Common Shlokas for Recitation Set 2:
॥ শ্লোক সংগ্রহ ২ ॥
সরস্বতী নমস্তুভ্যং বরদে কামরূপিণি ।
বিদ্যারম্ভং করিষ্যামি সিদ্ধির্ভবতু মে সদা ॥
Oh Goddess Sarasvati, my humble prostrations unto
Thee, who are the fulfiller of all my wishes.
I start my studies with the request that Thou wilt
bestow Thy blessings on me .
আকাশাত্ পতিতং তোয়ং য়থা গচ্ছতি সাগরম্ ।
সর্বদেবনমস্কারান্ কেশবং প্রতিগচ্ছতি ॥
দীপজ্যোতিঃ পরব্রহ্ম দীপজ্যোতির্জনার্দনঃ ।
দীপো হরতু মে পাপং দীপজ্যোতির্নমোঽস্তুতে ॥
গণনাথসরস্বতীরবিশুক্রবৃহস্পতীন্ ।
পংচৈতান্ সংস্মরেন্নিত্যং বেদবাণীপ্রবৃত্তয়ে ।
সুমুখশ্চ একদংতশ্চ কপিলো গজকর্ণকঃ ।
লম্বোদরশ্চ বিকটো বিঘ্ননাশো গণাধিপঃ ॥
ধূম্রকেতুর্গণাধ্যক্ষো ভালচন্দ্রো গজাননঃ ।
দ্বাদশৈতানি নামানি য়ঃ পঠেচ্ছৃণুয়াদপি ॥
বিদ্যারম্ভে বিবাহে চ প্রবেশে নির্গমে তথা ।
সংগ্রামে সংকটে চৈব বিঘ্নস্তস্য ন জায়তে ॥
শুক্লাম্বরধরং দেবং শশিবর্ণং চতুর্ভুজম্ ।
প্রসন্নবদনং ধ্যায়েত্ সর্ববিঘ্নোপশান্তয়ে ॥
সর্বদা সর্বকার্যেষু নাস্তি তেষামমঙ্গলম্ ।
য়েষং হৃদিস্থো ভগবান্ মঙ্গলায়তনং হরিঃ ॥
তদেব লগ্নং সুদিনং তদেব
তারাবলং চংদ্রবলং তদেব ।
বিদ্যাবলং দৈববলং তদেব
লক্ষ্মীপতে তেংঽঘ্রিয়ুগং স্মরামি ॥
কায়েন বাচা মনসেন্দ্রিয়ৈর্বা
বুদ্ধ্যাত্মনা বা প্রকৃতেঃ স্বভাবাত্ ।
করোমি য়দ্যদ্ সকলং পরস্মৈ
নারায়ণায়েতি সমর্পয়ামি ॥
হরির্দাতা হরির্ভোক্তা হরিরন্নং প্রজাপতিঃ ।
হরিঃ সর্বঃ শরীরস্থো ভুঙ্ক্তে ভোজয়তে হরিঃ ॥
কর্পূরগৌরং করুণাবতারং
সংসারসারং ভুজগেন্দ্রহারম্ ।
সদা বসন্তং হৃদয়ারবিন্দে
ভবং ভবানীসহিতং নমামি ॥
॥ শ্রীরামায়ণসূত্র ॥
আদৌ রামতপোবনাদিগমনং হত্বা মৃগং কাঞ্চনম্
বৈদেহীহরণং জটায়ুমরণম্ সুগ্রীবসম্ভাষণম্ ॥
বালীনির্দলনং সমুদ্রতরণং লঙ্কাপুরীদাহনম্
পশ্চাদ্রাবণকুম্ভকর্ণহননং এতদ্ধিরামায়ণম্ ॥
॥ শ্রীভাগবতসূত্র ॥
আদৌ দেবকিদেবিগর্ভজননং গোপীগৃহে বর্ধনম্
মায়াপূতনজীবিতাপহরণং গোবর্ধনোদ্ধারণম্ ॥
কংসচ্ছেদনকৌরবাদিহননং কুংতীসুতাং পালনম্
এতদ্ভাগবতং পুরাণকথিতং শ্রীকৃষ্ণলীলামৃতম্ ॥
॥ গীতাস্তব ॥
পার্থায় প্রতিবোধিতাং ভগবতা নারায়ণেন স্বয়ম্
ব্যাসেনগ্রথিতাং পুরাণমুনিনা মধ্যে মহাভারতে
অদ্বৈতামৃতবর্ষিণীং ভগবতীমষ্টাদশাধ্যায়িনীম্
অম্ব ত্বামনুসন্দধামি ভগবদ্গীতে ভবেদ্বেষিণীম্ ॥
সর্বোপনিষদো গাবো দোগ্ধা গোপালনন্দনঃ ।
পার্থো বত্সঃ সুধীর্ভোক্তা দুগ্ধং গীতামৃতং মহত্ ॥
॥ ব্যাসস্তুতী ॥
নমোস্তু তে ব্যাস বিশালবুদ্ধে ফুল্লারবিন্দায়তপত্রনেত্র ।
য়েন ত্বয়া ভারততৈলপূর্ণঃ প্রজ্বালিতো জ্ঞানময়প্রদীপঃ ॥
ব্যাসায় বিষ্ণুরূপায় ব্যাসরূপায় বিষ্ণবে ।
নমোবৈ ব্রহ্মনিধয়ে বাসিষ্ঠায় নমোনমঃ ॥
॥ শ্রীদত্তগুরুধ্যানম্ ॥
ব্রহ্মানংদং পরমসুখদং কেবলং জ্ঞানমূর্তিং
দ্বংদ্বাতীতং গগনসদৃশং তত্ত্বমস্যাদিলক্ষ্যম্ ।
একং নিত্যং বিমলমচলং সর্বধীসাক্ষিভূতং
ভাবাতীতং ত্রিগুণরহিতং সদ্গুরুং তং নমামি ॥
য়ং ব্রহ্মাবরুণেন্দ্ররুদ্রমরুতঃ স্তুবন্তি দিব্যৈঃ স্তবৈঃ
বেদৈঃ সাঙ্গপদক্রমোপনিষদৈঃ গায়ন্তি য়ং সামগাঃ ।
ধ্যানাবস্থিততদ্গতেন মনসা পশ্যন্তি য়ং য়োগিনো
য়স্যান্তং ন বিদুঃ সুরাসুরগণা দেবায় তস্মৈ নমঃ ॥
মূকং করোতি বাচালং পঙ্গুং লঙ্ঘয়তে গিরিম্ ।
য়ত্কৃপা তমহং বন্দে পরমানন্দমাধবম্ ॥
শ্রীকেশবায় নমঃ । নারায়ণায় নমঃ । মাধবায় নমঃ ।
গোবিংদায় নমঃ । বিষ্ণবে নমঃ । মধুসূদনায় নমঃ ।
ত্রিবিক্রমায় নমঃ । বামনায় নমঃ । শ্রীধরায় নমঃ ।
হৃষীকেশায় নমঃ । পদ্মনাভায় নমঃ । দামোদরায় নমঃ ।
সংকর্ষণায় নমঃ । বাসুদেবায় নমঃ । প্রদ্যুম্নায় নমঃ ।
অনিরুদ্ধায় নমঃ । পুরুষোত্তমায় নমঃ । অধোক্ষজায় নমঃ ।
নারসিংহায় নমঃ । অচ্যুতায় নমঃ । জনার্দনায় নমঃ ।
উপেন্দ্রায় নমঃ । হরয়ে নমঃ । শ্রীকৃষ্ণায় নমঃ ।
॥ দেবতাবংদনম্ ॥
শ্রীমন্মহাগণাধিপতয়ে নমঃ ।
শ্রী সরস্বত্যৈ নমঃ । শ্রীগুরবে নমঃ ।
শ্রীমাতাপিতৃভ্যাং নমঃ ।
শ্রীলক্ষ্মীনারায়ণাভ্যাং নমঃ ।
শ্রীউমামহেশ্বরাভ্যাং নমঃ ।
ইষ্টদেবতাভ্যো নমঃ । কুলদেবতাভ্যো নমঃ ।
স্থানদেবতাভ্যো নমঃ । বাস্তুদেবতাভ্যাং নমঃ ।
সরেবেভ্যো দেবেভ্যো নমো নমঃ ॥ অবিঘ্নমস্তু ॥
॥ ওঁ তত্সত্ ইতি ॥
Also Read Common Shlokas Set 2:
Common Shlokas Used for Recitation Set 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
