Templesinindiainfo

Best Spiritual Website

Devi Shatakam Lyrics in Telugu | Hindu Shataka

Devishatakam Lyrics in Telugu:

॥ దేవీశతకమ్ ॥

శ్రీగణేశాయ నమః ।
అనన్తమహిమవ్యాప్తవిశ్వాం వేధా న వేద యామ్ ।
యా చ మాతేవ భజతే ప్రణతే మానవే దయామ్ ॥ ౧ ॥

నతాపనీతక్లేశాయాః సురారిజనతాపనీ ।
న తాపనీ తనుర్యస్యాస్తుల్యా నాదీనతాపనీ ॥ ౨ ॥

వక్త్రపద్మా విధేర్భాన్తి యయా సర్గలయో దయా ।
యా సాక్షాద్యా చ జనితస్థితిసర్గలయోదయా ॥ ౩ ॥

యాశ్రితా పావనతయా యాతనాచ్ఛిదనీచయా ।
యాచనీయా ధియా మాయాయామాయాసం స్తుతా శ్రియా ॥ ౪ ॥

నమాంసి ధ్వంసమాయాన్తి అస్యాః స్తుత్యాదరేణ వః ।
తస్యాః సిద్ధ్యై ధియాం మాతుః కల్పన్తాం పాదరేణవః ॥ ౫ ॥

ఋషీణాం సాదయామాస యా తమాంసి త్రయీమయీ ।
పాయాద్వః సా దయామాధిచ్ఛిదం జగతి బిభ్రతీ ॥ ౬ ॥

స్మరద్విషా యా యయాచే యయా చేయం విధేః క్రియా ।
యాం చాచ్యుతోఽపి తుష్టావ తుష్టా వః సాఽస్తు పార్వతీ ॥ ౭ ॥

యా దమావనయాగేన స్వారాథా నయసారయా ।
హరికైతవహాస్యాయ సాయామా విజితా యయా ॥ ౮ ॥

యాయతాజివిమయా సా యస్యా హా బత కైరిహ ।
యా రసాయనధారా స్వా న గేయానవమా దయా ॥ ౯ ॥

సా బుద్ధిరుత్తమాలోకః సతామార్యా పునాతు వః ।
యద్భక్తేరుత్తమా లోకః ప్రాప్నోత్యేష విశుద్ధతామ్ ॥ ౧౦ ॥

అయుద్ధ సాధుత్రాణాయ సామరా యా సహారిణా ।
ఖఙ్గేన దీప్రా దేవానాం సామరాయాసహారిణా ॥ ౧౧ ॥

చరణాఘాతనిహతకాసరా చ రణాజిరే ।
రరాజ యా నయజయైరరాజసజనానతా ॥ ౧౨ ॥

సావతాద్వోఽమ్బికాఽభ్యర్చ్యనామా న న యశోభితః ।
తనోతి ప్రణతో యస్యా నా మాననయశోభితః ॥ ౧౩ ॥

సంయతం యాచమానేన యస్యాః ప్రాపి ద్విషా వధః ।
సంయతం యా చ మానేన యునక్తి ప్రణతం జనమ్ ॥ ౧౪ ॥

యా దమానవమానన్దపదమాననమానదా ।
దానమానక్షమానిత్యధనమానవమానితా ॥ ౧౫ ॥

సా రక్షతాదపారా తే రసకృద్గౌరబాధికా ।
సారక్షతాదపారాతేరసకృద్గౌరవాధికా ॥ ౧౬ ॥

అనుత్తమోహరాశయో భవన్తి యామనాశ్రితాః ।
అనుత్తమో హరాశయో యయా చిరం చ రఞ్జితః ॥ ౧౭ ॥

అనన్తరాగతాపాయాస్తారయిత్రీ భవాపదః ।
అనన్తరాగతాపాయాః సా వో గౌరీ హియాత్క్రియాః ॥ ౧౮ ॥

యామాయాసజిదాసక్తశోకజాలస్య పాతినీ ।
యా మాతా సర్వదా భక్తలోకజాలస్య పాలనీ ॥ ౧౯ ॥

సామరాగమనాయాసం త్యక్త్వా సార్ధం సురారిభిః ।
సామరా గమనాయాసన్నుద్యతా యుధి యద్గణాః ॥ ౨౦ ॥

సామోదయాజయా శాతైః శస్త్రైః శత్రౌ హతే యయా ।
సామోదయా జయాశా తైర్గీర్వాణైర్గర్వతో జహే ॥ ౨౧ ॥

యయాయాయాయ్యయా యూయం యో యోఽయం యేయయైయ యామ్ ।
యయుయాయియయేయాయ యయేఽయాయాయ యాయయుక్ ॥ ౨౨ ॥

సాఽవ్యాద్గౌరీ సదా యుష్మాన్సదాయుష్మాన్సమృద్ధ్యతి ।
శరణం యాం నరో గచ్ఛన్న రోగచ్ఛన్దమేతి చ ॥ ౨౩ ॥

కృతాస్పదా యథా సమ్పదఘాని సురవైరిషు ।
హన్తి యా వాఙ్మయీ దూరాదఘాని సురవైరిషుః ॥ ౨౪ ॥

జితానయా యా నతాజితారసాతతసారతా ।
న సావనా నావసానయాతనారిరినా తయా ॥ ౨౫ ॥

మనోభవారాతిమనోభిరామయా జరామయాపాకరణైకదక్షయా ।
మదక్షయాన్నిర్మలతాం దదానయా సదా నయాస్థా క్రియతాం తవార్యయా ॥ ౨౬ ॥

సమాయయావిన్ద్రహితాయ యా రణే సమాయయా యా న జితారిసేనయా ।
స మా యయాచే హరమాశ్రితః స్ఫుటం సమా యయా ముగ్ధతయా మనోజ్ఞతాః ॥ ౨౭ ॥

సా భావక్షాలవర్యా నుతవిభవితనుర్యా వలక్షావభాసా
జానానస్యాశయప్రా నవనలినవనప్రాయశస్యాననాజా ।
సాతం వర్మాననస్థా రహసి రసిహరస్థాననర్మావతంసా
పాయాదక్తా రణత్రా మతనమనతమత్రాణరక్తా దయాపా ॥ ౨౮ ॥

ఉపాసతే కృష్టికృతోదయాం యాం జనా సదారాధనమీహమానాః ।
శమ్భోః ప్రసిద్ధా తనుతాం వహన్తీ గౌరీ హితం సా భవతాం విధేయాత్ ॥ ౨౯ ॥

యాం సద్య ఏవ త్రిదశైః పుమాంసః సమా నమస్యన్తి సదానభోగాః ।
అఘాని యస్య ప్రణతా విపక్షైః సమానమస్యన్తి సదా నభోగాః ॥ ౩౦ ॥

యస్యాః ప్రభావో ద్యుసదాం విపక్షసేనా వధానన్దయితాహరస్య ।
మనోమ్బుజస్యావహతు శ్రియై వః సేనావధానం దయితా హరస్య ॥ ౩౧ ॥

సురా జితా భావితదేవరాజద్విపక్షమా యాత రణాదభీతమ్ ।
స్వాపం న వో ధామ హితం న నామ సదైవసేనా భవతోహితానామ్ ॥ ౩౨ ॥

సురాజితా భావితదేవరాజద్విపక్షమాయా తరణాదభీతమ్ ।
స్వాపన్నబోధామహితం ననామ సదైవ సేనా భవతో హితానామ్ ॥ ౩౩ ॥

సురానితి ద్వేషిజనైరభిద్రుతానుదాహరద్యా స్వయమాహవోద్యతా ।
శివోఽద్య తాపప్రశమస్తయా తవ ప్రశస్తయా తత్త్వదృశా విధీయతామ్ ॥ ౩౪ ॥

వక్రం బిభ్రత్యుపహితచన్ద్రాయాసం యా సంమోహప్రశమనసూర్యాకారా ।
కారానీతామరమరిమాచిక్షేప క్షేపత్యక్తా రణభువి సా వః పాయాత్ ॥ ౩౫ ॥

హితే హితేఽస్తు తే స్తుతే జితాజితామితామితా ।
జయాజయా జనోఽజనో యయా యయావలం బలమ్ ॥ ౩౬ ॥

సక్తిం వః సుకృతార్జనే విదధతీ సత్రాం యతాం త్రాయతాం
దుర్గా దుర్గ్రహదూషితోద్ధతధియామాయాసదా యా సదా ।
సాధూత్సాహవిధానసక్తమనసాం ముఖ్యా తతో ఖ్యాతతాం
సంస్మృత్యైవ – – – మత్సరభరస్ఫీతాపదాం తాపదామ్ ॥ ౩౭ ॥

యా మూర్తిం కిమపి స్మరారివపుషా ధత్తే సమాయోజితాం
యాం దృష్ట్వైవ వినాశమాప సహసా శుమ్భః సమాయోఽజితామ్ ।
యా నమ్రైః సురసిద్ధికిం‍నరనరైః ఖేదం వినా శస్యతే
సా హేతుర్భవతాం త్రిలోచనవధూరశ్రీవినాశస్య తే ॥ ౩౮ ॥

సాయాసాయాస్త్రిలోక్యాః శరణమకరుణక్షుణ్ణదైత్యప్రవీరా
స్వైరం స్వైరంశసర్గైర్గహనతమమహామోహహార్దం హరన్తీ ।
శస్యాశస్యాదధానా సకలమభిహితం భక్తిభాజః స్మృతైవ
స్తాదస్తాదభ్రదోషా ద్విషదుపశమనీ సర్వతః పార్వతీ వః ॥ ౩౯ ॥

సురసురచితచితనవనవభవభవనానాదరాదరాయేథే ।
లయలయచరణౌ చరణౌ న న మామి నతేన నమామి న తే ॥ ౪౦ ॥

యా విస్మయం స్మరభిదా చక్రేఽఙ్కారోపితా నవం నారీణామ్ ।
విదధే యచ్చాపస్య న చ క్రేఙ్కారోఽపి తానవం నారీణామ్ ॥ ౪౧ ॥

యా హన్తాం చ ప్రయాతా విహాథసా కంసమాహ తారాతిబలేన ।
కృష్ణస్తవ పరమాయా విహాయ సాకం సమాహతారాతిబలేన ॥ ౪౨ ॥

తాం నమత యా చ సమరేష్వనేకశో భాతి భద్రకాలీ నతయా ।
ఖ్యాతి యయా జనతోజ్జ్వలవివేకశోభాతిభద్రాకాలీనతయా ॥ ౪౩ ॥

తాం స్మరత థా స్మృతైవ హి మానవతామరసమానతా రాతి బలాత్ ।
యత్ప్రణతం శ్రీః శ్రయతే మానవతామరసమాన తారాతి బలాత్ ॥ ౪౪ ॥

అనవరాగసముద్భవదేహతాముపగతా దదృశే గిరిశేన యా ।
అనవరాగసముద్భవదేహ తామవనతోఽస్మి జగాత్ప్రియతాం సతీమ్ ॥ ౪౫ ॥

మేనే నూనమనేన మాననముమానామ్నా ను మేనోన్మనా
నున్నేనోనమనే నిమానమమునా నో నామ నానానుమే ।
మౌనేనామమమాననిమ్నమననాన్నానామినానూనిమే
సున్మిన్నాననమా నమీ మునిమనోమానాననోన్నామిని ॥ ౪౬ ॥

తాం వన్దేఽహం నవం దేహం జ్ఞానరూపం విధాయ యా ।
సుఘీరస్యతి ధీరస్య మహామోహమయీం త్వచమ్ ॥ ౪౭ ॥

యాం నుత్వా యాన్తి హృద్యార్థసజ్జాయాం గిరి శస్యతామ్ ।
నౌమ్యహం భక్తిమాస్థాయ సజ్జాయాం గిరిశస్య తామ్ ॥ ౪౮ ॥

యదానతోఽయదానతో న యాత్యయం నయాత్యయమ్ ।
శివే హితాం శివేహితాం స్మరామితాం స్మరామి తామ్ ॥ ౪౯ ॥

సరస్వతిప్రసాదం మే స్థితి చిత్తసరస్వతి ।
సరస్వతి కురు క్షేత్రకురుక్షేత్రసరస్వతి ॥ ౫౦ ॥

త్వద్భక్తిభావితధియో జగతామత్ర యే త్రయే ।
జన్మవత్తామహం మన్యే తేషామేవానృణాం నృణామ్ ॥ ౫౧ ॥

జగతః సాతిరేకా త్వం గతిరస్య స్థిరాధికా ।
తరస్యత్రాసతారారేః సాస్యత్రాసరసస్థితి ॥ ౫౨ ॥

త్వన్నామస్మరణాదేవ న లక్ష్మీశ్చపలాయతే ।
సర్వతః పార్వతి క్షిప్రమలక్ష్మీశ్చ పలాయతే ॥ ౫౩ ॥

జయన్తి భక్తా విత్తేశసమరాయస్తబాహవే ।
తుభ్యన్నమస్త్రిలోక్యర్థసమరాయస్తబాహవే ॥ ౫౪ ॥

సత్త్వం సమ్యక్త్వమున్మీల్య హృది భాసి విరాజసే ।
ద్విషామరీణా త్వం సేనాం వాహినీముదకమ్పయః ॥ ౫౫ ॥

దూరాగతరసా ధన్యః సేవతేయస్తవ స్తుతీః ।
దూరాగత రసాధన్యః కల్పన్తే తస్య సిద్ధయః ॥ ౫౬ ॥

మోహం హత్వాస్పదం యాసి సాత్త్వమమ్బరవాసినా ।
యా న సంస్తూయసే కేన సా త్వమ్బరవసినా ॥ ౫౭ ॥

ప్రకాశ్య గృహ్యపుంసస్యఖేదచ్ఛేదామ్బుదావలీ ।
ప్రజ్ఞాత్మనేనవిమలా స్మితా దృశ్యసి విద్వతామ్ ॥ ౫౮ ॥

భవాని యే నిరన్తరం తవ ప్రణామలాలసాః ।
మనస్తమోమలాలసా భవన్తి నైయ తు క్వచిత్ ॥ ౫౯ ॥

విభావనాకులా త్వయి క్రమేణ దేవి భావనా ।
వపుష్పతిస్థిరేతరే నితాన్తమేవ పుష్యతి ॥ ౬౦ ॥

మహోఽదయానామవధీ రణేన మహోదయానామవధీరణేన ।
మహోదయానామవ ధీరణేజమహోదయానామవధీరణేన ॥ ౬౧ ॥

న మజ్జనేన తీర్థానాం తదిహ ప్రాప్యతే శుభమ్ ।
నమజ్జనేన తీర్థానాం సేవయా యత్తవామ్బికే ॥ ౬౨ ॥

ప్రయాతి మోహే నిఃసారభారతీవ్రతమేత్యయమ్ ।
త్వాత్ప్రాసాదాజ్జనః సారభారతీవ్రతమేత్యయమ్ ॥ ౬౩ ॥

శాస్త్రప్రభావహసితాః సతాం యా నిర్మలా గిరః ।
శాస్త్రప్రభావహసితాస్త్వమమ్బతిమిరచ్ఛిదః ॥ ౬౪ ॥

శమీహ తే సమానతో విభావితోఽత్రసన్న యః ।
విభావితోఽత్ర సన్నయః శమీహతే స మానతః ॥ ౬౫ ॥

మాతరం త్వా పదం సద్య ఆశ్రితాస్తే కథం జనాః ।
మా తరన్త్వాపదం సద్య ఆద్యం శ్రేయః సమాశ్రితాః ॥ ౬౬ ॥

భాతి త్వత్తనుసంశ్లేషే సత్యమ్బ వపురనుత్తరమ్ ।
సంసారాబ్ధౌ సదాహుస్తే సత్యం వపురనుత్తరమ్ ॥ ౬౭ ॥

యచ్ఛ మే నిత్యసంసఙ్గి యచ్ఛమే తదిదం మనః ।
స్వచ్ఛలో భక్తియోగస్తే స్వచ్ఛలోకవివేకసూః ॥ ౬౮ ॥

కే వలన్తే వితన్వన్తకృతస్త్వత్ప్రణతా భవే ।
కేవలం తే వితన్వన్త ఆసతే విమలాం ధియమ్ ॥ ౬౯ ॥

దేవి నిర్దగ్ధకామస్య త్వం నిరావరణాత్మనః ।
హరస్య శుభసన్తానం తేనాసౌ భ్రాజతే తథా ॥ ౭౦ ॥

ద్విషద్భియా సపది విముచ్యతే యతస్తవానతో జనని జయాశయా న కః ।
స్తవానతో జననిజయా శయానకః కరోతి తే యుధి మధుసూదనస్వసః ॥ ౭౧ ॥

జ్యాయోనిష్ఠారివర్యాధినియమనవరస్వైరదత్తాయతాజ్ఞా
స్వారాధత్వాసమధ్యానియజనజనని జ్ఞేయసుస్థావభాసా ।
నానాపుణ్యాగమస్థా జననమనమయజ్ఞాననన్ద్యా వరా ధీ-
ర్యాతా నవ్యా విభుత్వం నుతసరలమనస్తామసస్యావహాస్యే ॥ ౭౨ ॥

స్యేహావ స్యా సమస్తానమలరసతను త్వం భువి వ్యానతార్యా
ధీరా వన్ద్యా న న జ్ఞా యమనమననజస్థామగణ్యా పునానా ।
సా భావస్థా సుయజ్ఞేఽనినజనజయని ధ్యామసత్త్వాధరాస్వా
జ్ఞాతాయత్తాదరస్వైరవనమనిధిర్యా వరిష్ఠానియోజ్యా ॥ ౭౩ ॥

అలోలకమలే చిత్తలలామకమలాలయే ।
పాహి చణ్డి మహామోహభఙ్గభీమబలామలే ॥ ౭౪ ॥

దుర్గాపి మాతః సులభాసి భక్త్యా భవానుకూలాపి భవం క్షిణోషి ।
అధ్యేయతాం యాసి సదైవ దేవి ధ్యేయాసి చిత్రం చరితం తవైతత్ ॥ ౭౫ ॥

మహదేసురసన్ధమ్మే తమవసమాసఙ్గమాగమాహరణే ।
హరబహుసరణం తం చిత్తమోహమవసర ఉమే సహసా ॥ ౭౬ ॥

వన్ద్యా ప్రభాతసన్ధ్యేవ సూర్యాలోకప్రవర్తినీ ।
నివర్తయసి దేవి త్వం మహామోహమయీం నిశామ్ ॥ ౭౭ ॥

సంవాదిసారసమ్పత్తీసదాగోరిజయేసుదే ।
తవసత్తీరదే సన్తు సంసారే సుసమానదే ॥ ౭౮ ॥

ఆగమమణిసుదమహిమసమసంమదకృదపరజస్సు ।
కిర సవిభయవదితో సమయ ఉజ్జలభావసహస్సు ॥ ౭౯ ॥

త్వం వాదే శాస్త్రసఙ్గిన్యాం భాసి వాచి దివౌకసః ।
తవాదేశాస్త్రసంస్కారాజ్జయన్తి వరదే ద్విషః ॥ ౮౦ ॥

సదావ్యాజవశిధ్యాతాః సదాత్తజపశిక్షితాః ।
దదాస్యజస్రం శివతాః సూదాత్తాజదిశి స్థితాః ॥ ౮౧ ॥

హరేః స్వసారం దేవి త్వా జనతాశ్రిత్య తత్త్వతః ।
వేత్తి స్వసారం దేవిత్వా యోగేన క్షపితాశుభా ॥ ౮౨ ॥

సదాప్నోతి యతిర్జ్యోతిస్తాదృశం స్వత్ప్రభావతః ।
ప్రభావతః సమో యేన కల్పతే మోహనుత్తితః ॥ ౮౩ ॥

త్వం సద్గతిః సితాపారా పరా విద్యోత్తితీర్షతః ।
సంసారాదత్ర చామ్బ త్వం సత్త్వం పాసి విపత్తితః ॥ ౮౪ ॥

పరమా యా తపోవృత్తిరార్యాయాస్తం స్మృతిం జనాః ।
పరమాయాత పోషాయ ధియాం శరణమాదృతాః ॥ ౮౫ ॥

ప్రవాదిమతభేదేషు దృశ్యస్తే మహిమాశ్రయః ।
భాన్తి త్వత్త్రిశిఖస్యేవ శిఖానామసమాశ్రయః ॥ ౮౬ ॥

యచ్చేష్టయా తవ స్ఫీతముదారవసు ధామతః ।
యచ్చేతో యాత్యవహితముదా రవసుధామతః ॥ ౮౭ ॥

సురదేశస్య తే కీర్తిం మణ్డనత్వం నయన్తి యైః ।
వరదే శస్యతే ధీరైర్భవతీ భువి దేవతా ॥ ౮౮ ॥

తత్త్వం వీతావతతతుత్తత్వం తతవతీ తతః ।
విత్తం విత్తవ విత్తత్వం వీతావీతవతాం బత ॥ ౮౯ ॥

తారే శరణముద్యన్తీ సురేశరణముద్యమైః ।
త్వం దోషాపాసినోదగ్రస్వదోషా పాసి నోదనే ॥ ౯౦ ॥

సుమాతరక్షయాలోక రక్షయాత్తమహామనాః ।
త్వం ధైర్యజననీ పాసి జననీతిగుణస్థితీః ॥ ౯౧ ॥

ఖ్యాతికల్పనదక్షైకా త్వం సామర్గ్యజుషామితః ।
సదా సరక్షసాంముఖ్యదానవానామసుస్థితిః ॥ ౯౨ ॥

సితా సంసత్సు సత్తాస్తే స్తుతేస్తే సతతం సతః ।
తతాస్తితైత్తి తస్తేతి సూతిః సూతిస్తతోఽసి సా ॥ ౯౩ ॥

త్వదాజ్ఞయా జగత్సర్వం భాసితం మలనుద్యతః ।
సదా త్వయా సగన్ధర్వం సమిద్ధమరినుత్తితః ॥ ౯౪ ॥

యతో యాతి తతోఽత్యేతి యయా తాం తాయతాం యతైః ।
మాతామితోత్తమతమా తమోతీతాం మతిం మమ ॥ ౯౫ ॥

మహత్తాం త్వం శ్రితా దాసజనం మోహచ్ఛిదా వస ।
యచ్ఛద్ధత్వం గతః పాపమన్యస్య ప్రసభం జయ ॥ ౯౬ ॥

త్వాం సాజ్ఞాసు జగన్మాతః స్పష్టం జ్ఞాతా సువర్త్మసు ।
ప్రజ్ఞా ముఖ్యా సముద్భాసి తత్పృథుత్వం ప్రదర్శయ ॥ ౯౭ ॥

ఆజ్ఞాసు జగన్మాతః స్పష్టం జ్ఞాతా సువర్త్మసు ప్రజ్ఞా ।
భాసి త్వం సా ముఖ్యా సముత్పృథుత్వం ప్రదర్శయ తత్ ॥ ౯౮ ॥

హన్త్ర్యో రుషః క్షమా ఏతా సన్దక్షోభాస్తమున్నతః ।
సతేహితః సేవతే తాః సతతం యః స తే హితః ॥ ౯౯ ॥

కరోషి తాత్స్త్వముత్ఖాతమోహస్థానే స్థిరా మతీః ।
పదం యతిః సుతపసా లభతేఽతః సశుక్లిమ ॥ ౧౦౦ ॥

దేవ్యా స్వప్నోద్గమాదిష్టదేవీశతకసంజ్ఞయా ।
దేశితానుపమామాధాదతో నోణసుతో నుతిమ్ ॥ ౧౦౧ ॥

హార్దధ్వాన్తనియన్తృభాస్వరవపుః స్వర్వాసినాం సర్వతో
దుర్వారారిపరిక్షయం విదధతీ ధ్యాతైవ లర్వాణసూః ।
దేహార్ధే నిహితా భవేన భువనత్రాణైకతానాత్మనా
దేవి త్వం త్వమివాపరా జగతి కా సత్కేసరీన్ద్రస్థితిః ॥ ౧౦౨ ॥

క్లేశోన్మాథకరీ సతాం భవహరానన్దైకహేతో గురు-
ర్మాతా త్వం జగతాం భవన్తి విధవాః సర్వే తవానుగ్రహాత్ ।
దుర్గే న క్వచిదేవ సీదతి జనస్త్వద్భక్తిపూతాశయః
స్తుత్యా భర్తురభిన్నయేతి విబుధైస్త్వం స్తూయసే శ్రీరివ ॥ ౧౦౩ ॥

యేనానన్దకథాయాం త్రిదశానన్దే చ లాలితా వాణీ ।
తేన సుదుష్కరమేతత్స్తోత్రం దేవ్యాః కృతం భక్త్యా ॥ ౧౦౪ ॥

ఇతి శ్రీమదానన్దవర్ధనాచార్యవిరచితం దేవీశతకం సమ్పూర్ణమ్ ॥

Devi Shatakam Lyrics in Telugu | Hindu Shataka

Leave a Reply

Your email address will not be published. Required fields are marked *

Scroll to top