Ashtaka Durga Stotram

Arya Durga Ashtakam Lyrics in Oriya | ଆର୍ୟାଦୁର୍ଗାଷ୍ଟକମ୍

Arya Durgashtakam Lyrics in Oriya:

॥ ଆର୍ୟାଦୁର୍ଗାଷ୍ଟକମ୍ ॥
ଶ୍ରୀଗଣେଶାୟ ନମଃ ॥

ଆର୍ୟାଦୁର୍ଗାଽଭିଧାନା ହିମନଗଦୁହିତା ଶଙ୍କରାର୍ଧାସନସ୍ଥା
ମାତା ଷାଣ୍ମାତୁରସ୍ୟାଖିଲଜନଵିନୁତା ସଂସ୍ଥିତା ସ୍ଵାସନେଽଗ୍ର୍ୟେ ।
ଗୀତା ଗନ୍ଧର୍ଵସିଦ୍ଧୈର୍ଵିରଚିତବିରୁଦୈର୍ୟାଽଖିଲାଙ୍ଗେଷୁ ପୀତା
ସଂଵୀତା ଭକ୍ତଵୃନ୍ଦୈରତିଶୁଭଚରିତା ଦେଵତା ନଃ ପୁନାତୁ ॥ ୧ ॥

ମାତସ୍ତ୍ଵାଂ ସାମ୍ବପତ୍ନୀଂ ଵିଦୁରଖିଲଜନା ଵେଦଶାସ୍ତ୍ରାଶ୍ରୟେଣ
ନାହଂ ମନ୍ୟେ ତଥା ତ୍ଵାଂ ମୟି ହରିଦୟିତାମମ୍ବୁଜୈକାସନସ୍ଥାମ୍ ।
ନିତ୍ୟଂ ପିତ୍ରା ସ ଦେଶେ ନିଜତନୁଜନିତା ସ୍ଥାପ୍ୟତେ ପ୍ରେମଭାଵାତ୍
ଏତାଦୃଶ୍ୟାନୁଭୂତ୍ୟୋ ଦଧିତଟସଵିଧେ ସଂସ୍ଥିତାଂ ତର୍କୟାମି ॥ ୨ ॥

ନାସୀଦାଲୋକିତା ତ୍ଵତ୍ତନୁରତିରୁଚିରାଽଦ୍ୟାଵଧୀତ୍ୟାତ୍ମଦୃଷ୍ଟ୍ୟା
ଲୋକୋକ୍ତ୍ୟା ମେ ଭ୍ରମୋଽଭୂତ୍ସରସିଜନିଲୟେ ନାମୟୁଗ୍ମାକ୍ଷରାର୍ଥାତ୍ ।
ସୋଽୟଂ ସର୍ଵୋ ନିରସ୍ତସ୍ତଵ କନକମୟୀଂ ମୂର୍ତିମାଲୋକ୍ୟ ସଦ୍ୟଃ
ସାଽପର୍ଣା ସ୍ଵର୍ଣଵର୍ଣାର୍ଣଵତନୁଜନିତେ ନ ଶ୍ରୁତା ନାପି ଦୃଷ୍ଟା ॥ ୩ ॥

ଶ୍ରୀସୂକ୍ତୋକ୍ତାଦ୍ୟମନ୍ତ୍ରାତ୍କନକମୟତନୁଃ ସ୍ଵର୍ଣକଞ୍ଜୋଚ୍ଚହାରା
ସାରା ଲୋକତ୍ରୟାନ୍ତର୍ଭଗଵତିଭଵତୀତ୍ୟେଵମେଵାଗମୋକ୍ତମ୍ ।
ତନ୍ନାମୋକ୍ତାକ୍ଷରାର୍ଥାତ୍କଥମୟି ଵିତଥଂ ସ୍ୟାତ୍ସରିନ୍ନାଥକନ୍ୟେ
ଦୃଷ୍ଟାର୍ଥେ ଵ୍ୟର୍ଥତର୍କୋ ହ୍ୟନୟପଥଗତିଂ ସୂଚୟତ୍ୟର୍ଥଦୃଷ୍ଟ୍ୟା ॥ ୪ ॥

ତନ୍ଵସ୍ତେ ମାତରସ୍ମିଞ୍ଜଗତି ଗୁଣଵଶାଦ୍ଵିଶ୍ରୁତାସ୍ତିସ୍ର ଏଵ
କାଲୀ ଶ୍ରୀର୍ଗୀଶ୍ଚ ତାସାଂ ପ୍ରଥମମଭିହିତା କୃଷ୍ଣଵର୍ଣା ହ୍ମପର୍ଣା ।
ଲକ୍ଷ୍ମୀସ୍ତୁ ସ୍ଵର୍ଣଵର୍ଣା ଵିଶଦତନୁରଥୋ ଭାରତୀ ଚେଦମୂଷୁ
ସ୍ଵଚ୍ଛା ନୋନାପି କୃଷ୍ଣା ଭଗଵତି ଭଵତୀ ଶ୍ରୀରସୀତ୍ୟେଵ ସିଦ୍ଧମ୍ ॥ ୫ ॥

ନାମାଦ୍ୟାୟାଃ ସ୍ଵରୂପଂ କନକମୟମିଦଂ ମଧ୍ୟମାୟାଶ୍ଚ ୟାନ-
ମନ୍ତ୍ୟାୟାଃ ସିଂହରୂପଂ ତ୍ରିତୟମପି ତନୌ ଧାରୟନ୍ତ୍ୟାସ୍ତଵେଦୃକ୍ ।
ଦୃଷ୍ଟ୍ଵା ନୂତ୍ନୈଵ ସର୍ଵା ଵ୍ୟଵହୃତିସରଣୀରିନ୍ଦିରେ ଚେଦତର୍କ୍ୟା
ତ୍ଵାମାଦ୍ୟାଂ ଵିଶ୍ଵଵନ୍ଦ୍ୟାଂ ତ୍ରିଗୁଣମୟତନୁଂ ଚେତସା ଚିନ୍ତୟାମି ॥ ୬ ॥

ତ୍ଵଦ୍ରୂପଜ୍ଞାନକାମା ଵିଵିଧଵିଧସମାକୢପ୍ତତର୍କୈରନେକୈ-
ର୍ନୋ ଶକ୍ତା ନିର୍ଜରାସ୍ତେ ଵିଧି-ହରି-ହରସଂଜ୍ଞା ଜଗଦ୍ଵନ୍ଦ୍ୟପାଦାଃ ।
କା ଶକ୍ତିର୍ମେ ଭଵିତ୍ରୀ ଜଲନିଧିତନୟେ ଜ୍ଞାତୁମୁଗ୍ରଂ ତଵେଦଂ
ରୂପଂ ନାମ୍ନା ପ୍ରଭାଵାଦପି ଵିତଥଫଲୋ ମେ ବଭୂଵ ପ୍ରୟତ୍ନଃ ॥ ୭ ॥

ଅସ୍ତ୍ଵମ୍ବ ତ୍ଵୟ୍ୟନେକୈରଶୁଭଶୁଭତରୈଃ କଲ୍ପିତୈରମ୍ବ ତର୍କୈ-
ରଦ୍ୟାହଂ ମନ୍ଦବୁଦ୍ଧିଃ ସରସିଜନିଲୟେ ସାପରାଧୋଽସ୍ମି ଜାତଃ ।
ତସ୍ମାତ୍ତ୍ଵତ୍ପାଦପଦ୍ମଦ୍ଵୟନମିତଶିରା ପ୍ରାର୍ଥୟାମ୍ୟେତଦେଵ
କ୍ଷନ୍ତଵ୍ୟୋ ମେଽପରାଧୋ ହରିହରଦୟିତେ ଭେଦବୁଦ୍ଧିର୍ନ ମେଽସ୍ତି ॥ ୮ ॥

ଆର୍ୟାଦୁର୍ଗାଷ୍ଟକମିଦମନନ୍ତକଵିନା କୃତମ୍ ।
ତଵ ପ୍ରୀତିକରଂ ଭୂୟାଦିତ୍ୟଭ୍ୟର୍ଥନମମ୍ବିକେ ॥ ୯ ॥

ଇତି ଶ୍ରୀମଦନନ୍ତକଵିଵିରଚିତମାର୍ୟାଦୁର୍ଗାଷ୍ଟକଂ ସମ୍ପୂର୍ଣମ୍ ।

Also Read:

Arya Durga Ashtakam Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment