Shiva Stotram

Chandramoulisha Stotram Lyrics in Telugu | Telugu Shlokas

Chandramoulisha Stotram in Telugu:

॥ చన్ద్రమౌలీశ స్తోత్రమ్ ॥
ఓఁకారజపరతానామోఙ్కారార్థం ముదా వివృణ్వానమ్ |
ఓజఃప్రదం నతేభ్యస్తమహం ప్రణమామి చన్ద్రమౌలీశమ్ ॥ ౧ ॥

నమ్రసురాసురనికరం నళినాహఙ్కారహారిపదయుగళమ్ |
నమదిష్టదానధీరం సతతం ప్రణమామి చన్ద్రమౌలీశమ్ ॥ ౨ ॥

మననాద్యత్పదయోః ఖలు మహతీం సిద్ధిం జవాత్ప్రపద్యన్తే |
మన్దేతరలక్ష్మీప్రదమనిశం ప్రణమామి చన్ద్రమౌలీశమ్ ॥ ౩ ॥

శితికణ్ఠమిన్దుదినకరశుచిలోచనమమ్బుజాక్షవిధిసేవ్యమ్ |
నతమతిదానధురీణం సతతం ప్రణమామి చన్ద్రమౌలీశమ్ ॥ ౪ ॥

వాచో వినివర్తన్తే యస్మాదప్రాప్య సహ హృదైవేతి |
గీయన్తే శ్రుతితతిభిస్తమహం ప్రణమామి చన్ద్రమౌలీశమ్ ॥ ౫ ॥

యచ్ఛన్తి యత్పదాంబుజభక్తాః కుతుకాత్స్వభక్తేభ్యః |
సర్వానపి పురుషార్థాంస్తమహం ప్రణమామి చన్ద్రమౌలీశమ్ ॥ ౬ ॥

పఞ్చాక్షరమనువర్ణైరాదౌ క్లృప్తాం స్తుతిం పఠన్నేనామ్ |
ప్రాప్య దృఢాం శివభక్తిం భుక్త్వా భోగాఁల్లభేత ముక్తిమపి ॥ ౭ ॥

ఇతి చన్ద్రమౌలీశస్తోత్రం సంపూర్ణమ్ ॥

Also Read:

Chandramoulisha Stotram Lyrics in Marathi | GujaratiBengali | Kannada | Malayalam | Telugu

Add Comment

Click here to post a comment