Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Shataka / Hariharastotram Lyrics in Oriya | Hari Hara Stotram

Hariharastotram Lyrics in Oriya | Hari Hara Stotram

126 Views

Harihara Stotram Lyrics in Oriya:

॥ ହରିହରସ୍ତୋତ୍ରମ୍ ॥

ଶ୍ରୀଗଣେଶାୟ ନମଃ ॥

ଧର୍ମାର୍ଥକାମମୋକ୍ଷାଖ୍ୟଚତୁର୍ଵର୍ଗପ୍ରଦାୟିନୌ ।
ଵନ୍ଦେ ହରିହରୌ ଦେଵୌ ତ୍ରୈଲୋକ୍ୟପରିପାୟିନୌ ॥ ୧ ॥

ଏକମୂର୍ତୀ ଦ୍ଵିଧା ଭିନ୍ନୌ ସଂସାରାର୍ଣଵତାରକୌ ।
ଵନ୍ଦେଽହଂ କାମଦୌ ଦେଵୌ ସତତଂ ଶିଵକେଶଵୌ ॥ ୨ ॥

ଦୟାମୟୌ ଦୀନଦରିଦ୍ରତାପହୌ ମହୌଜସୌ ମାନ୍ୟତମୌ ସଦା ସମୌ ।
ଉଦାରଲୀଲାଲଲିତୌ ସିତାସିତୌ ନମାମି ନିତ୍ୟଂ ଶିଵକେଶଵାଵହମ୍ ॥ ୩ ॥

ଅନନ୍ତମାହାତ୍ମ୍ୟନିଧୀ ଵିଧିସ୍ତୁତୌ ଶ୍ରିୟା ୟୁତୌ ଲୋକଵିଧାନକାରିଣୌ ।
ସୁରାସୁରାଧୀଶନୁତୌ ନୁତୌ ଜଗତ୍ପତୀ ସଦା ଵିଧତ୍ତାଂ ଶିଵକେଶଵୌ ଶିଵମ୍ ॥ ୪ ॥

ଜଗତ୍ତ୍ରୟୀପାଲନନାଶକାରକୌ ପ୍ରସନ୍ନହାସୌ ଵିଲସତ୍ସଦାନନୌ ।
ମହାବଲୌ ମଞ୍ଜୁଲମୂର୍ତିଧାରିଣୌ ଶିଵଂ ଵିଧତ୍ତାଂ ଶିଵକେଶଵୌ ସଦା ॥ ୫ ॥

ମହସ୍ଵିନୌ ମୋଦକରୌ ପରୌ ଵରୌ ମୁନୀଶ୍ଵରୈଃ ସେଵିତପାଦପଙ୍କଜୌ ।
ଅଜୌ ସୁଜାତୌ ଜଗଦୀଶ୍ଵରୌ ସଦା ଶିଵଂ ଵିଧତ୍ତାଂ ଶିଵକେଶଵୌ ମମ ॥ ୬ ॥

ନମୋଽସ୍ତୁ ନିତ୍ୟଂ ଶିଵିକେଶଵାଭ୍ୟାଂ ସ୍ଵଭକ୍ତସଂରକ୍ଷଣତତ୍ପରାଭ୍ୟାମ୍ ।
ଦେଵେଶ୍ଵରାଭ୍ୟାଂ କରୁଣାକରାଭ୍ୟାଂ ଲୋକତ୍ରୟୀନିର୍ମିତିକାରଣାଭ୍ୟାମ୍ ॥ ୭ ॥

ସଲୀଲଶୀଲୌ ମହନୀୟମୂର୍ତୀ ଦୟାକରୌ ମଞ୍ଜୁଲସଚ୍ଚରିତ୍ରୌ ।
ମହୋଦୟୌ ଵିଶ୍ଵଵିନୋଦହେତୂ ନମାମି ଦେଵୌ ଶିଵକେଶଵୌ ତୌ ॥ ୮ ॥

ତ୍ରିଶୂଲପାଣିଂ ଵରଚକ୍ରପାଣିଂ ପୀତାମ୍ବରଂ ସ୍ପଷ୍ଟଦିଗମ୍ବରଂ ଚ ।
ଚତୁର୍ଭୁଜଂ ଵା ଦଶବାହୁୟୁକ୍ତଂ ହରିଂ ହରଂ ଵା ପ୍ରଣମାମି ନିତ୍ୟମ୍ ॥ ୯ ॥

କପାଲମାଲାଲଲିତଂ ଶିଵଂ ଚ ସଦ୍ଵୈଜୟନ୍ତୀସ୍ରଗୁଦାରଶୋଭମ୍ ।
ଵିଷ୍ଣୁଂ ଚ ନିତ୍ୟଂ ପ୍ରଣିପତ୍ୟ ୟାଚେ ଭଵତ୍ପଦାମ୍ଭୋରୁହୟୋଃ ସ୍ମୃତିଃ ସ୍ତାତ୍ ॥ ୧୦ ॥

ଶିଵ ତ୍ଵମେଵାଽସି ହରିସ୍ଵରୂପୋ ହରେ ତ୍ଵମେଵାଽସି ଶିଵସ୍ଵରୂପଃ ।
ଭ୍ରାନ୍ତ୍ୟା ଜନାସ୍ତ୍ଵାଂ ଦ୍ଵିଵିଧସ୍ଵରୂପଂ ପଶ୍ୟନ୍ତି ମୂଢା ନନୁ ନାଶହେତୋଃ ॥ ୧୧ ॥

ହରେ ଜନା ୟେ ଶିଵରୂପିଣଂ ତ୍ଵାଂ ତ୍ଵଦ୍ରୂପମୀଶଂ କଲୟନ୍ତି ନିତ୍ୟମ୍ ।
ତେ ଭାଗ୍ୟଵନ୍ତଃ ପୁରୁଷାଃ କଦାଽପି ନ ୟାନ୍ତି ଭାସ୍ଵତ୍ତନୟସ୍ୟ ଗେହମ୍ ॥ ୧୨ ॥

ଶମ୍ଭୋ ଜନା ୟେ ହରିରୂପିଣଂ ତ୍ଵାଂ ଭଵତ୍ସ୍ଵରୂପଂ କମଲାଲୟେଶମ୍ ।
ପଶ୍ୟନ୍ତି ଭକ୍ତ୍ୟା ଖଲୁ ତେ ମହାନ୍ତୌ ୟମସ୍ୟ ନୋ ୟାନ୍ତି ପୁରଂ କଦାଚିତ୍ ॥ ୧୩ ॥

ଶିଵେ ହରୌ ଭେଦଧିୟାଽଽଧିୟୁକ୍ତା ମୁକ୍ତିଂ ଲଭନ୍ତେ ନ ଜନା ଦୁରାପାମ୍ ।
ଭୁକ୍ତିଂ ଚ ନୈଵେହ ପରନ୍ତୁ ଦୁଃଖଂ ସଂସାରକୂପେ ପତିତାଃ ପ୍ରୟାନ୍ତି ॥ ୧୪ ॥

ହରେ ହରୌ ଭେଦଦୃଶୋ ଭୃଶଂ ଵୈ ସଂସାରସିନ୍ଧୌ ପତିତାଃ ସତାପାଃ ।
ପାପାଶୟା ମୋହମୟାନ୍ଧକାରେ ଭ୍ରାନ୍ତା ମହାଦୁଃଖଭରଂ ଲଭନ୍ତେ ॥ ୧୫ ॥

ସନ୍ତୋ ଲସନ୍ତଃ ସୁତରାଂ ହରୌ ଚ ହରେ ଚ ନିତ୍ୟଂ ଵହୁଭକ୍ତିମନ୍ତଃ ।
ଅନ୍ତର୍ମହାନ୍ତୌ ଶିଵକେଶଵୌ ତୌ ଧ୍ୟାୟନ୍ତ ଉଚ୍ଚୈର୍ମୁଦମାପ୍ନୁଵନ୍ତି ॥ ୧୬ ॥

ହରୌ ହରେ ଚୈକ୍ୟମୁଦାରଶୀଲାଃ ପଶ୍ୟନ୍ତି ଶଶ୍ଵତ୍ସୁଖଦାୟିଲୀଲାଃ ।
ତେ ଭୁକ୍ତିମୁକ୍ତୀ ସମଵାପ୍ୟ ନୂନଂ ସୁଖଂ ଦୁରାପଂ ସୁତରାଂ ଲଭନ୍ତେ ॥ ୧୭ ॥

ଶିଵେ ଶିଵେଶେଽପି ଚ କେଶଵେ ଚ ପଦ୍ମାପତୌ ଦେଵଵରେ ମହାନ୍ତଃ ।
ଭେଦଂ ନ ପଶ୍ୟନ୍ତି ପରନ୍ତୁ ସନ୍ତସ୍ତୟୋରଭେଦଂ କଲୟନ୍ତି ସତ୍ୟମ୍ ॥ ୧୮ ॥

ରମାପତିଂ ଵା ଗିରିଜାପତିଂ ଵା ଵିଶ୍ଵେଶ୍ଵରଂ ଵା ଜଗଦୀଶ୍ଵରଂ ଵା ।
ପିନାକପାଣିଂ ଖଲୁ ଶାର୍ଙ୍ଗପାଣିଂ ହରି ହରଂ ଵା ପ୍ରଣମାମି ନିତ୍ୟମ୍ ॥ ୧୯ ॥

ସୁରେଶ୍ଵରଂ ଵା ପରମେଶ୍ଵରଂ ଵା ଵୈକୁଣ୍ଠଲୋକସ୍ଥିତମଚ୍ୟୁତଂ ଵା ।
କୈଲାସଶୈଲସ୍ଥିତମୀଶ୍ଵରଂ ଵା ଵିଷ୍ଣୁଂ ଚ ଶମ୍ଭୁଂ ଚ ନମାମି ନିତ୍ୟମ୍ ॥ ୨୦ ॥

ହରିର୍ଦୟାର୍ଦ୍ରାଶୟତାଂ ପ୍ରୟାତୋ ହରୋ ଦୟାଲୂତ୍ତମଭାଵମାପ୍ତଃ ।
ଅନେକଦିଵ୍ୟାସ୍ତ୍ରଧରଃ ପରେଶଃ ପାୟାଦଜସ୍ରଂ କୃପୟା ନତଂ ମାମ୍ ॥ ୨୧ ॥

ଶେଷୋଽସ୍ତି ୟସ୍ୟାଭରଣତ୍ଵମାପ୍ତୋ ୟଦ୍ଵା ସୁଶୟ୍ୟାତ୍ଵମିତଃ ସଦୈଵ ।
ଦେଵଃ ସ କୋଽପୀହ ହରିର୍ହରୋ ଵା କରୋତୁ ମେ ମଞ୍ଜୁଲମଙ୍ଗଲଂ ଦ୍ରାକ୍ ॥ ୨୨ ॥

ହରିଂ ହରଂ ଚାପି ଭଜନ୍ତି ଭକ୍ତ୍ୟା ଵିଭେଦବୁଦ୍ଧିଂ ପ୍ରଵିହାୟ ନୂନମ୍ ।
ସିଦ୍ଧା ମହାନ୍ତୋ ମୁନୟୋ ମହେଚ୍ଛାଃ ସ୍ଵଚ୍ଛାଶୟା ନାରଦପର୍ଵତାଦ୍ୟାଃ ॥ ୨୩ ॥

ସନତ୍କୁମାରାଦୟ ଉନ୍ନତେଚ୍ଛା ମୋହେନ ହୀନା ମୁନୟୋ ମହାନ୍ତଃ ।
ସ୍ଵାନ୍ତଃସ୍ଥିତଂ ଶଙ୍କରମଚ୍ୟୁତଂ ଚ ଭେଦଂ ପରିତ୍ୟଜ୍ୟ ସଦା ଭଜନ୍ତେ ॥ ୨୪ ॥

ଶିଷ୍ଟା ଵସିଷ୍ଠାଦୟ ଆତ୍ମନିଷ୍ଠାଃ ଶ୍ରେଷ୍ଠାଃ ସ୍ଵଧର୍ମାଵନକର୍ମଚିତ୍ତାଃ ।
ହୃତ୍ତାପହାରଂ ମଲହୀନଚିତ୍ତା ହରିଂ ହରଂ ଚୈକତୟା ଭଜନ୍ତେ ॥ ୨୫ ॥

ଅନ୍ୟେ ମହାତ୍ମାନ ଉଦାରଶୀଲା ଭୃଗ୍ଵାଦୟୋ ୟେ ପରମର୍ଷୟସ୍ତେ ।
ପଶ୍ୟନ୍ତି ଚୈକ୍ୟଂ ହରିଶର୍ଵୟୋଃ ଶ୍ରୀସଂୟୁକ୍ତୟୋରତ୍ର ନ ସଂଶୟୋଽସ୍ତି ॥ ୨୬ ॥

ଇନ୍ଦ୍ରାଦୟୋ ଦେଵଵରା ଉଦାରା ତ୍ରୈଲୋକ୍ୟସଂରକ୍ଷଣଦତ୍ତଚିତ୍ତାଃ ।
ହରିଂ ହରଂ ଚୈକସ୍ଵରୂପମେଵ ପଶ୍ୟନ୍ତି ଭକ୍ତ୍ୟା ଚ ଭଜନ୍ତି ନୂନମ୍ ॥ ୨୭ ॥

ସର୍ଵେଷୁ ଵେଦେଷୁ ଖଲୁ ପ୍ରସିଦ୍ଧଵୈକୁଣ୍ଠକୈଲାସଗୟୋଃ ସୁଧାମ୍ନୋଃ ।
ମୁକୁନ୍ଦବାଲେନ୍ଦୁଵତଂସୟୋଃ ସଚ୍ଚରିତ୍ରୟୋରୀଶ୍ଵରୟୋରଭେଦଃ ॥ ୨୮ ॥

ସର୍ଵାଣି ଶାସ୍ତ୍ରାଣି ଵଦନ୍ତି ନୂନଂ ହରେର୍ହରସ୍ୟୈକ୍ୟମୁଦାରମୂର୍ତେଃ ।
ନାସ୍ତ୍ୟତ୍ର ସନ୍ଦେହଲଵୋଽପି ସତ୍ୟଂ ନିତ୍ୟଂ ଜନା ଧର୍ମଧନା ଗଦନ୍ତି ॥ ୨୯ ॥

ସର୍ଵୈଃ ପୁରାଣୈରିଦମେଵ ସୂକ୍ତଂ ୟଦ୍ଵିଷ୍ଣୁଶମ୍ଭୋର୍ମହନୀୟମୂର୍ତ୍ୟୋଃ ।
ଐକ୍ୟଂ ସଦୈଵାଽସ୍ତି ନ ଭେଦଲେଶୋଽପ୍ୟସ୍ତୀହ ଚିନ୍ତ୍ୟଂ ସୁଜନୈସ୍ତଦେଵମ୍ ॥ ୩୦ ॥

ଭେଦଂ ପ୍ରପଶ୍ୟନ୍ତି ନରାଧମା ୟେ ଵିଷ୍ଣୌ ଚ ଶମ୍ଭୌ ଚ ଦୟାନିଧାନେ ।
ତେ ୟାନ୍ତି ପାପାଃ ପରିତାପୟୁକ୍ତା ଘୋରଂ ଵିଶାଲଂ ନିରୟସ୍ୟ ଵାସମ୍ ॥ ୩୧ ॥

ଭୂତାଧିପଂ ଵା ଵିବୁଧାଧିପଂ ଵା ରମେଶ୍ଵରଂ ଵା ପରମେଶ୍ଵରଂ ଵା ।
ପୀତାମ୍ବରଂ ଵା ହରିଦମ୍ବରଂ ଵା ହରିଂ ହରଂ ଵା ପୁରୁଷା ଭଜଧ୍ଵମ୍ ॥ ୩୨ ॥

ମହସ୍ଵିଵର୍ୟଂ କମନୀୟଦେହମୁଦାରସାରଂ ସୁଖଦାୟିଚେଷ୍ଟମ୍ ।
ସର୍ଵେଷ୍ଟଦେଵଂ ଦୁରିତାପହାରଂ ଵିଷ୍ଣୁଂ ଶିଵଂ ଵା ସତତଂ ଭଜଧ୍ଵମ୍ ॥ ୩୩ ॥

ଶିଵସ୍ୟ ଵିଷ୍ଣୋଶ୍ଚ ଵିଭାତ୍ୟଭେଦୋ ଵ୍ୟାସାଦୟୋଽପୀହ ମହର୍ଷୟସ୍ତେ ।
ସର୍ଵଜ୍ଞଭାଵଂ ଦଧତୋ ନିତାନ୍ତଂ ଵଦନ୍ତି ଚୈଵଂ କଲୟନ୍ତି ସନ୍ତଃ ॥ ୩୪ ॥

ମହାଶୟା ଧର୍ମଵିଧାନଦକ୍ଷା ରକ୍ଷାପରା ନିର୍ଜିତମାନସା ୟେ ।
ତେଽପୀହ ଵିଜ୍ଞାଃ ସମଦର୍ଶିନୋ ଵୈ ଶିଵସ୍ୟ ଵିଷ୍ଣୋଃ କଲୟନ୍ତ୍ୟଭେଦମ୍ ॥ ୩୫ ॥

ହରିରେଵ ହରୋ ହର ଏଵ ହରିର୍ନ ହି ଭେଦଲଵୋଽପି ତୟୋଃ ପ୍ରଥିତଃ ।
ଇତି ସିଦ୍ଧମୁନୀଶୟତୀଶଵରା ନିଗଦନ୍ତି ସଦା ଵିମଦାଃ ସୁଜନାଃ ॥ ୩୬ ॥

ହର ଏଵ ହରିର୍ହରିରେଵ ହରୋ ହରିଣା ଚ ହରେଣ ଚ ଵିଶ୍ଵମିଦମ୍ ।
ପ୍ରଵିନିର୍ମିତମେତଦଵେହି ସଦା ଵିମଦୋ ଭଵ ତୌ ଭଜ ଭାଵୟୁତଃ ॥ ୩୭ ॥

ହରିରେଵ ବଭୂଵ ହରଃ ପରମୋ ହର ଏଵ ବଭୂଵ ହରିଃ ପରମଃ ।
ହରିତା ହରତା ଚ ତଥା ମିଲିତା ରଚୟତ୍ୟଖିଲଂ ଖଲୁ ଵିଶ୍ଵମିଦମ୍ ॥ ୩୮ ॥

ଵୃଷଧ୍ଵଜଂ ଵା ଗରୁଡଧ୍ଵଜଂ ଵା ଗିରୀଶ୍ଵରଂ ଵା ଭୁଵନେଶ୍ଵରଂ ଵା ।
ପତିଂ ପଶୂନାମଥଵା ୟଦୂନାଂ କୃଷ୍ଣଂ ଶିଵଂ ଵା ଵିବୁଧା ଭଜନ୍ତେ ॥ ୩୯ ॥

ଭୀମାକୃତିଂ ଵା ରୁଚିରାକୃତିଂ ଵା ତ୍ରିଲୋଚନଂ ଵା ସମଲୋଚନଂ ଵା ।
ଉମାପତିଂ ଵାଽଥ ରମାପତିଂ ଵା ହରିଂ ହରଂ ଵା ମୁନୟୋ ଭଜନ୍ତେ ॥ ୪୦ ॥

ହରିଃ ସ୍ଵୟଂ ଵୈ ହରତାଂ ପ୍ରୟାତୋ ହରସ୍ତୁ ସାକ୍ଷାଦ୍ଧରିଭାଵମାପ୍ତଃ ।
ହରିର୍ହରଶ୍ଚାପି ଜଗଜ୍ଜନାନାମୁପାସ୍ୟଦେଵୌ ସ୍ତ ଇତି ପ୍ରସିଦ୍ଧିଃ ॥ ୪୧ ॥

ହରିର୍ହି ସାକ୍ଷତ୍ ହର ଏଵ ସିଦ୍ଧୋ ହରୋ ହି ସାକ୍ଷାଦ୍ଧଦିରେଵ ଚାସ୍ତେ ।
ହୀରର୍ହରଶ୍ଚ ସ୍ଵୟମେଵ ଚୈକୋ ଦ୍ଵିରୂପତାଂ କାର୍ୟଵଶାତ୍ ପ୍ରୟାତଃ ॥ ୪୨ ॥

ହରିର୍ଜଗତ୍ପାଲନକୃତ୍ପ୍ରସିଦ୍ଧୋ ହରୋ ଜଗନ୍ନାଶକରଃ ପରାତ୍ମା ।
ସ୍ଵରୂପମାତ୍ରେଣ ଭିଦାମଵାପ୍ତୌ ଦ୍ଵାଵେକରୂପୌ ସ୍ତ ଇମୌ ସୁରେଶୌ ॥ ୪୩ ॥

ଦୟନିଧାନଂ ଵିଲସଦ୍ଵିଧାନଂ ଦେଵପ୍ରଧାନଂ ନନୁ ସାଵଧାନମ୍ ।
ସାନନ୍ଦସନ୍ମାନସଭାସମାନଂ ଦେଵଂ ଶିଵଂ ଵା ଭଜ କେଶଵଂ ଵା ॥ ୪୪ ॥

ଶ୍ରୀକୌସ୍ତୁଭାଭରଣମିନ୍ଦୁକଲାଵତଂସଂ
କାଲୀଵିଲାସିନମଥୋ କମଲାଵିଲାସମ୍ ।
ଦେଵଂ ମୁରାରିମଥ ଵା ତ୍ରିପୁରାରିମୀଶଂ
ଭେଦଂ ଵିହାୟ ଭଜ ଭୋ ଭଜ ଭୂରି ଭକ୍ତ୍ୟା ॥ ୪୫ ॥

ଵିଷ୍ଣୁଃ ସାକ୍ଷାଚ୍ଛମ୍ଭୁରେଵ ପ୍ରସିଦ୍ଧଃ ଶମ୍ଭୁଃ ସାକ୍ଷାଦ୍ଵିଷ୍ଣୁରେଵାସ୍ତି ନୂନମ୍ ।
ନାସ୍ତି ସ୍ଵଲ୍ପୋଽପୀହ ଭେଦାଵକାଶଃ ସିଦ୍ଧାନ୍ତୋଽୟଂ ସଜ୍ଜନାନାଂ ସମୁକ୍ତଃ ॥ ୪୬ ॥

ଶମ୍ଭୁର୍ଵିଷ୍ଣୁଶ୍ଚୈକରୂପୋ ଦ୍ଵିମୂର୍ତିଃ ସତ୍ୟଂ ସତ୍ୟଂ ଗଦ୍ୟତେ ନିଶ୍ଚିତଂ ସତ୍ ।
ଅସ୍ମିନ୍ମିଥ୍ୟା ସଂଶୟଂ କୁର୍ଵତେ ୟେ ପାପାଚାରାସ୍ତେ ନରା ରାକ୍ଷସାଖ୍ୟାଃ ॥ ୪୭ ॥

ଵିଷ୍ଣୌ ଶମ୍ଭୌ ନାସ୍ତି ଭେଦାଵଭାସଃ ସଙ୍ଖ୍ୟାଵନ୍ତଃ ସନ୍ତ ଏଵଂ ଵଦନ୍ତି ।
ଅନ୍ତଃ କିଞ୍ଚିତ୍ସଂଵିଚିନ୍ତ୍ୟ ସ୍ଵୟଂ ଦ୍ରାକ୍ ଭେଦଂ ତ୍ୟକ୍ତ୍ଵା ତୌ ଭଜସ୍ଵ ପ୍ରକାମମ୍ ॥ ୪୮ ॥

ଵିଷ୍ଣୋର୍ଭକ୍ତାଃ ଶମ୍ଭୁଵିଦ୍ଵେଷସକ୍ତାଃ ଶମ୍ଭୋର୍ଭକ୍ତା ଵିଷ୍ଣୁଵିଦ୍ଵେଷିଣୋ ୟେ ।
କାମକ୍ରୋଧାନ୍ଧାଃ ସୁମନ୍ଦାଃ ସନିନ୍ଦା ଵିନ୍ଦନ୍ତି ଦ୍ରାକ୍ ତେ ନରା ଦୁଃଖଜାଲମ୍ ॥ ୪୯ ॥

ଵିଷ୍ଣୌ ଶମ୍ଭୌ ଭେଦବୁଦ୍ଧିଂ ଵିହାୟ ଭକ୍ତ୍ୟା ୟୁକ୍ତାଃ ସଜ୍ଜନା ୟେ ଭଜନ୍ତେ ।
ତେଷାଂ ଭାଗ୍ୟଂ ଵସ୍ତୁମୀଶୋ ଗୁରୁର୍ନୋ ସତ୍ୟଂ ସତ୍ୟଂ ଵଚ୍ମ୍ୟଂହ ଵିଦ୍ଧି ତତ୍ତ୍ଵମ୍ ॥ ୫୦ ॥

ହରେର୍ଵିରୋଧୀ ଚ ହରସ୍ୟ ଭକ୍ତୋ ହରସ୍ୟ ଵୈରୀ ଚ ହରେଶ୍ଚ ଭକ୍ତଃ ।
ସାକ୍ଷାଦସୌ ରାକ୍ଷସ ଏଵ ନୂନଂ ନାସ୍ତ୍ୟତ୍ର ସନ୍ଦେହଲଵୋଽପି ସତ୍ୟମ୍ ॥ ୫୧ ॥

ଶିଵଂ ଚ ଵିଷ୍ଣୁଂ ଚ ଵିଭିନ୍ନଦେହଂ ପଶ୍ୟନ୍ତି ୟେ ମୂଢଧିୟୋଽତିନୀଚାଃ ।
ତେ କିଂ ସୁସଦ୍ଭିଃ ସୁତରାଂ ମହଦ୍ଭିଃ ସମ୍ଭାଷଣୀୟାଃ ପୁରୁଷା ଭଵନ୍ତି ॥ ୫୨ ॥

ଅନେକରୂପଂ ଵିଦିତୈକରୂପଂ ମହାନ୍ତମୁଚ୍ଚୈରତିଶାନ୍ତଚିତ୍ତମ୍ ।
ଦାନ୍ତଂ ନିତାନ୍ତଂ ଶୁଭଦଂ ସୁକାନ୍ତଂ ଵିଷ୍ଣୁଂ ଶିଵଂ ଵା ଭଜ ଭୂରିଭକ୍ତ୍ୟା ॥ ୫୩ ॥

ହରେ ମୁରାରେ ହର ହେ ପୁରାରେ ଵିଷ୍ଣୋ ଦୟାଲୋ ଶିଵ ହେ କୃପାଲୋ ।
ଦୀନଂ ଜନଂ ସର୍ଵଗୁଣୈର୍ଵିହୀନଂ ମାଂ ଭକ୍ତମାର୍ତଂ ପରିପାହି ନିତ୍ୟମ୍ ॥ ୫୪ ॥

ହେ ହେ ଵିଷ୍ଣୋ ଶମ୍ଭୁରୂପସ୍ତ୍ଵମେଵ ହେ ହେ ଶମ୍ଭୋ ଵିଷ୍ଣୁରୂପସ୍ତ୍ଵମେଵ ।
ସତ୍ୟଂ ସର୍ଵେ ସନ୍ତ ଏଵଂ ଵଦନ୍ତଃ ସଂସାରାବ୍ଧିଂ ହ୍ୟଞ୍ଜସା ସନ୍ତରନ୍ତି ॥ ୫୫ ॥

ଵିଷ୍ଣୁଃ ଶମ୍ଭୁଃ ଶମ୍ଭୁରେଵାସ୍ତି ଵିଷ୍ଣୁଃ ଶମ୍ଭୁର୍ଵିଷ୍ଣୁର୍ଵିଷ୍ଣୁରେଵାସ୍ତି ଶମ୍ଭୁଃ ।
ଶମ୍ଭୌ ଵିଷ୍ଣୌ ଚୈକରୂପତ୍ଵମିଷ୍ଟଂ ଶିଷ୍ଟା ଏଵଂ ସର୍ଵଦା ସଞ୍ଜପନ୍ତି ॥ ୫୬ ॥

ଦୈଵୀ ସମ୍ପଦ୍ଵିଦ୍ୟତେ ୟସ୍ୟ ପୁଂସଃ ଶ୍ରୀମାନ୍ ସୋଽୟଂ ସର୍ଵଦା ଭକ୍ତିୟୁକ୍ତଃ ।
ଶମ୍ଭୁଂ ଵିଷ୍ଣୁଂ ଚୈକରୂପଂ ଦ୍ଵିଦେହଂ ଭେଦଂ ତ୍ୟକ୍ତ୍ଵା ସମ୍ଭଜନ୍ମୋକ୍ଷମେତି ॥ ୫୭ ॥

ୟେଷାଂ ପୁଂସାମାସୁରୀ ସମ୍ପଦାସ୍ତେ ମୃତ୍ୟୋର୍ଗ୍ରାସାଃ କାମଲୋଭାଭିଭୂତାଃ ।
କ୍ରୋଧେନାନ୍ଧା ବନ୍ଧୟୁକ୍ତା ଜନାସ୍ତେ ଶମ୍ଭୁଂ ଵିଷ୍ଣୁଂ ଭେଦବୁଦ୍ଧ୍ୟା ଭଜନ୍ତେ ॥ ୫୮ ॥

କଲ୍ୟାଣକାରଂ ସୁଖଦପ୍ରକାରଂ ଵିନିର୍ଵିକାରଂ ଵିହିତୋପକାରମ୍ ।
ସ୍ଵାକାରମୀଶଂ ନ କୃତାପକାରଂ ଶିଵଂ ଭଜଧ୍ଵଂ କିଲ କେଶଵଂ ଚ ॥ ୫୯ ॥

ସଚ୍ଚିତ୍ସ୍ଵରୂପଂ କରୁଣାସୁକୂପଂ ଗୀର୍ଵାଣଭୂପଂ ଵରଧର୍ମୟୂପମ୍ ।
ସଂସାରସାରଂ ସୁରୁଚିପ୍ରସାରଂ ଦେଵଂ ହରିଂ ଵା ଭଜ ଭୋ ହରଂ ଵା ॥ ୬୦ ॥

ଆନନ୍ଦସିନ୍ଧୁଂ ପରଦୀନବନ୍ଧୁଂ ମୋହାନ୍ଧକାରସ୍ୟ ନିକାରହେତୁମ୍ ।
ସଦ୍ଧର୍ମସେତୁଂ ରିପୁଧୂମକେତୁଂ ଭଜସ୍ଵ ଵିଷ୍ଣୁଂ ଶିଵମେକବୁଦ୍ଧ୍ୟା ॥ ୬୧ ॥

ଵେଦାନ୍ତସିଦ୍ଧାନ୍ତମୟଂ ଦୟାଲୁଂ ସତ୍ସାଙ୍ଖ୍ୟଶାସ୍ତ୍ରପ୍ରତିପାଦ୍ୟମାନମ୍ ।
ନ୍ୟାୟପ୍ରସିଦ୍ଧଂ ସୁତରାଂ ସମିଦ୍ଧଂ ଭଜସ୍ଵ ଵିଷ୍ଣୁଂ ଶିଵମେକବୁଦ୍ଧ୍ୟା ॥ ୬୨ ॥

ପାପାପହାରଂ ରୁଚିରପ୍ରଚାରଂ କୃତୋପକାରଂ ଵିଲସଦ୍ଵିହାରମ୍ ।
ସଦ୍ଧର୍ମଧାରଂ କମନୀୟଦାରଂ ସାରଂ ହରିଂ ଵା ଭଜ ଭୋ ହରଂ ଵା ॥ ୬୩ ॥

ଵିଷ୍ଣୌ ହରୌ ଭେଦମଵେକ୍ଷମାଣଃ ପ୍ରାଣୀ ନିତାନ୍ତଂ ଖଲୁ ତାନ୍ତଚେତାଃ । – ଆଦ୍ଦେଦ୍।
ପ୍ରେତାଧିପସ୍ୟୈତି ପୁରଂ ଦୁରନ୍ତଂ ଦୁଃଖଂ ଚ ତତ୍ର ପ୍ରଥିତଂ ପ୍ରୟାତି ॥ ୬୪ ॥

ଭୋ ଭୋ ଜନା ଜ୍ଞାନଧନା ମନାଗପ୍ୟର୍ଚ୍ୟେ ହରୌ ଚାପି ହରେ ଚ ନୂନମ୍ ।
ଭେଦଂ ପରିତ୍ୟଜ୍ୟ ମନୋ ନିରୁଧ୍ୟ ସୁଖଂ ଭଵନ୍ତଃ ଖଲୁ ତୌ ଭଜନ୍ତୁ ॥ ୬୫ ॥

ଆନନ୍ଦସନ୍ମନ୍ଦିରମିନ୍ଦୁକାନ୍ତଂ ଶାନ୍ତଂ ନିତାନ୍ତଂ ଭୁଵନାନି ପାନ୍ତମ୍ ।
ଭାନ୍ତଂ ସୁଦାନ୍ତଂ ଵିହିତାସୁରାନ୍ତଂ ଦେଵଂ ଶିଵଂ ଵା ଭଜ କେଶଵଂ ଵା ॥ ୬୬ ॥

ହେ ହେ ହରେ କୃଷ୍ଣ ଜନାର୍ଦନେଶ ଶମ୍ଭୋ ଶଶାଙ୍କାଭରଣାଧିଦେଵ ।
ନାରାୟଣ ଶ୍ରୀଶ ଜଗତ୍ସ୍ଵରୂପ ମାଂ ପାହି ନିତ୍ୟଂ ଶରଣଂ ପ୍ରପନ୍ନମ୍ ॥ ୬୭ ॥

ଵିଷ୍ଣୋ ଦୟାଲୋଽଚ୍ୟୁତ ଶାର୍ଙ୍ଗପାଣେ ଭୂତେଶ ଶମ୍ଭୋ ଶିଵ ଶର୍ଵ ନାଥ ।
ମୁକୁନ୍ଦ ଗୋଵିନ୍ଦ ରମାଧିପେଶ ମାଂ ପାହି ନିତ୍ୟଂ ଶରଣଂ ପ୍ରପନ୍ନମ୍ ॥ ୬୮ ॥

କଲ୍ୟାଣକାରିନ୍ କମଲାପତେ ହେ ଗୈରୀପତେ ଭୀମ ଭଵେଶ ଶର୍ଵ ।
ଗିରୀଶ ଗୌରୀପ୍ରିୟ ଶୂଲପାଣେ ମାଂ ପାହି ନିତ୍ୟଂ ଶରଣଂ ପ୍ରପତ୍ରମ୍ ॥ ୬୯ ॥

ହେ ଶର୍ଵ ହେ ଶଙ୍କର ହେ ପୁରାରେ ହେ କେଶଵ ହେ କୃଷ୍ଣ ହରେ ମୁରାରେ ।
ହେ ଦୀନବନ୍ଧୋ କରୁଣୈକସିନ୍ଧୋ ମାଂ ପାହି ନିତ୍ୟଂ ଶରଣଂ ପ୍ରପନ୍ନମ୍ ॥ ୭୦ ॥

ହେ ଚନ୍ଦ୍ରମୌଲେ ହରିରୂପ ଶମ୍ଭୋ ହେ ଚକ୍ରପାଣେ ଶିଵରୂପ ଵିଷ୍ଣୋ ।
ହେ କାମଶତ୍ରୋ ଖଲୁ କାମତାତ ମାଂ ପାହି ନିତ୍ୟଂ ଭଗଵନ୍ନମସ୍ତେ ॥ ୭୧ ॥

ସକଲଲୋକପଶୋକଵିନାଶିନୌ ପରମରମ୍ୟତୟା ପ୍ରଵିକାଶିନୌ ।
ଅଘସମୂହଵିଦାରଣକାରିଣୌ ହରିହରୌ ଭଜ ମୂଢ ଭିଦାଂ ତ୍ୟଜ ॥ ୭୨ ॥

ହରିଃ ସାକ୍ଷାଦ୍ଧରଃ ପ୍ରୋକ୍ତୋ ହରଃ ସାକ୍ଷାଦ୍ଧରିଃ ସ୍ମୃତଃ ।
ଉଭୟୋରନ୍ତରଂ ନାସ୍ତି ସତ୍ୟଂ ସତ୍ୟଂ ନଂ ସଂଶୟଃ ॥ ୭୩ ॥

ୟୋ ହରୌ ଚ ହରେ ସାକ୍ଷାଦେକମୂର୍ତୌ ଦ୍ଵିଧା ସ୍ଥିତେ ।
ଭେଦଂ କରୋତି ମୂଢାତ୍ମା ସ ୟାତି ନରକଂ ଧ୍ରୁଵମ୍ ॥ ୭୪ ॥

ୟସ୍ୟ ବୁଦ୍ଧିର୍ହରୌ ଚାପି ହରେ ଭେଦଂ ଚ ପଶ୍ୟତି ।
ସ ନରାଧମତାଂ ୟାତୋ ରୋଗୀ ଭଵତି ମାନଵଃ ॥ ୭୫ ॥

ୟୋ ହରୌ ଚ ହରେ ଚାପି ଭେଦବୁଦ୍ଧିଂ କରୋତ୍ୟହୋ ।
ତସ୍ମାନ୍ମୂଢତମୋ ଲୋକେ ନାନ୍ୟଃ କଶ୍ଚନ ଵିଦ୍ୟତେ ॥ ୭୬ ॥

ମୁକ୍ତିମିଚ୍ଛସି ଚେତ୍ତର୍ହି ଭେଦଂ ତ୍ୟଜ ହରୌ ହରେ ।
ଅନ୍ୟଥା ଜନ୍ମଲକ୍ଷେଷୁ ମୁକ୍ତିଃ ଖଲୁ ସୁଦୁର୍ଲଭା ॥ ୭୭ ॥

ଵିଷ୍ଣୋଃ ଶିଵସ୍ୟ ଚାଭେଦଜ୍ଞାନାନ୍ମୁକ୍ତିଃ ପ୍ରଜାୟତେ ।
ଇତି ସଦ୍ଵେଦଵାକ୍ୟାନାଂ ସିଦ୍ଧାନ୍ତଃ ପ୍ରତିପାଦିତଃ ॥ ୭୮ ॥

ଵିଷ୍ଣୁଃ ଶିଵଃ ଶିଵୋ ଵିଷ୍ଣୁରିତି ଜ୍ଞାନଂ ପ୍ରଶିଷ୍ୟତେ ।
ଏତଜ୍ଜ୍ଞାନୟୁତୋ ଜ୍ଞାନି ନାନ୍ୟଥା ଜ୍ଞାନମିଷ୍ୟତେ ॥ ୭୯ ॥

ହରିର୍ହରୋ ହରଶ୍ଚାପି ହରିରସ୍ତୀତି ଭାଵୟନ୍ ।
ଧର୍ମାର୍ଥକାମମୋକ୍ଷାଣାମଧିକାରୀ ଭଵେନ୍ନରଃ ॥ ୮୦ ॥

ହରିଂ ହରଂ ଭିନ୍ନରୂପଂ ଭାଵୟତ୍ୟଧମୋ ନରଃ ।
ସ ଵର୍ଣସଙ୍କରୋ ନୂନଂ ଵିଜ୍ଞେୟୋ ଭାଵିତାତ୍ମଭିଃ ॥ ୮୧ ॥

ହର ଶମ୍ଭୋ ହରେ ଵିଷ୍ଣୋ ଶମ୍ଭୋ ହର ହରେ ହର ।
ଇତି ନିତ୍ୟଂ ଜପନ୍ ଜନ୍ତୁର୍ଜୀଵନ୍ମୁକ୍ତୋ ହି ଜାୟତେ ॥ ୮୨ ॥

ନ ହରିଂ ଚ ହରଂ ଚାପି ଭେଦବୁଦ୍ଧ୍ୟା ଵିଲୋକୟେତ୍ ।
ୟଦୀଚ୍ଛେଦାତ୍ମନଃ କ୍ଷେମଂ ବୁଦ୍ଧିମାନ୍ କୁଶଲୋ ନରଃ ॥ ୮୩ ॥

ହରେ ହର ଦୟାଲୋ ମାଂ ପାହି ପାହି କୃପାଂ କୁରୁ ।
ଇତି ସଞ୍ଜପନାଦେଵ ମୁକ୍ତିଃ ପ୍ରାଣୌ ପ୍ରତିଷ୍ଠିତା ॥ ୮୪ ॥

ହରିଂ ହରଂ ଦ୍ଵିଧା ଭିନ୍ନଂ ଵସ୍ତୁତସ୍ତ୍ଵେକରୂପକମ୍ ।
ପ୍ରଣମାମି ସଦା ଭକ୍ତ୍ୟା ରକ୍ଷତାଂ ତୌ ମହେଶ୍ଵରୌ ॥ ୮୫ ॥

ଇଦଂ ହରିହରସ୍ତୋତ୍ରଂ ସୂକ୍ତଂ ପରମଦୁର୍ଲଭମ୍ ।
ଧର୍ମାର୍ଥକାମମୋକ୍ଷାଣାଂ ଦାୟକଂ ଦିଵ୍ୟମୁତ୍ତମମ୍ ॥ ୮୬ ॥

ଶିଵକେଶଵୟୋରୈକ୍ୟପ୍ରତିପାଦକମୀଡିତମ୍ ।
ପଠେୟୁଃ କୃତିନଃ ଶାନ୍ତା ଦାନ୍ତା ମୋକ୍ଷାଭିଲାଷିଣଃ ॥ ୮୭ ॥

ଏତସ୍ୟ ପଠନାତ୍ସର୍ଵାଃ ସିଦ୍ଧୟୋ ଵଶଗାସ୍ତଥା ।
ଦେଵୟୋର୍ଵିଷ୍ଣୁଶିଵୟୋର୍ଭକ୍ତିର୍ଭଵତି ଭୂତିଦା ॥ ୮୮ ॥

ଧର୍ମାର୍ଥୀ ଲଭତେ ଧର୍ମମର୍ଥାର୍ଥୀ ଚାର୍ଥମଶ୍ନୁତେ ।
କାମାର୍ଥୀ ଲଭତେ କାମଂ ମୋକ୍ଷାର୍ଥୀ ମୋକ୍ଷମଶ୍ନୁତେ ॥ ୮୯ ॥

ଦୁର୍ଗମେ ଘୋରସଙ୍ଗ୍ରାମେ କାନନେ ଵଧବନ୍ଧନେ ।
କାରାଗାରେଽସ୍ୟ ପଠନାଜ୍ଜାୟତେ ତତ୍କ୍ଷଣଂ ସୁଖୀ ॥ ୯୦ ॥

ଵେଦେ ୟଥା ସାମଵେଦୋ ଵେଦାନ୍ତୋ ଦର୍ଶନେ ୟଥା ।
ସ୍ମୃତୌ ମନୁସ୍ମୃତିର୍ୟଦ୍ଵତ୍ ଵର୍ଣେଷୁ ବ୍ରାହ୍ମଣୋ ୟଥା ॥ ୯୧ ॥

ୟଥାଽଽଶ୍ରମେଷୁ ସନ୍ନ୍ୟାସୋ ୟଥା ଦେଵେଷୁ ଵାସଵଃ ।
ୟଥାଽଶ୍ଵତ୍ଥଃ ପାଦପେଷୁ ୟଥା ଗଙ୍ଗା ନଦୀଷୁ ଚ ॥ ୯୨ ॥

ପୁରାଣେଷୁ ୟଥା ଶ୍ରେଷ୍ଠଂ ମହାଭାରତମୁଚ୍ୟତେ ।
ୟଥା ସର୍ଵେଷୁ ଲୋକେଷୁ ଵୈକୁଣ୍ଠଃ ପରମୋତ୍ତମଃ ॥ ୯୩ ॥

ୟଥା ତୀର୍ଥେଷୁ ସର୍ଵେଷୁ ପ୍ରୟାଗଃ ଶ୍ରେଷ୍ଠ ଈରିତଃ ।
ୟଥା ପୁରୀଷୁ ସର୍ଵାସୁ ଵରା ଵାରାଣସୀ ମତା ॥ ୯୪ ॥

ୟଥା ଦାନେଷୁ ସର୍ଵେଷୁ ଚାନ୍ନଦାନଂ ମହତ୍ତମମ୍ ।
ୟଥା ସର୍ଵେଷୁ ଧର୍ମେଷୁ ଚାହିଂସା ପରମା ସ୍ମୃତା ॥ ୯୫ ॥

ୟଥା ସର୍ଵେଷୁ ସୌଖ୍ୟେଷୁ ଭୋଜନଂ ପ୍ରାହୁରୁତ୍ତମମ୍ ।
ତଥା ସ୍ତୋତ୍ରେଷୁ ସର୍ଵେଷୁ ସ୍ତୋତ୍ରମେତତ୍ପରାତ୍ପରମ୍ ॥ ୯୬ ॥

ଅନ୍ୟାନି ୟାନି ସ୍ତୋତ୍ରାଣି ତାନି ସର୍ଵାଣି ନିଶ୍ଚିତମ୍ ।
ଅସ୍ୟ ସ୍ତୋତ୍ରସ୍ୟ ନୋ ୟାନ୍ତି ଷୋଡଶୀମପି ସତ୍କଲାମ୍ ॥ ୯୭ ॥

ଭୂତପ୍ରେତପିଶାଚାଦ୍ୟା ବାଲଵୃଦ୍ଧଗ୍ରହାଶ୍ଚ ୟେ ।
ତେ ସର୍ଵେ ନାଶମାୟାନ୍ତି ସ୍ତୋତ୍ରସ୍ୟାସ୍ୟ ପ୍ରଭାଵତଃ ॥ ୯୮ ॥

ୟତ୍ରାସ୍ୟ ପାଠୋ ଭଵତି ସ୍ତୋତ୍ରସ୍ୟ ମହତୋ ଧୁଵମ୍ ।
ତତ୍ର ସାକ୍ଷାତ୍ସଦା ଲକ୍ଷ୍ମୀର୍ଵସତ୍ୟେଵ ନ ସଂଶୟଃ ॥ ୯୯ ॥

ଅସ୍ୟ ସ୍ତୋତ୍ରସ୍ୟ ପାଠେନ ଵିଶ୍ଵେଶୌ ଶିଵକେଶଵୌ ।
ସର୍ଵାନ୍ମନୋରଥାନ୍ପୁଂସାଂ ପୂରୟେତାଂ ନ ସଂଶୟଃ ॥ ୧୦୦ ॥

ପୁଣ୍ୟଂ ପୁଣ୍ୟଂ ମହତ୍ପୁଣ୍ୟଂ ସ୍ତୋତ୍ରମେତଦ୍ଧି ଦୁର୍ଲଭମ୍ ।
ଭୋ ଭୋ ମୁମୁକ୍ଷଵଃ ସର୍ଵେ ୟୂୟଂ ପଠତ ସର୍ଵଦା ॥ ୧୦୧ ॥

ଇତ୍ୟଚ୍ୟୁତାଶ୍ରମସ୍ଵାମିଵିରଚିତଂ ଶ୍ରୀହରିହରାଦ୍ଵୈତସ୍ତୋତ୍ରଂ ସମ୍ପୂର୍ଣମ୍ ।

  • Facebook
  • Twitter
  • Pinterest
 

Leave a Comment

Your email address will not be published. Required fields are marked *