Gita - Geetaa

Kama Gita Lyrics in Bengali

Kama Geetaa in Bengali:

॥ কামগীতা ॥
Mahabharata – Ashvamedhika Parva 14.13
কামস্য শক্তিকথনেন দুর্জয়ৎবকথনপূর্বকং তজ্জয়োপায়কথনম্ ।

বাসুদেব উবাচ ।
ন বাহ্যং দ্রব্যমুৎসৃজ্য সিদ্ধির্ভবতি ভারত ।
শারীরং দ্রব্যমুৎসৃজ্য সিদ্ধির্ভবতি বা ন বা ॥ ১ ॥

বাহ্যদ্রব্যবিমুক্তস্য শারীরেষু চ গৃহ্যতঃ ।
যো ধর্মো যৎসুখং চৈব দ্বিষতামস্তু তত্তব ॥ ২ ॥

দ্ব্যক্ষরস্তু ভবেন্মৃত্যুস্ত্র্যক্ষরং ব্রহ্ম শাশ্বতম্ ।
মমেতি দ্ব্যক্ষরো মৃত্যুর্নমমেতি চ শাশ্বতম্ ॥ ৩ ॥

ব্রহ্মমৃত্যূ ততো রাজন্নাত্মন্যেব ব্যবস্থিতৌ ।
অদৃশ্যমানৌ ভূতানি যোধয়েতামসংশয়ম্ ॥ ৪ ॥

অবিনাশোঽস্য তত্ত্বস্য নিয়তো যদি ভারত ।
ভিত্ত্বা শরীরং ভূতানামহিংসাং প্রতিপদ্যতে ॥ ৫ ॥

লব্ধ্বা হি পৃথিবীং কৃৎস্নাং সহস্থাবরজঙ্গমাম্ ।
মমৎবং যস্য নৈব স্যাৎকিং তয়া স করিষ্যতি ॥ ৬ ॥

অথবা বসতঃ পার্থ বনে বন্যেন জীবতঃ ।
মমতা যস্য বিত্তেষু মৃত্যোরাংস্যে স বর্ততে ॥ ৭ ॥

ব্রাহ্যান্তরাণাং শত্রূণাং স্বভাবং পশ্য ভারত ।
যন্ন পশ্যতি তদ্ভূতং মুচ্যতে স মহাভয়াৎ ॥ ৮ ॥

কামাত্মানং ন প্রশংসন্তি লোকে নেহাকামা কাচিদস্তি প্রবৃত্তিঃ ।
সর্বে কামা মনসোঽঙ্গ প্রভূতা যান্পণ্ডিতঃ সংহরতে বিচিন্ত্য ॥ ৯ ॥

ভূয়োভূয়ো জন্মনোঽভ্যাসয়োগাদ্যোগী যোগং সারমার্গং বিচিন্ত্য ।
দানং চ বেদাধ্যযনং তপশ্চ কাম্যানি কর্মাণি চ বৈদিকানি ॥ ১০ ॥

ব্রতং যজ্ঞান্নিয়মান্ধ্যানয়োগান্কামেন যো নারভতে বিদিৎবা ।
যদ্যচ্চায়ং কাময়তে স ধর্মো নয়ো ধর্মো নিয়মস্তস্য মূলম্ ॥ ১১ ॥ যদ্যদ্ধ্যযং

অত্র গাথাঃ কামগীতাঃ কীর্তয়ন্তি পুরাবিদঃ ।
শৃণু সঙ্কীর্ত্যমানাস্তা অখিলেন যুধিষ্ঠির ।
কাম উবাচ ।
নাহং শক্যোঽনুপায়েন হন্তুং ভূতেন কেনচিৎ ॥ ১২ ॥

যো মাং প্রয়ততে হন্তুং জ্ঞাৎবা প্রহরণে বলম্ ।
তস্য তস্মিন্প্রহরণে পুনঃ প্রাদুর্ভবাম্যহম্ ॥ ১৩ ॥

যো মাং প্রয়ততে হন্তুং যজ্ঞৈর্বিবিধদক্ষিণৈঃ ।
জঙ্গমেষ্বিব ধর্মাত্মা পুনঃ প্রাদুর্ভবাম্যহম্ ॥ ১৪ ॥

যো মাং প্রয়ততে হন্তুং বেদৈর্বেদান্তসাধনৈঃ ।
স্থাবরেষ্বিব ভূতাত্মা তস্য প্রাদুর্ভবাম্যহম্ ॥ ১৫ ॥

যো মাং প্রয়ততে হন্তুং ধৃত্যা সত্যপরাক্রমঃ ।
ভাবো ভবামি তস্যাহং স চ মাং নাববুধ্যতে ॥ ১৬ ॥

যো মাং প্রয়ততে হন্তুং তপসা সংশিতব্রতঃ ।
ততস্পপসি তস্যথ পুনঃ প্রাদুর্ভবাম্যহম্ ॥ ১৭ ॥

যো মাং প্রয়ততে হন্তুং মোক্ষমাস্থায় পণ্ডিতঃ ।
তস্য মোক্ষরতিস্থস্য নৃত্যামি চ হসামি চ ।
অবধ্যঃ সর্বভূতানামহমেকঃ সনাতনঃ ॥ ১৮ ॥

তস্মাত্ত্বমপি তং কামং যজ্ঞৈর্বিবিধদক্ষিণৈঃ ।
ধর্মে কুরু মহারাজ তত্র তে স ভবিষ্যতি ॥ ১৯ ॥

(যজস্ব বাজিমেধেন বিধিবদ্ দক্ষিণাবতা ।
অন্যশ্চ বিবিধৈর্যজ্ঞৈঃ সমৃদ্ধ্যৈরাপ্তদক্ষিণৈঃ ॥)
মা তে ব্যথাঽস্তু নিহতান্বন্ধূন্বীক্ষ্য পুনঃপুনঃ ।
ন শক্যাস্তে পুনর্দ্রষ্ট্রং যেঽহতাস্মিন্রণাজিরে ॥ ২০ ॥

স ৎবমিষ্ট্বা মহায়জ্ঞৈঃ সমৃদ্ধৈরাপ্তদক্ষিণৈঃ ।
কীর্তিং লোকে পরাং প্রাপ্য গতিমগ্র্যাং গমিষ্যসি ॥ ২১ ॥

ইতি শ্রীমন্মহাভারতে অশ্বমেধপর্বণি
কৃষ্ণধর্মরাজসংবাদে ত্রয়োদশোঽধ্যায়ে কামগীতা সমাপ্তা ॥ ১৩ ॥

Also Read:

Kama Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Add Comment

Click here to post a comment