Annamayya Keerthana - Kaligenide Naaku in Telugu

Annamayya Keerthana – Kaligenide Naaku Lyrics in Telugu:

కలిగెనిదె నాకు కైవల్యము
తొలుతనెవ్వరికి దొరకనిది ||

జయపురుషోత్తమ జయ పీతాంబర
జయజయ కరుణాజలనిధి |
దయ యెఱంగ నే ధర్మము నెఱగ నా
క్రియ యిది నీదివ్యకీర్తనమే ||

శరణము గోవింద శరణము కేశవ
శరణు శరణు శ్రీజనార్ధన |
పరమ మెఱంగను భక్తి యెఱంగను
నిరతము నాగతి నీదాస్యమే ||

నమో నారాయణా నమో లక్ష్మీపతి
నమో పుండరీకనయనా |
అమిత శ్రీవేంకటాధిప యిదె నా
క్రమమెల్లను నీకయింకర్యమే ||

Annamayya Keerthana – Kaligenide Naaku in Telugu