Templesinindiainfo

Best Spiritual Website

Hymn to Goddess Varahamukhi Lyrics in Bengali

Maha Varahi Hymns Lyrics in Bengali:

॥ বরাহমুখীস্তবঃ তথা বারাহ্যনুগ্রহাষ্টকম্ ॥

কুবলয়নিভা কৌশেয়ার্ধোরুকা মুকুটোজ্জ্বলা
হলমুসলিনী সদ্ভক্তেভ্যো বরাভয়দায়িনী ।
কপিলনয়না মধ্যে ক্ষামা কঠোরঘনস্তনী
জয়তি জগতাং মাতঃ সা তে বরাহমুখী তনুঃ ॥ ১ ॥

তরতি বিপদো ঘোরা দূরাত্ পরিহ্রিয়তে ভয়-
স্খলিতমতিভির্ভূতপ্রেতৈঃ স্বয়ং ব্রিয়তে শ্রিয়া ।
ক্ষপয়তি রিপূনীষ্টে বাচাং রণে লভতে জয়ং
বশয়তি জগত্ সর্বং বারাহি য়স্ত্বয়ি ভক্তিমান্ ॥ ২ ॥

স্তিমিতগতয়ঃ সীদদ্বাচঃ পরিচ্যুতহেতয়ঃ
ক্ষুভিতহৃদয়াঃ সদ্যো নশ্যদ্দৃশো গলিতৌজসঃ ।
ভয়পরবশা ভগ্নোত্সাহাঃ পরাহতপৌরুষা
ভগবতি পুরস্ত্বদ্ভক্তানাং ভবন্তি বিরোধিনঃ ॥ ৩ ॥

কিসলয়মৃদুর্হস্তঃ ক্লিশ্যতে কন্দুকলীলয়া
ভগবতি মহাভারঃ ক্রীডাসরোরুহমেব তে ।
তদপি মুসলং ধত্সে হস্তে হলং সময়দ্রুহাং
হরসি চ তদাঘাতৈঃ প্রাণানহো তব সাহসম্ ॥ ৪ ॥

জননি নিয়তস্থানে ত্বদ্বামদক্ষিণপার্শ্বয়ো-
র্মৃদুভুজলতামন্দোত্ক্ষেপপ্রণর্তিতচামরে ।
সততমুদিতে গুহ্যাচারদ্রুহাং রুধিরাসবৈ-
রুপশময়তাং শত্রূন্ সর্বানুভে মম দেবতে ॥ ৫ ॥

হরতু দুরিতং ক্ষেত্রাধীশঃ স্বশাসনবিদ্বিষাং
রুধিরমদিরামত্তঃ প্রাণোপহারবলিপ্রিয়ঃ ।
অবিরতচটত্কুর্বদ্দংষ্ট্রাস্থিকোটিরটন্মুকো
ভগবতি স তে চণ্ডোচ্চণ্ডঃ সদা পুরতঃ স্থিতঃ ॥ ৬ ॥

ক্ষুভিতমকরৈর্বীচীহস্তোপরুদ্ধপরস্পরৈ-
শ্চতুরদধিভিঃ ক্রান্তা কল্পান্তদুর্ললিতোদকৈঃ ।
জননি কথমুত্তিষ্ঠেত্ পাতালসদ্মবিলাদিলা
তব তু কুটিলে দংষ্ট্রাকোটী ন চেদবলম্বনম্ ॥ ৭ ॥

তমসি বহুলে শূন্যাটব্যাং পিশাচনিশাচর-
প্রমথকলহে চোরব্যাঘ্রোরগদ্বিপসংকটে ।
ক্ষুভিতমনসঃ ক্ষুদ্রস্যৈকাকিনোঽপি কুতো ভয়ং
সকৃদপি মুখে মাতস্ত্বন্নাম সংনিহিতং য়দি ॥ ৮ ॥

বিদিতবিভবং হৃদ্যৈঃ পদ্মৈর্বরাহমুখীস্তবং
সকলফলদং পূর্ণং মন্ত্রাক্ষরৈরিমমেব য়ঃ ।
পঠতি স পটুঃ প্রাপ্নোত্যায়ুশ্চিরং কবিতাং প্রিয়াং
সুতসুখধনারোগ্যং কীর্তিং শ্রিয়ং জয়মুর্বরাম্ ॥ ৯ ॥

ইতি শ্রীবরাহমুখীস্তবঃ সমাপ্তঃ ॥

Hymn to Goddess Varahamukhi Lyrics in Bengali

Leave a Reply

Your email address will not be published. Required fields are marked *

Scroll to top