Shiva Stotram

Abhayankaram Shivarakshaastotram Lyrics in Telugu | Telugu Shlokas

Abhayankaram Shiva Rakshaa Stotram in Telugu:

॥ అభయఙ్కరం శివరక్షాస్తోత్రమ్ ॥
శివాయ నమః ||

అభయఙ్కరం శివరక్షాస్తోత్రమ్ |

అస్య శ్రీశివరక్షాస్తోత్రమన్త్రస్య యాజ్ఞవల్క్య ఋషిః,
శ్రీసదాశివో దేవతా, అనుష్టుప్ ఛన్దః,
శ్రీసదాశివప్రీత్యర్థం శివరక్షాస్తోత్రజపే వినియోగః ||

చరితం దేవదేవస్య మహాదేవస్య పావనమ్ |
అపారం పరమోదారం చతుర్వర్గస్య సాధనమ్ || ౧ ||

గౌరీవినాయకోపేతం పఞ్చవక్త్రం త్రినేత్రకమ్ |
శివం ధ్యాత్వా దశభుజం శివరక్షాం పఠేన్నరః || ౨ ||

గఙ్గాధరః శిరః పాతు భాలమర్ధేన్దుశేఖరః |
నయనే మదనధ్వంసీ కర్ణౌ సర్పవిభూషణః || ౩ ||

ఘ్రాణం పాతు పురారాతిర్ముఖం పాతు జగత్పతిః |
జిహ్వాం వాగీశ్వరః పాతు కన్ధరాం శితికన్ధరః || ౪ ||

శ్రీకణ్ఠః పాతు మే కణ్ఠం స్కన్ధౌ విశ్వధురన్ధరః |
భుజౌ భూభారసంహర్తా కరౌ పాతు పినాకధృక్ || ౫ ||

హృదయం శఙ్కరః పాతు జఠరం గిరిజాపతిః |
నాభిం మృత్యుఞ్జయః పాతు కటీ వ్యాఘ్రాజినామ్బరః || ౬ ||

సక్థినీ పాతు దీనార్తశరణాగతవత్సలః |
ఊరూ మహేశ్వరః పాతు జానునీ జగదీశ్వరః || ౭ ||

జఙ్ఘే పాతు జగత్కర్తా గుల్ఫౌ పాతు గణాధిపః |
చరణౌ కరుణాసిన్ధుః సర్వాఙ్గాని సదాశివః || ౮ ||

ఏతాం శివబలోపేతాం రక్షాం యః సుకృతీ పఠేత్ |
స భుక్త్వా సకలాన్కామాన్ శివసాయుజ్యమాప్నుయాత్ || ౯ ||

గ్రహభూతపిశాచాద్యాస్త్రైలోక్యే విచరన్తి యే |
దూరాదాశు పలాయన్తే శివ నామాభిరక్షణాత్ || ౧౦ ||

అభయఙ్కరనామేదం కవచం పార్వతీపతేః |
భక్త్యా బిభర్తి యః కణ్ఠే తస్య వశ్యం జగత్రయమ్ || ౧౧ ||

ఇమాం నారాయణః స్వప్నే శివరక్షాం యథాదిశత్ |
ప్రాతరుత్థాయ యోగీన్ద్రో యాజ్ఞవల్క్యస్తథాఽలిఖత్ || ౧౨ ||

ఇతి శ్రీయాజ్ఞవల్క్యప్రోక్తమభయఙ్కరం శివరక్షాస్తోత్రం సంపూర్ణమ్ ||

Also Read:

Abhayankaram Shivarakshaastotram lyrics in Marathi | GujaratiBengali | Kannada | Malayalam | Telugu

Add Comment

Click here to post a comment