Jabala Upanishad in Oriya:
॥ ଜାବାଲୋପନିଷତ୍ ॥
ଜାବାଲୋପନିଷତ୍ଖ୍ୟାତଂ ସଂନ୍ୟାସଜ୍ଞାନଗୋଚରମ୍ ।
ବସ୍ତୁତସ୍ତ୍ରୈପଦଂ ବ୍ରହ୍ମ ସ୍ୱମାତ୍ରମବଶିଷ୍ୟତେ ॥
ଓଁ ପୂର୍ଣମଦଃ ପୂର୍ଣମିଦଂ ପୂର୍ଣାତ୍ ପୂର୍ଣମୁଦଚ୍ୟତେ ।
ପୂର୍ଣସ୍ୟ ପୂର୍ଣମାଦାୟ ପୂର୍ଣମେବାବଶିଷ୍ୟତେ ॥
ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥
ଓଁ ବୃହସ୍ପତିରୁବାଚ ଯାଜ୍ଞବଲ୍କ୍ୟଂ ଯଦନୁ କୁରୁକ୍ଷେତ୍ରଂ
ଦେବାନାଂ ଦେବୟଜନଂ ସର୍ୱେଷାଂ ଭୂତାନାଂ ବ୍ରହ୍ମସଦନମ୍ ।
ଅବିମୁକ୍ତଂ ବୈ କୁରୁକ୍ଷେତ୍ରଂ ଦେବାନାଂ ଦେବୟଜନଂ ସର୍ୱେଷାଂ
ଭୂତାନାଂ ବ୍ରହ୍ମସଦନମ୍ ।
ତସ୍ମାଦ୍ୟତ୍ର କ୍ୱଚନ ଗଚ୍ଛତି ତଦେବ ମନ୍ୟେତ ତଦବିମୁକ୍ତମେବ ।
ଇଦଂ ବୈ କୁରୁକ୍ଷେତ୍ରଂ ଦେବାନାଂ ଦେବୟଜନଂ ସର୍ୱେଷାଂ
ଭୂତାନାଂ ବ୍ରହ୍ମସଦନମ୍ ॥
ଅତ୍ର ହି ଜନ୍ତୋଃ ପ୍ରାଣେଷୂତ୍କ୍ରମମାଣେଷୁ ରୁଦ୍ରସ୍ତାରକଂ ବ୍ରହ୍ମ
ବ୍ୟାଚଷ୍ଟେ ଯେନାସାବମୃତୀ ଭୂତ୍ୱା ମୋକ୍ଷୀ ଭବତି
ତସ୍ମାଦବିମୁକ୍ତମେବ ନିଷେବେତ ଅବିମୁକ୍ତଂ ନ
ବିମୁଞ୍ଚେଦେବମେବୈତଦ୍ୟାଜ୍ଞବଲ୍କ୍ୟଃ ॥ ୧ ॥
ଅଥ ହୈନମତ୍ରିଃ ପପ୍ରଚ୍ଛ ଯାଜ୍ଞବଲ୍କ୍ୟଂ ଯ ଏଷୋଽନନ୍ତୋଽବ୍ୟକ୍ତ
ଆତ୍ମା ତଂ କଥମହଂ ବିଜାନୀୟାମିତି ॥
ସ ହୋବାଚ ଯାଜ୍ଞବଲ୍କ୍ୟଃ ସୋଽବିମୁକ୍ତ ଉପାସ୍ୟୋ ଯ
ଏଷୋଽନନ୍ତୋଽବ୍ୟକ୍ତ ଆତ୍ମା ସୋଽବିମୁକ୍ତେ ପ୍ରତିଷ୍ଠିତ ଇତି ॥
ସୋଽବିମୁକ୍ତଃ କସ୍ମିନ୍ପ୍ରତିଷ୍ଠିତ ଇତି । ବରଣାୟାଂ ନାଶ୍ୟାଂ ଚ
ମଧ୍ୟେ ପ୍ରତିଷ୍ଠିତ ଇତି ॥
କା ବୈ ବରଣା କା ଚ ନାଶୀତି ।
ସର୍ୱାନିନ୍ଦ୍ରିୟକୃତାନ୍ଦୋଷାନ୍ୱାରୟତୀତି ତେନ ବରଣା ଭବତି ॥
ସର୍ୱାନିନ୍ଦ୍ରିୟକୃତାନ୍ପାପାନ୍ନାଶୟତୀତି ତେନ ନାଶୀ ଭବତୀତି ॥
କତମଂ ଚାସ୍ୟ ସ୍ଥାନଂ ଭବତୀତି । ଭ୍ରୁବୋର୍ଘ୍ରାଣସ୍ୟ ଚ ଯଃ
ସନ୍ଧିଃ ସ ଏଷ ଦ୍ୟୌର୍ଲୋକସ୍ୟ ପରସ୍ୟ ଚ ସନ୍ଧିର୍ଭବତୀତି । ଏତଦ୍ୱୈ
ସନ୍ଧିଂ ସନ୍ଧ୍ୟାଂ ବ୍ରହ୍ମବିଦ ଉପାସତ ଇତି । ସୋଽବିମୁକ୍ତ ଉପାସ୍ୟ ଇତି
। ସୋଽବିମୁକ୍ତଂ ଜ୍ଞାନମାଚଷ୍ଟେ । ଯୋ ବୈତଦେବଂ ବେଦେତି ॥ ୨ ॥
ଅଥ ହୈନଂ ବ୍ରହ୍ମଚାରିଣ ଊଚୁଃ କିଂ ଜପ୍ୟେନାମୃତତ୍ୱଂ ବ୍ରୂହୀତି ॥
ସ ହୋବାଚ ଯାଜ୍ଞବଲ୍କ୍ୟଃ । ଶତରୁଦ୍ରିୟେଣେତ୍ୟେତାନ୍ୟେବ ହ ବା
ଅମୃତସ୍ୟ ନାମାନି ॥
ଏତୈର୍ହ ବା ଅମୃତୋ ଭବତୀତି ଏବମେବୈତଦ୍ୟାଜ୍ଞବଲ୍କ୍ୟଃ ॥ ୩ ॥
ଅଥ ହୈନଂ ଜନକୋ ବୈଦେହୋ ଯାଜ୍ଞବଲ୍କ୍ୟମୁପସମେତ୍ୟୋବାଚ
ଭଗବନ୍ସଂନ୍ୟାସଂ ବ୍ରୂହୀତି । ସ ହୋବାଚ ଯାଜ୍ଞବଲ୍କ୍ୟଃ ।
ବ୍ରହ୍ମଚର୍ୟଂ ପରିସମାପ୍ୟ ଗୃହୀ ଭବେତ୍ । ଗୃହୀ ଭୂତ୍ୱା ବନୀ
ଭବେତ୍ । ବନୀ ଭୂତ୍ୱା ପ୍ରବ୍ରଜେତ୍ । ଯଦି ବେତରଥା
ବ୍ରହ୍ମଚର୍ୟାଦେବ ପ୍ରବ୍ରଜେଦ୍ଗୃହାଦ୍ୱା ବନାଦ୍ୱା ॥
ଅଥ ପୁନରବ୍ରତୀ ବା ବ୍ରତୀ ବା ସ୍ନାତକୋ ବାଽସ୍ନାତକୋ
ବୋତ୍ସନ୍ନଗ୍ନିକୋ ବା ଯଦହରେବ ବିରଜେତ୍ତଦହରେବ ପ୍ରବ୍ରଜେତ୍ ।
ତଦ୍ଧୈକେ ପ୍ରାଜାପତ୍ୟାମେବେଷ୍ଟି,ନ୍ କୁର୍ୱନ୍ତି । ତଦୁ ତଥା ନ
କୁର୍ୟାଦାଗ୍ନେୟୀମେବ କୁର୍ୟାତ୍ ॥
ଅଗ୍ନିର୍ହ ବୈ ପ୍ରାଣଃ ପ୍ରାଣମେବ ତଥା କରୋତି ॥
ତ୍ରୈଧାତବୀୟାମେବ କୁର୍ୟାତ୍ । ଏତୟୈବ ତ୍ରୟୋ ଧାତବୋ ଯଦୁତ
ସତ୍ତ୍ୱଂ ରଜସ୍ତମ ଇତି ॥
ଅୟଂ ତେ ଯୋନିରୃତ୍ୱିଜୋ ଯତୋ ଜାତଃ ପ୍ରାଣାଦରୋଚଥାଃ । ତଂ
ପ୍ରାଣଂ ଜାନନ୍ନଗ୍ନ ଆରୋହାଥା ନୋ ବର୍ଧୟ ରୟିମ୍ । ଇତ୍ୟନେନ
ମନ୍ତ୍ରେଣାଗ୍ନିମାଜିଘ୍ରେତ୍ ॥
ଏଷ ହ ବା ଅଗ୍ନେର୍ୟୋନିର୍ୟଃ ପ୍ରାଣଃ ପ୍ରାଣଂ ଗଚ୍ଛ
ସ୍ୱାହେତ୍ୟେବମେବୈତଦାହ ॥
ଗ୍ରାମାଦଗ୍ନିମାହୃତ୍ୟ ପୂର୍ୱଦଗ୍ନିମାଘ୍ରାପୟେତ୍ ॥
ଯଦ୍ୟଗ୍ନିଂ ନ ବିନ୍ଦେଦପ୍ସୁ ଜୁହୁୟାତ୍ । ଆପୋ ବୈ ସର୍ୱା ଦେବତାଃ
ସର୍ୱାଭ୍ୟୋ ଦେବତାଭ୍ୟୋ ଜୁହୋମି ସ୍ୱାହେତି ହୁତ୍ୱୋଧୃତ୍ୟ
ପ୍ରାଶ୍ନୀୟାତ୍ସାଜ୍ୟଂ ହବିରନାମୟଂ ମୋକ୍ଷମନ୍ତ୍ରଃ ତ୍ରୟ୍ୟୈବଂ
ବଦେତ୍ । ଏତଦ୍ବ୍ରହ୍ମୈତଦୁପାସିତବ୍ୟମ୍ । ଏବମେବୈତଦ୍ଭଗବନ୍ନିତି ବୈ
ଯାଜ୍ଞବଲ୍କ୍ୟଃ ॥ ୪ ॥
ଅଥ ହୈନମତ୍ରିଃ ପପ୍ରଚ୍ଛ ଯାଜ୍ଞବଲ୍କ୍ୟଂ ପୃଚ୍ଛାମି ତ୍ୱା
ଯାଜ୍ଞବଲ୍କ୍ୟ ଅୟଜ୍ଞୋପବୀତି କଥଂ ବ୍ରାହ୍ମଣ ଇତି । ସ ହୋବାଚ
ଯାଜ୍ଞବଲ୍କ୍ୟଃ । ଇଦମେବାସ୍ୟ ତଦ୍ୟଜ୍ଞୋପବୀତଂ ଯ ଆତ୍ମାପଃ
ପ୍ରାଶ୍ୟାଚମ୍ୟାୟଂ ବିଧିଃ ପରିବ୍ରାଜକାନାମ୍ । ବୀରାଧ୍ୱାନେ ବା
ଅନାଶକେ ବା ଅପାଂ ପ୍ରବେଶେ ବା ଅଗ୍ନିପ୍ରବେଶେ ବା ମହାପ୍ରସ୍ଥାନେ ବା
। ଅଥ ପରିବ୍ରାଡ୍ୱିବର୍ଣବାସା ମୁଣ୍ଡୋଽପରିଗ୍ରହଃ ଶୁଚିରଦ୍ରୋହୀ
ଭୈକ୍ଷଣୋ ବ୍ରହ୍ମଭୂୟାୟ ଭବତୀତି । ଯଦ୍ୟାତୁରଃ ସ୍ୟାନ୍ମନସା
ବାଚା ସଂନ୍ୟସେତ୍ । ଏଷ ପନ୍ଥା ବ୍ରହ୍ମଣା ହାନୁବିତ୍ତସ୍ତେନୈତି
ସଂନ୍ୟାସୀ ବ୍ରହ୍ମବିଦିତ୍ୟେବମେବୈଷ ଭଗବନ୍ୟାଜ୍ଞବଲ୍କ୍ୟ ॥ ୫ ॥
ତତ୍ର
ପରମହଂସାନାମସଂବର୍ତକାରୁଣିଶ୍ୱେତକେତୁଦୁର୍ୱାସଋଭୁନିଦାଘଜଡ
ଭରତଦତ୍ତାତ୍ରେୟରୈବତକ-
ପ୍ରଭୃତୟୋଽବ୍ୟକ୍ତଲିଙ୍ଗା ଅବ୍ୟକ୍ତାଚାରା ଅନୁନ୍ମତ୍ତା
ଉନ୍ମତ୍ତବଦାଚରନ୍ତସ୍ତ୍ରିଦଣ୍ଡଂ କମଣ୍ଡଲୁଂ ଶିକ୍ୟଂ ପାତ୍ରଂ
ଜଲପବିତ୍ରଂ ଶିଖାଂ ଯଜ୍ଞୋପବୀତଂ ଚ ଇତ୍ୟେତତ୍ସର୍ୱଂ
ଭୂଃସ୍ୱାହେତ୍ୟପ୍ସୁ ପରିତ୍ୟଜ୍ୟାତ୍ମାନମନ୍ୱିଚ୍ଛେତ୍ ॥
ଯଥା ଜାତରୂପଧରୋ ନିର୍ଗ୍ରନ୍ଥୋ ନିଷ୍ପରିଗ୍ରହସ୍ତତ୍ତଦ୍ବ୍ରହ୍ମମାର୍ଗେ
ସମ୍ୟକ୍ସମ୍ପନ୍ନଃ ଶୁଦ୍ଧମାନସଃ ପ୍ରାଣସନ୍ଧାରଣାର୍ଥଂ
ଯଥୋକ୍ତକାଲେ ବିମୁକ୍ତୋ ଭୈକ୍ଷମାଚରନ୍ନୁଦରପାତ୍ରେଣ
ଲାଭାଲାଭୟୋଃ ସମୋ ଭୂତ୍ୱା
ଶୂନ୍ୟାଗାରଦେବଗୃହତୃଣକୂଟବଲ୍ମୀକବୃକ୍ଷମୂଲକୁଲାଲଶାଲାଗ୍
ନିହୋତ୍ରଗୃହନଦୀପୁଲିନଗିରିକୁହରକନ୍ଦରକୋଟରନିର୍ଝରସ୍ଥଣ୍ଡିଲେଷୁ
ତେଷ୍ୱନିକେତବାସ୍ୟ ପ୍ରୟତ୍ନୋ ନିର୍ମମଃ
ଶୁକ୍ଲଧ୍ୟାନପରାୟଣୋଽଧ୍ୟାତ୍ମନିଷ୍ଠୋଽଶୁଭକର୍ମ-
ନିର୍ମୂଲନପରଃ ସଂନ୍ୟାସେନ ଦେହତ୍ୟାଗଂ କରୋତି ସ ପରମହଂସୋ
ନାମ ପରମହଂସୋ ନାମେତି ॥ ୬ ॥
ଓଁ ପୂର୍ଣମଦ ଇତି ଶାତିଃ ॥
ଇତ୍ୟଥର୍ୱବେଦୀୟା ଜାବାଲୋପନିଷତ୍ସମାପ୍ତା ॥
Also Read:
Jabala Upanishad Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
