Kali Shatanama Stotra Lyrics in Malayalam:
॥ കാലീശതനാമസ്തോത്രം ബൃഹന്നീലതന്ത്രാര്‍ഗതം ॥
ശ്രീദേവ്യുവാച ।
പുരാ പ്രതിശ്രുതം ദേവ ക്രീഡാസക്തോ യദാ ഭവാന്‍ ।
നാംനാം ശതം മഹാകാല്യാഃ കഥയസ്വ മയി പ്രഭോ ॥ 23-1 ॥
ശ്രീഭൈരവ ഉവാച ।
സാധു പൃഷ്ടം മഹാദേവി അകഥ്യം കഥയാമി തേ ।
ന പ്രകാശ്യം വരാരോഹേ സ്വയോനിരിവ സുന്ദരി ॥ 23-2 ॥
പ്രാണാധികപ്രിയതരാ ഭവതീ മമ മോഹിനീ ।
ക്ഷണമാത്രം ന ജീവാമി ത്വാം ബിനാ പരമേശ്വരി ॥ 23-3 ॥
യഥാദര്‍ശേഽമലേ ബിംബം ഘൃതം ദധ്യാദിസംയുതം ।
തഥാഹം ജഗതാമാദ്യേ ത്വയി സര്‍വത്ര ഗോചരഃ ॥ 23-4 ॥
ശൃണു ദേവി പ്രവക്ഷ്യാമി ജപാത് സാര്‍വജ്ഞദായകം ।
സദാശിവ ഋഷിഃ പ്രോക്തോഽനുഷ്ടുപ് ഛന്ദശ്ച ഈരിതഃ ॥ 23-5 ॥
ദേവതാ ഭൈരവോ ദേവി പുരുഷാര്‍ഥചതുഷ്ടയേ ।
വിനിയോഗഃ പ്രയോക്തവ്യഃ സര്‍വകര്‍മഫലപ്രദഃ ॥ 23-6 ॥
മഹാകാലീ ജഗദ്ധാത്രീ ജഗന്‍മാതാ ജഗന്‍മയീ ।
ജഗദംബാ ഗജത്സാരാ ജഗദാനന്ദകാരിണീ ॥ 23-7 ॥
ജഗദ്വിധ്വംസിനീ ഗൌരീ ദുഃഖദാരിദ്ര്യനാശിനീ ।
ഭൈരവഭാവിനീ ഭാവാനന്താ സാരസ്വതപ്രദാ ॥ 23-8 ॥
ചതുര്‍വര്‍ഗപ്രദാ സാധ്വീ സര്‍വമങ്ഗലമങ്ഗലാ ।
ഭദ്രകാലീ വിശാലാക്ഷീ കാമദാത്രീ കലാത്മികാ ॥ 23-9 ॥
നീലവാണീ മഹാഗൌരസര്‍വാങ്ഗാ സുന്ദരീ പരാ ।
സര്‍വസമ്പത്പ്രദാ ഭീമനാദിനീ വരവര്‍ണിനീ ॥ 23-10 ॥
വരാരോഹാ ശിവരുഹാ മഹിഷാസുരഘാതിനീ ।
ശിവപൂജ്യാ ശിവപ്രീതാ ദാനവേന്ദ്രപ്രപൂജിതാ ॥ 23-11 ॥
സര്‍വവിദ്യാമയീ ശര്‍വസര്‍വാഭീഷ്ടഫലപ്രദാ ।
കോമലാങ്ഗീ വിധാത്രീ ച വിധാതൃവരദായിനീ ॥ 23-12 ॥
പൂര്‍ണേന്ദുവദനാ നീലമേഘവര്‍ണാ കപാലിനീ ।
കുരുകുല്ലാ വിപ്രചിത്താ കാന്തചിത്താ മദോന്‍മദാ ॥ 23-13 ॥
മത്താങ്ഗീ മദനപ്രീതാ മദാഘൂര്‍ണിതലോചനാ ।
മദോത്തീര്‍ണാ ഖര്‍പരാസിനരമുണ്ഡവിലാസിനീ ॥ 23-14 ॥
നരമുണ്ഡസ്രജാ ദേവീ ഖഡ്ഗഹസ്താ ഭയാനകാ ।
അട്ടഹാസയുതാ പദ്മാ പദ്മരാഗോപശോഭിതാ ॥ 23-15 ॥
വരാഭയപ്രദാ കാലീ കാലരാത്രിസ്വരൂപിണീ ।
സ്വധാ സ്വാഹാ വഷട്കാരാ ശരദിന്ദുസമപ്രഭാ ॥ 23-16 ॥
ശരത്ജ്യോത്സ്നാ ച സംഹ്ലാദാ വിപരീതരതാതുരാ ।
മുക്തകേശീ ഛിന്നജടാ ജടാജൂടവിലാസിനീ ॥ 23-17 ॥
സര്‍പരാജയുതാഭീമാ സര്‍പരാജോപരി സ്ഥിതാ ।
ശ്മശാനസ്ഥാ മഹാനന്ദിസ്തുതാ സംദീപ്തലോചനാ ॥ 23-18 ॥
ശവാസനരതാ നന്ദാ സിദ്ധചാരണസേവിതാ ।
ബലിദാനപ്രിയാ ഗര്‍ഭാ ഭൂര്‍ഭുവഃസ്വഃസ്വരൂപിണീ ॥ 23-19 ॥
ഗായത്രീ ചൈവ സാവിത്രീ മഹാനീലസരസ്വതീ ।
ലക്ഷ്മീര്ലക്ഷണസംയുക്താ സര്‍വലക്ഷണലക്ഷിതാ ॥ 23-20 ॥
വ്യാഘ്രചര്‍മാവൃതാ മേധ്യാ ത്രിവലീവലയാഞ്ചിതാ ।
ഗന്ധര്‍വൈഃ സംസ്തുതാ സാ ഹി തഥാ ചേന്ദാ മഹാപരാ ॥ 23-21 ॥
പവിത്രാ പരമാ മായാ മഹാമായാ മഹോദയാ ।
ഇതി തേ കഥിതം ദിവ്യം ശതം നാംനാം മഹേശ്വരി ॥ 23-22 ॥
യഃ പഠേത് പ്രാതരുത്ഥായ സ തു വിദ്യാനിധിര്‍ഭവേത് ।
ഇഹ ലോകേ സുഖം ഭുക്ത്വാ ദേവീസായുജ്യമാപ്നുയാത് ॥ 23-23 ॥
തസ്യ വശ്യാ ഭവന്ത്യേതേ സിദ്ധൌഘാഃ സചരാചരാഃ ।
ഖേചരാ ഭൂചരാശ്ചൈവ തഥാ സ്വര്‍ഗചരാശ്ച യേ ॥ 23-24 ॥
തേ സര്‍വേ വശമായാന്തി സാധകസ്യ ഹി നാന്യഥാ ।
നാംനാം വരം മഹേശാനി പരിത്യജ്യ സഹസ്രകം ॥ 23-25 ॥
പഠിതവ്യം ശതം ദേവി ചതുര്‍വര്‍ഗഫലപ്രദം ।
അജ്ഞാത്വാ പരമേശാനി നാംനാം ശതം മഹേശ്വരി ॥ 23-26 ॥
ഭജതേ യോ മഹകാലീം സിദ്ധിര്‍നാസ്തി കലൌ യുഗേ ।
പ്രപഠേത് പ്രയതോ ഭക്ത്യാ തസ്യ പുണ്യഫലം ശൃണു ॥ 23-27 ॥
ലക്ഷവര്‍ഷസഹസ്രസ്യ കാലീപൂജാഫലം ഭവേത് ।
ബഹുനാ കിമിഹോക്തേന വാഞ്ഛിതാര്‍ഥീ ഭവിഷ്യതി ॥ 23-28 ॥
ഇതി ശ്രീബൃഹന്നീലതന്ത്രേ ഭൈരവപാര്‍വതീസംവാദേ കാലീശതനാമനിരൂപണം
ത്രയോവിംശഃ പടലഃ ॥ 23 ॥
Also Read:
Kali Shatanama Stotram Brihan Nila Tantra Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
