতে য়দ্বদ্ রক্তাদ্যাকারতাতপে ।
US-P07.004cd ময়ি সংদৃশ্যতে সর্বমাতপেনেব তন্ ময়া ॥

US-P07.005ab বুদ্ধৌ দৃশ্যং ভবেদ্ বুদ্ধৌ সত্যাং নাস্তি বিপর্যয়ে ।
US-P07.005cd দ্রষ্টা য়স্মাত্ সদা দ্রষ্টা তস্মাদ্ দ্বৈতং ন বিদ্যতে ॥

US-P07.006ab অবিবেকাত্ পরাভাবং য়থা বুদ্ধিরবেত্ তথা ।
US-P07.006cd বিবেকাত্ তু পরাদন্যঃ স্বয়ং চাপি ন বিদ্যতে ॥

US-P08.001ab চিতিস্বরূপং স্বত এব মে মতে রসাদিয়োগস্তব মোহকারিতঃ ।
US-P08.001cd অতো ন কিংচিত্ তব চেষ্টিতেন মে ফলং ভবেত্ সর্ববিশেষহানতঃ ॥

US-P08.002ab বিমুচ্য মায়াময়কার্যতামিহ প্রশান্তিমায়াহ্যসদীহিতাত্ সদা ।
US-P08.002cd অহং পরং ব্রহ্ম সদা বিমুক্তবত্ তথাজমেকং দ্বয়বর্জিতং য়তঃ ॥

US-P08.003ab সদা চ ভূতেষু সমোঽস্মি কেবলো য়থা চ খং সর্বগমক্ষরং শিবম্ ।
US-P08.003cd নিরন্তরং নিষ্কলমক্রিয়ং পরং ততো ন মেঽস্তীহ ফলং তবেহিতৈঃ ॥

US-P08.004ab অহং মমৈকো ন তদন্যদিষ্যতে তথা ন কস্যাপ্যহমস্ম্যসঙ্গতঃ ।
US-P08.004cd অসঙ্গরূপোঽহমতো ন মে ত্বয়া কৃতেন কার্যং তব চাদ্বয়ত্বতঃ ॥

US-P08.005ab ফলে চ হেতৌ চ জনো বিষক্তবানিতি প্রচিন্যাহমতো বিমোক্ষণে ।
US-P08.005cd জনস্য সংবাদমিমং প্রক্ল়্প্তবান্ স্বরূপতত্ত্বার্থবিবোধকারণম্ ॥

US-P08.006ab সংবাদমেতং য়দি চিন্তয়েন্ নরো বিমুচ্যতেঽজ্ঞানমহাভয়াগমাত্ ।
US-P08.006cd বিমুক্তকামশ্চ তথা জনঃ সদা চরত্যশোকঃ সম আত্মবিত্ সুখী ॥

US-P09.001ab সূক্ষ্মতাব্যাপিতে জ্ঞেয়ে গন্ধাদেরুত্তরোত্তরম্ ।
US-P09.001cd প্রত্যগাত্মাবসানেষু পূর্বপূর্বপ্রহাণতঃ ॥

US-P09.002ab শারীরা পৃথিবী তাবদ্ য়াবদ্ বাহ্যা প্রমাণতঃ ।
US-P09.002cd অবাদীনি চ তত্ত্বানি তাবজ্ জ্ঞেয়ানি কৃত্স্নশঃ ॥

US-P09.003ab বায়্বাদীনাং য়থোত্পত্তেঃ পূর্বং খং সর্বগং তথা ।
US-P09.003cd অহমেকঃ সদা সর্বশ্চিন্মাত্রঃ সর্বগোঽদ্বয়ঃ ॥

US-P09.004ab ব্রহ্মাদ্যাঃ স্থাবরান্তা য়ে প্রাণিনো মম পূঃ স্মৃতাঃ ।
US-P09.004cd কামক্রোধাদয়ো দোষা জায়েরন্ মে কুতোঽন্যতঃ ॥

US-P09.005ab ভূতদোষৈঃ সদাস্পৃষ্টং সর্বভূতস্থমীশ্বরম্ ।
US-P09.005cd নীলং ব্যোম য়থা বালো দূষ্টং মাং বীক্ষতে জনঃ ॥

US-P09.006ab মচ্চৈতন্যাবভাস্যত্বাত্ সর্বপ্রাণিধিয়াং সদা ।
US-P09.006cd পূর্মম প্রাণিনঃ সর্বে সর্বজ্ঞস্য বিপাপ্মনঃ ॥

US-P09.007ab জনিমজ্ জ্ঞানবিজ্ঞেয়ং স্বপ্নজ্ঞানবদিষ্যতে ।
US-P09.007cd নিত্যং নির্বিষয়ং জ্ঞানং তস্মাদ্ দ্বৈতং ন বিদ্যতে ॥

US-P09.008ab জ্ঞাতুর্জ্ঞাতির্হি নিত্যোক্তা সুষুপ্তে ত্বন্যশূন্যতঃ ।
US-P09.008cd জাগ্রজ্জ্ঞাতিস্ত্ববিদ্যাতস্তদ্ গ্রাহ্যং চাসদিষ্যতাম্ ॥

US-P09.009ab রূপবত্ত্বাদ্যসত্ত্বান্ ন দৃষ্ট্যাদেঃ কর্মতা য়থা ।
US-P09.009cd এবং বিজ্ঞানকর্মত্বং ভূম্নো নাস্তীতি গম্যতে ॥

US-P10.001ab দৃশিস্বরূপং গগনোপমং পরং সকৃদ্বিভাতং ত্বজমেকমক্ষরম্ ।
US-P10.001cd অলেপকং সর্বগতং য়দদ্বয়ং তদেব চাহং সততং বিমুক্ত ওম্ ॥

US-P10.002ab দৃষিস্তু শুদ্ধোঽহমবিক্রিয়াত্মকো ন মেঽস্তি কশ্চিদ্ বিশয়ঃ স্বভাবতঃ ।
US-P10.002cd পুরস্তিরশ্চোর্ধ্বমধশ্চ সর্বতঃ সুপূর্ণভূমা ত্বজ আত্মনি স্থিতঃ ॥

US-P10.003ab অজোঽমরশ্চৈব তথাজরোঽমৃতঃ স্বয়ংপ্রভঃ সর্বগতোঽহমদ্বয়ঃ ।
US-P10.003cd ন কারণং কার্যমতীব নির্মলঃ সদৈব তৃপ্তশ্চ ততো বিমুক্ত ওম্ ॥

US-P10.004ab সুষুপ্তজারত্স্বপতশ্চ দর্শনং ন মেঽস্তি কিংচিত্ স্বমিবেহ মোহনম্ ।
US-P10.004cd স্বতশ্চ তেষাং পরতোঽপ্যসত্ত্বতস্তুরীয় এবাস্মি সদা দৃগদ্বয়ঃ ॥

US-P10.005ab শরীরবুদ্ধীন্দ্রিয়দুঃখসংততির্ন মে ন চাহং মম নির্বিকারতঃ ।
US-P10.005cd অসত্ত্বহেতোশ্চ তথৈব সংততেরসত্ত্বমস্যাঃ স্বপতো হি দৃশ্যবত্ ॥

US-P10.006ab ইদং তু সত্যং মম নাস্তি বিক্রিয়া বিকারহেতুর্ন হি মেঽদ্বয়ত্বতঃ ।
US-P10.006cd ন পুণ্যপাপে ন চ মোক্ষবন্ধনে ন চাস্তি বর্ণশ্রমতাশঈরতঃ ॥

US-P10.007ab অনাদিতো নির্গুণতো ন কর্ম মে ফলং চ তস্মাত্ পরমোঽহমদ্বয়ঃ ।
US-P10.007cd য়থা নভঃ সর্বগতং ন লিপ্যতে তথা হ্যহং দেহগতোঽপি সূক্ষ্মতঃ ॥

US-P10.008ab সদা চ ভূতেষু সমোঽহমীশ্বরঃ ক্ষরাক্ষরাভ্যাং পরমো হ্যথোত্তমঃ ।
US-P10.008cd পরাত্মতত্ত্বশ্চ তথাদ্বয়োঽপি সন্ বিপর্যয়েণাভিবৃতস্ত্ববিদ্যয়া ॥

US-P10.009ab অবিদ্যয়া ভাবনয়া চ কর্মভির্বিবিক্ত আত্মাব্যবধিঃ সুনির্মলঃ ।
US-P10.009cd দৃগাদিশক্তিপ্রচিতোঽহমদ্বয়ঃ স্থিতঃ স্বরূপে গগনং য়থাচলম্ ॥

US-P10.010ab অহং পরং ব্রহ্ম বিনিশ্চয়াত্মদৃঞ্ ন জায়তে ভূয় ইতি শ্রুতের্বচঃ ।
US-P10.010cd ন চৈব বীজে ত্বসতি প্রজায়তে ফলং ন জন্মাস্তি ততো হ্যমোহতা ।
US-P10.011ab মমেদমিত্থং চ তবাদ ঈদৃশং তথাহমেবং ন পরোঽপি চান্যথা ।
US-P10.011cd বিমূঢতৈবস্য জনস্য কল্পনা সদা সমে ব্রহ্মণি চাদ্বয়ে শিবে ॥

US-P10.012ab য়দদ্বয়ং জ্ঞানমতীব নির্মলং মহাত্মনাং তত্র ন শোকমোহতা ।
US-P10.012cd তয়োরভাবে ন হি কর্ম জন্ম বা ভবেদয়ং বেদবিদাং বিনিশ্চয়ঃ ॥

US-P10.013ab সুষুপ্তবজ্ জাগ্রতি য়ো ন পশ্যতি দ্বয়ং তু পশ্যন্নপি চাদ্বয়তঃ ।
US-P10.013cd তথা চ কুর্বন্নপি নিষ্ক্রিয়শ্চ য়ঃ স আত্মবিন্ নান্য ইতীহ নিশ্চয়ঃ ॥

US-P10.014ab ইতীদমুক্তং পরমার্থদর্শনং ময়া হি বেদান্তবিনিশ্চিতং পরম্ ।
US-P10.014cd বিমুচ্যতেঽস্মিন্ য়দি নিশ্চিতো ভবেন্ ন লিপ্যতে ব্যোমবদেব কর্মভিঃ ॥

US-P11.001ab ঈক্ষিতৃত্বং স্বতঃসিদ্ধং জন্তূনাং চ ততোঽন্যতা ।
US-P11.001cd অজ্ঞানাদিত্যতোঽন্যত্বং সদসীতি নিবর্ত্যতে ॥

US-P11.002ab এতাবদ্ ধ্যমৃতত্বং ন কিংচিদন্যত্ সহায়কম্ ।
US-P11.002cd জ্ঞানস্যেতি ব্রুবচ্ছাস্ত্রং সলিঙ্গং কর্ম বাধতে ॥

US-P11.003ab সর্বেষাং মনসো বৃত্তমবিশেষেণ পশ্যতঃ ।
US-P11.003cd তস্য মে নির্বিকারস্য বিশেষঃ স্যাত্ কথংচন ॥

US-P11.004ab মনোবৃত্তং মনশ্চৈব স্বপ্নবজ্ জাগ্রতীক্ষিতুঃ ।
US-P11.004cd সম্প্রসাদে দ্বয়াসত্ত্বাচ্ চিন্মাত্রঃ সর্বগোঽদ্বয়ঃ ॥

US-P11.005ab স্বপ্নঃ সত্যো য়থা ঽঽবোধাদ্ দেহাত্মত্বং তথৈব চ ।
US-P11.005cd প্রত্যক্ষাদেঃ প্রমাণত্বং জাগ্রত্ স্যাদা ঽঽত্মবেদনাত্ ॥

US-P11.006ab ব্যোমবত্ সর্বভূতস্থো ভূতদোষৈর্বিবর্জিতঃ ।
US-P11.006cd সাক্ষী চেতাঽগুণঃ শুদ্ধো ব্রহ্মৈবাস্মীতি কেবলঃ ॥

US-P11.007ab নামরূপক্রিয়াভ্যোঽন্যো নিত্যমুক্তস্বরূপবান্ ।
US-P11.007cd অহমাত্মা পরং ব্রহ্ম চিন্মাত্রোঽহং সদাদ্বয়ঃ ॥

US-P11.008ab অহং ব্রহ্মাস্মি কর্তা চ ভোক্তা চাস্মীতি য়ে বিদুঃ ।
US-P11.008cd তে নষ্টা জ্ঞানকর্মভ্যাং নাস্তিকাঃ স্যুর্ন সংশয়ঃ ॥

US-P11.009ab ধর্মাধর্মফলৈর্যোগ ইষ্টোঽদৃষ্টো য়থাত্মনঃ ।
US-P11.009cd শাস্ত্রাদ্ ব্রহ্মত্বমপ্যস্য মোক্ষো জ্ঞানাত্ তথেষ্যতাম্ ॥

US-P11.010ab য়া মাহারাজনাদ্যাস্তা বাসনাঃ স্বপ্নদর্শিভিঃ ।
US-P11.010cd অনুভূয়ন্ত এবেহ ততোঽন্যঃ কেবলো দৃষিঃ ॥

US-P11.011ab কোশাদিব বিনিষ্কৃষ্টঃ কার্যকারণবর্জিতঃ ।
US-P11.011cd য়থাসির্দৃশ্যতে স্বপ্নে তদ্বদ্ বোদ্ধা স্বয়ংপ্রভঃ ॥

US-P11.012ab আপেষাত্ প্রতিবুদ্ধস্য জ্ঞস্য স্বাভাবিকং পদম্ ।
US-P11.012cd উক্তং নেত্যাদিবাক্যেন কল্পিতস্যাপনেতৃণা ॥

US-P11.013ab মহারাজাদয়ো লোকা ময়ি য়দ্বত্ প্রকল্পিতাঃ ।
US-P11.013cd স্বপ্নে তদ্বদ্ দ্বয়ং বিদ্যাদ্ রূপং বাসনয়া সহ ॥

US-P11.014ab দেহলিঙ্গাত্মনা কার্যা বাসনারূপিণা ক্রিয়া ।
US-P11.014cd নেতিনেত্যাত্মরূপত্বান্ ন মে কার্যা ক্রিয়া ক্বচিত্ ॥

US-P11.015ab ন ততোঽমৃততাশাস্তি কর্মণোঽজ্ঞানহেতুতঃ ।
US-P11.015cd মোক্ষস্য জ্ঞানহেতুত্বান্ ন তদন্যদপেক্ষতে ॥

US-P11.016ab অমৃতং চাভয়ং নার্তং নেতীত্যাত্মা প্রিয়ো মম ।
US-P11.016cd বিপরীতমতোঽন্যদ্ য়ত্ ত্যজেত্ তত্ সক্রিয়ং ততঃ ॥

US-P12.001ab প্রকাশস্থং য়থা দেহং সালোকমভিমন্যতে ।
US-P12.001cd দ্রষ্ট্রাভাসং তথা চিত্তং দ্রষ্টাহমিতি মন্যতে ॥

US-P12.002ab য়দেব দৃষ্যতে লোকে তেনাভিন্নত্বমাত্মনঃ ।
US-P12.002cd প্রপদ্যতে ততো মূঢস্তেনাত্মানং ন বিন্দতি ॥

US-P12.003ab দশমস্য নবাত্মত্বপ্রতিপত্তিবদাত্মনঃ ।
US-P12.003cd দৃশ্যেষু তদ্বদেবায়ং মূঢো লোকো ন চান্যথা ॥

US-P12.004ab ত্বং কুরু ত্বং তদেবেতি প্রত্যয়াবেককালিকৌ ।
US-P12.004cd একনীডৌ কথং স্যাতাং বিরুদ্ধৌ ন্যায়তো বদ ॥

US-P12.005ab দেহাভিমানিন্ দুঃখং নাদেহস্যস্বভাবতঃ ।
US-P12.005cd স্বাপবত্ তত্প্রহাণায় তত্ ত্বমিত্যুচ্যতে দৃশেঃ ॥

US-P12.006ab দৃশেশ্ছায়া য়দারূঢা মুখচ্ছায়েব দর্শনে ।
US-P12.006cd পশ্যংস্তং প্রত্যয়ং য়োগী দৃষ্ট আত্মেতি মন্যতে ॥

US-P12.007ab তং চ মূঢং চ য়দ্যন্যং প্রত্যয়ং বেত্তি নো দৃশেঃ ।
US-P12.007cd স এব য়োগিনাং শ্রেষ্ঠো নেতরঃ স্যান্ ন সংশয়ঃ ॥

US-P12.008ab বিজ্ঞাতের্যস্তু বিজ্ঞাতা স ত্বমিত্যুচ্যতে য়তঃ ।
US-P12.008cd স স্যাদনুভবস্তস্য ততোঽন্যোঽনুভবো মৃষা ॥

US-P12.009ab দৃশিরূপে সদা নিত্যে দর্শনাদর্শনে ময়ি ।
US-P12.009cd কথং স্যাতাং ততো নান্য ইষ্যতেঽনুভবস্ততঃ ॥

US-P12.010ab য়ত্স্থস্তাপো রবের্দেহে দৃশেঃ স বিষয়ো য়থা ।
US-P12.010cd সত্ত্বস্থস্তদ্বদেবেহ দৃশেঃ স বিষয়স্তথা ॥

US-P12.011ab প্রতিষিদ্ধেদমংশো জ্ঞঃ খমিবৈকরসোঽদ্বয়ঃ ।
US-P12.011cd নিত্যমুক্তস্তথা শুদ্ধঃ সোঽহং ব্রহ্মাস্মি কেবলঃ ॥

US-P12.012ab বিজ্ঞাতুর্নৈব বিজ্ঞাতা পরোঽন্যঃ সংভবত্যতঃ ।
US-P12.012cd বিজ্ঞাতাহং পরো মুক্তঃ সর্বভূতেষু সর্বদা ॥

US-P12.013ab য়ো বেদালুপ্তদৃষ্টিত্বমাত্মনোঽকর্তৃতাং তথা ।
US-P12.013cd ব্রহ্মবিত্ত্বং তথা মুক্ত্বা স আত্মজ্ঞো ন চেতরঃ ॥

US-P12.014ab জ্ঞাতৈবাহমবিজ্ঞেয়ঃ শুদ্ধো মুক্তঃ সদেত্যপি ।
US-P12.014cd বিবেকী প্রত্যয়ো বুদ্ধের্দৃশ্যত্বান্ নাশবত্ত্বতঃ ॥

US-P12.015ab অলুপ্তা ত্বাত্মনো দৃষ্টির্নোত্পাদ্যা কারকৈর্যতঃ ।
US-P12.015cd দৃশ্যয়া চান্যয়া দৃষ্ট্যা জন্যতাস্যাঃ প্রকল্পিতা ॥

US-P12.016ab দেহাত্মবুদ্ধ্যপেক্ষত্বাদাত্মনঃ কর্তৃতা মৃষা ।
US-P12.016cd নৈব কিংচিত্ করোমীতি সত্যা বুদ্ধিঃ প্রমাণজা ॥

US-P12.017ab কর্তৃত্বং কারকাপেক্ষমকর্তৃত্বং স্বভাবতঃ ।
US-P12.017cd কর্তা ভোক্তেতি বিজ্ঞানং মৃষৈবেতি সুনিশ্চিতম্ ॥

US-P12.018ab এবং শাস্ত্রানুমানাভ্যাং স্বরূপেঽবগতে সতি ।
US-P12.018cd নিয়োজ্যোঽহমিতি হ্যেষা সত্যা বুদ্ধিঃ কথং ভবেত্ ॥

US-P12.019ab য়থা সর্বান্তরং ব্যোম ব্যোম্নোঽপ্যভ্যন্তরো হ্যহম্ ।
US-P12.019cd নির্বিকারোঽচলঃ শুদ্ধোঽজরো মুক্তঃ সদাদ্বয়ঃ ॥

US-P13.001ab অচক্ষুষ্ট্বান্ ন দৃষ্টির্মে তথাশ্রোতস্য কা শ্রুতিঃ ।
US-P13.001cd অবাক্ত্বান্ ন তু বক্তিঃ স্যাদমনস্ত্বান্ মতিঃ কুতঃ ॥

US-P13.002ab অপ্রাণস্য ন কর্মাস্তি বুদ্ধ্যভাবে ন বেদিতা ।
US-P13.002cd বিদ্যাবিদ্যে ততো ন স্তশ্চিন্মাত্রজ্যোতিষো মম ॥

US-P13.003ab নিত্যমুক্তস্য শুদ্ধস্য কূটস্থস্যাবিচালিনঃ ।
US-P13.003cd অমৃতস্যাক্ষরস্যৈবমশরীরস্য সর্বদা ॥

US-P13.004ab জিঘত্সা বা পিপাসা বা শোকমোহৌ জরামৃতী ।
US-P13.004cd ন বিদ্যন্তেঽশরীরত্বাদ্ ব্যোমবদ্ ব্যাপিনো মম ॥

US-P13.005ab অস্পর্শত্বান্ ন মে স্পৃষ্টির্নাজিহ্বত্বাদ্ রসজ্ঞতা ।
US-P13.005cd নিত্যবিজ্ঞানরূপস্য জ্ঞানাজ্ঞানে ন মে সদা ॥

US-P13.006ab য়া তু স্যান্ মানসী বৃত্তিশ্চাক্ষুষ্কা রূপরঞ্জনা ।
US-P13.006cd নিত্যমেবাত্মনো দৃষ্ট্যা নিত্যয়া দৃশ্যতে হি সা ॥

US-P13.007ab তথান্যেন্দ্রিয়য়ুক্তা য়া বৃত্তয়ো বিষয়াঞ্জনাঃ ।
US-P13.007cd স্মৃতী রাগাদিরূপা চ কেবলান্তর্মনস্যপি ॥

US-P13.008ab মানস্যস্তদ্বদন্যস্য দৃশ্যন্তে স্বপ্নবৃত্তয়ঃ ।
US-P13.008cd দ্রষ্টুর্দৃষ্টিস্ততো নিত্যা শুদ্ধানন্তা চ কেবলা ॥

US-P13.009ab অনিত্যা সাবিশুদ্ধেতি গৃহ্যতেঽত্রাবিবেকতঃ ।
US-P13.009cd সুখী দুঃখী তথা চাহং দৃশ্যয়োপাধিভূতয়া ॥

US-P13.010ab মূঢয়া মূঢ ইত্যেবং শুদ্ধয়া শুদ্ধ ইত্যপি ।
US-P13.010cd মন্যতে সর্বলোকোঽয়ং য়েন সংসারং ঋচ্ছতি ॥

US-P13.011ab অচক্ষুষ্ট্বাদিশাস্ত্রোক্তং সবাহ্যাভ্যন্তরং হ্যজম্ ।
US-P13.011cd নিত্যমুক্তমিহাত্মানং মুমুক্ষুশ্চেত্ সদা স্মরেত্ ॥

US-P13.012ab অচক্ষুষ্ট্বাদিশাস্ত্রাচ্ চ নেন্দ্রিয়াণি সদা মম ।
US-P13.012cd অপ্রাণো হ্যমনাঃ শুভ্র ইতি চাথর্বণে বচঃ ॥

US-P13.013ab শব্দাদীনামভাবশ্চ শ্রূয়তে মম কাঠকে ।
US-P13.013cd অপ্রাণো হ্যমনা য়স্মাদবিকারী সদা হ্যহম্ ॥

US-P13.014ab বিক্ষেপো নাস্তি তস্মান্ মে ন সমাধিস্ততো মম ।
US-P13.014cd বিক্ষেপো বা সমাধির্বা মনসঃ স্যাদ্ বিকারিণঃ ॥

US-P13.015ab অমনস্কস্য শুদ্ধস্য কথং তত্ স্যাদ্ দ্বয়ং মম ।
US-P13.015cd অমনস্ত্বাবিকারিত্বে বিদেহব্যাপিনো মম ॥

US-P13.016ab ইত্যেতদ্ য়াবদজ্ঞানং তাবত্ কার্যং মমাভবত্ ।
US-P13.016cd নিত্যমুক্তস্য শুদ্ধস্য বুদ্ধস্য চ সদা মম ॥

US-P13.017ab সমাধির্বাসমাধির্বা কার্যং বান্যত্ কুতো ভবেত্ ।
US-P13.017cd মাং হি ধ্যাত্বা চ বুদ্ধ্বা চ মন্যন্তে কৃতকৃত্যতাম্ ॥

US-P13.018ab অহং ব্রহ্মাস্মি সর্বোঽস্মি শুদ্ধো বুদ্ধোঽসিতঃ সদা ।
US-P13.018cd অজঃ সর্বগ এবাহমজরশ্চামৃতোঽক্ষয়ঃ ॥

US-P13.019ab মদন্যঃ সর্বভূতেষু বোদ্ধা কশ্চিন্ ন বিদ্যতে ।
US-P13.019cd কর্মাধ্যক্ষশ্চ সাক্ষী চ চেতা নিত্যোঽগুণোঽদ্বয়ঃ ॥

US-P13.020ab ন সচ্ চাহং ন চাসচ্ চ নোভয়ং কেবলঃ শিবঃ ।
US-P13.020cd ন মে সংধ্যা ন রাত্রির্বা নাহর্বা সর্বদা দৃশেঃ ॥

US-P13.021ab সর্বমূর্তিবিয়ুক্তং য়দ্ য়থা খং সূক্ষ্মমদ্বয়ম্ ।
US-P13.021cd তেনাপ্যস্মি বিনাভূতং ব্রহ্মৈবাহং তথাদ্বয়ম্ ॥

US-P13.022ab মমাত্মাস্য ত আত্মেতি ভেদো ব্যোম্নো য়থা ভবেত্ ।
US-P13.022cd একস্য সুষিভেদেন তথা মম বিকল্পিতঃ ॥

US-P13.023ab ভেদোঽভেদস্তথা চৈকো নানা চেতি বিকল্পিতম্ ।
US-P13.023cd জ্ঞেয়ং জ্ঞাতা গতির্গন্তা ময়্যেকস্মিন্ কুতো ভবেত্ ॥

US-P13.024ab ন মে হেয়ং ন চাদেয়মবিকারী য়তো হ্যহম্ ।
US-P13.024cd সদা মুক্তস্তথা শুদ্ধঃ সদা বুদ্ধোঽগুণোঽদ্বয়ঃ ॥

US-P13.025ab ইত্যেবং সর্বদাত্মানাং বিদ্যাত্ সর্বং সমাহিতঃ ।
US-P13.025cd বিদিত্বা মাং স্বদেহস্থং ঋষির্মুক্তো ধ্রুবো ভবেত্ ॥

US-P13.026ab কৃতকৃত্যশ্চ সিদ্ধশ্চ য়োগী ব্রাহ্মণ এব চ ।
US-P13.026cd য়দৈবং বেদ তত্ত্বার্থমন্যথা হ্যাত্মহা ভবেত্ ॥

US-P13.027ab বেদার্থো নিশ্চিতো হ্যেষ সমাসেন ময়োদিতঃ ।
US-P13.027cd সংন্যাসিভ্যঃ প্রবক্তব্যঃ শান্তেভ্যঃ শিষ্টবুদ্ধিনা ॥

US-P14.001ab স্বপ্নস্মৃত্যোর্ঘটাদের্হি রূপাভাসঃ প্রদৃশ্যতে ।
US-P14.001cd পুরা নূনং তদাকারা ধীর্দৃষ্টেত্যনুমীয়তে ॥

US-P14.002ab ভিক্ষাম৩অন্ য়থা স্বপ্নে দৃষ্টো দেহো ন স স্বয়ম্ ।
US-P14.002cd জাগ্রদ্দৃশ্যাত্ তথা দেহাদ্ দ্রষ্টৃত্বাদন্য এব সঃ ॥

US-P14.003ab মূষাসিক্তং য়থা তাম্রং তন্নিভং জায়তে তথা ।
US-P14.003cd রূপাদীন্ ব্যাপ্নুবচ্ চিত্তং তন্নিভং দৃশ্যতে ধ্রুবম্ ॥

US-P14.004ab ব্যঞ্জকো বা য়থালোকো ব্যঙ্গ্যস্যাকারতামিয়াত্ ।
US-P14.004cd সর্বার্থব্যঞ্জকত্বাদ্ ধিরর্থাকারা প্রদৃশ্যতে ॥

US-P14.005ab ধীরেবার্থস্বরূপা হি পুংসা দৃষ্টা পুরাপি চ ।
US-P14.005cd ন চেত্ স্বপ্নে কথং পশ্যেত্ স্মরতো বাকৃতিঃ কুতঃ ॥

US-P14.006ab ব্যঞ্জকত্বং তদেবাস্যা রূপাদ্যাকারদৃশ্যতা ।
US-P14.006cd দ্রষ্টৃত্বং চ দৃশেস্তদ্বদ্ ব্যাপ্তিঃ স্যাদ্ ধিয় উদ্ভবে ॥

US-P14.007ab চিন্মাত্রজ্যোতিষা সর্বাঃ সর্বদেহেষু বুদ্ধয়ঃ ।
US-P14.007cd ময়া য়স্মাত্ প্রকাশ্যন্তে সর্বস্যাত্মা ততো হ্যহম্ ॥

US-P14.008ab করণং কর্ম কর্তা চ ক্রিয়া স্বপ্নে ফলং চ ধীঃ ।
US-P14.008cd জাগ্রত্যেবং য়তো দৃষ্টা দ্রষ্টা তস্মাত্ ততোঽন্যথা ॥

US-P14.009ab বুদ্ধ্যাদীনামনাত্মত্বং হেয়োপাদেয়রূপতঃ ।
US-P14.009cd হানোপাদানকর্তাত্মা ন ত্যাজ্যো ন চ গৃহ্যতে ॥

US-P14.010ab সবাহ্যাভ্যন্তরে শুদ্ধে প্রজ্ঞানৈকরসে ঘনে ।
US-P14.010cd বাহ্যমাভ্যন্তরং চান্যত্ কথং হেয়ং প্রকল্প্যতে ॥

US-P14.011ab য় আত্মা নেতি নেতীতি পরাপোহেন শেষিতঃ ।
US-P14.011cd স চেদ্ ব্রহ্মবিদাত্মেষ্টো য়তেতাতঃ পরং কথম্ ॥

US-P14.012ab অশনায়াদ্যতিক্রান্তং ব্রহ্মৈবাস্মি নিরন্তরম্ ।
US-P14.012cd কার্যবান্ স্যাং কথং চাহং বিমৃশেদেবমঞ্জসা ॥

US-P14.013ab পারগস্তু য়থা নদ্যাস্তত্স্থঃ পারং য়িয়াসতি ।
US-P14.013cd আত্মজ্ঞশ্চেত্ তথা কার্যং কর্তুমন্যদিহেচ্ছতি ॥

US-P14.014ab আত্মজ্ঞস্যাপি য়স্য স্যাদ্ ধানোপাদানতা য়দি ।
US-P14.014cd অ মোক্ষার্হঃ স বিজ্ঞেয়ো বান্তোঽসৌ ব্রহ্মণা ধ্রুবম্ ॥

US-P14.015ab সাদিত্যং হি জগত্ প্রাণস্তস্মান্ নাহর্নিশৈব বা ।
US-P14.015cd প্রাণজ্ঞস্যাপি ন স্যাতাং কুতো ব্রহ্মবিদোঽদ্বয়ে ॥

US-P14.016ab ন স্মরত্যাত্মনো হ্যাত্মা বিস্মরেদ্ বাপ্যলুপ্তচিত্ ।
US-P14.016cd মনোঽপি স্মরতীত্যেতজ্ জ্ঞানমজ্ঞানহেতুজম্ ॥

US-P14.017ab জ্ঞাতুর্জ্ঞেয়ঃ পরো হ্যাত্মা সোঽবিদ্যাকল্পিতঃ স্মৃতঃ ।
US-P14.017cd অপোঢে বিদ্যয়া তস্মিন্ রজ্জ্বাং সর্প ইবাদ্বয়ঃ ॥

US-P14.018ab কর্তৃকর্মফলাভাবাত্ সবাহ্যাভ্যন্তরং হ্যজম্ ।
US-P14.018cd মমাহং চেতি য়ো ভাবস্তস্মিন্ কস্য কুতো ভবেত্ ॥

US-P14.019ab আত্মা হ্যাত্মীয় ইত্যেষ ভাবোঽবিদ্যাপ্রকল্পিতঃ ।
US-P14.019cd আত্মৈকত্বে হ্যসৌ নাস্তি বীজাভাবে কুতঃ ফলম্ ॥

US-P14.020ab দ্রষ্টৃ শ্রোতৃ তথা মন্তৃ বিজ্ঞাত্রেব তদক্ষরম্ ।
US-P14.020cd দ্রষ্ট্রাদ্যন্যন্ ন তদ্ য়স্মাত্ তস্মাদ্ দ্রষ্টাহমক্ষরম্ ॥

US-P14.021ab স্থাবরং জঙ্গমং চৈব দ্রষ্টৃত্বাদিক্রিয়ায়ুতম্ ।
US-P14.021cd সর্বমক্ষরমেবাতঃ সর্বস্যাত্মাক্ষরং ত্বহম্ ॥

US-P14.022ab অকার্যশেষমাত্মানমক্রিয়াত্মক্রিয়াফলম্ ।
US-P14.022cd নির্মমং নিরহংকারং য়ঃ পশ্যতি স পশ্যতি ॥

US-P14.023ab মমাহংকারয়ত্নেচ্ছাঃ শূন্যা এব স্বভাবতঃ ।
US-P14.023cd আত্মনীতি য়দি জ্ঞাতমাধ্বং স্বস্থাঃ কিমীহিতৈঃ ॥

US-P14.024ab য়োঽহংকর্তারমাত্মানং তথা বেত্তারমেব য়ঃ ।
US-P14.024cd বেত্ত্যনাত্মজ্ঞ এবাসৌ য়োঽন্যথাজ্ঞঃ স আত্মবিত্ ॥

US-P14.025ab য়থান্যত্বেঽপি তাদাত্ম্যং দেহাদিষ্বাত্মনো মতম্ ।
US-P14.025cd তথাকর্তুরবিজ্ঞানাত্ ফলকর্মাত্মতাত্মনঃ ॥

US-P14.026ab দৃষ্টিঃ শ্রুতির্মতির্জ্ঞাতিঃ স্বপ্নে দৃষ্টা জনৈঃ সদা ।
US-P14.026cd তাসামাত্মস্বরূপত্বাদতঃ প্রত্যক্ষতাত্মনঃ ॥

US-P14.027ab পরলোকভয়ং য়স্য নাস্তি মৃত্যুভয়ং তথা ।
US-P14.027cd তস্যাত্মজ্ঞস্য শোচ্যাঃ স্যুঃ সব্রহ্মেন্দ্রা অপীশ্বরাঃ ॥

US-P14.028ab ঈশ্বরত্বেন কিং তস্য ব্রহ্মেন্দ্রত্বেন বা পুনঃ ।
US-P14.028cd তৃষ্ণা চেত্ সর্বতশ্ছিন্না সর্বদৈন্যোদ্ভবাশুভা ॥

US-P14.029ab অহমিত্যাত্মধীর্যা চ মম্মেত্যাত্মীয়ধীরপি ।
US-P14.029cd অর্থশূন্যে য়দা য়স্য স আত্মজ্ঞো ভবেত্ তদা ॥

US-P14.030ab বুদ্ধ্যাদৌ সত্যুপাধৌ চ তথাসত্যবিশেষতা ।
US-P14.030cd য়স্য চেদাত্মনো জ্ঞাতা তস্য কার্যং কথং ভবেত্ ॥

US-P14.031ab প্রসন্নে বিমলে ব্যোম্নি প্রজ্ঞানৈকরসেঽদ্বয়ে ।
US-P14.031cd উত্পন্নাত্মধিয়ো ব্রূত কিমন্যত্ কার্যমিষ্যতে ॥

US-P14.032ab আত্মানং সর্বভূতস্থমমিত্রং চাত্মনোঽপি য়ঃ ।
US-P14.032cd পশ্যন্নিচ্ছত্যসৌ নূনং শীতীকর্তুং বিভাবসুম্ ॥

US-P14.033ab প্রজ্ঞাপ্রাণানুকার্যাত্মা ছায়েবাক্ষাদিগোচরঃ ।
US-P14.033cd ধ্যায়তীবেতি চোক্তো হি শুদ্ধো মুক্তঃ স্বতো হি সঃ ॥

US-P14.034ab অপ্রাণস্যামনস্কস্য তথাসংসর্গিণো দৃশেঃ ।
US-P14.034cd ব্যোমবদ্ ব্যাপিনো হ্যস্য কথং কার্যং ভবেন্ মম ॥

US-P14.035ab অসমাধীং ন পশ্যামি নির্বিকারস্য সর্বদা ।
US-P14.035cd ব্রহ্মণো মে বিশুদ্ধস্য শোধ্যং চান্যদ্ বিপাপ্মনঃ ॥

US-P14.036ab গন্তব্যং চ তথৈবাহং সর্বগস্যাচলস্য চ ।
US-P14.036cd নোর্ধ্বং নাধস্তিরো বাপি নিষ্কলস্যাগুণত্বতঃ ॥

US-P14.037ab চিন্মাত্রজ্যোতিষো নিত্যং তমস্তস্মিন্ ন বিদ্যতে ।
US-P14.037cd কথং কার্যং মমৈবাদ্য নিত্যমুক্তস্য শিষ্যতে ॥

US-P14.038ab অমনস্কস্য কা চিন্তা ক্রিয়া বানিন্দ্রিয়স্য কা ।
US-P14.038cd অপ্রাণো হ্যমনাঃ শুভ্র ইতি সত্যং শ্রুতের্বচঃ ॥

US-P14.039ab অকালত্বাদদেশত্বাদদিকত্বাদনিমিত্তঃ ।
US-P14.039cd আত্মনো নৈব কালাদেরপেক্ষা ধ্যায়তঃ সদা ॥

US-P14.040ab য়স্মিন্ দেবাশ্চ বেদশ্চ পবিত্রং কৃত্স্নমেকতাম্ ।
US-P14.040cd ব্রজেত্ তন্ মানসং তীর্থং য়স্মিন্ স্নাত্বামৃতো ভবেত্ ॥

US-P14.041ab ন চাস্তি শব্দাদিরনন্যবেদনঃ পরস্পরেণাপি ন চৈব দৃশ্যতে ।
US-P14.041cd পরেণ দৃশ্যাস্তু য়থা রসাদয়স্তথৈব দৃশ্যত্বত এব দৈহিকাঃ ॥

US-P14.042ab অহং মমেত্যেষণয়ত্নবিক্রিয়াঃ সুখাদয়স্তদ্বদিহ প্রদৃশ্যতঃ ।
US-P14.042cd দৃশ্যত্বয়োগাচ্ চ পরস্পরেণ তে ন দৃশ্যতাং য়ান্তি ততঃ পরো ভবেত্ ॥

US-P14.043ab অহংক্রিয়াদ্যা হি সমস্তবিক্রিয়া সকর্তৃকা কর্মফলেন সংহিতা ।
US-P14.043cd চিতিস্বরূপেণ সমন্ততোঽর্কবত্ প্রকাশ্যমানাসিততাত্মনো হ্যতঃ ॥

US-P14.044ab দৃশিস্বরূপেণ হি সর্বদেহিনাং বিয়দ্ য়থা ব্যাপ্য মনাংস্যবস্থিতঃ ।
US-P14.044cd অতো ন তস্মাদপরোঽস্তি বেদিতা পরোঽপি তস্মাদত এক ঈশ্বরঃ ॥

US-P14.045ab শরীরবুদ্ধ্যোর্যদি চান্যদৃশ্যতা নিরাত্মবাদাঃ সুনিরাকৃতা ময়া ।
US-P14.045cd পরশ্চ সিদ্ধো হ্যবিশুদ্ধিকর্মতঃ সুনির্মলঃ সর্বগতোঽসিতোঽদ্বয়ঃ ॥

US-P14.046ab ঘটাদিরূপং য়দি তে ন গৃহ্যতে মনঃ প্রবৃত্তং বহুধা স্ববৃত্তিভিঃ ।
US-P14.046cd অশুদ্ধ্যচিদ্রূপবিকারদোষতা মতের্যথা বারয়িতুং ন পার্যতে ॥

US-P14.047ab য়থা বিশুদ্ধং গগনং নিরন্তরং ন সজ্জতে নাপি চ লিপ্যতে তথা ।
US-P14.047cd সমস্তভূতেষু সদৈব তেষ্বয়ং সমঃ সদাত্মা হ্যজরোঽমরোঽভয়ঃ ॥

US-P14.048ab অমূর্তমূর্তানি চ কর্মবাসনা দৃশিস্বরূপস্য বহিঃ প্রকল্পিতাঃ ।
US-P14.048cd অবিদ্যয়া হ্যাত্মনি মূঢদৃষ্টিভিরপোহ্য নেতীতি অবশেষিতো দৃশিঃ ॥

US-P14.049ab প্রবোধরূপং মনসোঽর্থয়োগজং স্মৃতৌ চ সুপ্তস্য চ দৃশ্যতেঽর্থবত্ ।
US-P14.049cd তথৈব দেহপ্রতিমানতঃ পৃথগ্ দৃশেঃ শরীরং চ মনশ্চ দৃশ্যতঃ ॥

US-P14.050ab স্বভাবশুদ্ধে গগনে ঘনাদিকে মলেঽপায়তে সতি চাবিশেষতা ।
US-P14.050cd য়থা চ তদ্বচ্ ছ্রুতিবারিতদ্বয়ে সদাবিশেষো গগনোপমে দৃশৌ ॥

US-P15.001ab নান্যদন্যদ্ ভবেদ্ য়স্মান্ নান্যত্ কিংচিদ্ বিচিন্তয়েত্ ।
US-P15.001cd অন্যস্যান্যত্বভাবে হি নাশস্তস্য ধ্রুবো ভবেত্ ॥

US-P15.002ab স্মরতো দৃশ্যতে দৃষ্টং পটে চিত্রমিবার্পিতম্ ।
US-P15.002cd য়ত্র য়েন চ তৌ জ্ঞেয়ৌ সত্ত্বক্ষেত্রজ্ঞসংজ্ঞকৌ ॥

US-P15.003ab ফলান্তং চানুভূতং য়দ্ য়ুক্তং কর্ত্রাদিকারকৈঃ ।
US-P15.003cd স্মর্যমাণং হি কর্মস্থং পূর্বং কর্মৈব তত্ ততঃ ॥

US-P15.004ab দ্রষ্টুশ্চান্যদ্ ভবেদ্ দৃশ্যং দৃশ্যত্বাদ্ ঘটবত্ সদা ।
US-P15.004cd দৃশ্যাদ্ দ্রষ্টাসজাতীয়ো ন ধীবত্ সাক্ষিতান্যথা ॥

US-P15.005ab স্বাত্মবুদ্ধিমপেক্ষ্যাসৌ বিধীনাং স্যাত্ প্রয়োজকঃ ।
US-P15.005cd জাত্যাদিঃ শববত্ তেন তদ্বন্ নানাত্মতান্যথা ॥

US-P15.006ab ন প্রিয়াপ্রিয় ইত্যুক্তের্নাদেহত্বং ক্রিয়াফলম্ ।
US-P15.006cd দেহয়োগঃ ক্রিয়াহেতুস্তস্মাদ্ বিদ্বান্ ক্রিয়াস্ত্যজেত্ ॥

US-P15.007ab কর্মস্বাত্মা স্বতন্ত্রশ্চেন্ নিবৃত্তৌ চ তথেষ্যতাম্ ।
US-P15.007cd অদেহত্বে ফলেঽকার্যে জ্ঞাতে কুর্যাত্ কথং ক্রিয়াঃ ॥

US-P15.008ab জাত্যাদীন্ সম্পরিত্যজ্য নিমিত্তং কর্মণাং বুধঃ ।
US-P15.008cd কর্মহেতুবিরুদ্ধং য়ত্ স্বরূপং শাস্ত্রতঃ স্মরেত্ ॥

US-P15.009ab আত্মৈকঃ সর্বভূতেষু তানি তস্মিংশ্চ খে য়থা ।
US-P15.009cd পর্যগাদ্ ব্যোমবত্ সর্বং শুক্রং দীপ্তিমদিষ্যতে ॥

US-P15.010ab ব্রণস্নায়্বোরভাবেন স্থূলং দেহং নিবারয়েত্ ।
US-P15.010cd শুদ্ধাপাপতয়া লেপং লিঙ্গং চাকায়মিত্যুত ॥

US-P15.011ab বাস্দেবো য়থাশ্বত্থে স্বদেহে চাব্রবীত্ সমম্ ।
US-P15.011cd তদ্বদ্ বেত্তি য় আত্মানং সমং স ব্রহ্মবিত্তমঃ ॥

US-P15.012ab য়থা হ্যন্যশরীরেষু মমাহন্তা ন চেষ্যতে ।
US-P15.012cd অস্মিংশ্চাপি তথা দেহে ধীসাক্ষিত্বাবিশেষতঃ ॥

US-P15.013ab রূপসংস্কারতুল্যাধী রাগদ্বেষৌ ভয়ং চ য়ত্ ।
US-P15.013cd গৃহ্যতে ধীশ্রয়ং তস্মাজ্ জ্ঞাতা শুদ্ধোঽভয়ঃ সদা ॥

US-P15.014ab য়ন্মনাস্তন্ময়োঽন্যত্বে নাত্মত্বাপ্তৌ ক্রিয়াত্মনি ।
US-P15.014cd আত্মত্বে চানপেক্ষত্বাত্ সাপেক্ষং হি ন তত্ স্বয়ম্ ॥

US-P15.015ab খমিবৈকরসা জ্ঞপ্তিরবিভক্তাজরামলা ।
US-P15.015cd চক্ষুরাদ্যুপধানাত্ সা বিপরীতা বিভাব্যতে ॥

US-P15.016ab দৃশ্যত্বাদহমিত্যেষ নাত্মধর্মো ঘটাদিবত্ ।
US-P15.016cd তথান্যে প্রত্যয়া জ্ঞেয়া দোষশ্চাত্মমলো হ্যতঃ ॥

US-P15.017ab সর্বপ্রত্যয়সাক্ষিত্বাদবিকারী চ সর্বগঃ ।
US-P15.017cd বিক্রিয়েত য়দি দ্রষ্টা বুদ্ধ্যাদীবাল্পবিদ্ ভবেত্ ॥

US-P15.018ab ন দৃষ্টির্লুপ্যতে দ্রষ্টুশ্চক্ষুরাদের্যথৈব তু ।
US-P15.018cd নহি দ্রষ্টুরিতি হ্যুক্তং তস্মাদ্ দ্রষ্টা সদৈব ভুক্ ॥

US-P15.019ab সংঘাতো বাস্মি ভূতানাং করণানাং তথৈব চ ।
US-P15.019cd ব্যস্তং বান্যতমো বাস্মি কো বাস্মীতি বিচারয়েত্ ॥

US-P15.020ab ব্যস্তং নাহং সমস্তং বা ভূতমিন্দ্রিয়মেব বা ।
US-P15.020cd জ্ঞেয়ত্বাত্ করণত্বাচ্ চ জ্ঞাতান্যোঽস্মাদ্ ঘটাদিবত্ ॥

US-P15.021ab আত্মাগ্নেরিন্ধনা বুদ্ধিরবিদ্যাকামকর্মভিঃ ।
US-P15.021cd দীপিতা প্রজ্বলত্যেষা দ্বারৈঃ শ্রোত্রাদিভিঃ সদা ॥

US-P15.022ab দক্ষিণাক্ষিপ্রধানেষু য়দা বুদ্ধির্বিচেষ্টতে ।
US-P15.022cd বিষয়ৈর্হবিষা দীপ্তা আত্মাগ্নিঃ স্থূলভুক্ তদা ॥

US-P15.023ab হূয়ন্তে তু হবিংষীতি রূপাদিগ্রহণে স্মরন্ ।
US-P15.023cd অরাগদ্বেষ আত্মাগ্নৌ জাগ্রদ্দোষৈর্ন লিপ্যতে ॥

US-P15.024ab মানসে তু গৃহে ব্যক্তা অবিদ্যাকর্মবাসনাঃ ।
US-P15.024cd পশ্যংস্তৈজস আত্মোক্তঃ স্বয়ংজ্যোতিঃপ্রকাশিতাঃ ॥

US-P15.025ab বিষয়া বাসনা বাপি চোদ্যন্তে নৈব কর্মভিঃ ।
US-P15.025cd য়দা বুদ্ধৌ তদা জ্ঞেয়ঃ প্রাজ্ঞ আত্মা হ্যনন্যদৃক্ ॥

US-P15.026ab মনোবুদ্ধীন্দ্রিয়াণাং য়া অবস্থাঃ কর্মচোদিতাঃ ।
US-P15.026cd চৈতন্যেনৈব ভাস্যন্তে রবিণেব ঘটাদয়ঃ ॥

US-P15.027ab তত্রৈবং সতি বুদ্ধীর্জ্ঞ আত্মভাসাবভাসয়ন্ ।
US-P15.027cd কর্তা তাসাং য়দর্থাস্তা মূঢৈরেবাভিধীয়তে ॥

US-P15.028ab সর্বজ্ঞোঽপ্যত এব স্যাত্ স্বেন ভাসাবভাসয়ন্ ।
US-P15.028cd সর্বং সর্বক্রিয়াহেতোঃ সর্বকৃত্ত্বং তথাত্মনঃ ॥

US-P15.029ab সোপাধিশ্চৈবমাত্মোক্তো নিরুপাখ্যোঽনুপাধিকঃ ।
US-P15.029cd নিষ্কলো নির্গুণঃ শুদ্ধস্তং মনো বাক্ চ নাপ্নুতঃ ॥

US-P15.030ab চেতনোঽচেতনো বাপি কর্তাকর্তা গতোঽগতঃ ।
US-P15.030cd বদ্ধো মুক্তস্তথা চৈকো নৈকঃ শুদ্ধোঽন্যথেতি বা ॥

US-P15.031ab অপ্রাপ্যৈব নিবর্তন্তে বাচো ধীভিঃ সহৈব তু ।
US-P15.031cd নির্গুণত্বাত্ ক্রিয়াভাবাদ্ বিশেষাণাং হ্যভাবতঃ ॥

US-P15.032ab ব্যাপকং সর্বতো ব্যোম মূর্তৈঃ সর্বৈর্বিয়োজিতম্ ।
US-P15.032cd য়থা তদ্বদিহাত্মানং বিদ্যাচ্ছুদ্ধং পরং পদম্ ॥

US-P15.033ab দৃষ্টং হিত্বা স্মৃতিং তস্মিন্ সর্বগ্রশ্চ তমস্ত্যজেত্ ।
US-P15.033cd সর্বদৃগ্ জ্যোতিষা য়ুক্তো দিনকৃচ্ছার্বরং য়থা ॥

US-P15.034ab রূপস্মৃত্যন্ধকারার্থঃ প্রত্যয়া য়স্য গোচরাঃ ।
US-P15.034cd স এবাত্মা সমো দ্রষ্টা সর্বভূতেষু সর্বগঃ ॥

US-P15.035ab আত্মবুদ্ধিমনশ্চক্ষুর্বিষয়ালোকসংগমাত্ ।
US-P15.035cd বিচিত্রো জায়তে বুদ্ধেঃ প্রত্যয়োঽজ্ঞানলক্ষণঃ ॥

US-P15.036ab বিবিচ্যাস্মাত্ স্বমাত্মানং বিদ্যাচ্ছুদ্ধং পরং পদম্ ।
US-P15.036cd দ্রষ্টারং সর্বভূতস্থং সমং সর্বভয়াতিগম্ ॥

US-P15.037ab সমস্তং সর্বগং শান্তং বিমলং ব্যোমবত্ স্থিতম্ ।
US-P15.037cd নিষ্কলং নিষ্ক্রিয়ং সর্বং নিত্যং দ্বন্দ্বৈর্বিবর্জিতম্ ॥

US-P15.038ab সর্বপ্রত্যয়সাক্ষী জ্ঞঃ কথং জ্ঞেয়ো ময়েত্যুত ।
US-P15.038cd বিমৃশ্যৈবং বিজানীয়াজ্ জ্ঞাতং ব্রহ্ম ন বেতি বা ॥

US-P15.039ab অদৃষ্টং দ্রষ্ট্রবিজ্ঞাতং দভ্রমিত্যাদিশাসনাত্ ।
US-P15.039cd নৈব জ্ঞেয়ং ময়ান্যৈর্বা পরং ব্রহ্ম কথংচন ॥

US-P15.040ab স্বরূপাব্যবধানাভ্যাং জ্ঞানালোকস্বভাবতঃ ।
US-P15.040cd অন্যজ্ঞানানপেক্ষত্বাজ্ জ্ঞাতং চৈব সদা ময়া ॥

US-P15.041ab নান্যেন জ্যোতিষা কার্যং রবেরাত্মপ্রকাশনে ।
US-P15.041cd স্ববোধান্ নান্যবোধেচ্ছা বোধস্যাত্মপ্রকাশনে ॥

US-P15.042ab ন তস্যৈবান্যতোঽপেক্ষা স্বরূপং য়স্য য়দ্ ভবেত্ ।
US-P15.042cd প্রকাশান্তরদৃশ্যো ন প্রকাজ़ো হ্যস্তি কশ্চন ॥

US-P15.043ab ব্যক্তিঃ স্যাদপ্রকাশস্য প্রকাশাত্মসমাগমাত্ ।
US-P15.043cd প্রকাশস্ত্বর্ককার্যঃ স্যাদিতি মিথ্যা বচো হ্যতঃ ॥

US-P15.044ab য়তোঽভূত্বা ভবেদ্ য়চ্চ তস্য তত্ কার্যমিষ্যতে ।
US-P15.044cd স্বরূপত্বাদভূত্বা ন প্রকাশো জায়তে রবেঃ ॥

US-P15.045ab সত্তামাত্রে প্রকাশস্য কর্তাদিত্যাদিরিষ্যতে ।
US-P15.045cd ঘটাদিব্যক্তিতো য়দ্বত্ তদ্বদ্ বোধাত্মনীষ্যতাম্ ॥

US-P15.046ab বিলাত্ সর্পস্য নির্যাণে সূর্যো য়দ্বত্ প্রকাশকঃ ।
US-P15.046cd প্রয়ত্নেন বিনা তদ্বজ্ জ্ঞাতাত্মা বোধরূপতঃ ॥

US-P15.047ab দগ্ধৈবমুষ্ণঃ সত্তায়াং তদ্বদ্ বোধাত্মনীষ্যতাম্ ।
US-P15.047cd সত্যেব য়দুপাধৌ তু জ্ঞাতে সর্প ইবোত্থিতে ॥

US-P15.048ab জ্ঞাতায়ত্নোঽপি তদ্বজ্ জ্ঞঃ কর্তা ভ্রামকবদ্ ভবেত্ ।
US-P15.048cd স্বরূপেণ স্বয়ং নাত্মা জ্ঞেয়োঽজ্ঞেয়োঽথবা ততঃ ॥

US-P15.049ab বিদিতাবিদিতাভ্যাং তদন্যদেবেতি শসনাত্ ।
US-P15.049cd বন্ধমোক্ষাদয়ো ভাবাস্তদ্বদাত্মনি কল্পিতাঃ ॥

US-P15.050ab নাহোরাত্রে য়থা সূর্যে প্রভারূপাবিশেষতঃ ।
US-P15.050cd বোধরূপাবিশেষান্ ন বোধাবোধৌ তথাত্মনি ॥

US-P15.051ab য়থোক্তং ব্রহ্ম য়ো বেদ হানোপাদানবর্জিতম্ ।
US-P15.051cd য়থোক্তেন বিধানেন স সত্যং নৈব শক্নুয়াত্ ॥

US-P15.052ab জন্মমৃত্যুপ্রবাহেষু পতিতো নৈব শক্নুয়াত্ ।
US-P15.052cd ইত উদ্ধর্তুমাত্মানং জ্ঞানাদন্যেন কেনচিত্ ॥

US-P15.053ab oক़্ ভিদ্যতে হৃদয়গ্রন্থিশ্ছিদ্যন্তে সর্বসংশয়াঃ ।
US-P15.053cd ক্ষীয়ন্তে চাস্য কর্মাণি তস্মিন্ দৃষ্টcক़্ ইতি শ্রুতেঃ ॥

US-P15.054ab মমাহমিত্যেতদপোহ্য সর্বতো বিমুক্তদেহং পদমম্বরোপমম্ ।
US-P15.054cd সুদৃষ্টশাত্রানুমিতিভ্য ঈরিতং বিমুচ্যতেঽস্মিন্ য়দি নিশ্চিতো নরঃ ॥

US-P16.001ab পার্থিবঃ কঠিনো ধাতুর্দ্রবো দেহে স্মৃতোঽম্ময়ঃ ।
US-P16.001cd পক্তিচেষ্টাবকাশাঃ স্যুর্বহ্নিবায়্বম্বরোদ্ভবাঃ ॥

US-P16.002ab ঘ্রাণাদীনি তদর্থাশ্চ পৃথিব্যাদিগুণাঃ ক্রমাত্ ।
US-P16.002cd রূপালোকবদিষ্টং হি সজাতীয়ার্থমিন্দ্রিয়ম্ ॥

US-P16.003ab বুদ্ধ্যর্থান্যাহুরেতানি বাক্পাণ্যাদীনি কর্মণে ।
US-P16.003cd তদ্বিকল্পার্থমন্তস্থং মন একাদশং ভবেত্ ॥

US-P16.004ab নিশ্চয়ার্থা ভবেদ্ বুদ্ধিস্তাং সর্বার্থানুভাবিনীম্ ।
US-P16.004cd জ্ঞাতামোক্তঃ স্বরূপেণ জ্যোতিষা ব্যঞ্জয়ন্ সদা ॥

US-P16.005ab ব্যঞ্জকস্তু য়থালোকো ব্যঙ্গ্যস্যাকারতাং গতঃ ।
US-P16.005cd ব্যতিকীর্ণোঽপ্যসংকীর্নস্তদ্বজ্ জ্ঞঃ প্রত্যয়ৈঃ সদা ॥

US-P16.006ab স্থিতো দীপো য়থায়ত্নঃ প্রাপ্তং সর্বং প্রকাশয়েত্ ।
US-P16.006cd শব্দাদ্যাকারবুদ্ধীর্জ্ঞঃ প্রাপ্তাস্তদ্বত্ প্রপশ্যতি ॥

US-P16.007ab শরীরেন্দ্রিয়সংঘাত আত্মত্বেন গতাং ধিয়ম্ ।
US-P16.007cd নিত্যাত্মজ্যোতিষা দীপ্তাং বিশিংশন্তি সুখাদয়ঃ ॥

US-P16.008ab শিরোদুঃখাদিনাত্মানং দুঃখ্যস্মীতি হি পশ্যতি ।
US-P16.008cd দ্রষ্টান্যো দুঃখিনো দৃশ্যাদ্ দ্রষ্টৃত্বাচ্ চ ন দুঃখ্যসৌ ॥

US-P16.009ab দুঃখী স্যাদ্ দুঃখ্যহংমানাদ্ দুঃখিনো দর্শনান্ ন বা ।
US-P16.009cd সংহতেঽঙ্গাদিভির্দ্রষ্টা দুঃখী দুঃখস্য নৈব সঃ ॥

US-P16.010ab চক্ষুর্বত্ কর্মকর্তৃত্বং স্যাচ্ চেন্ নানেকমেব তত্ ।
US-P16.010cd সংহতং চ ততো নাত্মা দ্রষ্টৃত্বাত্ কর্মতাং ব্রজেত্ ॥

US-P16.011ab জ্ঞানয়ত্নাদ্যনেকত্বমাত্মনোঽপি মতং য়দি ।
US-P16.011cd নৈকজ্ঞানগুণত্বাত্ তু জ্যোতির্বত্ তস্য কর্মতা ॥

US-P16.012ab জ্যোতিষো দ্যোতকত্বেঽপি য়দ্বন্ নাত্মপ্রকাশনম্ ।
US-P16.012cd ভেদেঽপ্যেবং সমত্বাজ্ জ্ঞ আত্মানং নৈব পশ্যতি ॥

US-P16.013ab য়দ্ধর্মা য়ঃ পদার্থো ন তস্যৈবেয়াত্ স কর্মতাম্ ।
US-P16.013cd ন হ্যাত্মানং দহত্যগ্নিস্তথা নৈব প্রকাশয়েত্ ॥

US-P16.014ab এতেনৈবাত্মনাত্মনো গ্রহো বুদ্ধের্নিরাকৃতঃ ।
US-P16.014cd অংশোঽপ্যেবং সমত্বাদ্ ধি নির্ভেদত্বান্ ন য়ুজ্যতে ॥

US-P16.015ab শূন্যতাপি ন য়ুক্তৈবং বুদ্ধেরন্যেন দৃশ্যতা ।
US-P16.015cd উক্তাতো ঘটবত্ তস্যাঃ প্রাক্ সিদ্ধেশ্চ বিকল্পতঃ ॥

US-P16.016ab অবিকল্পং তদস্ত্যেব য়ত্ পূর্বং স্যাদ্ বিকল্পতঃ ।
US-P16.016cd বিকল্পোত্পত্তিহেতুত্বাদ্ য়দ্যস্যৈব চ কারণম্ ॥

US-P16.017ab অজ্ঞানং কল্পনামূলং সংসারস্য নিয়ামকম্ ।
US-P16.017cd হিত্বাত্মানং পরং ব্রহ্ম বিয়ান্ মুক্তং সদাভয়ম্ ॥

US-P16.018ab জাগ্রত্স্বপ্নৌ তয়োর্বীজং সুষুপ্তাখ্যং তমোময়ম্ ।
US-P16.018cd অন্যোন্যস্মিন্নসত্ত্বাচ্ চ নাস্তীত্যেতত্ ত্রয়ং ত্যজেত্ ॥

US-P16.019ab আত্মবুদ্ধিমনশ্চক্ষুরালোকার্থাদিসংকরাত্ ।
US-P16.019cd ভ্রান্তিঃ স্যাদাত্মকর্মেতি ক্রিয়াণাং সংনিপাততঃ ॥

US-P16.020ab নিমীলোন্মীলনে স্থানে বায়ব্যে তে ন চক্ষুষঃ ।
US-P16.020cd প্রকাশত্বান্ মনস্যেবং বুদ্ধৌ ন স্তঃ প্রাকাশতঃ ॥

US-P16.021ab সংকল্পাধ্যবসায়ৌ তু মনোবুদ্ধ্যোর্যথাক্রমাত্ ।
US-P16.021cd নেতরেতরধর্মত্বং সর্বং চাত্মনি কল্পিতম্ ॥

US-P16.022ab স্থানাবচ্ছেদদৃষ্টিঃ স্যাদিন্দ্রিয়াণাং তদাত্মতাম্ ।
US-P16.022cd গতা ধীস্তাং হি পশ্যঞ্ জ্ঞো দেহমাত্র ইবেক্ষ্যতে ॥

US-P16.023ab ক্ষণিকং হি তদত্যর্থং ধর্মমাত্রং নিরন্তরম্ ।
US-P16.023cd সাদৃশ্যাদ্ দীপবত্ তদ্ধীস্তচ্ছান্তিঃ পুরুষার্থতা ॥

US-P16.024ab স্বাকারন্যাবভাসং চ য়েষাং রূপাদি বিদ্যতে ।
US-P16.024cd য়েষাং নাস্তি ততশ্চান্যত্ পূর্বাসংগতিরুচ্যতে ॥

US-P16.025ab বাহ্যাকারত্বতো জ্ঞপ্তেঃ স্মৃত্যভাবঃ সদা ক্ষণাত্ ।
US-P16.025cd ক্ষণিকত্বাচ্ চ সংস্কারং নৈবাধত্তে ক্বচিত্ তু ধীঃ ॥

US-P16.026ab আধারস্যাপি অসত্ত্বাচ্ চ তুল্যতানির্নিমিত্ততঃ ।
US-P16.026cd স্থানে বা ক্ষণিকত্বস্য হানং স্যান্ ন তদিষ্যতে ॥

US-P16.027ab শান্তেশ্চায়ত্নসিদ্ধত্বাত্ সাধনোক্তিরনর্থিকা ।
US-P16.027cd একৈকস্মিন্ সমাপ্তত্বাচ্ছান্তেরন্যানপেক্ষতা ॥

US-P16.028ab অপেক্ষা য়দি ভিন্নেঽপি পরসংতান ইষ্যতাম্ ।
US-P16.028cd সর্বার্থে ক্ষণিকে কস্মিংস্তথাপ্যন্যানপেক্ষতা ॥

US-P16.029ab তুল্যকালসমুদ্ভূতাবিতরেতরয়োগিনৌ ।
US-P16.029cd য়োগাচ্ চ সংস্কৃতো য়স্তু সোঽন্যং হীক্ষিতুমর্হতি ॥

US-P16.030ab মৃষাধ্যাসস্তু য়ত্র স্যাত্ তন্নাশস্তত্র নো মতঃ ।
US-P16.030cd সর্বনাশো ভবেদ্ য়স্য মোক্ষঃ কস্য ফলং বদ ॥

US-P16.031ab অস্তি তাবত্ স্বয়ং নাম জ্ঞানং বাত্মন্যদেব বা ।
US-P16.031cd ভাবাভাবজ্ঞতস্তস্য নাভাবস্ত্বধিগম্যতে ॥

US-P16.032ab য়েনাধিগম্যতেঽভাবস্তত্ সত্ স্যাত্ তন্ ন চেদ্ ভবেত্ ।
US-P16.032cd ভাবাভাবানভিজ্ঞত্বং লোকস্য স্যান্ ন চেষ্যতে ॥

US-P16.033ab সদসত্ সদসচ্ চেতি বিকল্পাত্ প্রাগ্ য়দিষ্যতে ।
US-P16.033cd তদদ্বৈতং সমত্বাত্ তু নিত্যং চান্যদ্ বিকল্পিতাত্ ॥

US-P16.034ab বিকল্পোদ্ভবতোঽসত্ত্বং স্বপ্নদৃশ্যবদিষ্যতাম্ ।
US-P16.034cd দ্বৈতস্য প্রাগসত্ত্বাচ্ চ সদসত্ত্বাদিকল্পনাত্ ॥

US-P16.035ab বাচারম্ভণশাস্ত্রাচ্ চ বিকারাণাং হ্যভাবতা ।
US-P16.035cd মৃত্যোঃ স মৃত্যুমিত্যাদের্মম ময়েতি চ স্মৃতেঃ ॥

US-P16.036ab বিশুদ্ধিশ্চাত এবাস্য বিকল্পাচ্ চ বিলক্ষণাত্ ।
US-P16.036cd উপাদেয়ো ন হেয়োঽত আত্মা নান্যৈরকল্পিতঃ ॥

US-P16.037ab অপ্রকাশো য়থাদিত্যে নাস্তি জ্যোতিঃস্বভাবতঃ ।
US-P16.037cd নিত্যবোধস্বরূপত্বান্ নাজ্ঞানং তদ্বদাত্মনি ॥

US-P16.038ab তথাবিক্রিয়রূপত্বান্ নাবস্থান্তরমাত্মনঃ ।
US-P16.038cd অবস্থান্তরবত্ত্বে হি নাশোঽস্য স্যান্ ন সংশয়ঃ ॥

US-P16.039ab মোক্ষোঽবস্থান্তরং য়স্য কৃতকঃ স চলো হ্যতঃ ।
US-P16.039cd ন সংয়োগো বিয়োগো বা মোক্ষো য়ুক্তঃ কথংচন ॥

US-P16.040ab সংয়োগস্যাপ্যনিত্যত্বাদ্ বিয়োগস্য তথৈব চ ।
US-P16.040cd গমনাগমনে চৈব স্বরূপং তু ন হীয়তে ॥

US-P16.041ab স্বরূপস্যানিমিত্তত্বাত্ সনিমিত্তা হি চাপরে ।
US-P16.041cd অনুপাত্তং স্বরূপং হি স্বেনাত্যক্তং তথৈব চ ॥

US-P16.042ab স্বরূপত্বান্ ন সর্বস্য ত্যক্তুং শক্যো হ্যনন্যতঃ ।
US-P16.042cd গৃহীতুং বা ততো নিত্যোঽবিষয়ত্বাপৃথক্ত্বতঃ ॥

US-P16.043ab আত্মার্থত্বাচ্ চ সর্বস্য নিত্য আত্মৈব কেবলঃ ।
US-P16.043cd ত্যজেত্ তস্মাত্ ক্রিয়াঃ সর্বাঃ সাধনৈঃ সহ মোক্ষবিত্ ॥

US-P16.044ab আত্মলাভঃ পরো লাভ ইতি শাস্ত্রোপত্তয়ঃ ।
US-P16.044cd অলাভোঽন্যাত্মলাভস্তু ত্যজেত্ তস্মাদনাত্মতাম্ ॥

US-P16.045ab গুণানাং সমভাবস্য ভ্রংশো ন হ্যুপপদ্যতে ।
US-P16.045cd অবিদ্যাদেঃ প্রসুপ্তত্বান্ ন চান্যো হেতুরিষ্যতে ॥

US-P16.046ab ইতরেতরহেতুত্বে প্রবৃত্তিঃ স্যাত্ সদা ন বা ।
US-P16.046cd নিয়মো ন প্রবৃত্তীনাং গুণেষ্বাত্মনি বা ভবেত্ ॥

US-P16.047ab বিশেষো মুক্তবদ্ধানাং তাদর্থ্যে চ ন য়ুজ্যতে ।
US-P16.047cd অর্থার্থিনোশ্চ সংবন্ধো নার্থী জ্ঞো নেতরোঽপি বা ॥

US-P16.048ab প্রধানস্য চ পারার্থ্যং পুরুষস্যাবিকারতঃ ।
US-P16.048cd ন য়ুক্তং সংখ্যশাস্ত্রেঽপি বিকারেঽপি ন য়ুজ্যতে ॥

US-P16.049ab সংবন্ধানুপপত্তেশ্চ প্রকৃতেঃ পুরুষস্য চ ।
US-P16.049cd মিথোঽয়ুক্তং তদর্থত্বং প্রধানস্যাচিতিত্বতঃ ॥

US-P16.050ab ক্রিয়োত্পত্তৌ বিনাশিত্বং জ্ঞানমাত্রে চ পূর্ববত্ ।
US-P16.050cd নির্মিত্তে ত্বনির্মোক্ষঃ প্রধানস্য প্রসজ্যতে ॥

US-P16.051ab ন প্রকাশ্যং য়থোষ্ণত্বং জ্ঞানেনৈবং সুখাদয়ঃ ।
US-P16.051cd একনীডত্বতোঽগ্রাহ্যাঃ স্যুঃ কণাদাদিবর্তমনাম্ ॥

US-P16.052ab য়ুগপচ্ চাসমেতত্বাত্ সুখবিজ্ঞানয়োরপি ।
US-P16.052cd মনোয়োগৈকহেতুত্বাদগ্রাহ্যত্বং সুখস্য চ ॥

US-P16.053ab তথান্যেষাং চ ভিন্নত্বাদ্ য়ুগপজ্জন্ম নেষ্যতে ।
US-P16.053cd গুণানাং সমবেতত্বং জ্ঞানং চেন্ ন বিশেষণাত্ ॥

US-P16.054ab জ্ঞানেনৈব বিশেষ্যত্বাজ্ জ্ঞানাপ্যত্বং স্মৃতেশ্তথা ।
US-P16.054cd সুখং জ্ঞাতং ময়েত্যেবং তবাজ্ঞানাত্মকত্বতঃ ॥

US-P16.055ab সুখাদের্নাত্মধর্মত্বমাত্মনস্তেঽবিকারতঃ ।
US-P16.055cd ভেদাদন্যস্য কস্মান্ ন মনসো বাঽবিশেষতঃ ॥

US-P16.056ab স্যান্ মালাপরিহার্যা তু জ্ঞানং চেজ্ জ্ঞেয়তাং ব্রজেত্ ।
US-P16.056cd য়ুগপদ্ বাপি চোত্পত্তিরভ্যুপেতেঽন্ত ইষ্যতে ॥

US-P16.057ab অনবস্থান্তরত্বাচ্ চ বন্ধো নাত্মনি বিদ্যতে ।
US-P16.057cd নাশুদ্ধিশ্চাপ্যসঙ্গত্বাদসঙ্গো হীতি চ শ্রুতেঃ ॥

US-P16.058ab সূক্ষ্মৈকাগোচারেভ্যশ্ চ ন লিপ্যত ইতি শ্রুতেঃ ।
US-P16.058cd এবং তর্হি ন মোক্ষোঽস্তি বন্ধাভাবাত্ কথংচন ॥

US-P16.059ab শাস্ত্রানর্থক্যমেবং স্যান্ ন বুদ্ধের্ভ্রান্তিরিষ্যতে ।
US-P16.059cd বন্ধো মোক্ষশ্চ তন্নাশঃ স য়থোক্তো ন চান্যথা ॥

US-P16.060ab বোধাত্মজ্যোতিষা দীপ্তা বোধমাত্মনি মন্যতে ।
US-P16.060cd বুদ্ধির্নান্যোঽস্তি বোদ্ধেতি সেয়ং ভ্রান্তির্হি ধীগতা ॥

US-P16.061ab বোধস্যাত্মস্বরূপত্বান্ নিত্যং তত্রোপচর্যতে ।
US-P16.061cd অবিবেকোঽপ্যনাদ্যোঽয়ং সংসারো নান্য ইষ্যতে ॥

US-P16.062ab মোক্ষস্তন্নাশ এব স্যান্ নান্যথানুপপত্তিতঃ ।
US-P16.062cd য়েষাং বস্ত্বন্তরাপত্তির্মোক্ষো নাশস্তু তৈর্মতঃ ॥

US-P16.063ab অবস্থান্তরমপ্যেবমবিকারান্ ন য়ুজ্যতে ।
US-P16.063cd বিকারেঽবয়বিত্বং স্যাত্ ততো নাশো ঘটাদিবত্ ॥

US-P16.064ab তস্মাদ্ ভ্রান্তিরতোঽন্যা হি বন্ধমোক্ষাদিকল্পনাঃ ।
US-P16.064cd সাংখ্যকাণাদবৌদ্ধানাং মীমাংসাহতকল্পনাঃ ॥

US-P16.065ab শাস্ত্রয়ুক্তিবিরোধাত্ তা নাদর্তব্যাঃ কদাচন ।
US-P16.065cd শক্যন্তে শতশো বক্তুং দোষাস্তাসাং সহস্রশঃ ॥

US-P16.066ab অপি নিন্দোপপত্তেশ্চ য়ান্যতোঽন্যানি চেত্যতঃ ।
US-P16.066cd ত্যক্ত্বাতো হ্যন্যশাত্রোক্তীর্মতিং কুর্যাদ্ দৃঢাং বুধঃ ॥

US-P16.067ab শ্রদ্ধাভক্তী পুরস্কৃত্য হিত্বা সর্বমনার্জবম্ ।
US-P16.067cd বেদান্তস্যৈব তত্ত্বার্থে ব্যাসস্যাপি মতৌ তথা ॥

US-P16.068ab ইতি প্রণুন্না দ্বয়বাদকল্পনা নিরাত্মবাদাশ্চ তথা হি য়ুক্তিতঃ ।
US-P16.068cd ব্যপেতশঙ্কাঃ পরবাদতঃ স্থিরা মুমুক্ষবো জ্ঞানপথে স্যুরিত্যুত ॥

US-P16.069ab স্বসাক্ষিকং জ্ঞানমতীব নির্মলং বিকল্পনাভ্যো বিপরীতমদ্বয়ম্ ।
US-P16.069cd অবাপ্য সম্যগ্ য়দি নিশ্চিতো ভবেন্ নিরন্বয়ো নির্বৃতিমেতি শাশ্বতীম্ ॥

US-P16.070ab ইদং রহস্যং পরমং পরায়ণং ব্যপেতদোষৈরভিমানবর্জিতৈঃ ।
US-P16.070cd সমীক্ষ্য কার্যা মতিরার্জবে সদা ন তত্ত্বদৃক্ স্বান্যমতির্হি কশ্চন ॥

US-P16.071ab অনেকজন্মান্তরসংচিতৈর্নরো বিমুচ্যতেঽজ্ঞাননিমিত্তপাতকৈঃ ।
US-P16.071cd ইদং বিদিত্বা পরমং হি পাবনং ন লিপ্যতে ব্যোম ইবেহ কর্মভিঃ ॥

US-P16.072ab প্রশান্তচিত্তায় জিতেন্দ্রিয়ায় চ প্রহীণদোষায় য়থোক্তকারিণে ।
US-P16.072cd গুণান্বিতায়ানুগতায় সর্বদা প্রদেয়মেতত্ সততং মুমুক্ষবে ॥

US-P16.073ab পরস্য দেহে ন য়থাভিমানিতা পরস্য তদ্বত্ পরমার্থমীক্ষ্য চ ।
US-P16.073cd ইদং হি বিজ্ঞানমতীব নির্মলং সম্প্রাপ্য মুক্তোঽথ ভবেচ্ চ সর্বতঃ ॥

US-P16.074ab ন হীহ লাভোঽভ্যধিকোঽস্তি কশ্চন স্বরূপলাভাত্ স ইতো হি নান্যতঃ ।
US-P16.074cd ন দেয়মৈন্দ্রাদপি রাজতোঽধিকং স্বরূপলাভং ত্বপরীক্ষ্য য়ত্নতঃ ॥

US-P17.001ab আত্মা জ্ঞেয়ঃ পরো হ্যাত্মা য়স্মাদন্যন্ ন বিদ্যতে ।
US-P17.001cd সর্বজ্ঞঃ সর্বদৃক্ শুদ্ধস্তস্মৈ জ্ঞেয়াত্মনে মনঃ ॥

US-P17.002ab পদবাক্যপ্রমাণজ্ঞৈর্দীপভূতৈঃ প্রকাশিতং ।
US-P17.002cd ব্রহ্ম বেদরহস্যং য়ৈস্তান্ নিত্যং প্রণতোঽস্ম্যহম্ ॥

US-P17.003ab য়দ্নাক্সূর্যাংশুসম্পাতপ্রণষ্টধ্বান্তকল্মষঃ ।
US-P17.003cd প্রণম্য তান্ গুরূন্ বক্ষ্যে ব্রহ্মবিদ্যাবিনিশ্চয়ম্ ॥

US-P17.004ab আত্মলাভাত্ পরো নায়ো লাভঃ কশ্চন বিদ্যতে ।
US-P17.004cd য়দর্থা বেদবাদাশ্চ স্মার্তাশ্চাপি তু য়াঃ কির্যাঃ ॥

US-P17.005ab আত্মার্থোঽপি হি য়ো লাভঃ সুখায়েষ্টো বিপর্যয়ঃ ।
US-P17.005cd আত্মলাভঃ পরঃ প্রোক্তো নিত্যত্বাদ্ ব্রহ্মবেদিভিঃ ॥

US-P17.006ab স্বয়ং লব্ধস্বভাবত্বা লাভস্তস্য ন চায়থঃ ।
US-P17.006cd অন্যাপেক্ষস্তু য়ো লাভঃ সোঽন্যদৃষ্টিসমুদ্ভবঃ ॥

US-P17.007ab অন্যদৃষ্টিস্ত্ববিদ্যা স্যাত্ তন্নাশো মোক্ষ উচ্যতে ।
US-P17.007cd জ্ঞানেনৈব তু সোঽপি স্যাদ্ বিরোধিত্বান্ ন কর্মণা ॥

US-P17.008ab কর্মকার্যস্ত্বনিত্যঃ স্যাদবিদ্যাকামকার্ণঃ ।
US-P17.008cd প্রমাণং বেদ এবাত্র জ্ঞানস্যাধিগমে স্মৃতঃ ॥

US-P17.009ab জ্ঞানৈকার্থপরত্বাত্ তং বাক্যমেকং ততো বিদুঃ ।
US-P17.009cd একত্বং হ্যাত্মনো জ্ঞেয়ং বাক্যার্থপ্রতিপত্তিতঃ ॥

US-P17.010ab বাচ্যভেদাত্ তু তদ্ভেদঃ কল্প্যো বাচ্যোঽপি তচ্ছ্রুতেঃ ।
US-P17.010cd ত্রয়ং ত্বেতত্ ততঃ প্রোক্তং রূপং নাম চ কর্ম চ ॥

US-P17.011ab অসদেতত্ ত্রয়ং তস্মাদন্যোন্যেন হি কল্পিতম্ ।
US-P17.011cd কৃতো বর্ণো থতা শব্দাচ্ছ্রুতোঽন্যত্র ধিয়া বহিঃ ॥

US-P17.012ab দৃষ্টং চাপি য়থারূপং বুদ্ধেঃ শব্দায় কল্পতে ।
US-P17.012cd এবমেতজ্ জগত্ সর্বং ভ্রান্তিবুদ্ধিবিকল্পিতম্ ॥

US-P17.013ab অসদেতত্ ততো য়ুক্তং সচ্চিন্মাত্রং ন কল্পিতম্ ।
US-P17.013cd বেদশ্চাপি স এবাদ্যো বেদ্যশ্চান্যস্তু কল্পিতঃ ॥

US-P17.014ab য়েন বেত্তি স বেদঃ স্যাত্ স্বপ্নে সর্বং তু মায়য়া ।
US-P17.014cd য়েন পশ্যতি তচ্ চক্ষুঃ শৃণোতি শ্রোত্রমুচ্যতে ॥

US-P17.015ab য়েন স্বপ্নগতো বক্তি সা বাগ্ ঘ্রাণং তথৈব চ ।
US-P17.015cd রসনস্পর্শনে চৈব মনশ্চান্যত্ তথেন্দ্রিয়ম্ ॥

US-P17.016ab কল্প্যোপাধিভিরেবৈতদ্ ভিনং জ্ঞানমনেকধা ।
US-P17.016cd আধিভেদাদ্ য়থ ভেদো মণেরেকস্য জায়তে ॥

US-P17.017ab জাগ্রতশ্চ তথা ভেদো জ্ঞানস্যাস্য বিকল্পিতঃ ।
US-P17.017cd বুদ্ধিস্থং ব্যাকরোত্যর্থং ভ্রান্ত্যা তৃষ্ণোদ্ভবক্রিয়ঃ ॥

US-P17.018ab স্বপ্নে য়দ্বত্ প্রবোধে চ বহিশ্চান্তস্তথৈব চ ।
US-P17.018cd আলেখ্যাধ্যয়নে য়দ্বত্ তদন্যোন্যধিয়োদ্ভবম্ ॥

US-P17.019ab য়দায়ং কল্পয়েদ্ ভেদং তত্কামঃ সন্ য়থাক্রতুঃ ।
US-P17.019cd য়ত্কামস্তত্ক্রতুর্ভূত্বা কৃতং য়ত্ তত্ প্রপদ্যতে ॥

US-P17.020ab অবিদ্যাপ্রভবং সর্বমসত্ তস্মাদিদং জগত্ ।
US-P17.020cd তদ্বতা সৃশ্যতে য়স্মাত্ সুষুপ্তে ন চ গ্র্হ্যতে ॥

US-P17.021ab বিদ্যাবিদ্যে শ্রুতিপ্রোক্তে একত্বান্যধিয়ৌ গি নঃ ।
US-P17.021cd তস্মাত্ সর্বপ্রয়ত্নেন শাস্ত্রে বিদ্যা বিধীয়তে ॥

US-P17.022ab চিত্তে হ্যাদর্শবদ্ য়স্মাচ্ছুদ্ধে বিদ্যা প্রকাশতে ।
US-P17.022cd য়মৈর্নিত্যৈশ্চ য়জ্ঞৈশ্চ তপোভিস্তস্য শোধনম্ ॥

US-P17.023ab শারীরাদিতপঃ কুর্যাত্ তদ্বিশুদ্ধ্যর্থমুত্তমম্ ।
US-P17.023cd মনআদিসমাধানং তত্তদ্দেহবিশোষণম্ ॥

US-P17.024ab দৃষ্টং জাগরিতং বিদ্যাত্ স্মৃতং স্বপ্নং তদেব তু ।
US-P17.024cd সুষুপ্তং তদভাবং চ স্বমাত্মানং পরং পদম্ ॥

US-P17.025ab সুষুপ্তাখ্যং তমোঽজ্ঞানং বীজং স্বপ্নপ্রবোধয়োঃ ।
US-P17.025cd স্বাত্মবোধপ্রদগ্ধং স্যাদ্ বীজং দগ্ধং য়থাভবম্ ॥

US-P17.026ab তদেবৈকং ত্রিধা জ্ঞেয়ং মায়াবীজং পুনঃ ক্রমাত্ ।
US-P17.026cd মায়াব্যাত্মাবিকারোঽপি বহুধৈলো জলার্কবত্ ॥

US-P17.027ab বীজং চৈকং য়থা ভিন্নং প্রাণস্বপ্নাদিভিস্থতা ।
US-P17.027cd স্বপ্নজাগ্রচ্ছরীএষু তদ্বচ্ চাত্মা জলেন্দুবত্ ॥

US-P17.028ab মায়াহস্তিনমারুহ্য মায়াব্যেকো য়থা ব্রজেত্ ।
US-P17.028cd আগচ্ছংস্তদ্বদেবাত্মা প্রাণস্বপ্নাদিগোঽচলঃ ॥

US-P17.029ab ন হস্তী ন তদারূঢো মায়াব্যন্যো য়থা স্থিতঃ ।
US-P17.029cd ন প্রাণাদি ন তদ্দ্রষ্টা তথা জ্ঞোঽন্যঃ সদা দৃশিঃ ।
US-P17.030ab অবদ্ধচক্ষুষো নাস্তি মায়া মায়াবিনোঽপি বা ।
US-P17.030cd বদ্ধাক্ষস্যৈব সা মায়ামায়াব্যেব ততো ভবেত্ ॥

US-P17.031ab সাক্ষাদেব স বিজ্ঞেয়ঃ সাক্ষাদাত্মেতি চ শ্রুতেঃ ।
US-P17.031cd ভিদ্যতে হৃদয়গ্রন্থির্ন চেদিত্যাদিতঃ শ্রুতেঃ ॥

US-P17.032ab অশব্দাদিত্বতো নাস্য গ্রহণং চেন্দ্রিয়ৈর্ভবেত্ ।
US-P17.032cd সুখাদিভ্যস্তথান্যত্বদ্ বুদ্ধ্যা বাপি কথং ভবেত্ ॥

US-P17.033ab অদৃশ্যোঽপি য়থা রাহুশ্চন্দ্রে বিম্বং য়থাম্ভসি ।
US-P17.033cd সর্বগোঽপি তথৈবাত্মা বুদ্ধাবেব স গৃহ্যতে ॥

US-P17.034ab ভানোর্বিম্বং য়থা চৌষ্ণ্যং জলে দৃষ্টং ন চাম্ভসঃ ।
US-P17.034cd বুদ্ধৌ বোধো ন তদ্ধর্মস্তথৈব স্যাদ্ বিধর্মতঃ ॥

US-P17.035ab চক্ষুর্যুক্তা ধিয়ো বৃত্তির্যা তাং তশ্যন্নলুপ্তদৃক্ ।
US-P17.035cd দৃষ্টের্দ্রষ্টা ভবেদাত্মা শ্রুতেঃ শ্রোতা তথা শ্রুতেঃ ॥

US-P17.036ab কেবলাং মনসো বৃত্তিং পশ্যন্ মন্তা মতেরজঃ ।
US-P17.036cd বিজ্ঞাতালুপ্তশক্তিত্বাত্ তথা শাস্ত্রং ন হীত্যতঃ ॥

US-P17.037ab ধ্যায়তীত্যবিকারিত্বং তথা লেলায়তীত্যপি ।
US-P17.037cd অত্র স্তেনেতি শুদ্ধত্বং তথানন্বাগতং শ্রুতেঃ ॥

US-P17.038ab শক্ত্যলোপাত্ সুষুপ্তে জ্ঞস্থতা বোধেঽবিকারতঃ ।
US-P17.038cd জ্ঞেয়স্যৈব বিশেষস্তু য়ত্র বেতি শ্রুতের্মতঃ ॥

US-P17.039ab ব্যবধানাদ্ ধি পারোক্ষ্যং লোকদৃষ্টেরনাত্মনঃ ।
US-P17.039cd দৃষ্টেরাত্মস্বরূপত্বাত্ প্রত্যক্ষং ব্রহ্ম তত্ স্মৃতম্ ॥

US-P17.040ab ন হি দীপান্তরাপেক্ষা য়দ্বদ্ দীপপ্রকাশনে ।
US-P17.040cd বোধস্যাত্মস্বরূপত্বান্ ন বোধোঽন্যস্তথেষ্যতে ॥

US-P17.041ab বিষয়ত্বং বিকারিত্বং নানাত্বং বা ন হীষ্যতে ।
US-P17.041cd ন হেয়ো নাপ্যুপাদেয় আত্মা নান্যেন বা ততঃ ॥

US-P17.042ab সবাহ্যাভ্যন্তরোঽজীর্ণো জন্মমৃত্যুজরাতিগঃ ।
US-P17.042cd অহমাত্মেতি য়ো বেত্তি কুতো ন্বেব বিভেতি সঃ ॥

US-P17.043ab প্রগেবৈতদ্বিধেঃ কর্ম বর্ণিত্বাদেরপোহনাত্ ।
US-P17.043cd তদস্থূলাদিশাস্ত্রেভ্যস্তত্ ত্বমেবেতি নিশ্চয়াত্ ॥

US-P17.044ab পূর্বদেহপরিত্যাগে জাত্যাদীনাং প্রহাণতঃ ।
US-P17.044cd দেহস্যৈব তু জাত্যাদিস্তস্যাপ্যেবং হ্যনাত্মতা ॥

US-P17.045ab মমাহং চেত্যতোঽবিদ্যা শরীরাদিষ্বনাত্মসু ।
US-P17.045cd আত্মজ্ঞানেন হেয়া স্যাদসুরাণামিতি শ্রুতেঃ ॥

US-P17.046ab দশাহাশৌচকার্যাণাং পারিব্রাজ্যে নিবর্তনম্ ।
US-P17.046cd য়থা জ্ঞানস্য সম্প্রাপ্তৌ তদ্বজ্ জাত্যাদিকর্মণাম্ ॥

US-P17.047ab য়ত্কামস্তত্ক্রতুর্ভূত্বা কৃতং ত্বজ্ঞঃ প্রপদ্যতে ।
US-P17.047cd য়দা স্বাত্মদৃশঃ কামাঃ প্রমুচ্যন্তেঽমৃতস্তদা ॥

US-P17.048ab আত্মরূপবিধেঃ কার্যং ক্রিয়াদিভ্যো নিবর্তনম্ ।
US-P17.048cd ন সাধ্যং সাধনং বাত্মা নিত্যতৃপ্তঃ শ্রুতের্মতঃ ॥

US-P17.049ab উত্পাদ্যাপ্যবিকার্যাণি সংস্কার্যং চ ক্রিয়াফলম্ ।
US-P17.049cd নাতোঽন্যত্ কর্মণঃ কর্যং ত্যজেত্ তস্মাত্ সসাধনম্ ॥

US-P17.050ab তাপান্তত্বাদনিত্যত্বাদাত্মার্থত্বাচ্ চ য়া বহিঃ ।
US-P17.050cd সংহৃত্যাত্মনি তাং প্রীতিং সত্যার্থী গুরুমাশ্রয়েত্ ॥

US-P17.051ab শান্তং প্রাজ্ঞং তথা মুক্তং নিষ্ক্র্যং ব্রহ্মণি স্থিতম্ ।
US-P17.051cd শ্রুতেরাচার্যবান্ বেদ তদ্ বিদ্ধীতি স্মৃতেস্তথা ॥

US-P17.052ab স গুরুস্তারয়েদ্ য়ুক্তং শিষ্যং শিষ্যগুণান্বিতম্ ।
US-P17.052cd ব্রহ্মবিদ্যাপ্লবেনাশু স্বান্তধ্বান্তমহোদধিম্ ॥

US-P17.053ab দৃষ্টিঃ স্পৃষ্টিঃ শ্রুতির্ঘ্রাতির্মতির্বিজ্ঞাতিরেব চ ।
US-P17.053cd শক্তয়োঽন্যাশ্চ ভিদ্যন্তে চিদ্রূপত্বেঽপ্যুপাধিভিঃ ॥

US-P17.054ab অপায়োদ্ভূতিহীনাভির্নিত্যং দীপ্যন্ রবির্যথা ।
US-P17.054cd সর্বগঃ সর্বদৃক্ শুদ্ধঃ সর্বং জানাতি সর্বদা ॥

US-P17.055ab অন্যদৃষ্টিঃ শরীরস্থস্তাবন্মাত্রো হ্যবিদ্যয়া ।
US-P17.055cd জলেন্দ্বাদ্যুপমভিস্তু তদ্ধর্মা চ বিভাব্যতে ॥

US-P17.056ab দৃষ্ট্বা বাহ্যং নিমীল্যাথ স্মৃত্বা তত্ প্রবিহায় চ ।
US-P17.056cd অথোন্মীল্যাত্মনো দৃষ্টিং ব্রহ্ম প্রাপ্নোত্যন্ধ্বগঃ ॥

US-P17.057ab প্রাণাদ্যেবং ত্রিকং হিত্বঃ তীর্ণোঽজ্ঞানমহোদধিম্ ।
US-P17.057cd স্বাত্মস্থো নির্গুণঃ শুদ্ধো বুদ্ধো মুক্তঃ স্বতো হি সঃ ॥

US-P17.058ab অজোঽহং চামরোঽমৃত্যুরজরোঽভয় এব চ ।
US-P17.058cd সর্বজ্ঞঃ সর্বদৃক্ শুদ্ধ ইতি বুদ্ধো ন জায়তে ॥

US-P17.059ab পূর্বোক্তং য়ত্ তমোবীজং তন্ নাস্তীতি বিনিশ্চয়ঃ ।
US-P17.059cd তদ্ভাবে কুতো জন্ম ব্রহ্মৈকত্বং বিজানতঃ ॥

US-P17.060ab ক্ষীরাত্ সর্পির্যথোদ্ধৃত্য ক্ষিপ্তং তস্মিন্ ন পূর্ববত্ ।
US-P17.060cd বুদ্ধ্যাদের্জ্ঞস্তথাসত্যান্ ন দেহী পূর্ববদ্ ভবেত্ ॥

US-P17.061ab সত্যং জ্ঞানমনন্তং চ রসাদেঃ পঞ্চকাত্ পরম্ ।
US-P17.061cd স্যামদৃশ্যাদিশাস্ত্রোক্তমহং ব্রহ্মেতি নিভয়ঃ ॥

US-P17.062ab য়স্মাদ্ ভীতাঃ প্রবর্তন্তে বাঞ্মনঃপাবকাদয়ঃ ।
US-P17.062cd তদাত্মানন্দতত্ত্বজ্ঞো ন বিভেতি কুতশ্চন ॥

US-P17.063ab নামাদিভ্যঃ পরে ভূম্নি স্বারাজ্যে চেত্ স্থিতোঽদ্বয়ে ।
US-P17.063cd প্রণমেত্ কং তদাত্মজ্ঞো ন কার্যং কর্মণা তদা ॥

US-P17.064ab বিরাড্ বৈশ্বানরো বাহ্যঃ স্মরন্নন্তঃ প্রজাপতিঃ ।
US-P17.064cd প্রবিলীনে তু সর্বস্মিন্ প্রাজ্ঞোঽব্যাকৃতমুচ্যতে ॥

US-P17.065ab বাচারম্ভণমাত্রত্বাত্ সুষুপ্তাদিত্রিকং ত্বসত্ ।
US-P17.065cd সত্যো জ্ঞশ্চাহমিত্যেবং সত্যসন্ধো বিমুচ্যতে ॥

US-P17.066ab ভারূপত্বাদ্ য়থা ভানোর্নাহোরাত্রে তথৈব তু ।
US-P17.066cd জ্ঞানাজ্ঞানে ন মে স্যাতাং চিদ্রূপত্বাবিশেষতঃ ॥

US-P17.067ab শাস্ত্রস্যানতিশঙ্ক্যত্বাদ্ ব্রহ্মৈব স্যামহং সদা ।
US-P17.067cd ব্রহ্মণো মে ন হেয়ং স্যাদ্ গ্রাহ্যং বেতি চ সংস্মরেত্ ॥

US-P17.068ab অহমেব চ ভূতেষু সর্বেষ্বেকো নভো য়থা ॥

US-P17.068cd ময়ি সর্বাণি ভূতানি পশ্যন্নেবং ন জায়তে ॥

US-P17.069ab ন বাহ্যং মধ্যতো বান্তর্বিদ্যতেঽন্যত্ স্বতঃ ক্বচিত্ ।
US-P17.069cd অবাহ্যান্তঃশ্রুতেঃ কিংচিত্ তস্মাচ্ছুদ্ধঃ স্বয়ংপ্রভঃ ॥

US-P17.070ab নেতিনেত্যাদিশাস্ত্রেভ্যঃ প্রপঞ্চোপশমোঽদ্বয়ঃ ।
US-P17.070cd অবিজ্ঞাতাদিশাস্ত্রাচ্চ নৈব জ্ঞেয়ো হ্যতোঽন্যথা ॥

US-P17.071ab সর্বস্যাত্মাহমেবেতি ব্রহ্ম চেদ্ বিদিতং পরম্ ।
US-P17.071cd স আত্মা সর্বভূতানামাত্মা হ্যেষামিতি শ্রুতেঃ ॥

US-P17.072ab জিবশ্চেত্ পরমাত্মানং স্বাত্মানং দেবমঞ্জসা ।
US-P17.072cd দেবোপাস্যঃ স দেবানাং পশুত্বাচ্ চ নিবর্ততে ॥

US-P17.073ab অহমেব সদাত্মজ্ঞঃ শূন্যস্ত্বন্যৈর্যথাম্বরম্ ।
US-P17.073cd ইত্যেবং সত্যসংধত্বাদসদ্ধাতা ন বধ্যতে ॥

US-P17.074ab কৃপণাস্তেঽন্যথৈবাতো বিদুর্ব্রহ্ম পরং হি য়ে ।
US-P17.074cd স্বরাড্ য়োঽনন্যদৃক্ স্বস্থস্তস্য দেবা অসন্ বশে ॥

US-P17.075ab হিত্বা জাত্যাদিসংবন্ধং বাচোঽন্যাঃ সহ কর্মভিঃ ।
US-P17.075cd ওমিত্যেবং স্বমাত্মানং সর্বং শুদ্ধং প্রপদ্যথ ॥

US-P17.076ab সেতুং সর্বব্যবস্থানামহোরাত্রাদিবর্জিতম্ ।
US-P17.076cd তির্যগূর্ধ্বমধঃ সর্বং সকৃজ্জ্যোতিরনাময়ম্ ॥

US-P17.077ab ধর্মাধর্মবিনির্মুক্তং ভূতভব্যাত্ কৃতাকৃতাত্ ।
US-P17.077cd স্বমাত্মানং পরং বিদ্যাদ্ বিমুক্তং সর্ববন্ধনৈঃ ॥

US-P17.078ab অকুর্বন্ সর্বকৃচ্ছুদ্দস্তিষ্ঠন্নত্যেতি ধাবতঃ ।
US-P17.078cd মায়য়া সর্বশক্তিত্বাদজঃ সন্ বনুধা মতঃ ॥

US-P17.079ab রাজবত্ সাক্ষিমাত্রত্বাত্ সাংনিধ্যাদ্ ভ্রামকো য়থা ।
US-P17.079cd ভ্রাময়ঞ্ জগদাত্মাহং নিষ্ক্রিয়ো ঽকারকোঽদ্বয়ঃ ॥

US-P17.080ab নিগুণং সিষ্কিয়ং নিত্যং নির্দ্বন্দ্বং য়ন্ নিরাময়ম্ ।
US-P17.080cd শুদ্ধং বুদ্ধং তথা মুক্তং তদ্ ব্রহ্মাস্মীতি ধারয়েত্ ॥

US-P17.081ab বন্ধং সোক্ষং চ সর্বং য়ত ইদমুভয়ং হেয়মেকং দ্বয়ং চ ।
US-P17.081cd জ্ঞেয়াজ্ঞেয়াভ্যতীতং পরমমধিগতং তত্ত্বমেকং বিশুদ্ধম্ ।
US-P17.081ef বিজ্ঞায়ৈতদ্ য়থাবচ্ছ্রুতিমুনিগদিতং শোকমোহাবতীতঃ ।
US-P17.081gh সর্বজ্ঞঃ সর্বকৃত্ স্যাদ্ ভবভয়রহিতো ব্রাহ্মণোঽবাপ্তকৃত্যঃ ॥

US-P17.082ab ন স্বয়ং স্বস্য নান্যশ্চ নান্যস্যাত্মা চ হেয়গঃ ।
US-P17.082cd উপাদেয়ো ন চাপ্যেবমিতি সম্যঞ্মতিঃ স্মৃতা ॥

US-P17.083ab আত্মপ্রত্যায়িকা হ্যেষা সর্ববেদান্তগোচরা ।
US-P17.083cd জ্ঞাত্বৈতাং হি বিমুচ্যন্তে সর্বসংসারবন্ধনৈঃ ॥

US-P17.084ab রহস্যং সর্ববেদানাং দেবানাং চাপি য়ত্ পরম্ ।
US-P17.084cd পবিত্রং পরমং হ্যেতত্ তদেতত্ সম্প্রকাশিতম্ ॥

US-P17.085ab নৈতদ্ দেয়মশান্তায় রহস্যং জ্ঞানমুত্তমম্ ।
US-P17.085cd বিরক্তায় প্রদাতব্যং শিষ্যায়ানুগতায় চ ॥

US-P17.086ab দদতশ্চাত্মনো জ্ঞানং নিষ্ক্রিয়োঽন্যো ন বিদ্যতে ।
US-P17.086cd জ্ঞানমিচ্ছন্ ভবেত্ তস্মাদ্ য়ুক্তঃ শিষ্যগুণৈঃ সদা ॥

US-P17.087ab জ্ঞানং জ্ঞেয়ং তথা জ্ঞাতা য়স্মাদন্যন্ ন বিদ্যতে ।
US-P17.087cd সর্বজ্ঞঃ সর্বশক্তির্যস্তস্মৈ জ্ঞানাত্মনে নমঃ ॥

US-P17.088ab বিদ্যয়া তারিতাঃ স্মো য়ৈর্জন্মমৃত্যুমহোদধিম্ ।
US-P17.088cd সর্বজ্ঞেভ্যো নমস্তেভ্যো গুরুভ্যোঽজ্ঞানসংকুলং ॥

US-P18.001ab য়েনাত্মনা বিলীয়ন্ত উদ্ভবন্তি চ বৃত্তয়ঃ ।
US-P18.001cd নিত্যাবগতয়ে তস্মৈ নমো ধীপ্রত্যয়াত্মনে ॥

US-P18.002ab প্রমথ্য বজ্রোপময়ুক্তিসংভৃতৈঃ শ্রুতেররাতীঞ্ শতশো বচোঽসিভিঃ ।
US-P18.002cd ররক্ষ বেদার্থিনিধিং বিশালধীর্নমো য়তীন্দ্রিয়ায় গুরোর্গরীয়সে ॥

US-P18.003ab নিত্যমুক্তঃ সদেবাস্মীত্যেবং চেন্ ন ভবেন্ মতিঃ ।
US-P18.003cd কিমর্থং শ্রাবয়ত্যেবং মাতৃবচ্ছ্রুতিরাদৃতা ॥

US-P18.004ab সিদ্ধাদেবাহমিত্যস্মাদ্ য়ুষ্মদ্ধর্মো নিষিধ্যতে ।
US-P18.004cd রজ্জ্বামিবাহিধীর্যুক্ত্যা তত্ ত্বমিত্যাদিশাসনৈঃ ॥

US-P18.005ab শাস্ত্রপ্রামণ্যতো জ্ঞেয়া ধর্মাদেরস্তিতা য়থা ।
US-P18.005cd বিষাপোহো য়থা ধ্যানাদ্ হ্নুতিঃ স্যাত্ পাপ্মনস্তথা ॥

US-P18.006ab সদ্ ব্রহ্মাহং করোমীতি প্রত্যয়াবাত্মসাক্ষিকৌ ।
US-P18.006cd তয়োরজ্ঞানজস্যৈব ত্যাগো য়ুক্ততরো মতঃ ॥

US-P18.007ab সদস্মীতি প্রমাণোত্থা ধীরন্যা তন্নিবোদ্ভবা ।
US-P18.007cd প্রত্যক্ষাদিনিভা বাপি বাধ্যতে দিগ্ভ্রমাদিবত্ ॥

US-P18.008ab কর্তা ভোক্তেতি য়চ্ছাস্ত্রং লোকবুদ্ড্যনুবাদি তত্ ।
US-P18.008cd সদস্মীতি শ্রুতের্জাতা বাধ্যতেঽনিত্যৈতয়ৈব ধীঃ ॥

US-P18.009ab সদেব ত্বমসীত্যুক্তে নাত্মনো মুক্ততাং স্থিরাম্ ।
US-P18.009cd প্রপদ্যতে প্রসংচক্ষামতো য়ুক্ত্যানুচিন্তয়েত্ ॥

US-P18.010ab সকৃদুক্তং ন গৃহ্ণাতি বাক্যার্থজ্ঞোঽপি য়ো ভবেত্ ।
US-P18.010cd অপেক্ষতেঽত এবান্যদবোছাম দ্বয়ং হি তত্ ॥

US-P18.011ab নিয়োগোঽপ্রতিপন্নত্বাত্ কর্মণাং স য়থা ভবেত্ ।
US-P18.011cd অবিরুদ্ধো ভবেত্ তাবদ্ য়াবত্ সংবেদ্যতাদৃঢা ॥

US-P18.012ab চেষ্টিতং চ তথা মিথ্যা স্বচ্ছন্দঃ প্রতিপদ্যতে ।
US-P18.012cd প্রসংখ্যানমতঃ কার্যং য়াবদাত্মানুভূয়তে ॥

US-P18.013ab সদস্মীতি চ বিজ্ঞানমক্ষজো বাধতে ধ্রুবম্ ।
US-P18.013cd শব্দোত্থং দৃঢসংস্কারো দোষৈশ্চাকৃষ্যতে বহিঃ ॥

US-P18.014ab শ্রুতানুমানজন্মানৌ সামান্যবিষয়ৌ য়তঃ ।
US-P18.014cd প্রত্যয়াবক্ষজোঽবশ্যং বীশেষার্থো নিবারয়েত্ ॥

US-P18.015ab বাক্যার্থপ্রত্যয়ী কশ্চিন্ নির্দুঃখো নোপলভ্যতে ।
US-P18.015cd য়দি বা দৃশ্যতে কশ্চিদ্ বাক্যার্থশ্রুতিমাত্রতঃ ॥

US-P18.016ab নির্দুঃখোঽতীতদেহেষু কৃতভাবোঽনুমীয়তে ।
US-P18.016cd চর্যা নোঽশাস্ত্রসংবেদ্যা স্যাদনিষ্টং তথা সতি ॥

US-P18.017ab সদসীতি ফলং চোক্ত্বা বিধেয়ং সাধনং য়তঃ ।
US-P18.017cd ন তদন্যত্ প্রসংখ্যানাত্ প্রসিদ্ধার্থমিহেষ্যতে ॥

US-P18.018ab তস্মাদনুভবায়ৈব প্রসংচক্ষীত য়ত্নতঃ ।
US-P18.018cd ত্যজন্ সাধনতত্সাধ্যবিরুদ্ধং শমনাদিমান্ ॥

US-P18.019ab নৈতদেবং রহস্যানাং নেতিনেত্যবসানতঃ ।
US-P18.019cd ক্রিয়াসাধ্যং পুরা শ্রাব্যং ন মোক্ষো নিত্যসিদ্ধতঃ ॥

US-P18.020ab পুত্রদুঃখং য়থাধ্যস্তং নিত্যাদুঃখে স্ব আত্মনি ।
US-P18.020cd অহংকর্ত্রা তথাধ্যস্তং পিত্রাদুঃখে স্ব আত্মনি ॥

US-P18.021ab সোঽধ্যাসো নেতি নেতীতি প্রাপ্তবত্ প্রতিষিধ্যতে ।
US-P18.021cd ভূয়োঽধ্যাসবিধিঃ কশ্চিত্ কুতশ্চিন্ নোপপদ্যতে ॥

US-P18.022ab আত্মনীহ য়থাধ্যাসঃ প্রতিষেধস্তথৈব চ ।
US-P18.022cd মলাধ্যাসনিষেধৌ খে ক্রিয়েতে চ য়থাবুধৈঃ ॥

US-P18.023ab প্রাপ্তশ্চেত্ প্রতিষিধ্যেত মোক্ষোঽনিত্যো ভবেদ্ ধ্রুবম্ ।
US-P18.023cd অতোঽপ্রাপ্তনিষেধোঽয়ং দিব্যগ্নিচয়নাদিবত্ ॥

US-P18.024ab সংভাব্যো গোচরে শব্দঃ প্রত্যয়ো বা ন চান্যথা ।
US-P18.024cd ন সংভাব্যৌ তদাত্মত্বাদহংকর্তুস্তথৈব চ ॥

US-P18.025ab অহংকর্ত্রাত্মনি ন্যস্তং চৈতন্যে কর্তৃতাদি য়ত্ ।
US-P18.025cd নেতি নেতীতি তত্ সর্বং সাহংকর্ত্রা নিষিধ্যতে ॥

US-P18.026ab উপলভিঃ স্বয়ংজ্যোতির্দৃশিঃ প্রত্যক্ষদক্রিয়ঃ ।
US-P18.026cd সাক্ষাত্ সর্বানতরঃ সাক্ষী চেতা নিত্যোঽগুণোঽদ্বয়ঃ ॥

US-P18.027ab সংনিধৌ সর্বদা তস্য স্যাত্ তদাভোঽভিমানকৃত্ ।
US-P18.027cd আত্মাত্মীয়ং দ্বয়ং চাতঃ স্যাদহংমমগোচরঃ ॥

US-P18.028ab জাতিকর্মাদিমত্ত্বাদ্ ধি তস্মিঞ্ শব্দস্ত্বহংকৃতি ।
US-P18.028cd ন কশ্চিদ্ বর্ততে শব্দস্তদভাবাত্ স্ব আত্মনি ॥

US-P18.029ab আভাসো য়ত্র তত্রৈব শব্দাঃ প্রত্যগ্দৃশিং স্থিতাঃ ।
US-P18.029cd লক্ষয়েয়ুর্ন সাক্ষাত্ তমভিদধ্যুঃ কথংচন ॥

US-P18.030ab নহ্যজাত্যাদিমান্ কশ্চিদর্থঃ শব্দৈর্নিরূপ্যতে ।
US-P18.030cd আত্মাভাসো য়তোঽহংকৃদাত্মশব্দৈস্তথোচ্যতে ॥

US-P18.031ab উল্মুকাদৌ য়থাগ্ন্যর্থাঃ পরার্থত্বান্ ন চাঞ্জসা ।
US-P18.031cd মুখাদন্যো মুখাভাসো য়থাদর্শানুকারতঃ ॥

US-P18.032ab আভাসান্ মুখমপ্যেবমাদর্শানুবর্তনাত্ ।
US-P18.032cd অহংকৃত্যাত্মনির্ভাসো মুখাভাসবদিষ্যতে ॥

US-P18.033ab মুখবত্ স্থিত আত্মান্যোঽবিবিক্তৌ তৌ তথৈব চ ।
US-P18.033cd সংসারী চ স ইত্যেক আভাসো য়স্ত্বহংকৃতি ॥

US-P18.034ab বস্তু চ্ছায়া স্মৃতেরন্যন্ মাধুর্যাদি চ কারণম্ ।
US-P18.034cd জ্ঞৈকদেশো বিকারো বা তদাভাসাশ্রয়ঃ পরে ॥

US-P18.035ab অহংকর্তৈব সংসারী স্বতন্ত্র ইতি কেচন ।
US-P18.035cd অহংকারাদিসংতানঃ সংসারী নান্বয়ী পৃথক্ ॥

US-P18.036ab ইত্যেবং সৌগতা আহুস্তত্র ন্যায়ো বিচার্যতাম্ ।
US-P18.036cd সংসারিণাং কথা ত্বাস্তাং প্রকৃতং ত্বধুনোচ্যতে ॥

US-P18.037ab মুখাভাসো য় আদর্শে ধর্মো নান্যতরস্য সঃ ।
US-P18.037cd দ্বয়োরেকস্য চেদ্ ধর্মো বিয়ুক্তেঽন্যতরে ভবেত্ ॥

US-P18.038ab মুখেন ব্যপদেশাত্ স মুখস্যৈবেতি চেন্ মতম্ ।
US-P18.038cd নাদর্শানুবিধানাচ্ চ মুখে সত্যবিভাবতঃ ॥

US-P18.039ab দ্বয়োরেবেতি চেত্ তন্ ন দ্বয়োরেবাপ্যদর্শনাত্ ।
US-P18.039cd অদৃষ্টস্য সতো দৃষ্টিঃ স্যাদ্ রাহোশ্চন্দ্রসূর্যয়োঃ ॥

US-P18.040ab রাহোঃ প্রাগেব বস্তুত্বং সিদ্ধং শাস্ত্রপ্রমাণতঃ ।
US-P18.040cd ছায়াপক্ষে ত্ববস্তুত্বং তস্য স্যাত্ পূর্বয়ুক্তিতঃ ॥

US-P18.041ab ছায়াক্রান্তের্নিষেধোঽয়ং ন তু বস্তুত্বসাধকঃ ।
US-P18.041cd ন হ্যর্থান্তরনিষ্টং সদ্ বাক্যমর্থান্তরং বদেত্ ॥

US-P18.042ab মাধুর্যাদি চ য়ত্ কার্যমুষ্ণদ্রব্যাদ্যসেবনাত্ ।
US-P18.042cd ছায়ায়া ন ত্বদৃষ্টত্বাদপামেব চ দর্শনাত্ ॥

US-P18.043ab আত্মাভাসাশ্রয়াশ্চৈবং মুখাভাসাশ্রয়া য়থা ।
US-P18.043cd গম্যতে শাস্ত্রয়ুক্তিভ্যামাভাসাসত্ত্বমেব চ ॥

US-P18.044ab ন দৃশেরবিকারিত্বাদাভাসস্যাপ্যবস্তুতঃ ।
US-P18.044cd নাচিতিত্বাদহংকর্তুঃ কস্য সংসারিতা ভবেত্ ॥

US-P18.045ab অবিদ্যামাত্র এবাতঃ সংসারোঽস্ত্ববিবেকতঃ ।
US-P18.045cd কূটস্থেনাত্মনা নিত্যমাত্মবানাত্মনীব সঃ ॥

US-P18.046ab রজ্জুসর্পো য়থা রজ্জ্বা সাত্মকঃ প্রাগ্ বিবেকতঃ ।
US-P18.046cd অবস্তুসন্নপি হ্যেষ কূটস্থেনাত্মনা তথা ॥

US-P18.047ab আত্মাভাসাশ্রয়শ্চাত্মা প্রত্যয়ৈঃ স্বৈর্বিকারবান্ ।
US-P18.047cd সুখী দুঃখী চ সংসারী নিত্য এবেতি কেচন ॥

US-P18.048ab আত্মাভাসাপরিজ্ঞানাদ্ য়থাত্ম্যেন বিমোহিতাঃ ।
US-P18.048cd অহংকর্তারমাত্মেতি মন্যন্তে তে নিরাগমাঃ ॥

US-P18.049ab সংসারো বস্তুসংস্তেষাং কর্তৃভোক্তৃত্বলক্ষণঃ ।
US-P18.049cd আত্মাভাসাশ্রয়াজ্ঞানাত্ সংসরন্ত্যবিবেকতঃ ॥

US-P18.050ab চৈতন্যাভাসতা বুদ্ধেরাত্মনস্তত্স্বরূপতা ।
US-P18.050cd স্যাচ্ চেত্ তং জ্ঞানশব্দৈশ্চ বেদঃ শাস্তীতি য়ুজ্যতে ॥

US-P18.051ab প্রকৃতিপ্রত্যয়ার্থৌ য়ৌ ভিন্নাবেকাশ্রয়ৌ য়থা ।
US-P18.051cd করোতি গচ্ছতীত্যাদৌ দৃষ্টৌ লোকপ্রসিদ্ধিতঃ ॥

US-P18.052ab নানয়োর্দ্ব্যাশ্রয়ত্বং তু লোকে দৃষ্টং স্মৃতৌ তথা ।
US-P18.052cd জানাত্যর্থেষু কো হেতুর্দ্ব্যাশ্রয়ত্বে নিগদ্যতাম্ ॥

US-P18.053ab আত্মাভাসস্তু তিণ্বাচ্যো ধাত্বর্থশ্চ ধিয়ঃ ক্রিয়া ।
US-P18.053cd উভয়ং চাবিবেকেন জানাতীত্যুচ্যতে মৃষা ॥

US-P18.054ab ন বুদ্ধেরববোধোঽস্তি নাত্মনো বিদ্যতে ক্রিয়া ।
US-P18.054cd অতো নান্যতরস্যাপি জানাতীতি চ য়ুজ্যতে ॥

US-P18.055ab নাপ্যতো ভাবশব্দেন জ্ঞপ্তিরিত্যপি য়ুজ্যতে ।
US-P18.055cd ন হ্যাত্মা বিক্রিয়ামাত্রো নিত্য আত্মেতিশাসনাত্ ॥

US-P18.056ab ন বুদ্ধের্বুদ্ধিবাচ্যত্বং করণং ন হ্য্কর্তৃকম্ ।
US-P18.056cd নাপি জ্ঞায়ত ইত্যেবং কর্মশব্দৈর্নিরুচ্যতে ॥

US-P18.057ab ন য়েষামেক এবাত্মা নির্দুঃখোঽবিক্রিয়ঃ সদা ।
US-P18.057cd তেষাং স্যাচ্ছব্দবাচ্যত্বং জ্ঞেয়ত্বং চাত্মনঃ সদা ॥

US-P18.058ab য়দাহংকর্তুরাত্মত্বং তদা শব্দার্থমুখ্যতা ।
US-P18.058cd নাশনায়াদিমত্ত্বাত্ তু শ্রুতৌ তস্যাত্মতেষ্যতে ॥

US-P18.059ab হন্ত তর্হি ন মুখ্যার্থো নাপি গৌণঃ কথংচন ।
US-P18.059cd জানাতীত্যাদিশব্দস্য গতির্বাচ্যা তথাপি তু ॥

US-P18.060ab শব্দানাময়থার্থত্বে বেদস্যাপ্যপ্রমাণতা ।
US-P18.060cd সা চ নেষ্টা ততো গ্রাহ্যা গতিরস্য প্রসিদ্ধিতঃ ॥

US-P18.061ab প্রসিদ্ধির্মূঢলোকস্য য়দি গ্রাহ্যা নিরাত্মতা ।
US-P18.061cd লোকায়তিকসিদ্ধান্তঃ স চানিষ্টঃ প্রসজ্যতে ॥

US-P18.062ab অভিয়ুক্তপ্রসিদ্ধিশ্চেত্ পূর্ববদ্ দুর্বিবেকতা ।
US-P18.062cd গতিশূন্যং ন বেদোঽয়ং প্রমাণং সংবদত্যুত ॥

US-P18.063ab আদর্শমুখসামান্যং মুখস্যেষ্টং হি মানবৈঃ ।
US-P18.063cd মুখস্য প্রতিবিম্বো হি মুখাকারেণ দৃশ্যতে ॥

US-P18.064ab য়ত্র য়স্যাবভাসস্তু তয়োরেবাবিবেকতঃ ।
US-P18.064cd জানাতীতি ক্রিয়াং সর্বো লোকো বক্তি স্বভাবতঃ ॥

US-P18.065ab বুদ্ধেঃ কর্তৃত্বমধ্যস্য জানাতীতি জ্ঞ উচ্যতে ।
US-P18.065cd তথা চৈতন্যমধ্যস্য জ্ঞত্বং বুদ্ধেরিহোচ্যতে ॥

US-P18.066ab স্বরূপং চাত্মনো জ্ঞানং নিত্যং জ্যোতিঃ শ্রুতের্যতঃ ।
US-P18.066cd ন বুদ্ধ্যা ক্রিয়তে তস্মান্ নাত্মনান্যেন বা সদা ॥

US-P18.067ab দেহেঽহংপ্রত্যয়ো য়দ্বজ্ জানাতীতি চ লৌকিকাঃ ।
US-P18.067cd বদন্তি জ্ঞানকর্তৃত্বং তদ্বদ্ বুদ্ধেস্তথাত্মনঃ ॥

US-P18.068ab বৌদ্ধৈস্তু প্রত্যয়ৈরেবং ক্রিয়মাণৈশ্চ চিন্নিভৈঃ ।
US-P18.068cd মোহিতাঃ ক্রিঅয়ে জ্ঞানমিত্যাহুস্তার্কিকা জনাঃ ॥

US-P18.069ab তস্মাজ্ জ্ঞাভাসবুদ্ধীনামবিবেকাত্ প্রবর্তিতাঃ ।
US-P18.069cd জানাতীত্যাদিশব্দশ্চ প্রত্যয়ো য়া চ তত্স্মৃতিঃ ॥

US-P18.070ab আদর্শানুবিধায়িত্বং ছায়ায়া অস্যতে মুখে ।
US-P18.070cd বুদ্ধিধর্মানুকারিত্বং জ্ঞাভাসস্য তথেষ্যতে ॥

US-P18.071ab বুদ্ধেস্তু প্রত্যয়াস্তস্মাদাত্মাভাসেন দীপিতাঃ ।
US-P18.071cd গ্রাহকা ইব ভাসন্তে দহন্তীবোল্মুকাদয়ঃ ॥

US-P18.072ab স্বয়মেবাবভাস্যন্তে গ্রাহকাঃ স্বয়মেব চ ।
US-P18.072cd ইত্যেবং গ্রাহকাস্তীত্বং প্রতিষেধন্তি সৌগতাঃ ॥

US-P18.073ab য়দ্যেবং নান্যদৃশ্যাস্তে কিং তদ্বারণমুচ্যতাম্ ।
US-P18.073cd ভাবাভাবৌ হি তেষাং য়ৌ নান্যগ্রাহ্যৌ সদা য়দি ॥

US-P18.074ab অন্বয়ি গ্রাহকস্তেষামিত্যেতদপি তত্সমম্ ।
US-P18.074cd অচিতিত্বস্য তুল্যত্বাদন্যস্মিন্ গ্রাহকে সতি ॥

US-P18.075ab অধ্যক্ষস্য সমীপে তু সিদ্ধিঃ স্যাদিতি চেন্ মতম্ ।
US-P18.075cd নাধ্যক্ষেঽনুপকারিত্বাদন্যত্রাপি প্রসঙ্গতঃ ॥

US-P18.076ab অর্থী দুঃখী চ য়ঃ শ্রোতা স ত্বধ্যক্ষোঽথবেতরঃ ।
US-P18.076cd অধ্যক্ষস্য চ দুঃখিত্বমর্থিত্বং চ ন তে মতম্ ॥

US-P18.077ab কর্তাধ্যক্ষঃ সদস্মীতি নৈব সদ্গ্রহমর্হতি ।
US-P18.077cd সদেবাসীতি মিথ্যোক্তিঃ শ্রুতেরপি ন য়ুজ্যতে ॥

US-P18.078ab অবিবিচ্যোভয়ং বক্তি শ্রুতিশ্চেত্ স্যাদ্ গ্রহস্তথা ।
US-P18.078cd অস্মদস্তু বিবিচ্যৈব ত্বমেবেতি বদেদ্ য়দি ॥

US-P18.079ab প্রত্যয়ান্বয়িনিষ্ঠত্বমুক্তো দোষঃ প্রসজ্যতে ।
US-P18.079cd ত্বমিত্যধ্যক্ষনিষ্ঠশ্চেদহমধ্যক্ষয়োঃ কথম্ ॥

US-P18.080ab সংবন্ধো বাচ্য এবাত্র য়েন ত্বমিতি লক্ষয়েত্ ।
US-P18.080cd দ্রষ্টৃদৃশ্যত্বসংবন্ধো য়দ্যধ্যক্ষেঽক্রিয়ে কথম্ ॥

US-P18.081ab অক্রিয়ত্বেঽপি তাদাত্ম্যমধ্যক্ষস্য ভবেদ্ য়দি ।
US-P18.081cd আত্মাধ্যক্ষো মমাস্তীতি সংবন্ধাগ্রহণে ন ধীঃ ॥

US-P18.082ab সংবন্ধগ্রহণং শাস্ত্রাদিতি চেন্ মন্যসে ন হি ।
US-P18.082cd পূর্বোক্তাঃ স্যুস্ত্রিধা দোষা গ্রহো বা স্যান্ মমেতি চ ॥

US-P18.083ab অদৃশির্দৃশিরূপেণ ভাতি বুদ্ধির্যদা সদা ।
US-P18.083cd প্রত্যয়া অপি তস্যাঃ স্যুস্তপ্তায়োবিস্ফুলিঙ্গবত্ ॥

US-P18.084ab আভাসস্তদভাবশ্চ দৃশেঃ সীম্নো ন চান্যথা ।
US-P18.084cd লোকস্য য়ুক্তিতঃ স্যাতাং তদ্গ্রহশ্চ তথা সতি ॥

US-P18.085ab নন্বেবং দৃশিসংক্রান্তিরয়ঃপিণ্ডেঽগ্নিবদ্ ভবেত্ ।
US-P18.085cd মুখাভাসবদিত্যেতদাদর্শে তন্ নিরাকৃতম্ ॥

US-P18.086ab কৃষ্ণায়ো রোহিতাভাসমিত্যেতদ্ দৃষ্টমুচ্যতে ।
US-P18.086cd দৃষ্টদার্ষ্টান্তুল্যত্বং ন তু সর্বাত্মনা ক্বচিত্ ॥

US-P18.087ab তথৈব চেতনাভাসং চিত্তং চৈতন্যবদ্ ভবেত্ ।
US-P18.087cd মুখাভাসো য়থাদর্শ আভাসশ্চোদিতো মৃষা ॥

US-P18.088ab চিত্তং চেতনমিত্যেতচ্ছাস্ত্রয়ুক্তিবিবর্জিতম্ ।
US-P18.088cd দেহস্যাপি প্রসঙ্গঃ স্যাচ্ চক্ষুরাদেস্তথৈব চ ॥

US-P18.089ab তদপ্যস্ত্বিতি চেত্ তন্ ন লোকায়তিকসংগতেঃ ।
US-P18.089cd ন চ ধীর্দৃশিরস্মীতি য়দ্যাভাসো ন চেতসি ॥

US-P18.090ab সদস্মীতি ধিয়োঽভাবে ব্যর্থং স্যাত্ তত্ ত্বমস্যপি ।
US-P18.090cd য়ুষ্মদস্মদ্বিবেকজ্ঞে স্যাদর্থবদিদং বচঃ ॥

US-P18.091ab মমেদংপ্রত্যয়ৌ জ্ঞেয়ৌ য়ুষ্মদ্যেব ন সংশয়ঃ ।
US-P18.091cd অহমিত্যস্মদীষ্টঃ স্যাদয়মস্মীতি চোভয়োঃ ॥

US-P18.092ab অন্যোন্যাপেক্ষয়া তেষাং প্রধানগুণতেষ্যতে ।
US-P18.092cd বিশেষনবিশেষ্যত্বং তথা গ্রাহ্যং হি য়ুক্তিতঃ ॥

US-P18.093ab মমেদং দ্বয়মপ্যেতন্ মধ্যমস্য বিশেষণম্ ।
US-P18.093cd ধনী গোমান্ য়থা তদ্বদ্ দেহোঽহংকর্তুরেব চ ॥

US-P18.094ab বুদ্ধ্যারূঢং সদা সর্বং সাহংকর্ত্রা চ সাক্ষিণঃ ।
US-P18.094cd তস্মাত্ সর্বাবভাসো জ্ঞঃ কিংচিদপ্যস্পৃশন্ সদা ॥

US-P18.095ab প্রতিলোমমিদং সর্বং য়থোক্তং লোকবুদ্ধিতঃ ।
US-P18.095cd অবিবেকধিয়ামস্তি নাস্তি সর্বং বিবেকিনাম্ ॥

US-P18.096ab অন্বয়ব্যতিরেকৌ হি পদার্থস্য পদস্য চ ।
US-P18.096cd স্যাদেতদহমিত্যত্র য়ুক্তিরেবাবধারণে ॥

US-P18.097ab নাদ্রাক্ষমহমিতি অস্মিন্ সুষুপ্তেঽন্যন্ মনাগপি ।
US-P18.097cd ন বারয়তি দৃষ্টিং স্বাং প্রত্যয়ং তু নিষেধতি ॥

US-P18.098ab স্বয়ংজ্যোতির্ন হি দ্রষ্টুরিত্যেবং সংবিদোঽস্থিতাম্ ।
US-P18.098cd কৌটস্থ্যং চ তথা তস্যাঃ প্রত্যয়স্য চ লুপ্ততাম্ ।
US-P18.098ef স্বয়মেবাব্রবীচ্ ছাস্ত্রং প্রত্যয়াবগতী পৃথক্ ॥

US-P18.099ab এবং বিজ্ঞাতবাক্যার্থে শ্রুতিলোকপ্রসিদ্ধিতঃ ।
US-P18.099cd শ্রুতিস্তত্ ত্বমসীত্যাহ শ্রোতুর্মোহাপনুত্তয়ে ॥

US-P18.100ab ব্রহ্মা দাশরথের্যদ্বদুক্তৈবাপানুদত্ তমঃ ।
US-P18.100cd তস্য বিষ্ণুত্বসংবোধে ন য়ত্নান্তরমূচিবান্ ॥

US-P18.101ab অহংশব্দস্য য়া নিষ্ঠা জ্যোতিষি প্রত্যগাত্মনি ।
US-P18.101cd সৈবোক্তা সদসীত্যেবং ফলং তত্র বিমুক্ততা ॥

US-P18.102ab শ্রুতমাত্রে ন চেত্ স্যাত্ কার্যং তত্র ভবেদ্ ধ্রুবম্ ।
US-P18.102cd ব্যবহারাত্ পুরাপীষ্টঃ সদ্ভাবঃ স্বয়মাত্মনঃ ॥

US-P18.103ab অশনায়াদিনির্মুক্ত্যৈ তত্কালা জায়তে প্রমা ।
US-P18.103cd তত্ত্বমস্যাদিবাক্যার্থে ত্রিষু কালেষ্বসংশয়ঃ ॥

US-P18.104ab প্রতিবন্ধবিহীনত্বাত্ স্বয়ং চানুভবাত্মনঃ ।
US-P18.104cd জায়েতৈব প্রমা তত্র স্বাত্মন্যেব ন সংশয়ঃ ॥

US-P18.105ab কিং সদেবাহমস্মীতি কিং বান্যত্ প্রতিপদ্যতে ।
US-P18.105cd সদেব চেদহংশব্দঃ সতা মুখ্যার্থ ইষ্যতাম্ ॥

US-P18.106ab অন্যচ্ চেত্ সদহংগ্রাহপ্রতিপত্তির্মৃষৈব সা ।
US-P18.106cd তস্মান্ মুখ্যগ্রহে নাস্তি বারণাবগতেরিহ ॥

US-P18.107ab প্রত্যয়ী প্রত্যয়শ্চৈব য়দাভাসৌ তদর্থতা ।
US-P18.107cd তয়োরচিতিমত্ত্বাচ্ চ চৈতন্যে কল্প্যতে ফলম্ ॥

US-P18.108ab কূটস্থেঽপি ফলং য়োগ্যং রাজনীব জয়াদিকম্ ।
US-P18.108cd তদনাত্মত্বহেতুভ্যাং ক্রিয়ায়াঃ প্রত্যয়স্য চ ॥

US-P18.109ab আদর্শস্তু য়দাভাসো মুখাকারঃ স এব সঃ ।
US-P18.109cd য়থৈবং প্রত্যয়াদর্শো য়দাভাসস্তদা হ্যহম্ ॥

US-P18.110ab ইত্যেবং প্রতিপত্তিঃ স্যাত্ সদস্মীতি চ নান্যথা ।
US-P18.110cd তত্ ত্বমিত্যুপদেশোঽপি দ্বারাভাবাদনর্থকঃ ॥

US-P18.111ab শ্রোতুঃ স্যাদুপদেশশ্চেদর্থবত্ত্বং তথা ভবেত্ ।
US-P18.111cd অধ্যক্ষস্য ন চেদিষ্টং শ্রোতৃত্বং কস্য তদ্ ভবেত্ ॥

US-P18.112ab অধ্যক্ষস্য সমীপে স্যাদ্ বুদ্ধেরেবেতি চেন্ মতম্ ।
US-P18.112cd ন তত্কৃতোপকারোঽস্তি কাষ্ঠাদ্ য়দ্বন্ ন কল্প্যতে ॥

US-P18.113ab বুদ্ধৌ চেত্ তত্কৃতঃ কশ্চিন্ নন্বেবং পরিণামিতা ।
US-P18.113cd আভাসেঽপি চ কো দোষঃ সতি শ্রুত্যাদ্যনুগ্রহে ॥

US-P18.114ab আভাসে পরিণামশ্চেন্ ন রজ্জ্বাদিনিভত্ববত্ ।
US-P18.114cd সর্পাদেশ্চ তথাবোচমাদর্শে চ মুখত্ববত্ ॥

US-P18.115ab নাত্মাভাসত্বসিদ্ধিশ্চেদাত্মনো গ্রহণাত্ পৃথক্ ।
US-P18.115cd মুখাদেস্তু পৃথক্সিদ্ধিরিহ ত্বন্যোন্যসংশ্রয়ঃ ॥

US-P18.116ab অধ্যক্ষস্য পৃথক্সিদ্ধাবাভাসস্য তদীয়তা ।
US-P18.116cd আভাসস্য তদীয়ত্বে হ্যধ্যক্ষব্যতিরিক্ততা ॥

US-P18.117ab নৈবং স্বপ্নে পৃথক্সিদ্ধেঃ প্রত্যয়স্য দৃশেস্তথা ।
US-P18.117cd রথাদেস্তত্র শূন্যত্বাত্ প্রত্যয়স্যাত্মনা গ্রহঃ ॥

US-P18.118ab অবগত্যা হি সংব্যাপ্তঃ প্রত্যয়ো বিষয়াকৃতিঃ ।
US-P18.118cd জায়তে স য়দাকারঃ স বাহ্যো বিষয়ো মতঃ ॥

US-P18.119ab কর্মেপ্সিততমত্বাত্ স তদ্বান্ কার্যে নিয়ুজ্যতে ।
US-P18.119cd আকারো য়ত্র চার্প্যেত করণং তদিহোচ্যতে ॥

US-P18.120ab য়দাভাসেন সংব্যাপ্তঃ স জ্ঞাতেতি নিগদ্যতে ।
US-P18.120cd ত্রয়মেতদ্ বিবিচ্যাত্র য়ো জানাতি স আত্মবিত্ ॥

US-P18.121ab সম্যক্সংশয়মিথ্যোক্তাঃ প্রত্যয়া ব্যভিচারিণঃ ।
US-P18.121cd একৈবাবগতিস্তেষু ভেদস্তু প্রত্যয়ার্পিতঃ ॥

US-P18.122ab আধিভেদাদ্ য়থা ভেদো মণেরবগতেস্তথা ।
US-P18.122cd অশুদ্ধিঃ পরিণামশ্চ সর্বং প্রত্যয়সংশ্রয়াত্ ॥

US-P18.123ab প্রথনং গ্রহণং সিদ্ধিঃ প্রত্যয়ানামিহান্যতঃ ।
US-P18.123cd আপরোক্ষ্যাত্ তদেবোক্তমনুমানং প্রদীপবত্ ॥

US-P18.124ab কিমজ্ঞং গ্রাহয়েত্ কশ্চিত্ প্রমাণেন তু কেনচিত্ ।
US-P18.124cd বিনৈব তু প্রমাণেন নিবৃত্ত্যান্যস্য শেষতঃ ॥

US-P18.125ab শব্দেনৈব প্রমাণেন নিবৃত্তিশ্চেদিহোচ্যতে ।
US-P18.125cd অধ্যক্ষস্যাপ্রসিদ্ধত্বাচ্ছূন্যতৈব প্রসজ্যতে ॥

US-P18.126ab চেতনস্ত্বং কথং দেহ ইতি চেন্ নাপ্রসিদ্ধিতঃ ।
US-P18.126cd চেতনস্যান্যতাসিদ্ধাবেবং স্যাদন্যহানতঃ ॥

US-P18.127ab অধ্যক্ষঃ স্বয়মস্ত্যেব চেতনস্যাপরোক্ষতঃ ।
US-P18.127cd তুল্য এবং প্রবোধঃ স্যাদজ্ঞস্যাসত্ত্ববাদিনা ॥

US-P18.128ab অহমজ্ঞাসিষং চেদমিতি লোকস্মৃতেরিহ ।
US-P18.128cd করণং কর্ম কর্তা চ সিদ্ধাস্ত্বেকক্ষণে কিল ॥

US-P18.129ab প্রামাণ্যেঽপি স্মৃতেঃ শৈঘ্র্যাদ্ য়ৌগপদ্যং বিভাব্যতে ।
US-P18.129cd ক্রমেণ গ্রহণং পূর্বং স্মৃতেঃ পশ্চাত্ তথৈব চ ॥

US-P18.130ab অজ্ঞাসিষমিদং মাং চেত্যপেক্ষা জায়তে ধুর্বম্ ।
US-P18.130cd বিশেষোঽপেক্ষ্যতে য়ত্র তত্র নৈবৈককালতা ॥

US-P18.131ab আত্মনো গ্রহণে চাপি ত্রয়াণামিহ সংভবাত্ ।
US-P18.131cd আত্মন্যাসক্তকর্তৃত্বং ন স্যাত্ করণকর্মণঃ ॥

US-P18.132ab ব্যাপ্তুমিষ্টং চ য়ত্ করতুঃ ক্রিয়য়া কর্ম তত্ স্মৃতম্ ।
US-P18.132cd অতো হি কর্তৃতন্ত্রত্বং তস্যেষ্টং নান্যতন্ত্রতা ।
US-P18.133ab শব্দাদ্ বানুমিতের্বাপি প্রমাণাদ্ বা ততোঽন্যতঃ ।
US-P18.133cd সিদ্দিঃ সর্বপদার্থানাং স্যাদজ্ঞং প্রতি নান্যথা ॥

US-P18.134ab অধ্যক্ষস্যাপি সিদ্ধিঃ স্যাত্ প্রমাণেন বিনৈব বা ।
US-P18.134cd বিনা স্বস্য প্রসিদ্ধিস্তু নাজ্ঞং প্রত্যুপয়ুজ্যতে ॥

US-P18.135ab তস্যৈবাজ্ঞত্বমিষ্টং চেজ্ জ্ঞাতত্বেঽন্যা মিতির্ভবেত্ ।
US-P18.135cd অন্যস্যৈবাজ্ঞতায়াং চ তদ্বিজ্ঞানে ধ্রুবা ভবেত্ ॥

US-P18.136ab জ্ঞাততা স্বামলাভো বা সিদ্ধিঃ স্যাদন্যদেব বা ।
US-P18.136cd জ্ঞাতত্বেঽনন্তরক্তৌ ত্বং পক্ষৌ সংস্মর্তুমর্হসি ॥

US-P18.137ab সিদ্ধিঃ স্যাত্ স্বাত্মলাভশ্চেদ্ য়ত্নস্তত্র নিরর্থকঃ ।
US-P18.137cd সর্বলোকপ্রসিদ্ধত্বাত্ স্বহেতুভ্যস্তু বস্তুনঃ ॥

US-P18.138ab জ্ঞানজ্ঞেয়াদিবাদেঽতঃ সিদ্ধির্জ্ঞাতত্বমুচ্যতে ।
US-P18.138cd অধ্যক্ষাধ্যক্ষ্যয়োঃ সিদ্ডির্জ্ঞেয়ত্বং নাত্মলাভতা ॥

US-P18.139ab স্পষ্টত্বং কর্মকর্ত্রাদেঃ সিদ্ধতা য়দি কল্প্যতে ।
US-P18.139cd স্পষ্টতাস্পষ্টতে স্যাতামন্যস্যৈব ন চাত্মনঃ ॥

US-P18.140ab অদ্রষ্টুর্নৈব চান্ধস্য স্পষ্টীভাবো ঘটস্য তু ।
US-P18.140cd কর্ত্রাদেঃ স্পষ্টতেষ্টা চেদ্ দ্রষ্টৃতাধ্যক্ষকর্তৃকা ॥

US-P18.141ab অনুভূতেঃ কিমন্যস্মিন্ স্যাত্ তবাপেক্ষয়া বদ ।
US-P18.141cd অনুভবিতরীষ্টা স্যাত্ সোঽপ্যনুভূতিরেব নঃ ॥

US-P18.142ab oক़্ অভিন্নোঽপি হি বুদ্ধ্যাত্মা বিপর্যাসিতদর্শনৈঃ ।
US-P18.142cd গ্রাহ্যগ্রাহকসংবিত্তিভেদবানিব লক্ষ্যতেcক़্ ॥

US-P18.143ab ভূতির্যেষাং ক্রিয়া সৈব কারকং সৈব চোচ্যতে ।
US-P18.143cd সত্ত্বং নাশিত্বমস্যাশ্চেত্ সকর্তৃত্বং থতেষ্যতাম্ ।
US-P18.143ef ন কশ্চিচ্ চেষ্যতে ধর্ম ইতি চেত্ পক্ষহানতা ॥

US-P18.144ab নন্বস্তিত্বাদয়ো ধর্মা নাস্তিত্বাদিনিবৃত্তয়ঃ ।
US-P18.144cd ন ভূতেস্তর্হি নাশিত্বং স্বালক্ষণ্যং হি তে ॥

US-P18.145ab স্বলক্ষণাবধির্নাশো নাশোঽনাশনিবৃত্তিতা ।
US-P18.145cd অগোরসত্ত্বং গোত্বং তে ন তু তদ্ গোঃ স্বলক্ষণম্ ॥

US-P18.146ab ক্ষণবাচ্যোঽপি য়োঽর্থঃ স্যাত্ সোঽপ্যন্যাভাব এব তে ।
US-P18.146cd ভেদাভাবেঽপ্যভাবস্য ভেদো নামভিরিষ্যতে ॥

US-P18.147ab নামভেদৈরনেকত্বমেকস্য স্যাত্ কথং তব ।
US-P18.147cd অপোহো য়দি ভিন্নানাং বৃত্তিস্তস্য কথং গবি ॥

US-P18.148ab নাভাবা ভেদকাঃ সর্বে বিশেষা বা কদাচন ।
US-P18.148cd নামজাত্যাদয়ো য়দ্বত্ সংবিদস্তেঽবিশেষতঃ ॥

US-P18.149ab প্রত্যক্ষমনুমানং বা ব্যবহারে য়দীচ্ছসি ।
US-P18.149cd দ্রিয়াদারকভেদৈস্তদভ্যুপেয়ং ধ্রুবং ভবেত্ ॥

US-P18.150ab তস্মান্ নীলং তথা পীতং ঘটাদির্বা বিশেষণম্ ।
US-P18.150cd সংবিদস্তদুপেত্যং স্যাদ্ য়েন চাপ্যনুভূয়তে ॥

US-P18.151ab রূপাদীনাং য়থান্যঃ স্যাদ্ গ্রাহ্যত্বাদ্ গ্রাহকস্তথা ।
US-P18.151cd প্রত্যয়সয় থতান্যঃ স্যাদ্ ব্যঞ্জকত্বাচ্ চ দীপবত্ ॥

US-P18.152ab অধ্যক্ষস্য দৃশেঃ কীদৃক্ সংবন্ধঃ সংভবিষ্যতি ।
US-P18.152cd অধ্যকৃয়েণ তু দৃশ্যেন মুক্ত্বান্যো দ্রষ্টৃদৃশ্যতাম্ ॥

US-P18.153ab অধ্যক্ষেণ কৃতা দৃষ্টির্দৃশ্যং ব্যাপ্নোত্যতাপি বা ।
US-P18.153cd নিত্যাধ্যক্ষকৃতঃ দশ্চিদুপকারো ভবেদ্ ধিয়াম্ ॥

US-P18.154ab স চোক্তস্তন্নিভত্বং প্রাক্ সংব্যাপ্তিশ্চ ঘটাদিষু ।
US-P18.154cd য়থালোকাদিসংব্যাপ্তির্ব্যঞ্জকত্বাদ্ ধ্যস্থতা ॥

US-P18.155ab আলোকস্থো ঘটো য়দ্বদ্ বুদ্ধ্যারূঢো ভবেত্ তথা ।
US-P18.155cd ধীব্যাপ্তিঃ স্যাদ্ ঘটারোহো ধিয়ো ব্যাপ্তৌ কর্মো ভবেত্ ॥

US-P18.156ab পূর্বং স্যাত্ প্রত্যয়ব্যাপ্তিস্ততোঽনুগ্রহ আত্মনঃ ।
US-P18.156cd কৃত্স্নাধ্যক্ষস্য সোঽয়ুক্তঃ কালাকাশাদিবত্ ক্রমঃ ॥

US-P18.157ab বিষয়গ্রহণং য়স্য কারণাপেক্ষয়া ভবেত্ ।
US-P18.157cd সত্যেব গ্রাহ্যশেষে চ পরিণামী স চিত্তবত্ ॥

US-P18.158ab অধ্যক্ষোঽহমিতি জ্ঞানং বুদ্ধেরেব বিনিশ্চয়ঃ ।
US-P18.158cd নাধ্যক্ষস্যাবিশেষত্বান্ ন তস্যাস্তি পরো য়তঃ ॥

US-P18.159ab কর্ত্রা চেদহমিত্যেবমনুভূয়েত মুক্ততা ।
US-P18.159cd সুখদুঃখবিনির্মোকো নাহংকর্তরি য়ুজ্যতে ॥

US-P18.160ab দেহাদাবভিমানোত্থো দুঃখীতি প্রত্যয়ো ধ্রুবম্ ।
US-P18.160cd কুণ্ডলিপ্রত্যয়ো য়দ্বত্ প্রত্যগাত্মাভিমানিনা ॥

US-P18.161ab বাধ্যতে প্রত্যয়েনেহ বিবেকেনাবিবেকবান্ ।
US-P18.161cd বিপর্যয়েঽসদন্তং স্যাত্ প্রমাণস্যাপ্রমাণতঃ ॥

US-P18.162ab দাহচ্ছেদবিনাশেষু দুঃখিত্বং নান্যথাত্মনঃ ।
US-P18.162cd নৈব হ্যন্যস দাহাদাবন্যো দুঃখী ভবেত্ ক্বচিত্ ॥

US-P18.163ab অস্পর্শত্বাদদেহত্বান্ নাহং দাহ্যো য়তঃ সদা ।
US-P18.163cd তস্মান্ মিথ্যাভিমানোত্থং মৃতে পুত্রে মৃতির্যথা ॥

US-P18.164ab কুণ্ডল্যহমিতি হ্যেতদ্ বাধ্যেতৈব বিবেকিনা ।
US-P18.164cd দুঃখীতি প্রত্যয়স্তদ্বত্ কেবলাহংধিয়া সদা ॥

US-P18.165ab সিদ্ধে দুঃখিত্ব ইষ্টং স্যাত্ তচ্ছকিত্বং সদাত্মনঃ ।
US-P18.165cd মিথ্যাভিমানতো দুঃখী তেনার্থাপাদনক্ষয়ঃ ॥

US-P18.166ab অস্পর্শোঽপি য়থা স্পর্শমচলশ্চলনাদি চ ।
US-P18.166cd অবিবেকাত্ তথা দুঃখং মানসং চাত্মনীক্ষতে ॥

US-P18.167ab বিবেকাত্মধিয়া দুঃখং নুদ্যতে চল্চআদিবত্ ।
US-P18.167cd অবিবেকস্বভাবেন নমো গচ্ছত্যনিচ্ছতঃ ॥

US-P18.168ab তদানুদৃশ্যতে দু;খং নৈশ্চল্যে নৈব তস্য তত্ ।
US-P18.168cd প্রত্যগাত্মনি তস্মাত্ তদ্ দু;খং নৈবোপপদ্যতে ॥

US-P18.169ab ত্বংসতোর্তুল্যনীডতআন্ নীলাশ্ববদিদং ভবেত্ ।
US-P18.169cd নির্দুঃখবাচিনা য়োগাত্ ত্বংশব্দস্য তদর্থতা ॥

US-P18.170ab প্রত্যগাত্মাভিহানেন তচ্ছব্দস্য য়ুতেস্তথা ।
US-P18.170cd দশমস্ত্বমসীত্যেবং বাক্যং স্যাত্ প্রত্যফ़াত্মনি ॥

US-P18.171ab স্বার্থস্য হ্যপ্রহাণেন বিশিষ্টার্থসমর্পকৌ ।
US-P18.171cd প্রত্যগাত্মাবগত্যন্তৌ নান্যোঽর্থোঽর্থাদ্ বিরোধ্যতঃ ॥

US-P18.172ab নববুদ্ধ্যপহারাদ্ ধি স্বাত্মানং দশপূর১অম্ ।
US-P18.172cd অসশ্যঞ্ জ্ঞাতুমেবেচ্ছেত্ স্বমাত্মানং জনস্তথা ॥

US-P18.173ab অবিদ্যাবদ্ধচক্ষুষ্ট্বাত্ কামাপহৃতধীঃ সদা ।
US-P18.173cd বিবিক্তং দৃশিমাত্মানং নেক্ষতে দশমং য়থা ॥

US-P18.174ab দশমস্ত্বমসীত্যেবং তত্ত্বমস্যাদিবাক্যতঃ ।
US-P18.174cd স্বমাত্মানং বিজানাতি কৃত্স্নান্তঃকরণেক্ষণম্ ॥

US-P18.175ab ইদং পূর্বমিদং পশ্চাত্ পদং বাদ্যে ভবেদিতি ।
US-P18.175cd নিয়মো নৈব বেদেঽস্তি পদসাংগত্যমর্থতঃ ॥

US-P18.176ab বাক্যে হি শ্রূয়মাণানাং পদানামর্থসংস্মৃতিঃ ।
US-P18.176cd অন্বয়ব্যতিরেকাভ্যাং ততো বাক্যার্থবোধনম্ ॥

US-P18.177ab য়দা নিত্যেষু বাক্যেষু পদার্থস্তু বিবিচ্যতে ।
US-P18.177cd বাক্যার্থজ্ঞানসংক্রান্ত্যৈ তদা প্রশ্নো ন য়ুজ্যতে ॥

US-P18.178ab অন্বয়ব্যতিরেকোক্তিঃ পদার্থস্মরণায় তু ।
US-P18.178cd স্মৃত্যভাবে ন বাক্যার্থো জ্ঞাতুং শক্যো হি কেনচিত্ ॥

US-P18.179ab তত্ত্বমস্যাদিবাক্যেষু ত্বংপদার্থাবিবেকতঃ ।
US-P18.179cd ব্যজ্যতে নৈব বাক্যার্থো নিত্যমুক্তোঽহমিত্যতঃ ॥

US-P18.180ab অন্বয়ব্যতিরেকোক্তিস্তদ্বিবেকায় নান্যথা ।
US-P18.180cd ত্বংপদার্থবিবেকে হি পাণাবর্পিতবিল্ববত্ ॥

US-P18.181ab বাক্যার্থো ব্যজ্যতে চৈবং কেবলোঽহংপদার্থতঃ ।
US-P18.181cd দুঃখীত্যেতদপোহেন প্রত্যগাত্মবিনিশ্চয়াত্ ॥

US-P18.182ab তত্রৈবং সংভবত্যর্থে শ্রুতহানাশ্রুতার্থধিঃ ।
US-P18.182cd নৈবং কল্পয়িতুং য়ুক্তা পদবাক্যার্থকোবিদৈঃ ॥

US-P18.183ab প্রত্যক্ষাদীনি বাধেরন্ কৃষ্ণলাদিষু পাকবত্ ।
US-P18.183cd অক্ষজাদিনিভৈরেতৈঃ কথং স্যাদ্ বাক্যবাধনম্ ॥

US-P18.184ab দুঃখ্যস্মীতি সতি জ্ঞানে নির্দুঃখীতি ন জায়তে ।
US-P18.184cd প্রত্যক্ষাদিনিভত্বেঽপি বাক্যান্ ন ব্যভিচারতঃ ॥

US-P18.185ab স্বপ্নে দুঃখ্যহমদ্যাসং দাহচ্ছেদাদিহেতুতঃ ।
US-P18.185cd তত্কালভাবিভির্বাক্যৈর্ন বাধঃ ক্রিয়তে য়দি ॥

US-P18.186ab সমাপ্তেস্তর্হি দুঃখস্য প্রাক্ চ তদ্বাধ ইষ্যতাম্ ।
US-P18.186cd ন হি দুঃখস্য সংতানো ভ্রান্তের্বা দৃশ্যতে ক্বচিত্ ॥

US-P18.187ab প্রত্যগাত্মন আত্মত্বং দুঃখ্যস্মীত্যস্য বাধয়া ।
US-P18.187cd দশমং নবমস্যেব বেদ চেদবিরুদ্ধতা ॥

US-P18.188ab নিত্যমুক্তত্ববিজ্ঞানং বাক্যাদ্ ভবতি নান্যতঃ ।
US-P18.188cd বাক্যার্থস্যাপি বিজ্ঞানং পদার্থস্মৃতিপূর্বকম্ ॥

US-P18.189ab অন্বয়ব্যতিরেকাভ্যাং পদার্থঃ স্মর্যতে ধ্রুবম্ ।
US-P18.189cd এবং নির্দুঃখমাত্মানমক্রিয়ং প্রতিপদ্যতে ॥

US-P18.190ab সদেবেত্যাদিবাক্যেভ্যঃ প্রমা স্ফুটতরা ভবেত্ ।
US-P18.190cd দশমস্ত্বমসীত্যস্মাদ্ য়থৈবং প্রত্যগাত্মনি ॥

US-P18.191ab প্রবোধেন য়থা স্বাপ্নং সর্বং দুঃখং নিবর্ততে ।
US-P18.191cd প্রত্যগাত্মধিয়া তদ্বদ্ দুঃখিত্বং সর্বদাত্মনঃ ॥

US-P18.192ab কৃষ্ণলাদৌ প্রমাজন্ম তদন্যার্থামৃদুত্বতঃ ।
US-P18.192cd তত্ত্বমস্যাদিবাক্যেষু ন ত্বেবমবিরোধতঃ ॥

US-P18.193ab বাক্যে তত্ ত্বমসীত্যস্মিঞ্ জ্ঞাতার্থং তদসিদ্বয়ম্ ।
US-P18.193cd ত্বমর্থস্মৃত্যসাহায়্যাদ্ বাক্যং নোত্পাদয়েত্ প্রমাম্ ॥

US-P18.194ab তত্ত্বমোস্তুল্যনীডার্থমসীত্যেতত্ পদং ভবেত্ ।
US-P18.194cd তচ্ছব্দঃ প্রত্যগাত্মার্থস্তচ্ছব্দার্থস্ত্বমস্তথা ॥

US-P18.195ab দুঃখিত্বাপ্রত্যগাত্মত্বং বারয়েতামুভাবপি ।
US-P18.195cd এবং চ নেতিনেত্যর্থং গময়েতাং পরস্পরম্ ॥

US-P18.196ab এবং তত্ ত্বমসীত্যস্য গম্যমানে ফলে কথম্ ।
US-P18.196cd অপ্রমাণত্বমস্যোদ্ত্বা ক্রিয়াপেক্ষ্ত্বমুচ্যতে ॥

US-P18.197ab তস্মাদাদ্যন্তমধ্যেষু কুর্বিত্যেতদ্ বিরোধ্যতঃ ।
US-P18.197cd ন কল্প্যমশ্রুতত্বাচ্ চ শ্রুতত্যাগোঽপ্যনর্থকঃ ॥

US-P18.198ab য়থানুভূয়তে তৃপ্তির্ভুজের্বাক্যান্ ন গম্যতে ।
US-P18.198cd বাদ্যস্য বিধৃতিস্তদ্বদ্ গোশকৃত্পায়সিক্রিয় ॥

US-P18.199ab সত্যমেবমনাত্মার্থে বাক্যাত্ পারোক্ষবোধনম্ ।
US-P18.199cd প্রত্যগাত্মনি ন ত্বেবং সংহ্যাপ্রাপ্তিবদধ্রুবম্ ॥

US-P18.200ab স্বসংবেদ্যত্বপর্যায়ঃ স্বপ্রমাণক ইষ্যতাম্ ।
US-P18.200cd নিবৃত্তাবহ্মঃ সিদ্ধঃ স্বাত্মনোঽনুভবশ্চ নঃ ॥

US-P18.201ab বুদ্ধীনাং বিষয়ো দুঃখং তা য়স্য বিষয়া মতাঃ ।
US-P18.201cd কুতোঽস্য দুঃখসংবন্ধো দৃশেঃ স্যাত্ প্রত্যগাত্মনঃ ॥

US-P18.202ab দৃশিরেবানুভূয়েত স্বেনৈবানুভবাত্মনা ।
US-P18.202cd তদাভাসতয়া জন্ম ধিয়োঽস্যান্ভবঃ স্মৃতঃ ॥

US-P18.203ab অশনায়াদিনির্মুক্তঃ সিদ্ধো মোক্ষস্ত্বমেব সঃ ।
US-P18.203cd শ্রোতব্যাদি তবেত্যেতদ্ বিরুদ্ধং কথমুচ্যতে ॥

US-P18.204ab সেত্স্যতীত্যেব চেত্ তত্ স্যাচ্ছ্রবণাদি তদা ভবেত্ ।
US-P18.204cd মোক্ষস্যানিত্যতৈবং স্যাদ্ বিরোধ্যেবান্যথা বচঃ ॥

US-P18.205ab শ্রোতৃশ্রোতব্যয়োর্ভেদো য়দীষ্তঃ স্যাদ্ ভবেদিদম্ ।
US-P18.205cd ইষ্টার্থকোপ এবং স্যান্ ন য়ুক্তং সর্বথা বচঃ ॥

US-P18.206ab সিদ্ধো মোক্ষোঽহমিত্যেবং জ্ঞাত্বাত্মানং ভবেদ্ য়দি ।
US-P18.206cd চিকীষুর্যঃ স মূঢাত্মা শাস্ত্রং চোদ্ঘাটয়ত্যপি ॥

US-P18.207ab ন হি সিদ্ধস্য কর্তব্যং সকার্যস্য ন সিদ্ধতা ।
US-P18.207cd উভয়ালম্বনং কুর্বন্নাত্মানং বঞ্চয়ত্যসৌ ॥

US-P18.208ab সিদ্ধো মোক্ষস্ত্বমিত্যেতদ্ বস্তুমাত্রং প্রদর্শ্যতে ।
US-P18.208cd শ্রোতুস্তথাত্ববিজ্ঞানে প্রবৃত্তিঃ স্যাত্ কথং ত্বিতি ॥

US-P18.209ab কর্তা দুঃখ্যহমস্মীতি প্রত্যক্ষেনানুভূয়তে ।
US-P18.209cd কর্তা দুঃখী চ মা ভূবমিতি য়ত্নো ভবেত্ ততঃ ॥

US-P18.210ab তদ্বিজ্ঞানায় য়ুক্ত্যাদি কর্তব্যং শ্রুতিরব্রবীত্ ।
US-P18.210cd কর্তৃত্বাদ্যনুবাদেন সিদ্ধত্বানুভয়ায় তু ॥

US-P18.211ab নির্দুঃখো নিষ্ক্রিয়োঽকামঃ সিদ্ধো মোক্ষোঽহমিত্যপি ।
US-P18.211cd গৃহীত্বৈববিরুদ্ধার্থমাদধ্যাত্ কথমেব সঃ ॥

US-P18.212ab সকামঃ সক্রিয়োঽসিদ্ধ ইতি মেঽনুভবঃ কথম্ ।
US-P18.212cd অতো মে বিপরীতস্য তদ্ ভবান্ বক্তুমর্হতি ॥

US-P18.213ab ইহৈব ঘটতে প্রশ্নো ন মুক্তত্বানুভূতয়ে ।
US-P18.213cd প্রমানেন বিরোধী য়ঃ সোঽত্রার্থঃ প্রশ্নমর্হতি ॥

US-P18.214ab অহং নির্মুক্ত ইত্যেষ সদসীত্যন্যমানজঃ ।
US-P18.214cd প্রত্যক্ষাভাসজন্যত্বাদ্ দুঃখিত্বং প্রশ্নমর্হতি ॥

US-P18.215ab পৃষ্টমাকাণ্ক্ষিতং বাচ্যং দুঃখাভাবমভীপ্সিতম্ ।
US-P18.215cd কথং হীদং নিবর্তেত দুঃখং সর্বাত্মনা মম ॥

US-P18.216ab ইতি প্রশ্নানুরূপং য়দ্ বাচ্যং দুঃখনিবর্তকম্ ।
US-P18.216cd শ্রুতেঃ স্বাত্মনি নাশণ্কা প্রমাণ্যে সতি বিদ্যতে ॥

US-P18.217ab তস্মাদাত্মবিমুক্তত্বং প্রত্যায়য়তি তদ্বচঃ ।
US-P18.217cd বক্তব্যং তু তহ্তার্থং স্যাদ্ বিরোধেঽসতি কেনচিত্ ॥

US-P18.218ab ইতোঽন্যোঽনুভবঃ কশ্চিদাত্মনো নোপপদ্যতে ।
US-P18.218cd অবিজ্ঞাতং বিজানতাং বিজ্ঞাতারমিতি শ্রুতেঃ ॥

US-P18.219ab ত্বংপদার্থবিবেকায় সংন্যাসঃ সর্বকর্মণাম্ ।
US-P18.219cd সাধনত্বং ব্রজত্যেব শান্তো দান্তাদিশাসনাত্ ॥

US-P18.220ab ত্বমর্থং প্রত্যগাত্মানং পশ্যেদাত্মানমাত্মনি ।
US-P18.220cd বাক্যার্থং তত আত্মানং সর্বং পশ্যতি কেবলম্ ॥

US-P18.221ab সর্বমাত্মেতি বাক্যার্থে বিজ্ঞাতেঽস্য প্রমাণতঃ ।
US-P18.221cd অসত্ত্বে হ্যন্যমানস্য বিধিস্তং য়োজয়েত্ কথম্ ॥

US-P18.222ab তস্মাদ্ বাদ্যার্থবিজ্ঞানান্ নোর্ধ্বং কর্মবিধির্ভবেত্ ।
US-P18.222cd ন হি ব্রহ্মাস্মি কর্তেতি বিরুদ্ধে ভবতো ধিয়ৌ ॥

US-P18.223ab ব্রহ্মাস্মীতি হি বিদ্যেয়ং নৈব কর্তেতী বাধ্যতে ।
US-P18.223cd সকামো বদ্ধ ইত্যেবং প্রমাণাভাসজাতয়া ॥

US-P18.224ab শাস্ত্রাদ্ ব্রহ্মাস্মি নান্যোঽহমিতি বুদ্ধির্ভবেদ্ দৃধা ।
US-P18.224cd য়দায়ুক্তা তদৈবং ধীর্যথা দেহাত্মধীরিতি ॥

US-P18.225ab সভয়াদভয়ং প্রাপ্তস্তদর্থং য়ততে চ য়ঃ ।
US-P18.225cd স পুনঃ সভয়ং গন্তুং স্বতন্ত্রশ্চেন্ ন হীচ্ছতি ॥

US-P18.226ab য়থেষ্টাচরণপ্রাপ্তিঃ সংন্যাসাদিবিধৌ কুতঃ ।
US-P18.226cd পদার্থাজ্নানবুদ্ধস্য বাদ্যার্থানুভবার্থিনঃ ॥

US-P18.227ab অতঃ সর্বমিদং সিদ্ধং য়ত্ প্রাগস্মাভিরীর্তম্ ॥

US-P18.228ab য়ো হি য়স্মাদ্ বিরক্তঃ স্যান্ নাসৌ তস্মৈ প্রবর্ততে ।
US-P18.228cd লোকত্রয়াদ্ বিরক্ত্বান্ মুম্ক্ষুঃ কিমিতীহতে ॥

US-P18.229ab ক্ষুধয়া পিড্যমানোঽপি ন বিষং হ্যত্তুমিচ্ছতি ।
US-P18.229cd মিষ্টান্নধ্বস্ততৃড্ জানন্ নামূঢস্তজ্ জিঘত্সতি ॥

US-P18.230ab বেদান্তবাক্যপুষ্পেভ্যো জ্ঞানামৃতমধূত্তমম্ ।
US-P18.230cd উজ্জহারালিবদ্ য়ো নস্তস্মৈ সদ্গুরবে নমঃ ॥

US-P19.001ab প্রয়ুজ্য তৃষ্ণাজ্বরনাশকারণং চিকিত্সিতং জ্ঞানবিরাগভেষজম্ ।
US-P19.001cd ন য়াতি কামজ্বরসন্নিপাতজাং শরীরমালাশতয়োগদুঃখিতাম্ ॥

US-P19.002ab অহং মমেতি ত্বমনর্থমীহসে পরার্থমিচ্ছন্তি তবান্য ঈহিতম্ ।
US-P19.002cd ন তেঽর্থবোধো ন হি মেঽস্তি চার্থিতা ততশ্চ য়ুক্তঃ শম এব তে মনঃ ॥

US-P19.003ab য়তো ন চান্যঃ পরমাত্ সনাতনাত্ সদৈব তৃপ্তোঽহমতো ন মেঽর্থিতা ।
US-P19.003cd সদৈব মুক্তশ্চ ন কাময়ে হিতং য়তস্ব চেতঃ প্রশমায় তেঽধিকম্ ॥

US-P19.004ab ষডূর্মিমালাভ্যতিবৃত্ত এব য়ঃ স এব চাত্মা জগতশ্চ নঃ শ্রুতেঃ ।
US-P19.004cd প্রমাণতশ্চাপি ময়া প্রবেদ্যতে মুধৈব তস্মাচ্ চ মনস্তবেহিতম্ ॥

US-P19.005ab ত্বয়ি প্রশান্তে ন হি সাস্তি ভেদধীর্যতো জগন্ মোহমুপৈতি মায়য়া ।
US-P19.005cd গ্রহো হি মায়াপ্রভবস্য কারণং গ্রহাদ্ বিমোকে ন হি সাস্তি কস্যচিত্ ॥

US-P19.006ab ন মেঽস্তি মোহস্তব চৈষ্টিতেন হি প্রবুদ্ধতত্ত্বস্ত্বসিতো হ্যবিক্রিয়ঃ ।
US-P19.006cd ন পূর্বতত্ত্বোত্তরভেদতা হি নো বৃথৈব তস্মাচ্ চ মনস্তবেহিতম্ ॥

US-P19.007ab য়তশ্চ নিত্যোঽহমতো ন চান্যথা বিকারয়োগে হি ভবেদনিত্যতা ।
US-P19.007cd সদা প্রভাতোঽহমতো হি চাদ্বয়ো বিকল্পিতং চাপ্যসদিত্যবস্থিতম্ ॥

US-P19.008ab অভাবরূপং ত্বমসীহ হে মনো নিরীক্ষ্যমাণে ন হি য়ুক্তিতোঽস্তিতা ।
US-P19.008cd সতো হ্যনাশাদসতোঽপ্যজন্মতো দ্বয়ং চ তেঽতস্তব নাস্তিতেষ্যতে ॥

US-P19.009ab দ্রষ্টা চ দৃশ্যং চ তথা চ দর্শনং ভ্রমঃ স সর্বস্তব কল্পিতো হি সঃ ।
US-P19.009cd দৃশেশ্চ ভিন্নং ন হি দৃশ্যমীক্ষ্যতে স্বপন্ বিবোধে চ তথা ন ভিদ্যতে ॥

US-P19.010ab বিকল্পনা চাপি তথাদ্বয়া ভবেদবস্তুয়োগাত্ তদলাতচক্রবত্ ।
US-P19.010cd ন শক্তিভেদোঽস্তি য়তো ন চাত্মনাং ততোঽদ্বয়ত্বং শ্রুতিতোঽবসীয়তে ॥

US-P19.011ab মিথশ্চ ভিন্না য়দি তে হি চেতনাঃ ক্ষয়স্তু তেষাং পরিমাণয়োগতঃ ।
US-P19.011cd ধ্রুবো ভবেদ্ ভেদবতাং হি দৃষ্টতো জগত্ক্ষয়শ্চাপি সমস্তমোক্ষতঃ ॥

US-P19.012ab ন মেঽস্তি কশ্চিন্ ন চ সোঽস্মি কস্যচিদ্ য়তোঽদ্বয়োঽহং ন হি চাস্তি কল্পিতম্ ।
US-P19.012cd অকল্পিতশ্চাস্মি পুরা প্রসিদ্ধিতো বিকল্পনায়া দ্বয়মেব কল্পিতম্ ॥

US-P19.013ab বিকল্পনা চাপ্যভবে ন বিদ্যতে সদন্যদিত্যেবমতো ন নাস্তিতা ।
US-P19.013cd য়তঃ প্রবৃত্তা তব চাপি কল্পনা পুরা প্রসিদ্ধের্ন চ তদ্ বিকল্পিতম্ ॥

US-P19.014ab অসদ্ দ্বয়ং তেঽপি হি য়দ্ য়দীক্ষতে ন দৃষ্টমিত্যেব ন চৈব নাস্তিতা ।
US-P19.014cd য়তঃ প্রবৃত্তা সদসদ্বিকল্পনা বিচারবচ্ চাপি তথাদ্বয়ং চ সত্ ॥

US-P19.015ab সদভ্যুপেতং ভবতোপকল্পিতং বিচারহেতোর্যদি তস্য নাস্তিতা ।
US-P19.015cd বিচারহানাচ্ চ তহৈব সংস্থিতং ন চেত্ তদিষ্টং নিতরাং সদিষ্যতে ॥

US-P19.016ab অসত্সমং চৈব সদিত্যপীতি চেদনর্থবত্ত্বাত্ খরশৃঙ্গতুল্যতঃ ।
US-P19.016cd অনর্থবত্ত্বং ত্বসতি হ্যকারণং ন চৈব তস্মান্ ন বিপর্যয়েঽন্যথা ॥

US-P19.017ab অসিদ্ধতশ্চাপি বিচারকারণাদ্ দ্বয়ং চ তস্মাত্ প্রসৃতং হি মায়য়া ।
US-P19.017cd শ্রুতেঃ স্মৃতেশ্চাপি তথা হি য়ুক্তিতঃ প্রসিদ্ধ্যতীত্থং ন তু য়ুজ্যতেঽন্যথা ॥

US-P19.018ab বিকল্পনাচ্ চাপি বিধর্মকং শ্রুতেঃ পুরা প্রসিদ্ধেশ্চ বিকল্পিতংঽদ্বয়ম্ ।
US-P19.018cd ন চেতি নেতীতি তথা বিকল্পিতং নিষিধ্যতেঽত্রাপ্যবশেষসিদ্ধয়ে ॥

US-P19.019ab অকল্পিতেঽপ্যেবমজাদ্বয়াক্ষরে বিকল্পয়ন্তঃ সদসচ্ চ জন্মভিঃ ।
US-P19.019cd স্বচিত্তমায়াপ্রভবং চ তে ভবং জরাং চ মৃত্যুং চ নিয়ান্তি সংততম্ ॥

US-P19.020ab ভবাভবত্বং তু ন চেদবস্থিতির্ন তস্য চান্যস্ত্বিতি জন্ম নান্যথা ।
US-P19.020cd সতো হ্যসত্ত্বাদসতশ্চ সত্ত্বতো ন চ ক্রিয়া কারকমিত্যতোঽপ্যজম্ ॥

US-P19.021ab অকুর্বদিষ্টং য়দি বাস্য কারকং ন কিংচিদন্যন্ ননু নাস্ত্যকারকম্ ।
US-P19.021cd সতো বিশেষাদসতশ্চ সচ্চ্যুতৌ তুলান্তয়োর্যদ্বদনিশ্চয়ান্ ন হি ॥

US-P19.022ab ন চেত্ স ইষ্টঃ সদসদ্বিপর্যয়ঃ কথং ভবঃ স্যাত্ সদসদ্ব্যবস্থিতৌ ।
US-P19.022cd বিভক্তমেতদ্ দ্বয়মপ্যবস্থিতং ন জন্ম তস্মাচ্ চ মনো হি কস্যচিত্ ॥

US-P19.023ab অথাভ্যুপেত্যাপি ভবং তবেচ্ছতো ব্রবীমি নার্থস্তব চেষ্টিতেন মে ।
US-P19.023cd ন হানবৃদ্ধী ন য়তঃ স্বতোঽসতো ভবোঽন্যতো বা য়দি বাস্তিতা তয়োঃ ॥

US-P19.024ab ধ্রুবা হ্যনিত্যাশ্চ ন চান্যয়োগিনো মিথশ্চ কার্যং ন চ তেষু য়ুজ্যতে ।
US-P19.024cd অতো ন কস্যাপি হি কিংচিদিষ্যতে স্বয়ং হি তত্ত্বং ন নিরুক্তিগোচরম্ ॥

US-P19.025ab সমং তু তস্মাত্ সততং বিভাতবদ্ দ্বয়াদ্ বিমুক্তং সদসদ্বিকল্পিতাত্ ।
US-P19.025cd নিরীক্ষ্য য়ুক্ত্যা শ্রুতিতশ্চ বুদ্ধিমানশেষনির্বাণমুপৈতি দীপবত্ ॥

US-P19.026ab অবেদ্যমেকং য়দনন্যবেদিনাং কুতার্কিকাণাং চ সুবেদ্যমন্যথা ।
US-P19.026cd নিরীক্ষ্য চেত্থং ত্বগুণগ্রহোঽগুণং ন য়াতি মোহং গ্রহদোষমুক্তিতঃ ॥

US-P19.027ab অতোঽন্যথা ন গ্রহনাশ ইষ্যতে বিমোহবুদ্ধের্গ্রহ এব কারণম্ ।
US-P19.027cd গ্রহোঽপ্যহেতুর্হ্যনলস্ত্বনিন্ধনো য়থা প্রশান্তিং পরমাং তথা ব্রজেত্ ॥

US-P19.028ab বিমথ্য বেদোদধিতঃ সমুদ্ধৃতং সুরৈর্মহাব্ধেস্তু য়থা মহাত্মভিঃ ।
US-P19.028cd তথাঽমৃতং জ্ঞানমিদং হি য়ৈঃ পুরা নমো গুরুভ্যঃ পরমিক্ষিতং চ য়ৈঃ ॥

(Prose SectionsI-III)
অথ মোক্ষসাধনোপদেশবিধিং ব্যাখ্যাস্যামো মুমুক্ষূণাং
শ্রদ্দধানানামর্থিনামর্থায় ॥ ১ ॥

তদিদং মোক্ষসাধনং জ্ঞানং সাধনসাধ্যাদনিত্যাত্ সর্বস্মাদ্ বিরক্তায়
ত্যক্তপুত্রবিত্তলোকৈষণায় প্রতিপন্নপরমহংসপারিব্রাজ্যায়
শমদমদয়াদিয়ুক্তায় শাস্ত্রপ্রসিদ্ধশিষ্যগুণসম্পন্নায় শুচয়ে ব্রাহ্মণায়
বিধিবদুপসন্নায় শিষ্যায় জাতিকর্মবৃত্তবিদ্যাধিজনৈঃ পরীক্ষিতায় ব্রূয়াত্
পুনঃ পুনর্যাবদ্ গ্রহণং দৃঢীভবতি ॥ ২ ॥

শ্রুতিশ্চ — oক़্ পরীক্ষ্য … তত্ত্বতো ব্রহ্মবিদ্যাংcক़্ ইতি ।
দৃঢগৃহীতা হি বিদ্যাত্মনঃ শ্রেয়সে সন্তত্যৈ চ ভবতি । বিদ্যাসন্ততৈশ্চ
প্রাণ্যনুগ্রহায় ভবতি নৌরিব নদীং তিতীর্ষোঃ । শাস্ত্রং চ — oক़্ য়দ্যপি
অস্মা ইমামদ্ভিঃ পরিগৃহীতাং ধনস্য পূর্ণাং দদ্যাদেতদেব ততো ভূয়ঃcক़্ ইতি
। অন্যথা চ জ্ঞানপ্রাপ্ত্যভাবাত্ — oক़্ আচার্যবান্ পুরুষো বেদcক़্ oক़্
আচার্যাদ্ ধৈব বিদ্যা বিদিতা (সাধিষ্ঠং প্রাপত্) cক़্ oক़্ আচার্যঃ প্লাবয়িতা
তস্য (সম্যগ্) জ্ঞানং প্লব ইহোচ্যতেcক़্ ইত্যাদিশ্রুতিভ্যঃ স্মৃতিভ্যশ্চ ॥

৩ ॥

শিষ্যস্য জ্ঞানগ্রহণং চ লিন্গৈর্বুদ্ধ্বা
তদগ্রহণহেতূনধর্মলৌকিকপ্রমাদনিত্যানিত্য(বস্তু)
বিবেকবিষয়াসংজাতদৃঢপূর্বশ্রুতত্বলোকচিন্তাবেক্ষণজাত্যাদ্যভিমানাদীংস্তত্
প্রতিপক্ষৈঃ শ্রুতিস্মৃতিবিহিতৈরপনয়েদক্রোধাদিভিরহিংসাদিভিশ্চ
য়মৈর্জ্ঞানাবিরুদ্ধৈশ্চ নিয়মৈঃ ॥ ৪ ॥

অমানিত্বাদিগুণং চ জ্ঞানোপায়ং সম্যগ্ গ্রাহয়েত্ ॥ ৫ ॥

আচার্যাশ্চোহাপোহগ্রহণধারণশমদমদয়ানুগ্রহাদিসম্পন্নো লব্ধাগমো
দৃষ্টাদৃষ্টভোগেষ্বনাসক্তস্ত্যক্তসর্বকর্মসাধনো ব্রহ্মবিদ্ ব্রহ্মণি
স্থিতোঽভিন্নবৃত্তো
দম্ভদর্পকুহকশাঠ্যমায়ামাত্সর্যানৃতাহংকারমমত্বাদিদোষবর্জিতঃ
কেবলপরানুগ্রহপ্রয়োজনো বিদ্যোপয়োগার্থী পূর্বমুপদিশেত্ — oক़্ সদেব
সোম্যেদমগ্র আসীদেকমেবাদ্বিতীয়ংcক़্ oক़্ য়ত্র নান্যত্ পশ্যতিcক़্ oক़্ আত্মা বা
ইদমেক এবাগ্র আসীত্cক़্ oক़্ সর্বং খল্বিদং ব্রহ্মcক़্ ইত্য্(আদ্যঃ)
আত্মৈকত্বপ্রতিপাদনপরাঃ শ্রুতীঃ ॥ ৬ ॥

উপদিশ্য চ গ্রাহয়েদ্ ব্রহ্মণো লক্ষণং — oক़্ য় আত্মাপহতপাপ্মাcক़্ oক़্
য়ত্ সাক্ষাদপরোক্ষাদ্ ব্রহ্মcক़্ oক़্ য়োঽনাত্ম্যেcক़্ oক़্ স বা এষঃcক़্ oক़্
অপ্রাণো হ্যমনাঃcক़্ oক़্ সবাহ্যাভ্যন্তরো হ্যজঃcক़্ oক़্ বিজ্ঞানঘন এবcক़্
oক़্ অনন্তরমবাহ্যংcক़্ oক़্ অন্যদেব তদ্ বিদিতাদথো অবিদিতাত্cক़্ oক़্ আকাশো
বৈ নামcক़্ ইত্যাদিশ্রুতিভিঃ ॥ ৭ ॥

স্মৃতিভিশ্চ — oক़্ ন জায়তে ম্রিয়তে বাcক़্ oক़্ নাদত্তে কস্যচিত্ পাপংcক़্
oক़্ য়থাকাশস্থিতো নিত্যংcক़্ oক़্ ক্ষেত্রজ্ঞাং চাপি মাং বিদ্ধিcক़্ oক़্ ন
সত্ তন্ নাসদুচ্যতেcক़্ oক़্ অনাদিত্বান্ নির্গুণত্বাত্cক़্ oক़্ সমং সর্বেষু
ভূতেষুcক़্ oক़্ উত্তমঃ পুরুষঃcক़্ ইত্যাদিভিঃ
শ্রুত্যুক্তলক্ষণাবিরুদ্ধাভিঃ পরমাত্মাসংসারিত্বপ্রতিপাদনপরাভিঃ তস্য
সর্বেণানন্যত্বপ্রতিপাদনপরাভিশ্চ ॥ ৮ ॥

এবং শ্রুতিস্মৃতিভির্গৃহিতপরমাত্মলক্ষণং শিষ্যং
সংসারসাগরাদুত্তিতীষুং পৃচ্ছেত্ — কস্ত্বমসি সোম্যেতি ॥ ৯ ॥

স য়দি ব্রূয়াত্ — ব্রাহ্মণপুত্রোঽদোন্বয়ো ব্রহ্মচার্যাসং গৃহস্থো বেদানীমস্মি
পরমহংসপরিব্রাট্ সংসারসাগরাজ্ জন্মমৃত্যুমহাগ্রহাদুত্তিতীষুরিতি ॥ ১০ ॥

আচার্যো ব্রূয়াদ্ — ইহৈব তে সোম্য মৃতস্য শরীরং বয়োভিরদ্যতে মৃদ্ভাবং
বাপদ্যতে তত্র কথং সংসারসাগরাদত্তর্তুমিচ্ছসীতি ॥ ১১ ॥

স য়দি ব্রূয়াত্ — অন্যোঽহং শরীরাত্ । শরীরং তু জায়তে ম্রিয়তে
বয়োভিরদ্যতে মৃদ্ভাবমাপদ্যতে শস্ত্রাগ্ন্যাদিভিশ্ চ বিনাশ্যতে
ব্যাধ্যাধিভিশ্চ য়ুজ্যতে । তস্মিন্নহং স্বস্বকৃতধর্মাধর্মবশাত্ পক্ষী
নীদমিব প্রবিষ্টঃ পুনঃ পুনঃ শরীরবিনাশে ধর্মাধর্মবশাচ্ছরীরান্তরং
য়াস্যামি পূর্বনীডবিনাশে পক্ষীব নীডান্তরম্ । এবমেবাহমনাদৌ সংসারে
দেবতির্যঞ্মনুষ্যনিরয়স্থানেষু স্বকর্মবশাদুপাত্তং শরীরং ত্যজন্ নবং
নবং চান্যদুপাদদানো জন্মমরণপ্রবন্ধচক্রে ঘটীয়ন্ত্রবত্ স্বকর্মণা
ভ্রাম্যমাণঃ ক্রমেণেদং শরীরমাসাদ্য সংসারচক্রভ্রমণাদস্মান্ নির্বিণ্ণো
ভগবন্তমুপসন্নোঽস্মি সংসারচক্রভ্রমণপ্রশমায়েতি । তস্মান্ নিত্য এবাহং
শরীরাদন্যঃ । শরীরাণ্যাগচ্ছন্ত্যপগচ্ছন্তি চ বাসাংষীব পুরুষস্যেতি ॥

১২ ॥

আচার্যো ব্রূয়াত্ — সাধ্ববাধীঃ সম্যক্ পশ্যসি । কথং মৃষাবাধীঃ
ব্রাহ্মণপুত্রোঽদোন্বয়ো ব্রহ্মচর্যাসং গৃহস্থো বা ইদানীমস্মি
পরমহংসপরিব্রাডিতি ॥ ১৩ ॥

স য়দি ব্রূয়াত্ — ভগবন্, কথমহং মৃষাবাদিষমিতি ॥ ১৪ ॥

তং প্রতি ব্রূয়াদাচার্যঃ — য়তস্ত্বং ভিন্নজাত্যন্বয়সংস্কারং শরীরং
জাত্যন্বয়সংস্কারবর্জিতস্যাত্মনঃ প্রত্যজ্ঞাসীর্ব্রাহ্মণপুত্রোঽদোন্বয় ইত্যাদিনা
বাক্যেনেতি ॥ ১৫ ॥

স য়দি পৃচ্ছেত্ — শৃণু সোম্য য়থেদং শরীরং ত্বত্তো ভিন্নং
ভিন্নজাত্যন্বয়সংস্কারং ত্বং চ জাত্যন্বয়সংস্কারবর্জিত ইত্যুক্ত্বা তং
স্মারয়েত্ — স্মর্তুমর্হসি সোম্য পরমাত্মানং সর্বাত্মানং য়থোক্তলক্ষণং
শ্রাবিতোঽসি oক़্ সদেব সোম্যেদংcক़্ ইত্যাদি(ভিঃ) শ্রুতিভিঃ স্মৃতিভিশ্চ ।
লক্ষণং চ তস্য শ্রুতিভিঃ স্মৃতিভিশ্চ ॥ ১৭ ॥

লব্ধপরমাত্মলক্ষণস্মৃতয়ে ব্রূয়াত্ — য়োঽসাবাকাশনামা
নামরূপাভ্যামর্থান্তরভূতোঽশরীরোঽস্থূলাদিলক্ষণোঽপহতপাপ্মত্বাদিলক্ষণ্
অশ্চ সর্বৈঃ সংসারধর্মৈরনাগন্ধিতঃ oক़্ য়ত্ সাক্ষাদপরোক্ষাদ্ ব্রহ্ম
… এষ ত আত্মা সর্বান্তরঃcক़্ oক़্ অদৃষ্টো দ্রষ্টা অশ্রুতঃ শ্রোতা অমতো
মন্তা অবিজ্ঞাতো বিজ্ঞাতাcক़্ নিত্যবিজ্ঞানস্বরূপোঽনন্তরোঽবাহ্যঃ oক़্
বিজ্ঞানঘন এবcক़্ পরিপূর্ণ আকাশবতনন্তশক্তিঃ আত্মা সর্বস্য,
অশনায়াদিবর্জিতঃ, আবির্ভাবতিরোভাববর্জিতশ্চ
স্বাত্মবিলক্ষণয়োর্নামরূপয়োর্জগদ্বীজভূতয়োঃ স্বাত্মস্থয়োঃ
তত্ত্বান্যত্বাভ্যামনির্বচনীয়য়োঃ স্বসংবেদ্যয়োঃ সদ্ভাবমাত্রেণাচিন্ত্যশক্তিত্বাদ্
ব্যাকর্তাব্যাকৃতয়োঃ ॥ ১৮ ॥

তে নামরূপেঽব্যাকৃতে সতি ব্যাক্রিয়মাণে তস্মাদেতস্মাদাত্মন আকাশনামাকৃতী
সংবৃত্তে । তচ্ চাকাশাখ্যং ভূতমনেন প্রকারেণ পরমাত্মনঃ সম্ভূতং
প্রসন্নাত্ সলিলান্ মলমিব ফেনম্ । ন সলিলং ন চ সলিলাদত্যন্তভিন্নং
ফেনং । সলিলব্যতিরেকেণদর্শনাত্ । সলিলং তু স্বচ্ছমন্যত্ ফেনান্ মলরূপাত্
। এবং পরমাত্মা নামরূপাভ্যামন্যঃ ফেনাস্থানীয়াভ্যাং শুদ্ধঃ
প্রসন্নস্তদ্বিলক্ষণঃ । তে নামরূপেঽব্যাকৃতে সতী ব্যাক্রিয়মাণে ফেনস্থানীয়ে
আকাশনামাকৃতী সংবৃত্তে ॥ ১৯ ॥

ততোঽপি স্থূলভাবমাপদ্যমানে নামরূপে ব্যাক্রিয়মাণে বায়ুভাবমাপদ্যেতে
ততোঽপ্যগ্নিভাবমগ্নেরভাবং ততঃ পৃথ্বীভাবমিত্যেবংক্রমেণ
পূর্বপূর্বো(ত্তরো) ত্তরানুপ্রবেশেন পঞ্চমহাভূতানি পৃথিব্যন্তান্যুত্পন্নানি ।
ততঃ পঞ্চমহাভূতগুণবিশিষ্টা পৃথ্(ই) বী । পৃথ্(ই) ব্যাশ্চ পঞ্চাত্মক্যো
ব্রীহিয়বাদ্যা ওষধয়ো জায়ন্তে । তাভ্যো ভক্ষিতাভ্যো লোহিতং শুক্রং চ
স্ত্রীপুংসশরীরসংবন্ধি জায়তে । তদুভয়ং
ঋতুকালেঽবিদ্যাপ্রয়ুক্তকামখজনির্মথনোদ্ভূতং মন্ত্রসংস্কৃতং গর্ভাশয়ে
নিষিচ্যতে । তত্ স্বয়োনিরসানুপ্রবেশেন বিবর্ধমানং গর্ভীভূতং দশমে
নবমে বা মাসি সঞ্জায়তে ॥ ২০ ॥

তজ্জাতং লব্ধনামাকৃতিকং জাতকর্মাদিভির্মন্ত্রসংস্কৃতং
পুনরুপনয়নসংস্কারয়োগেন গৃহস্থসংজ্ঞং ভবতি । তদেব শরীরং
পত্নীসংয়োগসংস্কারয়োগেন গৃহস্থসংজ্ঞং ভবতি । তদেব
বনস্থসংস্কারেণ তাপসসংজ্ঞং ভবতি । তদেব
ক্রিয়াবিনিবৃত্তিনিমিত্তসংস্কারেণ পরিব্রাট্সংজ্ঞং ভবতি । ইত্যেবং ত্বত্তো
ভিন্নং ভিন্নজাত্যন্বয়সংস্কারং শরীরম্ ॥ ২১ ॥

মনশ্চেন্দ্রিয়াণি চ নামরূপাত্মকান্যেব oক़্ অন্নময়ং হি সোম্য মনঃcক़্
ইত্যাদিশ্রুতিভ্যঃ ॥ ২২ ॥

কথং চাহং ভিন্নজাত্যন্বয়সংস্কারবর্জিত ইত্যেতচ্ছৃণু । য়োঽসৌ
নামরূপয়োর্ব্যাকর্তা নামরূপধর্মবিলক্ষণঃ স এব নামরূপে ব্যাকুর্বন্
সৃষ্ট্বেদং শরীরং স্বয়ং সংস্কারধর্মবর্জিতো নামরূপ ইহ
প্রবিষ্টোঽন্যৈরদৃষ্টঃ স্বয়ং পশ্যংস্তথাঽশ্রুতঃ শৃণ্বন্নমতো
মন্বানোঽবিজ্ঞাতো বিজানং — oক़্ সর্বাণি রূপাণি বিচিত্য ধীরো নামানি
কৃত্বাভিবদন্ য়দাস্তেcক़্ ইতি । অস্মিন্নর্থে শ্রুতয়ঃ সহস্রশঃ oক़্ তত্
সৃষ্ট্বা তদেবানুপ্রাবিশত্cক़্ oক़্ অন্তঃ প্রবিষ্টঃ শাস্তা জনানাংcক़্ oক़্ স
এষ ইহ প্রবিষ্টঃcক़্ oক़্ এষ ত আত্মাcক़্ oক़্ স এতমেব সীমানং
বিদার্যৈতয়া দ্বারা প্রাপদ্যতcক़্ oক़্ এষ সর্বেষু ভূতেষু গূঢোঽত্মাcক़্
oক़্ সেয়ং দেবতৈক্ষত হন্তাহমিমাস্তিস্রো দেবতাঃcক़্ oক़্ অশরীরং
শরীরেষুcক़্ ইত্যাদ্যাঃ ॥ ২৩ ॥

স্মৃতয়োঽপি oক़্ আত্মৈব দেবতাঃ সর্বাঃcক़্ oক़্ নবদ্বারে পুরে দেহীcক़্ oক़্
ক্ষেত্রজ্ঞং চাপি মাং বিদ্ধিcক़্ oক़্ সমং সর্বেষু ভূতেষুcক़্ oক़্
উপদ্রষ্টানুমন্তা চcক़্ oক़্ উত্তমঃ পুরুষস্ত্বন্যঃcক़্ ইত্যাদ্যাঃ । তস্মাজ্
জাত্যন্বয়সংস্কারবর্জিতস্ত্বমিতি সিদ্ধম্ ॥ ২৪ ॥

স য়দি ব্রূয়াত্ — অন্য এবাহমজ্ঞঃ সুখী দুঃখী বদ্ধঃ সংসারী, অন্যোঽসৌ
মদ্বিলক্ষণোঽসংসারী দেবঃ, তমহং
বল্যুপহারনমস্কারাদিভির্বর্ণশ্রমকর্মভিশ্চারাধ্য
সংসারসাগরাদুত্তিতীর্ষুরস্মি কথমহং স এবেতি ॥ ২৫ ॥

আচার্যো ব্রূয়াত্ — নৈবং সোম্য প্রতিপত্তুমর্হসি প্রতিষিদ্ধত্বাদ্
ভেদপ্রতিপত্তেঃ । কথং প্রতিষিদ্ধা ভেদপ্রতিপত্তিরিত্যত আহ — oক़্
অন্যোঽসাবন্যোঽহমস্মীতি ন স বেদcক़্ oক़্ মৃত্যোঃ স মৃত্যুমাপ্নোতি য় ইহ
নানেব পশ্যতিcক़্ ইত্যেবমাদ্যাঃ ॥ ২৬ ॥

এতা এব শ্রুতয়ো ভেদপ্রতিপত্তেঃ সংসারগমনং দর্শয়ন্তি ॥ ২৭ ॥

অভেদপ্রতিপত্তেশ্চ মোক্ষং দর্শয়ন্তি সহস্রশঃ — oক़্ স আত্মা তত্
ত্বমসিcক़্ ইতি পরমাত্মভাবং বিধায় oক़্ আচার্যবান্ পুরুষো বেদcক़্
ইত্যুক্ত্বা oক़্ তস্য তাবদেব চিরংcক़্ ইতি মোক্ষং দর্শয়ন্ত্যভেদবিজ্ঞানাদেব
সত্যসন্ধস্যাতস্করস্যেব দাহাদ্যভাবদৃষ্টান্তেন সংসারাভাবং দর্শয়ন্তি
ভেদদর্শনাদসত্যাভিসন্ধস্য সংসারগমনং দর্শয়ন্তি তস্করস্যেব
দাহাদিদৃষ্টান্তেন ॥ ২৮ ॥

oক़্ ত ইহ ব্যাঘ্রো বাcক़্ ইত্যাদিনা চাভেদদর্শনাত্ oক़্ (স) স্বরাড্ ভবতিcক़্
ইত্যুক্ত্বা তদ্বিপঈতেন ভেদদর্শনেন সংসারগমনং দর্শয়ন্তি — oক़্ অথ
য়েঽন্যথাতো বিদুরন্যরাজানস্তে ক্ষয়্যলোকা ভবন্তিcক़্ ইতি প্রতিশাখম্ ।
তস্মান্ মৃষৈবাবাদীঃ — ব্রাহ্মণপুত্রোঽদোন্বয়ঃ সংসারী পরমাত্মবিলক্ষণ
ইতি ॥ ২৯ ॥

তস্মাত্ প্রতিসিদ্ধত্বাত্ ভেদদর্শনস্য ভেদবিষয়ত্বাচ্ চ কর্মোপাদানস্য,
কর্মসাধনত্বাচ্ চ য়জ্ঞোপবীতাদেঃ কর্মসাধনোপাদানস্য
পরমাত্মাভেদপ্রতিপত্ত্যা প্রতিষেধঃ কৃতো বেদিতব্যঃ । কর্মণাং
তত্সাধনানাং চ য়জ্ঞোপবীতাদীনাং পরমাত্মাভেদপ্রতিপত্তিবিরুদ্ধত্বাত্ ।
সংসারিণো হি কর্মাণি বিধীয়ন্তে তত্সাধনানি চ য়জ্ঞোপবীতাদীনি ন
পরমাত্মনোঽভেদদর্শিনঃ । ভেদদর্শনমাত্রেণ চ ততোঽন্যত্বম্ ॥ ৩০ ॥

য়দি চ কর্মাণি কর্তব্যানি ন নিবর্তয়িষিতানি কর্মসাধনাসম্বন্ধিনঃ
কর্মনিমিত্তজাত্যাশ্রমাদ্যসম্বন্ধিনশ্চ পরমাত্মন আত্মনৈবাভেদপ্রতিপত্তিং
নাবক্ষ্যত্ oক़্ স আত্মা তত্ ত্বমসিcক़্
ইত্যেবমাদিভির্নিশ্চিতরূপৈর্বাক্যৈর্ভেদপ্রতিপত্তিনিন্দাং চ নাভ্যধাস্যত্ oক़্
এষ নিত্যো মহিমা ব্রাহ্মণস্যcক़্ oক़্ অনন্বাগতং পুণ্যেনানন্বাগতং পাপেনcক़্
oক़্ অত্র স্তেনোঽস্তেনcক़্ ইত্যাদিনা ॥ ৩১ ॥

কর্মাসম্বন্ধরূপত্বং কর্মনিমিত্তবর্ণাদ্যসম্বন্ধরূপতাং (চ) নাভ্যধাস্যত্
কর্মাণি (চ) কর্মসাধনানি (চ) য়জ্ঞোপবীতাদীনি য়দ্যপরিতিত্যাজয়িষিতানি ।
তস্মাত্ সসাধনং কর্ম পরিত্যক্তব্যং মুমুক্ষুণা পরমাত্মাভেদদর্শনবিরোধাত্
। আত্মা চ পর এবেতি প্রতিপত্তব্যো য়থাশ্রুত্যুক্তলক্ষণঃ ॥ ৩২ ॥

স য়দি ব্রূয়াত্ — ভগব্ন্ দহ্যমানে ছিদ্যমানে বা দেহে প্রত্যক্ষা বেদনা,
অশনায়াদিনিমিত্তং চ প্রত্যক্ষং দুঃখং মম । পরশ্চাত্মা oক़্ অপহতপাপ্মা
বিজরো বিমৃত্যুর্বিশোকো বিজিঘত্সোঽপিপাসঃcক़্ সর্বসংসারধর্মবিবর্জিতঃ
শ্রূয়তে সর্বশ্রুতিষু স্মৃতিষু চ । কথং
তদ্বিলক্ষণোঽনেকসংসারধর্মসংয়ুক্তঃ পরমাত্মানমাত্মত্বেন মাং চ
সংসারিণং পরমাত্মত্বেনাগ্নিমিব শীতত্বেন প্রতিপদ্যেয়ম্ । সংসারি চ সন্
সর্বাভ্যুদয়নিঃশ্রেয়সসাধনেঽধিকৃতোঽভ্যুদয়নিঃশ্রেয়সসাধনানি কর্মাণি
তত্সাধননানি চ য়জ্ঞোপবীতাদীনি কথং পরিয়জেয়মিতি ॥ ৩৩ ॥

তং প্রতি ব্রূয়াত্ — য়দবোচো দহ্যমানে বা দেহে প্রত্যক্ষা বেদনোপলভ্যতে
মমেতি তদসত্ । কস্মাত্ । দহ্যমানে ছিদ্যমান ইব বৃক্ষ
উপলব্ধুরুপলভ্যমানে কর্মণি শরীরে দাহচ্ছেদবেদনায়া উপলভ্যমানত্বাদ্
দাহাদিসমানাশ্রয়ৈব বেদনা । য়ত্র হি দাহঃ ছেদো বা ক্রিয়তে তত্রৈব
ব্যপদিশতি দাহাদিবেদনাং লোকো ন দাহাদ্যুপলব্ধরীতি । কথম্ । ক্ব তে
বেদনেতি পৃষ্টঃ শিরসি মে বেদনোরস্যুদর ইতি য়ত্র দাহাদিস্তত্র
ব্যপদিশতি নোপলব্ধরীতি । য়দ্যুপলব্ধরি বেদনা স্যাদ্ বেদনানিমিত্তং বা
দাহচ্ছেদাদি বেদনাশ্রয়ত্বেনোপদিশেদ্ দাহাদ্যাশ্রয়বত্ ॥ ৩৪ ॥

স্বয়ং চ নোপলভ্যেত চক্ষুর্গতরূপবত্ । তস্মাদ্
দাহচ্ছেদাদিসমানাশ্রয়ত্বেনোপলভ্যমানত্বাদ্ দাহাদিবত্ কর্মভূতৈব বেদনা ।
ভাবরূপত্বাচ্ চ সাশ্রয়া তণ্ডুলপাকবত্ । বেদনাসমানাশ্রয় এব তত্সংস্কারঃ ।
স্মৃতিসমানকাল এবোপলভ্যমানত্বাত্ । বেদনাবিষয়স্তন্নিমিত্তবিষয়শ্চ
দ্বেষোঽপি সংস্কারসমানাশ্রয় এব । তথা চোক্তং — oক़্ রূপসংস্কারতুল্যাধি
রাগদ্বেষৌ ভয়ং চ য়ত্ । গৃহ্যতে ধীশ্রয়ং তস্মাজ্ জ্ঞাতা শুদ্ধোঽভয়ঃ
সদাcক़্ ॥ ৩৫ ॥

কিমাশ্রয়ঃ পুনা রূপাদিসংস্কারাদয় ইতি । উচ্যতে । য়ত্র কামাদয়ঃ । ক্ব পুনস্তে
কামাদয়ঃ । oক़্ কামঃ সঙ্কল্পো বিচিকিত্সাcক़্ ইত্যাদিশ্রুতের্বুদ্ধাবেব ।
তত্রৈব রূপাদিসংস্কারাদয়োঽপি oক़্ কস্মিন্ নু রূপাণি প্রতিষ্ঠিতানীতি
হৃদয়েcক़্ ইতি শ্রুতেঃ । oক़্ কামা য়েঽস্য হৃদি শ্রিতাঃcক़্ oক़্ তীর্ণো হিcক़্
oক़্ অসঙ্গো হ্যয়ংcক़্ oক़্ তদ্ বা অস্যৈতদতিচ্ছন্দাঃcক़্
ইত্যাদিশ্রুতিশতেভ্যঃ oক़্ অবিকার্যোঽয়মুচ্যতেcক़্ oক़্ অনাদিত্বান্ নির্গুণত্বাত্cক़্
ইত্যাদি — ইচ্ছাদ্বেষাদি চ ক্ষেত্রস্যৈব বিষয়স্য ধর্মো নাত্মন ইতি —
স্মৃতিভ্যশ্চ কর্মস্থৈবাশুদ্ধির্নাত্মস্থা ইতি ॥ ৩৬ ॥

অতো রূপাদিসংস্কারাদ্যশুদ্ধিসংবন্ধাভাবান্ ন পরস্মাদাত্মনো বিলক্ষণস্ত্বমিতি
প্রত্যক্ষাদিবিরোধাভাবাদ্ য়ুক্তং পর এবাত্মাহমিতি প্রতিপত্তুং — oক़্
তদাত্মানমেবাবেদ্ (অহং ব্রহ্মাস্মি) cক़্ oক़্ একধৈবানুম্দ্রষ্টব্যংcক़্ oক़্
অহমেবাধস্তাত্cক़্ oক़্ আত্মৈবাধস্তাত্cক़্ oক़্ সর্বমাত্মানং পশ্যেত্cক़্ oক़্
য়ত্র ত্বস্য সর্বমাত্মৈবcক़্ oক़্ ইদং সর্বং য়দয়মাত্মাcক़্ oক़্ স এষো
(‘কলঃ) cক़্ oক़্ অনন্তরমবাহ্যংcক़্ oক़্ সবাহ্যাভ্যন্তরো হ্যজঃcক़্ oক़্
ব্রহ্মৈবেদংcক़্ oক़্ এতয়া দ্বারা প্রাপদ্যতcক़্ oক़্ প্রজ্ঞানস্য
নামধেয়ানিcক़্ oক़্ সত্যং জ্ঞানমনন্তং ব্রহ্মcক़্ oক़্ তস্মাদ্ বাcক़্ oক़্
তত্ সৃষ্ট্বা তদেবানুপ্রবিশত্cক़্ oক़্ একো দেবঃ সর্বভূতেষু গুঢঃcক़্ oক़্
অশরীরং শরীরেষুcক़্ oক़্ ন জায়তে ম্রিয়তেcক़্ oক़্ স্বপ্নান্তং
জাগরিতান্তংcক़্ oক़্ স ম আত্মেতি বিদ্যাত্cক़্ oক़্ য়স্তু সর্বাণি ভূতানিcক़্
oক़্ তদেজতি তন্ নৈজতিcক़্ oক़্ বেনস্তত্ পশ্যন্cক़্ oক़্ তদেবাগ্নিঃcক़্ oক़্
অহং মনুরভবং সূর্যশ্চcক़্ oক़্ অন্তঃ প্রবিষ্টঃ শাস্তা জনানাংcক़্ oক़্
সদেব সোম্যcক़্ oক़্ তত্ সত্যং স আত্মা তত্ ত্বমসিcক़্ ইত্যাদিশ্রুতিভ্যঃ ॥

৩৭ ॥

স্মৃতিভ্যশ্চ — oক़্ পূঃ প্রাণিনঃ … গুহাশয়স্যcক़্ oক़্ আত্মৈব
দেবতাঃcক़্ oক़্ নবদ্বারে পুরেcক़্ oক़্ সমং সর্বেষু ভূতেষুcক़্ oক़্
বিদ্যাবিনয়সম্পন্নেcক़্ oক़্ অবিভক্তং বিভক্তেষুcক़্ oক़্ বাসুদেবঃ সর্বংcক़্
ইত্যাদিভ্যঃ, এক এবাত্মা পরং ব্রহ্ম (সর্ব) সংসারধর্মবিনির্মুক্তস্ত্বমিতি
সিদ্ধম্ ॥ ৩৮ ॥

স য়দি ব্রূয়াত্ — য়দি ভগবন্ oক़্ অনন্তরোঽবাহ্যঃcক़্ oক़্ সবাহ্যাভ্যন্তরো
হ্যজঃcক़্ oক़্ কৃত্স্নঃ প্রজ্ঞানঘন এবcক़্ সৈন্ধবঘনবদাত্মা
সর্বমূর্তিভেদবর্জিত আকাশবদেকরসঃ কিমিদং দৃশ্যতে শ্রূয়তে বা সাধ্যং
সাধনং (বা) সাধকশ্চেতি শ্রুতিস্মৃতিলোকপ্রসিদ্ধং
বাদিশতবিপ্রতিপত্তিবিষয় ইতি ॥ ৩৯ ॥

আচার্যো ব্রূয়াত্ — অবিদ্যাকৃতমেতদ্ য়দিদং দৃশ্যতে শ্রূয়তে বা
পরমার্থতস্ত্বেক অবাত্মা অবিদ্যাদৃষ্টেরনেকবদবভাসতে
তিমিরদৃষ্ট্যানেকচন্দ্রবত্ । oক़্ য়ত্র বান্যদিব স্যাত্cক़্ oক़্ য়ত্র হি
দ্বৈতমিব ভবতি ইতর ইতরং পশ্যতিcক़্ oক़্ মৃত্যোঃ স মৃত্যুমাপ্নোতিcক़্
oক़্ অথ য়ত্রানুঅত্ পশ্যত্যন্যচ্ছৃণোত্যন্যদ্ বিজানাতি তদল্পং … অথ
য়দল্পং তন্ মর্ত্যংcক़্ ইতি oক़্ বাচারম্ভণং বিকারো নামধেয়ংcক़্ (oক़্
অনৃতংcক़্ ) oক़্ অন্যোঽসাবন্যোঽহংcক़্ ইতি
ভেদদর্শননিন্দোপপত্তেরবিদ্যাকৃতং দ্বৈতং oক़্ একমেবাদ্বিতীয়ংcক़্ oক़্
য়ত্র ত্বস্যcক़্ oক़্ কো মোহঃ কঃ শোকঃcক़্ ইত্যাদ্যেকত্ববিধিশ্রুতিভ্যশ্চেতি
॥ ৪০ ॥

য়দ্যেবং ভগবন্, কিমর্থং শ্রুত্যা সাধ্যসাধনাদিভেদ উচ্যতে উত্পত্তিঃ
প্রলয়শ্চেতি ॥ ৪১ ॥

অত্রোচ্যতে — অবিদ্যাবত উপাত্তশরীরাদিভেদস্যেষ্টানিষ্টয়োগিনমাত্মানং
মন্যমানস্য সাধনৈরেবেষ্টানিষ্টপ্রাপ্তিপরিহারোপায়বিবেকমজানত ইষ্টপ্রাপ্তিং
চানিষ্টপরিহারং চেচ্ছতঃ শনৈস্তদ্বিষয়মজ্ঞানং নিবর্তয়তি শাস্ত্রং ন
সাধ্যসাধনাদিভেদং বিধত্তে । অনিষ্টরূপঃ সংসারো হি স ইতি তদ্
ভেদদৃষ্টিমেবাবিদ্যাং সংসারমূলমুন্মূলয়তি
উত্পত্তিপ্রলয়াদ্যেকত্বোপপত্তিপ্রদর্শনেন ॥ ৪২ ॥

অবিদ্যায়ামুন্মূল্তিতায়াং শ্রুতিস্মৃতিন্যায়েভ্যঃ oক़্ অনন্তরমবাহ্যংcক़্ oক़্
সবাহ্যাভ্যন্তরো হ্যজঃcক़্ সৈধবঘনবত্ oক़্ প্রজ্ঞানঘন এবcক़্
একরস আত্মা আকাশবত্ পরিপূর্ণ ইত্যত্রৈবৈকা প্রজ্ঞা প্রতিষ্ঠিতা
পরমার্থদর্শিনো ভবতি ন
সাধ্যসাধনোত্পত্তিপ্রলয়াদিভেদেনাশুদ্ধিগন্ধোঽপ্যুপপদ্যতে ॥ ৪৩ ॥

তচ্ চৈতত্ পরমার্থদর্শনং প্রতিপত্তুমিচ্ছতা
বর্ণাশ্রমাদ্যভিমানকৃতপাঙ্ক্তরূপপুত্রবিত্তলোকৈষণাদিভ্যো ব্যুত্থানং
কর্তব্যম্ । সম্যক্প্রত্যয়বিরোধাত্ তদভিমানস্য
ভেদদর্শনপ্রতিষেধার্থোপপত্তিশ্চোপপদ্যতে । ন
হ্যেকস্মিন্নাত্মন্যসংসারিত্ববুদ্ধৌ শাস্ত্রন্যায়োত্পাদিতায়াং তদ্বিপরীতা
বুদ্ধির্ভবতি । ন হ্য্ অগ্নৌ শিতত্ববুদ্ধিঃ, শরীরে বাজরামরণবুদ্ধিঃ ।
তস্মাদবিদ্যাকার্যত্বাত্ সর্বকর্মণাং তত্সাধনানাং চ য়জ্ঞোপবীতাদীনাং
পরমার্থদর্শনিষ্টেন ত্যাগঃ কর্তব্যঃ ॥ ৪৪ ॥

ইতি শিষ্যপ্রতিবোধন(বিধি) প্রকরণম্ ॥ ১ ॥

সুখমাসীনং ব্রাহ্মণং ব্রহ্মনিষ্টং কশ্চিদ্ ব্রহ্মচারী জন্মমরণলক্ষণাত্
সংসারান্ নির্বিণ্ণো মুমুক্ষুর্বিধিবদুপসন্নঃ পপ্রচ্ছ — ভগবন্, কথমহং
সংসারান্ মোক্ষিষ্যে । শরীরেন্দ্রিয়বিষয়বেদনাবান্ জাগরিতে দুঃখমনুভবামি
তথা স্বপ্নেঽনুভবামি পুনঃ পুনঃ সুষুপ্তিপ্রতিপত্ত্যা বিশ্রম্য । কিময়মেব
মম স্বভাবঃ, কিং বান্যস্বভাবস্য সতো নৈমিত্তিক ইতি । য়দি স্বভাবো ন মে
মোক্ষাশা স্বভাবস্যাবর্জনীয়ত্বাত্ । অথ নৈমিত্তিকো নিমিত্তপরিহারে স্যান্
মোক্ষোপপত্তিঃ ॥ ৪৫ ॥

তং গুরুরুবাচ — শৃণু বত্স ন তবায়ং স্বভাবঃ । নৈমিত্তিকঃ ॥ ৪৬ ॥

ইত্যুক্তঃ শিষ্য উবাচ — কিং নিমিত্তম্, কিং বা তস্য নিবর্তিকম্, কো বা মম
স্বভাবঃ, য়স্মিন্ নিমিত্তে নিবর্তিতে নৈমিত্তিকাভাবঃ, রোগনিমিত্তনিবৃত্তাবিব
রোগী স্বভাবং প্রতিপদ্যেয়েতি ॥ ৪৭ ॥

গুরুরুবাচ — অবিদ্যা নিমিত্তং বিদ্যা তস্যা নিবর্তিকা, অবিদ্যায়াং নিবর্তায়াং
তন্নিমিত্তাভাবান্ মোক্ষ্যসে জন্মমরণলক্ষণাত্ সংসারাত্ স্বপ্নজাগ্রদ্দুঃখং চ
নানুভবিষ্যসীতি ॥ ৪৮ ॥

শিষ্য উবাচ — কা সাবিদ্যা কিংবিষয়া বা বিদ্যা চ কাবিদ্যানিবর্তিকা য়য়া
স্বভাবং প্রতিপদ্যেয়েতি ॥ ৪৯ ॥

গুরুরুবাচ — ত্বং পরমাত্মানং সন্তমসংসারিণং সংসার্যহমস্মীতি বিপরীতং
প্রতিপদ্যসে, অকর্তারং সন্তং কর্তেতি, অভোক্তারং সন্তং ভোক্তেতি বিদ্যমানং
চাবিদ্যমানমিতি, ইয়মবিদ্যা ॥ ৫০ ॥

শিষ্য উবাচ –য়দ্যপ্যহং বিদ্যমানস্তথাপি ন পরমাত্মা ।
কর্তৃত্বভোক্তৃত্বলক্ষণঃ সংসারো মম স্বভাবঃ প্রত্যক্ষাদিভিঃ
প্রমাণৈরনুভূয়মানত্বাত্ । নাবিদ্যানিমিত্তঃ, অবিদ্যায়াঃ
স্বাত্মবিষয়ত্বানুপপত্তেঃ । অবিদ্যা নামান্যস্মিন্নন্যধর্মাধ্যারোপণা । য়থা
প্রসিদ্ধং রজতং প্রসিদ্ধায়াং শুক্তিকায়াং য়থা প্রসিদ্ধং পুরুষং
স্থাণাবধ্যারোপয়তি প্রসিদ্ধং বা স্থাণুং পুরুষে । নাপ্রসিদ্ধং প্রসিদ্ধে
প্রসিদ্ধং বাপ্রসিদ্ধে । ন চাত্মন্যনাত্মানমধ্যারোপয়তি, আত্মনোঽপ্রসিদ্ধত্বাত্
। তথাত্মনমনাত্মনি, আত্মনোঽপ্রসিদ্ধত্বাদেব ॥ ৫১ ॥

তং গুরুরুবাচ — ন ব্যভিচারাত্ । ন হি বত্স প্রসিদ্ধং প্রসিদ্ধ
এবাধ্যারোপয়তীতি নিয়ন্তুং শক্যম্ । আত্মন্যধ্যারোপণদর্শনাত্ । গৌরোঽহং
কৃষ্ণোঽহমিতি দেহধর্মস্যাহংপ্রত্যয়বিষয়স্য চ দেহেঽয়মহমস্মীতি ॥

৫২ ॥

শিষ্য আহ — প্রসিদ্ধ এব তর্হ্যাত্মাহংপ্রত্যয়বিষয়তয়া দেহশ্চায়মিতি ।
তত্রৈবং সতি প্রসিদ্ধয়োরেব দেহাত্মনোরিতরেতরাধ্যারোপণা(ত্)
স্থাণুপুরুষয়োঃ শুক্তিকারজতয়োরিব । তত্র কং বিশেষমাশ্রিত্য
ভগবতোক্তং প্রসিদ্ধয়োরিতরেতরাধ্যারোপণেতি নিয়ন্তুং ন শক্যত ইতি ॥ ৫৩ ॥

গুরুরুবাচ — শৃণু । সত্যং প্রসিদ্ধৌ দেহাত্মানৌ ন তু স্থাণুপুরুষাবিব
বিবিক্তপ্রত্যয়বিষয়তয়া সর্বলোকপ্রসিদ্ধৌ । কথং তর্হি । নিত্যমেব
নিরন্তরাবিবিক্তপ্রত্যয়বিষয়তয়া । ন হ্যয়ং দেহোঽয়মাত্মেতি বিবিক্তাভ্যাং
প্রত্যয়াভ্যাং দেহাত্মানৌ গৃহ্ণাতি য়তঃ কশ্চিত্ । অত এব হি মোমুহ্যতে লোক
আত্মানাত্মবিষয়ে, এবমাত্মা নৈবমাত্মেতি । ইমং বিশেষমাশ্রিত্যাবোচং নৈবং
শক্যমিতি ॥ ৫৪ ॥

নন্ববিদ্যাধ্যারোপিতং (য়ত্র) য়ত্ তদসত্ (তত্র) দৃষ্টং য়থা রজতং
শুক্তিকায়াং, স্থানৌ পুরুষঃ রজ্জ্বং সর্পঃ, আকাশে তলমলিনত্বমিত্যাদি ।
তথা দেহাত্মনোরপি নিত্যমেব নিরন্তরাবিবিক্তপ্রত্যয়তয়েতরেতরাধ্যারোপণা
কৃতা স্যাত্ তদিতরেতরয়োর্নিত্যমেবাসত্ত্বং স্যাত্ । য়থা
শুক্তিকাদিষ্ববিদ্যাধ্যারোপিতানাং রজতাদীনাং নিত্যমেবাত্যন্তাসত্ত্বং,
তদ্বিপরীতানাং চ বিপরীতেষু তদ্বদ্ দেহাত্মনোরসত্ত্বং প্রসজ্যেত ।
তচ্চানিষ্টং প্রত্যক্ষাদিবিরোধাত্ । তস্মাদ্ দেহাত্মানৌ
নাবিদ্যয়েতরেতরস্মিন্নধ্যারোপিতৌ । কথং তর্হি । বংশস্তম্ভবন্
নিত্যসংয়ুক্তৌ ॥ ৫৫ ॥

ন । অনিত্যত্বপরার্থত্বপ্রসঙ্গাত্ । সংহতত্বাত্ (পরার্থত্বমনিত্যত্বং চ)
বংশস্তম্ভাদিবদেব । কিং চ য়স্তু পরৈর্দেহেন সংহতঃ আত্মা স সংহতত্বাত্
পরার্থঃ । তেনাসংহতঃ পরোঽন্যো নিত্যঃ সিদ্ধস্তাবত্ ॥ ৫৬ ॥

তস্যাসংহতস্য দেহে দেহমাত্রতয়াধ্যারোপিতত্বেনাসত্ত্বানিত্যত্বাদিদোষপ্রসঙ্গো
ভবতি । তত্র নিরাত্মকো দেহ ইতি বৈনাশিকপক্ষপ্রাপ্তিদোষঃ স্যাত্ ॥ ৫৭ ॥

ন । স্বত এবাত্মন আকাশস্য্যেবাসংহতত্বাভ্যুপগমাত্ । সর্বেণাসংহতঃ
সন্নাত্মেতি ন নিরাত্মকো দেহাদিঃ সর্বঃ স্যাত্ । য়থা চাকাশং সর্বেণাসংহতমিতি
ন নিরাকাশং ভবতি, এবম্ । তস্মান্ ন বৈনাশিকপক্ষপ্রাপ্তিদোষঃ স্যাত্ ॥

৫৮ ॥

য়ত্ পুনরুক্তং দেহস্যাত্মন্যসত্ত্বে প্রত্যক্ষাদিবিরোধঃ স্যাদিতি । তন্ন ।
প্রত্যক্ষাদিভিরাত্মনি দেহস্য সত্ত্বানুপলব্ধেঃ । ন হ্যাত্মনি কুণ্ডে বদরং
ক্ষিরে সর্পিঃ তিলে তৈলং ভিত্তৌ চিত্রমিব চ প্রত্যক্ষাদিভির্দেহ উপলভ্যতে
। তস্মান্ ন প্রত্যক্ষাদিবিরোধঃ ॥ ৫৯ ॥

কথং তর্হি প্রত্যক্ষাদ্যপ্রসিদ্ধাত্মনি দেহাধ্যারোপণা দেহে চাত্মারোপণা ॥ ৬০ ॥

নায়ং দোষঃ । স্বভাব(প্র) সিদ্ধত্বাদাত্মনঃ । ন হি
কাদাচিত্কসিদ্ধাবেবাধ্যারোপণা ন নিত্যসিদ্ধাবিতি নিয়ন্তুং শক্যমাকাশে
তলমলাদ্যধ্যারোপণদর্শনাত্ ॥ ৬১ ॥

কিং ভগব্ন্ দেহাত্মনোরিতরেতরাধ্যারোপণা দেহাদিসংধাতকৃতাথবাত্মকৃতেতি
॥ ৬২ ॥

গুরুরুবাচ — য়দি দেহাদিসংঘাতকৃতা য়দি বাত্মকৃতা কিং তব স্যাত্ ॥ ৬৩ ॥

ইত্যুক্তঃ শিষ্য আহ — য়দ্যহং দেহাদিসংঘাতমাত্রঃ ততো মমাচেতনত্বাত্
পরার্থত্বমিতি ন মত্কৃতা দেহাত্মনোরিতরেতরাধ্যারোপণা । অথাহমাত্মা
পরোঽন্যঃ সংঘাতাত্ চিতিমত্ত্বাত্ স্বর্থ ইতি ময়ৈব চিতিমতাত্মন্যধ্যারোপণা
ক্রিয়তে সর্বানর্থবীজভূতা ॥ ৬৪ ॥

ইত্যুক্তো গুরুরুবাচ — অনর্থবীজভূতাং চেত্ মিথ্যাধ্যারোপণাং জানীষে মা
কার্ষীস্তর্হি ॥ ৬৫ ॥

নৈব ভগবন্ শক্নোমি ন কর্তুম্ । অন্যেন কেনচিত্ প্রয়ুক্তোঽহং ন স্বতন্ত্র
ইতি ॥ ৬৬ ॥

ন তর্হ্যচিতিমত্ত্বাত্ স্বার্থস্ত্বম্ । য়েন প্রয়ুক্তোঽস্বতন্ত্রঃ প্রবর্তসে স
চিতিমান্ স্বার্থঃ সংঘাত এব ত্বং ॥ ৬৭ ॥

য়দ্যচেতনোঽহং কথং সুখদুঃখবেদনাং ভবদুক্তং চ জানামি ॥ ৬৮ ॥

গুরুরুবাচ — কিং সুখদুঃখবেদনায়া মদুক্তাচ্চান্যস্ত্বং কিং বানন্য এবেতি ॥

৬৯ ॥

শিষ্য উবাচ — নাহং তাবদনন্যঃ । কস্মাত্ । য়স্মাত্ তদুভয়ং কর্মভূতং
ঘটাদিমিব জানামি । য়দ্যনন্যোঽহং তেন তদুভয়ং ন জানীয়াং কিং তু জানামি
তস্মাদন্যঃ । সুখদুঃখবেদনাবিক্রিয়া চ স্বার্থৈব প্রাপ্নোতি ত্বদুক্তং চ
স্যাত্ অনন্যত্বে ন চ তয়োঃ স্বার্থতা য়ুক্তা । ন হি
চন্দনকণ্টককৃতে সুখদুঃখে চন্ন্দনকণ্টকার্থে ঘটোপয়োগো বা ঘটার্থঃ ।
তস্মাত্ তদ্বিজ্ঞাতুর্মম চন্দনাদিকৃতোঽর্থঃ । অহং হি ততোঽন্যঃ
সমস্তমর্থং জানামি বুদ্ধ্যারূঢম্ ॥ ৭০ ॥

তং গুরুরুবাচ — এবং তর্হি স্বার্তস্ত্বং চিতিমত্ত্বান্ ন পরেণ প্রয়ুজ্যতে
চিতিমতশ্চিতিমদর্থত্বানুপপত্তেঃ সমত্বাত্ প্রকাশয়োরিব ।
নাপ্যচিতিমদর্থত্বানুপপত্তেঃ সমত্বাত্ প্রকাশয়োরিব । নাপ্যচিতিমদর্থত্বং
চিতিমতো ভবতি অচিতিমতোঽচিতিমত্ত্বাদেব স্বার্থসংবন্ধানুপপত্তেঃ ।
নাপ্যচিতিমতোরন্যোন্যার্থত্বং দৃষ্টম্ । ন হি কাষ্ঠকুড্যেঽন্যোন্যার্থং
কুর্বাতে ॥ ৭১ ॥

ননু চিতিমত্ত্বে সমেঽপি ভৃত্যস্বামিনোরন্যোন্যার্থত্বং দৃষ্টম্ ॥ ৭২ ॥

নৈবমগ্নেরুষ্ণপ্রকাশবত্ তব চিতিমত্ত্বস্য বিবক্ষিতত্বাত্ । দর্শিতশ্চ
দৃষ্টান্তঃ প্রকাশয়োরিবেতি । তত্রৈবং সতি স্ববুদ্ধ্যারূঢমেব
সর্বমুপলভসেঽগ্ন্যুষ্ণপ্রকাশতুল্যেন কূটস্থনিত্যচিতন্যস্বরূপেণ । য়দি
চৈবমাত্মনঃ সর্বদা নির্বিষেশত্বমভ্যুপগচ্ছসি । কিমিত্যূচিবান্ সুষুপ্তে
বিশ্রম্য বিশ্রম্য জাগ্রত্স্বপ্নয়োর্দুঃখমনুভবামি । কিময়মেব মম স্বভাবঃ
কিং বা নৈমিত্তিক ইতি চ । কিমসৌ ব্যামোহঽপগতঃ কিং বা ন ॥ ৭৩ ॥

ইত্যুক্তঃ শিষ্য উবাচ — ভগবনপগতস্ত্বত্প্রসাদাদ্ ব্যামোহঃ কিং তু মম
কূটস্থতায়াং সংশয়ঃ । কথম্ । শব্দাদিনাং স্বতঃসিদ্ধির্নাস্তি অচেতনত্বাত্ ।
শব্দাদ্যাকারপ্রত্যয়োত্পত্তেস্তু তেষং ।
প্রত্যয়ানামিতরেতরব্যাবৃত্তবিশেষণানাং নীলপীতাদ্যাকারবতাং
স্বতঃসিদ্ধ্যসংভবাত্ । তস্মাদ্ বাহ্যাকারনিমিত্তত্বং গম্যত ইতি
বাহ্যাকারবচ্ছব্দাদ্যাকারত্বসিদ্ধিঃ । তথা প্রত্যয়ানামপ্যহং
প্রত্যয়ালম্বনবস্তুভেদানাং সংহতত্বাদচৈতন্যোপপত্তেঃ স্বার্থত্বাসংভবাত্
স্বরূপব্যতিরিক্তগ্রাহকগ্রাহ্যত্বেন সিদ্ধিঃ শব্দাদিবদেব । অসংহতত্বে সতি
চৈতন্যাত্মকত্বাত্ স্বার্থোঽপ্যহং প্রত্যয়ানাং নীলপীতাদ্যাকারাণামুপলব্ধেতি
বিক্রিয়াবানেব কূটস্থ ইতি সংশয়ঃ ॥ ৭৪ ॥

তং গুরুরুবাচ — ন য়ুক্তস্তব সংশয়ঃ । য়তস্তেষাং প্রত্যয়ানাং
নিয়মেনাশেষত উপল্ব্ধেরেবাপরিণামিত্বাত্ কূটস্থত্বসিদ্ধৌ
নিশ্চয়হেতুমেবাশেষচিত্তপ্রচারোপলব্ধিং সংশয়হেতুমাত্থ । য়দি হি তব
পরিণামিত্বং স্যাতশেষস্ববিষয়চিত্তপ্রচারোপলব্ধির্ন স্যাত্ চিত্তস্যেব
স্ববিষয়ে য়থা চেন্দ্রিয়াণাং স্ববিষয়েষু । ন চ তথাত্মনস্তব
স্ববিষয়ৈকদেশোপলব্ধিঃ । অতঃ কূটস্থতৈব তবেতি ॥ ৭৫ ॥

তত্রাহ — উপলব্ধির্নাম ধাত্ব্বর্থো বিক্রিয়ৈব উপলব্ধুঃ কূ৩অস্থ্(আত্ম্) অতা
চেতি বিরুদ্ধম্ ॥ ৭৬ ॥

ন । ধাত্বর্থবিকৄয়ায়ামুপলব্ধ্যুপচারাত্ । য়ো হি বৌদ্ধঃ প্রত্যয়ঃ স
ধাত্বর্থো বিক্রিয়াত্মক আত্মন উপলব্ধিশব্দেনোপচর্যতে । য়থা ছিদিক্রিয়া
দ্বৈধীভাবফলাবসানেতি ধাত্বর্থত্বেনোপচর্যতে তদ্বত্ ॥ ৭৭ ॥

ইত্যুক্তঃ শিষ্য আহ — ননু ভগবন্ মম কূটস্থত্বপ্রতিপাদনং
প্রত্যসমর্থো দৃষ্টান্তঃ । কথম্ । ছিদিঃ ছেদ্যবিকৄয়াবসানোপচর্যতে
য়থা ধাত্বর্থত্বেন তথোপলব্ধিশব্দোপচরিতোঽপি ধাত্বর্থো বৌদ্ধপ্রত্যয়
আত্মন উপলব্দ্ঝিবিক্রিয়াবসানশ্চেন্ নাত্মনঃ কূটস্থতাং প্রতিপাদয়িতুং
সমর্থঃ ॥ ৭৮ ॥

গুরুরুবাচ — সত্যং এবং স্যাত্ য়দ্যুপলব্ধ্যুপলব্ধ্রোর্বিশেষঃ ।
নিত্যোপলব্ধিমাত্র এব হি উপলব্ধা । ন তু তার্কিকসময় ইবান্যোপলব্ধিরন্য
উপলব্ধা চ ॥ ৭৯ ॥

ননূপলব্ধিফলাবসানো ধাত্বর্থঃ কথমিতি ॥ ৮০ ॥

উচ্যতে — শ্র্নু, উপলব্ধ্যাভাসফলাবসান ইত্যুক্তং কিং ন শ্রুতং ত্বয়া । ন
ত্বাত্মনো বিক্রিয়োত্পাদনাবসান ইতি ময়োক্তম্ ॥ ৮১ ॥

শিষ্য আহ — কথং তর্হি কূটস্থে
ময়্যশেষস্ববিষয়চিত্তপ্রচারোপলব্ধৃত্বমিত্যাত্থ ॥ ৮২ ॥

তং গুরুরুবাচ — সত্যমেবাবোচং তেনৈব কূটস্থতামব্রুবং তব ॥ ৮৩ ॥

য়দ্যেবং ভগবন্ কূটস্থনিত্যোপলব্ধিস্বরূপে ময়ি
শব্দাদ্যাকারবৌদ্ধপ্রত্যয়েষু
মত্স্বরূপোপলব্ধ্যাভাসফলাবসানবত্সূত্পদ্যমানেষু কস্ত্বপরাধো মম ॥ ৮৪ ॥

সত্যং নাস্ত্যপরাধঃ কিং ত্ববিদ্যামাত্রস্তু অপরাধ ইতি প্রাগেবাবোচম্ ॥ ৮৫ ॥

য়দি ভগবন্ সুষুপ্ত ইব মম বিক্রিয়া নাস্তি কথং স্বপ্নজাগরিতে ॥ ৮৬ ॥

তং গুরুরুবাচ — কিং ত্বনুভূয়েতে ত্বয়া স(ন্) ততম্ ॥ ৮৭ ॥

বাঢমনুভবামি কিং ত্ব্বিচ্ছিদ্য বিচ্ছিদ্য ন তু সন্ততম্ ॥ ৮৮ ॥

(তং) গুরুরুবাচ — আগন্তুকে ত্বেতে ন তবাত্মভূতে । য়দি তবাত্মভূতে
চৈতন্যস্বরূপবত্ স্বতঃসিদ্ধে সন্ততে এব স্যাতাম্ । কিং চ স্বপ্নজাগরিতে ন
তবাত্মভূতে ব্যভিচারিত্বাত্ বস্ত্রাদিবত্ । ন হি য়স্য য়ত্ স্বরূপং তত্
তদ্ব্যভিচারি দৃষ্টং । স্বপ্নজাগরিতে তু চৈতন্যমাত্রত্বাদ্ ব্যভিচরতঃ ।
সুষুপ্তে চেত্ স্বরূপং ব্যভিচরেত্ তন্ নষ্টং নাস্তীতি বা বাধ্যমেব
স্যাতাগন্তুকানাং অতদ্ধর্মাণামুভয়াত্মকত্বদর্শনাত্ য়থা ধনবস্ত্রাদীনাং
নাশো দৃষ্টঃ স্বপ্নভ্রান্তিলব্ধানাং ত্বভাবো দৃষ্টঃ ॥ ৮৯ ॥

নন্বেবং ভগবন্ চৈতন্যস্বরূপমপ্যাগন্তুকং প্রাপ্তং স্বপ্নজাগরিতয়োরিব
সুষুপ্তেঽনুপলব্ধেঃ । অচৈতন্যস্বরূপো বা স্যামহম্ ॥ ৯০ ॥

ন পশ্য তদনুপপত্তেঃ । চৈতন্যস্বরূপং চেদাগন্তুকং পশ্যসি পশ্য ।
নৈতদ্ বর্শশতেনাপ্যুপপত্ত্যা উপপত্ত্যা কল্পয়িতুং শক্নুমো বয়মন্যো
বাচৈতন্যোঽপি । (তস্য) সংহতত্বাত্ পারার্থ্যমনেকত্বং নাশিতত্বং চ ন
কেনচিদুপপত্ত্যা বারয়িতুং শক্যম্ । অস্বার্থস্য স্বতঃসিদ্ধ্যভাবাদিত্যবোচাম ।
চৈতন্যস্বরূপস্য ত্বাত্মনঃ স্বতঃসিদ্ধেরন্যানপেক্ষত্বং ন কেনচিদ্ বারয়িতুং
শক্যমব্যভিচারাত্ ॥ ৯১ ॥

ননু ব্যভিচারো দর্শিতো ময়া সুষুপ্তে ন পশ্যামীতি ॥ ৯২ ॥

ন । ব্যাহতত্বাত্ । কথং ব্যাঘাতঃ । পশ্যতস্তব ন পশ্যামীতি ব্যাহতং
বচনম্ । ন হি কদাচিদ্ ভগবন্ সুষুপ্তে ময়া চৈতন্যমন্যদ্ বা কিংচিদ্
দৃষ্টং । পশ্যংস্তর্হি সুষুপ্তে ত্বং । য়স্মাদ্ দৃষ্টমেব প্রতিষেধসি ন
দৃষ্টিং । য়া তব দৃষ্টিস্তচ্ চৈতন্যমিতি ময়োক্তং । য়য়া ত্বং বিদ্যমানয়া
ন কিংচিদ্ দৃষ্টমিতি প্রতিষেধসি সা দৃষ্টিস্তচ্ চৈতন্যং । তর্হি
সর্বত্রাব্যভিচারাত্ কূটস্থনিত্যত্বং সিদ্ধং স্বত এব ন প্রমাণাপেক্ষং ।
স্বতঃসিদ্ধস্য হি প্রমাতুরন্যস্য প্রমেয়স্য পরিচ্ছিত্তিং প্রতি প্রমাণাপেক্ষা ।
য়া ত্বন্যা নিত্যা পরিচ্ছেদায় সা হি নিত্যৈব কূটস্থা স্বয়ংজ্যোতিঃস্বভাবা ।
আত্মনি প্রমাণত্বে প্রমাতৃত্বে বা ন তাং প্রতি প্রমাণাপেক্ষা তত্স্বভাবত্বাত্ ।
য়থা প্রকাশনমুষ্ণত্বং বা লোহোদকাদিষু পরতোঽপেক্ষ্যতেঽগ্ন্যাদিত্যাদিভ্যঃ
অতত্স্বভাবত্বাত্ নাগ্ন্যাদিত্যাদীনাং তদপেক্ষা সর্বদা তত্স্বভাবত্বাত্ ॥ ৯৩ ॥

অনিত্যত্ব এব প্রমা স্যান্ ন নিত্যত্ব ইতি চেত্ ॥ ৯৪ ॥

ন । অবগতের্নিত্যত্বানিত্যত্বয়োর্বিশেষানুপপত্তেঃ । ন হ্যবগতেঃ
প্রমাত্বেঽনিত্যাবগতিঃ প্রমা ন নিত্যেতি বিশেষোঽবগম্যতে ॥ ৯৫ ॥

নিয়ায়াং প্রমাতুরপেক্ষাভাবঃ । অনিত্যায়াং তু য়ত্নান্তরিতত্বাদবগতিরপেক্ষ্যত
ইতি বিশেষঃ স্যাদিতি চেত্ ॥ ৯৬ ॥

সিদ্ধা তর্হ্যাত্মনঃ প্রমাতুঃ স্বতঃসিদ্ধিঃ প্রমাণনিরপেক্ষতয়ৈবেতি ॥ ৯৭ ॥

অভাবেঽপ্যপেক্ষাভাবঃ নিত্যত্বাদিতি চেত্ । ন । অবগতেরেবাত্মনি এবাত্মনি
সদ্ভাবাদিতি পরিহৃতমেতত্ ॥ ৯৮ ॥

প্রমাতুশ্চেত্ প্রমাণাপেক্ষাসিদ্ধিঃ কস্য প্রমিত্সা স্যাত্ । য়স্য প্রমিত্সা স এব
প্রমাতাভ্যুপগম্যতে । তদীয়া চ প্রমিত্সা প্রমেয়বিষয়ৈব ন প্রমাতৃবিষয়া
। প্রমাতৃবিষয়ত্বেঽনবস্থাপ্রসঙ্গাত্ প্রমাতুস্তদিচ্ছায়াশ্চ তস্যাপ্যন্যঃ
প্রমাতা তস্যাপ্যন্য ইতি । এবমেবেচ্ছায়াঃ প্রমাতৃবিষয়ত্বে ।
প্রমাতুরাত্মনোঽব্যবহিতত্বাচ্ চ প্রমেয়ত্বানুপপত্তিঃ । লোকে হি প্রমেয়ং নাম
প্রমাতুরিচ্ছাস্মৃতিপ্রয়ত্নপ্রমাণজন্মব্যবহিতং সিদ্ধ্যতি নান্যথাবগতিঃ
প্রমেয়বিষয়া দৃষ্টা । ন চ প্রমাতুঃ প্রমাতা স্বস্য স্বয়মেব কেনচিদ্
ব্যবহিতঃ কল্পয়িতুং শক্য ইচ্ছাদীনামন্যতমেনাপি । স্মৃতিশ্চ
স্মর্তব্যবিষয়া ন স্মর্তৃবিষয়া । তথেচ্ছায়া ইষ্টবিষয়ত্বমেব
নেচ্ছাবদ্বিষয়ত্বম্ । স্মর্ত্রিচ্ছাবদ্বিষয়ত্বেঽপি হ্যুভয়োরনবস্থা
পূর্ববদপ্রিহার্যা স্যাত্ ॥ ৯৯ ॥

ননু প্রমাতৃবিষয়াবগত্যনুত্পত্তাবনবগত এব প্রমাতা স্যাদিতি চেত্ ॥ ১০০ ॥

ন অবগন্তুরবগতেরবগন্তব্যবিষয়ত্বাত্ । অবগন্তৃবিষয়ত্বে চানবস্থা
পূর্ববত্ স্যাত্ । অবগতিশ্চাত্মনি কূটস্থনিত্যাত্মজ্যোতিরন্যতোঽনপেক্ষৈব
সিদ্ধা অগ্ন্যাদিত্যাদ্যুষ্ণপ্রকাশবদিতি পূর্বমেব প্রসাধিতম্ ।
অবগতেশ্চৈতন্যাত্মজ্যোতিষঃ স্বাত্মন্যনিত্যত্ব আত্মনঃ স্বার্থতানুপপত্তিঃ
কার্যকরণ(সংঘাত) বত্ সংহতত্বাত্ পারার্থ্যং দোষবত্ত্বং চাবোচাম । কথং
। চৈতন্যাত্মজ্যোতিষঃ স্বাত্মন্যনিত্যত্বে স্মৃত্যাদিব্যবধানাত্ সংহতত্বং ।
ততশ্চ তস্য চৈতন্যজ্যোতিষঃ প্রাগুত্পত্তেঃ প্রধ্বংসাচ্
চোর্ধ্বমাত্মন্যেবাভাবাত্ চক্ষুরাদীনামিব সংহতত্বাত্ পারার্থ্যং স্যাত্ । য়দা চ
তদুত্পন্নমাত্মনি বিদ্যতে ন তদাত্মনঃ স্বার্থত্বং । তদ্ভাবাভাবাপেক্ষা
হ্যাত্মানাত্মনোঃ স্বার্থত্বপরার্থত্বসিদ্ধিঃ । তস্মাদাত্মনোঽন্যনিরপেক্ষমেব
নিত্যচৈতন্যজ্যোতিষ্ট্বং সিদ্ধং ॥ ১০১ ॥

নন্বেবং সতি অসতি প্রমাতৃত্বে কথং প্রমাতুঃ প্রমাতৃত্বম্ ॥ ১০২ ॥

উচ্যতে — প্রমায়া নিত্যত্বেঽনিত্যত্বে চ রূপবিশেষাভাবাত্ । অবগতির্হি প্রমা
। তস্যাঃ স্মৃতীচ্ছাদিপূর্বিকায়া অনিত্যায়ঃ কূটস্থনিত্যায়া বা ন (স্ব)
রূপবিশেষো বিদ্যতে । য়থা ধাত্বর্থস্য তিষ্টত্যাদেঃ ফলস্য
গত্যাদিপূর্বকস্যানিত্যস্যাপূর্বস্য নিত্যস্য বা রূপবিশেষো নাস্তীতি তুল্যো
ব্যপদেশো দৃষ্টঃ — তিষ্টন্তি মনুষ্যাঃ তিষ্টন্তি পর্বতা ইত্যাদি । তথা
নিত্যাবগতিস্বরূপেঽপি প্রমাতরি প্রমাতৃত্বব্যপদেশো ন বিরুধ্যতে
ফলসামান্যাদিতি ॥ ১০৩ ॥

অত্রাহ শিষ্যঃ — নিত্যাবগতিস্বরূঅস্যাত্মনোঽবিক্রিয়ত্বাত্
কার্যকরণৈরসংহত্য তক্ষাদীনামিব বাস্যাদিভিঃ কর্তৃত্বং নোপপদ্যতে,
অসংহতস্বভাবস্য চ কার্যকরণোপাদানেঽনবস্থা প্রসজ্যেত । তক্ষাদীনাং তু
কার্যকরণৈর্নিত্যমেব সংহতত্বমিতি বাস্যাদ্যুপাদানে নানবস্থা স্যাদিতি ॥ ১০৪ ॥

ইহ ত্বসংহতস্বভাবস্য করণানুপাদানে কর্তৃত্বং নোপপদ্যত ইতি
করণমুপাদেয়ম্, তদুপাদানমপি বিক্রিয়ৈবেতি তত্কর্তৃত্বে করণান্তরমুপাদেয়ম্,
তদুপাদানেঽপ্যন্যদিতি প্রমাতুঃ স্বাতন্ত্র্যেঽনবস্থাপরিহার্যা স্যাত্ । ন চ
ক্রিয়ৈবাত্মানং কারয়তি, অনির্বর্তিতায়াঃ স্বরূপাভাবাত্ । অথান্যদাত্মানমুপেত্য
ক্রিয়াং কারয়তীতি চেত্ । ন । অন্যস্য স্বতঃসিদ্ধত্বাবিষয়ত্বাদ্যনুপপত্তেঃ । ন
হ্যাত্মনোঽন্যদচেতনং বস্তু স্বপ্রমাণকং দৃষ্টম্ ।
শব্দাদিসর্বমেবাবগতিফলাবসানপ্রত্যয়প্রমিতং সিদ্ধং স্যাত্ ।
অবগতিশ্চেদাত্মনোঽন্যস্য স্যাত্ সোঽপ্যাত্মৈবাসংহতঃ স্বার্থঃ স্যান্ ন পরার্থঃ
ন চ দেহেন্দ্রিয়বিষয়াণাং স্বার্থঃ স্যান্ ন পরার্থঃ । ন চ
দেহেন্দ্রিয়বিষয়াণাং স্বার্থতামবগন্তুং
শক্নুমোঽবগত্যবসানপ্রত্যয়াপেক্ষসিদ্ধিদর্শনাত্ ॥ ১০৫ ॥

ননু দেহস্যাবগতৌ ন কশ্চিত্ প্রত্যক্ষাদিপ্রত্যয়ান্তরমপেক্ষতে ॥ ১০৬ ॥

বাঢং জাগ্রত্যেবং স্যাত্ । মৃতিসুষুপ্ত্যোস্তু দেহস্যাপি
প্রত্যক্ষাদিপ্রমাণাপেক্ষয়ৈব সিদ্ধিঃ । তথৈবেন্দ্রিয়াণাম্ । বাহ্যা এব হি
শব্দাদয়ো দেহেন্দ্রিয়াকারপরিণতা ইতি প্রত্যক্ষাদিপ্রমাণাপেক্ষয়ৈব (হি)
সিদ্ধিঃ । সিদ্ধিরিতি চ প্রমাণফলমবগতিমবোচাম সা চাবগতিঃ কূটস্থা
স্বয়ংসিদ্ধাত্মজ্যোতিঃস্বরূপেতি চ ॥ ১০৭ ॥

অত্রাহ চোদকঃ — অবগতিঃ প্রমাণানাং ফলং কূটস্থনিত্যাত্মজ্যোতিস্বরূপেতি চ
বিপ্রতিষিদ্ধম্ । ইত্যুক্তবন্তমাহ — ন বিপ্রতিষিদ্ধং । কথং তর্হি ।
কূটস্থনিত্যাপি সতী প্রত্যক্ষাদিপ্রত্যয়ান্তে লক্ষ্যতে তাদর্থ্যাত্ ।
প্রত্যক্ষাদিপ্রত্যয়স্যানিত্যত্বেঽনিত্যেব ভব্তি । তেন প্রমাণানাং
ফলমিত্যুপচর্যতে ॥ ১০৮ ॥

য়দ্য্ এবং ভগবন্ কূটস্থনিত্যাবগতিরাত্মজ্যোতিঃস্বরূপৈব স্বয়ংসিদ্ধা, আত্মনি
প্রমাণনিরপেক্ষত্বাত্ ততোঽন্যদচেতনং সংহত্যকারিত্বাত্ পরার্থম্ । য়েন চ
সুখ্হদুঃখমোহপ্রত্যয়াবগতিরূপেণ পারার্থ্যং তেনৈব
স্বরূপেণানাত্মনোঽস্তিত্বং নান্যেন রূপান্তরেণ অতো নাস্তিত্বমেব পরমার্থতঃ ।
য়থা হি লোকে রজ্জুসর্পমরীচ্যুদকাদীনাং তদবগতিব্যতিরেকেণাভাবো য়ুক্তঃ ।
এবমেব ভগবনবগতেরাত্মজ্যোতিষো নৈরন্তর্যভাবাত্ কূটস্থনিত্যতা
অদ্বৈতভাবশ্চ সর্বপ্রত্যয়ভেদেষ্বব্যভিচারাত্ । প্রত্যয়ভেদাস্ত্ববগতিং
ব্যভিচরন্তি । য়থা স্বপ্নে নীলপীতাদ্যাকারভেদরূপাঃ প্রত্যয়াস্ত্ববগতিং
ব্যভিচরন্তি । য়থা স্বপ্নে নীলপীতাদ্যাকারভেদরূপাঃ প্রত্যয়াস্তদবগতিং
ব্যভিচরন্তঃ পরমার্থতো ন সন্তীত্যুচ্যন্তে, এবং জাগ্রত্যপি
নীলপীতাদিপ্রত্যয়ভেদাস্তামেবাবগতিং ব্যভিচরন্তোঽসত্যরূপা ভবিতূমর্হন্তি ।
তস্যাশ্চাবগতেরন্যোঽবগন্তা নাস্তীতি ন স্বেন স্বরূপেণ স্বয়মুপাদাতুং হাতুং
বা শক্যতে, অন্যস্য চাভাবাত্ ॥ ১০৯ ॥

তথৈবেতি । এষাবিদ্যা য়ন্নিমিত্তঃ সংসারো জাগ্রত্স্বপ্নলক্ষণঃ । তস্যা
অবিদ্যায়া বিদ্যা নিবর্তিকা । ইত্যেবং ত্বমভয়ং প্রাপ্তোঽসি । নান্তঃপরং
জাগ্রত্স্বপ্নদুঃখমনুভবিষ্যসি সংসাঋঅদুঃখান্ মুক্তোঽসীতি ॥ ১১০ ॥

ওমিতি ॥ ১১১ ॥

ইতি অবগতিপ্রকরণম্ ॥ ২ ॥

মুমুক্ষূণামুপাত্তপুণ্যাপুণ্যক্ষপণপরাণামপুর্বানুপচয়ার্তিনাং
পরিসংখ্যানমিদমুচ্যতে । অবিদ্যাহেতবো দোষা বাঞ্মনঃকায়প্রবৃত্তিহেতব্যঃ
প্রবৃত্তেশ্চেষ্টানিষ্টমিশ্রফলানি কর্মাণ্যুপচীয়ন্ত ইতি তন্মোক্ষার্থম্ ॥

১১২ ॥

তত্র শব্দস্পর্শরূপরসগন্ধানাং বিষয়াণাং শ্রোতাদিগ্রাহ্যত্বাত্ স্বাট্মনি
পরেষু বা বিজ্ঞানাভাবঃ তেষামেব পরিণতানাং য়থা লোষ্টাদীনাম্ ।
শ্রোত্রাদিদ্বারৈশ্চ জ্ঞায়ন্তে । য়েন চ জ্ঞায়ন্তে স জ্ঞাতৃত্বাদতজ্জাতীয়ঃ ।
তে হি শব্দাদয়োঽন্যোন্যসংসর্গিত্বাজ্ জন্মবৃদ্ধি(বি)
পরিণামাপক্ষয়নাশসংয়োগবিয়োগাবির্ভাবতিরোভাববিকারবিকারিক্ষেত্রবীজাদ্যনেক্
অধর্মাণঃ সামান্যেন চ সুখদুঃখাদ্যনেকধর্মাণঃ । তদ্বিজ্ঞাতৃত্বাদেব
তদ্বিজ্ঞাতা সর্বশব্দাদিধর্মবিলক্ষণঃ ॥ ১১৩ ॥

তত্র শব্দাদিভিরুপলভ্যমানৈঃ পীদ্যমানো বিদ্বানেবং পরিসংচক্ষীত ॥ ১১৪ ॥

শব্দস্তু ধ্বনিসামান্যমাত্রেণ বিশেষধর্মৈর্বা ষড্জাদিভিঃ প্রিয়ৈঃ,
স্তুত্যাদিভিরিষ্টৈঃ, অনিষ্টৈশ্চাসত্যবীভত্সপরিভবাক্রোশাদিভির্বচনৈঃ মাং
দৃক্স্বভাবমসংসর্গিণমবিক্রিয়মচলমনিধনমভয়মত্যন্তসূক্ষ্মমবিষয়
ং গোচরীকৃত্য স্প্রষ্টুং নৈবার্হত্যসংসর্গিত্বাদেব মম । অত এব ন
শব্দনিমিত্তা হানির্বৃদ্ধির্বা । অতো মাং কিং করিষ্যতি
স্তুতিনিন্দাদিপ্রিয়াপ্রিয়ত্বাদিলক্ষণঃ শব্দঃ । অবিবেকিনং হি শব্দমাত্মত্বেন
গতং প্রিয়ঃ শব্দো বর্ধয়েদপ্রিয়শ্চ ক্ষপয়েতবিবেকিত্বাত্ ন তু মম বিবেকিনো
বালাগ্রমাত্রমপি কর্তুমুত্সহত ইতি । এবমেব স্পর্শসামান্যেন তদ্বিশেষৈশ্চ
শিতোষ্ণমৃদুকর্কশাদিজ্বরোদরশূলাদিলক্ষণৈশ্চাপ্রিয়ৈঃ প্রিয়ৈশ্চ
কৈশ্চিচ্ছরীরসমবায়িভির্বাহ্যাগন্তুকনিমিত্তৈশ্চ ন মম কাচিদ্ বিক্রিয়া
বৃদ্ধিহানিলক্ষণা অস্পর্শত্বাত্ ক্রিয়তে ব্যোম্ন ইব মুষ্টিঘাতাদিভিঃ । তথা
রূপসামান্যেন তদ্বিশেষৈশ্চ প্রিয়াপ্রিয়ৈঃ স্ত্রীব্যঞ্জনাদিলক্ষণৈঃ অরূপত্বান্
ন মম কাচিদ্ ধানির্বৃদ্ধির্বা ক্রিয়তে । তথা রসসামান্যেন তদ্বিশেষৈশ্চ
(প্রিয়াপ্রিয়ৈঃ) মধুরাম্ললবণকটুতিক্তকষায়ৈর্মূঢবুদ্ধিভিঃ পরিগৃহীতৈঃ
অরসাত্মকস্য ন মম কাচিদ্ ধানির্বৃদ্ধির্বা ক্রিয়তে । তথা গন্ধসামান্যেন
তদ্বিশেষৈঃ প্রিয়াপ্রিয়ৈঃ পুষ্পাদ্যনুলেপনাদিলক্ষণৈঃ অগন্ধাত্মকস্য ন মম
কাচিদ্ ধানির্বৃদ্ধির্বা ক্রিয়তে । oক़্ অশব্দমস্পর্শমরূপমব্যয়ং তথারসং
নিত্যমগন্ধবচ্ চ য়ত্cক़্ ইতি শ্রুতেঃ ॥ ১১৫ ॥

কিং চ য় এব বাহ্যঃ শব্দাদয়স্তে শরীরাকারেণ সংস্থিতাঃ তদ্গ্রাহকৈশ্চ
শ্রোত্রাদ্যাকারৈরন্তঃকরণদ্বয়তদ্বিষয়াকারেণ চ, অন্যোন্যসংসর্গিত্বাত্
সংহতত্বাচ্ চ সর্বক্রিয়াসু । তত্রৈবং সতি বিদুষো মম ন কশ্চিচ্
ছত্রুর্মিত্রমুদাসীনো বাস্তি । তত্র য়দি (কশ্চিন্) মিথ্যাজ্ঞানাভিমানেন
প্রিয়মপ্রিয়ং বা প্রয়ুয়ুঙ্ক্ষেত ক্রিয়াফললক্ষণম্, তন্ মৃষৈব
প্রয়ুয়ুঙ্ক্ষতি সঃ । তস্যাবিষয়ত্বান্ মম — oক़্ অব্যক্তোঽয়মচিন্ত্যোঽয়ংcক़্
ইতি স্মৃতেঃ । তথা (সর্বেষাং) পঞ্চানামপি ভূতানামবিকার্যঃ অবিষয়ত্বাত্ ।
oক़্ অচ্ছেদ্যোঽয়মদাহ্যোঽয়ংcক़্ ইতি স্মৃতেঃ । য়াপি
শরীরেন্দ্রিয়সংস্থানমাত্রমুপলক্ষ্য মদ্ভক্তানাং বিপরীতানাং চ
প্রিয়াপ্রিয়াদিপ্রয়ুয়ুঙ্ক্ষা তজ্জা চ ধর্মাধর্মাদিপ্রাপ্তিঃ সা তেষামেব ন তু
ময়্যজরেঽমৃতেঽভয়ে oক़্ নৈনং কৃতাকৃতে তপতঃcক़্ oক़্ ন কর্মণা
বর্ধতে নো কনীয়ান্cক़্ oক़্ সবাহ্যাভ্যন্তরো হ্যজঃcক़্ oক़্ ন লিপ্যতে
লোকদুঃখেন বাহ্যঃcক़্ ইত্যাদিশ্রুতিস্মৃতিভ্যঃ । অনাত্মবস্তুনশ্চাসত্ত্বাদিতি
পরমো হেতুঃ । আত্মনশ্চাদ্বয়ত্ববিষয়াণি দ্বয়স্যাসত্ত্বাত্ য়ানি
সর্বাণ্যুপনিষদ্বাক্যানি বিস্তরশঃ সমীক্ষিতব্যানি সমীক্ষিতব্যানীতি ॥ ১১৬ ॥

ইতি পরিসংখ্যানপ্রকরণম্ ॥ ৩ ॥

ইতি শ্রীমত্পরমহংসপরিব্রাজকাচার্যাশ্রীগোবিন্দভগবত্পাদপূজ্যশিষ্যস্য
শ্রীশংকরভগবতঃ কৃতিঃ সকলবেদোপনিষত্সারোপদেশসাহস্রী সমাপ্তা
॥ ওঁ তত্সত্ ॥

Also Read 1000 Names of Upadesa Sahasri:

1000 Names of Upadesasahasri | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil