Kama Geetaa in Oriya:
॥ କାମଗୀତା ॥
Mahabharata – Ashvamedhika Parva 14.13
କାମସ୍ୟ ଶକ୍ତିକଥନେନ ଦୁର୍ଜୟତ୍ୱକଥନପୂର୍ୱକଂ ତଜ୍ଜୟୋପାୟକଥନମ୍ ।
ବାସୁଦେବ ଉବାଚ ।
ନ ବାହ୍ୟଂ ଦ୍ରବ୍ୟମୁତ୍ସୃଜ୍ୟ ସିଦ୍ଧିର୍ଭବତି ଭାରତ ।
ଶାରୀରଂ ଦ୍ରବ୍ୟମୁତ୍ସୃଜ୍ୟ ସିଦ୍ଧିର୍ଭବତି ବା ନ ବା ॥ ୧ ॥
ବାହ୍ୟଦ୍ରବ୍ୟବିମୁକ୍ତସ୍ୟ ଶାରୀରେଷୁ ଚ ଗୃହ୍ୟତଃ ।
ଯୋ ଧର୍ମୋ ଯତ୍ସୁଖଂ ଚୈବ ଦ୍ୱିଷତାମସ୍ତୁ ତତ୍ତବ ॥ ୨ ॥
ଦ୍ୱ୍ୟକ୍ଷରସ୍ତୁ ଭବେନ୍ମୃତ୍ୟୁସ୍ତ୍ର୍ୟକ୍ଷରଂ ବ୍ରହ୍ମ ଶାଶ୍ୱତମ୍ ।
ମମେତି ଦ୍ୱ୍ୟକ୍ଷରୋ ମୃତ୍ୟୁର୍ନମମେତି ଚ ଶାଶ୍ୱତମ୍ ॥ ୩ ॥
ବ୍ରହ୍ମମୃତ୍ୟୂ ତତୋ ରାଜନ୍ନାତ୍ମନ୍ୟେବ ବ୍ୟବସ୍ଥିତୌ ।
ଅଦୃଶ୍ୟମାନୌ ଭୂତାନି ଯୋଧୟେତାମସଂଶୟମ୍ ॥ ୪ ॥
ଅବିନାଶୋଽସ୍ୟ ତତ୍ତ୍ୱସ୍ୟ ନିୟତୋ ଯଦି ଭାରତ ।
ଭିତ୍ତ୍ୱା ଶରୀରଂ ଭୂତାନାମହିଂସାଂ ପ୍ରତିପଦ୍ୟତେ ॥ ୫ ॥
ଲବ୍ଧ୍ୱା ହି ପୃଥିବୀଂ କୃତ୍ସ୍ନାଂ ସହସ୍ଥାବରଜଙ୍ଗମାମ୍ ।
ମମତ୍ୱଂ ଯସ୍ୟ ନୈବ ସ୍ୟାତ୍କିଂ ତୟା ସ କରିଷ୍ୟତି ॥ ୬ ॥
ଅଥବା ବସତଃ ପାର୍ଥ ବନେ ବନ୍ୟେନ ଜୀବତଃ ।
ମମତା ଯସ୍ୟ ବିତ୍ତେଷୁ ମୃତ୍ୟୋରାଂସ୍ୟେ ସ ବର୍ତତେ ॥ ୭ ॥
ବ୍ରାହ୍ୟାନ୍ତରାଣାଂ ଶତ୍ରୂଣାଂ ସ୍ୱଭାବଂ ପଶ୍ୟ ଭାରତ ।
ଯନ୍ନ ପଶ୍ୟତି ତଦ୍ଭୂତଂ ମୁଚ୍ୟତେ ସ ମହାଭୟାତ୍ ॥ ୮ ॥
କାମାତ୍ମାନଂ ନ ପ୍ରଶଂସନ୍ତି ଲୋକେ ନେହାକାମା କାଚିଦସ୍ତି ପ୍ରବୃତ୍ତିଃ ।
ସର୍ୱେ କାମା ମନସୋଽଙ୍ଗ ପ୍ରଭୂତା ଯାନ୍ପଣ୍ଡିତଃ ସଂହରତେ ବିଚିନ୍ତ୍ୟ ॥ ୯ ॥
ଭୂୟୋଭୂୟୋ ଜନ୍ମନୋଽଭ୍ୟାସୟୋଗାଦ୍ୟୋଗୀ ଯୋଗଂ ସାରମାର୍ଗଂ ବିଚିନ୍ତ୍ୟ ।
ଦାନଂ ଚ ବେଦାଧ୍ୟଯନଂ ତପଶ୍ଚ କାମ୍ୟାନି କର୍ମାଣି ଚ ବୈଦିକାନି ॥ ୧୦ ॥
ବ୍ରତଂ ଯଜ୍ଞାନ୍ନିୟମାନ୍ଧ୍ୟାନୟୋଗାନ୍କାମେନ ଯୋ ନାରଭତେ ବିଦିତ୍ୱା ।
ଯଦ୍ୟଚ୍ଚାୟଂ କାମୟତେ ସ ଧର୍ମୋ ନୟୋ ଧର୍ମୋ ନିୟମସ୍ତସ୍ୟ ମୂଲମ୍ ॥ ୧୧ ॥ ଯଦ୍ୟଦ୍ଧ୍ୟଯଂ
ଅତ୍ର ଗାଥାଃ କାମଗୀତାଃ କୀର୍ତୟନ୍ତି ପୁରାବିଦଃ ।
ଶୃଣୁ ସଙ୍କୀର୍ତ୍ୟମାନାସ୍ତା ଅଖିଲେନ ଯୁଧିଷ୍ଠିର ।
କାମ ଉବାଚ ।
ନାହଂ ଶକ୍ୟୋଽନୁପାୟେନ ହନ୍ତୁଂ ଭୂତେନ କେନଚିତ୍ ॥ ୧୨ ॥
ଯୋ ମାଂ ପ୍ରୟତତେ ହନ୍ତୁଂ ଜ୍ଞାତ୍ୱା ପ୍ରହରଣେ ବଲମ୍ ।
ତସ୍ୟ ତସ୍ମିନ୍ପ୍ରହରଣେ ପୁନଃ ପ୍ରାଦୁର୍ଭବାମ୍ୟହମ୍ ॥ ୧୩ ॥
ଯୋ ମାଂ ପ୍ରୟତତେ ହନ୍ତୁଂ ଯଜ୍ଞୈର୍ୱିବିଧଦକ୍ଷିଣୈଃ ।
ଜଙ୍ଗମେଷ୍ୱିବ ଧର୍ମାତ୍ମା ପୁନଃ ପ୍ରାଦୁର୍ଭବାମ୍ୟହମ୍ ॥ ୧୪ ॥
ଯୋ ମାଂ ପ୍ରୟତତେ ହନ୍ତୁଂ ବେଦୈର୍ୱେଦାନ୍ତସାଧନୈଃ ।
ସ୍ଥାବରେଷ୍ୱିବ ଭୂତାତ୍ମା ତସ୍ୟ ପ୍ରାଦୁର୍ଭବାମ୍ୟହମ୍ ॥ ୧୫ ॥
ଯୋ ମାଂ ପ୍ରୟତତେ ହନ୍ତୁଂ ଧୃତ୍ୟା ସତ୍ୟପରାକ୍ରମଃ ।
ଭାବୋ ଭବାମି ତସ୍ୟାହଂ ସ ଚ ମାଂ ନାବବୁଧ୍ୟତେ ॥ ୧୬ ॥
ଯୋ ମାଂ ପ୍ରୟତତେ ହନ୍ତୁଂ ତପସା ସଂଶିତବ୍ରତଃ ।
ତତସ୍ପପସି ତସ୍ୟଥ ପୁନଃ ପ୍ରାଦୁର୍ଭବାମ୍ୟହମ୍ ॥ ୧୭ ॥
ଯୋ ମାଂ ପ୍ରୟତତେ ହନ୍ତୁଂ ମୋକ୍ଷମାସ୍ଥାୟ ପଣ୍ଡିତଃ ।
ତସ୍ୟ ମୋକ୍ଷରତିସ୍ଥସ୍ୟ ନୃତ୍ୟାମି ଚ ହସାମି ଚ ।
ଅବଧ୍ୟଃ ସର୍ୱଭୂତାନାମହମେକଃ ସନାତନଃ ॥ ୧୮ ॥
ତସ୍ମାତ୍ତ୍ୱମପି ତଂ କାମଂ ଯଜ୍ଞୈର୍ୱିବିଧଦକ୍ଷିଣୈଃ ।
ଧର୍ମେ କୁରୁ ମହାରାଜ ତତ୍ର ତେ ସ ଭବିଷ୍ୟତି ॥ ୧୯ ॥
(ଯଜସ୍ୱ ବାଜିମେଧେନ ବିଧିବଦ୍ ଦକ୍ଷିଣାବତା ।
ଅନ୍ୟଶ୍ଚ ବିବିଧୈର୍ୟଜ୍ଞୈଃ ସମୃଦ୍ଧ୍ୟୈରାପ୍ତଦକ୍ଷିଣୈଃ ॥)
ମା ତେ ବ୍ୟଥାଽସ୍ତୁ ନିହତାନ୍ବନ୍ଧୂନ୍ୱୀକ୍ଷ୍ୟ ପୁନଃପୁନଃ ।
ନ ଶକ୍ୟାସ୍ତେ ପୁନର୍ଦ୍ରଷ୍ଟ୍ରଂ ଯେଽହତାସ୍ମିନ୍ରଣାଜିରେ ॥ ୨୦ ॥
ସ ତ୍ୱମିଷ୍ଟ୍ୱା ମହାୟଜ୍ଞୈଃ ସମୃଦ୍ଧୈରାପ୍ତଦକ୍ଷିଣୈଃ ।
କୀର୍ତିଂ ଲୋକେ ପରାଂ ପ୍ରାପ୍ୟ ଗତିମଗ୍ର୍ୟାଂ ଗମିଷ୍ୟସି ॥ ୨୧ ॥
ଇତି ଶ୍ରୀମନ୍ମହାଭାରତେ ଅଶ୍ୱମେଧପର୍ୱଣି
କୃଷ୍ଣଧର୍ମରାଜସଂବାଦେ ତ୍ରୟୋଦଶୋଽଧ୍ୟାୟେ କାମଗୀତା ସମାପ୍ତା ॥ ୧୩ ॥
Also Read:
Kama Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
